قصر الشامى

ضحك مالك وسيلين على نقاشهم ونقارهم
مريم:قوليلى ياحبيبتى قادره توفقى بين الدراسه والشغل
سيلين:الحمد لله انا كمان مش يشتغل ساعات كتير
كامل:طيب ماتيجى تستغلى معايا هنا ايه رأيك
سيلين:بجد المكان تحفه لكن جدو حيزعل
كامل:لا مالكيش دعوه انا حكلمه احنا كده كده نازلين مصر وانتى معانا
سيلين باستغراب:انا كمان حنزل طيب ليه
مريم:علشان نطلب ايدك من اهلك ونعمل الزفاف
سيلين بخجل:بس الدراسه
مالك:فى اجازه اسبوع بين كل ميد تيرم
سيلين:هو اسبوع يكفى اخلص حاجتى
مريم:احنا قبل ماننزل وناخد الفستان من هنا وتحضر كل إللى انتى عوزاه والفرح حنعمله فى الاوتيل بتاعنا
سيلين:لكن جدو لسه مايعرفش ومش عارفه رأيه حيكون ايه
كامل:حبيبتى انا مايفوتنيش الأصول قبل ماتقعدى معانا انا كلمته وطلبت ايدك منه وهو عارف انك معانا دلوقتى كمان
سيلين بكسوف وفرحه:إللى تشوفوه
مالك:خلاص ان شاء الله ننزل فى الاجازة
مريم:ومن بكره ان شاء الله حنزل انا وانتى فى أوقات فراغك نشترى كل إللى ناقصك بس انتوا قررتوا تعيشوا معانا فى الفيلا ولا لوحدكم
مالك:لسه ماتكلمناش فى الموضوع ده لكن زى ماسيلين تحب
سيلين:انا عاوزه اعيش مع ماما مريم
كامل :وانا لأ يعنى
سيلين باحراج:لا طبعا وحضرتك
مريم :أنتى تنورى أى مكان ياقلبى وانا عارفه انك حتملى بيتنا فرحه وماتتصوريش انا حبيتك من أول مالك ماحكالنا عنك
سيلين:ميرسى ياماما
مريم:ربنا يخليكى لينا ويفرحك انتى وابنى حبيبى ببعض
مالك:حبيبتى يامريومه ربنا يخليكى لينا
سيلين:اللهم آمين
سيلين كانت فرحانه ومبسوطه جدا بلقاءها مع اهل مالك وحست أنهم عيلتها ان ربنا عوضها بيهم عن امها وأبوها إللى مش قادره تسامحهم لحد دلوقتى
مريم كمان كانت مرتاحه لسيلين وحست ان هى دى إللى حتفرح ابنها
مالك كمان حس ان رهبة سيلين من اهله اختفت وان امه وأبوه قدروا يحتووها ويقربوها منهم
انتهت المقابله ومالك وصل سيلين للبيت وراح يقابل جسور
جسور:ايه يا عم من لقا احبابه نسى أصحابه ولا ايه
مالك:احنا حنقر من أولها
جسور:المهم طمنى ايه الأخبار
مالك:لا كله تمام وحسيت انها حبت ماما اوى ومريومه انت عارفها ماشيه تحب فى الناس فما بالك بقى بعروسة ابنها
جسور:كيمو ومريومه دول عسل
مالك:هههه مسمعكش كان زمانه بيجرى وراك دلوقتى
جسور :وحشونى يلا بقى ودينى عندهم لان قاعدة الفندق خنقتنى والفيلا سيلين قاعده فيها
مالك:اياك تروح ناحية الفيلا
جسور:ههههه انت بتغير عليها منى ده أنا حماك ياابنى
مالك:لا والله طيب يلا يااونكل
مشى جسور ومالك على بيت اهل مالك إللى رحبوا بيه جدا وكأنه واحد من البيت عدى اليوم وتانى يوم سيلين راحت على جامعتها كالعاده لكن اتحرجت انها تروح لمالك المكتب ودخلت على قاعة المحاضرات دخل مالك القاعه لقاها موجوده اتضايق انها ماعديتش عليه شرح المحاضره وكان بيحاول يبعد عينه عنها وهى لاحظت غضبه منها لكن ماكنتش عارفه ليه قررت تروح وراه بعد المحاضره
خلصت المحاضره وخرج مالك دخل مكتبه
سيلين جمعت اوراقها ودخلت وراه
سيلين بابتسامه:ممكن ادخل
مالك بغضب :والله لسه فاكره
سيلين :انا بس كنت محرجه انى اجيلك
مالك:بعد كده أول ماتوصلى تيجى أشوفك وقبل ماتخرجى من البيت اصلا المفروض تكلمينى
سيلين :حاضر متزعلش بقى
مالك بابتسامه:مقدرش ازعل منك انا زعلت انى ماشوفتش حبيبى الصبح وبدأت يومى بيه
سيلين:لا ده كده كتير اوى عليا
مالك بحب:لا ياروحى ده ولا أى حاجه اكتر عليكى
سيلين :ربنا يخليك ليا يلا انا خمسة بقى علشان عندى شغل
مالك:حتبدأى مع بابا شغل من أمتى
سيلين:مش عارفه وقت مايحب
مالك:خلاص انا حكلمه انهارده وحبلغك
سيلين:اوكيه تمام سلام
مالك:مع السلامه ومش حوصيكى خدى بالك من نفسك علشان دى بقت بتاعتى انا
سيلين بخجل هزت رأسها بالموافقه و خرجت جرى
راحت على الشركه وعدى اليوم
وفى بداية يوم جديد صحيت سيلين من نومها بدرى علشان تستقبل ميسون لان طيارتها حتوصل الساعه ٧صباحا
وصلت المطار مع السائق واستقبلتها
ميسون:حبيبتى ياسيلين وحشتينى اوى
سيلين وهى بتحضـ،ـنها :وانتى كمان ياحبيبتى وحشانى يلا بقى علشان قدامنا حاجات كتير
ميسون:حاجات مش حنروح لجسور
سيلين:انتى عبيطه يابنتي حتروحيله كده ودلوقتي تعالى بس معايا وسيبيلى نفسك خالص
اخدت سيلين ميسون ورجعت الفيلا كانت سيلين مجهزالها فستان سواريه أسود طويل على شكل السمكه ومن فوق توب بعد.مارتاحت من السفر دخلت أخدت شاور وخرجت لبـ,,ـست الفستان وسيلين عملتلها ميكب هادى جدا وفردت شعرها ميسون كان شكلها اجمل من فنانات هوليود وفستانها الاسود مع بشرتها البيضاء وشعرها الذهبى كأن لوحه فنيه ابدع فيها الرسام
لكن سيلين اتفاجئت بمريم جيالها البيت ومعاها شنطه كبير ه
سيلين:اهلا ماما مريم اتفضلى ياحبيبتى
مريم :لا ياقلبى مافيش وقت مالك باعتلك ده وبيقولك هو مستنيكى مع جسور روحى مع ميسون
سيلين:حاضر ياماما طيب تعالى اعرفك بميسون
مريم:معلش بكره ان شاء الله تعالوا اتغدوا معايا واتعرف عليها
سيلين:خلاص ان شاء الله ياحبيبتى
خرجت مريم وفتحت سيلين الشنطه لقيته فستان من اللون الأخضر الداكن ومرصع بالفصوص الذهبى طويل وبأكمام طويله لكن شكله رائع الجمال
ميسون:ايه ده ايه الجمال ده كله
سيلين:ده مالك بعتهولى
ميسون:اه ده العريس إللى كلم جدو
سيلين:ايه ده انتى تعرفى
ميسون:ايوه سمعت جدو وهو بيقول اونكل ماجد وطنط ابتسام
سيلين بضيق:ويقولهم ليه هما مالهم
ميسون:انسى ياسيلين وبعدين هما لازم يعرفوا
سيلين:خلاص انا مش عاوزه اتضايق قبل مااخرج انا حجهز بسرعه والسواق حيوصلنا
لبـ,,ـست سيلين بسرعه وظبطتت مكياجها وخرجت هى وميسون وراحوا على المنتجع كان مالك فهم جسور ان باباه عاوزه علشان موضوع سيلين وطبعا جسور وافق وراح معاه لمصلحة صاحبه وبنت عمه لكن كانت المفاجاه لما مالك طلع قابل سيلين وشاور لميسون على مكان جسور إللى كان مجهزه من قبل كده
جسور كان قاعد مستنى والد مالك ومالك إللى قاله انه رايح ينادى والده لكن لقى ميسون هى إللى لأقرب منه
جسور بصدمه وفرحه:ميسون انتى بتعملى ايه هنا
ميسون بحب:وحشتنى جيت أشوفك وتكمن عليك
جسور:وحشتك بجد
ميسون:انا بحبك ومش حقدر أبعد عنك حتى لو حخسر مستقبلى كله
جسور :وانا وعدتك انى عمرى ماحقف فى طريق مستقبلك وانا لسه عند وعدى
ميسون:انت مستقبلى
جسور:انا معاكى وحنتجوز وحتدخلى الجامعه وتدرسى الطب واول ماتتخرجى حعملك أكبر مستشفى فى تخصصك
ميسون بفرحه:ربنا يخليك ليا
جسور:ويخليكى ليا ياقلب وعيون وعمر جسور كله
ميسون:يعنى مش زعلان منى
جسور:تفتكرى ينفع أزعل بعد المفاجأة الحلوه دى ده انا حتى يبقى ومعنديش دم
ميسون:ماتقولش على نفسك كده
جسور:بحبك
ميسون:وانا بمووووووت فيك
قعد جسور وميسون يتعاتبوا وهى وعدته ان عمرها ماحتنطق كلمة انفصال تانى وهو وعدها انه يقف جنبها وتحقق حلمها
اما مالك فكان محضر لسيلين مفاجأه هو كمان وعاملها قاعده خاصه بيهم
سيلين أول ماشافتها فرحت جدا انه افتكرها وحب يفرحها هى كمان
سيلين:دى علشان انا
مالك :أيوه ياحبيبتى علشان انا محتاج اتكلم معاكى لوحدنا
اخدها مالك وقعدوا فى المكان إللى مجهزه ليها إللى كان عباره عن كوخ مغطيه بالستان الابيض والمصابيح منوره حوالين المكان على شكل قلب وكان على البحر مباشرتا
مالك:انا عارف ياسيلين انى استعجلتك جدا خصوصا لما اتقابلتى مع أهلى ولقتيهم بيتكلموا فى الفرح ونعيش فين وانا حتى ماسألتكيش عن رأيك فيا
سيلين:انا فرحتى نسيتى كل ده
مالك:يعنى انتى بجد فرحانه موافقه ترتبطى بيا
سيلين بخجل:أيوه
مالك بفرحه:أنا أسعد انسان فى الدنيا
سيلين:مالك أنا مريت بحاجات كتير صعبه فى حياتى وجـ،ـعتنى جدا ويمكن تكون كسرتنى من جوايا لكن بعد ماعرفتك حسيت انك انت الوحيد إللى حتقدر تداوى وجـ،ـعى وكسرتى وبعد ماشوفت والدتك ووالدك حسيت ان ربنا راضى عنى علشان كده عوضنى بيهم
مالك:ربنا يقدرني وأسعدك واحققلك كل إللى بتتمنيه
سيلين:يارب
قطع عليهم جوهم الرومانسى رنة تليفون مالك وكان جسور
مالك:بذمتك فى حد يتصل فى وقت زى ده
جسور:بقى انت بقى عاملى جو وحركات ماشى ياسيدى تسلم بجد مفاجأه جميله لكن مش يلا بقى نروح البنات ولا انت ناوى تبات هنا
مالك:والله ياابنى انا مش لاقى كلام اقوله
جسور:لا بجد يلا علشان ميسون ماتتعبش
مشى مالك وسيلين لمكان جسور وميسون
جسور:بتعملى مؤامرات عليا ياسيلين ماشى ده انا حظبطك فى الشغل
ومالك:ومين قالك انها حتشتغل معاك اصلا
جسور:ايه ده انتى حتقعدى من الشغل كمان لا ده شكله مسيطر
مالك: لا ياسيدى هى حتشتغل مع بابا هنا فى المنتجع
جسور:ماشى ياسيدى براحتك
سيلين بضحك:كده بسهوله بعتنى طيب أمسك فيا مجامله حتى
جسور:لا انتى عوزاه يرحلنى من هنا
ميسون:معلش ياسيلين حقك عليا انا
جسور:طيب يلا ياست الحنونه
سيلين:ايوه ياميسون يلا بينا علشان ماما مريم عزمانا بكره على الغدا وعاوزه تتعرف عليكى
جسور:ايه ده ايه ده مريومه بقت ماما
مالك:يلا بينا ياابنى امى اكلت الجو مننا خلاص
خرج الجميع من المنتجع ورجعوا البيت على موعد بلقاء بكره

 

الحلقه العشرون/
بعد ماوصل مالك وجسور البنات للبيت راحوا هما على بيت مالك اما سيلين معرفتش تخلص من زن ميسون عليها ان تحكيلها كل حاجه عن مالك
سيلين:يعنى انتى ناويه على سهره ومنعرفش نقوم الصبح نروح لماما مريم
ميسون:بقولك ايه تيجى نعمل فشار ونسهر شويه اصل انسى انى اسيبك قبل مااعرف كل حاجه
سيلين:طيب تعالى معايا احكيلك وانا بعمله
دخل البنات للمطبخ بعد ماغيروا لبـ,,ـسهم بملابس مريحه وعملت سيلين الفشار
ميسون:ها يلا بقى احكى
سيلين:شوفى يا ستى انا قابلت مالك أول ماوصلت فى الأول ماكنتش طيقاه وابتدت عـ،ـلاقتنا بمشاكل بعدها سمعت عنه من زميلى فريد ومن وقتها حسيت انى بفكر فيه كتير لقيته هو كمان مهتم بيا جدا ويغير عليا من كل إللى حواليا حسيت انى بتشد له ومابينتش خوفت يعرف عن امى وابويا وعن جوازى بجسور خصوصا بعد ماعرفت انه صاحب عمره ينزلنى من نظره ودى كانت حتبقى الضـ،ـربه القاضيه ليا لكن الحمد لله لقيته انسان متفهم وحنين حسسنى بالأمان إللى عمرى ماعرفته فى حياتى حتى اهله ناس كده تحية معاهم بألفه غريبه كأنك تعرفيهم من يوم ولادتك
ميسون:ياااه ياسيلى ده انتى حبتيه اوى كده
سيلين:لقيت معاه إللى مالقتهوش مع أهلى هو صحيح غيور جدا وتحسى كده انه ليه أصول صعيدية وأنه لااتعلم ولاعاش فى باريس خالص لكن حتى ده حبيته فيه
ميسون:سيدى ياسيدى
سيلين:المهم طمنينى انتى عملت ايه مع زوجك العزيز
ميسون وهى بترميها بالمخده:انتى بتتريقى طبعا زوجى العزيز الحبيب الغالى وكل حاجه فى دنيتى كمان
سيلين:ياولاااااا ده انتى بقيتى شاعره
ميسون:بحبه ياسيلين بحبه أوى وقت ماحسيت ان ممكن ننفصل عن بعض حسيت ان عمرى انتهى
سيلين:بعد الشر عنك ياقلبى ربنا يخليكم لبعض ويالا بقي ننام أحسن نتأخر على الناس بكره
ميسون:يلا تصبحى على خير
سيلين:وانتى من أهل الخير
دخلت كل بنت لغرفتها تنام لكن مين يجيلوه نوم فى ليله حلوه اجتمع فيها كل قلبين لبعض
كان ده نفس الحال عند جسور ومالك إللى برده قعدوا يفضفضوا مع بعض لحد وقت متأخر وفى الاخر وصل سلطان النوم لعيونهم
ومع اشراقة شمس يوم جديد كل واحد من ابطالنا كان بيستعد علشان يبدأ يومه
جسور راح على شركته وقبلها كلم ميسون اطمن عليها
مالك راح على الجامعه واستنى سيلين تروحله مكتبه
سيلين قررت مانروحش الجامعه علشان تستعد لعظمة الغدا وحتنسى تكلم مالك تقوله
ميسون كانت صاحيه فى منتهى الحيويه والنشاط وخصوصا بعد مكالمة جسور
مالك كان قاعد مشغول جدا من تأخير سيلين كمان دخل المحاضره لقاها مش موجوده. خلص المحاضره وربنا اعلم بحاله لكن اتوعد جواه لسيلين على استهتارها بيه وقرر مايتصلش بيها لحد ماهر تتصل او تيجى عندهم البيت
جهزت البنات واتأكدت انهم فى قمة شياكتهم وجمالهم وميسون كلمت جسور علشان يعدى ياخدهم فى طريقه وصل جسور واخد البنات وفى طريقهم
ميسون:حبيبى احنا حنرجع امتى
جسور:مش عارف سيلين انتى حتخلصى امتى علشان نرجع مع بعض
سيلين:تقريبا قدامى اسبوعين واخد اجازه
ميسون:خلاص مش كتير نرجع مع بعض
جسور:وحشتينى اوى على فكره
ميسون بخجل:وانت كمان
سيلين:احممم نحن هنا
جسور:هو مالك حيسبقنا على هناك
سيلين وهى بتضـ،ـرب جبهتها:ياخبر ده انا نسيت أكلمه خالص انهارده
جسور:ههههه وقعتك سوده ياحبيبتى مالك مابيرحمش
سيلين بخوف:ده ازاى يعنى وانت حتسيبه
جسور:وانا مالى انتوا احرار مع بعض
ميسون:ازاى تنسى والله له حق
جسور:ياولد انت ياعاقل
ميسون بفخر:ههههه علشان تعرف
وصلوا عند بيت اهل مالك وكانت سيلين مرعوبه من زعل مالك منها
دخل جسور ومعاه البنات واستقبلتهم مريم بكل الحب
مريم:حبايب قلبى تعالوا اتفضلوا
جسور:مريومه حبيبتى دى ميسون مراتى
مريم وهى بتحـ،ـضن ميسون:يااهلا يااهلا بمرات ابنى التانى
ميسون:اهلا بحضرتك ياطنط
مريم:ايه طنط دى انا مش بحب كده ياتقوليلى ماما زى سيلين يا اما تقوليلى مريومه زى الواد ده وصاحبه
كامل مقاطعا :وزيى انا كمان ولا انتى نسيتينى يامريومه هانم
مريم:وانا اقدر برده ياحبيبى ده انت الخير والبركة
جسور:ايه ده قدامنا كده حتحببوا فى بعض
كامل:نحب ايه ياواد انت دى بتقولك بركه انا بقيت بركه ده انا فى عز شبابى ياست مريم ولا ايه ياسيلين
سيلين:طبعا يااونكل
مريم:بتيعينى ياسيلين ماشى بتبيعى امك حبيبتك
سيلين:مااقدرش ياماما والله بس مش حنكر كمان انه زى القمر
كامل:شوفتى الناس إللى بتقدر
مريم:طيب تعالوا نقعد ولا حتفضلوا واقفين كده
دخل الجميع لليفينج رووم وكانت قاعده من بدايتها مرحه ولذيذة لكن عيون سيلين كانت بتدور على مالك
مريم:مالك لسه ماجاش
سيلين:هه بتقولى حاجه ياماما

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى