قصر الشامى

جسور:مالك طيب جدا وحنون لدرجه انتى بجد محتجاها لكن غيور جدا وعصبى جدا جدا جدا لكن حقيقي انا اتمنى انه يرتبط بيكى
سيلين:يرتبط بمين ببنت دادا ابتسام
جسور:مالك عاقل ومتفهم وانتى مش محتاجه تحكى عن ماشى واتقفل خصوصا ان مامتك دلوقتى عايشه مع باباكى قدام الدنيا كلها
سيلين:طيب وجوازى منك تفتكر حيتفهمه برده
جسور:مالك كان عارف كل حاجه من وقتها
سيلين بصدمه:ايه ازاى يعنى هو كان عارفنى من الأول
جسور:افهمى يامجنونه انا كنت حاكيله عن سبب جوازى من بنات عمى وموضوع العهد القديم وبعدها اتصل يطمن عليا ويعرف انا عملت ايه لانه كان دايما يوصينى انى ماظلمش حد منكن فأنا حكيتله على اتفاقك معايا وهو احترمك رأيك وقرارك جدا وقتها لكن هو ماكانش يعرف انك انتى مراتى التانيه حتى لما كلمنى علشان يسألني عنك اتفاجئ انك بنت عمى وحتى انا مش عارف هو فهم انك انتى نفسها بنت عمى إللى كنتى مراتى ولا لأ
سيلين:طيب انت حتقوله ؟
جسور:رغم انى افضل انك انتى تقوليله لكن انا حقولهاله فى نص الكلام
سيلين:وانت ناوى تعمل ايه مع ميسون
جسور:انا حفضل قاعد هنا لحد ماتاخد قرارها

 

الحلقه الثامنة عشر/
ميسون بعد ما خرجت من المستشفى وعرفت أن ماحصلش طـ،ـلاق وان جسور سافر وسابلها حرية الاختيار كانت محتاره ومش عارفه تعمل ايه احساسها انه سابها وهى تعبانه وجـ،ـعها جدا وخوفها من انها تكون نسخه مصغره من امها كسرها الحب خلاها على حافة الهاوية بالرغم من عدم وجود جسور فى حياتها مد،مرها وواجعها حاسه كأن قلبها ضايع منها حاسه انها جـ,,ـسد بدون روح لكن حينقذها من دوامة افكارها صوت رنة تليفونها بصوت فى شاشة التليفون لقيتها سيلين
ميسون بصوت ضعيف:ألو سيلين وحشتينى اوى
سيلين:وأنتى كمان وحشتينى ياحبيبتى صحتك عامله ايه دلوقتى
ميسون ببكاء:تعبانه ياسيلين حاسه انى بمـ،ـوت وجسور بعيد عنى
سيلين:اهدى طيب علشان صحتك وحاولى تاخدى قرار ماتندميش عليه
ميسون:سابنى فى عز تعبى وسافر
سيلين:مين قالك كده جسور ماسافرش غير يوم ماخرجتى من المستشفى
ميسون:جدو وماما قالولى انه بعد مااطمن انى خرجت فى غرفه عاديه رجع اخد شنطة هدومه وسافر
سيلين:هو عرفهم كده لكن حجز فى فندق وكان بييجى يشوفك كل يوم ويطمن عليكى ولسه واصل فرنسا من يومين
ميسون:هو إللى قالك يعنى هو لسه بيحبنى
سيلين:انا مش عارفه المفروض أقولك إللى قولتها واللى حقوله ولا لأ لكن انتى اختى الصغيره انا عوزاكى تعرفى ان جسور حبك من قلبه وخايف عليكى جدا صحيح انتى وجـ،ـعتيه اوى وأهانتى رجولته باختيارك الانفصال كل شويه لكن هو فى الاخر لسه متمسك بيكى حاولى ماتخسريهوش
ميسون ببكاء:انا تايهه اوى ياسيلين ومش عارفه اعمل ايه انا خايفه خايفه من كل حاجه لو انتى بجد بتعتبرينى اختك ساعدينى
سيلين:اسمعى انا حقولك على فكره لكن اهم حاجه تكونى من جواهر عاوزه تكملى معاه لان المره دى لو اتصالحتوا وعملتى أي حاجه تانى حتكون نهاية النهاية
ميسون بأمل:لا اطمنى انا مش حقدر اعيش من غيره
سيلين:خلاص اطلبى من جدو انك تيجى باريس فى اسرع وقت يعنى بكره لو تقدرى وأكدى عليه مايبلغش جسور خالص
ميسون:خلاص ماشى ماتقلقيش جدو عمره ماحيقوله
سيلين:خلاص انا حجهز كل حاجه وحستناكى وقت وصولك
ميسون:خلاص سلام بقى انا حنزل أقول لجدو
سيلين:سلام يا حبيبتى
قفلت ميسون مع سيلين ونزلت لجدها المكتب طلبت منه تسافر وجدها طبعا وافق علشان يجمع شملهم من تانى وبدأ فعلا تليفونات علشان يخلص الإجراءات
……………………………………….
اما سيلين بعد ماقفلت مع ميسون فكرت ازاى توجدلهم مكان رومانسى وتفاجئ جسور بوجود ميسون ولقت ان مافيش حد ممكن يساعدها غير فريد
راحت على الشركه وكلها امل فى فريد
سيلين:فريد الحمد لله انى لقيتك
فريد:ليه خير حصل حاجه مع مالك تانى
سيلين:لا مالك ايه سيبك منه المهم انا عاوزه احجز مكان كده رومانسى جدا بس بشرط الكلام ده مش عاوزه مخلوق يعرف عنه حاجه
فريد وهو بيغمز بعنيه:سيدى ياسيدى عاوزه تظبطى الجو بتاعك ولا ايه
سيلين:ايييه جو ايه انا معنديش جو
فريد:خلاص خلاص ماتكسفيش بس والله انا مش صعبان عليا غير مالك إللى حيتصدم فيكى
سيلين:تصور انى كنت غلطانه لما فكرت انك حتساعدنى انا حروح لهشام اطلب مساعدته
فريد:لا استنى استنى انتى بتتكلمى بجد
سيلين:اومال يعنى بهزر معاك ولعلمك بقى ده مش ليا خالص ده لبنت عمى وجوزها
فريد:تعرفى مين أكتر واحد يقدر يساعدك
سيلين بلهفه:مين
فريد:مالك العدوى
سيلين:بالإعلانات الله الغنى عن مساعدته ده مجنون
فريد:اسمعى كلامى والد مالك عنده أكبر وتفهم منتجع سياحى هنا وفى شويه أماكن رومانسيه اخر حاجه
سيلين :ولو لا خلاص انا حتصرف
فريد:براحتك
قعدت سيلين تكمل شغلها لكن كان عقلها مشغول بميسون وجسور وازاى حتتصرف. سيلين لنفسها:حعمل ايه والبت خلاص حتيجى ده مش بعيد الاقيها هنا بكره انا ازاى بس اكلم مالك فى حاجه زى دى لالالا أكلمه ده ايه يعنى بعد ماشتمته وسيبته وخرجت أكلمه طيب وايه يعنى ماجسور بيقول عليه طيب وحنون جدا يمكن يساعدنى خصوصا لما يعرف انه علشان جسور انا حتوكل على الله واروحله مكتبه فى الجامعه وهى فرصه لو فتح معايا موضوعنا احكيله كل حاجه
خبطت سيلين على المكتب بأيديها وقامت وقفت أخدت شنطتها وخرجت تروح الجامعه لمالك وصلت الجامعه وراحت على مكتب مالك علطول وقفت عند الباب متردده تخبط وتدخل ولا ترجع وتلجأ لهشام
لكن لقت صوت مالك جنب منها
مالك:انتى كنتى عوزانى
سيلين بصدمه:هه اه لأ
مالك:ايوه ولا لأ مالك فى حد ضايقك
سيلين باحراج:لا ماحدش ضايقنى بصراحه انا كنت عاوزه منك خدمه
مالك :اتفضلى ادخلى طيب وأؤمرينى ياسيلين عاوزه ايه محتاجه حاجه
سيلين بذهول من كرمه:لا مش محتاجه حاجه الموضوع كله ان جسور زعلان مع مراته وهى حتيجى علشان تصالحه وعاوزه اوفرلهم مكان رومانسى وتعلمه مفاجأه وكده يعنى
مالك:خلاص يا ستى وده إللى موترك اوى كده واعتبرى كل حاجه جاهزه
سيلين بفرحه:بجد انا مش عارفه اقولك ايه شكل فريد كان عنده حق
مالك بغضب:فريد انتى طلبتى من فريد
سيلين:أيوه انا سألته وهو إللى قالى اطلب منك
مالك :وانا مش قولتلك ماتكلميش فريد تانى
سيلين:هو علشان انا طلبت منك خدمه حتتدخل فى تصرفاتى خلاص اعتبرنى ماطللبتش حاجه
وقامت سيلين علشان تمشى
مالك بعصبيه:سيلين لما اكون بكلمك أوعى تسيبينى وتمشى ومش علشان انتى طلبتى انا بطلب مقابل لانى طلبت منك ماتتكلميش مع فريد ولا أى حد قبل كده وده لانى بحبك وبغير عليكى
سيلين لقيتها فرصه تفتح معاه موضوعهم وتحكيله عن كل حاجه رجعت قعدت قدامه تانى
سيلين:مالك مش شايف انك اتسرعت أوى فى كلمه بحبك دى وأنت متعرفش عنى أى حاجه
مالك:الحب مش محتاج معرفه انا حبيتك من أول دقيقه شوفتك فيها وقبل مااعرف انك من عيلة الشامى يعنى حتى لو كنتى مجرد موظفه عندهم كنت برده حطلب ايدك من اهلك
سيلين:لكن انا مش بتكلم على الظروف الماديه انا بتكلم عن حياتى الشخصيه انت متعرفش عنى حاجه
مالك:ومش عاوز اعرف حاجه
سيلين:لا لازم تعرف انى كان مكتوب كتابى على جسور ابن عمى وصاحبك وانى طلعت مش امى والدادا طلعت امى
مالك بصدمه:يعنى انتى بنت عمه إللى اتفقت معاه انهم يكونوا اخوات
سيلين:أيوه انا
مالك:لو سألتى جسور حيقولك انى كنت محترم موقفك جدا وموضوع والدتك ده انا ماليش دعوه بيه انا ليا الانسانه إللى حرتبط بيها وانها تحترمنى وتحترم أسمى إللى حتشيله وتحبنى وتخاف عليا
سيلين والدموع في عينيها:يعنى انت مش زعلان ولا صدمتك بكلامى
مالك بابتسامه :تؤتؤتؤتؤ المهم انتى حاسه انك حابه تكملى معايا
سيلين بخجل هزت رأسها بالموافقه
مالك:لا سمعينى صوتك ولا انتى بس بتسمعينى صوتك وانتى بتعترضى
سيلين بفرحه:ايوه
مالك:وانا ياحبيبتى من انهارده اعتبرينى مصباح علاء الدين كل حاجه بتحلمى بيها ححقهالك
سيلين:شكرا انا المهم عندى دلوقتى جسور وميسون يرجعوا لبعض
مالك:انتى انسانه جميله ونظرتى فيكى كانت فى محلها وانا يا ستى ححضر كل حاجه انتى بس شوفى حتوصل امتى وكلمينى
سيلين بحماس :حاضر حكلمها وابلغك وقامت تخرج من عنده وهى الفرحه منوره وشها
مالك:سيلين
سيلين:نعم
مالك:خلى بالك من نفسك ماتكلميش حد ولما تعزز حاجه تطلبيها منى علطول
سيلين:حاضر
مالك:بحبك على فكره
سيلين اتكسفت جدا وشها احمر وخرجت تجرى من المكتب وهى ماسكه قلبها وحست ان دقات قلبها يكاد يكون كل الناس سمعتها من الفرحه اخيرا قابلت حد يحبها هى حد بيعرض عليها الدنيا كلها انسان يخاف عليها ويكون حمايه من كل إللى مرت بيه اتنهدت ومسكت تليفونها تكلم ميسون
ميسون:سيلين حبيبتى عملتى ايه
سيلين:انا جاهزه انتى حتيجى امتى
ميسون:انا جايه بعد بكره ان شاء الله
سيلين:خلاص تمام حستناكى فى المطار
ميسون:ماشى وبجد ياسيلى مش عارفه اشكرك ازاى
سيلين:ياااه من زمان اوى ما حد نادانى بأسم الدلع ده لكن عموما ماتشكرنيش احنا اخوات يلا سلام
ميسون:مع السلامه
قفلت مع ميسون ورجعت تانى تبلغ مالك لأنها اكتشفت ان مش معاها رقم تليفونه
مالك:اتفضل
سيلين:انا رجعت بس علشان مالقيتش رقمك عندى وحبيت أبلغك انها حتوصل بعد بكره ان شاء الله
مالك وهو بيشاور على عيونه :من عينيا كل حاجه حتكون جاهزه وبكره ان شاء الله حوريهالك قبل ماهى تيجى وهاتى تليفونك علشان اسجلك رقمى
سيلين وهى بتعطيه تليفونها :اتفضل
مالك اخد التليفون وسجل رقمه واتصل عليه سجل رقمها
مالك:انا أخدت رقمك ورقمى معاكى أول مااخلص حبلغك واخدك تشوفى كل حاجه بنفسك
سيلين:ميرسى
مالك:مالوش لزوم الكلام ده انتى عندك محاضرات انهارده
سيلين:لا معنديش
مالك:انتى رايحه على فين دلوقتى
سيلين:حرجع على الشركه
مالك:طيب ممكن اقابلك بعد الشغل اعرفك على والدتى
سيلين:هى والدتك عايشه هنا
مالك :أيوه هى ووالدى
سيلين:ربنا يخليهملك وعموما انا حقول لجسور وأكلمك
مالك:انا حكلمه روحى انتى خلصى شغلك وكلمينى
سيلين :حاضر
خرجت سيلين رجعت على الشركه وهى حاسه انها داخله على امتحان صعب بانها تقابل ام مالك
ومالك خرج راح لوالده علشان يبدأ يجهز المكان لجسور وميسون
جهزت المكان وكان شكله رائع كان عباره عن أرض من النجيله الخضراء ةمفروش عليها كنبتين من اللون الروز وكل كنبه عليها تربيعات كبيره من اللون الروز والأخضر متحاوطه بفازات الزهور والمصابيح المضيئه والقاعدة كانت امام البحر مباشرتا ومعمول شرفه من الورد والزرع الاخضر
عدى النهار وسيلين خلصت شغلها وراحت لجسور مكتبه تبلغه انها خارجه مع مالك
سيلين:جسور عامل ايه انهارده
جسور بحزن:حعمل ايه بتابع الشغل ومستنى تكملنى لكن شكلها كده أخدت قرارها
سيلين:ماتظلمهاش واديها وقتها على فكره انا اتكلمت مع مالك
جسور:صحيح ده كلمنى وقالى انكم خارجين تقابلوا والدته
سيلين:ايوه ماانا كنت جايه اقولك
جسور:روحى وافتحى قلبك ليها مش حتلاقي احن منها أبدأ
سيلين:اوكيه ربنا يطمنك انت كمان زى ماطمنتنى
خرجت سيلين ورجعت على البيت فى طريقها غيرت لبـ,,ـسها ولبـ,,ـست ملابس كلاسيك تناسب الموقف وبعدها كلمت مالك تبلغه انها جاهزه وبالفعل قابلها واخدها المنتجع السياحى عند والده اخدها الأول فرجها المكان إللى جهزه لميسون وجسور واتبهرت جدا وقت ماشافته ماكنتش مصدقه ان مالك ذوقه حلو كده وكانت فرحانه جدا انها حتقدر تسعد جسور بعد احساسها بحزنه
مالك:ايه ياحبيبتى مش عجباكى
سيلين:بالعكس دى تحفه
مالك:الحمد لله انها عجبتك كنت خايف ذوقى مايعجبكيش
سيلين:ده ذوقك رائع حقيقي جميله
مالك:طيب يلا بينا علشان تقابلى ماما
سيلين بخوف:اوكيه يلا

&&&&&ياترى حيكون ايه انطباع والدة مالك عن سيلين وحيكون ايه رد فعل جسور بعد مفاجأة ميسون&&&&&

الحلقه التاسعة عشر/
سيلين راحت مع مالك تقابل والدته ووالده كانت خايفه جدا لكن مالك حس بكده مسك ايدها علشان يديها احساس بالأمان وفعلا وصلها إحساسه انه سندها وامانها وصلت عند المكان كانت قاعده سيده عمرها حوالى ستون عام يتضح عليها الوقار والارستقراطيه ورجل بنفس العمر اويكبرها بسنوات وسيم يشبه مالك كثيرا
مالك معرفا:سيلين وطبعا دى والدتى وده والدى
سيلين:اهلا بحضرتك ياطنط وحضرتك يااونكل
والده مالك:لا تعالى فى حـ،ـضنى الأول وأسمى ماما مريم مافيش طنط دى تانى
سيلين بابتسامه وهى بتحـ،ـضنها :حاضر ياماما مريم
مريم :ايوه كده شطوره
والد مالك:انا بقى تقوليلى اونكل تقولى بابا براحتك انا ديمقراطى مش زى مريم خالص
مريم:يعنى انا ديكتاتوره ياكامل

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى