عريس يا بووووى

دا انا اللى هخلى اللون الأحمر بيزغرط فى وشك
وبدات تضرب فى هايدى بضحك وفجاة سكتت هايدى لما لقت باباها واقف بيبصلها وفى دموع فى عينيه
راحت وقفت قدامة ،مسح دموعه وبصلها قالها قولى انك مش عايزة تمشى وتسيبنا
ردت تهانى قول انت انك مش عايز بنتك تمشى وتسيبك
انت كنت بتزعق لها النهاردة لما كنا هناك عشان حسيت انها خلاص هتبقى فى مكان تانى وملك لحد تانى
فريد نزل عينه ومردش لانها الحقيقة،هايدى بنته الوحيدة اللى عمرها مافارقته
هايدى حضنت باباها بسرعه جدا وبقت تعيط هي كمان قالت له خلاص يا بابا انا لسه باقول لماما انا مش عايزه اتجوز و بقول لك انت كمان دلوقت انا مش عايزه اتجوز خليني معكم
ضحك فريد :طب وسى حمزة يهون عليك ربنا يسعدك يا حبيبتي انا بتمنى انك تفرحي والفراق بس اللي صعب شويه
تهاني: انا عايزاك تمشي من دلوقت مش كمان 15 يوم هايدي :خلاص بقى يا تهاني هاسيب لك الرجل اهو
تهانى:دا انا هاحسبهم من النهارده ال15 يوم دول
اخيرا هرتاح انت لازقة ليا في كل حاجه مش في الراجل بس كنت ضـ..ــرتي مش بنتى
بس اقول اى ربنا يسعدك يا حبيبتي
هايدى:من قلبك يا ماما ولا عايزانى امشي وخلاص
تهاني :من قلبي من عيني من بقى المهم انك تمشي يا حبيبتي كفايه عليكى كده
فريد :هايدى حمزة طلب مني ان احنا هنروح نشوف العفش بكره اعملي حسابك
هايدي: على طول كده يا بابا
فريد:ايوه يا بنتي خلاص ما فيش وقت
هايدى:خلاص ماشي يا بابا انت شايف انه صح انا موافقة عليه
وفاء الغرباوى
تهاني: لو على اللي بنشوفه كان المفروض اتجوزتى من زمان والله
هايدى:انتى بايعني اوى يا تهانى ودا مش حلو دا انا حتى شبهك
تهانى:والله ما خايفه غير على حمزه و ام حمزه
هايدي: ليه تهاني ده انا اللي بنتك
تهانى:ماهو عشان بنتى يا هايدي انا عارفك كويس
وعارفة الناس دى هيحصلها اى تسأليني انا
هايدى:شايف يا بابا تهانى بتقول اى اقولك اتجوز عليها بعد ما امشى
تهانى جريت وراء هايدى وعايزة تضربها وهايدي اختفت وراء باباها وبتصرخ:الحقنى يا بابا
فريد: خلاص ياتهاني سيبها بقا ويلا نخرج احنا كمان تهاني :ايوه يا اخويا بعد ما خلصت وصله الحب وهى تحـ..ــرق دـ..ــمى
هايدي :تصبحوا على خير
وخرج فريد وتهاني وسابوها لوحدها فكرت انها تتصل ب حمزه رنيت علي حمزه وفتح الخط وهو نائم
حمزه :خير يا حبيبتي في حاجه انت كويسه بابا وماما كويسين
هايدي: ايوه بابا ماما كويسين بس انا مش كويسه حمزه :مالك يا حبيبتي فيكى ايه
هايدي :فرحى كمان 15 يوم وانا مش عايزه اتجوز
حمزة:تصبح على خير
هايدى:حمزززززززة فوق كده
حمزة: انت مجنونه ياهايدي متصله بيا الساعه ثلاثه الصبح وقال اي مش عايزه اتجوز
المفروض انا اعمل ايه
هايدي :ولا حاجه يا حمزه انت متعملش حاجه تصبح على خير
اتنهد حمزة وحاول يفوق:مالك يا هايدى ليه مش عايزة نتجوز دلوقت
المفروض اننا متفقين وبينا الحمد لله درجة قبول كبيرة
مش عايزه لى
هايدى:هتفهمنى ولا هتتريق عليا
حمزة:انتى خايفة منى يا هايدى
هايدى:مش عارفة،انا فيه حاجة كان نفسى اعيشها وانا مخطوبة
حمزة:ممكن تتكلمي علطول يا هايدى
هايدى:نخرج سوا نتفسح سواء ،مش هتفهمنى
حمزة :لا فاهمك وفاهمك كويس جدا وكل اللى انتى عايزاه هنعمله سواء ولما نكون متجوزين هيبقى اسهل كتير مش عايز يحصل مع باباكى زى يوم الخطوبه ،عايز يبقى راينا وحياتنا لينا واوعدك هعمل اللى انت عايزاه واحسن مما تتوقعي
هايدي:بجد يا حمزة هتخليك معايا وتفضل فاهمنى زى دلوقتى
وفاء الغرباوى
حمزة :ياقلب حمزة وروحه انا فاهمك دايما بس ياريت تفضلى كيوت كده
هايدى ضحكت وقالت خلاص الحق انام وانا كيوت كده
حمزة:تصبح على خير يا قلب حمزة
هايدى؛وانت من اهل الخير
حمزة :اقفلى يا هايدى بسرعة
وخلصت المكالمة زى كل يوم بشقاوة حمزة وكسوف هايدى
عدى الليل بسرعة وطلع النهار عشان تبدا حكاية جديدة من حكايات حمزه وهايدي بس المره دي في المول عشان يختاروا اثاث بيتهم وكانت المفاجاه ان هم راحوا المول
انبهرت هايدي بالمكان جدا من روعة الاثاث وجماله
واحتياجات البيت العصرى كله
بدات تشوف الحاجه بس مش بعينيها بس بعينيها وبعينين حمزه بيختاره كل حاجه سوا لحد ما جه وقف قدامهم عامل في المحل في المول بيشوفهم عايزين ايه فعلا بدا معهم و يمشي معاهم وهما بيختاروا الالوان وكل حاجة
سمعت هايدي صوت غريب وفجاه مالت على حمزة وهو فهم هى تقصد اى وضحكوا سوا بس اتكلمت بصوت عالى وقالت خالى جزمتك بتزيق
حمزة حط ايده على بقها بس للاسف كان الراجل سمع واحرج جدا منها
عدى اليوم حلو لانها اختارت اثاث حلو
عدى اليوم والايام اللى بعده بفرحة هايدى بتجهيز شقتها اكتر ماكانت بتحلم
كانت شقة رائعة فى بساطتها فى الوانها
حمزة احتواها جدا جدا وهى حست ان ربنا اختار لها الافضل مما كانت تحلم
لحد يوم الفرح
فرح عادى جدا وبسيط بس الفرحة اللى قلب هايـ,ـدى وحمـ,ـزة كانت سر سعادتهم
هايدى كانت ملكة بالابيض وحمزة كان فارس بـ,ـس بالبـ,ـدلة
بس مفاجاة الفرح ان هايدى خلعت الشـ,ـوز بتاعها عشـ,ـان تاخد راحتها فى الجنان والرقص
وحمزة مااعترضش خالص بالعكـ,ـس شـ,ـاركها الجـ,ـنان
لانها ليلة العمر
عريس يامااااااى خلصت كـ,ـده ومفيـ,ـش حلقـ,ـات تانى خالص منها ولا حتى حلقات خاصة
الحلقات الاولى كانت اقـ,ـوى فى الضـ,ـحك والكـ,ـوميديا
هى حكاية وضحكنا عليـ,ـها فيها مـ,ـواقف حقيقـ,ـية جدا
وحصلت بالفعل
بس الحياة فيها الضـ,ـحك والجد
رغم اعتراض البعـ,ـض ان دى حاجـ,ـات مبتحلـ,ـصش او ان فيه واحدة بجنان هايدى
لا فيه واعرفهم شـ,ـخصيا
الفكرة منها للبنات تعـ,ـرف ان اختـ,ـيار ربنا لينا الاحـ,ـسن والافضل
ونصاحب اهلنا ونسمع كلامهم
ومهما اتاخر سن الزواج أكيد لحكمة ربنـ,ـا يعلمـ,ـها
شكرا ليكم ويارب تكونوا استمتعوا بيـ,ـها
مبسوطة بكل حد بيـ,ـحب عريـ,ـس يامااااااى


