قصر الشامى

سيلين :اطمنى ياستى لما ينام عندى حبقى الـ,,ـبس بدلة صاعقه
ضحكوا كلهم لكن جسور كان فرحان على غيرة ميسون عليه وحمد ربنا على تفهم سيلين للموقف وإلا كان زمانه واقع فى مشاكل كتير بعد ماقعدوا كتير مع ميسون خرج كل واحد وراح على غرفته
اما عند الجد وعايده بعد مااخدت كفايتها من إهانات من عمها على عملتها طلعت لغرفتها وهى الشر بينط من عينيها ونوت على رد بيوجـ،ـع علشان يعرفوا ان مش هى إللى ممكن تسكت على الاهانه مسكت تليفونه واتصلت برقم
عايده:عوزاك تسمعنى كويس
المجهول:اؤمرى ياهانم
عايده:نفذ إللى اتفقنا عليه
المجهول :بكره الصبح حتسمعى الخبر
قفلت عايده التليفون ابتسامه شيطانية مرسومه على وشها
…………………….
وفى نهار يوم جديد خرج كل واحد لشغله بعد مااتجمعوا على الفطار كالعاده ولكن لأول مره الكل يقعد يفطر من غير كلام
جسور قبل مايخرج نادى على سيلين وطلب منها تنتبه على ميسون من عايده وسيلين طمنته انها حتكون معاها طول الوقت لكن ميسون ماكنتش تعرف ايه الحوار الداير بينهم وده كان مضايقها وماارتاحتش غير لما جسور نادا عليها لكنه المره دى ماكانش فرحان من غيرتها عليه اد مازعل من عدم ثقتها فيه وخصوصا بعد ماعرفت اتفاقه مع سيلين
جسور بغضب:فى ايه ياميسون وشك اتغير ليه وانتى شيفانى بكلم سيلين
ميسون:عادى مافيش حاجه انا كويسه
جسور:ميسون لو سمحتي عاوز ثقتك فيا تكون اكتر من كده لانى ابتديت اتضايق وعموما اما ارجع لينا كلام تانى واعرف انى خارج وزعلان منك بجد
قال كلامه وخرج وسابها حتمـ،ـوت من خوفها على زعله طلعت تجرى على غرفتها وفضلت تبكى وحاسه ان قلبها مقبوض دخلت عندها سيلين لقيتها على حالها ده حاولت تهديها وتخرجها من إللى هى فيه وفهمتها انه كان بيوصيها عليها وده ضايقها اكتر لكن قبضة قلبها بتزيد
ميسون:سيلين انا حاسه انى متضايقه اوى
سيلين :خلاص يابنتي هما كلمتين حلوين وحيروق
ميسون:لا ياسيلين مش علشان كده انا حاسه بقبـ،ـضه فى قلبى
سيلين :ربنا يستر ياحبيبتى انتى بس علشان حبيب القلب زعلان منك ماتخافيش سيبيه على ربنا
ميسون:ونعمه بالله
سيلين:انا حخرج اشوف مامى فين
ميسون:ماشى
خرجت سيلين وراحت على غرفة عايده وقبل ما تخبط على باب غرفتها سمعت عايده وهى بتتكلم فى التليفون
عايده:ها نفذت
المجهول:تمام ياهانم
عايده:أوعى يمـ،ـوت
المجهول: اطمنى ياهانم انا عارف بعمل ايه
عايده:وفلوسك حتوصلك زى ما اتفقنا
سيلين بعد ماسمعت كلامها خافت وجريت على غرفتها تكلم جسور وتقوله لكن فضلت تتصل بيه وهو كان فى اجتماع ماسمعش التليفون
نزلت تقول لجدها لكن وهى فى طريقها لغرفة المكتب رن التليفون ردت سيلين وبعدها صرخت بأعلى صوتها
&&&&&&ياترىايه الخبر إللى سمعته سيلين وعايده اذت مين وايه إلى حيحصل تابعونى&&&&&
الحلقه العاشره/
فى صباح يوم جديد يحمل الكثير من المفاجآت لكل فرد فى عيلة الشامي بلغ الجد الجميع بأجتماع ضرورى يحضره الكل ومعاهم عادل مأمون المحامي
بالرغم من اندهاش الجميع من وجود عادل مأمون لكن طبعا حيحضروا ويعرفوا موسي الشامي ناوى على ايه تانى وعدت ساعات الانتظار بقلق إللى بيفكر انه ممكن يحرمه من الميراث ويطرده من العيله واللى فكر انه حيغير الوصيه واللى كان متأكد ان جده فاق وراجع ضميره وقرر يرجع لكل واحد حقه ودى طبعا كانت ميسون حبيبة جدها وإللى مهما حصل قدامها عمرها ماحتفقد ثقتها فيه
جه وقت الاجتماع ونزل الكل ماعدا عايده لانها لسه بتتعالج من الانهيار والاكتئاب فى المستشفى .اما سيلين نزلت بعد معاناه من جسور وميسون
جلس الجميع فى ترقب لحد ماوصل الجد وبدأ بالكلام
الجد:طبعا كلكم قلقانين عاوزين تعرفوا انا طلبت نجتمع كلنا ليه
هز الجميع راسه بايجاب
الجد:انا عارف انى زمان غلط لما أجبرت كل واحد فيكم على حاجه هو مش عاوزها لكن ده قانون العيله إللى انا اتربيت عليه وده عهد الشامي الكبير إللى فضلنا محافظين عليه ابا عن جد لكن بعد العداوة والكره والتمرد إللى شفتهم منكم عرفت ان لكل وقت قوانينه واللى كان يتقبل زمان صعب تفرضه على كل الاجيال وعلشان كده انا طلبت الأستاذ مأمون يصلح كل الأو.ضاع القانونيه وكل واحد فيكم يقرر عاوز يعيش حياته ازاى ومع مين بحريته اعملوا كل إللى نفسكم فيه وكل واحد.حيكون مسؤول عن قراره لكن اهم شئ ماتفرقوش العيله وما تقسموش التركه جسور حيكون هو المسؤول عن كل مصالح العيله ولواى واحد عاوز يبدأ حاجه خاصه بيه يبدأها لكن من تحت جناح المجموعه اما العـ،ـلاقات الشخصيه عليكم حرية التصرف لكن بالاصول . ودلوقتي استاذ مأمون حيعرف من كل واحد قراره
مأمون:بعد اذن الجميع طبعا انا حبدأ بواحد واحد حسب ترتيب الأوراق إللى معايا وبدأ بحاتم بيه
حاتم:لا ياعادل انا مش عاوز أى تغيير انا مكمل فى شركات المقاولات هى تخصصى وطبعا بالنسبه للعـ،ـلاقات الشخصيه مش حتجوز على ام جسور خلاص كبرنا
مامون:مدام مشيره
مشيره:زى ماقالك حاتم انا عمرى مااقدر اعيش مع حد غير حاتم ده ابن عمى وحب عمرى
حاتم مسك ايد مشيره وشدد على مسكتها بايده كان فرحان بنجاح عـ،ـلاقتهم وفعلا مشيره كانت حب عمرى حاتم
مأمون:ماجد بيه
ماجد:أنا قررت اكمل حياتى مع ابتسام ام بنتى وعاوزك تصلح أوراق سيلين وتثبت فيها اسم امها اما بالنسبه لعايده ليها حرية الاختيار بعد ماتخرج لو حابه تكمل على كده معنديش مشكله وبالنسبه للشغل انا مكمل فى شركتى
مأمون:مدام ابتسام طبعا انا اسف لكن القرارات لعيلة الشامي على اساس الورق والعقود
ابتسام :فاهمه يااستاذ عادل
مأمون:حازم بيه
حازم:بالنسبه للشركه فأنا حابب اديرها لكن حابب اعمل من خلالها مشروع جديد خاص بيا اما عن عـ،ـلاقتك بمراتى وبنت عمى فأكيد الكل عارف ان سميه دى حبيبتى وبنتى ومافيش أى مخلوق يملأ مكانها
مأمون:ربنا يخليكم لبعض وحضرتك يامدام سميه
سميه بابتسامه:بعد الكلام الحلو ده ينفع اتكلم يا استاذ مأمون
مأمون:لا طبعا ودلوقتي جه دور الأحفاد وبعد اذنك حتبدأ بالأنسات اتفضلى يا انسه سيلين
سيلين:نعم
مأمون:اتفضلى بلغيني بقرارك علشان اتمم الأوراق القانونيه واضمنلك حقوقك
سيلين بدموع:أى قرارات وانا امتى كان ليا قرار انا من يوم مااتولدت وانا مسيره طول عمرى بنفذ إللى بيتطلب منى عايده هانم تخطط وانا انفذ ادخلى كليه هندسه علشان تديرى الشركات ادخل كلية هندسه وانا بحب الفنون الجميله مش مهم انا بحب ايه المهم هى عاوزه ايه اتخرج واجيب تقدير عالى تقولى اتجوزى جسور واتجوزته وانا عارفه ان بنت عمى إللى بعتبرها اختى بتحبه تخطط ان تقرب جسور منى وتحكم عليا أنزل افرض نفسي عليه انفذ ااااااايه مش انسانه انا وليا مشاعر ليه بتعمل فيا كده وبعد كل ده تضـ،ـربنى بالقلم وتطلعنى غلطانه علشان ترضى جدى وجسور بس تعرفوا ان القلم ده هو إللى فوقنى هو إللى عرفينى اد ايه انا ولا حاجه بالنسبه ليها عرفنى انى مجرد وسيله تقدر تكسب بيا على اد ماتقدر وهو برده ياجدى إللى خلانى اتفق مع جسور انى افضل اخته ويكمل حياته مع إللى بتحبه وبيحبها وهو بصراحه أتفهم انى بحبه زى اخويا لكن اتغصبت انى اتجوزه ودى كانت المره الوحيده إللى اختارت فيها اختارت انى يتحسب عليا جوازه بالتزييف وكان عندى اهون من انى اخدعه واظلم نفسي واظلم بنت عمى عرفت ياجدى عرفت ياماجد بيه وبعد كل ده بقى ايه تطلع عايده هانم مش امى ودادا ابتسام هى امى الحقيقيه إللى باعتنى
ابتسام وهى بتحضـ،ـن سيلين:انا اسفه ياحبيبتى انا اسفه والله كان غصب عنى
سيلين وهى بتبعد عنها :ابعدى عنى أوعى تقولى كان غصب عنك أوعى تقولى خوفت انتى لو خوفتى كنتى بعدتى بيا لأبعد مكان كنتى حمتينى وربتينى فى حـ،ـضنك انتى طمعتى فى عيشه مش عيشتك ورمتينى فى حـ،ـضن ام تانيه كل هدفها الفلوس أوعى تقولى بنتى انا مش بنتك ولا بنت ماجد باشا انا سيلين سيلين وبس
الجد:ماتظلميهاش يابنتي انا خوفتها ونفوذى كان يقدر يجيبها من أى مكان وهى قبلت تعيش خدامه وماتبعدش عنك
سيلين:ماتحولش تقنعنى ياجدو لأنك أول واحدظلمنى ده انت ظلمتنى قبل ما تشوفني وبتطلب منى اسامحها دى القطه بتاعة الشوارع بتحافظ على ولدتها ولو حابين تعرفوا قرارى انا عاوزه اولا اطلـ،ـق من جسور لان من الأصل الجواز ه باطله ومش متوفر فيها الايجاب ولا القبول ثانيا انا عاوزه اسافر ادرس فنون جميله فى فرنسا ودى قراراتى واتمنى ماردش يعارضنى
الجد:حاضر ياسيلين بما انى ظلمتك فأنا حكفر عن ذنبى وحنفذلك كل طلباتك جسور بما انك كنت متفق مع سيلين من البدايه على الطـ،ـلاق بيتهيألي معندكش مشكله تطلـ،ـقها
جسور:لا طبعا لو هى عاوزه كده لكن حفضل اخوها الكبير وحفضل متابعها
سيلين:كتر خيرك يا جسور انت فعلا كنت لكن انسان عليا انت وميسون وحتفضلوا طول عمركم اخواتى
ميسون حـ،ـضنت سيلين وهى مش قادره توقف دموعها والكل كان بيبكى على حال سيلين ووجـ،ـعها
مأمون: دلوقتى بقى عاوز اعرف قرار الانسه ميسون
ميسون:انا حكمل مع جسور جوازنا واكمل تعليمى وان شاء الله مجموعى يدخلنى كلية طب وبعدها عاوزه أبدأ حياتى بعياده صغيره
جسور:لكن ازاى حتوفقى بين دراسة الطب وجوازك ده غير موضوع الشغل ده كمان نتكلم فيه بعدين
ميسون:انا عمرى ماحقبل ان جوازى وحبى يكسر طموحى ومستقبلى
الجد:ده كلام سابق لأوانه بعد النتيجه ماتظهر حددى كليتك المهم حتكملى مع جسور جوازكم ولا لأ
ميسون:حكمل طبعا ياجدو
مأمون :وأخيرا جسور بيه حضرتك عندك أى مانع من إدارة المجموعه ككل ورعاية مصالح العيله والإشراف على إتمام القرارات الجديدة
جسور:لا يا استاذ عادل ان شاء الله كله هيفضل زى ماهو اما بالنسبه لجوازى من ميسون فده حيكون معلق لحد ظهور النتيجه واختيارها لمستقبلها لانى مش حقبل ان مراتى تتعلم عمرها كله ولا انها تشتغل بعد التعليم
قرار جسور كان صدمه للكل وخصوصا ميسون إللى كانت مفكر ه ان جسور حيدعمها فى قرارها وأصبح دلوقتى قدامها اختيار صعب مابين حبها ومستقبلها
اما جسور كان ممكن يوافق لكن طريقة ميسون فى فرض رأيها وقرارها هو إللى زود عناده
سيلين كانت فرحانه بقرارها وقررت بداية حياه جديده وانها ماتتكسرش مره تانيه
&&&&&ياترى بقى سيلين حياتها الجديدة حتكون ازاى وميسون حتختار حبها ولا مستقبلها وجسور حيتنازل ولا لأ تابعونى الحلقات الجايه مع حياه جديده لعائلة الشامى&&&&&&
الحلقه الحادية عشر/
الجد :كان مرتاح لقرارات الكل لكن قلقه كله كان على أحفاده خصوصا بعد ماحس بوجـ،ـع سيلين خاف انها تسافر وماترجعش تانى وبعد ماشاف عناد جسور وقوة شخصية ميسون وطبعا كده ممكن يتفرقوا وده وهما اخر امل ان العيله تستمر بأحفاد جداد بيحملوا نفس الدم دم عيلة الشامي من الام والاب لكن توكل على الله وقرر مايتدخلش فى حياتهم تانى وساب النصيب والقدر ياخدوا مجراهم لكن حب يتكلم مع سيلين ويشوف يقدر يساعدها ازاى طلبها فى مكتبه على انفراد وطبعا سيلين نفذت ونزلت تتكلم معاه وهى فى نيتها ان دى اخر مره حنتكلم معاه
الجد:تعالى اقعدى ياحبيبتى
سيلين وهى بتقعد على كرسي قدامه :خير ياجدو بلغونى ان حضرتك عاوزنى
الجد:كنت عاوز اعرف طلباتك علشان السفر تحبى اجهزلك ايه
سيلين : مش عاوزه حاجه اكتر من تحجزلى تذاكر الطياره وبس وانا راسلت جامعه فى فرنسا لدراسة الفنون الجميله وبعتلهم شهاداتى وهما قبلوا بيا وعندى مقابله بعد اسبوع
الجد:بسرعه كده يابنتي
سيلين:مش عاوزه اقعد هنا كفايه كده
الجد:خلاص ياسيلين خدى ده وأعطاها مفتاح
سيلين:مفتاح ايه ده
الجد:ده مفتاح بيت للعيله فى باريس هو زى فيلا صغيره مش حتلاقي فيها غير شغاله واحده وجناينى
انا كنت بخلى دايما فرعنا هناك يتابعوهم ورفعوا مرتباتهم وهما محافظين على البيت جدا وناس محترمين
سيلين:لكن انا عاوزه أبدأ لوحدى مش عاوزه احس انى رايحه فسحه
الجد:ابدئي براحتك لكن على الاقل سيبينى اوفرلك المكان إللى تعيش فيه وفلوس تدرسى بيها
سيلين :انا حقبل اعيش فى البيت لكن انا حشتغل واصرف على نفسي
الجد:ماتبقيش عنيده انتى عمرك مااشتغلتى
سيلين:اتعلم انا لسه صغيره وده حيفدنى
الجد:خلاص اشتغلى فى فرع الشركه هناك
سيلين:بشرط أن ماحدش يعرف انى من أصحاب الشركه
الجد:حاضر
سيلين:خلاص انا موافقه وان شاء الله حبدأ فى تحضير شنطتى ووقفت علشان تمشى لكن جدها وقفها بكلامه
الجد:سيلين سامحى ابتسام وسامحى عايده هما الاتنين كانوا ضحيتى
سيلين:إللى بيسامح ربنا ياجدو وربنا قادر يهون عليا عموما سيبها للايام
خرجت سيلين من عند جدها وطلعت علشان تبدأ تجهيز نفسها
اما ميسون من وقت الاجتماع وهى حابسه نفسها فى غرفتها ومش عاوزه تقابل جسور هى عارفه انها ممكن تضعف قدامه وتغير قرارها لكن ده مستقبلها وان كان هو شخصيه قويه هى عنيده ده الكلام إللى كان بيدور فى تفكيرها وحسمت أمرها انها حتختار مستقبلها حتى ان كان التمن حبها ولو هو فعلا بيحبها حيقبل باختيارها وحيساعدها على النجاح فيه كمان
جسور كان حيتجنن هو صحيح حب ميسون وكان فرحان انها بتعرف تاخد حقها لكن من أى حد غيره هو تتمرد على اهلها لكن مش عليه وكل اللى كان شاغل تفكيره حتختاره ولا حتختار دراستها ومستقبلها ولو اختارت مستقبلها حيكون تصرفه ايه يسيبها ولا يتنازل هو المره دى
عدت ايام وجه معاد سفر سيلين والمفروض أن جسور وميسون هما إللى حيوصلوها بناءا على طلبها سيلين كانت عارفه ان ميسون بتتحاشى مقابلة جسور وحبت قبل ماتسافر تخليهم يتقابلوا ويحلو مشكلتهم وعلشان ربنا بيرتب كل شئ ظهرت نتيجة ميسون وكانت من الأوائل وجابت٩٨%وده يخليها تدخل الطب طبعا وجه معاد الاختيار وحسم الموقف
وصل جسور للبيت وجهزت ميسون نفسها وسيلين كانت جاهزه ونزلت شنطها والكل مجتمع يودع سيلين
مشيره وهى بتحـ،ـضن سيلين:حتوحشينى ياحبيبتى تنزلى اجازات واهتمى باكلك وشربك انا عرفاكى
سيلين:ماتقلقيش ياانطى وحكلمك علطول
سميه:مع السلامه ياحبيبتى انسى ياسيلين وابدئي حياه نقيه وقربى من ربنا اكتر علشان يفتح لك الطرق
سيلين:ادعيلى ياانطى سميه انا عارفه انك طيبه جدا وربنا يستجيب للطيبين
ابتسام بدموع:مش حتسلمى عليا مش حتودعى امك إللى اختارت تبعدى وتسيبيها
سيلين بضيق :سلام
ماجد وهو بيحـ،ـضنها :حتوحشينى ياحبيبتى انا حجيلك اطمن عليكى من وقت للتانى
سيلين وهى بتيعد:لو سمحت ياماجد باشا ياريت ماتجيش وتتعب نفسك
الجد ملطفا للجو:تعالى يابنت واحـ،ـضنى جدك انا إللى حاجى اعيش معاكى هناك ونسيب العيله دى
سيلين :اهلا بيك ياجدو فى أى وقت
سلمت على اعمامها وخرجت هى وجسور وميسون وطبعا هى خلاص ماتقربش لجسور غير بنت عمه لان اجراءات الطـ،ـلاق تمت فى الأيام اللى فاتت
جسور ماكانش طايق نفسه خصوصا بعد خبر نتيجة ميسون
وميسون بتحاول تتلاشاه وفضلت طول الطريق للمطار وهى باصه فى اتجاه تانى او بتكلم سيلين
سيلين:ايه بقي هو انتوا زعلانين اوى انى مسافره ولا انتوا حتفضلوا مكملين كده
جسور:اكيد انا زعلان انك مسافره لكن كمان انتى يرضيكى طرقيتها
سيلين:انا مش عاوزه اتدخل بينكم لكن عوزاكم وانتوا بتاخدوا قراركم تحطوا حبكم قدام عينيكم صعب نلاقى حد بيحبنا ومانحافظش على الحب ده
ميسون:انا مش غلطانه انا بحب جسور لكن عاوزه تحافظ على مستقبلى
سيلين:انا عاوزه امشى وانا مطمنه عليكم وحستناكم تعزمونى على الفرح
جسور:ربنا يسهل خدى بالك من نفسك مش عاوز صحاب ونوادى هناك واوعى تفكرى انك سافرتى يبقى خلاص عينى عليكى فى كل مكان
سيلين:تفتكر انا لسه ليا نفس لأصحاب
جسور:انسى كل حاجه وعيشى حياتك وعاوز اسمع أخبار حلوه
ميسون:حتوحشينى اوى ياسيلين
سيلين:وانتى كمان ياحبيبتى
وصلوا المطار ودخلت سيلين تخلص الإجراءات للسفر وأعلنت ميكرفونات المطار عن موعد إقلاع الطائره ودعتهم سيلين وراحت تركب الطياره وهى ناويه ترمى فى الجو مع إقلاع الطياره كل همومها وماضيها وتبدأ حياه جديده
………………………………..أما عند جسور وميسون فى طريقهم للرجوع
جسور:عاوز اعرف بقى الهانم مستخبيه منى الأيام إللى فاتت ليه
ميسون:انا مش مستخبيه انا كنت عاوزه اخد قرار بدون ضغوط
جسور:واخدتى قرارك ياترى
ميسون:ايوه اخدته
جسور:وحضرتك ناويه تبلغينى بيه امتى
ميسون:وقت ماتحب
جسور:ميسون انتى ممكن تبعدى عنى وتختارى دراستك
ميسون:انا حبيتك يا جسور حبيت كل حاجه فيك وكان كل أملى انك تدعمنى انك حبى ليك يقوينى يخلينى اقدر احقق طموحى اكون دكتوره ناجحه وليها اسمها نفسى توافقنى وتسيبنى اجرب
جسور:لكن عمرك ماحتقدرى توفقى بين دراستك وطموحك وبين مسؤوليات الجواز والأطفال
ميسون :ان شاء الله حاقدر اوفق
جسور:انا راجل شرقى غيور مش حقبل ان مراتى تتكلم مع ده ومع ده



