قصر الشامى

فى قصر الشامى كان الجميع مشغول بتجهيز العروسه بعد ماقرر الجد ان يكون فرحهم بأقصى سرعه قبل انتهاء اجازة الصيف
جسور كمان حب يخلص شغله وصفقاته قبل الفرح علشان يقدر يستمتع بشهر العسل وميسون كان كل إللى شاغلها التنسيق وتقديم اوراقها فى كلية الطب
لكن تحصل الكارثه إللى حترجع المشاكل تانى بين جسور وميسون
ميسون بعد ماقدمت اوراقها فى مكتب التنسيق كانت منتظره النتيجه إللى صدمتها وخلتها مش عارفه حتوصل الخبر لجسور ازاى و كالعاده كلمها زى كل يوم لكن انهارده يوم مش عادى
جسور:حبيبى وحشتينى اوى خرجت بدرى من غير مااشوفك
ميسون:اه ياحبيبى معلش
جسور :ايه مافيش وانت كمان وحشتنى
ميسون:ااااكيد وحشتنى
جسور:فى ايه ياميسون مالك انهارده
ميسون بخوف:نتيجة التنسيق ظهرت
جسور:مبروك ياحبيبتى طيب كويس اومال مالك
ميسون :اصل بصراحه قبلت فى جامعة اسكندريه
جسور بغضب:ننننننعم
ميسون:بقولك فى جامعة اسكندريه
جسور بغضب اكبر:سمعت انتى بتعيديها هو انا يعنى ماسمعتش انا عاوز افهم بقى ده إللى هو ازاى يعنى
ميسون:زى الناس مجموعى وافق مع جامعة اسكندريه
جسور:وانتى كل يوم حتفضلى تتنططى من بلد لبلد
ميسون:لأ طبعا
جسور باطمئنان:ايوه كده اومال حتعملى ايه
ميسون:حعيش هناك لان فى عملى وفى ايام حبات فى مستشفيات علشان التدريب
جسور بغضب :لا والله انتى اكيد بتهزرى لا انا جايلك على البيت نشوف حل للمهزلة دى
ميسون:ماشى مستنياك
…….. ………………. . ………
اما عند سيلين اتفقت مع فريد انهم يتقابلوا تانى يوم فى الجامعه ورجعت للبيت مـ،ـارست حياتها عادى جدا لكن تفكيرها كان مشغول بمالك العدوى
سيلين لنفسها:ياخربيتك اخرج من دماغى بقى منك لله يافريد انت السبب خلتنى اركز معاه
وتانى يوم بعد مـ،ـارست رياضتها وأصرت روز انها تفطر قبل ماتخرج بعدها خرجت لقت السواق اخدها وصلها الجامعه وهناك قابلت فريد
فريد:ياصباح الورد على اجمل بنوته
سيلين:ده ايه ده حضرتك بتعاكسنى كده
فريد :لالالا حضرتك وبتعاكسنى الاتنين فى نفس الجمله
سيلين بضحكه هزت قلب فريد:يعنى انت مش ناوى اجيبها لبر
فريد:طيب انا عاوز ارضى ذمتك فى حد يشوف القمر ده ومايعاكسهوش
سيلين محاوله تغيير الحديث :ربنا يخليك يافريد حقيقى ميرسى على كلامك ده لكن خلينا فى الجد بقى المحاضرة باقى عليها اد ايه
فريد :خلاص باقى عشر دقايق بتوقيت مالك العدوى
سيلين:ههههههههه ده توقيت جديد
فريد:اه ده مواعيده مظبوطه بالثانيه
فريد وسيلين دخلوا القاعه وهما بيضحكوا ومالك اتنرفز واتضايق جدا وقرر يحرج سيلين
مالك بعصبيه:مدموازيل سيلين
سيلين: نعم
مالك :اولا ياريت تردى باللغه الفرنسيه ثانيا اتفضلى اخرجى بره وياريت بعد المحاضرة تحصلينى على مكتبى
سيلين:حاضر
خرجت سيلين من القاعه وهى بتضـ،ـرب برجلها فى الارض من الغيظ وعماله تكلم نفسها
سيلين لنفسها:والله لاوريك ياعدو المرأه ان ماخليتك عبره مابقاش انا سيلين انا تطردنى قدام الدفعه كلها
خلصت المحاضرة وخرج مالك وفى طريقه شاف سيلين واقفه مستنياه يدخل مكتبه لكن حب يستفزها اكتر وشاور لها بصباعه انها تحصله وده جننها اكتر دخلت سيلين بعده المكتب لكن اتفاجئت بجنانه
مالك:اقدر افهم ايه طريقة ضحكك مع الشباب دى
سيلين:شباب مين إللى بتتكلم عنهم
مالك:آرثر امبارح النهارده مع الزفت فريد ده وقعته سوده هو كمان لو كنتى مفكره نفسك انك بره مصر وتقدرى تعملى إللى نفسك فيه فأنا مش حسمحلك
سيلين بعصبيه:انت مين علشان تسمحلى ولا لأ وانتى اصلا تكلمنى كده او اتمنى بحاجه بالكذب
مالك:تنكرى انك كنتى بتضحكى انتى وفريد
سيلين:لأ لكن انت مالك
مالك:انتى طالبه عندى وانا مش بقبل بالنهار والضحك فى محاضراتى ده غير انك من بلدى وسمعتك حتسئ لكل المصريين
سيلين:ايه إللى انت بتقوله ده سمعة مين انت شكلك مش طبيعى ده زميلة وانا بتكلم معاه وده شئ طبيعى خصوصا ان احنا بتشتغل مع بعض كمان
مالك:انتى بتشتغلى فى شركة الشامى
سيلين:ايوه أيه فى مانع فى دى كمان
مالك:لا انا ليا كلام تانى مع جسور صاحب الشركه
سيلين:يييببه هو كلكم تعرفوا جسور هو انا فى باريس ولا فى نادى الجزيره
مالك وغلب عليه الضحك:ههههههه ليه علشان فريد يعنى يعرف جسور
سيلين تاهت فى ضحكته ونسيت انها كانت بتزعق ونسيت غضبها لكن فاقت من شرودها وتوهانها على كلامه
مالك:انسه سيلين لو سمحتى بعد كده مش عاوز اشوفك بتتكلمى مع حد وبالنسبه لفريد انا ليا تصرف تانى معاه
سيلين:ها كنت بتقول حاجه
مالك عاد كلامه مره تانيه وسيلين ماردتش عليه ولا انفعلت هزت رأسها بالموافقه وخرجت من عنده وهى مش عارفه ايه إللى جرالها هى اعجبت بيه ولا بخوفه عليها ولا بضحكته إللى بتطير العقل وازاى قدر ينسيها توعدها ليه انها مش حتسيبه لكن فريد فوقها وهو بيشاور بايده قدام عينيها بعد مانادى عليها كتير وهى فى دنيا تانيه
فريد:هيييييه ايه يابنتي انتى روحتى لحد فين
سيلين:هااه فى ايه يافريد مالك
فريد :ها كان عاوزك فى ايه البارد ده
سيلين:ده مجنون وعلى فكره هو عاوزك
فريد :نعم عاوزنى انا ليه
سيلين :مش عارفه عموما ادخل انت وانا حروح على الشغل علشان ماتأخرش اكتر من كده
دخل فريد لمالك وهو مش مرتاح لحالة سيلين
فريد:خير عاوزنى فى ايه
مالك بغضب:انت مش ناوى تتلم كل ماتشوف واحده تهزر وتضحك معاها كده
فريد:حيلك حيلك وانا مالك انت وصى عليا ولا ايه
مالك بعصبيه:فريد ابعد عن سيلين احسنلك
فريد:ايه هى السناره غمزت وعدو المرأه وقع ولا ايه
مالك بغضب:فريييد اتكلم عدل
فريد:ايه يا عم احنا بره المحاضرة انت لسه عايش الدور انا فريد صاحبك ياحبيبى
مالك:انا بقولك تبعد عنها يبقى من غير كلام تبعد عنها احسن
فريد:طيب فهمنى وانا اظبطك
مالك:لا مالكش دعوه انت
فريد وهو خارج من المكتب وبيغمز بعينه لمالك :براحتك انا كنت عاوز اخدم بس عموما هى بتقول عليك مجنون
خرج فريد وساب مالك وابتسامة جميله مرسومه على وجهه وفضل يفكر فيها وقرر يكلم جسور ويعرف كل حاجه عنها بحكم صداقته مع جسور
………………………………..
جسور رجع من الشركه للقصر فى لمح البصر ولقاها مستنياه وبالرغم من خوفها منه الا انها كالعاده بينت قوتها
جسور:ها كنتى بتقولى ايه بقى اسكندرية ايه إللى تعيش فيها
ميسون:عادى مش عندنا هناك فيلا انا حعيش هناك
جسور:يعنى ايه انتى عاوزه تجننينى هو انا علشان اتنازلت ونفذتلك رغبتك خلاص بقيت بالنسبه ليكى هوا سراب انا مش بتعمليله حساب
ميسون:انت وعدتني انك تدعمنى وتقف جنبى
جسور بعصبيه:اقف جنبك هنا مش فى بلد تانيه يعنى اسيب شغلى واجى اعيش معاكى هناك ولا اسيبك هناك وانا اقعد هنا أى عقل بيقول ان راجل فى أول جوازه يسيب مراته تعيش فى بلد تانيه
ميسون:احنا ممكن مجال الجواز لحد أول سنه ماتعدى وبعد كده اتنقل هنا
جسور:ميسون متعصبنيش اكتر من كده هو انا ليه حاسس انك مش فارق معاكى الجواز ه دى خالص وهى دايما اخر حاجه بتفكرى فيها
ميسون:لا أبدأ لكن لما بحس انها حتيجى على مستقبلى بفضل مستقبلى طبعا
جسور بغضب:ميسون كفايه كده ومش علشان انا ساكت تفكرى انى من الرجاله اللى واحده ست ممكن تبيع وتشترى فيه ومش علشان خوفى عليكى تستغلى الموقف
ميسون:انا بعمل كده لا طبعا انا عمرى مافكرت بالطريقه دى وليك احترامك فى كل حاجه والرجوع ليك فى أى حاجه تخصنى الا طموحى ومستقبلى
جسور:يووووه طموحى طموحى انا قرفت وتعبت وجدك بقى يشوف حل
ميسون ببكاء :صح كده جدو يشوف حل
خرج جسور وساب البيت لميسون تحكى لجدها
الحلقه السادسة عشر/
ميسون بعد خروج جسور من القصر وهو غضبان حست انها زودتها معاه نزلت تحكى لجدها وصلت عند غرفة المكتب دقت على الباب
الجد:اتفضل
ميسون ببكاء:جدو حبيبى حصلت مشكله ومحتجالك
الجد:تعالى ياقلبى جدو انا دايما معاكى
ميسون:ربنا يخليك ياحبيبى انا مش عارفه من غيرك كنت حعمل ايه
الجد؛:المهم احكيلى ايه المشكله
ميسون:جسور ياجدو عاوز يعطل مستقبلى واول ماعرف ان نتيجة التنسيق جامعة اسكندريه رفض انى اسافر
الجد:وحبيبة جدها مش ملاحظه انها زودتها اوى عليه وان جسور بيتعامل معاكى عكس طبيعته وشخصيته
ميسون:بس ياجدو ده مستقبلى
الجد:انتى عارفه انى مع مستقبلك ونفسى اشوف حفيدتى أعظم دكتوره لكن كمان عاوز اشوف ولادكم وسفرك ده حيعطلك جدا يعنى انتى لو هنا هو حيتنازل شويه وانتى حتحاولى تظبطى وقتك بين الدراسه وحياتك الشخصيه لكن وانتى فى بلد تانيه ده حيكون صعب ويمكن مستحيل
ميسون:طيب انا حعمل ايه دلوقتى هو خرج غضبان على اخره
الجد مبتسما:وانتى تزعليه وترجعي تعيطى
ميسون:هو إللى طبعه صعب
الجد:هو انتى شوفتى طبعه ده خالص طيب جهزى نفسك وتعالى معايا الشركه دلوقتى نعمله مفاجأه تصالحيه بيها وكمان تشوفى طبعه الحقيقي علشان تعرفى اد ايه هو بيراعى مشاعرك يمكن انتى كمان تراعيه شويه
ميسون:بجد ياجدو حتاخدنى معاك الشركه
الجد:ايوه يلا بسرعه اطلعى غيرى لبـ,,ـسك وانا حخلى السواق يجهز العربيه
جهزت ميسون بسرعه ونزلت لجدها إللى ضحك من قلبه على حفيدته وشقاوتها اخدها وخرجوا راحوا لجسور على الشركه
دخل الجد بهيبته المعتاده على شركته ووقف الجميع احتراما وتقديرا له سلم الجد عليهم ودخل على مكتب رئيس مجلس الاداره إللى كان مكتبه فى الأصل ودلوقتي مكتب جسور
سكرتيرة جسور ماكانتش على مكتبها دخل الجد المكتب ومعاه ميسون وهى مبهوره بعظمة وفخامة الشركه لانها أول مره تدخلها لكن وقفهم على باب المكتب صوت جسور وهو بيعنف سكرتيرته واوحد من الموظفين
جسور بغضب:انتوا مش فى نادى هنا إللى جاى يضيع وقته يتفضل بره
السكرتيره:والله ياافندم كان بيسأل على حضرتك
جسور:ويسأل عليا ليه هو انا بقابل أى حد مش لسه رئيس مباشر
الموظف:ياافندم انا عاوز حضرتك فى مسأله شخصيه
جسور:ده على اساس انى ابن خالتك مثلا اتكلم عدل ايه المسائل الشخصيه إللى بيتى وبينك ياابنى آدم
قطع كلامهم دخول موسي الشامى وهو بيبص لميسون نظره معناها شوفتى جسور الحقيقى
ميسون هزت رأسها بانها فاهمه قصد جدها ودخلت وهى مرعوبه من جسور إللى أول مره تشوفه بالمنظر ده وفهمت معنى كلام جدها ليها
قطع شرودها صوت جدها
الجد:ايه ياحبيبتى حتفضلى واقفه كده
جسور:يااهلا يااهلا الباشا الكبير بجلالة قدره هنا
الجد:بطل بكش ياابن حاتم
جسور للموظفين:اتفضلوا انتوا دلوقتى
الجد:اهدى شويه مش كده
جسور:اهدى ايه ده انا داخل لقيت الأستاذ قاعد ولا كأنه فى كافيه على النيل
الجد:ههههههههه
جسور:اتفضلى ياميسون انتى لسه واقفه
ميسون قعدت وهى بتبص لجدها ينقذها
الجد:بس ايه رأيك فى المفاجاه دى
جسور:مفاجأه جميله من حضرتك طبعا
الجد :ويعنى مش مفاجأه من ميسون ده انت شكلك زعلان اوى
جسور:هى الانسه ماقلتليش ليه انها خارجه من البيت ولا انتى فعلا معتبرانى سراب
الجد بغضب:أنا إللى قولتلها ولا انت حتكسر كلامى
جسور:لا عاش ولا كان إللى يكسر كلامك لكن ميسون مش عملالى أى اعتبار واخرتها عاوزه تعيش فى اسكندريه متجوزه سوسن الهانم
انفجر الجد وميسون ضاحكيين وجسور ينظر لهم بغيظ
جسور:يا سلام بتضحكى عجبتك اوى
ميسون :بصراحه ايوه
الجد:انتى شكلك ناويه على قـ،ـتلك انهارده وانا مش حعرف احميكى
جسور:لا مش للدرجه دى انا إللى مهدينى ومسكتنى ان خلاص مافيش سفر
ميسون بغضب:يعنى مش حدخل الجامعه
جسور مراوغا:لا انتى مراتى وانا مش موافق على سفرك
الجد:ايه الكلام ده ياابنى نشوف حل غير كده
ميسون بتسرع:لو انى مراتك ده يديك الحق انك تحطم مستقبلى يبقى بلاش اكون مراتك
حس الجد بصدمه من كلام ميسون لكن الصدمه الكبيره كانت من نصيب جسور إللى اكتفى بأنه يبص لجده نظره فهمها الجد كويس جدا وعرف ان هدوءه ده إللى بيسبق العاصفه
الجد:يلا بينا ياميسون نرجع البيت وانت يا جسور خلص شغلك وتعالى نتكلم فى البيت
خرج الجد وميسون وسابوا جسور غضبه واصل لاعلى درجاته لكن اخد قراره وحينفذه
…………………………….
اما عند سيلين بعد ماسابت الجامعه وراحت على الشركه كانت طول طريقها بتفكر فى طريقة مالك معاها وحتتجنن هو ازاى يعاملها كده وصلت الشركه وهى داخله المكتب الهندسى كانت شارده لكن انتبهت على صوت بينادى عليها وكان صوت هشام وهو بتنادى عليها
سيلين بابتسامه:هشام ازيك
هشام:الحمد لله انتى عامله ايه مرتاحه معانا
سيلين:اه الحمد لله كله تمام
هشام:سيلين لو احتاجتى أى حاجه انا موجود
سيلين:اااه اكيد ياهشام ربنا يخليك
هشام:قوليلى قادره توفقى بين الدراسه والشغل
سيلين:لحد دلوقتى تمام لكن لسه مش عارفه قدام شويه حيكون ايه الحال
هشام:ربنا معاكى وانا واثق انك حتنجحى وتوفقى بين الاتنين
سيلين:ميرسي ياهشام حقيقى انت اديتنى ثقه فى نفسى
هشام:هههههه ياه ما انا جامد بقى وانا مش عارف
سيلين :ههههه اه اكيد يلا اشوفك تانى الحق اخلص شوية شغل
هشام:اتفضلى
دخلت سيلين المكتب وبعدها وصل فريد واول ماشاف سيلين انفجر فى الضحك
سيلين:ايه ده فى ايه شوفت مهرج
فريد بضحك هيستيرى :اصل مش قادر اتخيل المنظر
سيلين:منظر ايه انت حتتكلم بجد ولا اقوم اخرج كن المكتب
فريد:لالالا لا استنى بس حقولك والله بس أوعى تجيبيله سيره
سيلين:فى ايه يافريد هو مين ده إللى ماجيبلوش سيره
فريد:مالك العدوى
سيلين بزهق:ماله ده كمان
فريد:شكله كده معجب ياقمر وانا بصراحه أول ماشوفتك تخيلت منظرك لو انتى عروسته
سيلين بغضب:فريد لو سمحت الموضوع ده مافيهاش مجال نقاش مش هزار كمان
فريد بإحراج :اسف ياسيلين لكن والله انا اعتبرت أننا اصدقاء
سيلين:اوكى أصدقاء لكن مينفعش برده نهزر فى موضوع زى ده واصلا البنى آدم ده ازاى يجيب سيرتى معاك
فريد:لا هو كان بس بيقولى ابعد عنك
سيلين:صحيح هو يعرف جسور منين
فريد :ده صديق شخصى لجسور حتى لما جسور بييجى هنا بتكون إقامته مع مالك
سيلين:هيييه علشان كده
فريد:علشان كده ايه
سيلين :هاا لا ولا حاجه
سيلين طبعا كانت متضايقه من مالك جدا وقررت تستفذه اكتر وتوقفه عند حده
لكن مالك بقى نفذ كلامه واتصل بجسور
جسور:مالك حبيبى ايه يا عم ماحدش ليسمع صوتك يعنى
مالك:انت حتاكلنى ماانت كمان مابتسألش خالص
جسور:والله يامالك مشاغل وحواديت عاوزه قاعده وشكلى كده حجيلك محتاج ابعد عن هنا شويه
مالك:فى ايه ياصاحبى مالك أول مره تحس انك مخنوق كده وانا إللى كنت بكلمك اشتكيلك حالى
جسور:خير ياابنى مالك
مالك :كنت عاوز اسألك عن واحده منقوله من عندكم لفرع باريس
جسور باستغراب:لكن احنا مافيش حد اتنقل من عندنا لفرع باريس وكمان ست
مالك:ايوه ياابنى مهندسه اسمها سيلين
جسور:دى سيلين بنت عمى ماجد انت عرفتها ازاى اكيد الزفت فريد
مالك:لا دى طالبه عندى
جسور :هى عملتلك حاجه ولا ايه
مالك :لا ياابنى وبما أن هى بنت عمك فأنا عاوز ارتبط بيها وكنت بكلمك اسألك عنها
جسور ب صدمه:ايه ترتبط بيها وانت قولتلها كده
مالك:لا طبعا انا عارفنى انا ماليش فى اللف والدوران انا كنت حعرف منك طريق اهلها وأكلمهم
جسور:لكن يامالك سيلين ليها ظروف مختلفه ولازم تتكلم معاها على فكره هى بنت طيبه جدا ومحترمه مش بقولك كده علشان هى من عيلتى لكن دى حقيقة سيلين فعلا اقرب منها هى فعلا تستاهل واحد محترم ودوغرى زيك
مالك:انت شايف كده
جسور:ايوه طبعا
مالك:خلاص كلملى جدك وانا حكلمها
انتهت المكالمة بين مالك وجسور إللى كان مستغرب ان ربنا عوض سيلين عن ظلم عيلتها ليها بواحد زى مالك واهله وخصوصا امه لان جسور كان عارف ان والدة مالك يوم ماحتتعرف على سيلين حتعوضها عن الدنيا كلها كان عارف ان مالك غيور جدا لكن طيب وحنون لدرجه محتجاها سيلين بجد بعدها قام جسور وهو عازم على قراره إللى أخده بخصوص ميسون واستهتارها بعـ،ـلاقتهم
وصل جسور للقصر لكن ماكانش راجع لوحده كان جايب معاه مفاجأه حتصيب الكل ب صدمه دخل لقاها متجمعين كلهم والدته وسميه وابتسام وجده وميسون ووالده واعمامه الاتنين
جسور ببرود :اتفضل يامولانا
الجد:مين الشيخ يا جسور
جسور:ده المأذون ياجدو
الجميع ب صدمه :ليييييه
&&&&&&ياترى ايه إللى حيدور بين سيلين ومالك وحيكون ايه رد فعل ميسون على مفاجأة جسور ومتنسوش آراؤكم واستنونى فى الحلقه الجايه&&&&&
الحلقه السابعة عشر/
بعد ماسمعت ميسون كلمة المأذون عرفت ان كل حاجه بينها وبين جسور انتهت وقفت ودموعها نازله من عينيها تبصله صوتها كام مخنوق لكن قاومت علشان خاطرك يخرج وتسأله ليه عمل كده بالرغم من انها كانت عارفه كويس انها زودتها معاه لكن ماكنتش متخيله انه ممكن يفرط فيها بسهوله كده ميسون كان كل جزء فى جـ,,ـسمها بينتشر فيه بروده غريبه وكانت حاسه بهزات وكأن ليمر عليها أكبر زلزال بالعالم لكن قدرت اخيرا تطلع صوتها وهو يرتعش

