عادت لكى تنتقـ،ـم

ياسمين وهي بتاكل الفشار ،ضغط الشغل بقي ي ماما

زهره،ضغط الشغل ولا لسانك البيحدف دبش ده

ياسمين ،انا بحدف دبش اخص عليكي ي ماما مكنش عشمي فيكي كده خسااره ومثلت البكاء وطلعت علي اوضتها

زهره ،ربنا يهديكي لنفسك ي بنتي

_____________________

في بيت سيف العطار

رغد بمجرد مشافت سيف داخل البيت جرت من مكانها شافها سيف وجري وراها ومسكها من شعرها

سيف،بقي بتسلميني للؤاء تسليم اهالي وتخليه يضغط عليا في الشغل وعايزه تخربي عليا انا وياسمين

رغد ،عيب عليك ي سطي انا اعمل كده

سيف،امال امي

رغد، مش عارفه استني هنسالها ،ي ماماااااااع

سيف ،هو انا لسه هسال دانا هطلع عينك ونزل ضـ،ـرب فيها وتكسير والدنيا بقت مجزره

رغد، بتتشطر عليا عشان انا وليه مكسوره الجناحين

سيف،مكسوره اي ي عنيه دانتي عليكي حصانه

رغد، طب والله لاقول للؤاء عمران

سيف ،لاء دانتي ناويه علي قـ،ـتلك

جرت رغد علي اوضتها وقفلت الباب بعد خناقه طويله بينهم

_______استغفرو__________

تاني يوم الصبح

ياسمين،انت صاحي

سيف، صحيت علي صوت التليفون انتي رايحه الجامعه

ياسمين، ايوا ي حبيبي ماشيه اهو

سيف، طب خلي بالك من نفسك

ياسمين،من عيوني

ثانيه اي الصوت ده

سيف،صوت اي

ياسمين،مش عارفه استني كده

ياسمين،ااااااااااااااعااا يمااااامااااااااع

وفي الجزء الخامس هل يا تري سيكون هناك أحداث غير سارة أم سيكون هناك الكثير من الأحداث الجميلة المفرحة مع أبطالنا ؟ كل هذا وأكثر سوف نعرفه في السطور القادمة .

الجزء الخامس من رواية عادت لكي تنتقـ،ـم
اه اه الحقوني
في ايه يابنت المجنونه صرعتيني
ت تعبان تعبان
سيف : بطلي هزار ياياسمين تعبان ايه بس
انا مش بهزر يا متخلف في تعبان بجد
انتي بتتكلمي بجد
اه والله
طب اهدي ومتعمليش اي حركه او صوت وانا جيلك ياسمين اوعي تعملي صوت عشان مياذكيش انتي فاهمه ومتخفيش انا جيلك
(*ملحوظه البيت قريب جدا من بيت عمران الدمنهوري )
ياسمين وقفت علي السـ،ـرير برعب وبكاء
(دخلت رغد وهي بتضحك )
رغد: عجبك التعبان اللعبه الانا اشتريته
ياسمين بصدمه وعصبيه :لعبه
رغد : مسكت التعبان اه والله حتي شوفي
ياسمين: بس انا سمعت صوت تعبان والله العظيم
زهره، مانتي عارفه رغد ومقالبها
ياسمين بصت لرغد بغضب : رغدددددددد غوري من وشي
(دخل سيف بسرعه الاوضه )
سيف :ياسميييين ااي تعبان اي
رغد :هااار اسود انتي كنتي بتكلمي سيف
سيف :انتو قاعدين كده ليه كنتي بتصوتي ليه وقعتي قلبي
(ياسمين بصت لرغد بغضب اكتر )
سيف :حد يرد عليا
زهره: معلش ي حبيبي رغد كانت بتهزر مع ياسمين
رغد :يالهوووووووي وجرت علي بره
سيف : رغدددددددد
(وكان هيجري وراها ومسكته زهره )
سيف بصوت عالي : طب والله يرغد لما ترجعي
رغد بصوت عالي :مش هرجع
سيف : اعمل فيها اي دي ي طنط اقسم بالله مـ،ـوتي هيكون علي ايدها
زهره: معلش ي حبيبي رغد بتحب تهزر
سيف : دي هتمـ،ـوتنااا
(قعد جنب ياسمين )
معلش ي قلبي الله يحـ،ـرقها
ياسمين : اقسم بالله انا مش حاسه بنفسي اعصابي سايبه انا كنت هموووت
سيف : عشان لما اقـ،ـتلها متزعليش
زهره : مخلاص بقي هي عملت اي يعني
ياسمين : ايوا منتي من حقك تدافعيلها منتي متفقه معاها
زهره :والله هي قالتلي هخضها بالتعبان بس مقالتليش انها هتشغل التليفون علي صوت التعبان
ياسمين :ماشي ي مامااا
سيف : اعمل فيكم اي
انا ماشي رايح لابوكي سلااااام
(عدي اليوم من غير اي جديد )
_____صلو على سيدنا محمد ❤_____________
تاني يوم
صحي عمران علي رنه تليفونه
عمران، الو
يونس ،اخبارك اي ي فندم
عمران، حبيبي ي بني طمني عليك عملت اي
يونس ، انا كويس الحمد لله والعمليه تمت بنجاح عيب عليك
عمران ،كنت واثق انك قدها طب هتنزل ايمتي امك واختك واكلين دماغي
يونس ، والله ي حاج مش عارف كل مقول ان القضيه خلصت تطلع بدايه لنقطه تانيه واديني بشتغل وان شاء الله اول مخلصها هرجعلكم جري
عمران، تاجي بالف سلامه ي بني
يونس ، يبقي سلملي علي ماما وياسمينا عشان ممعيش وقت اكلمهم
عمران، حاضر ي بني خلي بالك من نفسك
يونس ،الله يخليك ياحج عايز حاجه
عمران ،عايز سلامتك يبني يلا في حفظ الله
(قام اتوضي ونزل المسجد صلي الفجر
وقامت زهره صلت الفجر وقعدت تقراء قران وتدعي ربنا وهي بتبكي بان يحميلها ابنها ويرجعه لحـ،ـضنها بالسلامه
جه عمران، وشافها كده )
عمران ،اي ي حبيبتي مالك بتعيطي ليه
زهره ، ابني وحشني اووي وخايفه عليه ي عمران
عمران، متقلقيش هو كلمني من شويه وطمني عليه وبيسلم عليكي انتي وياسمين
زهره، بقي كده ي عمران يكلمك ومتخلهوش يكلمني
عمران ، هو مكنش عنده وقت قال انه عنده عمليه وبلغني ابعتلكم السلام
زهره بقلق اكتر ،يارب احفظه واحميه ياااارب
عمران ، ي ست قولنا كويس والله وقريب هيرجعلنا بسلامه
زهره ،يااارب
_________استغفر الله العظيم ❤____________
عند مرام
(قامت تشرب وملقتش روان طلعت المطبخ وشربت ودورت علي روان ملقتهاش ورجعت
الاوضه لقتها طالعه من الحمام وبتفرش سجاده الصلاه )
مرام،قلقتيني علي فكره انا قولت انتي رحتي فين
روان، كنت بتوضي عشان الصلاه
مرام ، هو انتي متعوده انك تصلي الفجر
روان ،انا الحمد لله بصلي كل الفروض وعلفكره كمان انا حافظه ١٦ جزء من القرآن
مرام باعجاب وفرحه ، ماشاء الله
روان ،متاجي تصلي معايا ي مرام
مرام ، مش المرادي ادعيلي ربنا يهديني
____________ بقلمي/اميره رمضان????
*بعد ساعه
روان جهزت الفطار
خالد، مرام صحت
روان، لاء لسه هطلع اصحيها
(وطلعت شافت مرام نايمه ووشها كله عرق ومش عارفه تتنفس )
روان بخوف، مراام مرام
صحت مرام وشهقت
روان ،مالك كنتي بتحلمي بكابوس ولا فيكي اي
مرام،…….
روان، مراام
مرام ، لاء ده كابوس عادي
روان، طيب ي حبيبتي خدي اشربي
مرام، تسلمي انا هدخل الحمام
روان بصوت عالي :طب بسرعه عشان تنزلي تفطري الاول قبل متعملي اي حاجه تاني
(وطلعت روان من الاوضه وقابلت في وشها عامر )
روان بضيق ، اصطبحنا علي الصبح
عامر ببرود ، اي شفتي عفريت
روان، ياااريت
عامر ، اتعدلي ي بت بدل مخلي وشك شوارع
روان باستفزاز ،اها زي ما مرام عملت كده في وشك
عامر بعصبيه ، متفرحيش بيها اوي كده دي غايتها طلـ،ـقه طايشه في اي عمليه
روان بخوف ،عامر انت هتعمل اي فيها
عامر ، انا قولت هعمل حاجه
روان، اقسم بالله لو قربت من مرام مهيكفيني فيك مـ،ـوتك
عامر ،اي لحقتي تتصاحبي عليها دانت لسه بقيلكم مع بعض اسبوع
روان ، حاجه متخصكش وغور من وشي
عامر ببرود ، استنيني انهارده في اوضتك عشان هاجي اسهر معاكي شويه
(مشت روان وهي متعصبه من الغبي ده )
________الحمد لله❤___________________
في بيت سيف العطار
كان تليفون البيت بيرن
رغد كانت نازله عشان تفطر وسمعت التليفون بيرن
رغد ، الو
المتصل ، ايوا ي فندم معايا والدة الرائد سيف العطار
رغد ، والدة اي ي عنيا ليه عندك حول في السمع انا اخته
المتصل: اسف ي فندم بس نتيجه التحاليل والاشاعه بتاع والدتك جهزو ومحتاجين حد منكم بس ياجي يدينا شويه بيانات ويستلم نتيجه التحاليل والاشاعه
رغد ، ماشي هنجيلكم الساعه كام
المتصل ، الساعه 3العصر ي فندم
رغد ، تمام شكرا لحضرتك
ليلي ، مين الكان بيرن
رغد ده حد من المستشفي بيقول ان نتيجه التحاليل والاشاعه بتاعتك ظهرت وعايزين حد ياخدها
انا هروح اصحي سيف يروح يجيبها
مسكتها امها وقالت اخوكي غايب عن البيت بقالو كام يوم وجاي تعبان سبيه نايم انتي مابتحسيش
رغد، ماشي ي ست الحنونه مين بقي الهيروح المستشفي
ليلي ،انتي الهتروحي ولا انتي اتشليتي
رغد، ايوا ماهي كل حاجه انا ماهو مفيش الا انا في البيت ده اااعااااااا (الشبشب اتحدف في وشها ????)

هيا بنا لنبدأ قراءة أحداث الجزء السادس لمعرفة ماذا سيحدث من جديد مع ابطال الرواية ؟ فجهز نفسك جيداً وهيا بنا .

الجزء السادس من رواية عادت لكي تنتقـ،ـم

بت اي رايك في الخمار

ااااي ده الشيخه ياسمين بركاتك

تعرفي انا استاهل الضـ،ـرب اني باخد رايك

رغد : لاء والله حلو جبتيه ايمتي

ياسمين : سيف كان جبهولي قبل كده

ومقولتليش يعني ????

اكيد نسيت ماهو مستحيل اكون متعمده مقولكيش

ماشي ي ختي المره الجايه ياريت متنسيش عشان منسكيش نفسك علطول

ياسمين : خلصناااا انا رايحه الجامعه انتي لسه ملبستيش

رغد: لاء معنديش محاضرات مهمه

ياسمين : انا نفسي مره تقوليلي ايوا رايحه عشان عندي محاضره بت هي الكليه دي بتاع ابوك وانا معرفش

رغد : ياست اتنيلي قال يعني لما بروح انا بفهم حاجه

________________

عند مرام

مرام ، مالك ي بت

روان ،مفيش

مرام ، لاء بلاش الجو ده انا مش خطيبك قولي فيه اي علطول

روان ، مفيش ي ستي كل الحكايه الزفت عامر

مرام،عااامر والله ليه شوقه مشفتهوش من المره اياها

روان ،اهو جه وهيقرفنا

مرام ، هو عملك حاجه

روان ،لاء معملش بس قالي

مرام ، قالك اي

روان، هددني انه هيقـ،ـتلك وانتو في العمليه

مرام بضحك ،واي تاني

روان ، مرام بلاش برود بقولك قالي انه هيقـ،ـتلك

مرام، ده واحد جبان متشغليش دماغك بيه

روان ، طب احذري منه برضو

مرام : ماشي وقالك اي تاني

روان :هاا

مرام ، جك اوه قالك اي تاني

روان بخوف، قالي جهزي نفسك انهارده عشان هياجي يسهر معايا

مرام باستغراب ، يسهر معاكي ازاي

روان ، بطلي غباء ي مرام

مرام ، فاهمه بس هو سهر معاكي قبل كده

روان بصدمه ، مراام انتي بتسالي انا ممكن اعمل حاجه زي كده

مرام ،معلش انا معرفكيش غير من اسبوع

(روان سكتت بحزن)

مرام ، قولتلك معلش بقي وبعدين انا العرفته عنك انك مش كده بس سؤالي بمعني انه ممكن هو اليكون غصب عليكي وكده

روان : لاء هو بيخاف من عادل كبيرهم طول ماهو عامر هنا بكون انا لازقه لعادل ده في كل حته وبليل مبيغمضليش عين من الخوف وبفضل قافله الباب عليا بكذا قفل عشان ميدخلش

مرام : بصي انا من اول مشفته وانا عايزه اخلص عليه بس مش وقته

روان ، تخلصي عليه ازاي

مرام بسخريه ،هلعب معاه

روان، مرام انتي ممكن تقـ،ـتلي

مرام، لاء جايه اصطاد سمك

روان ، كل الا اقدر اقولهولك ربنا يهديكي انا بدعيلك كتير اووي بأن ربنا يهديكي ويبعدك عن الطريق ده

مرام بعدم اهتمام ،تمام

انا ريحالهم عشان شكلهم اتجمعو

(وفعلا اتجمعو )

___________

عادل ،مرام لزم تركزي عشان العمليه المرادي مش سهله

مرام ، التسليم ايمتي

عادل ، بعد بكرا بليل والمكان ******وعامر وخميس هيبقي معاكي

(بصت مرام علي عامر باستحقار وبصت علي خميس )

مرام: هو هيخرج ازاي ده وهيمشي ازاي

خميس ، انا اقدر امشي حتي لو رجلي مقطوعه

مرام مثلت الانبهاار ،ياراجل ليه هتنط زي الكنغر

المهم انا عايزه عربيتين تاني يستنونا بعيد عن مكان التسليم في المكان ********

خالد ، ليه عايزه العربيات دي

مرام هتعرف بعدين انت بتقول الحكومه عنيها علينا واحنا لزم نكون محرصين اكتر

عادل، تمام استعدو بقي عشان المرادي العمليه مش سهله

_____________

عمران : الووو يا بيه عجبك النوم

سيف : والله ي فندم انا مصدقتش لما شفت الرساله من حضرتك انك عطيني انهارده اجازه

عمران : عد الجمايل

سيف :علي راسي

عمران : باكد عليك ان بكرا الصبح بدري فيه اجتماع عشان هنبدء في العمليه

سيف: تمام ي فندم

ورجع سيف نام تاني

_________

(طلعت مرام وتليفونها رن

وقفت في مكان واتاكدت ان مفيش حد وردت علي التليفون)

الكابتن، عامله اي ي بنتي

مرام ،انا بخير ي كابتن طمني عليك

الكابتن ، انا كويس والله بس انتي وحشاني اووي مش بتسالي عليا ولا بتاجي تشوفيني ولا كانك بتعتبرني زي والدك الله يرحمه

مرام، ابدا والله ي كابتن انت عارف غلاوتك بس والله انا لسه جايه مكان زي ده لسه بظبط اموري وكده

الكابتن ،فاهمك ي بنتي

مرام، بنجهز للعمليه

الكابتن ،دي اول عمليه ليكي

مرام ،اول عمليه بجد كان فيه عمليه بس كانت فيشنك قال اي بيختبروني والله سعات بيحسسوني انهم شاغلين فين في اختراع الذره

الكابتن،طب خلي بالك علي نفسك ي بنتي ولزم تكوني مأمنه نفسك كويس ومتنسيش كلامي

مرام، فاكره كل حاجه ي كابتن

الكابتن ، يبقي كلميني لما تفضي

مرام، ماشي ي كابتن عايز حاجه

الكابتن ،سلامتك في الدنيا ي بنتي

(قفلت مرام مع الكابتن ) ولفت وشها

=مرام انتي بتعملي اي هنا

مرام:????

يتبع…………

وفي الجزء السابع دعونا نري هل سيحدث أزمة كبيرة مع أبطال الحكاية أم ستكون كل الأمور ميسرة وسهلة معهم ؟ كل هذا سنعرفه في السطور التالية .

الجزء السابع من رواية عادت لكي تنتقـ،ـم
رام انتي بتعملي اي هنا
مرام :???? لاء ابدا واقفه بشم هوا انتي عايزه حاجه
روان : خالد بيقولك شوفي العربيات مناسبه ولا لاء
مرام :تمام
__________
عمران : الووو يا بيه عجبك النوم
سيف : والله ي فندم انا مصدقتش لما شفت الرساله من حضرتك انك عطيني انهارده اجازه
عمران : عد الجمايل
سيف :علي راسي
عمران : باكد عليك ان بكرا الصبح بدري فيه اجتماع عشان هنبدء في العمليه
سيف: تمام ي فندم
ورجع سيف نام تاني
____________________
*في المستشفي
رغد :لو سمحتي انا رغد العطار وامي كانت عامله هنا تحاليل واشاعه واتصلو بيا اجي اخدهم متعرفيش اجيبهم منين
الممرضه ، اطلعي الدور التالت تاني اوضه علي شمالك من ناحيه السلم
رغد، شكرا
(جات تركب الاسانسير بس كان زحمه طلعت السلالم )
رغد : احييه هو فين يميني من شمالي استني كده احنا بناكل بالايد دي يبقي الناحيه التانيه
(وصلت قدام اوضه وسالت ممرضه فيها )
رغد :لو سمحتي انا كنت عايزه التحاليل والاشاعه بتاع ليلي علي عبد المعز
الممرضه :ماشي ثواني
(دورت شويه ملقتهمش سالت الممرضه التانيه )
الممرضه2: دكتور الاشاعه واخد الاشاعه بتاعتها عشان لسه هيعملها التقرير
رغد :طب هو هيخلص ايمتي
الممرضه2 :ماهو للاسف والله انا معرفش هيخلص ايمتي لان في كذا حاله طوارئ تحت وهو مشغول جدا
رغد وهي تهز براسها :يعني هطول معاكم هنا
الممرضه2 :معلش ي فندم
رغد ، ولا يهمك طب التحاليل فين
الممرضه : انا هطلع اجبهالك وانتي ارتاحي بس شويه
رغد :ماشي طب بصي انا هتمشي شويه وهجيلك تاني اشوفها جات ولا لسه
الممرضه :ماشي
(طلعت رغد وقعدت شويه تلعب في تليفونها وشافت وحده قاعده تبكي )
(قامت رغد وقعدت جنب الست دي )
رغد :انا اسفه لتدخل بس انتي بتعيطي ليه
الست: بعيط علي وجع قلبي علي ابني
رغد :مالو
الست : تعبان يقلبي تعبان اووي ورافض الاكل والشرب وبيمـ،ـوت مني بالبطئ (وانهارت في البكاء )
رغد : طب ليه كده
الست : عمل حادثه من 3ايام والحادثه كانت بسيطه الحمد لله كلها سطحيه بس هو رافض الاكل والشرب وده غلط عشان كده
حالته في النازل
الدكتور قال حالته النفسيه وحشه اوووي وعلاجه الاهم ان حالته النفسيه دي تتغير
رغد :طب مودتهوش لدكتور نفسي ليه
الست : ده بمجرد ما الدكتور قال كده اتعصب وقال مش هيروح لحد وهيفضل كده مهما نعمل
رغد : طب احكيلي بيتصرف معاكي ازاي
الست: علطول بيزعقلي ومتضايق وساكت ومش بيتكلم (وحكتلها البيحصل )
رغد :بصي انا ممكن ادخل احاول معاه بس باين علي ابنك انه عايز حد يشدلو ودانه هو ازاي يتكلم معاكي كده
طب هو كان بيتعامل معاكي كده علطول قبل الحادثه
الست : لاء خالص والله ده علطول شايلني في عينه وبيخاف علي زعلي بس الحصلو برضو مش سهل
رغد :بفضول حصلو اي قبل الحادثه (خربيت ام الفضول???? )
الست ، كان عندو صحبو بيحبه اووووي وطول الوقت مع بعض سابه وبعد عنه ووقعه في مشاكل في الشغل واترفد من الشغل بسبب صحبو وكان عندو حبيبته ودي سابته وحبت واحد غيرو
رغد بدهشه:???? لاءءء متقوليش حبيبته سابته وحبت صحبو
الست :لاء هي حبت واحد تاني
رغد :فهمت بصي انا هحاول اتكلم مع ابنك وكمان انا واخده كورسات كتيره في التنميه البشريه فهحلل الفلوس بتاع الكورس واشوف جه بفايده ولا لاء ???? يعني ممكن اعرف اتصرف معاه
الست : يااااريت ي بنتي والله العظيم هيكون جميل في رقبتي لاخر عمري
(دخلت رغد الغرفه وبصت عليه )
_نتعرف بيه علطول ***
(اكرم الحسيني 24 بشرته بيضه وعيونه رمادي غامق خريج تجاره وكان بيشتغل محاسب في بنك)
رغد بابتسامه :صباح الخير
بصلها اكرم بهدوء ومردش عليها وبص قدامو
رغد : علفكره من الادب ان لم حد يقول صباح الخير ترد عليه وتقول صباح النور
انت متعلمتش الحاجات دي في المدرسه
اكرم مدهاش اي اهتمام
رغد : عرفت انك مش بتاكل طب بزمتك مين المجنون اليقعد الفتره دي من غير اكل
اكرم :وانتي يشغلك في اي
رغد : مش حلو الاسلوب ده علي فكره في طريقه احسن من كده
اكرم : معرفهاش
رغد : مفيش مشكله اعرفهالك
اكرم : مش عايز اعرف حاجه
رغد :ماشي هو انت بتدرس ولا خلصت
مردش عليها
رغد :انا في رابعه حقوق بحب كليتي اووي وحياتي
اكرم : حاجه متخصنيش ومش عايز اعرفها
رغد : اكيد ماهو عشان انت كئيب مش هتحب تسمع حاجه حلوه
اكرم بضيق : هو انتي مين
رغد بكبرياء : مهتم انك تتعرف عليا
اكرم : ميهمنيش خالص انتي الجيتي اقتحمتي حياتي وشغاله اسئله
رغد بعصبيه : والله انت الاعامل في نفسك كده انت لو عايش حياتك بشكل طبيعي محدش هيتدخل
اكرم : والله دي حياتي وانا حر فيها
رغد :لو حياتك انت بس اعمل فيها الانت عايزو انشالله تولـ،ـع فيها محدش هيقولك حاجه لكن امك الهتمـ،ـوت نفسها عليك دي ذنبها اي
ذنبها انها جابت واحد معندوش اي احساس بالمسؤليه
بصلها اكرم وقال : انت تعرفي الاحصلي عشان تقولي عندي احساس بالمسؤليه ولا لاء
رغد ، واي الاحصلك يعني
اكرم بعصبيه : وانتي مالك
رغد : انت بذمتك فرحان بالانت فيه ده
اكرم : والله انا مطلبتش رايك
رغد :وانا مش بديك رأيى انا بقولك الحقيقه
اكرم : ياستي ملكيش دعوه بيا انا عايز امـ،ـوت واخلص
رغد بأنفعال : طب واخلص علطول
اكرم بحزن: ياريت كنت اقدر كنت عملتها من زمان

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى