عادت لكى تنتقـ،ـم

خالد :البنت الكانت بتدرب دي لابسه اسود
المدير : اهاا دي مرام مساعده كابتن مدحت
خالد :هي معاه من ايمتي
المدير :من حوالي اربع او خمس سنين وهي بتدرب لكن دلوقتي بقت مساعدته
خالد : انا عايزها معايا
المدير : ي فندم دي مش من المتدربين هنا هي دلوقتي بقت مساعده الكابتن شوف اي حد غيرها وانا عنيا ليك
خالد باصرار : مش عايز حد غيرها هي باين عليها قويه وانا محتاجها معايا في الشغل
المدير بحرص: ي فندم دي ملهاش في شغلكم وكمان …
قاطعه خالد : ابعت للكابتن وانا هتكلم معاه
المدير بخوف : حاضر يفندم وبعت للكابتن
______________
(في الوقت ده الكابتن قاعد مع مرام )
مدحت : بعتلي شكلو هيقولي انه هياخدك
مرام : ياسلااام بس بقولك ي كابتن حاول تبينلو انك مش عايز تفرط فيا مش اول ميقولك تقوله اتفضل شيل ????
ضحك الكابتن : دانا الهروح اتحايل عليه ياخدك
بعد دقيقه الكابتن راحلهم
خالد : ازيك ي كابتن مدحت
كابتن مدحت : بخير الحمد لله
خالد :انا هدخل في الموضوع علطول انا عايز البنت الكانت معاك تحت تشتغل معايا
كابتن مدحت :تشتغل اي
خالد : لاء ده اسرار ملكش انك تسال
كابتن مدحت : يبقي معطلكش شكلك مستعجل
خالد : انا مش بقرر كلامي كتير البنت دخلت دماغي وعايزها معايا في الشغل والمبلغ الانت طالبو فيها هتاخدو
الكابتن : دانت جاي تشتريها بقي مش حكايه شغل
خالد :اعتبرو عربون
اتدخل المدير :خلاص احنا نجيب مرام وهي تشوف هتعمل اي
(وفعلا جات مرام ودخلت وهي بتبصله بتكبر وبرود )
خالد : انسه مرام انا عايزك تشتغلي معايا
مرام : هاخد كام
خالد بانبهار : مش هتسالي هتشتغلي اي
مرام : حضرتك مشفتنيش غير وانا بتدرب وبعدها طلبتني لشغل معاك يبقي اكيد مش عايزني مديره شركه يعني
خالد باعجاب : تمام اعتبري انك هتشتغلي مع الحكومه
مرام بثبات: يبقي معطلكش
خالد باستغراب : ليه
مرام : مليش انا في شغل الحكومه مبحبهاش ولا بحب شغلها
خالد بابتسامه: هدفنا واحد يبقي اتفقنا
مرام : لسه مقولتليش هاخد كام
خالد : احنا في شغلنا حسب شطارتك فلوسك تزيد
مرام : بس ده مبدء مبحبوش انا شغلي عالي جدا بس لزم اتفق علي الفلوس
خالد: هي الفلوس مهمه عندك كده
مرام ببرود :انا ابويا الجنيه وامي مصلحتي غير كده ميهمنيش
خالد : طب مش هنختلف اصل مش انا البحدد الفلوس الحكايه دي مع الكبير بتاعنا
مرام : يبقي لينا قعده مع الكبير بتاعك
خالد : يعني موافقه تشتغلي
مرام : والله طلاما الفلوس والمصلحه اجتمعو ليه لاء
خالد : طب يلا
مرام : استني فين العربون للكابتن
الكابتن : يبنتي انا مش عايز فلوس
مرام : ده حقك انت دربتني وصرفت عليا كتير وهو هيخدني اشتغل معاه يبقي يدفع عربون
خالد : كتب شيك وعطاه لمرام
مرام : عشرقايق هلم حجاتي واجي وطلعت من عند المدير
(لمت شنطتها وهي حاسه بنصر انها هتبدء خطوتها الاول في الدخول للعصابه وبعدها تنتقـ،ـم منهم كلهم)
يتبع ………
الجزء الثاني من رواية عادت لكي تنتقـ،ـم
عمران : لو كنت جيت ملقتكش في المكتب زي مقولتلك كنت علقتك وخليتك عبره
سيف : ليه يا باشا تعمل فيا كل ده ده انا حتي خطيب بنتك وكلها كام شهر وابقي جوزها
عمران :انا معرفش امي في الشغل ومفيش فرق بين غريب او قريب
سيف بصوت واطي : انت هتقولي كلو انت بتقدرو وبطلع عينه
عمران: بتقول حاجه ي سيف
سيف: لاء ابدا ي باشا هو انا اقدر
عمران : تمام اتفضل
سيف: اي ده ي فندم
عمران : ده ملف قضيه سـ،ـلاح عايزك تشتغلي علي القضيه دي بايدك واسنانك الناس دي بقيلها زمن طويل بيهربو سـ،ـلاح بره مصر وجوه مصر الملف ده في شويه معلومات عنهم هما مين وازاي تعاملتهم في التجاره وكمان جتلنا معلومات انهم هيهربو كميه سـ،ـلاح راهيبه الفتره الجايه دي بقي عليك انت تعرف المعاد والمكان وتقبض عليهم
سيف: امرك ي فندم اي اوامر تانيه
عمران : لاء اتفضل انت
_______________
عند مرام
(طلعت مرام من المعسكر مع خالد
ووصلو المكان وكان عباره عن بيت كبير (فله)وباين عليها انها قديمه
اول ما نزلت مرام من العربيه حست بشويه خوف بس الخوف ده اختفي لما افتكرت ماضيها البشع)
خالد : مرام
مرام بجمود :نعم
خالد : احنا هنستني الكبير بتاعنا هنا وهو هياجي بعد ساعه كده
مرام ، ماشي
(دخلت البيت ورغم أن البيت واسع بس بالنسبه لمرام سجن وكانت بتتفرج علي المكان بارف وضيق بمعني اصح مش طايقه حد وشافت بنت جميله جدااا عمرها في حدود 19سنه عيونها زرقه وشعرها اسود وبشرتها بيضه واول ما البنت شافت مرام ضحكتلها وابتسمت مرام ليها وبعدين كشرت تاني وقعدت تستني كبير العصابه لما ياجي)
____________________________
في الجامعه عند رغد وياسمين
رغد :الجميل زعلانه ليه
ياسمين : ممكن تسيبيني في حالي انا لاطيـ،ـقاكي ولا طايقه اخوكي
رغد : الله وانا مالي ي لمبي الحق عليا اني سايبه محضراتي وجايه اقعد معاكي
ياسمين : معلش يا اختي عطلاناكي عن الامتياز وماهو محدش عارف يتكلم معاكي لانتي ولا اخوكي تمـ،ـوتو في مصلحتكم
رغد بضحك: انا عن نفسي بعشق مصلحتي جدا
ياسمين ، رغددددد مش ناقصه برود اهلك ع الصبح
(ضحكه رغد وفهمت ان ياسمين متضايقه جدا وعايزه تحكي تفضفض )
رغد :قوليلي سيف مزعلك ليه كده
ياسمين : هو ده يزعل حد ابدااا
يابنتي كل يوم من وقت متخطبنا يصحي الصبح ارن عليه اشحت كلمتين بالعافيه ويطلع علي شغلو وطبعا مستحيل نتكلم وهو في الشغل حرصا علي سلامه البيشتغلو معاه لاحسن اعملهم ازاعاج
(رغد مقدرتش تمسك نفسها من الضحك وضحكت عليها بصتلها ياسمين بغضب )
رغد : احم كملي كملي
ياسمين بانفعال ،وياجي بليل ارن عليه لما اعرف منك او من بابا انه وصل البيت يبقي جاي فاصل من الشغل واول مابيدخل اوضته بيترمي علي السـ،ـرير وينام وبرضو لو لحقت اتكلم كلمتين معاه قبل النوم ده انا لو كنت اذكار الصباح والمساء كان طول شويه وهو بيقولهم ده مره سابني ونام وانا بكلمو????اعاااااا
رغد : طب ماهو ….
قاطعتها ياسمين بصوت عالي وقالت ، متبرريش انا عارفه انه شغله صعب لكن انا من حقي عليه انه يهتم بيا شويه ده امبارح قالي صحيني الساعه ٧ الصبح
من قبل ٧ وانا عماله ارن عليه ساعه وربع مبيردش عليا
رغد : لاء ملكيش حق تزعلي منه ي ياسمين هو الصبح مبيردش علي اي حد اصلا انا شخصيا بتعب معاه لما بصحيه
وماما بتصوت وبتبقي ناقصه تلم علينا الناس عشان يصحي
ياسمين : دانتو عليه منخوليه وانا جوعت
رغد : يقطع الحب علي الارتباط ع الجواز علي العايزينو ???????? يلا نروح نفطر انا عصافير بطني بتهوهو ????
**(رغد العطار 22سنه في سنه رابعه حقوق عنيده ومرحه ومتهوره ملامحها جميله عيونها سوده وبشرتها قمحيه وشعرها اسود جسمها فلات ومحجبه )
_________________________
عند مرام بعد ساعتين انتظار
(دخل واحد وقال انسه مرام عادل باشا وصل وخالد باشا طالبك علي هناك
راحت مرام للمكان الموجودين فيه هو عباره عن اوضه كبيره زي المكتب دخلت واول مشافت الشخص ده
افتكرت ماضيها وقت ما قتـ،ـلو ابوها قدام عنيها ضـ،ـربات قلبها ذادت والشر كله اتجمع في عينها
بس داست علي ايدها عشان تهدا لان ده مش الوقت المناسب وده مش القـ،ـتل وابوها ده واحد كان موجود معاهم فضلت تصبر نفسها بانها تهدي عشان تصل للقـ،ـاتل )
خالد : دول الرجاله ي فندم
بص عادل علي مرام
عادل : هي دي الكلمتني عنها
خالد : ايوا ي فندم
عادل : وانتي مستعده لشغل معانا
مرام بثبات: احنا لسه متفقناش عشان اكون مستعده او لاء
عادل باستغراب : اتفاق اي انتي ملكيش انك تعرفي حاجه انتي هنا تعملي القولك عليه
مرام: تؤتؤ انا مفيش حد يؤمرني انت مش شاريني انا اشتغل معاك بمزاجي وبالطريقه التعجبني غير كده امشي وتشوف حد غيري
عادل : انتي عارفه اني ممكن اقتـ،ـلك هنا ومحدش يجيب عنك خبر
مرام : عارفه بس لو قد كلمتك فكر بس انك تلمس شعره مني
عادل : انتي بتتحديني
مرام : مش من مصلحتي اني اتحداك ي نشتغل بالطريقه الانا اوافق عليها ي كل واحد يروح لحالو
عادل : عجبته قوتها وانها مبتخفش وده الهما عايزينو
قالها في عمليه ان نفذتيها بدون متتمسكي هدخلك معايا في الشغل الكبير وطاقه القدر هتتفتحلك
(خالد بصدمه مفيش حد يعرف شغلهم الكبير غيرهم ليه هيدخل وحده لسه جديده معاهم )
مرام : اي هي العمليه دي واعتبرها تمت
عادل : تهريب سـ،ـلاح
مرام : بابتسامه اديني معاد العمليه والمعلومات عن الناس الهتستلم واعتبر العمليه تمت
عادل :بس خلي بالك الشرطه عينها علينا
مرام : الشرطه عينها علي البلد واحنا فداء البلد وضحكو
عادل : خالد هيعرفك كل حاجه عن العمليه وطريقه التنفيذ دي ليكي انتي اما نشوف قد الثقه دي ولا لاء
مرام : انا مبكونش قد ثقت حد انا بكون قد شغلي وهو ده المطلوب ع معتقد
عادل بابتسامه رضا ،طبعا هو ده المطلوب ريحي انهارده وبكرا هنبدء نعرفك المعلومات عن العمليه
خرجت مرام وقال خالد لعادل
خالد :اي الانت عملته ده ي كبير مينفعش اننا نعرفها كل حاجه عننا كده بسرعه
عادل بابتسامه : انت اي الخلاك جبتها هنا
خالد : عشان شفتها وهي بتدرب وكانت ممتازه وكمان باين عليها قويه عشان كده جبتها تشتغل اي حاجه معانا لكن مش الشغل المهم ده
عادل : وانا دخلتها شغلنا لاني شايف في عنيها كمية شر وقوه لو استغلتها في شغلنا هترفعنا فوق اوووي
خالد : بس انت كده ي كبير بتساويها بيا
عادل : انا معنديش في الشغل غالي وهي لسه مشتغلتش اما نشوف شغلها ي تتساوي بيك يتبقي اقل منك ي تبقي اعلي منك محدش عارفه بكرا فيه اي
**(عادل الزناتي عمره ٥٠سنه تاجر سـ،ـلاح )
_______________
عند مرام
( كانت ماشيه وشافت نفس البنت بتحاول تمشي وفي واحد واخد العكاز بتاعها وبيضايقها بصت مرام علي البنت كانت عندها رجل صناعيه )
البنت :لو سمحت ي عامر باشا هات العكاز مش عارفه امشي
عامر : طب اتحايلي عليا شويه كمان
البنت ببكاء : بالله عليك اديني العكاز
عامر :ماشي خديه اهو وجات البنت تاخدو فسحب عامر العكاز مره وحده ووقعت البنت علي الارض
اتضايقت مرام جدا
ومسكت ايد عامر بقوه وضوافرها غارزه في ايدو وهو كان بيتالم وضـ،ـربته بالبوكس في وشه نزفت مناخيرو وادتلو شالوط في رجله فقد توازنه ووقع علي الارض وراحت مرام للبنت وادتلها العكاز
وقالت لعامر
_حزاري اشوفك قريب منها تاني وانا وقتها هخلي وشك البتتباهه بيه ده شوارع
ومشت مرام والبنت
(عامر مش مستوعب ان بنت تضـ،ـربو كده )
عامر بغضب : ودي بقي تطلع مين بس ماشي ورحمت امي لعرفك ازاي تمدي ايدك عليا تاني
**(عامر سليمان 26سنه طويل وبشرته بيضه وعيونه خضره وسيم جدا ومغرور شغال مع العصابه في تجاره السـ،ـلاح )
______
عند مرام والبنت
البنت :انا مش عارفه اشكرك ازاي بس انتي كده حطيتي نفسك في مشكله عامر الكلب ده ممكن ياذيكي
ضحكت مرام وقالت يبقي يوريني هيعمل معايا اي
البنت بفخر : بس انتي كنتي جامده وانتي بتنفخيه الله عليكي ي بطل مصر
ابتسمت مرام علي شكل البنت وهي بتمدح فيها
البنت : انا اسمي روان وانتي اسمك اي
مرام : وانا اسمي مرام
روان : اسمك جميل اوووي قريب من اسمي ، عندك كام سنه
مرام : سكتت لحظه تفتكر بقي عندها كام سنه
روان : اي هي محتاجه التفكير ده كلو
مرام : اصلي مش مهتمه اني اعرف عمري بس ياستي عمري 21سنه
روان : ايواا وانا هبدء في 19بعد شهر
مرام : طب يستي كل سنه وانتي طيبه
روان: وانتي عيد ميلادك ايمتي
(مرام افتكرت اخر عيد ميلاد لها مع وابوها وامها غمضت عنيها بصعوبه عشان تنسي اليوم ده
روان خدت بالها ان مرام زعلت من السؤال ده فغيرت الكلام)
روان : انا عامله اكل طعمو حلو تعالي ذوقيه واديني رايك
وانشغلو مع بعض
___________________
جاءالليل
دخل سيف البيت وكان تعبان
ليلي : حبيبي جيت تعالي يلا العشا جاهز
سيف : ياريت عشان انا جعان وهمـ،ـوت من النعس
نزلت رغد : هو انت مش وراك غير الشغل والنوم مابتعملش حاجه تانيه في حياتك
سيف : اسم الله عليكي ي بت انتي اخر وحده تتكلمي ي غيبوبه داحنا بنوديكي الكليه بالعافيه كل حياتك نوم دانتي من كتر النوم البتناميه بننسي انك عايشه معانا اصلا
رغد : نينننننننني
سيف : اهو لما متعرفش ترد تعمل حركه العبط دي




