
الفصل السادس والعشرون
بينما كانت تلاحقه ايتن ، وجدت رجل الشرطة يتحدث بغطرسة مع حمزة فهو لا يفهم أن مهاب هو من استفزه
انتفض جسد ايتن برعب مصاحبا بشهقة قوية، ليرمقها حمزة قائلا بعصبية :
-روحي على البيت يا آيتن
قاطعته ايتن بعناد وهي تقترب منه :
-حمزة..انا هاجي وراك..
قاطعها وهو غاضب تمامًا بحدة مبالغة :
-اقسم بالله يا ايتن لو ما مشيتي حالا هتزعلي مني
قاطعته بخوف:
-حاضر
أغمضت عينيها بقلق..فإصابات مهاب تبدو بالغة بحق
__________
شعوري أنك لست بخير ، جعل عقلي لا يتوقف عن التفكير فيك ، ولم أستطع النوم .. لا أعرف ما يحدث لي بسببك .. أنا المرأة القوية التي تستطيع التغلب على كل شيء ، لقد هزمتها أنت !
في اليوم التالي
في قسم الشرطة
توجهت ايتن بسرعة إلى رجل ما في القسم :
– الرائد سيف موجود؟
اومأ الرجل بتساؤل :
-أيوة حضرتك..تحبي اسأله علي حاجة ؟
هزت رأسها بنفي:
-لا عايزة اقابله..قوله ايتن مرات حمزة العقاد
اومأ متفهما:
-طيب ثواني أبلغه
______
ثم دلفت بعد دقيقة إلى مكتب سيف
هتفت ايتن بقلق:
– أنا معرفش حاجة عن حمزة من امبارح..وانا قلقانة عليه أوي..
قال سيف بابتسامة :
-لا اطمني..الحوار هيتحل بإذن الله
همست بتساؤل:
-طيب حمزة عامل ايه؟؟
-حمزة كويس متقلقيش.. استني هطمنك عليه
شردت ايتن قلقا على حمزة
هاتفه سيف وبعد ثوان رد عليه، قائلا :
-أيوة يا حمزة.. إيه يا باشا.. انا عندي مدام ايتن وعايزة تطمن على سيادتك ..طب ثانية واحدة معاك المدام
تناولت ايتن الهاتف من سيف
ايتن بلهفة:
-أيوة يا حمزة
حمزة ببرود:
-نعم يا ايتن
ايتن بقلق:
-ايه الأخبار؟؟ انت بخير؟ طمني عليك
حمزة بنبرة ساخرة :
– أنا بخير يا ايتن..هو انتي رايحة القسم عشان تعرفي انا بخير ولا لا
تنهدت بتعب:
– نعم ؟؟ هو انت شايف أن ده مش سبب…انا من حقي اطمن عليك يا حمزة
زفر بغضب شديد:
-تطمني عليا ليه؟؟ انتي متجوزة عيل صغير؟
زمت شفتيها بضيق، قائلة بتبرير:
-حمزة انا معرفتش انام من قلقي عليك…مقدرتش صدقني
صاح بنبرة حادة صارمة:
– تقفلي معايا وتمشي دلوقتي من القسم.. دلوقتي يا ايتن ومش عايز اسمع كلام تاني…مفهوم !
زفرت بغضب، وهي تناول الهاتف لسيف:
-اتفضل يا سيف
-الو
حمزة بضيق :
-أيوة يا سيف
-في ايه يا معلم.. مراتك قلقانة عليك مش كده
صاح بعصبية:
– مش مبرر انها تيجي لحد هنا ! ازاي اصلا تسمحلها تقعد
سيف بتبرير:
– بقولك كانت قلقانة
حمزة بنبرة صارمة:
-انتهينا..تخلي ايتن تمشي من القسم دلوقتي يا سيف..فاهم
ثم اغلق الهاتف معه، لينظر سيف إلى ايتن قائلا بأسف:
-معلش يا مدام ايتن..هو بس المشكلة لسة متحلتش..و حمزة قلقان عليكي عايزك تروحي ترتاحي وهو هيخرج متقلقيش
همست ايتن بتوسل:
– انا عايزة اطمن عليه..اشوفه بس وهمشي والله
– دماغه ناشفة وهيتعصب صدقيني
سألته بفضول:
-هو موجود؟؟
سيف بإقناع :
– موجود وفي مكان آمن..بس حمزة ممكن يتعصب جامد
ايتن بصوت شبه باكي:
-دي اول مرة اطلب منك طلب..انا معرفتش انام طول الليل من الخوف..عايزة أشوفه بس وهمشي صدقني
تنهد بقلق بنفاذ صبر :
-طيب..ربنا يستر
وقبل ان تنهض لمحت الاسم الذي أمامها على مكتبه، لتحدق به بصدمة و شك..فقررت أن تتماسك حتي تتأكد
_________
قلبي يقسو عليك .. يحزن عليك ويلجأ إليك
ثم يهدأ وينتظر منك أن تمد يديك .. وهو يلومك
جسدي وذاكرتي ينادونك
إذن من أنت لتكون نوري وناري …؟
حبي و كرهي و كل تناقضاتي ؟!
وكأن الحب فيك دائري الشكل!
اركض منك، عائدة إليك
دلفت مع سيف في غرفة المكتب، التي يجلس بها حمزة، ليتفاجأ بها أمامه
ليضرب حمزة بقوة علي المكتب قائلا بعصبية:
-هو انا كلامي مابيتسمعش؟؟؟ وانت يا سيف أنا مش قايلك تخليها تروح دلوقتي
سيف مهدئا إياه :
-خلاص بقى..هي كانت عايزة تطمن عليك..
احتدت عيناه غضبا قائلا بجمود :
-و سمعتي صوتي وخلصنا..في ايه تاني؟؟
ايتن بعناد:
-كنت خايفة عليك..مقدرتش استحمل اني امشي كده وخلاص
فقد السيطرة علي أعصابه وأمسك معصمها بعنف وصرخ قائلا :
-ليه يعني انتي مش عارفة انك متجوزة راجل مش عيل..انا تعبت من عنادك..انتي بتحبي تتحديني علي طول..مفيش مرة تسمعي الكلام من سكات
ازدادت صوت شهقات بكاءها العالية، قائلة بتبرير:
-انا عارفة اني متجوزة راجل..بس انا مراتك يا استاذ…ذنبي ايه اقعد كده قلقانة عليك
كان يتألم ، عندما رأى شحوب وجهها ، وعينيها اللتين أصبحتا بلون الدم ، والدموع الساخنة تنهمر على خديها .. بينما كانت تعض شفتها السفلية بقوة في محاولة فاشلة لخنق بكائها .. ترك يدها في حالة صدمة وكأنه قد استيقظ لتوه من كابوس غريب .. وحاول الاقتراب منها لكنها ابتعدت.
كانت تعابير وجهه غاضبة وقاسية .. ولكن خفت ملامحه على الفور عندما رآها تبكي ..
تحرك نحوها ، واحتضنها بذراعيه بحنان وكأنه يحاول الاعتذار لها عن عصبيته ، بينما هي الشيء الوحيد الذي يمكن أن تفعله هو أنها تشبثت بعناقه ، فشد يديه حولها وكأنه يريد إدخالها بين ضلوعه
تنحنح سيف قائلا :
–طيب انا هسيبكم بس ياريت بسرعة..ها
رمقه حمزة بحدة..بينما الآخر خرج واغلق الباب خلفه
سحبها ليجلسا علي الأريكة بينما هي مازالت متعلقة برقبته..
ايتن بتذمر، وهي تشعر بالسكينة الآن لوجودها بين ذراعيه تستنشق رائحته الرجولية المميزة ورأسها يستند إلى صدره:
-مكنش له داعي يا حمزة تعمل كده
حمزة بخبث:
-هو انا عملت حاجة… دي مجرد قرصة ودن
ايتن بنبرة ساخرة :
-قرصة ودن ايه..ده مفضلش فيه حتة سليمة..ياريتني ما كنت قولتلك أنه موجود
صاح بعصبية :
-كنتي اعمليها يا ايتن..كان هيبقي يومك اسود معايا
ايتن بتلاعب:
-تصدق خوفت
لمحته يحدق في انحاء سقف الغرفة، سألته ايتن باستغراب:
-بتبص على ايه؟
همس بشقاوة وهو يجذبها من خصرها لتجلس بقربه أكثر:
-بشوف فيه كاميرات مراقبة هنا ولا لا
ابتعدت عنه، ضربته على صدره فتآوه بخشونة وهي تؤنبه بغضب :
-لا احنا مش في فندق 5 نجوم..احنا في قسم حضرتك..بطل قلة أدب بقى
غمز لها بضحكة :
-اعمل ايه معاكي مبعرفش
رمقته ايتن بثقة:
-انا عارفة انك بتعمل كده عشان امشي
استغرب كونها تفهمه لهذه الدرجة؟! كيف علمت انه بالفعل كان يقصد ذلك:
-اكتر حاجة بحبها فيكي ذكائك ده..
هتفت بغرور:
-انا عارفة اني ذكية بس في الحالة دي مش ذكاء
ثم همست برقة:
-ده عشان بحبك
تصلب عدة دقائق هل هي قالت بحبك حقا؟؟!
اومأت بهدوء لتنظر نحوه هامسة بحب :
-بحبك يا حمزة..بحبك يا يا احن واحسن راجل في العالم
أعلنت الحرب على قلبي ؛ فأعطاني قلبك
فكان مثل السلام الذي حل على قلبي
جحظت عيناه بذهول:
-ده من امتي؟
ضحكت ايتن:
-شكلي من زمان
حمزة بغرور وهو يضع يديه في جيب بنطاله:
-طلعتي واقعة يعني
ايتن مقلدة اياه:
-مغرور اوي
جذبها لعناقه، لتهمس بحب:
-اتأكدت اني بحبك…لما لقيت قلبي بيدق من غير خوف..وبقيت بحس بالأمان في كل مرة تاخدني في حضنك..لقيت معاك الراحة اللي كنت مفتقداها من زمان…اتأكدت وقتها ان عمري ما حبيت إلا انت وبس
هتف بنبرة ساخرة :
-جاية تعترفيلي بحبك وانا هتحبس
شهقت بخوف وهي تبتعد عنه..ليضحك هو مطمئنا اياها بسرعة :
-بهزر..بهزر
خبطته بعنف على صدره بغضب حارق
ليردف بضحكة:
-بونبوناية بس عنيفة
رمقته بحدة :
– و شرسة كمان
– كده كده بحبك في كل الأوقات اصلا
______
قبل ان تخرج ايتن من القسم، اوقفت رجل كبير في السن، يعمل هناك
-لو سمحت..هو الرائد سيف عز الدين بيشتغل هنا ؟
اومأ الرجل بإيجاب :
-اه يا هانم..مكتبه آخر الممر ده
ايتن بتفكير :
-طب من فضلك هو اسمه ايه رباعي عشان اتأكد ان هو لأن ده تاني قسم اروحه ويطلع تشابه اسامي؟
-سيف عزالدين محمود أنور
جحظت عيناها بصدمة:
-انت متأكد؟؟؟
هز رأسه بإيجاب:
-اكيد طبعا
خرجت بسرعة من القسم، لتركب سيارتها، وهي مازالت مصدومة شعرت أنها في حلم..قررت أن تهاتف منة لتسألها عن سنه كي تتأكد اكثر..وبالفعل اكدتلها سنه..لتتأكد انه نفس الشخص..أغمضت عينيها لتتنهد بوجع
_______
لا أحد يفتقدك مثلي ، ولا أحد يحتاجك مثلي ، ولا يخفق قلب أحد خوفًا عليك كما يفعل قلبي ، لذا كن على ما يرام من أجلي …
توجهت نحو باب الشقة بسرعة عندما سمعت صوت فتح الباب.. فزوجها قد خرج بالفعل بعد مرور يومين
وجدت نفسها تركض نحوه بسرعة .. بابتسامة فرحة مبالغ فيها .. وبلهفة امرأة على زوجها .. عانقته .. لفت ذراعيها حول رقبته .. ووجهها مدفون في صدره .. حتى عانقها هو بشدة، بلهفة أكبر من لهفتها
أحاطها بذراعيه بحنان وقوة رفعها عن الأرض حتى وصلت إلى مستوى طوله .. ليدور معها كأنها طفلته الصغيرة .. اقترب بوجهه إلى وجهها .. لينظر إلى عيناها التي يعشقها .. لتقرر بفارغ الصبر أن تقبّله بشغف … بقدر ما اشتاقت له، كانت قبلة صغيرة بريئة تبث بها مشاعر خوفها عليه واشتياقها له.. عانقها هو بشدة .. وهي ترددت وقررت الهرب في تلك اللحظة .. وكأنها كانت تريد أن تتأكد أنه معها بحق .. ولم تهتم بما فعلته به .. ولكنه لم يسمح لها بالابتعاد
دفنت وجهها في صدره أكثر بخجل شديد وكأنها تريد الهروب الآن وللأبد منه وإليه..
همس بصوته القوي :
-ايتن
ايتن بخجل:
-نعم
همس برقة:
– بصي لي كده
ايتن بخجل اكثر:
-لا…
قهقه بضحكة عالية:
-لا عايز اشوف عينيكي وملامحك بجد … وحشتيني يا حبيبتي
رفعت عينيها إليه .. نظر إليها .. نظر إلى لونهم الاخضر المختلط بلون العسل المختبئ في عينيها الواسعتين الذي أخذه بعيدًا.
همست بتوسل وهي تلمس لحيته الكثيفة:
-حمزة نزلني بقي
هتف بمشاكسة:
-لا..مش بمزاجك
زفرت بضيق:
-بجد عايزة اتكلم معاك في حاجة مهمة
سألها بتوجس:
-مهمة اوي يعني؟
اومأت ببراءة:
-اه يا حبيبي
أنزلها أخيرا..لتأخذ نفسها بصعوبة..ليمسك يدها يجذبها إلى أقرب أريكة ليجلس ثم أجلسها على قدميه
ليهتف بنبرة هادئة:
-ها؟؟
-ايه؟
رمقها باستغراب:
-هو ايه اللي ايه..مش قولتي عايزاني في موضوع مهم
ايتن باحراج:
-ااه..احكيلي بقي خرجت ازاي
زفر بضيق قائلا:
-هحكيلك بعدين
ايتن بعناد :
-لا دلوقتي يا حبيبي
زفر بنفاذ صبر:
-حاضر..بصي الحوار كان هيمشي دفاع عن الشرف..وطبعا عشان الإصابات بالغة ف كان لازم يبقي فيه سبب قوي..مش مجرد تحرش لفظي وانه مسك ايدك..والا كده كنت هتحول للنيابة..وللأسف هو عمل محضر..وكان فيه ظابط هناك شد شوية وقال طالما اتعمل محضر في القسم خلاص الموضوع طلع من ايديهم..لحد ما كلمنا لواء والد صاحب سيف.. ظبطلنا الحوار…والمحضر اتلعب فيه بحيث ان المجني عليه يتقلب جاني والعكس
جحظت عيناها بصدمة :
-يعني مهاب اللي هيتحبس؟
اومأ بخبث:
-مش كتير يعني..بس قولت لسيف لما يخرج خليه مشرف شوية يتربي في الحجز
صاحت بعتاب:
-وانت اصلا..مسيبتش فيه حتة سليمة..بجد يا حمزة مكنش ينفع اللي حصل ده..خلاص قال كلمة ومسك أيدي وانت اخدتني..كنت عديها وخلاص
هتف بعصبية :
-هو ايه اللي كنت اعديها..انتي بتستهبلي؟؟ واحد يمسكك من ايدك جامد..ويضايقك بالكلام واسكت ..ليه مش معاكي راجل؟؟
انتفضت من نبرة صوته، قائلة بهدوء:
-ماشي تمام اضربه بس مش للدرجة..انت عصبي اوي يا حمزة.
صاح بقسوة، بنبرة خشونة:
-والله بقي انا كده..اللي يجي علي اللي يخصني..افرمه مكانه..معنديش وسط..وبعدين انهي بقي السيرة الزفت دي
اومأت بإيجاب وهي تنهض من علي قدميه:
-حاضر..هقوم اجهزلك حاجة تاكلها
جذبها مرة أخري :
-بعدين
هزت رأسها بعناد:
-لا انت اكيد جعان..هقوم..اا
هتف بحدة:
-بعدين قولتلك…
ثم نهض فجأة حاملاً إياها ملقياً بها على كتفه وهو يتجه نحو الدرج المؤدي إلى غرفتهما .. في حين شهقت إيتن مندهشًة وهي تريد النزول .. وأخيراً وصل إلى غرفتهما ..
أغلق باب غرفتهم من ورائه بإحدى قدميه حتى ألقى بها برفق على السرير ، ثم ثبت يديها المتمردة بيديه ..
ينظر إليها بحب وشغف ، يقترب وجهها من وجهه شيئًا فشيئًا ، حتى تختلط أنفاسهما معًا … إلى أن جاءت اللحظة التي لم يعد قادرًا على التحكم في نفسه ليجذبها نحوه ، يقبل شفتيها بشوق ونهم .. فرفضت في البداية ، ثم سرعان ما استجابت له بتبادل قبلته .. وبقيت هكذا فترة .. حتى قاطعته، قائلة بترجي:
-ممكن تعزم سيف بكرة..
سألها باستغراب:
-اشمعنا يعني
ايتن بتلعثم:
-لا يعني عشان نشكره على اللي عمله معاك..
-عادي يعني مش مستاهلة
زفرت ايتن بضيق :
-لا مستاهلة..اقصد يعني مفيهاش حاجة ده وقف جنبك وكفاية انه طمني عليك…وبعدين ده واجب برضو
-طيب
انحنى نحوها ليلتقط قبلة مرة أخرى، قاطعته هي بتذمرها:
-طب ايه هتعزم سيف بكرة؟
زفر بضيق:
-اعتبريه اتعزم
وكادت ان تقول شيئا اخر؛ قاطعها بنفاذ صبر مكبلا يداها بقبضة يده:
– اتهدي بقى شوية جننتيني معاكي…
ارادت أن تقدم اعتراضًا آخر لكنه قتله هو بقبلة أخذتهم إلى عالم آخر بعيدًا عن أي اعتراض أو عناد.
_________
في اليوم التالي
فتح حمزة باب الشقة مرحبا بسيف:
-باشا مصر..منورنا
-حبيبي..ده نورك
تقدمت ايتن بابتسامة واسعة وهي تتأمله بلهفة
هتف سيف بابتسامة :
-ازيك يا مدام ايتن
مدت يدها لتصافحه:
-أهلا..ازيك انت يا سيف
كادت ان تصافحه، فسحب حمزة ذراعها بسرعة يخبأه خلف ظهره..بينما سيف شعر بالحرج، فرمقها حمزة بحدة
ثم دلفت إلى المطبخ وأخذ سيف إلى الصالون
ايتن بصوت عال من داخل المطبخ:
-حمزة
حمزة معتذرا:
-معلش يا سيف..ثواني وجايلك
-لا براحتك يا معلم
دلف إلى المطبخ..بينما هي تحضر الأطباق
حمزة بتساؤل:
-ايه يا حبيبي؟
ايتن بضيق مزيف:
– انا نسيت اقولك تجيب حاجات معاك من الماركت وانت جاي
-طيب مقولتيش ليه؟؟ وانا برة
ايتن بارتباك:
-نسيت يا حمزة..بقولك
-طيب هنزل اجيبهم
بعد خروجه من باب الشقة، توجهت إلى الصالون..وقفت امام سيف الجالس على الاريكة، لتمسك يديه بحب
بينما هو سحبها بسرعة، قائلا بحدة وهو يتوجه إلى الخارج:
-ايه اللي بتعمليه ده يا مدام ايتن؟؟
وقفت امامه مانعة إياه من الخروج، قائلة بعتاب:
-انت ازاي مش فاكرني..بص في عينيا كده وافتكر
حدق بها لثواني، كان هناك شيء في وجهها في ملامحها جعله يشعر بأنها مألوفة إليه
لتردف بعيون متحمسة ، وبداخلها نار وشوق:
-مش فاكر سوفي؟ لسة حد بيقولك الدلع ده ولا انا بس
رفع ذقنها ونظر إلى عينيها التي لم ينسها لحظة..
أومأ برأسه مصدوماً بصدمة ممزوجة ببرودة لم تنتبه لها من فرط شوقها له:
-ايتن
اومأت بسعادة لأنه أخيرا تذكرها:
-أيوة ايتن يا حبيبي..اخيرا
لم تتحكم بنفسها وهي تقفز بين ذراعيه ، وتدفن وجهها بقوة في صدره … ابتعدت عنه ، محدقة في ملامحه الرجولية .. كانت تلهث بلهفة وحب:
-وحشتني اوي يا سيف…وحشتني يا عيوني
فجأة لاحظت بروده ولامبالاته ، فتراجعت خطوة إلى الوراء ثم بكيت:
-انت عامل كده ليه؟ ماكنتش اتخيل انك تعاملني كده لما تشوفني…عموما اتفضل خلاص.. استنى حمزة لما يجيلك
قبل أن تتجه نحو الدرج للصعود إلى الطابق الثاني ، سحبها من ذراعها بقوة ، ليحتضنها بشوق كبير..احاطها بذراعيه بحنان و بقوة رفعها عن الارض..ليزداد صوت شهقاتها اكثر
همس بنبرة حانية:
-وحشتيني يا ايتن
همست بتنهيدة, بينما في عينيها لهفة وفرحة اغرورقت عيناها بالدموع:
-وانت كمان يا روح قلب ايتن..وحشني حضنك اوي يا عيوني
دخل حمزة شقته مرة أخرى ، حيث نسي مفاتيح سيارته قبل نزوله ، وشاهد مشهدًا جعله يقف مصدومًا ، عيناه أظلمت برغبة عارمة في أقصى القسوة والانتقام إذ رأى زوجته في أحضان “سيف” ؟! نفس المشهد الذي مضى ثماني سنوات يتكرر للمرة الثانية ؟؟
ابتعدت ايتن عن حضن سيف في ذعر ، وسرعان ما أنزلها على الأرض .. وسقط قلبها على الأرض .. وتجمد الدم في عروقها خوفا على نفسها وعلى سيف.
تراجعت مذهولة … شعرت أن شيئًا فظيعًا سيحدث … صرخت بصوت عالٍ عندما رأت حمزة …
يتبع…..
_________
انا بعتذر عن التأخير… حقيقي مكنتش قادرة انزل البارت النهاردة…كنت مشغولة النهاردة وفاقدة الشغف خالص اني اكتب مكنتش في المود ???????? بس مقدرتش وحبيت اكمله بأسرع وقت علشانكم
يارب يعجبكم ومستنية تعليقاتكم وتوقعاتكم
لو وصلتوا البارت ده لـ 600 لايك وكومنت هنزل بارت هدية اضافي بكرة زيادة مع بارت يوم الأربعاءالفصل السابع والعشرون
صرخت بشدة عالياً عندما رأت حمزة يتقدم بسرعة ليهاجم سيف بشراسة .. صحيح انهم متساويين في الطول ولكن حمزة جسده عريض قليلا عن سيف، سيف جسده يميل إلى النحافة المتوسطة فجسده مشدوداً بينما يمتلك عضلات بجسده و ذراعيه منحوته
رفع سيف يد حمزة عن رقبته وذراعه قائلاً بصعوبة:
-يابني اهدى بقى..هفهمك
عاد حمزة ليمسكه من ياقة قميصه ، وجذبه ليلتصق بالحائط، بينما كان ينظر إليهم باحتقار ، فصرخ حمزة في وجهه غاضبًا:
-لا حبكتوها صح..الهانم نزلتني عشان اجيب حاجات..ومصممة اعزمك..بس من سوء حظها اني نسيت المفاتيح عشان اكتشف انها ****
شهقت ايتن من وقاحة الكلمة الذي لم تتخيله قط أن حمزة يمكن أن ينطق بإهانة كهذه لها بل و تخيلها خائنة .. زاد غضب سيف وهو يسحب حمزة من ملابسه بعنف ليدفعه نحو الحائط محاولا لكمه:
-انت بتغلط فيها ؟؟؟
صاح حمزة بصوت عال وهو يجذبه مرة أخرى حتى سقط سيف أرضا ولم يستطع حتى الدفاع عن نفسه أو إخبار حمزة أن كل ما رآه خطأ … فضربه بشدة على جسده ليحاول الآخر ضربه مرة أخرى .. أما آيتن ، فقد كانت تذرف الدموع .. غير قادرة على الحركة أو الكلام بسبب رعبها وصدمتها ..
صاح حمزة بعصبية:
-انت اخر واحد كنت أتوقع منه يعمل فيا كده؟؟؟ ده انا عمري ما كنت افكر انزل ومراتي في الشقة وصاحبي قاعد..لكن انت كنت أخويا..كنت واثق فيك
اقتربت ايتن بجانب سيف ، وبكت بلهفة وهي تطمئن عليه بينما وقف حمزة مذهولًا:
-سيف.. أنت كويس يا حبيبي ؟
كاد حمزة أن يضرب سيف مرة أخرى عندما توقف أمام جملة ايتن .. توقفت قبضة يده معلقة في الهواء .. وكانت يده الأخرى ممسكة بياقة قميص سيف .. بينما استدار إلى وجه ايتن وهو يصرخ بنبرة ساخرة:
– حبيبك ؟؟؟..
كانت ترتجف بانهيار كامل عندما رأت مظهر سيف الذي سقط على الأرض اثر ضربات حمزة له، دفعها حمزة بقوة فسقطت على الأرض بقسوة شديدة .. وقال بصوت عالٍ استحوذ على الرعب بداخلها:
-انتي!! انتي تعملي فيا انا كده؟؟ وعشان كده فضلتي تزني عليا و اعزمه يا حمزة..و انزل هات طلبات
صاحت ايتن بقوة:
-سيف اخويا يا حمزة…
تخلى حمزة عن تماسكه معها ، ثم أمسكها من شعرها بعنف ، قائلاً بشراسة:
-وحياة امك..بتضحكي عليا فاكراني عيل هصدقك…اخوكي ازاي وهو اسمه سيف عزالدين محمود وانتي ايتن محمود انور
تأوهت ايتن بشدة ، ثم قالت بصوت أجش:
-والله اخويا يا حمزة..سيب شعري
شد حمزة قبضته على شعرها ليقول من بين أسنانه بغضب بلغ حده:
-اسيبك !! مش انا اللي يتضحك عليه عادي
وضعت ايتن يدها على يده وحاولت أن افلات خصلات شعرها من بين يديه، لكن مهما حدث لم تقدر عليه .. همست ببكاء:
-سيف اسمه..
نهض سيف من وعيه .. ثم هم للحاق به ليضربه ، لكنها لفت ذراعيها حولها قائلة بتوسل:
– علشان خاطري يا سيف بلاش..
تجاهل سيف كلامها وجذبه من ياقة قميصه بعيدا عنها إلى الحائط ، قائلاً بصوت غاضب:
-ايتن تبقي اختي..اسمي سيف عزالدين ده اسمي لوحدي مُركب عشان ماما كانت عايزة تسميني سيف وبابا كان عايز يسميني عز الدين فـاتسميت اسم مركب “سيف عزالدين” , لكن ابويا اسمه محمود أنور زيها.. فهمت !
ثم اخرج بطاقته الشخصية من جيب بنطاله، ليتأكد شكوكه..ثم تركه سيف
حك حمزة جبينه بصعوبة وهو يهمس ، لينظر إليها بحدة:
-ليه عملتي كده؟؟ ليه مش صارحتيني ان سيف طلع اخوكي
اقترب منها حتى وقف أمامها ، ركزت عيناه الحادتان على عينيها الباكيتين:
-فيها ايه لو كنتي عرفتيني..ليه خليتيني اشك فيكي وفي اقرب صاحب ليا..كنتي عرفيني ليه اتصرفتي بالغباء ده!!!
همست بصوت بالكاد سمعه :
-كنت خايفة من رد فعل سيف يحرجني قدامك علشان ماما سابته وهو صغير عشان تقدر تنفصل عن بابا..وقولت اعملهالك مفاجأة
صفق حمزة بيده، قائلا بصرامة:
-أتمنى تكوني اتبسطتي بتصرفك العظيم..عشان الهانم تحافظ على كبريائها وكرامتها قدام جوزها
أردف موجها كلامه لسيف :
-اسف علشان مديت ايدي عليك..بس حط نفسك مكاني
قاطعه سيف متفهما:
-فاهم يا حمزة وهعذرك..وانا للأسف انفعلت لما لقيتك بتغلط فيها وبتظلمها..غصب عني
رفعت نظرها للحظات تتفحصهم..ثم ذهبت سريعا إلى الحمام واحضرت الإسعافات الأولية حتى ينظفوا اي شيء حدث لهم..ثم أعطته لسيف فتناولهم منها لينظف بنفسه.. وذهبت سريعا إلى حمزة لتنظيف اثر الدم البسيط، ولكنه اوقفها
-مش عايز حاجة يا ايتن
لم تسمع له وتناولت القطن والكحول..فأمسك يدها بغضب مبتعدا عنها، قائلا بحدة:
-قولتلك مش عايز حاجة
بعناد اقتربت منه مرة أخرى:
– فيه دم علشان اتخبطت
-انتي مالك؟! هو انا اشتكيت لك ؟
رمقها بنظرة ساخرة، ثم ابتعد عنها ليدلف إلى الحمام وقبل أن تتجه خلفه منعها
جلست على الأرض ، وضعت يدها على رأسها ، محاولةً فهم كل ما حدث .. هزت رأسها بعنف بسبب تصرفها .. لم تكن أبداً غبية ، لكن كبريائها تغلب عليها .. لعنت نفسها على ما فعلته في ذلك اليوم..
ذهبت إلى سيف للاطمئنان عليه قائلة بأسف:
-انا اسفة يا سيف..بجد آسفة
-إللي انتي عملتيه ده غلط يا ايتن..مكنش ينفع تخبي على جوزك
نكست رأسها بأسف:
-مكنتش اعرف ان كل ده هيحصل..حمزة مش هيسامحني
-متقلقيش انا هتصرف
خرج حمزة من الحمام، ثم اتجه إلى الدرج ليصعد الطابق الثاني، فأوقفه صوت سيف، قائلا :
-ايه يا معلم..هتسيبني وتطلع كده..و بعدين هو انا مش معزوم على الغدا ولا ايه؟
همس حمزة بحرج :
-البيت بيتك يا سيف..انا تعبان هطلع ارتاح فوق شوية
سيف بغضب مزيف:
-جرى ايه يا جدع..هو انا مش معزوم على الغدا ولا انتوا غيرتوا رأيكم؟!
قالت ايتن بسرعة:
-انا هدخل اجهز السفرة بسرعة
رمقها حمزة بسخرية:
-فيه الطلبات اللي قولتيها على كده؟؟ ولا كانت لعبة علشان انزل ؟
ايتن بندم:
-مفيش
قاطعها سيف موجها كلامه لحمزة:
-خلاص تعالي ننزل نجيب احنا الطلبات يا باشا
بعد دقائق..
أحضرت ايتن الطعام على المائدة، ثم جلسوا جميعا..حمزة كان ممسكا بالملعقة فقط يحركها..اما ايتن تراقبه بحزن..تخشي أن تتحدث ليغضب منها اكثر ويترك الطعام، فنبهه سيف:
-جرى ايه يا جماعة..هو انا هاكل لوحدي؟
حمزة بملامح جامدة:
-انا ماليش نفس..قعدت عشانك بس
سيف بغضب :
-انا مبعرفش اكل لوحدي..لو كده هقوم
حمزة وايتن بسرعة :
-لالا خلاص..هاكل
ابتسم سيف بينما راقبته ايتن لبضع دقائق .. تحدق في ملامحه الوسيمة من شعره البني الفاتح وذقنه الحليقة، عيناه العسلي .. أعادها خيالها إلى أيام الطفولة .. كان سيف يكبرها بخمس سنوات فقط .. تذكرت عندما كان يحاول الدفاع عنها و الوقوف أمام أبيها ليضربه مكانها .. لقد تضرر أكثر منها وعوقب أكثر .. على الرغم من أن والدها في العادي لم يكن يضربه أساساً .. ففصلهم عن بعضهم البعض.
بينما حاول سيف تهدئة الأجواء من خلال تذكير حمزة ببعض المواقف الطفولية الجميلة معه وايتن .. اقتربت آيتن ملاحظًة ملامحه الرجولية .. ثم وضعت يدها على وجهه قائلة بلهفة:
-وحشتني اوي يا سوفي..مش قادرة أصدق 17 سنة يا حبيبي…
صاح سيف بضيق:
-ما بلاش سوفي دي يا حبيبتي..اسمي سيف بس..قشطة؟
رمقته بضيق غير مقتنعة، ثم تذكرت شيء ما، قائلة بفرح:
-انت مش متخيل.. ماما هتفرح أوي لما تشوفك
تحولت ملامحه للجمود، قائلا بقسوة:
– ماعتقدش يا ايتن
جحظت عيناها باستغراب:
-نعم ؟؟
-انتي عاوزة تقنعيني بإيه يا ايتن؟
ايتن بضعف:
-انت أخويا..هقنعك بإيه غير انك تروح لماما
صدح بصوت منفعل:
-لا دي امك أنتِ؟؟ امك اللي رميتني..امك اختارتك أنتِ عشان تهرب من الجوازة..وسابتني لابويا ومراته..سابتني من غير اي مبررات علشان تربيكي لوحدك…رغم أن كان ممكن تختارنا احنا الاتنين سوا … كان ممكن تاخدني معاها زي ما هي حاربت علشانك..
ردت بدهشة:
-ايه اللي بتقوله ده يا سيف…ماما عملت كده غصب عنها
تدخل حمزة قائلا:
-سيف إذا كنت انت اتظلمت فهي كمان اتظلمت معاك ويمكن اكتر منك… على الأقل ابوك مكنش بيضربك إلا لما بتحاول تدافع عنها بس … لكن ايتن كان طول الوقت بيحاول يضربها
همست ايتن بحزن:
– واضح أن ابوك ومراته برمجوا دماغك كويس أوي..لدرجة أنك تكره امك
نهض سيف من المائدة، حاول حمزة ان سيتوقفه، لكنه أفلت منه..فخرجت ايتن إلى الصالة، وقفت أمامه مانعة اياه من الخروج
صاحت ايتن بصوت عالٍ مشحونًا بالألم والغضب المكبوت لسنوات:
-لأ يا سيف..انت اكتر واحد عارف ماما اتحملت قد ايه علشاني انا وانت..واللي عملته ده كان غصب عنها
قاطعها سيف بحدة :
– امي اتخلت عني في اكتر وقت كنت بحتاجها فيه .. عن اذنك
– انت كرهتني ؟؟؟؟ كرهت اختك اللي كانت بتتمنى لحظة واحدة تشوفك فيها.. دول 17 سنة يا سيف …. ازاااي
قبل أن يخرج من من الباب، بينما هي جلست على الارض وهي تبكي… ليعود إليها مرة أخرى ويرفعها عن الأرض ويأخذها في حضنه :
– لا يا ايتن … اوعي اسمعك تقولي كده أنت اختي … وعمري ما اكرهك ابدا…
– وحشتني اوي يا سيف … وحشتني يا عيوني
ابتسم حمزة وهو يعانقه بشدة :
– طلعنا نسايب يا باشا مصر
ابتسم سيف بشدة :
– طلعنا نسايب من قبل ما أخطب منة كمان !
____________________
بعد مرور يومين
في شقة والدة ايتن
ذهبت منة مع سيف بعد عدة محاولات إقناعه بالذهاب لوالدته
أمسكت يديه بين يداها .. بدأت تنظر إلى ملامحه بلهفة وحب.. لتضمه إلى حضنها بشوق:
-وحشتني يا سيف..وحشتني يابني
لاحظت الأم بروده بين يديها، ليبتعد عنها… هتفت فادية بذهول:
-انت ايه القسوة إللي انت فيها دي؟ هي دي المقابلة إللى قابلت بيها امك بعد 17 سنة؟
رد سيف بتصحيح:
-أمي؟؟ لا الام اللي تربي..مش اللي تخلف وترمي ابنها..
جحظت عيناها غير مصدقة..ثم همست ودموعها
-رميتك؟ كان غصب عني يابني..كان لازم أتنازل عن حد فيكم..عشان انت راجل كنت هتقدر تستحمل لكن اختك
قهقه ضاحكا بنبرة ساخرة:
-تمام و دي كانت النتيجة
همست والدته بحزن وصدمة:
-حرام عليك يابني..متوجعش قلبي..انا كان نفسي اشوفك واطمن عليك..كنت فاكراك مستنيني زي ما انا مستنياك
صاحت منة بعتاب:
-ايه اللي بتعمله ده يا سيف؟؟ مامتك ذنبها ايه يعني
صاح سيف بعصبية:
-متدخليش انتي يا منة
كادت ان تعترض فقاطعها بحدة:
-قولت متدخليش..ويلا نمشي
– مرات ابوك هي اللي بتربيك يا سيف؟؟؟
التفت سيف لها قائلا :
– مرات ابويا .. ابويا طلقها من فترة ولحد دلوقتي قاعد في القاهرة لوحده بيشتغل وبس.. اللي ربتني كانت عمتي .. كانت بتعتبرني ابنها بالظبط… لما اتنقلت من شغلي لاسكندرية.. عمتي كانت ليها شقة هنا.. و اخدتني معاها..
– أنا مش هزعل منك يا سيف على اللي قولته… وحقك يابني تفتكر أني فضلت اختك عليك أو اكيد ابوك اللي فهمك كده… بس ربنا يعلم كان قلبي بيتوجع علشانك ازاي …
همست منة محاولة تلطيف الأجواء بينهم:
– سيف طيب اوي يا طنط…اكيد بس هو مصدوم من اللي حصله والمفاجأة… طبعا حضرتك هتيجي خطوبتنا انا وسيف مش كده ؟
– اهو اكتر حاجة مفرحاني ان سيف عرف يختار صح…من اول مرة شوفتك فيها وانا حبيتك اوي يا منة
– حبيبة قلبي أنتِ
_______________
يوم خطبة سيف ومنة
في شقة حمزة…
وقفت آيتن في غرفتها وهي ترتدي مئزر ستان قصير باللون البيچ وتناولت فستانها الاسود القصير الذي سترتديه اليوم..
وضعت آيتن الفستان أمامها فهو يصل الى منتصف فخذيها ، و بدأت بتجهيز الزينة الرقيقة التي ستضعها على وجهها فهي من عادتها لم تحب أن تضع مكياج كامل فملامحها كانت أكثر براءة ويليق بيها المكياج الرقيق أكثر..
دلف حمزة إلى الغرفة مذهول مما رآه، همست ايتن قائلة بسعادة :
– ايه رأيك في الفستان ده لخطوبة “منة” ؟
هتف بنبرة ساخطة :
-هي “منة” بنت خالتي هتعمل خطوبتها في اوضة نومنا ولا إيه؟
– حمزة !!
أشار بإصبعه قائلا :
-الفستان ده يتغير تمام
عقدت ذراعيها على صدرها ماطة شفتيها :
– انا ماليش في النظام بتاعك ده..لو كنت سمعت كلامك قبل كده يوم الفرح ويوم اليخت..ده بس عشان نعدي اليوم..لكن المرة دي لأ..و من هنا و رايح خليك فاهم انك متدخلش في لبسي نهائي..انا محدش كان بيتحكم فيا ولا البس ايه وملبسش ايه..مش ايتن اللي واحد يتحكم فيها حتى لو الواحد ده كان جوزها
بدأت بوضع الماسكرا على رموشها، متجاهلة اياه , صرخ بقوة زلزلت جدران الغرفة :
-ايتن..
استدارت لتواجهه بتحدٍ:
-نعم؟ عايز ايه؟؟
ضاقت حدقتاه مفكرا للحظات :
– الفستان ده مش هيتلبس وتقومي دلوقتي تشوفي فستان غيره يكون طويل شوية ومحترم..يليق بيا
نهضت ايتن بسرعة وقالت بلهجة حاسمة :
-ولو ماسمعتش كلامك..هتعمل ايه يا سي السيد؟؟
– بلاش تتحديني وخلينا نحضر الخطوبة دي على خير
قالت واسنانها تصطك :
– مش هسمع كلامك…دي طريقة لبسي وأنت عارف كده من الأول
شعرت انه مصر على قراره ولن يتراجع عنه وبالرغم من ذلك كانت تعبر عن تصميمها، رفعت في الحال ذقنها بفخر ونظرت اليه واثقة متحدية إياها، فجأه غدرها حمزة وسحب فستانها القصير من يدها وشده ناجحا في جذبه منها ثم شقه بيديه إلى نصفين ليتزمق بينما كانت ايتن مصدومة من هذا التصرف الهمجي الرهيب.. لم تقدر على اصدار اكثر من صرخة خانقة ويدا حمزة انطبقتا على كتفيها
همست قائلة بغضب:
– أنت ازاي تعمل كده … بتقطعلي فستاني..ده لسه جديد !!
قهقه بضحكة ساخرة:
-أنتِ بتسمي قميص النوم ده فستان؟؟
صرخت بغيظ:
-انت فاكر مش هلبس غيره؟ لا ده عندي اقصر وأضيق من كده كمان…
ابتسم في سخرية واضاف :
-لو تحبي نعيد نفس المشهد تاني علي باقي فساتينك معنديش مانع..ولو تحبي نروح الخطوبة متأخر تمام!؟
كانت تحاول استيعاب الموقف الذي حدث وتصرفه المفاجئ.. نظرت على الارض حزينة على فستانها الذي مزقه حمزة ، لأنها لم تتهنى به ولم تستطيع أن تلبسه أبدًا…
لتتفاجئ به بعدها يضع أمامها فستان طويل باللون الوردي والابيض يناوله إياها على السرير..
اشار باصبعه الى الفستان لترتديه..ومن ثم خرج ليتركها ترتديه وتجهز نفسها
صاحت بشراسة:
-هو تحفة ويجنن طبعا..بس طويل مش ذوقي
ارتدت ايتن الفستان و وقفت امام المرآة لم تنكر جماله واناقته وبدأت تضع المكياج
لتجده يدلف بعدها إلى الغرفة وهو يتأملها بحب قائلا:
– شكلك زي القمر
رمقته بغيظ ولم ترد عليه… فاقترب منها وهو يقبلها من خدها بنعومة قائلا:
– ما هو مينفعش نروح الخطوبة وأنتِ زعلانة مع أنك استفزيتيني
– بس برضو ده مش مبرر انك تقطع فستاني !! ازاي اصلا تعمل كده
– متزعليش… شايفة ده طلع احلى ازاي عليكي
– بصراحة هو حلو برضو
ابتسم قائلا بإعجاب :
– وبعدين أنتِ اللي بتحلي الحاجة لما تلبسيها
ليردف وهو يغمز لها:
– أي حاجة عليكى بتبقى قمر
_______________
في إحدى القاعات…
كانت منة ترتدى فستان بأكمام باللون الذهبي ويتعدى طوله ركبتيها بقليل ويتسع من الخصر فكان منفوش قليلا.. فهي من عادتها أن ترتدي ملابس طويلة ولكن ذلك الفستان ارتدته اليوم للمناسبة هذه فقط..
“يا دبلة الخطوبه عقبالنا كلنا
ونبني طوبه طوبه في عش حبنا
نتهنى بالخطوبه ونقول من قلبنا
يادبلة الخطوبه”
بدأت ترتدي الشبكة، وعندما يدخل سيف الخاتم في إحدى أصابعها يخرج الظافر الصناعي، تشهق منة بإحراج، لدرجة ان ثلاث أظافر منهم تم ازالتهم
سيف بنفاذ صبر:
-منة هما كلهم كده Fake ؟
شهقت منة باحراج:
-معلش يا سيفو اصل انا مش بربيهم.. بقصهم علي طول..ماليش خلق انا للحاجات دي
ضحك سيف:
-مجنونة بس عجباني
منة باندفاع:
-يا بركة دعاكي يا ماما..ابو الهول نطق
-طب ايه مش هنلبس الدبل ولا ايه؟
-استنى طيب ألزق الضوافر دي…لا البنت اللي ركبتهملي دي معندهاش ضمير بجد
نادت على “عمر” اخوها الصغير..فاتاها مسرعا
-نعم يا منوش
همست منة بضيق :
-موري حبيبي..شوفلي معاك كده لزق للضوافر بتاعتي
-مش معايا..اجيبلك غِرة؟ بستخدمه في صنع السلايم
شهقت منة بانزعاج:
-الله يحرقك انت والسلايم..غرة ايه يخرب عقلك
اقتربت منها ايتن عندما لاحظت تأخرهم وخصوصا توقيف منة لارتداء الشبكة وتغير ملامحها للضيق
ايتن بتساؤل:
-مالك يا منة في حاجة؟
– المساعدة بتاعة الميكب ارتيست..يا بنتي ضحكت عليا ولبستني ضوافر بتتخلع بسرعة..مش معاكي لزق ضوافر؟
هزت رأسها بنفي:
-لا والله مش بستعملهم.. أنتِ عارفة
زفرت منة بضيق:
-طبعا ياختي ما انتي بتربيهم طبيعي
-انتي بتحقدي عليا ؟
زفرت منة بضيق:
-بصراحة اه..ياريتني سمعت كلامك وسيبتهم يطولوا بس انتي عارفة ماليش روح انا للبتاع ده
قهقت ايتن :
-خلاص استني اشوف مع خديجة او وئام..تقريبا معاهم
وتم حل المشكلة بنجاح..وانتهي كلا من سيف ومنة بارتداء الشبكة..ليعلوا صوت الاغنية
“يا صوره في الخيال ماتغبش عننا
بداية الامال وعز فرحنا
شبكنا بدلته وقرينا فاتحته
وعرفنا نيته وغلاوته عندنا
يادبلة الخطوبة”
هتفت والدة منة لأصدقائها:
-بنات ما حد فيكم يزغرط لمنة
-مبنعرفش يا طنط
شهقت منة بسعادة:
-خلاص انا هزغرط….
لتفعل ذلك لنفسها وهي تطلق زغروطة :
-اتخطبت لحب عمري يا جماعة..باركولي
شهق الجميع علي جنانها، وتلقائيتها..وتمنوا لها السعادة مع سيف
قالت وئام:
-يلا يا منة عشان ترقصوا سلو
منة بسرعة:
-قولوا للراجل يشغل اغنية “راسمك في خيالي” لمحمد حماقي
سيف باستغراب:
-اشمعنا الاغنية دي؟ و من امتى بتسمعي لحماقي غريبة يعني
همست منة بهيام:
– كنت سمعت الاغنية دي من فترة وحسيت ان هي ليا انا وانت..انا وانت وبس..وكانت بتديني امل
أخذ يدها وبدأ كلاهما في التمايل مع صوت الأغنية والموسيقى .. ووضع كفه حول خصرها ويدها حول رقبته .. ليشعر بضربات قلبه سريعة .. وتحرك مع كلمات الأغنية ..
“ياما حكيت عليك للناس وللايام
قالولي خيال وقولت حقيقة مش اوهام
قالوا ملاك بتحلم بيه ومش انسان
راهنت عليك واديني بقيت انا الكسبان
انا راسمك في خيالي من قبل ما اكون وياك
وسنين وانا بستناك عايش على نار الشوق
قالوا عليا ليالي عايش في امل كداب
مسكين ماشي ورا سراب ومسيره في يوم هيفوق
وآدي المسكين بقى دلوقتي ليه حاسدين
ومش فاهمين وسألوني عرفت منين
اني في يوم هقابلك بين بقية الناس
وانا رديت بإني مشيت ورا الاحساس”
_______
اما ايتن فكانت قلقة ان تلتقي بوالدها خصوصا ان سيف أخبرها أنه سيحضر متأخر لأنه سيأتي من القاهرة… فكانت تدعي أن تنتهي منة من الرقصة سريعا وتذهب إلى المنزل ..
خبطت ايتن في رجل وهي تلتفت..رفعت رأسها لتصاب بصدمة كبيرة..بينما سار الرعب داخلها..ملامحه كما هي لم تتغير..
يتبع…..
اتمنى يعجبكم البارت، واتمني اشوف كومنتاتكم وتوقعاتكم رأيكم وتشجعيكم مهم جدا بالنسبة لي❤️
لو وصلتوا البارت ده لـ 550 لايك وكومنت هنزل بارت هدية اضافي
-كرهتوا مشهد تصرف حمزة في فستان ايتن ولا لأ ؟????????الفصل الثامن والعشرون
تمسكت بقميص حمزة بخوف، بينما هو كان رأى والد سيف من قبل فأستأذن منه معتذرا، سحبها للخارج مهدئا إياها ببعض الكلمات
-مينفعش يا ايتن اللي أنتِ فيه ده..لازم تواجهي خوفك..هروبك منه مش حل…لازم تكسري خوفك ضده
أغمضت عيناها بقلق :
-مقدرتش يا حمزة..مقدرتش..خوفت..
قاطعها بنبرة قوية :
-خوفتي؟؟ انا مش عايزك تقولي الكلمة دي وانتي معايا…فااااهمة!!
اومأت رأسها بإيجاب
أردف حمزة بجدية:
-طول ما أنتِ جنبي مش عايزك تخافي من أي حاجة أبداً..انا هفضل سندك وضهرك
اقتربت منه، لاحظت ابتعاده، فتأكدت انه مازال غاضب من تصرفها يوم اكتشافه ان سيف أصبح اخوها، سألته برقة:
-انت لسة زعلان مني؟
هتف بنبرة ساخرة:
-أنتِ شايفة ايه؟
زفرت بضيق :
-حمزة…خلاص بقى الحوار عدى..و بعدين محصلش حاجة لكل ده؟
رمقها بضيق:
-وكمان مش معترفة بغلطك
صمتت هي كي لا يزيد شجارهم أكثر من ذلك فهو من بعض أيام من يوم عزومة سيف..وهو يتجنب التحدث معها
_______________
في اليوم التالي
في مكتب حمزة
كان منشغل على أوراق مهمة بالعمل..لتهاتفه سكرتيرته تخبره بوجود زوجته بالخارج، سمح لها بالدخول
شعر بدخولها ليهتف دون أن يرفع راسه، قائلا بانزعاج:
-خير يا ايتن؟؟
رمقته بنظرات حادة:
-انت مبتكلمنيش.. وحتى مش مقتنع بوجهة نظري
رفع رأسه قائلا بغضب:
-مش اتكلمنا في الحوار ده..وكمان أقتنع بإيه؟ واحدة بتقولي اصل كنت عايزة اعملهالك مفاجأة..وعشان كرامتي ماتقلش لو سيف عاملني وحش قدامك..
اقتربت منه لتجلس على مكتبه ، تميل نحوه بإغراء ، تهمس متذمرًة:
-ده انت ماعتذرتش ليّ، ولا صالحتني بعد اللي عملته معايا
اتسعت عيناه بدهشة:
-لا معلش ممكن تعيدي اللي قولتيه كده؟؟! استوعب بس
جزت على أسنانها بغيظ.. باستخفافه بكلامها، قائلة بتبرير:
-أيوة انت زعلتني..اولا غلط وشكيت فيا يوم لما عرفت ان سيف اخويا..ثانيا بقى لما قطعتلي الفستان بتاعي يوم خطوبة سيف ومنة و ده كان اول مرة البسه فيها
رفع حاجبه بدهشة :
– ما انا اشتريت لك واحد غيره؟
زمت شفتيها بضيق:
-لا انا كنت عايزة فستاني اللي اتقطع
غمز لها قائلا بنبرة عابثة:
-خلاص هجيبلك واحد زيه بس تلبسيه قدامي انا بس في البيت
– الطريقة نفسها يا حمزة مش صح… مينفعش انك تقطع فستاني.. ده مش اسلوب لحل مشكلة !
حمزة بغضب طفيف:
-هو أنتِ مينفعش تعترفي بغلطك؟! كمان انا اللي طلعت غلطان والمطلوب مني اصالحك
– انا عارفة اني غلطت بس انت كمان…
هتف بنبرة حادة:
-لا انا ماغلطش من البداية، ولو انا فعلا غلطت بعد كده ده بسبب تصرفاتك وعنادك
ردت معتذرة:
– عندك حق … أيوة انا غلطت… آسفة
قطب حاجبيه بحيرة:
-يعني عارفة انك غلطي؟؟وغلطك ده كان هيخسرني صاحبي وانتي
ايتن بندم:
-بس انا ماكنتش أقصد يحصل كل ده او ازعلك.. غصب عني لقيتني فكرت بالطريقة دي..وخوفت سيف يحرجني قدامك..انا بحبك ومابحبش اشوفك مضايق و زعلان مني
قال حمزة باتزان:
-وانا كمان بحبك بس لازم تحطي نفسك مكاني قبل اي تصرف..وبعدين بالنسبة للفستان..انتي عِنادك بيوصلني لكده وانا غصب عني اتعصبت..لو كنتي سمعتي كلامي وغيرتيه من سكات ماكنش كل ده حصل..بلاش عناد..وبلاش علاقة توم وچيري دي تكون هي اساس علاقتنا..ممكن؟
مددت كفيها لتلمس خديه ، لتلمس ذقنه الخشنة ، ثم قالت بحب:
– ممكن طبعا…انا نفسي علاقتنا تبقى احسن وميبقاش في مشاكل، مقدرتش اسيبك زعلان مني, المهم أن انت كويس دلوقتي، وانا هسيبك تكمل شغلك
داعب ارنبة أنفها الصغير قائلا برقة:
– انا بحبك اوى والله
ضحكت قائلة برقة وهي تحيط ذراعها بعنقه:
-وانا بقيت بعشقك أصلاً
– ربنا ما يحرمني منك أبداً
حركت يديها بسرعة بعيدًا عنه وكانت على وشك النهوض من المكتب .. لكن ذراعيه أمسكت بخصرها مما منعها من التحرك للنظر إليه, شهقت في مفاجأة:
-حمزة…
– وحشتيني يا آيني
– وأنت اكتر يا حبيبي
لتردف وهي تسأله:
– هو سيف قالك على الدلع ده ؟
قهقه بضحكة صغيرة :
– آه عجبني اوي
أمسكها من خصرها ، وانتزعها من المكتب ، وجعلها تجلس على قدميه..
لكزته بكتفه لتهتف:
-حمزة مينفعش احنا في المكتب…
شدها إليه … وقبلها بحرارة وشغف … لم يستطع أي منهما ترك الآخر …كان يقبل شفتيها بحماس وشوق يساوي شوقه لها …
حتى همست له بصوت متقطع:
-حمزة احنا في الشغل مينفعش كده
رد عليها وهو يدفن وجهه في عنقها:
-اسكتي شوية..
ثم اجري اتصال علي سكرتيرته، قائلا بجدية:
-ايوة يا ندى..بقولك ايه..إلغيلي اي مواعيد دلوقتي..عندي Meeting مهم مع ايتن
جحظت عيناها بذهول، ثم لكزته بكتفه بعنف لتهتف بغضب:
-انت بتهزر؟؟ Meeting ايه اللي معايا
ضحك حمزة قائلا بخبث:
– Meeting Private
زفرت بضيق وهي تحاول إبعاده عنها:
-حمزة..متهزرش احنا مش في البيت بجد
سمعت أنفاسه الخشنة على عنقها وهو يتمتم بحدة:
-انا بقول كفاية كده..عشان كمان شوية وهنسى نفسي
ضحكت ايتن:
-بالظبط كده
اتاه مكالمة من سكرتيرته لتخبره بأن هناك اجتماع مفاجئ مع شركة الطيران
حمزة بقهر:
-بتضحكي ؟
قهقت ايتن باستمتاع:
-عشان تسمع كلامي بعد كده
نهضت لتجلس علي المكتب مرة أخرى..وهي تهندم ملابسها وشعرها
رسم ابتسامة عابثة على شفتيه، قال:
-هتروحي مني فين يعني؟ هو انا ورايا غيرك؟ خليكي بقى هنا عشان نروح سوا..مش هتأخر
احمر وجهها عندما قبل خدها الناعم قبلة أخيرة، ابتسمت بحب لتجده ينهض فجأة من الكرسي ملتقطا سترته، ساعدته يرتديها ليخرج هو ويتركها في مكتبه
__________________
قرر هاني بالمرور على منزل خديجة ليذهب معها إلى زيارتها لأختها “حنان” فهي أرملة وابنها طفل صغير لديه خمس سنوات، و أمه مريضة لذلك فهي تذهب إليها باستمرار وتساعدها في مصاريف علاجها وبعض طلباتها, وما أن فتحت له الباب وأخذت الطلبات بيدها، ساعدها هاني هو والسائق خاصته بتناولها في سيارته.. فركبت هي و خطيبها في المقعد الخلفي وبعد مرور وقت قصير..توقفت السيارة أمام إحدى المستشفيات.. لتركب معهم في المقعد الامامي فتاة في منتصف العشرينات من عمرها.
رمقتها خديجة بنظرات متعجبة فهي اول مرة تراها…
رمقته خديجة بغيظ هامسة :
– مين دي يا هاني ؟؟؟ انطق تعرفها منين؟؟؟
أشار لها بالصمت قليلا من تسرعها، فهمس بالقرب من أذنها:
– دي ممرضة والله…طلبت من مدير المستشفى ممرضة خاصة لأختك بدل اللي مشيت اللي كنتي بتجيبيها لها…
هدأ غضبها قليلا، لتنظر إلى الفتاة مرة أخرى وتحاول أن تراها…وبعد مرور وقت توقفت السيارة أمام العمارة التي تسكن بها شقيقتها… ليساعدهم السائق والبواب بحمل الاشياء التي احضرتها خديجة وهاني أيضاً
وما أن وصلوا إلى الشقة حتى فتح لهم ابن شقيقتها الصغير ورحب بهم…
قال هاني بتنبيه :
– ادخلي أنتِ لأختك علشان هي متعرفش اني جاي معاكي…لو مش لابسة طرحتها أو حاجة
– حاضر
ومن ثم سلمت خديجة على شقيقتها التي كانت نائمة في غرفتها وساعدتها بارتداء حجابها، ومن ثم بدأت الممرضة بالتعامل معها، دخل هاني يسلم عليها باحترام، هتفت خديجة قائلة :
– هاني جابلك البنوتة دي بدل الممرضة بتاعتك اللي اتجوزت و ملحقتش اشوف واحدة مكانها
– ربنا يباركلك والله
اردفت حنان إلى الممرضة قائلة:
– بنوتة زي القمر وشاطرة ماشاء الله
همس هاني بصوت منخفض سمعته خديجة فقط :
– شايفة اهي عجبت اختك
لكزته من ذراعه بغيظ، فكتم ضحكته، لتطلب منها اختها بإحضار مشروبات إليهم
خرجت خديجة من الغرفة ومعها ابن اختها الصغير وطلبت من هاني الذهاب معهم
سألته بصوت غاضب :
– ملقتش غير دي ؟؟
– مالها مش فاهم؟
كتفت ذراعيها بغيرة :
– زي القمر
– بجد ؟ يعني اختك كلامها صح بقى ؟
كانت تضع المشروب في الاكواب الزجاجية وهي تنظر إليه بغيظ :
– هاااني انا مبهزرش
هتف الطفل قائلا بتنبيه:
– خالتو حاسبي .. الكوباية اتملت للاخر
زفرت بضيق وهي تحاول تهدئة غضبها وهي تعيد تحضير الاكواب مرة أخرى ليذهب بها الطفل إلى الضيفة بينما هي ناولت هاني المشروب خاصته .. وبدأت بتجهيز الطعام لأختها ومن حين لآخر يدخل الطفل يساعدها لو طلبت شيء، فالمطبخ مفتوح على الصالة الخارجية
قال هاني وهو يجلس على المقعد العالي:
– في اكل جاهز في الاكياس اللي عندك..هيتسخن بس لأنه زمانه برد شوية
– تعبت نفسك بجد..
– انا مش حابب اتعبك يا حبيبتي..عارف انك بتعملي اكل بنفسك, بس عموما انا وصيت اوردر مخصوص من المطعم ميحطش الحاجات اللي ممكن تتعب اختك… يعني حبيت الاكل بتاعها يكون صحي شوية
ابتسمت قائلة برقة:
– هاني بجد انت مفيش منك
– كنتي من شوية مش واثقة فيا؟
– لا طبعا واثقة فيك ..بس بغير عادي زي اي بنت… وبعدين انت فاجئتني.. تخيل ركبت معاك العربية الاقي بنت حلوة ركبت معانا
رد قائلا بتبرير :
– هو انا اللي مختارها؟ انا شوفتها اول مرة في العربية زيي زيك والله
– بجد ؟
غمز لها قائلا:
– انا محدش يعجبني غيرك يا عسل أنتِ
– بس هي الصراحة قمر
سألها بذهول :
– مين دي ؟
– الممرضة
– قمر لنفسها، لا طبعاً أنتِ احلى
ارتسمت على شفتيها ابتسامة واسعة قائلة:
– شاطر في التثبيت… عشان كده هتجوزك
– يا مسهل يارب…
________________
في اليوم التالي
في الفندق
دلفت افنان إلى مكتب رهف، لتسألها عن التقرير فهي اصبحت معهم تلك الفترة في ذلك الفرع عندما طلبت نقلها من فرع الغردقة، وبعد مدة من الحديث سألتها بغموض:
-واضح ان انتي بتحبي ايتن زيي؟ لاحظت كده من طريقتكم مع بعض
ابتسمت رهف بسخرية:
-طبعا دي حبيبتي اوي
غمزت افنان وهي تلتفت لها:
-حلو اوي كده..المهم عايزاكي تبقي معايا
رهف بتحذير عندما تذكرت ما فعله بها حمزة من قبل بسبب ما فعلته بآيتن:
-بس خلي بالك..حمزة بيفرم اللي بيقرب منها.. ده ذكي اوي ومش سهل
أفنان بغرور:
-وانا برضو مش سهلة
رهف بشرود:
-بس تعرفي انا لاحظت حاجة غريبة
-ايه هي؟
-ايتن ستايل لبسها اتغير تماما من وقت ما اتجوزته
انتبهت حواس أفنان لحديث رهف:
-ازاي؟
-يعني كانت بتلبس چيب قصيرة وضيقة..وفساتين قصيرة شوية..دلوقتي لبسها طويل و مقفول كدا
افنان بتفهم:
-تقصدي أن حمزة..
أومأت بإيجاب :
-بالظبط..حمزة أعتقد أنه خلاها تغير لبسها
___________
– يا منة … باشا قلبك وباشا مصر بيتصل على تليفونك
هتف عمر شقيقها الصغير وهو ممسك بهاتفها، وضعت منة يدها على خدها تتأمل مظهرها :
– تلاقي سيف وصل… انا هنزل بقى علشان خارجين
ركبت منة بجانب سيف بسيارته، لتسأله بجدية:
– هتخرجني فين ؟
– في مطعم ايطالي في محطة الرمل جميل اوي هيعجبك
– لا لا فوكك … احنا نروح عند الفلاح
اتسعت عينا سيف بعدم تصديق :
– ايه ؟
– مطعم الفلاح بتاع الكبدة الاسكندراني… أنت ازاي متعرفوش ؟
قهقه ضاحكاً:
– اكيد أعرفه… بس ثواني..
اول خروجة لينا بعد الخطوبة هناكل كبدة ؟
همست ببراءة :
– ايوة بحبها اوي
– والمطعم الايطالي؟
– المرة الجاية بقى
تحرك سيف بالسيارة، لتسأله بعدها وهي تمسك هاتفه وتحاول توصيله بمسجل السيارة، قائلة:
– بقولك إيه.. هي اغنية انا عيني منك وروحي فيك وهموت عليك موجودة عندك على الـ Soundcloud ولا لأ؟
– مش عارف والله اصل انا موبايلي Iphone انت عارفة
عضت على شفتيها بحرج:
– نسيت خالص ..
نظر لها سيف برقة قائلا:
– تعرفي أن انا بحب تلقائيتك أوي .. ياريت الناس كلها تشوف الدنيا سهلة زيك كده، مكنش هيبقي في مشاكل
– بجد
– اه والله…بس طبعا بلاش تكوني تلقائية مع كل الناس..
– حاضر من عينيا
– شاطرة انا بس يعني
________________
دلفا كلا من ايتن وافنان إلى الحمام في ذات الوقت امام المرآة، لتهندم الأولي شعرها، والأخرى مكياجها
قطعت افنان ذاك الصمت، قائلة بنبرة ساخرة:
-هو لحق يتحكم فيكي؟
قطبت ايتن حاجبيها، قائلة بتساؤل:
-افندم..بتكلميني انا؟
قهقهت افنان بسخرية :
-اه..بقولك هو سي حمزة لحق يتحكم فيكي ويخليكي تلبسي علي مزاجه..حتي ستايلك اتغير تماما..عن لما شوفتك في الغردقة اول مرة
ضحكت ايتن، قائلة بغرور :
-لا طبعا يا حبيبتي..محدش بيتحكم فيا..انا بلبس بمزاجي انا
افنان بتحدي:
-خلاص اثبتيلي
ايتن بحنق:
-انتي مين عشان اثبتلك اصلا..صحيح قولتيلي بتشتغلي ايه؟
– الـ assistant لمستر هادي مسؤول ال HR
قهقهت ايتن بنبرة ساخطة:
– اول مرة اخد بالي منك
زمجرت افنان من بين أسنانها، قائلة باستفزاز:
-طب ايه هتخلعي من الرهان..لو هو فعلا مش متحكم في لبسك ابقي البسي حاجات زي قبل ما تتجوزيه واثبتيلي
رمقتها بتجاهل ثم غادرت الحمام
_______
في مطعم “الكبدة”
كانت تجلس وامامها سيف على المقعد الآخر، وامامهم على الطاولة صينية كبيرة تحتوي على عدة شطائر كثيرة مكونة من الكبدة، تناولت منى إحدى الشطائر وهي ممسكة بالليمون وتناوله لسيف :
– بص بقى كبدة اسكندراني يعني ليمون.. مش معنى انك من القاهرة ومش اسكندراني.. انك متاكلش الكبدة زينا
– مبحبش احط ليمون على الساندويتش
تناولت قرن الفلفل الحار وهي تأكله مع الساندويتش مندمجة بتلذذ:
– فايتك كتير بجد
قطب سيف حاجبيه قائلا:
– انا حسيت انك بتحبي الكبدة اكتر مني؟
هزت رأسها بنفي :
– لا لا لا مفيش حاجة في الدنيا بحبها اكتر من سيف “باشا مصر” بتاعي، بس الكبدة دي ليها غلاوة خاصة كده
ابتسم سيف وهو يقترب منها قائلا بإعجاب:
– عيونك بريئة أوي
سألته بنبرة خوف :
– هي كانت متهمة عندك قبل كده؟
قهقه بضحك عالياً :
-لأ طبعا .. بس معجب بجمال عيونك
بادلته منة الضحك، قلبت شفتيها قائلة بندم :
– يا خسارة ضيعت اول لحظة رومانسية بينا… ممكن نعيد المشهد من تاني ؟؟؟
_______
في صباح يوم جديد، كانت تقف أمامه بعد أن انتهت من تجهيز نفسها، فكانت ترتدي معطف خريفي طويل لاخر القدم
لتسأله ايتن :
-ايه رأيك؟
حمزة بإعجاب :
-تحفة طبعا..انتي اللي بتحلي اي حاجة اصلا
ثم أردف باستغراب:
-بس هو مش شتوي شوية ولا ايه؟ اصل احنا لسة في بداية الشتا
ايتن بتلعثم، أخفته بدقة:
-لا ده خفيف اصلا..خريفي..بس انا عجبني اوي الـ Coat ده طويل و مش ضيق..وحتي جبت نفس الاستايل بتاعه كذا حاجة منه..عشان البسهم
قرصها من وجنتيها بحب:
-ايوة كده شطورة يا حبيبتي..بحبك وانتي بتسمعي الكلام كده
ابتسمت ايتن قائلة :
-همشي انا بقي يا حبيبي عشان متأخرش على الشغل
_______
انتزعت ايتن المعطف الطويل ليظهر أسفله تنورة وردي يعلوها قميص ابيض، فحمزة جعلها تنوع في الوان ملابسها وترتدي الوان فاتحة
اقتربت ايتن من افنان، لتقول بانتصار:
-عرفتي بقي ان محدش بيمشي كلامه عليا يا حبيبتي
بينما الأخرى شعرت بأنها ستنفجر داخلها، فتركتها و انصرفت دون ان ترد عليها
سحبتها خديجة من يدها لتدلف إلى مكتبها، قائلة بعصبية :
-لا انتي اكيد اتجننتي..حمزة لو شافك بالمنظر ده مش عارفة ممكن يعمل فيكي ايه
ايتن بلامبالاة:
-هيعمل ايه يعني مش فاهمة..وبعدين انا اتخنقت يا خديجة..انا متعودتش علي كده في حياتي
صاحت خديجة بعصبية:
-وانتي قبل ما تتجوزيه وعارفة ان تفكيره كده
ايتن بتبرير:
-ايوة عارفة بس مكنتش اعرف انه في كل حاجة…وعموما يعني لما يكون عنده ميتنج عندنا هنا..هبقي البس الـcoat “معطف”
خديجة بشرود:
-طيب..افرضي جه فجأة!!
-لا انا عارفة هيجي امتي
خديجة بحذر:
-بلاش يا ايتن عشان خاطري..انا مش مطمنة..ده غير انك لابسة چيبة قصيرة اوي
صاحت ايتن بزهق:
-ده كان لبسي زمان وانتي عارفة كده
تنهدت خديجة بضيق تعلم أن صديقتها عنيدة ولن تستمع إلى حديثها :
-يوووه براحتك بقي..بس لو حمزة اكتشف ده مش هيعديها بالساهل خدي بالك واحنا ما صدقنا اتصالحتوا
______________
بعد مرور عدة أيام
كانت ترتدي معطفاً خريفي كالعادة في الأيام الماضية ، وتخلعه فور وصولها إلى الفندق.. لتظهر أسفله تيشرت باللون الابيض وتنورة بيضاء واسعة ولكن قصيرة فوق الركبة، فكرت لو اكتشف زوجها أنها ترتدي مثل تلك الملابس أسفل المعطف وتنتزعه حين وصولها إلى العمل.. هزت رأسها لتبتعد تلك الأفكار المُرعبة عن عقلها فهو يتحدث إليها عبر الهاتف قبل أن يأتي .. وتعلم أوقات اجتماعاتهم المشتركة.. حركت خصلات شعرها الناعمة وهي تفكر أن كل هذا بعيد جداً .. وعليها أن تعطي التركيز على العمل أكثر .. فهي في النهاية فعلت ما شاءت وبدون مشاجراتها اليومية مع حمزة بسبب ملابسها
بعد نصف ساعة ، كانت تقف أمام مكتب الاستقبال تملأ بعض الأوراق المهمة.
اتصل بها زوجها كثيرًا ليخبرها أنه قادم ، لكنها لم ترد على الهاتف ، لأنه من سوء حظها أنه كان في مكتبها تركته هناك.
وصل حمزة إلى الفندق ، وشاهد مظهرًا جعله يقف مهيبًا مذهولًا .. عندها رأى ايتن .. في تلك الملابس المُلفتة التي طالما حذرها منها .. صاح بغضب وهو يتقدم نحوها:
-ايتن
انتفض قلبها بنبضات قوية عندما سمعت صوته ، فغرت فمها في عدم تصديق ، لتلتفت له تري عينيه تشتعل غضبا، خاصةً عندما سمعته يقول بحدة:
-ايه دا ؟؟ فين الـcoat “المعطف” ؟ أنتِ ماكنتيش لابسة كده الصبح وأنتِ رايحة الشغل
ابتلعت ريقها بتوتر بالغ:
-اصل الجو كان حر شوية و…
قاطعها قائلا بسخرية:
-وبعد كده قلعتيه صح؟
ردت بتوتر:
– آه..
اقترب منها حتى توقف أمامها تماماً، بينما هي تخشى أن تنظر إليه:
-المفروض أصدق كده صح ؟؟
ثم صاح بحنق وغضب، فوصل إلى أقصى درجاته، وأمسك بذراعها بقوة:
-بتستغفليني وتقلعيه يا ايتن؟؟ وانا اقول مالك مصممة تلبسي ستايل الطقم ده شبهه كل يوم
اجابته بتحدي وهي تحاول ان تفلت قبضته منها:
-هو انا عيلة صغيرة هخاف منك كده يعني..ما ألبس اللي أنا عايزاه..طالما مابعملش حاجة غلط ولا تصرفاتي فيها حاجة ملفتة
تقلصت نظراته بغضب شديد ونفذ صبره من استهزاءها بكلامه لها، خلع سترته الزيتونية ووضعها على كتفيها ثم زمجر بحدة:
-اتعدلي كده في الكلام بدل ما اعدلك انا..و اطلعي هاتي شنطتك بسرعة وانزلي علشان نروح.. لأن حسابنا في البيت مش هنا
زفرت قائلة بضيق :
– انا لسه ورايا شغل…
امسك كتفيها قائلا بغضب هادر:
-تحبي أعيد كلامي تاني؟؟؟
هزت رأسها بنفي :
– حمزة بجد انا ورايا شغل…هخلصه ونبقى نتناقش بعدين
قال بنبرة حادة :
-اطلعي و دقيقتين والاقيكي قدامي يا ايتن..وتلبسي الـcoat بتاعك..
_______
قد نسامح مرة..إثنان..ثلاثة..لكن في كل مرة نفقد شيء ما، قد يكون..الثقة، الاهتمام، الحب
_نزار قباني
صاح حمزة بقسوة بعد ان صفع الباب خلفهم:
-بتحبي تمشي رأيك وخلاص..حتى لو على حساب حبي وثقتي ليكي
– عشان انت محاولتش تقنعني… أنت خليتني اعمل كده خوف منك…
– انا اللي دلعتك وكل ما تزعلي..وتحسي انك اتسرعتي..اصالحك واعديها..لكن المرة دي لا
همست بتبرير:
-انت اللي عملت فيا كده..لو كنت سيبتني البس اللي انا عايزاه مكنش كل ده حصل..بس انت وصلتني لدرجة اني اكدب عليك
قاطعها يهدر بها بقسوة وعنف:
-انتي إللى مش قادرة تقتنعي ان مهما حصل انا الراجل وعندي خبرة اكتر منك وفي حاجات لازم تسمعي فيها الكلام من غير نقاش ومقاوحة.. مش معناه اني بلغي شخصيتك، كان نفسي تفهمي دا وتعملي بيه..
ثم اردف بتوعد غاضب:
-لكن من هنا و رايح..هتشوفي مني وش تاني..ومعاملة مكنتش اتمني انك تجربيها
_____
في شقة سيف الجديدة للزواج..
ذهبت منة و خالتها و والدتها مع سيف ليشاهدوا الشقة قبل البدأ في التشطيبات
– ايه رأيك يا طنط في الشقة ؟ يارب تكون عجبتكم
– حلوة اوي يا سيف ماشاء الله…
-ربنا يسعدكم يارب ويتمملكم على خير
ذهب سيف ليتحدث مع إحدى العاملين بالشقة، في بعض التفاصيل، وقفت منة أمامه بعد أن أبتعد عن الرجل، قائلة بسعادة :
– اوقات بفكر كده… عمري ما كنت اتصور ان انت هتبقى ليا ونبقى مع بعض واحنا مخطوبين وبنختار حاجات لشقتنا اللي هنتجوز فيها
تنهد بسعادة قائلا:
– الحمدلله ترتيب ربنا والنصيب كان جميل اوي
قالت منة بهيام:
-انا كنت بحبك من الاول..بحلم بكل حاجة معاك
كل حاجة كنت بتخيلها معاك انت، حتى وانت مش معايا
كنت برضو متخيلاك انت في كل حاجة
لتردف قائلة:
-فكرة ان انا اتخطبت لحبيبي اللي كنت بشوفه زي ابطال الروايات دي مخلياني اتنطط من الفرحة
أضافت قائلة بحب :
-انت حققتلي احلى حلم في حياتي
ابتسم سيف بسعادة لا يتخيل أن يحصل عليها في يوم، من كل هذا الكلام الصادق :
-طب اعمل فيكي ايه بعد الكلام الحلو ده بقى
قاطعته بمرح :
-ماتعملش اتجوزني
قهقه سيف ضاحكاً:
– ده كده كده هيحصل
ليردف بعدها :
– أن شاء الله هانت كلها 6 شهور ولا بالكتير اوي 9 ونبقى في بيت واحد…انا مبحبش الخطوبة القصيرة اوي ولا الطويلة اوي علشان كده اتفقت مع باباكي على 6 شهور وهو قالي خليهم لحد 9 شهور
همست بخجل :
– يارب يتم كل حاجة على خير
– ربنا ما يحرمنى منك يا حبيبتي ويخليكي ليّ
تنهدت بسعادة، ليردف قائلا بابتسامة :
-عقبال ما تنورى بيتك وحياتي كلها اكتر ما أنتِ منوراها
ردت ببراءة :
-انا بحبك اصلا
-متخيلة كده ارجع من الشغل الاقيكي قاعدة مستنياني
همست بخجل :
-يا نهار ابيض، هتبقى مبسوط ؟
أومأ بتأكيد :
-اكيد طبعا حد يبقى متجوز القمر ده وميبقاش مبسوط
______
في اليوم التالي بالفندق
كانت تتابعهم من بعيد وعيناها تشتعل بالنيران، عندما رأت افنان تجلس معه يتحدثوا بخصوص شيء في العمل
هتفت بغيظ لخديجة الواقفة بجانبها:
-ديجا..هي مالها البت دي لازقة في حمزة وبتتكلم معاه
خديجة بتبرير:
-عشان بتشرحله التقرير بتاع المشروع الجديد..وبعدين هي قاعدة قصاده مش جنبه يعني
زمجرت ايتن من بين أسنانها:
-وهو قاعد معاها ليه اصلا
-علي فكرة هو بيتعامل باحترام بجد..وبعدين انتي واثقة في حمزة
ايتن بغيظ:
-أيوة بس…انا متضايقة منها
هتفت بنبرة ساخطة:
-خلاص روحي جيبيها من شعرها حالاً
صاحت بغضب:
-ديچا انا مبهزرش
خديجة بزهق:
-اعملك ايه طيب
فكرت ايتن قليلا..لتسألها :
-بقولك ايه معاكي شنطة الميكب بتاعتك؟
اومات قائلة باستغراب:
-اه..ليه؟
ايتن بنبرة ماكرة:
-هقولك..بس عايزاكي تروحي تقعدي معاهم دلوقتي..وتشوفيلي البت دي بتنيل ايه
-طيب
________
تقدمت ايتن نحوهم..قائلة بصوت رقيق اوقف كل المحادثات بخصوص العمل:
– منورين
التفت كلا من حمزة وافنان وخديجة إليها..ثم جلست علي المقعد المقابل لحمزة وخديجة..و بجوار افنان
قطعت افنان الصمت، تنحنحت قائلة :
-اخبار امبارح ايه يا ايتن؟
ايتن بدهشة وهي لا تزال تتكلم بصوت رقيق:
-زي الفل..زي ما انتي شايفة كده
افنان بشفقة:
-اصل حمزة كان متعصب اوي امبارح
ايتن باستغراب:
-من ايه يا روحي ؟
هتفت افنان بخبث:
-عشان لبسك أعتقد..ما انا كنت شايفة الموقف
صاحت ايتن بثقة:
-لا يا حبيبتي..حمزة مبيتعصبش عشان لبسي..لأنه عارف انا بلبس ايه
هزت أفنان رأسها بخبث:
-لا بصراحة مصدقش ان حمزة كان عارف انك لابسة كده
تجاهلت ايتن بريق عينا حمزة علي تلك المحادثة المملة، قائلة باتزان:
-هو اتعصب عشان قلعت الـ coat..اصل هو بيغير وبيخاف عليا و ده حقه
ردت أفنان وهي ترمق حمزة بنظرة هيام:
-اه اصل انا عارفة حمزة
تنهدت ايتن مدعية الغباء:
-بجد؟
رفعت ايتن شعرها المغطي بالجانب الثاني من رقبتها بتلقائية مزيفة؛ ليسقط علي ظهرها، ليظهر آثار احمرار علي عنق ايتن
شهقت أفنان بصدمة وهي تلاحظ آثار الاحمرار علي عنق ايتن :
– ده بجد ؟؟؟ أنت ازاي عملت فيها كده ؟؟؟ هي حصلت يا استاذ … تضربها ؟؟ تمد ايدك على مراتك ؟
صاح حمزة مدافعا:
-ضربتها ازاي يعني؟؟
أفنان بغضب مبالغ:
-حرام عليك تبهدلها كده..دي مش غيرة يا استاذ ده مرض ..يا ترى عملت فيها ايه تاني؟؟
ثم أردفت بعصبية مزيفة :
– انتي اوعي تسكتي..لازم تبهدليه، وارفعي عليه قضية ومن بكرة تتطلقي منه ..عشان ميمدش ايده عليكي تاني..لا بجد ازاي يعمل كده !
شهقت خديجة بصدمة:
-انت ازاي تمد ايدك عليها يا حمزة؟ ده انا كنت بدافع عنك
صاح حمزة متأملا عنق زوجته:
-ايه الهبل ده..انا ما مديتش ايدي عليها ولا ممكن اضربها اصلا
قاطعته ايتن بابتسامة لون الخجل سيطر على وجهها:
-لأ حمزة ماضربنيش فعلا ولا دي أخلاقه أنه يعمل كده
كانت نظرات أفنان نارية تكاد تحرق ايتن وهي تسألها بحيرة:
-نعم؟؟..والكدمات اللي على رقبتك دي ايه ؟؟
حاول يخنقك يعني ؟؟ برضو اوعي تسكتي فاهمة… ده كان ممكن يأذيكي
ألقت ايتن نظرة ماكرة على حمزة الذي كان يراقب الموقف بذهول .. وتابعت بلهجة متظاهرة بالخجل:
– بس ماعتقدش ينفع ارفع قضية على جوزي علشان باسني، خصوصا أن انا معنديش مشكلة خالص..
كانت الإجابة والفكرة شيطانية بحق، اتسعت عينا افنان مو الصدمة وهي ترمق حمزة بكل غيظ، بينما ايتن تبتسم بكل انتصار فهي حرقت دمها بالفعل :
– نعم !!
– ما احنا متجوزين ولا أنتِ ناسية ؟
– عارفة بس فكرته ضربك ولا حاجة !
-لا يا حبيبتي..حمزة مبيمدش ايده عليا..اصله راجل ومش من تربيته يعمل كده..
لم تستطع افنان الرد، لتسألها ايتن بمكر:
-صحيح يا أفنان انتي عندك كام عين؟
-نعم؟
تمتمت ايتن من بين أسنانها:
-مش انتي بوتاجاز..اعتقد خمسة !
صاحت افنان باندفاع :
-ايه اللي بتقوليه ده..بوتاجاز ايه؟
ايتن وهي تضع قدما علي الأخرى :
– كنتي بتسخنيني عليه اوي
زفرت بضيق:
-لا طبعا مش كده..بس انا فكرته ضربك بجد..
قاطعتها ايتن بحدة :
-لا يا روحي مش من اخلاقه ابدا..يمد ايده علي بنت..واضح انك متعرفيش حمزة كويس زي ما قولتي في اول الكلام
ردت أفنان بغيظ من بين أسنانها :
-اه ممكن..عن اذنكم
وقفت ايتن قائلة باستئذان:
-انا كمان داخلة مكتبي أكمل شغلي..باي يا حبيبي
تنهد كلا من خديجة وحمزة ليقولا بالوقت ذاته وبنبرة خفيضة:
-إن كيدهن عظيم
________
دخل مكتبها بعد دخولها هي بدقيقة، ليغلق الباب خلفهما، فسألها بنبرة ساخرة وهو يشير علي عنقها:
– ده Fake طبعا !
تجاهلت سؤاله، لتجده يتناول مناديل مبللة من علي المكتب، مقتربا منها.. ليزيل المكياج من عنقها
حاولت ايتن الهروب منه ، لكنه كان يحيط بها ، ثم همست بارتباك بمجرد أن لاحظت نظرته معلقة على رقبتها ، ثم اشتعل وجهها بالحرج قائلة:
– انا كنت لسه همسحه
كتف حمزة ذراعيه، قائلا بجدية:
-لا..انا هعرف امسحهولك
لتجده يضع المنديل علي عنقها، يزيل آثار المكياج لاثار احمرار عنقها المزيفة
توقفت مكانها، ثم شهقت فجأة:
-عاوز ايه يا حمزة؟
نظر لها حمزة قائلا بمكر:
-قولت اجي اشيلك الـ Makeup ده بس..
حدقت به بعينين متسعتان بقلق، من كلماتها التهكمية، لتجده يتقدم نحوها أكثر، همست ايتن بارتباك:
– ممكن تبعد شوية
قال بتسلية:
– ابعد ليه ؟
نظر إليها بعيون تحمل كل المشاعر بداخلها ، ودون أن تنطق بحرف واحد ، دفعها إلى الخلف حتى التصق جسدها بالجدار الخلفي ليدفن وجهه في رقبتها ، ويقبلها بقوة، أزاحت رأسها بنعومة فطرية, لتعطيه كل المجال ليفعل ما يشاء.. شعرت بشفتيه تقبّل كل جزء من رقبتها ، حيث نزل إلى عظمة الترقوة وعاد بقبلة من الجانب الآخر من عنقها.. حتى تأكد أنه رسم علامة حقيقية
فصفق بكفيه امام وجهها وهو يبتسم بإعجاب:
-بس حقيقي برافو..لا عجبتني دماغك اوي
أوقفها أمام مرآة كانت في المكتب لترى ما فعله بعنقها, لتنظر له بغيظ:
-ايه إللى انت عملته ده؟
غمز لها قائلا بانتصار:
-اهو كده بجد..مش الـ Fake اللي انتي كنتي عاملاه
همست بضيق :
– بجح أوي
قهقه بضحكة عالية:
-اومال ايه الحكاية بقى اومال عاملالي فيها تقيلة .. ده أنتِ طلعتي بتغيري اهو…
ليردف قائلا بنبرة خشنة :
– وبعدين أنتِ اصلا قمر تغيري من مين .. ما اعتقدش حد ينفع ينافسك في الحلاوة
________
في المساء بمنزل حمزة
تنحنحت ايتن لتقطع ذاك الصمت، قائلة :
-انا خارجة مع خديجة ومنة النهاردة
سألها دون أن يرفع وجهه لها:
– رايحة فين؟
-رايحة البيوتي سنتر..
تأففت عندما وجدته نهض من مقعده ولم يعيرها اي اهتمام، وفي خلال دقيقة وجدته واقف أمامها، وأخرج لها رزمة من الأوراق النقدية…امسكتها بتعجب:
-إيه دا ؟؟
حمزة بجدية :
-مصروفك
ايتن باستغراب:
-نعم؟ مصروف ايه..ما انت سايبلي فلوس لمصاريف البيت ولما بحتاج حاجة بجيب منه وساعات انت بتجيب معظم الوقت
هز رأسه بنفي:
-ااه انتي قصدك على مصروف البيت..لا دا مالوش علاقة بالفلوس دي خالص..دا مصروف شخصي ليكي انتي تجيبي بيه حاجتك الشخصية Makeup، هدومك، بيوتي سنتر الحاجات دي يعني
اتسعت عيناها بذهول:
-نعم؟ لا طبعا..انا الحاجات دي بجيبها بنفسي..مش محتاجة انك تديلي وبعدين ما انا بشتغل ومرتبي بيكفيني وزيادة
حمزة بتبرير
-اولا الكلام ده قبل ما تبقي مراتي..لكن انتي دلوقتي مسؤولة مني..ثانيا شغلك دا لنفسك مش ليا..من يوم ما بقيتي على ذمتي ومرتبك دا خاص بيكي أنتِ حاجة كده على جنب بتاعتك..لكن أي مصاريف ليكي تاخديها مني بعد كده
ايتن بذهول :
-أيوة بس دول كتير..واكتر من اللي بصرفه
حمزة بشرود:
-انا معرفش احتياجاتك كانت هتكفي كام بس لو احتاجتي اكتر من كده يعني قوليلي..ولو اقل عادي خليهم معاكي مش هيخسروا..المهم انك هتاخدي زيهم كل شهر
ايتن باعتراض مبالغ:
-لا يا حمزة..معلش انا بشتغل..واقدر اكفي نفسي..مالوش لازمة خالص انك تصرف عليا..انت مش مجبر ولا ملزم تكفي مصاريفي الشخصية..مصاريف البيت تمام لكن غير كده لا
اخرج زفرة وهو يرمقها بسخرية :
-حتي في دي كمان فيها عناد..كنت عارف والله انك هتفتحي محاضرة في دا كمان
حاولت إعادتهم، قائلة بامتنان :
– انا فاهمة بس انا اتعودت ان انا بصرف على نفسي من وانا في الجامعة
أعطاها ظهره قائلا بنفاذ صبر :
– ايتن انتي حرة الكلام ده كان زمان .. احنا دلوقتي متجوزين..وعموما الفلوس معاكي عايزة تصرفيهم مش عايزة براحتك.. بس خليكي فاهمة كل شهر هتاخدي زيهم مني..ومش عايز كلام تاني في الحوار دا
همت بالرد، ولكنها تفاجأت به يغادر الغرفة وظلت هي متصلبة مكانها..شعرت أنها أخطأت بالفعل..فهو حتي في قمة غضبه منها، يهتم بها، كل موقف بينهم تكتشف أنه رجلها بالفعل..نظرت للباب بحسرة وندم علي اندفاعها
__________
في البيوتي السنتر
خديجة باندفاع:
-بجد حمزة ده ميستاهلكيش..بأمانة يعني
تنهدت ايتن بتعب:
-عارفة يا ديچا افتكرت موقف كده لما اداني الفلوس..افتكرت موقف لعميلة ليا كانت بتشتغل..حكيتلي انه شرط عليها عشان تشتغل ياخد نص المرتب لمصروف البيت..وهي وافقت عشان بتحبه..وبقي مرتبها كله للبيت..واي حاجة هي بتدفع فيها مع انه مستواه المادي كان كويس جدا..وفي غيرها كتير..يا اما جوزها بياخد فلوسها او بيخليها تدفع معظم مرتبها في البيت..حمزة مختلف تماما..بيعمل حاجات تخليني اتقهر ان كنت بعامله كده..انا بحبه بجد يا خديجة
زفرت خديجة بعصبية:
-ولما انتي بتتنيلي بتحبيه..بتعملي فيه كده ليه
زفرت ايتن بتنهيدة عميقة :
-غصب عني..مش عارفة..حمزة عصبي وشخصيته قوية اوي..ولو انا رفضت حاجة الكلام فيها منتهي مش بيديني الفرصة ارفض لا بيعمل حاجة تحطني قدام الأمر الواقع..بيخليني اوافق فجأة..وانا للأسف مبحبش كده..انا متعودتش علي كده في حياتي…انتي اكيد فاهماني
فكرت خديجة قليلا ثم ردت :
-عارفة يا حبيبتي..بس هو تصرفاته صح..متضيعيهوش من ايدك يا ايتن..الراجل اللي زي حمزة ده مش هتلاقيه تاني صدقيني
صاحت ايتن بزهق:
-طيب اعمل ايه..والله بحاول بس هو بيتعامل ببرود
خديجة باتزان:
-عشان هو لازم يحس انك معترفة بغلطك واتغيرتي بجد..
– بقولك هنروح لمنة البيت…اصل سيف قالها مينفعش تيجي لوحدها علشان متتأخرش وهو مشغول مش هيعرف يوصلها
– شايفة الناس اللي بتسمع الكلام
____________
بعد مرور ساعة..
كانوا يجلسون الثلاث فتيات معا وايتن تقص عليهم معاملة حمزة المتغيرة تماما معها
زفرت منة بضيق:
-علي فكرة بقي انتي غلطانة يا ايتن..بجد إللى عملتيه ده مكنش ينفع..انتي قللتي من حمزة
نظرت ايتن لمنة قائلة بسخرية :
-مش احسن ما ابقي زيك..اسمع كلام سيف في كل حاجة..وحاضر ونعم
منة مدافعة :
-وفيها ايه لما اسمع كلامه..مش احسن ما اعاند ونتخانق علي طول..رغم ان كلامه بيكون صح
صاحت خديجة باندفاع:
-جرا ايه انتي وهي..هو احنا جايين نحل مشكلة ولا نتخانق
زفرت منة هواءا حارا، قائلة بضيق:
-انتي مش سامعاها يا خديجة بتتريق ان انا بحب سيف وبسمع كلامه
ردت ايتن بنبرة ساخطة:
-لا وانتي الصادقة انا بفوقك..الراجل مينفعش معاه واحدة تقوله حاضر ونعم..انتي كده بتلغي شخصيتك تماما..وبتخليه يتنطط عليكي ومهما عمل هو واثق من وجودك
منة بشرود:
-علي فكرة سيف مبيعملش كده..وعلي الأقل لما بغلط بعترف بغلطي مش زيك بقاوح
قاطعتهم خديجة بعصبية:
-هو انا مش قولت خلاص..نهدي كده..اولا انتوا الاتنين غلط..انتي يا ايتن بجد خسارة فيكي واحد زي حمزة..عشان الراجل كويس معاكي وبيخاف عليكي..وغلطي جامد لما كسرتي ثقته فيكي واستغفلتيه
ردت ايتن باندفاع:
-انتوا ليه محسسيني ان انا خونته
خديجة باتزان:
-المفروض الست بتحترم الراجل في غيابه قبل وجوده..وانتي في وجوده استغفلتيه عليه..وفوق ده كله مش معترفة بغلطك
-للأسف دايما مشكلتنا مع الرجالة اننا بنشوف تعليقاتهم دي تحكمات مع انهم بيشوفوها غيرة وخوف ورجولة ، هما عارفين بصات بعض كويس حتى لو احنا ماخدناش بالنا فلما يقولك بيبصولك بخبث صدقيه والله..
-بصي للموضوع من وجهة نظره هو والله هتعذريه وهتعرفي انه مش قصده يتحكم فيكي
زفرت ايتن بغيظ:
-ما انا حاولت اصالحه مرضيش
-عشان دي مش مصالحة…انتى الغلطانة يعني أنتِ اللي تحاولي تصالحيه وتفضلي فوق رأسه لحد ما يتصالح… الاعتراف بالغلط قوة مش ضعف… ولا تقليل من كرامتك خالص .. بالعكس أنتِ كده بتثبتيله انك بتحبيه ومقدرة زعله
منة بمزاح:
– فليسوفة يا ناااس… أفلاطون بيتكلم معانا
اردفت منة قائلة :
-لا بجد بقى عندك حق الحياة خد وهات وطالما الراجل يستحق الاعتذار يبقى نعتذر طالما الغلط من عندنا
شعرت ايتن بالندم :
-عندكم حق..عشان كده هفضل وراه لحد ما يسامحني
ابتسمت خديجة، ثم وجهت كلامها لمنة:
-شطورة..اما انتي بقي يا ست منة..اتقلي شوية..سيف مش هيطير..ومش معني كده انك تتقلي جامد لدرجة انك تركنيه..خير الامور الوسط
همست منة بتلقائية:
-بصي انتي ممكن تستغربيني..بس انا فعلا مبعرفش امثل..بجد مبعرفش اكون على غير طبيعتي ولو حاولت بتقفش على طول
ضحكت خديجة:
-والله انتوا الاتنين مجانين
_________
– انا بقيت بخرج بلبس زي ما انت عايز
وقفت أمام حمزة، لتجده بعد صمت استمر لدقائق مما زاد من ضيقها..هتف حمزة ببرود:
-ااه..مبروك
وتحرك مغادرا غرفة نومهم بعد أخذ كنزة من ملابسه، متجاهلا اياها تماما
ظلت هي بمكانها، رمقته بصدمة وكأنها تخبره بشيء عادي..كأنه شيء لا يخصه ولا يسعده..رده البارد الذي اعتادته منه بالفترة الأخيرة نتيجة خصامهم..والسبب عنادها وكذبها عليه
تنهدت بحزن لتتبعه للخارج لتجده يجلس علي السرير يعمل علي الحاسوب الخاص به في الغرفة الثانية..تحركت لتشاركه جلسته..ظلت تنظر إليه..تفكر برد فعله البارد، تجاهله ولامبالاته تلك..
تنحنحت لتهتف فجأة :
-كنت فاكراك هتفرح عشان بقيت ألبس طويل شوية..لقيتك بتقولي مبروك وخلاص
توقف عن العمل علي الحاسوب، ليغلق الشاشة..ثم حدق بها للحظات، قائلا بتنهيدة:
-عايزة ايه يا ايتن؟
ايتن بإندفاع :
-عايزة اعرف البرود اللي انت فيه ده هينتهي امتي
اجابها بجدية:
-لحد ما نهدي شوية..وياريت بلاش تعصبيني وتعاندي كتير
وبعدها تحرك تلقائيا إلى الخارج تاركا اياها تحترق بنار الغيظ ومرارة الخسارة فها هي قد خسرت النقاش سريعا حتي قبل البدء به
– حمزة…انا اتعودت على كده..اتعودت اقول لأ… اتعودت أن محدش بيتحكم في لبسي ولا حد بيحاول يغيرني…حتى لما اتخطبت مكنش بيغير عليا كده وماما كانت اه بتضايق من لبسي بس مكنتش بتغصبني على حاجة…
– اتعودتي تقولي لأ لأي حد بس مش لجوزك ! الوضع دلوقتي اختلف…
– انا مش عارفة اقولك ايه بس ياريت تفهم.. ان انت اتجوزتني وانا بلبس كده و شوفتني كده و حبتني كده و اتخطبنا وانا كده واتجوزنا، ليه بقى عايز تغير فيا حاجة
– تمام … بنتفق دلوقتي…انا مش بمنعك لا من شغل ولا بخنقك بلبس معين…انا كل الحكاية أن مبحبش اللبس القصير ده… في لبس كتير اوي شيك وأنيق جدا طويل
صاح قائلا بهدوء :
– انتي متعرفيش أن في نوع من الرجالة لما بيتجمعوا سوا في قعدة بيحكوا ايه ويوصفوا تفاصيل ازاي ويتكلموا اصلا ازاي !
ليردف قائلا بضيق:
– لو ركزتي كده وشوفتي من بعيد راجل شايف بنت لابسة هدوم ملفتة اوي هتلاقي نظرات بشعة و رمي كلام مقرف من بعيد.. انا أدرى بدماغ الشباب دي…
البنات اللي زيك بيتعاملوا بحسن نية في أوقات كتير وبيتفهموا غلط للأسف…انا لو بحكم عليكي من لبسك مكنتش اتجوزتك اصلا.. بس صدقيني
في نوع من الرجالة مقرف اوي و انا للأسف بشوف نظراتهم و انا راجل وأنت مراتي.. يعني تخصيني بتاعتي انا… فطبيعي هغير عليكي ..والله ما تحكم على قد ما هو غيرة عليكي وخوف.. مش عايز حد يبصلك بصة وحشة او تسمعي كلمة وحشة معاكسة من حد
– انا اسفة يا حمزة…حقيقي مكنتش متخيلة كل ده…كنت فاكرة ان طالما البنت تقدر توقف كل واحد عند حده خلاص
قبلها من يدها بنعومة قائلا:
– حبيبتي انتي بتشتغلي…يعني هتكوني عرضة اكتر للمضايقات..عارف ان كل الفكرة انك عايزة تلبسي احلى لبس وتشوفي نفسك حلوة..
ليردف بنبرة خشنة :
– بس حبيبتي ومراتي يعني خط احمر قدام الناس كلها
اومأت برأسها:
– أيوة واقتنعت مع أن كنت حاسة اللبس القصير احلى عليا بس مش مشكلة مش هلبسه طالما هيضايقك.
غمز لها قائلا:
– بصي مانكرش انه حلو…بس حلو ليا وفي عينيا انا بس
ابتسمت بخجل، قالت بشرود:
– تفتكر سبب مشاكلنا أن احنا ملحقناش نتخطب مدة طويلة…يدوب فترة قصيرة اوي.. شهر ونص
قهقه ضاحكًا:
– ممكن … كان المفروض نتفق على أساسيات حياتنا قبل الجواز … بس الحمدلله دلوقتي اتفاهمنا
ضحكت ايتن :
-انا ملحقتش اعمل خطوبة اتقدمت واتجوزنا علطول
لف ذراعه حول خصرها وهمس قائلا:
-من حقي بصراحة ما هو في حاجات كده لو ما اتلحقتش بتتخطف وأنتِ فيكي الطمع
سمعت رنين هاتفها لتبتعد عنه لترى من…
نظرت الى الرقم الذي تعرفه جيداً… وبالتأكيد لم تستطع الرد أمامه
_________________________________
في إحدى المطاعم..
وجد أفنان تجلس أمامه، ثم قال بلهجة جدية وهو يتفحصها:
-سألت كويس..وعرفت ان مصلحتنا واحدة
أفنان بتساؤل:
-مش فاهمة..حضرتك قولت إنك عاوزني بخصوص ايتن
لمعت عينا مهاب بخبث:
-بالظبط كده
اراح مهاب ظهره للخلف قائلا بثبات:
-في بيني وبينها حساب قديم..لازم يخلص..وانتي اكيد هتساعديني فيه
أفنان بفضول:
-حساب ايه دا
مهاب بحدة:
-ميخصكيش تسألي..انتي عاوزة حمزة..وانا عاوز ايتن
لمعت عيناها بشر:
-طيب عينيا ليك..بس فهمني الأول انت ناوي علي ايه؟
مهاب بصوت يشبه فحيح الافعي:
-ناوي الأول اعلمهم الأدب..بحاجة صغيرة..وبعد كده حاجة اكبر…
-ازاي؟
هتف بنبرة شيطانية خطيرة :
– بس الفرق أن انتي عايزة توصلي لحمزة .. لكن انا بقى عايز امحي ايتن تماماً من الدنيا
يتبع …..
_____
هستنى رأيكم وتفاعلكم مع البارت، واتمنى المتابعين في صمت يظهروا بحب اشوف تعليقاتكم وتفاعلكم مع الرواية????❤️
رأيكم وتشجعيكم مهم جدا بالنسبة لي❤️
لو وصلتوا البارت ده لـ 500 لايك وكومنت هنزل بارت هدية اضافي
•قولولي مين اكتر Couple بتحبوا مشاهدهم اكتر؟
-حمزة وايتن
-سيف ومنة
-هاني وخديجةالفصل التاسع والعشرون
هاتفت شذى وهي في عملها، فهي منذ أن أغلقت الهاتف معها بالأمس عندما حاولت الاتصال بها و زوجها موجود وقالت إنها مكالمة عمل ولا تريد أي شيء يزعجهم
– أنتِ مرديتيش عليا ليه امبارح ؟؟ ولا أنتِ خلاص حبيتيه ومش قادرة تكملي بقى الشغل
زفرت قائلة بضيق:
– هرد عليكي ازاي وهو كان موجود … أنتِ بتهزري؟
– أنتِ اخر مكالمة قولتيلي أنه لسه ماحبكيش … لسه ماعترفش بحبه لكِ ! معقولة كل ده لسه..
– اه لسه … وأنت عارفة أنه مش بالسهولة دي..
صاحت شذى باندفاع :
– ماشي حاولي تتصرفي… تسرعي الموضوع اكتر من كده…
– طيب … هحاول…
أغلقت معها الهاتف وارتشفت كوب قهوتها الذي أمامها على مكتبها وهي تفكر بقلق يجب أن تجد حل لذاك الموضوع …
_____
اتصلت افنان على مهاب، قائلة بانتصار :
-انا عملت زي ما انت قولتلي واتفقت معايا..خليت حد يحطلها الدوا في القهوة بتاعتها
ابتسم مهاب بشر:
-حلو اوي..خلي الباقي عليا بقي
________
بعد فترة وجيزة ، غادرت آيتن الفندق ، وكانت أفنان تراقبها من بعيد .. لكن تأتي الرياح بما لا تشتهي السفن .. ووجدت خديجة تركب مع آيتن في هذا الوقت .. لتلعنها بداخلها .. وقد شعرت بالغضب الشديد .. الخطة فشلت بالتأكيد.
بعد فترة قصيرة .. شعرت خديجة أن صديقتها غير متوازنة ، وكأنها متعبة أو تريد النوم ؛ لتقول تنبيه:
-ايتن..ركزي شوية..انتي مالك تايهة كده ليه؟؟
همست ايتن بنعاس :
-تايهة ازاي يعني
شهقت خديجة وهي تلكزها:
-يلهوي..انتي هتنامي ولا ايه..قومي..قومي بسرعة
زفرت ايتن بتعب:
-في ايه يا ديجا..
صرخت خديجة فجأة:
-ايتن….اتحركي من مكان انا هسوق..
لتضغط ايتن على الفرامل فجأة بعدم استيعاب ولكن كان الوقت التأخر…
_________
دخل المستشفى مع صوت أنفاس متتالية ونبض قلبه المتعالي يبحث عن غرفتها ، حتى توقف أمام رقم الغرفة المقصود ، ليرى طبيب يخرج منها برفقة ممرضة … اقترب منهم بشغف ، ليقف أمامهم بملامح توتر ومضطربة.
يسأل الطبيب:
-حضرتك تعرفها؟
اومأ حمزة قائلا:
-أيوة انا جوزها..هي حالتها ايه لو دلوقتي؟؟ وكويسة ولا ايه؟
-اطمن حضرتك هي بخير..دي حادثة بسيطة..مجرد كدمات صغيرة..واغمى عليها بس من الخضة
ثم ربت علي ذراعه ليدلف إلى الغرفة..فيجد أمامه خديجة بوجه متعب نظرا لقلقلها مما حدث…
كانت تنظر بشرود نحو ايتن التي ترقد بسلام علي الفراش مغمضة العينان..وجهها شاحب ومتعرق قليلا..خفق قلبه بقوة
سأل خديجة بفزع:
-هو ايه اللي حصل يا خديجة؟؟ وايتن عاملة ايه؟
خديجة بهدوء:
-ايتن نامت مني في الطريق غصب عنها..وبعدين الحمدلله انا لحقت الموقف..و وقفت العربية بسرعة..بس للأسف خبطنا في عمود كبير..وهي بس اغمي عليها من الخضة..وخدوش بسيطة بس اللي حصلتلها
اغمض عيناه بحزن:
-ايه إللى خلاها تنام بس
خديجة بشرود :
-هي كانت مرهقة تقريبا..ممكن عشان عملت مجهود كبير في الشغل النهاردة ومرضيتش تروح الا لما تخلص اللي وراها او يمكن كانت سهرانة امبارح ومنامتش كويس
– بالعكس هي نايمة بدري !!
جلس بهدوء على أحد المقاعد المجاورة لها .. وبعد بضع دقائق بدأت عيناها تنفتحان بإرهاق .. رمشت عينها عدة مرات وهي تتفحص ملامحه لتجده جالسًا بقلق شديد وهو يعقد ذراعه أمام صدره بينما كان ينظر إليها بعيون خائفة، قلقة .. حاولت الجلوس بصعوبة..فانبعث منها أنين من الألم .. نهض حمزة بسرعة ليكون بجانبها على السرير خاصتها، لكي يساعدها على الجلوس.
هتف بقلق:
– اجيبلك الدكتور يا حبيبتي ؟
حركت رأسها تنفي حاجتها للطبيب، ليتنحنح ويعتدل يطالعها بصمت قليلا
قائلا بعتاب:
-لما انتي حسيتي نفسك تعبانة مكلمتنيش ليه ولا كنتي روحتي بدري؟؟
-مش عارفة يا حمزة.. كان عندي شغل..
هتف حمزة باندفاع:
-ما يتحرق الشغل..المهم انتي..انتي لو كان حصلك حاجة بعد الشر كنت اعمل ايه؟
ليردف بنبرة صادقة :
– مقدرش اعيش من غيرك أضيع !
ابتسمت له بحب، فمهما تشجارا أو اختلفا في شيء من قبل ولكنه يحبها وهي تعشقه…
تدخلت خديجة :
-خلاص يا حمزة عدت علي خير.. والحمد لله انا كنت موجودة
همست بحزن :
-انا اسفة
زفر حمزة بتعب:
-بتتأسفي علي ايه يا حبيبتي؟؟..انا مجرد ما خديجة كلمتني كنت مرعوب من القلق .. فكرة ان كان ممكن يحصلك حاجة رعبتني..عشان خاطري يا ايتن خلي بالك من نفسك..لو حسيتي بعد كده انك تعبانة..كلميني علي طول وانا كنت اعدي اروحك
-يعني كنت اخليك تسيب شغلك؟
-انا اسيب الدنيا كلها عشانك..تولع أي حاجة بس انتي تفضلي كويسة ومعايا..لما تحسي انك هتتعبي تكلميني على طول
استمعت إلى حديثه باهتمام وحب، وحدقت فيه بعيون مشرقة ، ثم أومأت برأسها مؤكدة:
-بحبك
تنهد باستسلام وابتسامة صغيرة قبل أن يجذبها إلى ذراعيه وهو يقبل رأسها هامساً:
-وانا بعشقك والله
___________
في شقة مهاب الذي استأجرها…
هب مهاب واقفا بغضب ثم توجه ناحية افنان، امسكها من ذراعها بقوة ألمتها، قائلا بصوت غاضب:
-هو انتي يعني غبية اوي كده..رايحة تديلها الزفت في اليوم دا
تأوهت افنان بشدة:
-وانا ايه عرفني يعني ان الزفتة اللي اسمها خديجة دي هتركب معاها
اشتد بقبضته عليها وهو يدفعها، قائلا بعصبية :
-انا غلطان اني اعتمدت عليكي
– سيب ايدي انا عايزة امشي.
– اسمعي يا بت أنتِ…. احنا هنكمل اللي حصل… مصلحتنا لسه واحدة…والا ممكن اروح اقول لحمزة حبيب القلب على اتفاقنا وتنفيذك عشان يكرهك اكتر
– أنا خايفة…خلاص مفيش حل غير ده؟.
– اه مفيش وهتستني مني مكالمة تانية اقولك تساعديني ازاي
_________
بعد مرور عدة أيام..
اتصلت افنان بحسن، قائلة بمكر :
-بقولك ايه يا حسن..تعالي بسرعة النهاردة..هو ايه اللي ليه..حمزة عنده شغل عندنا النهاردة..وانت كده كده داخل بفلوسك في المشروع الجديد..تعالي واقعد اتكلم مع ايتن وحاول تفتح أي كلام كده
بعد مرور ساعة..اتي حسن إلى الفندق، وجلس مع ايتن وزميلتها “وئام” وهو يجاريهم بالكلام عن العمل ليفاجأها انه ابن عم حمزة، شهقت ايتن بصدمة:
-نعم؟؟
قالت وئام بدهشة :
-انت ابن عم حمزة بجد؟
اومأ حسن بإيجاب :
-اه والله..انا فكرتكم عارفين اصلا
وصل حمزة إلى الفندق في تلك اللحظة ، عندما وجدها في غرفة الاجتماعات جالسة مع الشخص الذي يكرهه .. اظلمت عيون حمزة بظلام دامس .. سواد تكوّن في قلبه على مدى سنوات طويلة .. ويده تشد على شكل قبضة ، يستعد لمهاجمة من أمامه ، خاصة عندما وجدها تتحدث معه .. ثم فتح الباب على اخره بغضب
كانت غير مستوعبة تماما من كان يحدق بها بشراسة مرعبة حتى وجدته أمامها .. يسحبها من مقعدها لتقف خلف ظهرها .. لا تدرك سبب غضب عينيه .. لكنها متأكدة أن شيئاً سيئاً قد حدث ..
صاح بصوت عالٍ ، مما جعل قلبها ينبض أسرع:
-انا مش قولتلك قبل كده..متقعديش مع البنى ادم دا
انتفضت ايتن، قائلة:
– مستر هاني قالي اقعد معاهم عشان هيمضي عقد معانا ولازم اشرحله طبيعة الشغل
تدخلت وئام قائلة بحكمة :
– هي مش قاعدة لوحدها يا حمزة … انا قاعدة معاهم عشان هيمضي على أوراق الشغل
نظر بغضب قائلا:
– شغل مع ده !!!
زفرت ايتن بضيق:
-في ايه يا حمزة؟ ده ابن عمك
هتف حمزة بنبرة خبيثة يلعب على الوتر الحساس :
– مش عارف بينسى ليه أن انا ابن عمه ! مع اني داخل بفلوسي.. ولا ايه رأيك؟
اوقفه حمزة بحركة سريعة من يده قائلا بصوت حاد:
-متدخلش انت بينا..
قال حسن بحدة :
– متدخلش ازاي ؟؟؟ انا داخل بفلوسي بشركتي اللي انت معرفتش توصل ولا تعمل زيها !
معرفتش طول السنين دي توصل حتى لربع اللي انا وصلتله…أنت مجرد شغال تحت ايد حد…لكن انا بقى عارف مشغل تحت ايدي كام حد زيك !
صرخ بحنق :
– حسن…
– معلش اصله بينسى…مفكر نفسه ابن صاحب الشركة ولا حاجة…
تدخل هاني في ذلك الوقت بينهم، فقال حمزة بغضب :
– ايتن مش هتشتغل مع حسن… تشوف حد مكانها يعمل شغلها معاه
قاطعه هاني قائلا:
– ايه اللي انت بتقوله ده يا حمزة…ده شغل وانت شاطر في شغلك وفاهم أن الأمور الشخصية بره الشغل
– ايتن مش هتشتغل معاه… انا عارف دماغ ابن عمي كويس
هدر بعصبية موجهاً حديثه إلى حسن :
– عشان لو شوفت وش أمك قريب من آيتن تاني هخليه آخر يوم في حياتك !!
قهقه حسن ضاحكاً :
– ايه يا ابن عمي أنت مش واثق في نفسك؟؟ ولا خايف يحصل زي زمان
– مراتي اضمنها برقبتي…
– طب خلي بالك بقى … لأحسن تتكسر رقبتك المرة دي
هتف بوعيد :
– هنشوف مين اللي هيتكسر المرة دي بجد يا حسن يا عقاد
ليردف قائلا :
– يلا يا ايتن عشان نمشي
هتف هاني مقاطعاً:
– حمزة مينفعش كده.. ايتن لسه وراها شغل
رمقه حمزة بغيظ , وقبل ان يستكمل كلامه..امتدت يده لتقبض علي يد ايتن بقوة آلمتها ثم سحبها إلى جانبه..اشتعلت غضبا من سيطرته..وحاولت افلات يدها من قبضته الا أنها لم تستطع..فضاعف من ضغط قبضته حتى خرجوا من الفندق
_____
في إحدى المطاعم الراقية..
تقدم النادل من الطاولة الذي يجلس عليها منة وسيف، ليقاطعهم بأدب موجها حديثه لسيف:
-لو سمحت حضرتك ممكن تغير مكان عربيتك..عشان انت ركنتها في مكان قدام حد وفي حد عايز يتحرك مش عارف
اومأ سيف مستئذنا:
-ااه تمام…طيب هطلع اغير ركنتها وارجعلك
-تمام
تقدم شخص فجأة من الطاولة التي تجلس عليها منة، قائلا بشك:
-انسة منة مش كده؟
اومأت بإيجاب:
-أيوة
– هو حضرتك مش فاكراني؟؟
– نعم ؟ وانا افتكرك ليه أن شاء الله؟
-انا مؤمن ابن عم إيمي صاحبتك…
أومأت منة بإيجاب:
-اه..بس خير يعني هو فيه حاجة ولا إيه؟
-بصي انا من فترة شوفتك عندها..وبعدين سألتها قالتلي يعني انك مالكيش في الارتباط وقولتلها تعرفك..قالتلي انك رفضتي تماما وقولتي انك مش مرتاحالي..و كنت عايزك بس تديلي فرصة تعرفيني طب حتى تديني فرصة اتقدملك ولو تمام نتخطب فعرفت انك برضو رافضة
اتسعت عيناها بدهشة :
– ايمي قالتلي ان حضرتك انك اصغر مني ومرتبط..
-لا طبعا انا عندي 25 سنة يعني أكبر منك بـ 3 سنين ومش مرتبط خالص
زفرت بضيق :
-طيب حضرتك حصل خير… عايز ايه دلوقتي..انا..
جلس الشاب في المقعد المقابل لها:
-انتي من يومها لحد دلوقتي وانتي لسه في دماغي وبقالي فترة قالب الدنيا علشان اوصلك وايمي رافضة تقولي أي معلومة عنك…وماصدقتش لما شوفتك تاني
صاحت منة باعتراض:
-معلش انا اسفة بس فعلا ماينفعش خالص أن حضرتك تقعد هنا ولا تتكلم معايا..ممكن حضرتك ترجع ترابيزتك تاني
-ارجع مكاني ايه بس ده انا ما صدقت شوفتك تاني..وعشان كده قررت اتقدملك مش همشي من هنا غير لما اخد رقم باباكِ أو اخوكي عشان اتقدملك بنفسي واصلح اللي فهمتيه غلط قبل كده..
– ماينفعش حضرتك … انا مخطوبة مخطوبة…
حاول أن ينظر إلى يديها فهي كانت ترتدي عدة اكسسوارات فلم يستطع تحديد أن كانت اي منهم تحتوي على دبلة الخطوبة ام لا
هتف بذهول غير مصدقاً:
– لا اكيد حضرتك بتهزري… شكلك مكسوفة بقى ولا بتتقلي حاجة زي كده
انتفضت واقفة لتقف من مقعدها مبتعدة قليلا:
– انت اهبل يابني انا ولا بتقل ولا نيلة… بقولك مخطوبة… ولو هتفضل قاعد هنا خليهالك أشبع بالترابيزة…منك لله دي محجوزة لينا
هتف بنبرة ساخرة ممزوجة بالجدية :
– مشروب عليكي شاي يعني ؟ عادي مابتتحسبش خطوبة دي.. بصي انا مش همشي غير لما اخد رقم باباكِ إيه رأيك بقى ؟
نظرت له منة بذهول، فهي نفذت صبرها من ذلك المجنون .. وجدت يد سيف تلكمه بشدة ويده الأخرى تدفعها بعيدا لينهال سيف ضرباً على مؤمن
هتف سيف بعصبية:
– لا مشروب عليها قهوة زي اللي هشربها عليك يا روح أمك
أجفل مؤمن متراجعاً :
– أنت مالك يا عم أنت؟؟؟ انا باخد رأيها هي
سحبه سيف مرة أخرى بحدة من سترته قائلا بغضب :
– رأيي ان انا لو شوفتك بتكلمها تاني هخليه يوم اسود عليك
كل كلمة كانت مصحوبة بلكمة شديدة على وجهه ، وتجمع الناس وعمال المطعم حولهم محاولين إنقاذ الشاب منه .. كانت مرعوبة مما حدث .. رغم أن سيف لم يكن عنيفًا بالدرجة معه ، فقط اللكمات الخفيفة لم تؤذيه .. لقد أراد فقط أن يعلم الشاب درسا ألا يقترب منها مرة أخرى
أخيرًا التفت إلى منة لينظر إليها بغضب .. ثم وضع الحساب على الطاولة .. وأمسك يدها بإحكام وسحبها سريعًا بينما كانت تكافح من أجل اللحاق به بخطواته السريعة.
دفعها بعنف لتركب السيارة ، فتأوهت عليه ، لكنه لم ينتبه لها .. وسار بسرعة .. وقبل أن يصلوا أوقف سيارته في منتصف الطريق بعد محاولتها.. للتحدث معه حتى يسمعها ويفهم الوضع الخاطئ.
صاح سيف بغضب:
-اخرسي خالص..مش عايز اسمع صوتك
همست بصوت مبحوح متقطع، بسبب بكاءها المستمر:
-سيف انت فهمت الموقف غلط..والله هو اللي جه وقعد
هتف بعصبية وعيناه تلمعان بقسوة:
-وانتي مش عارفة تسيبيله ام الترابيزة..قاعدة معاه تتكلمي وخلاص..ولا عاملة حساب ليا..ايه كنتي مستنية لما توافقي بالمرة؟
اتتفضت من مكانها رعبا من نبرته:
-والله ابدا..انا كنت بقوله اني مخطوبة وهو مش مصدق .. و وقفت عشان اقوم بس ملحقتش اتحرك .. انت جيت بسرعة
تحرك بالسيارة مرة أخرى، قائلا بسخرية:
-اه انا اسف..كان المفروض اتأخر برة شوية علي ما تخلصوا كلام..وتثبتيله انك مخطوبة بجد
صاحت منة بغضب :
-ايه اللي انت بتقوله ده..و بعدين انت خليتنا نمشي من المكان وحتي ملحقناش نقعد..وانا ما بصدق نخرج
زفر بتبرير:
-انتي عارفة شغلي…!
منة بحزن:
-عارفة و راضية..حتي الخروجة الصغيرة باظت
هتف بسخرية:
-هو ده اللي فارق معاكي؟
منة باندفاع:
-لا طبعا تولع الخروجة..صدقني والله انا كنت لسة هقوله..انت مش فاهم انا اتصدمت من كلامه..و…
أوقف السيارة فجأة امام العمارة، قائلا بضيق:
-وصلنا انزلي
لم يجد منها رد..صاح بعصبية أكثر :
-انزلي يا منة قولت
إلى هنا وكفي…؟؟ لم تستطع تحمل أفعاله إلى الآن..يجب ان تستجمع شجاعتها فورا، لتقول بغضب شديد:
-انت فاكر عشان بحترمك وبقدرك اني ممكن اسمحلك تتمادي فيها للدرجة !! لا معلش انا لما كنت ساكتة ده كان احترام ليك..لكن واضح ان الاحترام خلاك تحس اني ضعيفة لدرجة انك تستقوي عليا…وانا مش ضعيفة يا سيف…انا بحبك و بحترمك وبسمع كل كلامك…بس ياريت تفوق كده وتفرق كويس..عن اذنك
ثم نزلت من السيارة، صافعة الباب خلفها بعنف..
بينما سيف كان في قمة اندهاشه..لم يكن يتوقع كل ما تفوهت به منة
_______
كان يقف يوليها ظهره..منذ عودتهم وهو صامت تماما لا يتحدث.. كلمات حسن تتردد بداخله…شعوره بالخذلان من كان أقرب الناس إليه يؤلمه..مدت كفها تتلمس كتفه لينفض يدها عنه فور شعوره بلمستها
-حمزة..
التفت لها هاتفا بيأس:
– ايتن معلش سيبيني لوحدي..
دفعها بعيدا مغادرا الغرفة
-حمزة استني
اسرعت خلفه لكنه اوقفها عندما استدار لها، قائلا بعصبية:
– سيبيني لوحدي يا ايتن
وقفت أمامه وهي تتمسك به :
-اهدى علشان خاطري…انا مقدرش اسيبك تخرج كده وانت في الحالة دي..انت زعلان مني في حاجة؟
بينما هو منعها, خرج صافعا الباب خلفه
كان يقود سيارته ولا يعرف إلى أين يتجه .. أوقف السيارة أمام البحر .. و وقف ينظر إلى المياه وتنهد تنهيدة مؤلمة قوية كما لو كان يسكب غضبه من خلالها .. وظل واقفًا شارد الذهن يفكر فيما قاله حسن .. بعد فترة شعر بالبرد .. استلقى سيارته وغادر.
________
ظلت ايتن تهاتفه، ودائما يعطيها الهاتف مغلق..فتحدثت مع سيف..وفي خلال ربع ساعة كان أمامها
طرق سيف باب منزل حمزة..فأتت ايتن تفتح الباب بلهفة، ليجدها بتبكي
اقتربت ايتن بخطوات سريعة و وضعت يداها الرقيقتين حول جسده الضخم، متشبثة به بقوة..وبدأت عيناها بذرف الدموع فربت على ظهرها برفق وهمس بحنو:
-بتعيطي ليه يا حبيبتي..اهدي طيب
رفعت رأسها ببطيء ونظرت بعيناها الدامعتين، وهمست بندم:
-حمزة اتعصب جامد..وسابلي البيت ومشي..اول مرة يسيب البيت يا سيف
شعر وكأن السكاكين تُطعن في قلبه من حالة أخته.. لم يستطع رؤية دموعها..قال بنبرة رقيق:
-متزعليش منه يا حبيبتي..عشان بس متعصب..طب هو راح فين مقالكيش؟
ازدادت شهقاتها:
-لا مقاليش هو انا لحقت اسأله..دا خرج على طول وهو متعصب..انا خايفة أوي عليه…
سألها بشرود:
-كلمتي حماتك طيب ؟
-كلمتها قالتلي مراحش عندها..بس لو وصل هتكلمني..انا خايفة اوي يا سيف
شد ذراعيه حول جسدها .. فبينما هي شعرت براحة غامرة تغرق جسدها في وجوده أخيها بجانبها ، شعرت بالسلام والأمان اللذين سلب منها خلال ترك حمزة البيت لها .. على الرغم من حبها لحمزة، الا أنها ما زالت ترى شقيقها هو حاميها وقدوة لها وسندا لها ، همس بنبرة حانية:
-متخافيش انا جنبك اهو لحد ما نعرف هو فين
همست من بين شفتيها بامتنان:
-شكرا انك جيت ومسبتنيش لوحدي في اكتر وقت كنت خايفة فيه
ابتسم بخفوت لشقيقته المتشبثة به كالأطفال، ثم هتف بنبرة هادئة :
-لو انا مش جنبك في الوقت دا اومال مين يبقي جنبك..انتي بنتي مش اختي الصغيرة
تطلعت إليه بابتسامة خفيفة وهتفت بهدوء:
-ربنا يخليك ليا يا سوفي
كان يريد أن يفاتحها بحوار والدها..لكن فضل الصمت في تلك اللحظة، لأن الموقف لا يسمح ابدا
– اهدي يا آيني.. عشان خاطري كفاية عياط.. قلبي وجعني عليكي
ليردف قائلا:
– أنتِ قوية وجدعة يا حبيبتي
زادت بكاءها ، ليسحبها هو بين ذراعيه.. أغمض عينيه بحزن وغضب من حمزة لتركه لأخته بهذه الحالة .. حتى تنهد بهدوء ، وأحاط وجهها بيديه وهو يبعدها عن ذراعيه قليلاً .. ليمسح دموعها.
همست له بنبرة ممتنة:
– اول ما حسيت بضيقة جوايا.. مافكرتش الجأ غير ليك، كنت واثقة مش هلاقي أحن منك
– وأنتِ اقوى واجمل اخت في الدنيا…مش متخيلة كنت عايش ازاي السنين اللي فاتت وانا نفسي اشوفك من تاني…عارف انك مريتي بحاجات كتير صعبة مع بابا… وعارف أن مش بالسهولة دي تسامحي ولا تشوفيه…بس انا جنبك وفي ضهرك..
_____
في صباح اليوم التالي
في شركة حسن العقاد
صاح حسن بضيق عندما أستمع إلى تلك الفكرة الشيطانية من افنان:
-إللى انتي بتطلبيه ده خطر وخطر اوي كمان
-خطر ليه؟؟
زفر حسن بضيق:
-إللي حصل مع حمزة زمان كان كفاية اوي عليه…وبصراحة الكلمتين اللي قولتهمله امبارح مزجوني أوي وحسيته اتوجع بجد بيهم
افنان بحقد:
-بس برضو..هي دخلت حياته وغيرته..واديك شايف هو مبسوط ازاي
حسن بغيظ:
-انا منكرش اني لسة بكرهه..واستغربت أنه كل مرة بيفوق و اقوي من الأول..بس دا مش معناه خالص اني…
اقتربت افنان منه بإغراء:
-واللى اتعمل فيه زمان مكنش قد دا؟؟ ولا عايز تفهمني ان هي اغلي من اللى راحوا منه..وبعدين يا سونا متقلقش..هي مش هتموت يعني..انا هنبه عليهم بكده..و ده طلب عشاني انا يا حبيبي..ولا انا ماليش خاطر عندك
تنحنح حسن وهو يجذبها نحوهه أكثر :
-ها..لا ليكي…وليكي جدا كمان
ابتسمت افنان بخبث:
-طب ايه هتساعدني؟
حسن بمكر:
– طبعا..بس اسمعي انا ماليش علاقة بكل الحوارات دي..انا أخرى اشوفلك اللي هينفذ وانتي تتفقي معاه
__________________________________
قضى الليلة الماضية في الخارج لأول مرة منذ زواجهما .. تورمت عيناها من البكاء ، خاصة بعد أن تركها سيف في الصباح للذهاب إلى العمل ووعدها بأنه سيعود إليها مع حمزة .. لأول مرة أغلق هاتفه تمامًا وكأنه لا يريد أن يسمع صوتها.. اطمأن قلبها عندما اتصلت بها حماتها لتخبرها أنه جاء إليها .. شعرت بالحزن فهو هان عليه تركها وحدها لتمضي ليلتها في غيابه ..
أماني “والدة حمزة” ، رأت ملامح ايتن وعلمت ما دفع حمزة لمغادرة شقته.
أماني بهدوء:
-ايتن حبيبتي..مالك؟
تنهدت ايتن بحزن:
-حمزة اول مرة يسيب البيت يا طنط ويسيبني لوحدي كده..ده سابلي البيت خالص
اماني بتساؤل:
-بتحبيه يا ايتن؟؟
ارجعت ايتن خصلات شعرها خلف اذنها، قائلة بخجل:
-اكيد يا طنط…انا بحبه اوي
قطبت امانى حاجبيها قائلة:
-و إللى بيحب حد بيزعله لدرجة أنه يخليه يسيب البيت
ايتن بضيق:
-يا طنط انا معرفش ايه اللي زعله المرة دي..هو اتعصب اوي وقالي سيبيني لوحدي
-طب احكيلي حصل ايه؟
قصت عليها ايتن ما حدث
اماني باتزان:
-بصي يا ايتن..بالنسبة للموضوع الاولاني بتاع لبسك وانك كدبتي عليه..حمزة مكنش سهل يثق في حد..بس لما حبك وثق فيكي..ونصيحة مني يا ايتن..اوعي تضيعي الثقة دي..اوعي تهدميها..حمزة قعد سنين مرتبطش تاني ولا حب..وكنت بتحايل عليه كتير ومنهم اللي كانوا بيعرضوا عليه الفكرة..بس هو كان رافض تماما..كان شايل قلبه وحاطط مكانه عقله..لحد ما حبك انتي..قبل ما ينطقها..اتجوزك..صدقيني لو خسرتي ثقة حمزة فيكي هيبقي صعب اوي تكسبيها تاني..دي الحاجة الوحيدة اللي صعب ترجع..فهمتي يا حبيبتي؟
أومأت بتفهم:
-فهمت يا طنط…وانا غيرت لبسي عشانه والحمدلله الموضوع ده عدى لما اقتنعت وهو اتناقش معايا
اردفت اماني بتساؤل :
-تمام..بالنسبة بقي للحوار التاني بتاع حسن..انتي فهمتي ايه؟
ايتن بتذكير:
-بصي يا طنط هو من فترة كده قبل ما حمزة يتقدملي..بعد ما رجعنا من الغردقة..حسن دا كان داخل شريك في مشروع كده جديد تبع الفندق اللي انا شغالة فيه ..وحمزة يومها مكنش طايقه ولما لقاني واقفة معاه وقالي يلا نروح قولتله لا وعاندت جامد وحسن عصبه..راح ضربه..وبعدين قالي اللي حصل دا ميتكررش تاني وحسيته زودها..لأن مكنتش اعرف ان حسن ابن عمه..وبعدها قعدنا أسبوعين مبيكلمنيش بسببه..هو تقريبا اللي فهمته ان حسن هو نفسه ابن عمه اللي خان أفنان معاه صح؟
-أيوة هو..بس مش دا السبب الأساسي اللي خلى حمزة يبعد عنه ويكرهه بعض
ايتن بذهول:
-اومال ايه؟؟
اماني بحزن:
-حمزة وحسن كانوا متربين سوا..وكانوا اخوات يعتبر وصاحبه الوحيد..وكسرة حسن لحمزة لما اكتشف ان افنان خانته معاه..اتوجع من حسن اكتر..رغم ان افنان كانت بيعشقها فعلا وحب سنين..اللي حصل بقي من 10 سنين كده..جد حمزة عنده ولدين..ابو حسن و جوزي اللي هو ابو حمزة..المهم جوزي كان شايل كل حاجة حرفيا وكان بيسافر كتير عشان يتابع فرع الشركة اللي برة مصر..واخوه مكنش شايل حاجة خالص..وكان متدلع جدا..وسايب كل حاجة علي أخوه..و في اخر سفرية لجوزي طولت شوية عشان كان فيه صفقة جديدة بيخلصها..ف اخوه استغل الفترة دي وكان هو ومراته بيراعو ابوه وكانوا رافضين تماما انه يعيش عندنا..وبعدين كان المفروض بياخد علاج..ف ادوله أدوية غلط بالقصد لدرجة أنه جاله ماية علي المخ ومكنش حتي بيعرف ولاده..و خلوه يمضي علي عقد بيع وشرا لكل الورث..وبعدها جد حمزة مات..وجوزي اكتشف ان كل حاجة بإسم اخوه..وطبعا الورث كله خده ليه..وقاله انا لو نزلي ملك من السما مش هديك مليم من الورث..و طبعا رفعنا قواضي..بس كل قضية يومها كان بسنة..لحد ما جوزي جاله الضغط والسكر وحالته النفسية كانت تحت الصفر وحمزة مكنش عارف يعمله حاجة..من محامي لمحامي..لحد ما بعدها بسنة ونص مات من القهرة..مستحملش قلبه وقف مرة واحدة..واكتشفنا بعدها لما بانت طبيعة علاقته بأفنان ان حسن كان ظاهر قدامنا انه خايف علي مصلحتنا ومعانا..لدرجة أنه ابوه ضربه مرة بسبب انه واقف معانا..طلع كل ده كدب وكان بيمثل عشان يقول الأخبار لابوه..وبعدها بان علي حقيقته
ايتن بضيق:
-طب القضايا مجبتش نتيجة ؟
تنهدت بتعب:
-القضايا معملتش حاجة للأسف..دا كاتب بيع وشرا وانا استعوضت ربنا بس كان صعبان عليا شقى وتعب جوزي اللي اتاخد علي الجاهز..المال الحرام مابيدومش..وانا واثقة ان ربنا هيجيبلنا حقنا..
لتردف قائلة بنبرة واثقة:
-اصل اللي بيتاخد بالظلم بيتوزع بالعدل
ثم أضافت بوجع:
-حمزة معرفش ينسي..لأنه شاف ابوه بيموت قدامه..وهو مش عارف يعمله حاجة..وبيتكسر من اقرب حد ليه..كسرتنا مش عشان فلوس بس..كسرة تعب و وجع وصدمة من اقرب حد له..اخوه
ايتن باستغراب:
-طب هو ليه مش حكالي كل دا
اماني بتبرير :
-لأن حمزة مبيحبش يجيب سيرة الماضي..وعلي فكرة انا واثقة ان حسن اشتغل معاكم بالتحديد علشان يحسس حمزة أنه يقدر يعمل اي حاجة ويحسسه بفرق المستوي..لأن جده كان من اغني رجال الأعمال في إسكندرية
ايتن بسرعة:
-طنط هو هيرجع امتي؟
-هو قالي كمان ساعة كده هيجي
ايتن بتصميم:
-انا مش هسيبه غير وهو مروح معايا ومش زعلان من حاجة…ولو على حسن ده انا كده كده مش هشتغل معاه حتى لو هخسر حاجة في شغلي…انا مقررة كده من اول ما شوفت اسلوب حسن امبارح
ابتسمت اماني قائلة باقتراح:
-وانا عموما اول ما يرجع هروح مشوار كده .. واسيبكم لوحدكم تتصالحو
احتضنتها ايتن قائلة بامتنان:
-ربنا يخليكي ليا يا طنط
-ربنا يصلحلكم الحال يارب ويهديكو لبعض
___________
كان يجلس مع سيف، ليأخذ رأيه بتصرفات منة معه المتغيرة
قائلا بضيق :
-منة بكلمها مبتردش عليا يا حمزة..بقالها كذا يوم..ولما روحتلها البيت..مكنتش عايزة تطلع تشوفني…انت متخيل !
حمزة بغضب:
-عشان مكنش ينفع يا سيف تتصرف معاها بالطريقة دي خالص..منة كانت حاسة انك خلاص هتضربها..واهانتها جامد
تنهد بضيق:
-اعمل ايه يا حمزة غصب عني طلعت غضبي و عصبيتي كلها فيها
ثم أردف بنبرة ساخطة:
-وبعدين مين اللي بيتكلم؟؟ انت لما مهاب ضايق ايتن فرمته
حمزة بتبرير:
-دي غير دي..مهاب كان ليا حساب معاه
سيف بفضول:
-حساب ايه؟
-بعدين اقولك
ثم أردف بهدوء:
-المهم انت طبيعي طبعا تتعصب وتتهور بس في الاخر تصالحها..لكن متعاملهاش بالطريقة الهمجية دي وتسيبها تمشي زعلانة وهي كانت حكيالك أنها كانت بتفكر بالطريقة دي قبل ما تعرفك..والولد ده فعلا محصلش كلام بينهم قبل كده..مكنش له داعي تروحها وتزعقلها وتعاملها بالطريقة دي وتبوظ عليكم الخروجة..وتزعقلها جامد لدرجة خوفتها..
سيف بتبرير:
– ما هو لازم احسسها بقوتى عشان متكررش تصرفات زمان دي وتعقل
حمزة باتزان:
– بص يا سيف الرجولة مش معناها انك تستقوى عليها علشان تثبت انك الأقوى, الراجل القوي هو قوي بالمشاعر والحب، الراجل القوي يعني يعرف امتى يحميها و يحتويها ويطمنها ويقدرها، يحميها من الخوف من المستقبل، من التفكير، من الوجع.. من أنها تعيط في يوم ومحدش يحس بيها.. وساعتها بس هتحس انك الأقوى على العالم كله..
ليردف قائلا :
-وده مش معناه انك متتعصبش وتتهور وتغضب..ده طبيعي بس في النهاية متستقواش عليها هي..متخليهاش تحس أنها هانت عليك
سيف بشرود:
-انا مكنش في دماغي كل ده خالص..كنت فاكر بالطريقة دي هي هتعرف غلطها ومش هتكررها تاني
اومأ بإيجاب :
-صالحها بقي ومتخليهاش تخاف منك..اتكلم بهدوء واحتويها واتعقل فى رد فعلك معاها..و ربنا يهديكم
هتف سيف بنبرة ساخرة:
-طب ما انت سايب ايتن وعارف أنها زعلانة من غيرك
قاطعه حمزة بحدة:
-لا الموقف ده حاجة تانية يا سيف…مالوش علاقة بآيتن…حاجة بعيد عنها تخصني انا وعشان متخانقش معاها سيبت البيت عشان نهدى ومقولش كلام يزعلها ولا يزعلني بعد كده
سيف باعتراض:
-بس برضو يعني..مكنش ينفع…دي مراتك يعني هي من حقها تعرف انت زعلان من ايه..
قبل ان تكون عاشقا كن رجلا، كن لها أبا ،أخا ، صديقا، قبل أن تغرم بها تعلم أن تنصت لها أولا…تعلم أن تحتويها..ان تكن رجلا لها…لا عليها.
____________
في منزل والدة حمزة
بعد دخوله إلى المنزل وبالتحديد غرفته..اقتربت منه قائلة :
– حمزة….انا قلقت عليك.. انت زعلان مني؟؟؟
همس بنبرة ندم :
– لا … مش أنتِ السبب بس انا مقدرتش اقعد امبارح في البيت.. حسيت أننا هنتخانق او يمكن مقدرتش … حسيت اني هبقى متحكم في شغلك وحياتك وانا مش كده.. أنت ملكيش ذنب يا ايتن
– طالما في الصح انا موافقة…انت جوزي و أي حاجة تضايقك يعني تضايقني انا كمان…انا اللي مكنتش هكمل في الشغل معاه كده كده يا حمزة
– و هاني !
– كلمت خديجة و قولتلها تبلغه يشوف حد غيري يشتغل مع حسن مش انا
لتردف بنبرة حانية :
– أنا بعمل أي حاجة أنت عايزها ومش بحب ازعلك
ابتسم لها بحب قائلا:
– سيبك من كل ده، و تعالي في حضني عشان وحشتيني
مدّ يده إليها لترفع ذراعها حول رقبته حتى ألقت جسدها تجاهه وكل الخوف الذي يحمله في صدرها ذاب معه ، وتشبثت يداها بنسيج سترته ، مستمدة منه بعض القوة التي فقدتها عندما تركها الليلة الماضية.. دفن وجهه في رقبتها ، بينما يديه يمسكان خصرها بقوة، لتلمس ذقنه بيديها الناعمة تهمس بحب كان واضحًا في عينيها:
– أنت حبيبي اللى مقدرش اعيش من غيره أصلاً..
بينما هو أمس شعر بالخوف..شعر بخنقة وضيق في صدره..شعر بدموع خائنة كانت وشك السقوط من عينيه..ولكنه سرعان ما اغمض عيناه وقرر تركها فهو ليس بالرجل الضعيف وابدا لن يكون..
التفت ذراعيه حول جسدها وهو يتمتم:
-انا اسف عشان سيبتك امبارح
قاطع انسجامهم ذاك دخول منة فجأة لتراهم علي هذا الوضع المحرج فتتنحنحت فجأة وابتعد كلاهما عن الاخر
منة بهيام:
-جبتولي جفاف عاطفي اكتر ما هو عندي
حمزة بغيظ:
-تصدقي الباب معمول عشان نخبط
صاحت منة بانزعاج:
– أنت في بيت خالتو مش في أوضة نومكم
ثم غادرت الغرفة لتتركهم
ايتن بابتسامة وهي تبتعد:
-طب انا اروح اشوف طنط.. اكيد جت مع منة
جذبها إليه مرة أخري، قائلا بلهفة :
-طنط ايه بس..هنجيلها تاني..
_________
أجد ما يكفيني من هذا العالم بالقرب منك ، وأرتاح من هذه الحياة على كتفيك .. وأشعر بالأمان من خلال صوتك ، وأتطلع بالنظر إلى جمال عينيك .. فالنصر الحقيقي الذي فزت به في الحياة هو قلبك
فتحت عيناها بالصباح، كانت مستلقية على صدره، وشفتاها ترفرف بالقبلات الخفيفة على بشرته ، بينما كانت ابتسامة كاملة رائعة على شفتيه، لتجده فجأة يفيق، فضمها بذراع واحدة والأخرى تلامس شعرها الناعم.
قائلا بصوت اجش ناعس:
-والله مهما اقولك بفرحتي بوجودك في حياتى مش كفاية، أنتِ حبيبتى وكل حاجة ليّ
أردف قائلا بنبرة حانية :
-عارفة اني مابحبش اصحى غير وأنتِ في حضني كده، وانام وأنتِ جنبي، واول حاجة اسمعها هو صوتك
ده كفاية بس اني انام وانا عارف اني هصحى و القمر بتاعي في حضني..
ليراها تنظر نحوه بحب قائلة:
– أنت عندي بالدنيا والله .. بعشقك أصلا
قال بثقة:
– بعشقك دي قليلة عليكي يا بونبوناية
مدت يدها تتحسس وجنتيه بحنان:
-حمزة
-عيونه
مدت يدها لرأسه تداعب خصلاته برفق، قائلة بابتسامة:
-مش عايزاك تكرر إللي حصل ده تاني…انا مراتك يا حبيبي…اوعى تخبي حزنك عني
– ربنا ما يحرمني منك يا حبيبتي
__________
في ڤيلا هاني النشار
كان يجلس في مكتبه عندما أخبرته الخادمة بأن شقيق خديجة يريد مقابلته فسمح لها أن تدخله
– اهلا يا حسين
هتف حسين بنبرة معاتبة :
– أنا جاي اشتكيلك من خطيبتك…ينفع مترضاش تديني فلوس ادفع ايجار الشهر ومصاريف عيالي انا واختي بثينة تدفع مصاريف بيتها…ده أنا قربت اتطرد كده من الشقة
– أيوة بس خديجة بتساعدكم على طول
همس بغيظ قائلا:
– ما هي اخر مرة قلبت علينا…وقال ايه بتقول مش هديكم حاجة..انا بصراحة جاي أشهدك عليها وانا بجد مش عارف…المفروض انها اختي يعني…وهي مش وراها مسؤوليات زينا ولا حاجة…وبعدين بسم الله ماشاء الله يعني حضرتك مش هتبخل عليها بحاجة ولا ايه ؟؟
– طب اقعد اشرب حاجة وانا هتصرف…انا هساعدك بس ياريت ماتقولش لخديجة
– حاضر طبعا…ولا انت ياريت تقولها
اقتربت السيدة صفية “والدة هاني” من المكتب، لتسأل الخادمة من مع ابنها، فاخبرتها أن شقيق خديجة معه…دلفت عليهم المكتب ترحب به… فوجدت ابنها يعطيه رزمة من النقود في يده !
__________
بعد مرور ساعة ونصف
اعتدل حمزة في جلسته ثم حاوط وجهها بكفيه، قائلا بقلق واضح:
-ما تخليكي النهاردة
قفزت ايتن في احضانه ودفنت رأسها في صدره:
-مش هينفع يا حبيبي..عندي شغل متأخر لازم اخلصه..و بعدين هو انا وحشاك اوي كده
حمزة بحب:
-انتي بتوحشيني وانتي معايا اصلا..بس اقصد يعني خليكي جنبي النهاردة..مش عارف بس عايزك معايا
ضحكت ايتن :
-بكاش اوي
حمزة باقتراح:
-طيب استني اوصلك
هزت رأسها بنفي:
-لا يا حمزة حرام عليك..انت بقالك كام يوم بتوصلني..وانت اصلا شغلك بعدي بساعتين وبترجع تاني..علي ايه كل التعب ده يا حبيبي
-ده غصب عنك اصلا
ايتن بابتسامة:
-لا..هروح انا لوحدي بعد كده..انا مش صغيرة..وبعدين اول ما عربيتي تتصلح مش هحتاجك خلاص
اومأ بتنبيه:
-طيب..بس طمنيني عليكي..
– ربنا ما يحرمني منك ابداً
_______
اتصل شخص ما علي أفنان يخبرها ان ايتن وحدها اليوم، لتهتف بسعادة:
-متأكد…يعني حمزة مش هيوصلها النهاردة أخيرا؟
-أيوة اخيرا..نازلة لوحدها
افنان بشر:
-طب اتحرك وأقفلها بسرعة قبل ما يعدي تاكسي تاني وياخدها هو
وقفت رهف خلفها في الحمام قائلة بصياح عال :
– واضح أن أنتِ كنتي بتستغليني وناوية تعملي مصيبة كبيرة من ورايا
– هششش … وطي صوتك
– اوطي صوتي ؟؟؟ ولما خليتيني انيم ايتن كان ايه ؟
انا لازم افهم…انتي بتخططي لايه؟ انا مش هروح في مصيبة لوحدي من غير ما افهم
دلفت وئام صديقة ايتن إلى الحمام، لتسمع اخر ما تقوله رهف….
________
في سيارة الأجرة..
سألت ايتن سائق التاكسي باستغراب :
-انت مش هتمشي من الطريق العادي ليه؟؟
-الطريق التاني واقف
لا تعرف لماذا استحوذت قبضة الخوف على قلبها ، كانت مرعوبة ، وكأن هناك خطر يحوم حولها. أخرجت هاتفها من حقيبتها..ضغطت على زر الاتصال بسرعة, تقول بصوت يرتجف:
-حمزة
لا تعرف ما إذا كانت محظوظة بما يكفي لسماع صوتها أم لا.
شعرت أن السائق يلتفت إليها ليقيد يديها بإحدى يديه ، والأخرى قامت بتكميم أنفها بمنديل .. قاومت الصراخ في رعب لعدة دقائق ، وهو ما كان كافياً لها حتى تفقد الوعي .. سقط الهاتف في الحقيبة التي كانت متعلقة بملابسها
أما حمزة .. فقد كان يحضر فنجاناً من القهوة ، ولم يستطع الاستمرار في النوم .. شعر بصداع بسيط
كان يرتشف بعض القهوة .. وكان تركيزه ينصب على ايتن .. لم يكن يعرف سبب شعوره بالقلق
انقطع تركيزه عن طريق رنين الهاتف .. لسماع صوتها مع أنفاس قلقة متقطعة ، ولم يجد أي رد منها مرة أخرى ، وسمع همسات ضعيفة من رجل وقبل أن يعاود الاتصال مرة أخرى .. ارتجفت لما سمع صوت ذلك الرجل يتكلم :
-اطمني يا هانم..انا خدرتها خلاص..وشوية والحوار هينتهي…هنخلص منها
يتبع …..
هستنى رأيكم وتفاعلكم وتوقعاتكم مع البارت❤️
لو وصلتوا البارت ده لـ 500 لايك وكومنت هنزل بارت هدية اضافي قبل ميعادنا يوم السبت
قولولي مين اكتر شخصية كرهتوها في الرواية ؟
– ايه رأيكم في رد فعل حمزة لما ساب البيت لآيتن عشان ميتخانقش معاها؟
– من وجهة نظركم شايفين مين اللي غلطان سيف ولا منة ؟
– تفتكروا والدة هاني هتتصرف ازاي لما تشوف ابنها بيدي فلوس لاخو خطيبته ؟
– تفتكروا وئام هتواجه رهف و افنان ولا هتبلغ ايتن من بعيد ؟الفصل الثلاثون
امسك بمفاتيح سيارته بسرعة .. ثم خرج من الشقة بأسرع ما يمكن. بقدر الإمكان.. حمد ربه أن هاتفها كان متصل بنظام التتبع لديه، فاتصل بسيف سريعاً وأخبره ما حدث ليحاول أن يصلا إلى مكانها بأسرع وقت.
رن هاتفه، رد بخوف:
-ايه يا سيف..عرفت هي فين بالظبط؟..
أغمض سيف عينيه برعب عندما اتاه خبر سيء، قائلا بشك:
-حمزة جالي خبر بيقولوا ان فيه حادثة على الطريق عربية مشيت بسرعة جنونية و اتصدمت في حاجة وشكلها هتولع
صرخ حمزة بعصبية شديدة :
-عربية ايه اللي هتولع…بسرعة يا سيف…بسرعة اتصرف
-انا بعت قوة..وانا وراهم اهو..قربنا نوصل..لو وصلت انت قبلنا اوعي تعمل حاجة..اوعي تتهور فاهم
وصل حمزة إلى ذلك المكان .. بدا مرعوبًا وقلبه مفزوع .. ليجد عدة أشخاص على الطريق الصحراوي .. وهناك وقفت سيارة أجرة أعلى التل، اشتعلت النيران في مقدمة السيارة ولم يستطع أحد الاقتراب منها… ولا يريد أحد مساعدتها !
فالكل يخاف على نفسه
سارع للركض بأسرع ما يمكن نحو سيارة الأجرة .. ولكن بدت صرخة قوية حوله أوقفه أحدهم بقوة قبل أن يقترب من السيارة:
– انت هتعمل ايه يابني؟؟ هتضيع نفسك مش وقته شهامة !
دفع الرجل بعنف ، وتجمع بعض الرجال حوله بعضهم من يحاول منعه وبعضهم من يستهزئ به :
-التاكسي هيولع كده خلاص، والنار هتزيد في باقي التاكسي
يا الهي لا يوجد اي تفكير تماما، فحياتها مقابل أن يفكر ثانية ، قفز نحو السيارة الأجرة وأخذ معدن حديدي ليكسر به زجاج السيارة من الخلف .. فالسيارة كانت مغلقة من الجانبين فلا يستطيع فتحها، وما أن كسر الزجاج الخلفي، حتى بدأت النار بالاشتعال أكثر ليسرع نحو الباب الذي لم يصله النار بعد ولكن السيارة مغلقة جيداً والرائحة حتى لو لم تصلها النيران ولكن يبدو أنها فقدت الوعي من الاختناق، فحملها بسرعة واسرع بعيداً ليأتي سيف في ذلك الوقت، وهو يركض بعنف وعيناه تلمع بالدموع والرعب .. فساعد بأخذهم بعيدا… ليسمعوا بعضها صوت انفجار قوي بالسيارة..
أغلق عينيه بشدة وعانقها…في هذه المرة بكى…كان يبكي بشدة وهو يحمد ربه أنه استطاع إنقاذها .. وسيف بجانبه يحاول أن يفعل شيء …. ليسرع قدوم سيارة الإسعاف..ظل يحاول سيف إيقاظها … حتى جاء المسعفون … فقام وحملها باتجاه سيارة الإسعاف..
_________
في الفندق
كانت تجلس مع هاني وهو يتابع عمله، ليأتيها مكالمة من منة تخبرها بما حدث لايتن..فاسرعت تلتقط حقيبتها بخوف
اقترب هاني منها ليسألها بقلق:
-في ايه ؟
خديجة بإنهيار :
-ايتن عملت حادثة
اخذ مفاتيح سيارته بسرعة وهو يقول بقوة:
-يلا هنروحلها حالا
نظر إليها منذ ركبت السيارة وهي علي تلك الحالة، تبكي بصمت وهي تردد إسمها..
ربت علي كتفها وهو يقول بنبرة حانية:
-متخافيش يا حبيبتي هتبقي كويسة
خديجة بخوف:
-يارب..هي مش صاحبتي هي اختي.. الوحيدة اللي حسستني يعني ايه اخت بجد مش زي اخواتي اللي مجرد اسم علي الفاضي
جذبها لتستند رأسها علي كتفه وهو يربت علي شعرها، قائلا برقة:
-متقلقيش..ان شاء الله حادثة بسيطة
نظرت إليه بتأمل:
-ياااارب
___________
دخل حمزة وسيف غرفة ايتن .. كانت نائمة و شاحبة جدا .. بدا وجهها متعبا ..
أخبرهم الطبيب أنها أخذت شيء يفقدها الوعي والاختناق زاد عليها، اقترب منها سيف، جلس على مقعد بالقرب من سريرها وامسك بيدها.. تحدث بنبرة حزينة:
-مش عايزك تسيبني بعد ما لقينا بعض … مش هقدر استحمل بعدك عني تاني والله…
نزلت دمعة من عين حمزة ثم قال بصوت متحشرج:
-متقلقش هي هتبقى كويسة يا سيف وهتفوق
سيف بخوف وهو يتذكر ما حدث:
-لولاك كان زمانها..
قاطعه حمزة بسرعة:
-بعد الشر عليها…هي كويسة وربنا كاتبلها عمر…هي مكنش ينفع تسيبني اصلا
سأله سيف باستغراب:
-مخوفتش على نفسك؟؟
رد حمزة بتلقائية :
-لو كان حصلها حاجة انا مكنتش هسامح نفسي لحظة ان كان بأيدي انقذها وفكرت حتى !
لم يستطع أن يتخيل أنه يمكن أن يفقدها ..
ابتسم سيف بسعادة لحب حمزة لايتن .. قبل جبهتها برفق ثم خرج لتستريح .. وطلب من حمزة أن يستريح هو الآخر فما مروا به صعب للغاية.
بعد مرور وقت …
اقترب حمزة من مقعدها ولف ذراعيه حولها على جانبي السرير.. بينما جلس على السرير بجانبها .. دفن وجهه في رقبتها وهو يغمغم لها بصوت مرتجف:
-ان شاء الله مش هيحصلك اي حاجة تاني وانا معاكي..
أزاح خصلات شعرها الناعمة بجانبها .. ليجدها تنتفض قليلاً فسعلت بشدة وهي تسحب الهواء إلى رئتيها .. فابتعد قليلا ليجدها فتحت عينيها الخضراء، وناظرته ببكاء مكتوم :
-حمزة
وكأن صوتها أراح قلبه المتعب، فلم يقاوم جذبها إليه ليضمها نحو صدره:
-قلب حمزة
تمسكت به، فرفعت وجهها الشاحب إليه، و عيناها تبرق بشدة نحوه بإستغراب:
– أنا فين كده ؟ هو حصل ايه…انا اخر حاجة فاكراها كانت السواق..
-انتي اللي لازم تحكيلي حصل ايه
قصت عليه ما حدث وهو أيضا..وبداخله غضب شديد للشخص الذي وراء هذه الخطة..التي كانت تؤدي إلي موتها
همست ايتن بعيون دامعة:
-ماكنتش أتخيل في يوم ان حبك ليا يوصل لدرجة انك تلغي تفكيرك وتجازف بحاجة زي كده…مخوفتش تتأذي يا حمزة
احتضن وجنتيها قائلة بنبرة اجشة:
-الأذى اللي بجد ان أنتِ متبقيش في حياتي
ليردف بتحشرج:
– والله ما كان هيبقى ليها معنى من غيرك
لمعت عيناها قائلة :
-بحبك
لاحظت صمته لترد بتذمر ناعم:
– الناس بتقول وانا كمان على فكرة؟
رفع حاجبه بدهشة:
-وأنتِ في المستشفى كده؟
هتفت ايتن بشك:
-مش عجباك يعني ؟
غمز لها بضحكة عابثة:
– زي القمر
ايتن بغرور:
-عارفة عارفة
همس بخفوت:
-في عينيا انا بس
ضربته علي كتفه وهي تهتف بإعتراض مضحك:
-يا رخم
تأوه وهو يبعد يداها، قائلا باستسلام:
-بهزر خلاص.. أحلى واحدة في البنات اصلا
دلفت خديجة وهاني إلى الغرفة بلهفة، وهي تركض نحو آيتن بقلق:
– ايتن… حبيبتي أنتِ كويسة ؟ حاسة بحاجة
– أنا كويسة يا حبيبتي متقلقيش خالص
دمعت عيناها قائلة:
– ماصدقتش لما سمعت الخبر
لتردف خديجة بنبرة متحشرجة :
-حقيقي أنتِ أحلى حاجة في الدنيا عندي.. صاحبتي اللي بموت فيها وتقريباً عمري ما اعتبرتك صاحبتي خالص… دايما بقول عليكي اختي اللي ربنا عوضني بيكي
ابتسمت ايتن بتأثر:
– حبيبتي يا ديچا..حقيقي ماشوفتش في حنيتك ولا في خوفك عليا، حبي ليكي كل يوم بيزيد وعمره ما هيتغير ولا عمر الزمن هيغيره…
ردت خديجة بثقة:
-أنتِ اجمل اختيار في حياتي
قاطعها هاني متأثراً:
– بعد اختيارك ليا طبعا
قهقت خديجة بضحكة :
– غيور أوي بجد
دلفت منة و وئام في ذلك الوقت معاً، فقد التقيا أمام بوابة المستشفى عندما أخبرتها منة ما حدث لايتن:
– تونة حبيبة قلبي… سلامتك
اقتربت منها وئام بقلق :
– ألف سلامة عليكي يا حبيبتي…آيني طمنيني عليكي
– الحمدلله يا حبايب قلبي انا بخير
– أن شاء الله اللي يكرهوكي بجد وأنتِ لأ
– تسلمي يا منوش
بعد مرور وقت قصير، طلبت وئام التحدث مع حمزة بمفرده، وقصت عليه ما سمعته..قال حمزة باندفاع :
– كانوا عايزين يموتوها !!!
– اللي فهمته أن رهف مكنتش تعرف كل ده، التخطيط الأساسي لافنان…بس طبعا رهف شاركت في أول مرة
– اوعي يكونوا شافوكي بس أو خدوا بالهم
– لا لا اطمن محدش شافني، انا عرفت اسجلهم كمان
– برافو عليكي يا وئام…ابعتيلي بقى التسجيل ده .. واسمعي اللي هقولك عليه ده لازم يحصل … افنان انا هعرف اتصرف معاها…لكن رهف بقى عايزك تركزي معاها الفترة دي اوي..فترة غياب ايتن عن الشغل..هيخلي رهف تعمل اي تصرف من اللي ايتن محذراها منه ..حاولي تركزي كويس معاها…اظن انتي فاهماني
– حاضر متقلقش..
– اللي زي دول وراهم حد بيخطط…مستحيل بنتين يعملوا كل ده لوحدهم وحتى لو افنان بس … افنان وراها حد وانا هعرف و وقتها هخليها تندم عمرها كله انها فكرت تعمل كده
– منهم لله بجد … ربنا ينتقم منهم ونخلص منهم
___________
في المساء
سأل حمزة بشك:
-الحادثة دي بفعل فاعل..معرفتش التاكسي بتاع مين؟
هز سيف رأسه بنفي:
-التاكسي طلع مسروق
-سيف انا عايزك تخلي حد عينه على افنان…زميلة ايتن في الشغل
سيف بفضول:
-انت شاكك فيها؟؟
-انا متأكد…بس عايز اعرف مين وراها
– حاضر
______
في اليوم قبل الأخير من خروج ايتن من المشفي
زفر حمزة بضيق:
-ايتن بجد انا آسف كان عندي حاجة بس بعملها…كنت بحاول اوصل لمين تبع الحادثة المدبرة دي
عقدت يديها امام صدرها:
-طيب
حمزة بتمعن:
-يعني مش زعلانة
ادارت رأسها قائلة :
-خلاص يا حمزة
ضحك قائلا :
-يبقي زعلانة..بس ممكن بعد دي هتصالحيني
فتح العلبة المربعة الأنيقة من خلف ظهره وأخرج منه كيك بالشوكولاتة أخبرته في الصباح أنها سئمت من تناول الطعام في المستشفى والعلاج .. أرادت أن تأكل الشوكولا التي تحبها ، وهمست بامتنان:
– شكرا يا حبيبي… لازم تدوقها بقى معايا
اقترب منها وجلس بجانبها، رسم ابتسامة عريضة على وجهه واقترب منها قائلا بنفي:
- انا مش بحب الشوكولاتة أوي يعني
ساعدها لتعتدل، وأحاط خصرها بذراعه ، وبالأخرى وضع الطبق أمامها , التقط ملعقة وبدأ في تحطيم القطعة الهشة بالكيك التي تغطي الشوكولاتة التي تحبها وشاهدت الشوكولا الداكنة تسيل من منتصف الكيك.. نظرت إليه بدهشة معترضة:
– بس انا بحبها
ابتسم ورفع الملعقة التي كان يقطر منها سائل الشوكولاتة الكثيف وأعطاها الملعقة في فمها تتذوقها بنهم:
– كفاية أنتِ في حياتى هعمل بيها إيه؟
ليردف بغمزة عابثة:
-وبعدين هو في مِسكرة تاكل حاجة مسكرة شبهها برضو؟
ابتسمت له بحب هامسة بدلال:
– بموت فيك والله
-وأنا بعشقك اصلا
وصلوا إلى منتصف القطعة، فسألته مرة أخرى :
– طب ايه مش هتجرب؟
قال بعبث :
– ممكن بس هاكلك أنتِ
نظرت إليها بدهشة ، ثم لكزته برفق على كتفه .. وسقطت بقايا شوكولاتة حول فمها وهو يمدها بالملعقة .. صاحت آيتن ضاحكًة:
– مرح يا حبيبي ماشاء الله…بس انا كنت بتكلم بجد..
انقض على شفتيها ، يأكل الشوكولاتة التي تراكمت على أطراف فمها وذقنها .. بقيت متجمدة في مكانها وتجمد جسدها نتيجة تلك المفاجأة .. رمقته بدهشة .. أغلقت عينيها بخجل، ليهمس بنبرة خشنة :
– وانا مابهزرش أصلاً…
صاحت بغضب:
-انت بتستغل اي فرصة وخلاص
حمزة ببراءة مصطنعة:
-الله..ما أنتِ عزمتي عليا اجربها
ايتن بارتباك:
-قصدي تاكل الكيك، مجبتش سيرة انك تبوسني خالص
ضحك حمزة قائلا بمرح:
– قولت ادي الشوكولاتة فرصة بقى، وبصراحة عجبتني
ثم امعن النظر في عيناها وببطيء اقترب من فمها بشفتيه..مقبلاً شفتيها بهدوء ونعومة..
-شكلي دخلت في لحظة غلط
التفت حمزة وايتن إلى سيف الواقف علي الباب يناظرها بتنحنح، ابتعدا كلاهما عن بعض بإرتباك وحرج وهي تلتقط أنفاسها بصعوبة..فتلونت وجنتيها بحمرة الخجل..فقهقه حمزة بداخله..ثم رمي نظرة ساخطة بوجه سيف وهتف:
– هادم اللذات زي خطيبتك
قهقه سيف بشدة وهو يقترب نحوهم..ثم سحب ايتن لحضنه..فإبتلعت ريقها بخجل
ثم همس بخبث وإستفزاز بعد ان لمح ضيق حمزة:
-هو انا يعني حضنت حد غريب..ده انا حضنت مراتك
توسعت عيناها بذهول من كلام أخيها المجنون.. فدفع زوجها.. سيف عن حضنها، ممسكا اياه من ياقة قميصه يجذبه ليعيده للحائط قائلا بغضب:
-ما تحترم نفسك ايه حضنت مراتك دي..ما تقول اختك..ولا هي قلة أدب وخلاص
قهقه سيف قائلا بإعتراض:
-لا وحياة اهلك..دي اختي يعني انا ليا فيها اكتر ما لكَ انت
ضحكت ايتن قائلة :
-قلبك ابيض يا ميزو خلاص…بيهزر
قهقه سيف عاليا وهتف بعد ان ابعد قبضة حمزة عن قميصه:
-ينفع كده بوظلتي الجاكيت..انا كنت بهزر يا جدع
-تستاهل
_______
بعد خروج ايتن من المشفي بعدة أيام…
في منزل منة
التقطت منة هاتفها لتجد رسالة قصيرة من سيف :
“عيد ميلاد لؤي اخويا بكرة في الاوتيل اللي بتشتغل فيه ايتن..هستناكي بكرة الساعة 10 بالليل”
تمتمت منة بتذمر:
-انت فاكرني هاجي بجد..لا بس هو وحشني برضو..انا ماليش في حوار التُقل ده اوي..منك لله يا حمزة هتطير الراجل من ايدي
___________________
في صباح اليوم التالي
بعد انتهاءها من ارتداء ملابسها..أعطاها ملف فسألته باستغراب:
-ايه ده؟
حمزة وهو يفتح الملف:
-الـReport اللي كان لازم تخلصيه
ايتن بدهشة :
-أيوة مين عملوا؟
اجابها بتبرير:
-خليت “سلوى” موظفة معانا في الشركة بتشتغل نفس شغلك تعملهولك..طبعا قصاد شغل اعديهولها
اتسعت حدقتيها بذهول:
-بجد يا حمزة؟ انت فعلا عملت كده عشاني وخليتها تخلص شغلي
ضحك حمزة قائلا :
-اه مالك مستغربة كده ليه ؟
ايتن بسعادة غير مصدقة:
-لا بس مفيش راجل يعني بيساعد مراته في شغلها..ويخلص شغلها المتأخر..وهي تعبانة
رفع حاجبه مبررا:
-عشان مينفعش حبيبتي تروح الـ Meeting المهم ده وهي مخلصتش شغلها…و اللي معروف عنها..انها نشيطة وشاطرة في شغلها
ايتن بنبرة متيمة:
-حمزة…انت اجمل وانضف راجل ممكن اي واحدة تقابله في حياتها..وانا محظوظة عشان الراجل ده متجوزاه انا
احتضنته فبادلها ذاك الحضن بقوة وكأنه يريد ادخالها في جسده الصلب..ابتسمت وهي تستنشق رائحته الرجولية..
_____________
في المساء
في الفندق
خلعت ايتن نظارة منة، قائلة:
-منوش هجرب النضارة بتاعتك
منة بتذمر :
-ايتن…استني الدنيا ضلمة ومش بشوف كويس من بعيد في الضلمة دي
– متقلقيش لما نقرب هتشوفي كويس كل حاجة…ده عشان احنا بعيد بس
اعترضت منة ونظرت بجانبها لتأخذها منها..فلم تجد ايتن..شعرت بالخوف:
-آيني، أنتِ روحتي فين وسيبتيني؟؟
سمعت صوت شخص يقول بصوت عال :
-منة امشي قدامك زي ما أنتِ
أضاءت الأنوار فجأة لكنها لم ترَ ايتن في المكان .. سارت منة في الممشى … مزينة من الجانبين بشموع ذهبية مضيئة متناثرة بطريقة منظمة على جانبي الممر وكأنها على شكل أضواء ساطعة تنير المكان وبجانب كل شمعة منهم زهور جميلة حمراء اللون.. وعلى الجانب الآخر كان هناك حبال ذهبية مضيئة بطريقة رائعة .. نظرت حولها منبهرة بذاك الجمال الساحر ، ثم رفعت عينيها لترى .. سيف .. وخلفه مائدة بيضاء مستديرة رائعة فوقها بعض المشروبات.. وخلف الطاولة مجموعة من البلالين الحمراء المتناثرة بشكل عشوائي على هيئة عدة أشكال، قلب و دائري ليتراقصوا في الهواء خلف الطاولة بطريقة رائعة،
كان واقفًا بهيبته أمام المائدة، كان يرتدي كنزة سوداء … لتُظهر عضلات صدره بدقة..صحيح أن جسده ليس بالعريض ولكنه يمتلك عضلات بجسده تتناسق معه … ليُظهر لها ابتسامته الجميلة برؤيته لها .. بينما كانت تحدق في المكان بدهشة .. لتجده يمد كفه إليها.
وجدت المكان خالي تماما من اي شخص..فكانت الطاولة عليها عدة شموع أخرى بيضاء اللون طويلة للغاية في منتصفها
تسمرت منة مكانها، فسألته بدهشة :
-اومال فين لؤي؟؟ و أصحابه؟
لم يأتيها رد من ناحيته..فقط سحبها بهدوء نحو الطاولة..لتقف أمامها، قائلة بتذمر:
-سيف انا مش فاهمة حاجة..فين الناس؟ وايتن فين؟
-سربتها
عقدت ذراعيها علي صدرها قائلة بدهشة:
-ليه
رفع حاجبه بتعجب:
-مش ذنبي انك غبية..المهم تاكلي ايه؟
-ها..انت جايبني عشان ناكل؟
-اقعدي هنتكلم
وتقدم منهم النادل وجهز الطاولة بعدة اطباق للعشاء الرومانسي
همست منة بتعقل:
– بص يا سيف انا بحب الراجل اللي بيغير مانكرش
– طب حلو
قاطعته قائلة :
– بس مش بيشك، يعني بيصدقها
رفع حاجبه باعتراض :
– وانا بشك فيكِ؟ مين جاب سيرة شك يا منة.. لو بشك فيكِ هتجوزك ليه؟
رمقته بنظرة لوم وعتاب:
– لما حصل موقف الولد اللي هو قريب صاحبتي ده… مكنتش مصدقني
اردفت قائلة بنبرة مهددة :
-وانا بقى لو حد غيرك ماكنتش هكمل معاه لحظة واحدة
استشاط سيف غضبا وهو يصيح:
– ماينفعش يبقى في حد غيري
سألته بتلاعب:
– ليه؟
-عشان أنتِ حياتي كلها
اتسعت عيناها بسعادة :
– و ده من امتى؟
اطرق سيف بحزن :
- منة.. كل راجل و ليه أسلوبه في الغيرة..عارف اني غلطت بتصرفي معاكي…
– ثواني يعني انت بتغير عليا بجد؟
قاطعها بلهجة قاطعة:
– اكيد مش حبيبتي
ليردف بنبرة صادقة:
– وكل حاجة اصلا
ابتسمت له قائلة بفرح :
– ايه الكلام الحلو ده…يعني كان لازم نتخانق عشان تعترفلي بكل ده
غمز لها قائلا بإعجاب:
– أنتِ اللي حلوة أصلا و زي القمر
همست منة بتلقائية:
– يالهوي بقى على الدلع ده…
همس سيف باعتذار :
-منة…انا اسف…اللى حصل مني ده كان تسرع..انا بعتذرلك..وآسف اني زعلتك مني في اي حاجة..لأني اتاكدت ان حياتي متسواش حاجة من غيرك..انا بحبك
منة بذهول :
-بجد؟
أمسك يدها ورفعها ناحيه فمه وقبلها برقة..ثم نظر لعينيها بقوة وقال:
-انا عمري ما كنت هلاقي منة الجميلة دي تاني الا في أحلامي بس..عشان كده كل ما أفتكر تصرفي معاكي بتضايق..انا بقى عندي استعداد اعمل اي حاجة عشان احافظ على وجودك معايا
ثم اردف بتساؤل:
-ها..لسة زعلانة؟
هزت رأسها بنفي:
-انا مابعرفش ازعل منك عشان اسامحك
زفر بنفاذ صبر :
-اومال طلعتي عين امي ليه الايام اللي فاتت
ضحكت منة :
-عشان تحس بحبي ليك
لتردف بنبرة متذكرة :
– بس الصراحة يعني انا في حاجة كمان ضايقتني اوي واتصدمت فيها
– قولي يا حبيبتي
سرحت في أفكارها قائلة بحيرة :
– الكاتبات دول ضحكوا عليا…بيوصفوا في رواياتهم أن البطل لما بيبدأ يغير على حبيبته يقولولنا في السرد “اشتعلت نيران عيناه من الغضب، وتحولت عيناه إلى جمرة حمراء مشتعلة تكاد تحرق من ينظر إليها”
– و ايه المشكلة معاكي بقى؟
– أنا بقى ماشوفتش أي نار طلعت من عينيك خالص ولا حتى انا اتحرقت !
اغمض عيناه بنفاذ صبر :
– يا الله صبرني…
سألته باندفاع :
– تقدر بقى تقولي النار اللي قالوا عليها دي راحت فين ها؟؟؟
لتردف بوعيد ساخر :
– أنا مش هسكت وهروح اقول للكاتبة أن الروايات بتاعتها مش شغالة بجد في الواقع يا فنانة
رمقها بغيظ قائلا:
– يعني أنتِ مطلعة عيني الايام اللي فاتت وحاسس بالذنب عشان زعلتك وانت كل اللي مزعلك وشاغل دماغك النار اللي مطلعتش من عينيا زي ما الكاتبة وصفت في الرواية !
قومي يا منة قومي خلاص انا غلطان..
قهقت منة ضاحكة:
– بهزر والله خلاص…احنا هنمشي تاني ؟؟؟
– لا هنعمل حاجة تانية
بعد انتهاء العشاء وسط ضحكاتهم وحديثهم..
انطلقت الألعاب النارية في السماء بلون جميل .. كان مظهرها رقيقًا للغاية .. فتجمعت معًا لتشكل حروف اسمها وعبارة (Happy Birthday Menna). … ثم انطلقت الألعاب النارية مرة أخرى مع ارتفاع البلالين الحمراء
في تلك اللحظة جاء النادل ليضع كعكة حمراء اللون و بعض قطع الكب كيك الصغيرة بجانبها
التفت سيف لينظر إليها فوجد الدموع تتلألأ في عينيها.. قال بقلق:
-مالك يا حبيبتي؟
منة بصدمة:
-انت عارف ان عيد ميلادي بكرة؟
تنهد بهدوء ليردف مقاطعا:
-عارف انه بكرة…بس حبيت احتفل بيه معاكي من اول الساعة 12 من بداية اليوم..لوحدنا..كل سنة وانتي طيبة..وكل سنة وانتي معايا…
منة بنبرة متيمة:
-بعشقك والله
تحركو بعدها لتقطيع التورتة ومن ثم انتهائهم
سيف بابتسامة :
-ممكن بقي تسمحيلي بالرقصة دي
منة بابتسامة رقيقة:
-ممكن طبعا
ثم مد يده نحوها بطريقة رومانسية ، ليرتفع صوت موسيقى اغنية : حلم حياتي- لوائل جسار
أخذ يدها وبدأ كلاهما يتأرجح مع الأغنية لمطربها المفضل .. بينما هو يحيط خصرها الصغير بيده
“الدنيا بترتب صدف
وكل قلب واحساسو
فجاة الطريق بينا بيوقف والحب بيجمع ناسو
واحنا تقابلنا وجاه اوانا
شفتك بقلبي اللّي تمنى
ورتني ايام الجنة
ومليت بحبك اوقاتي
حلم حياتي
وصحيت وياك على يوم عيدي
حاضناك قلبي ولمساك ايدي
والفرحة عرفت مواعيدي
كتّري يا سنين من اوقاتي
حلم حياتي
كان سيرة في عمري الي اتقضى
كان صورة ما بين نظرة وغمضة
وخلاص يا عيوني من اليوم ده
على حضنه هتصحي وهتباتي
علشان لبعض اتطمنا
وحلمنا وقلوبنا مأمناه
قدرنا نمشي بحبنا
ونوصلو لبيت احلامنا
يا كلمة طول عمري بقولها
يا دنيا كان نفسي ادخلها
دلوقتي هلمسها وهطولها
وهتبتدي معاك حكايتي
حلم حياتي”
سيف بهمس رقيق:
-بحبك والله
نظرت لعيناه قائلة بلهفة:
– وأنا بعشقك أصلا
التقيت بك بالصدفة .. رأيتك مختلفاً عن أي شخص آخر .. أعشقك بكل معنى الكلمة .. فوجودك بالقرب مني وكأنني امتلكت سعادة الدنيا.
___________
لاحظ حمزة أنها تمشط شعرها منذ نصف ساعة امام المرآة..
اقترب منها وهو يسألها :
-مالك بس في ايه؟ مش عارفة تسرحي شعرك؟
ايتن بتذمر طفولي:
-لا عايزة المه ومش عارفة
قال لها بغضب مصطنع:
-وانا روحت فين ها ؟ انا اعمل اي حاجة لبونبونايتي
ايتن بدهشة:
-بجد؟
رفع حاجبه بتعجب:
-اه طبعا..انتي مستقلية بنفسك ولا ايه؟
ضحكت ايتن قائلة بتحذير:
-علي فكرة انت لو فضلت تدلعني كده طول الوقت انا هطمع و هتغر
حمزة بثقة:
-انا عايزك تتغري اصلا..اتغري براحتك
قرصته من وجنته بمرح:
-و لو اتغريت اوي
غمز لها قائلا:
-هاتي اخرك..واخليكي تتغري تاني
سألها باقتراح:
-ايه رأيك اعملك ضفيرة؟
وقفت لتنظر له باستغراب :
-بجد؟
اومأ بإيجاب :
-يلا اقعدي
تناول المشط الخاص بها..اقترب منها وهو يدفن وجهه في شعرها دون ان يشعر..يذوب في رائحته..ابتسم عندما أنهاها وقال بمرح:
-عجبتك؟
ايتن بإنبهار:
-جدا..انا اصلا مبعرفش اعملها..صحيح انت اتعلمتها ازاي؟
حمزة بتلقائية:
-كندة كانت بتحبني اضفرلها شعرها
نظرت له بدهشة:
-كندة مين؟
قال ببرود:
-بعدين هقولك…
يتبع …
مستنية رأيكم وتوقعاتكم ????❤️
تفاعلوا على البارت يا حلوين ده عشان البارت الجاي فيه معرفة الحقيقة خلاص ????❤️
-تفتكروا حمزة هيعرف حقيقة الاتفاق اللي تم من ايتن ولا شذى ؟ وتفتكروا هيسامحها ولا لا ؟????
– شوفتوا سيف طلع رومانسي اهو بس منة كانت تديله الفرصة ????????❤️
ولو وصلتوا البارت ده لـ 500 لايك هنزل بارت هدية بكرة بدل يوم الاثنينالفصل الحادي والثلاثون
– مين كندة دي؟
لم يجب بل نهض ينزع ثيابه بضيق، فأصرت بالسؤال:
-حمزة…فهمني في ايه ؟؟
هتف بجمود:
-بعدين قولتلك
ضربت بقدمها الأرض بضيق هاتفة:
-لا دلوقتي..من حقي اعرف مين دي
نظر لآيتن وهمس بألم:
-ايتن..لو سمحتي انا دلوقتي مش قادر اتكلم..سيبيني دلوقتي وانا هحكيلك كل حاجة بعدين
عقدت حاجبيها و رآته كم هو متعب..واشتعلت غيرتها..هل من الممكن أنها كانت حبيبتها؟؟
رفعت حاجبيها وصرخت:
-دي حبيبتك صح؟
زفر بضيق ولم يرد فاسرعت تواجهه وهي تصرخ بمرارة:
-ولما انت لسة فاكرها وبتحبها..اتجوزتني ليه؟؟ بتكدب عليا يا حمزة…
زفر بضيق وصرخ بها:
-بقولك مش قادر تعبان..بطلي التخاريف دي بقي..كفاية اللي انا فيه دلوقتي..وانا لما احس ان انا كويس هحكيلك
سألته بغضب:
-وايه اللي انت فيه؟
اشتعل غضبه هو الاخر..اشتعل بقوة..لم يكن يريد ان يتحدث الان..ليس الان على الأقل..فعاود ارتداء قميصه وصرخ بآيتن :
-لو مش هتخليني انام الليلة دي..هشوف مكان تاني..و عموما كندة دي اختي
اتسعت عيناها بدهشة … وتنهدت بغضب وهي تراه يغادر غرفتها .. تبعته لتجده يدخل غرفة الأطفال ويغلق الباب بقوة ..
سالت دموعها بحرقة .. وأغلقت الباب .. هي أيضا اتكأت عليه ..
كيف يستطيع فعل ذلك بها؟؟ هي تعرف أنه وحيد وليس له أخوات .. لم يخبرها عنها قط .. لكن تسرعت أليس كذلك؟
لم تلاحظ كيف تغيرت ملامح وجهه بالكامل وأصبح متعبًا ومرهقًا .. كأنه لم يستطع أن يقول أي شيء .. وهي لم تتوقف عن أسئلتها وتوترها بغيرتها عليه .. يجب عليها الصمود.. وتعلم ما هي قصة كندة وأين هي؟
مسحت دموعها وذهبت إلى الغرفة الأخرى
فتحت الباب لتجد الغرفة مظلمة .. أشعلت الأنوار .. رأته ملقى على السرير فاقتربت ووقفت تنظر إليه وجدته مغمض عيناه..
تأملت ملامحه .. شعرت بدموعه أرادت أن تسقط لتراه يغلق عينيه بإحكام وكأنه يمنع ذلك .. فكرت وهي تقترب لتنظر إلى وجهه .. مدت يدها لتلمس وجهه .. ففتح عينيه .. همست بلوم:
-انا عارفة انك عنيد ومكنتش هتقولي مين دي وخصوصا من شكلك لما جبت سيرتها..بس انا غصب عني غيرتي عليك خليتني اتعصب عليك…بس برضو كان من حقي اعرف مين دي
من يحبك حقًا .. يشعر بك عندما تكون صامتًا .. يرى لطفك عندما تكون غاضبًا .. يشعر بالحنان في قساوتك .. يرى حزنك وراء ابتسامتك .. يأسرك عندما تكون عنيدًا .. ويتسامح معك عندما يراك في أسوأ حالاتك.
قال حمزة بتفهم :
-انا اسف..عشان اتعصبت عليكي…بس انتي ضايقتيني..ولقيتك بتخرفي تقولي كلام مالوش وجود..وبعدين انتي اتطمنتي خلاص
ايتن بعتاب:
-طب ليه خليتني اشك فيك كده..انا اسفة..بس علي فكرة انت اللي غلطان..انت اللي خليتني اتعصب و اعند..بس انت ليه اتضايقت لما جبت سيرتها وبعدين هي فين؟ انا معرفش ان عندك اخت اصلا
قال حمزة بحزن:
-من 6 سنين..كان وقتها كندة عندها 17 سنة كانت احلى حاجة في حياتي..كنت بحب ضحكتها..ببقي مطمن مجرد ما تضحكلي..بتأكد وقتها ان هموم الدنيا كلها اتمحت مجرد ما الاقيها بتضحكلي ومبسوطة..لحد ما تعبت وكانت محتاجة عملية لقلبها..العملية دي مكنتش بتتعمل في مصر..ولما بعت Mail لمستشفي برة مصر قالولي ينفع تتعمل عندهم بس كل دقيقة بتمر خطر علي حياتها ولازم تسافر في اسرع وقت..وللأسف المبلغ كان كبير اوي..بس بالنسبة للفلوس اللي مع عمي اللي سرقها من جدي كلها ومن ضمنهم ورث ابويا اللي حرموا منه..المبلغ كان ولا حاجة..روحتله وطلبت منه استلفه قالي ان المبلغ كبير عليا ومش هقدر اسدده فضلت اترجاه ان انا هقدر حتي لو هعيش عمري كله اسدده قصاد بس ان كندة تعيش..رد عليا وقالي انا راجل عملي..البيزنس عندي اهم من اي صحة وكلام زي ده..وانت مش هتقدر تسدد المبلغ الكبير ده لو قعدت عمرك كله تشتغل..قولتله يعني دي لو بنتك كنت هتسيبها تموت..قالي مش هتردد لحظة واحدة وهخليها تسافر..وقالي جملة لحد دلوقتي مش قادر انساها.. لو اختك ماتت عمرها انتهى وقدرها..مالوش لازمة تسافر ما كلنا هنموت..بس ازاي والدكاترة بتقول كل يوم بيعدي عليها خطر علي حياتها..لازم تعمل العملية في اسرع وقت..و كان رده النهائي من تاني: “يبقي نصيبها وعمرها انتهي”
شهقت ايتن بصدمة:
-للدرجة دي..معقولة ده عم؟؟ طب وابن عمك محاولش
رد بنبرة ساخطة حزينة:
-بالعكس ده كان معاه جدا..انا وقتها كنت حاسس اني هقتله..دي فلوس ابويا اللي تعب بيها واشتغل بيها..ومأخدش ورثه في الاخر..والناس حاشتنا عن بعض بالعافية..و كان هيحبسني يومها..لولا امي فضلت تقوله خلاص وانا هبعده عنك..روحت بالليل ل كندة لقيتها
*******
فلاش باك
في المستشفى..
نظرت له كندة بعتاب:
-ينفع اللي انت عملته ده؟ كنت هتضيع نفسك
حمزة بغضب :
-غصب عني يا كوكي..مقدرتش..استفزني الحقير
همست كندة بتفاخر:
-انا مش زعلانة يا حمزة..انا لو مت..هموت وانا فخورة انك كنت جنبي في كل لحظة..انك عملت كل حاجة..جبت اخرك عشاني
مسح علي خصلات شعره يسترجعها للخلف بعنف :
-انا معرفتش..
قاطعته بابتسامة جميلة :
-لا عرفت..انت احسن اخ في الدنيا…كفاية كل اللي قدرت تعمله..مش محتاجة منك اكتر من كده
هز رأسه بعنف:
-متعودتش اقعد حاطط ايدي علي خدي مستني معجزة
كندة بتبرير:
-بس مفيش في إيديك حاجة تانية تعملها..المبلغ كبير اوي يا حمزة..وانت يدوب جمعت ربعه بس وتعبت في كذا شغل عشان تقدر تجيبه
حمزة بحزم:
-صدقيني هحاول…وهتعيشي…
قاطعته قائلة بامتنان شديد:
-حمزة…كفاية اوي اللي عملته..عشان خاطري متضيعش نفسك ولا تتهور..وانا لو حصلي حاجة فأنا فخورة بيك
انتهى الفلاش باد
********
ليجيبها وبعض قطرات الدموع تسيل منه وكأن ما قصه حدث بالأمس، قائلا بوجع:
-وبعدها بأسبوعين ماتت..
كانت تستمع إليه ، قلبها يؤلمها.
تمددت بجانبه ووضعت رأسه على صدرها .. تحتضنه .. وتربت على شعره برفق .. فضمها محاوطاً بيديه حول خصرها .. أما هي و كأنها تريد إخراج أي ألم بداخله حتى ينتقل إليه.
تعالى بثقل الحزن الذي تتحمله ، إذا لم أستطع أن أنقذك منه ، فسوف أغرق فيه معك …
همست ايتن بحزن:
-انا اسفة عشان فكرتك
هز رأسه بنفي، قائلا بنبرة حزن:
-مانسيتهاش اصلا… الاخوات عمرهم ما يتنسوا
-ربنا يرحمها يا حبيبي..
كان مقتنعا بأنه سيكون دائما قويا ، ولن يتحدث عما يؤلمه..أخفى آلامه وأوجاعه جيداً
لكن كان يجب أن يتحدث .. بإخبار شخص ما ..
فالقوة هي التغلب على الألم وليس إخفائه !
إخفاء الألم يزيد العبء عليك .. يجعلك ضعيفًا لا قوياً .. من الممكن أن تقع أمام موقف أو كلمة .. من الممكن أن تحزن وتبكي .. وأنت لا تستحق ذلك .. نتيجة التراكمات بداخلك
القوة لا تعني أنك لا تتألم أو تبكي .. القوة تكمن في قدرتك على التغلب ، والطريقة الأولى للراحة هي إفراغ ما بداخلك.
______
بعد مرور عدة أيام
كان منشغلا بعمله
قاطعه صوت هاتفه الذي صدح في جيبه أخرجه ثم نظر للمتصل وقال:
-ايه الأخبار مفيش جديد لسة؟
-بصراحة يا باشا الواد مشوفتوش معاه حد شكله بلطجي أو كده
عقد ما بين حاجبيه قائلا بتساؤل:
-خالص؟؟
-هو فيه واحدة كده قابلها في كافيه وكان واضح انه اتعصب عليها جامد..فقولت اوريهالك يعني يمكن الحوار يفيدك
سيف بتسرع :
-انجز…ابعتلي الصورة على الواتساب
-بعتهالك يا باشا
اتصل سيف على حمزة وسأله أن كان يعرف هذه البنت أم لا…فسيف من عادته لا يركز في ملامح الفتيات ولا يحفظها طوال الوقت..
هتف حمزة بصدمة:
-أفنان..معقولة؟؟
-تعرفها ؟
– أيوة كانت خطيبتي زمان…
– انت عارف مبركزش بقى مع البنات ولا بحفظ شكلهم غير اللي يخصوني بس
همس حمزة بحزم:
-خلي حد عينيه على البنت دي الفترة الجاية..وانا هبعتلك بياناتها وتفاصيل عنها
أضاف قائلا:
-و مهاب برضو يفضل تحت المراقبة..عشان محتاجه في حاجة تانية..ولو طلع مفيش حاجة خلاص..المهم تركزلي مع افنان
_______
ذهبت إلى المطبخ لتفقد الطعام الذي كان على وشك طهيه ، بينما كانت تستمع إلى أغنيتها المفضلة “لأم كلثوم”.
“فات من عمرى سنين وسنين شفت كتير و قليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين”
أطفأت الموقد عندما تأكدت أن الطعام أصبح ناضجاً ، وصوتها يرتفع مع كلمات الأغنية بحماس ، وجسدها يتمايل برقص بدلال ناعم ، غير مدركة لزوجها الذي دلف ببطء ووقف من خلفها ثم انحنى شفتيه نحو وجنتها يخطف قبلة ناعمة .. لتغلق هي مسجل الموسيقى.
– وحشتني
تمتم من بين قبلاته التي انهمرت على عنقها :
-وحشتيني أكتر أصلا..
ثم سألها :
-بتعملي ايه كده ؟
همست بضيق مزيف:
– المفروض كان في اكل هيتعمل بس للأسف بقى
عقد حاجبيه باستسلام:
– ايه باظ؟ خلاص مالناش نصيب
سألته بدهشة:
– إيه ده ماعندكش مانع؟
هز كتفيه بلامبالاة:
– ما انا جيت لقيتك بترقصي و ده الأهم … مش هيبقى ولا ده ولا ده يعني !
همست بخجل :
– حمزة !
التفت ذراعيه حول خصرها يجذبها أكثر إليه:
-هستغنى عن الأكلة اللي باظت…طالما هترقصيلي موافق
قهقت ضاحكة مغيظة إياه :
– ماتقلقش أنا بعرف اطبخ كويس والأكل استوى خلاص، يعني مفيش حجة أهو
غمز لها بنبرة عابثة قائلا:
– الله …الاتنين يعني ؟ ده كده رضا أوي
ليردف بنبرة جادة قائلا:
– بس كنتي طلبتي ديلفري احسن يا حبيبتي…
هزت رأسها برفض :
-لا انا بحب اعمل الاكل بنفسي..و زهقت بصراحة من الملل الايام اللي فاتت …وبعدين انا بقيت كويسة خلاص
ضغط على زر التشغيل الموسيقى مرة أخرى ليستمعا إلي…
“ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى باحب وأدوب فى الحب وصبح وليل على بابه”
– كأنها بتوصف كل حاجة ليك جوايا…
طال صمته فتجعدت جبهتها قليلا تتساءل باستغراب:
-مالك ساكت وبتبصلي كده ليه..ماتعودتش عليك تسكت كده
همس بنبرة متيمة:
– أنتِ أحلى حاجة حصلتلي
لم تجبه لتضمه إليها بقوة تعانقه بتأثر ، شعر بها تقبل وجنته بحب ..ومن ثم ابتعدت عنه قليلا..
ليردف بنبرة خشنة:
– والله ربنا عوضني بيكي
– بحبك والله
قال بصوت أجش:
– وانا والله يا حبيبي بموت فيكي، انا بجد واثق فيكي إنك هتفضلي معايا ومش هتبعدى عني… أنتِ مش بس مراتي، أنتِ الحب اللي بجد اللي لقيته … إللي فات من عمري وعدى عليا اتبخر من وقت ما حبيتك … اتمسح مبقاش موجود فيه غيرك
همست بنبرة متأثرة:
-وانت ظهرت في حياتي..غيرتها..خليتني اشوف الأبيض والالوان..بعد ما كان كل حاجة قدامي لونها اسود..دقة قلبي اول مرة احسها مطمنة ومختلفة كده…معاك كل حاجة كانت ليها طعم مختلف…خليتني اتخطى الماضي بكل وجعه وخوفه…بحبك يا اجمل هدية ربنا بعتهالي
اقترب منها قليلًا وهو ينظر إلى عينيها ، ثمّ شفتيها..
رفع يديه و وضعهما خلف ظهرها .. يشدها نحوه أكثر بشوق ، وهو ينحني نحو شفتيها … رفعت ذراعيها لتلفه حول رقبته بينما ذراعاه ملفوفان حولها بإحكام ، ليقبّلها بشغف حتى تراجعت عنه قليلاً قائلةً :
–الاكل هيبرد..انت اكيد جعان صح ؟
حمزة باعتراض:
-يستنى
-ها
تمتمت بخجل ، ليقبلها من وجنتها بنعومة وهو يهمس:
-لو برد سخنيه تاني..الاكل ممكن يستنى صح؟
ليمرر شفتيه على رقبتها وعنقها، قالت بشغف:
-امممم..ممكن
اومأ حمزة بثقة:
-ده اكيد..اومال الميكرويف لازمته إيه؟
رفع لها وجهه ، وعيناه تتألقان بمشاعر الشوق والحب ، ليندفع مرة أخرى نحو شفتيها … وأصابعها تشتد حول خصلات شعره .. بينما يعمق قبلاته بجنون وشغف تعشقه .
__________
في منزل منة…
جلس سيف بجانبها قائلا بعتاب :
– حبيبتي اللي مشغولة وسايباني كده
ابتسمت منة بحرج:
– مشغولة والله يا سيفو…ماما وخالتو مش سايبيني كل شوية انزل اشتري حاجات في الجهاز…
هز رأسه بتفهم:
– ولا يهمك يا حبيبتي…انتي نازلة النهاردة؟ لو نازلة مع مامتك رايحة في حتة تاني عرفيني…اكيد مش هقولك لا يعني…بس ابقى عارف
– اكيد طبعا انا بقولك على طول..
اقترب منهم شقيقها الصغير “عمر” قائلا بصياح طفولي:
– منة…اختبار سريع …” كاتش كادر في الالولو ايه” ؟؟؟؟
قبلته منة من وجنته قائلة بضحكة:
-كامننا
ليهرب بعدها ركضاً إلى غرفته، بينما اتسعت عيناها بخجل وهي تعتذر من خطيبها:
– معلش بقى كنت هسقط في الاختبار
قهقه بضحكة, قائلا بنبرة ساخرة:
– هتبقي ام مثالية بجد
أومأت بغرور:
-و عظيمة كمان
لتعقد حاجبيها بحذر :
– انكر بقى ؟
رفع يديه باستسلام :
-وانا اقدر… أنتِ حبيبتي
__________
في اليوم التالي
في منزل والدة ايتن
هتفت ايتن بإلحاح:
– يا ماما..سيف هيزهق كده..خلصتي الاحضان كلها عليه
أبعدت أمها سيف عنها دون أن تترك وجهه من بين يديها..وتمتمت بصوت مختنق العبرات:
– ياااه يا حبيبتي … ده انا لو اطول اخليه جوه حضني عمري كله ماشبعش منه أبداً….ده انا ما صدقت قلبه حن ورجعلي
قبل سيف جبين امه ثم يديها:
– وانا مش هسيبك تاني يا أمي
عادت لتضمه لحضنها بشوق:
-كان عندي امنيتين نفسي احققهم..اني اشوفك يا ايتن مبسوطة بجد مع الإنسان اللي تتجوزيه..والأمنية التانية انا اشوف سيف واحضنه حتى لو مرة
– يا حبيبتي ربنا يخليكي لينا ويبارك لنا في عمرك يارب
______
في المساء
أحضرت ايتن عدة كعكات بالشوكولاتة..وجلسا ليأكلا سويا
ايتن بتساؤل:
-ايه رأيك؟
قبل يدها قائلا بامتنان:
-تسلم ايدك يا بونبوناية
-عجبك الكيك ده؟
حمزة وهو يتذوق قضمة من الكعكة، قائلا باستمتاع:
-تجنن يا عمري
سألته ايتن:
-انت مش ملاحظ حاجة؟
حمزة بتفكير:
– حلوة طبعا كفاية انك أنتِ اللي عاملاها… بس مش هقدر اكتر منها .. أنتِ عارفة ماليش تُقل على الشوكولاتة أوي
احضرت له كعكة متوسطة الحجم نصفها باللون البينك والنصف الآخر باللون الازرق السماوي بالكريمة، وضعتها أمامه:
– طيب سيبك من الشوكولاتة ودوق دي.. و قولي الاول أنت ملاحظ ايه ؟
– ألوانها مبهجة
همست من بين أسنانها :
-حمزة
-عيونه
تأففت ايتن بمشاغبة:
-ركز كده وقولي ملاحظ ايه؟
– شبه الألوان اللي بتلبسها منة
وضعت يدها علي خدها قائلة بضيق :
-طيب فهمت حاجة؟
اخذ قطعة في فمه، قائلا بتجاهل:
– اكل ولا افكر طيب ؟
زفرت ايتن بنفاذ صبر:
– التورتة الصغننة دي نصها pink ونصها Blue معناه ايه بقى ؟؟
ثم مدت يده لتضعها على بطنها .. لتجده بفم مفتوح .. مصدوم
ثم قال بذهول غير مصدق:
-ايه؟؟ يعني…. أنتِ …
ضحكت ايتن بشدة، اومأت رأسها بإيجاب:
– أيوة يا حبيبي انا حامل
أغمض عينيه بإحكام محاولاً فهم ما قالت ، فيما ضحكت هي بسبب صدمته ، ثم قال بتلعثم:
-ايه؟؟؟ بجد حامل؟؟؟ يعني انا هبقي اب؟؟
أومأت برأسها ، لتجده يعانقها بشدة ، قائلاً بلهفة:
– عرفتي امتى؟
– النهاردة عملت اختبار واتأكدت
أكملت وهي تضع يده علي بطنها:
-نفسك في بنت ولا ولد بقى ؟
حمزة بابتسامة :
– اللي يجيبه ربنا كله حلو…..بس لو بنوتة أن شاء الله تبقى قمر كده شبهك
احاطت وجهه بكفيها، قائلة بحب:
– وشبه باباها برضو…أنت هتبقى أحن وأحسن أب في الدنيا…
قبل كفها قائلا :
-نفسك نسميهم ايه
ايتن بتفكير:
-لو ولد مش عارفة..بس لو بنت..هسميها كندة
لمعت عيناه بسعادة عارمة:
-بجد…
– طبعا … على اسمك اختك حبيبتك… ربنا يرحمها
-وأنتِ حبيبتي ومراتي وبنتي وصاحبتي وكل حاجة ليا أصلا
_________
جلسا علي الأريكة امام التلفاز لمشاهدة فيلم
قال حمزة بجدية :
-عايز اتكلم معاكي في حاجة مهمة
-اتفضل يا حبيبي
همس بهدوء:
-انا اتكلمت مع باباكي
صاحت ايتن بعصبية :
-يعني ايه اتكلمت معاه؟؟ و اوعى تكون قولتله حاجة..
حمزة بتبرير:
-سيف هو اللي قاله..وطلب انه يقابلني ويتكلم معايا
ايتن بحدة أكثر:
-انت ازاي تعمل حاجة زي دي يا حمزة؟؟
حمزة محاولا تهدئتها:
-ايتن ممكن تهدي وتسمعيني
صرخت بحرقة:
-اهدى ازاي؟؟ ده واحد دمر حياتي..و بعدين هو عايز مني ايه
-باباكي من بعد ما طلق مراته التانية اللي كانت بتظلمك..فضل يدور عليكي وانشغل بشغله اكتر..ولما سيف دخل كلية واتخرج شغله جاله في اسكندرية فقعد مع عمتو..وباباكي دفن نفسه في الشغل وفضل قاعد في القاهرة زي ما هو بينزلهم اجازات بس يطمن على سيف..كل اللي كان نفسه فيه..أنه يشوفك
هزت رأسها بعنف :
-كل ده ميفرقش معايا…الراجل ده انا مستحيل أشوفه ولا اتكلم معاه
حمزة بنفاذ صبر:
-انتي عارفة مين اللي خلي سيف قلبه يحن ويروح لمامتك
-مين؟
-باباكي
ايتن وقد فاض بها الكيل:
-حمزة..لو بتحبني اقفل الموضوع ده..اذا كان مهاب اذاني فأبويا هو اللي وصلني لكده..وماتقولش باباكي دي تاني
بعد فترة وجيزة ، نامت أثناء مشاهدة الفيلم .. انتهى الفيلم بينما كان حمزة يحدق في ايتن وقال:
-ايتن يلا…
لاحظ كانت تنام نوم عميق.. ابتسم حمزة وحملها بين ذراعيه بخفة .. سرعان ما وضعها على السرير ، وجلس بجانبها.
ارتعش قلبه داخل صدره ، فشد عناقه لها ووضع يده على بطنها وهو يتخيل طفله منها .. هل يكون يشبهها أم يشبهه؟
شعرت به بجانبها ففتحت عينيها لتجد أنه مستيقظًا .. وضعت رأسها بالقرب من قلبه لتسمع دقاته ، وهي مستلقية على صدره .. غمرها شعور بالخوف والسعادة. . خوفا من تكرار ما حدث مع والدتها، سألته:
-هتفضل تحبني الحب ده طول الوقت..مش هتحتاج
تتجوز عليا في يوم من الايام ..
– اتجوز عليكي؟
– الشرع محللك أربعة
-أنتِ بالاربعة يا روحي
داعبت يداه خصلات شعرها السوداء، قائلا بهيام:
– عارفة لو مكنتش لقيت واحدة زيك يا ايتن..لو مكنتش لقيتك يعني…واتجوزت واحدة ماحبتنيش زيك كده ولا أنا حبيتها زي ما بحبك … مش هقولك اني كنت هتجوز لا بس اعتقد كنت هحس بفراغ جوه قلبي…كنت هحس ان ماخرجتش كل حاجة جوايا ليها..لكن انا معاكي تقريبا بفكر كل يوم ازاي هحبك بطريقة جديدة…
ليردف بنبرة متيمة:
-قلبي ده مافيهوش مكان فاضي لحد غيرك
ردت بقلق:
– خايفة تسيبني
مال عليها وهو يكمل بشغف امام عيناها:
– كنت سيبتك قبل كده لما كنتي بتعاندي معايا وبنتخانق.. لكن انا فعلا بحبك وفاهم أن كان غصب عنك عشان مكنتيش لسه اتعودتي على طبعي..
سقطت دموع السعادة وقالت بنبرة تحمل جميع معاني العشق:
-انا بحبك اوي يا حمزة..واسفة علي اي حاجة ضايقتك مني قبل كده
شدد من احتضانه لها وكذلك فعلت بالمثل:
-وانا بعشقك يا ايتن
_____
بعد يومين
فتحت باب الشقة لتجد أمامها والدها، تسمرت مكانها لحظات، شعرت بالخوف..فتذكرت كلمات حمزة، لتستجمع قواها
والدها بشوق وهو يقترب منها:
-ايتن..ازيك يا بنتي…وحشتيني اوي
ايتن بإستنكار وهي تبتعد عنه:
-استاذ محمود !
ردد محمود بدهشة:
– بابا يا حبيبتي انتي نسيتيني !!
ايتن بتصحيح:
-انت اللي نسيتني معنى غالي اوي زي كلمة بابا
تدخل حمزة في تلك اللحظة قائلا بابتسامة:
-اتفضل حضرتك
دخلت ايتن، ثم نظرت بحدة لحمزة :
-برضو عملت اللي في دماغك يا حمزة
دخل والدها خلفها، قائلا بحزن:
-انتي لسه متضايقة مني يا حبيبتي؟
التفتت له قائلة بنبرة ساخطة:
-متضايقة ايه؟! بعد كل اللي عملته فيا ده ومش عايزني ابقى متضايقة منك واقولك يا بابا بكل سهولة كده..انا مانسيتش ولا هنسى اللي عملته فيا..ده انا لو اطول كنت شيلت اسمك من البطاقة..بس للأسف ماينفعش..
ثم اردفت ايتن بغيظ:
-و بعدين ايه متضايقة دي..ده شعور قليل أوي علي إللى انا حساه من ناحيتك.. دي ولا تسوى على اللي عيشته معاك في طفولتي…قول مجروحة منك , مكسورة، موجوعة أوي
فرت دمعة من عينا والدها، قائلا :
-انا آسف..والله يا بنتي عارف اني غلطت جامد اوي..وندمان عليكي بشكل مايتوصفش وكل يوم بعاتب نفسي علي كل حاجة عملتها زعلتك مني
ضحكت ايتن بسخرية :
– ده انا حتى بفكر في حاجة واحدة حلوة عيشتها في طفولتي معاك مش لاقية !
محمود بندم:
-انا عارف اني مهما قولت مش هتقدري تنسي اللي فات بسهولة..عارف اني ظلمتك و وجعتك أوي…وافتريت عليكي و على والدتك…
قاطعته بقوة :
-وماكنش ينفع تبقى اب !!!
ليه عملت فيا كده ؟؟؟
حمزة بهدوء :
-ايتن باباكي ندمان يا حبيبتي..سامحيه وابدئي معاه صفحة جديدة
ايتن بغضب:
-انا لو سامحت اي حد اذاني بعده..ده بالذات مستحيل اسامحه..عشان هو اللي وصلني لكده
حمزة بإقناع :
– حاولي تديله فرصة حتى تسمعيه يا ايتن ..ده بقاله كتير اوي يا حبيبتي مشافكيش
هزت رأسها بحرقة :
– لا أنا شوفته السنين اللي فاتت كتير … شوفته في كذا نوع من الناس…أنا عيطت والله كل ما بشوف أب بيضرب ابنه في الشارع او واحد بيبرر الضرب, ببقى عايزة اخد عيالهم منهم ابعدهم عنهم عشان مايعيشوش اللي انا جربتوا في طفولتي .. انا عيشت طفولتي في مأساة مع الراجل ده والله العظيم
هز والدها رأسه بايجاب:
-حقك يا بنتي..حقك تقولي كل اللي عايزاه… بس انا موجود … و ابوكي موجود يا حبيبتي ومستعد يعوضك عن كل اللي شوفتيه في حياتك
ضحكت بوجع:
– عيشت عمري كله اسأل نفسي يعني ايه حضن الاب؟؟؟ عامل ازاي و اوقات كنت بتخيل انك رجعت بس بعدها كنت بتراجع و اكره نفسي… لأن الوجع اللي سببتهولي..مش سهل اسامحك عليه..كل موقف عدي عليا عيطت فيه كنت انت السبب…عشان انت اللي وصلتني لكل حاجة
لتردف بنبرة وجع:
-الضرب بيسيب ندبات نفسية اسوأ بكتير من الوجع الجسدي.. و ماحدش بينسى..ماحدش بيكبر و ينسى و اللي يقول غير كده يبقى عايش في حالة انكار.. كنت طفلة … ليه عملت فيا كده ؟؟ ليه شوهت طفولتي…ليه ما احترمتش ادمية الطفلة اللي منك.
رد بترجي:
-عندك حق يا بنتي…انا عارف انك صعب تسامحيني..بس نفسي تديلي حتي فرصة..تتقبلي وجودي في حياتك..عايز بس اقولك..والله العظيم انا اتغيرت وبقيت واحد تاني..مش ابوكي اللي كان بيسمع كلام واحدة كرهته في عياله ومراته…انا الزمن دفعني ديون كتير اوي يا بنتي … الزمن علمني الادب من اول وجديد..سددت تمن كل غلطة سببتها ليكي..مش طالب غير انك تديني فرصة..فرصة واحدة بس اصلح كل الاذى اللي سببتهولك..اعوضك عن اي حاجة حصلت مني زمان
قاطعته ايتن بجمود:
-خلصت كلامك صح؟
حمزة بحدة:
-ايتن مينفعش كده…مهما كان ده..ابوكي
رمقته بغضب:
-انا طالعة اوضتي..لما يمشي ابقي قولي
حمزة معتذرا:
-انا اسف…هي..
دمعت عيناه بحزن:
-لا يا بني معذورة هي عندها حق..اللي انا عملته فيها مش شوية..انا همشي…بس بالله عليك تكلمها تاني….
– حاضر
_______
بعد عدة أيام
وقفت أمامه قائلة برجاء:
-حبيبي عشان خاطري تعالى معايا فيلم تامر حسني الجديد بقى
حمزة بأسف:
-يا حبيبتي والله عندي Meeting شغل في ميعاد العرض دا..لو ينفع نحضر طيب اي عرض في ساعة مختلفة معنديش مانع
زفرت ايتن بضيق:
-مش هينفع عشان دا العرض الوحيد اللي ابطال الفيلم هيحضروه هنا في إسكندرية..طب حاول عشان خاطري تلغي الـMeeting دا ويتأجل بعدين
صاح حمزة بزهق:
-ألغيه ايه بس يا ايتن..انتي اكتر واحدة عارفة دا مش لعب عيال و دا ميعاده متحدد من أسبوعين ومينفعش يتأجل خالص…واكيد مش هأجله عشان فيلم يعني
لاحظ ملامحها الغاضبة، فاقترب منها قائلة برقة وهو يقبل وجنتها:
-خلاص يا حبيبي..متزعليش بقي..للأسف ميعاد نهاية الـ Meeting نفس ميعاد نهاية الفيلم..وانا عموما لو عرفت هعدي عليكي اخدك..وصدقيني هنعوضها في فيلم تاني
اومأت بابتسامة صغيرة :
-خلاص ماشي..ربنا يوفقك يا حبيبي
____________
في السينما
بعد انتهاء الفيلم، سمعت صوت أحد العاملين بالسينما يقول بميكرفون:
-معلش يا جماعة محدش يمشي علشان هنعرض حاجة كده صغيرة بعد الفيلم
منة بإستغراب:
-هو فيه ايه؟
خديجة بتفكير:
-مش عارفة دي اول مرة تحصل..بس ممكن فيه تنويه ولا حاجة
ليظهر علي شاشة العرض فيديو قصير لحمزة وهو يتحدث، فاعتدلت بجلستها لتنتبه بينما نظرا منة وخديجة بذهول
“ايتن حبيبتي..انا اسف بجد علشان مقدرتش أحضر معاكي الفيلم زي ما انتي عاوزة وعارف انك زعلانة..حبيت احسسك اني موجود معاكي حتي لو مش موجود جنبك بجد..وهنعوضها في فيلم تاني..بحبك”
وقفت ايتن، تبدلت ملامحها للسعادة، قائلة بذهول:
-اعمل فيك ايه..حتي وانت مش معايا حسستني بوجودك جنبي..بحبك يا حمزة
لتجده خلفها قائلا بصوت عال:
-وانا بعشقك يا بونبوناية حمزة
انتفضت لتستدير خلفها وعينيها تتطلع إليه بلهفة غير مصدقة ما فعله:
-مجنون والله مجنون..ايه اللي عملته ده
قبل يداها وهو يغمز لها قائلا:
-المهم تكوني راضية ومبسوطة
فقفزت ترتمي بأحضانه قائلة بحب:
-رضايا وفرحتي انك معايا..ربنا يخليك ليا يا احن واطيب راجل
– عارفة لما بحس إنك مبسوطة او على الاقل مرتاحة بطمن والله
أنت الحظ الوحيد الذي امتلكته في هذه الحياة .. تشعر بي قبل أن أتحدث .. لقد أخذت جزءًا كبيرًا من قلبي .. لا أستطيع أن أصدق مقدار الفرح الذي فزت به معك ..
_________________
تلومني الدنيا إذا أحببتُه…كأني أنا خلقت الحب واخترعته
كأنني على خدود الورد قد رسمته…كأنّني أنا التي للطير في السماء قد علمته
وفي حقول القمح قد زرعته…وفي مياه البحر قد ذوّبته
كأنني أنا التي كالقمر الجميل في السماء قد علّقته…تلومني الدنيا إذا سمّيت من أحب أو ذكرتُه
كأنني أنا الهوى، وأمّه، وأخته
نزار قبانى..
في مكتب ايتن
زفرت شذي بضيق :
-عملتي ايه مع حمزة؟ اظن كفاية اوي كده
اخذت ايتن نفس عميق حبسته في صدرها لثوان ثم زفرته وقالت بشئ من الثبات الزائف:
-حمزة لسة معترفليش بحبه
قهقت شذي وهي تفتح هاتفها قائلة بنبرة تهكمية :
-بجد؟ والفيديو ده يبقى ايه؟؟
نظرت لها ايتن محملقة بصدمة بالمقطع الذي صور لحمزة بالسينما تداوله بعض الناس علي المواقع..فتابعت شذي بسخرية:
-ماكنتش اعرف انك هتبقي أنانية أوي كده وتاخديه ليكي لوحدك..انا كنت واثقة فيكي..واثقة إنك هتجيبيلي حقي منه…زي ما سمعت عنك..
هزت رأسها بنفي:
-ماقدرتش..حمزة كان عنده مشاكل في الماضي وصلته انه يجرحك
ثم قصت عليها ايتن سبب وصول حمزة إلى ذلك
صرخت شذى بغضب:
-وانا ذنبي ايه في كل ده؟؟ ميخصنيش..انا اللي يخصني اني ادوقه نفس اللي عمله فيا
-وانا مقدرش أنفذ اللي انتي عايزاه…حمزة ميستاهلش اعمل فيه كده
قاطعت شذي كلامها الكاذب صارخة بحدة:
-يا حنينة..ولا عشان عجبك و وقعتي..ياريت تبقي صريحة معايا عشان افهم
أغمضت عينيها و زمجرت بصدق:
-أيوة حبيته..
تسمرت شذي بصدمة رغم يقينها من هذه الحقيقة المرة إلا ان سماعها بأذنيها كان وجعها أكثر، لتهتف بتهديد:
-تمام..وانا بقي هروح احكي لحمزة كل حاجة
-وهو هيصدقك؟
شذي بثقة:
-هيصدقني لان معايا اللي يثبت..ده غير كمان هقوله على شغلك وكل حاجة…قدامك حل من الاتنين..يا حمزة يعرف كل حاجة..يا تنفذي المطلوب منك
همست ايتن بنبرة متحشرجة :
– شذى صدقيني حمزة اتوجع أوي في حياته… حمزة مايستاهلش انا كمان اوجعه اكتر ما اتوجع
دمعت عيناها وردت بصوت مخنوق:
– وقلبي ؟؟؟؟ قلبي اللي اتكسر لما سابني من غير سبب.. 7 سنين عايشاهم بوجعي لوحدي…وهو ! هو عاش حياته واشتغل ونجح واتجوزك…
ليه ربنا مانتقمش منه وكسر قلبه زي ما كسر قلبي…ليه؟؟ فين عدل ربنا؟؟…
قاطعتها ايتن بثقة :
-ربنا العدل نفسه يا شذى..
بس عدل ربنا مش بالضرورة يتحقق بمقاييسنا احنا،
كوني واثقة ان ربنا هيردلك حقك سواء في الدنيا او يوم الحساب
سالت دموعها عندما ضعفت مقاومتها:
-ليه عمل فيا كده ليه ؟ ليه كل حاجة كانت كدب.. حرام عليه..انا بكرهه أوي والله
ليه اصلا خلاني احبه وهو عارف أنه هيمشي ويسيبني
وليه انا كنت واثقة فيه أوي كده..دمرلي حياتي كلها..
ليه اتجوزك أنتِ وانا لأ؟؟؟؟
اردفت شذى بنبرة متألمة :
-انا مش مسامحاه… يارب يدوق كل وجع عيشته بسببه… يدوق كل حاجة وحشة وإحساس وحش حسيته بسببه..انا عمري ما كرهت حد قد ما كرهته
همست ايتن بهدوء:
-ابدئي من جديد بصي قدامك صدقيني محدش يستاهل ولا تخلي حد رقم 1 تاني، اتعلمي من الدرس بس اوعي تعيشي فاكراه، انسي وكأنه مجاش وأي وقت يجي على بالك وكلي ربنا، سيبيه يدبرها ربنا حنين وعُمر كسرتك ما هتهون عليه.
هزت رأسها بعدم اقتناع :
-تعبت من كلام انسيه و عيشي حياتك… بس انا حبيته… انا لسه واقفة عند نفس النقطة وهو لا..
انا تعبانة أوي وهو مبسوط؟؟
ثم تابعت شذي بنفاذ صبر وهي تمسح دموعها بعنف:
– بصي يا ايتن … انا هسيبك يومين تفكري..لو مانفذتيش اتفاقنا…هحكي لجوزك كل حاجة عشان انا كان بيني وبينك اتفاق يا تنفذيه..يا انتي عارفة كويس اوي ايه انا ممكن اعمله
ردت ايتن بثبات ممزوج بحدة :
-انتي بتهدديني؟؟
هتفت شذي بحدة:
-انا هوريكي بقي انا هعمل ايه…لو مانفذتيش اللي انا عايزاه في خلال يومين…يومين بالظبط..يا تطلعي انتي اللي كسبانة وتسيبيه وتوجعيه زي ما وجعني…يا تخسري انتي كل حاجة و وقتها هو اللي هيسيبك.
أغمضت عيناها بإجهاد ونبضات قلبها تتسارع بعنف مؤلم:
– في الحالتين هنسيب بعض !!
_______
في المساء…
استمرت الأفكار في اقتحام رأس إيتن.. هل تخبر حمزة بهذا السر أم لا ؟؟
أم أنها تخفي عنه معرفتها بشذى وتحاول حل المشكلة بعيدًا عنه .. تشعر بالخوف منه وهي تعلم الحقيقة .. تتردد كثيرًا .. ولكن يجب أن يعرف كل شيء .. لقد أصبح كل شيء لها وعليها أن تثق به ..
بداخلها تناقض كبير…لقلب يقول اخبريه..وبين عقل يهمس ستندمي
كسر حمزة الصمت، عندما اقترب منها ينادي عليها، وقالت بتردد:
-حمزة!!
-قلب حمزة
ايتن بخوف:
-حمزة انت ممكن تسيبني
حمزة وقد إستشعر خوفها فقال بقلق :
– إيه السؤال ده ؟؟
ايتن بجدية:
-رد عليا ممكن…
شدد على خصرها بقوة أكثر قائلا بنبرة ماكرة:
-هاتي بوسة طيب وانا أرد عليكي والله
– حمزة !!
– لا بوسة والله بتكلم بجد
قبلته من خده برقة ليبادلها إياها بشغف من خدها الناعم… فتنهدت بخجل، فهمس قائلا بالقرب من أذنيها:
– طب ينفع ابقى هسيبك وابوسك
أردف قائلا بنبرة اجشة:
-انا ممكن اسيب الدنيا كلها ولا اسيبك
– بجد مهما حصل؟
تنحنح قائلا بجدية:
-طب اقولك على حاجة…
– ها؟
-اكتر حاجة عمرك ما تصدقيها في الدنيا دي ايه؟
همست بثقة :
– ان انت تخذلني
-زيي بالظبط كده
-يعني انت واثق فيا زي ما انا واثقة فيك ؟
أومأ بإيجاب :
-عمرى ما اصدق انك تبعدي عني، او ماتبقيش تحبيني..بتعصب عليكي ساعات عارف… من خوفي أو غيرتي عليكي…بس عمرك برضو ما هتبعدي عني…و ده مش غرور…انا واثق منك
ابتسمت بخفة وهي تستشعر صدق كلماته التي لامست قلبها بنعومة .. ثم أبعدت رأسها عنه حتى التقت أعينهما .. قبلته من خده قائلة بحب:
– وانا بحبك في كل الحالات..حتى لو كنت ايه
اعادها إلى صدره.. وهتف بحزم:
– أنا ماقدرش اتخيل حياتى من غيرك أصلا
ليردف قائلا:
-خليكي واثقة ان مفيش حاجة هتفرقني عنك ابدا
_______________
دلفت خديجة إلى فيلا هاني … لترحب بها حماتها وخطيبها..
همست حماتها قائلة:
– عازماكي من بدري على فكرة
ابتسمت خديجة برسمية:
– معلش يا طنط … كنت مشغولة جدا
همست والدة هاني بنبرة ماكرة :
– تصوري كنت لسه هطلب من هاني نروح نزور حنان اختك وناخدلها شوية حاجات و ادوية… اصل هاني ابني بيحب يعمل الخير…واعتقد اختك اولى برضو ولا ايه
– هو حضرتك عرفتي ازاي أن هاني جه معايا عند اختي ؟
اتسعت عيناها بصدمة وهي تنظر إلى خطيبها الذي بادل امه نفس النظرات :
– ماما….
رمقته أمه بغيظ لتردف قائلة:
– هاني ابني مش بيخبي عني حاجة خالص…بس الصراحة يعني اول مرة اعرف ان الخير اللي بيعمله…بينول منه اخوكي اللي هو لا مريض ولا حاجة خالص !
صاح هاني بنفاذ صبر :
– ماما لو سمحتي كفاية..
اخذت خديجة حقيبتها وهي تكتم دموعها بعينيها…وكل ما تنوي فعله أن تنشق الأرض وتبتلعها
______________
لا تكن دائمًا المضحي ، تمرّد ، كن الشخص السيئ لمرة واحدة ، استرجع كل الأشياء التي أخذتها منك الحياة عندما كنت مثاليًا جدًا.
في اليوم التالي.. منزل حمزة…
همست ايتن بنبرة متحشرجة وهي مستعدة أن تقص عليه كل ما حدث باتفاقها مع شذى فاليوم هو آخر يوم سوف تنهي به كل شيء ولكن هي لا تنوي جرحه هي ستصارحه بكل شيء وتترك له الخيار :
– حمزة انا يمكن بعد كلامك ليا امبارح مقدرتش انطق ولا اقولك حاجة عشان مقدرش اكسر ثقتك فيا … بس انا هحكيلك كل حاجة حصلت…هحكيلك على سر كان سبب في جوازنا…وهسيبلك حرية الاختيار يا حمزة…إذا كنت عايز تكمل معايا او لا … براحتك .. لكن خليك متأكد أن عمري ما كنت هجرحك…عمري ما كنت هأذيك…
قاطعها حمزة بدهشة:
– ايه الكلام الكبير ده ؟
ليردف بتذكر:
-طب نأجل كلامنا ده عشان عاملك مفاجأة
شهقت ايتن:
– مفاجأة…انا شبعت مفاجأت يا حمزة…بس ممكن دلوقتي تسمعني بجد
حمزة بغموض:
-بس المفاجأة المرة دي هتعجبك اوي..عمرك ما كنتي تتوقعيها
ايتن بفضول:
-ايه هي شوقتني؟
حمزة بتساؤل:
-هتعرفي حالا..صحيح تعرفي حد اسمه كرم عبدالجواد؟
ايتن بتفكير، شعرت كأنها سمعت ذاك الاسم من قبل:
-مين ده..لا معروفش
ضحك حمزة قائلا بنبرة ساخرة:
-طبعا من كترهم مش هتفتكري مين ولا مين..معقولة مش فاكرة كرم عبدالجواد
ايتن بغضب:
-ايه اللي انت بتقوله ده..كترهم ايه؟؟
مسك يدها وهو يفتح باب الشقة:
-تعالي اوريهولك
رفعت ايتن رأسها لتصاب بصدمة كبيرة عندما رأت ذاك الشخص الذي سألها عنه حمزة..قائلة بإرتباك شديد:
-كرم..انت تعرف حمزة منين…ازاي؟؟
قهقه كرم بنبرة ساخطة:
-ازاي دي بقي حمزة يشرحهالك
ثم صفق بيده قائلا بإعجاب :
-برافو عليك يا حمزة…وانا عند وعدي ليك يا حبيبي
التفتت ايتن لحمزة قائلة بعصبية:
-وعد ايه؟؟ ما تفهمني
كرم وهو ينصرف:
-طب استأذن انا بقي..بكرة الصبح تعدي عليا ننفذ اللي اتفقنا عليه
صاحت ايتن بغضب:
-حمزة انا مش فاهمة انت تعرفه منين؟
جلس حمزة علي أقرب اريكة واضعا قدمه فوق الأخرى قائلا :
-انا عايزك تفتكري معايا كده… لما عرفتي مرات كرم..ده واحد عاش طول حياته يشتغل ويبني نفسه بنفسه.. لحد ما ربنا كرمه وبقى ناجح في حياته وشغله وعشان يعمل مكانة صح تنفع مراته وعياله..جيتي انتي بمنتهي البساطة هديتي كل ده..إنسان كان امنية حياته يعيش مستقر مع مراته ويكبر شغله..وبرضو جيتي بمنتهى البساطة حرمتيه من كل حاجة..وانتي عايشة حياتك زي الفل…الراجل ده خسر كل حاجة بيته وفلوسه ومراته وعياله..كنتي متخيلة ممكن يعمل ايه لما يعرف مين اللي كان السبب انه يخسر كل ده ويوصل للي هو فيه…هيسامح وينسى؟؟ ده راجل قعد شهور طويلة في مصحة بيتعالج نفسيا بسبب اللي عملتيه فيه
ايتن بتبرير:
-والله ده واحد خانها وذلها وكان بيضربها..دي وقفت جنبه و ادتله نصيبها من ورث ابوها و اتفق معاها انه يديها الفلوس بعد سنة…واول حاجة عملها أنه غدر بيها..وقالها ملكيش حاجة عندي و اثبتي..كنت عايزني اعمل ايه غير أنها تاخد منه فلوسه وعياله
قاطعها صارخا بغضب:
-تحرميه من عياله ! ومش بس كده..من وقاحتك كمان خليتيها تتجوز واحد تاني ؟؟؟
صاحت بغضب مماثل لغضبه:
-انا مضربتهاش علي ايديها..هي اللي كان متقدملها واحد تاني وعايز يتجوزها ومستني بس تخلص من مشاكل كرم ده هددها أنه هيتجوز عليها وهيسيبها هي كده موقفة حياتها بسببه… كان بيهددها لو اتجوزت هياخد العيال منها ويحرمها منهم…دي ربنا عوضها
نهض من جلسته قائلا بنفاذ صبر :
-وبعدين انتي مين قالك؟؟ مين قالك ان كل الستات اللي كانت بتجيلك دي كان كلامها صح..انتي سمعتي من الطرفين؟؟ عملتي تحريات عشان تتأكدي…الست دي كانت خاينة..وخدت كل فلوسه وسافرت واتجوزت واحد تاني..ولما حاول يعرف منك مكانها لقاكي بتنكري..الست دي كانت كدابة ونصابة..نصبت علي كرم وهدت حياته كلها وانتي السبب انتي اللي عملتي كل ده
شهقت ايتن بدهشة:
-لا مستحيل…دي كانت مظلومة..ازاي؟ طيب وانت ايه علاقتك بكرم؟
امسكها من كتفاها لينهض بها من جلستها تلك…يقف كلا منهما في مواجهة الاخر، ليردف قائلا:
-هحكيلك بقي عن واحد تاني..اللي هو انا..واحد ابوه مات قدامه بسبب عمه…ابوه كان بيتقهر كل يوم بسببه…واحد اخته اللي كانت احلي حاجة في حياته ماتت وهو مش قادر يعملها حاجة وفلوسه حقه موجودين…بس ماكنش ينفع ياخد منها حاجة..
ثم امسك بذراعيها ليجذبها نحوه بقسوة..ينظر في عيناها بثبات قبل ان يردف:
-اما بقي..كرم يبقي خالي
صعقت من ذاك الخبر..علت ضحكاته، وانتشر صوتها بأرجاء المنزل كله ليزيدها دهشة فوق دهشتها
راجعت كلماته في عقلها مئات المرات..ولم تفهم أي شيء..حتي ساورها شك أن يكون يتحدث بلهجة غير مفهومة..سألته بهدوء مخيف وهي ترمش بعيناها بصدمة :
-يعني ايه؟
أردف بجمود:
-بعد اللي عملتيه في خالي..اول حاجة فكر فيها لما فاق ورجع شغله واخد وقت علي ما وقف علي رجليه..عرض عليا عرض حلو..اني اجيبله حقه من اللي عملتيه معاه واكسرك زي ما كسرتيه و وجعتيه لأن هو مش طايل مراته ولا عياله اصلا .. ومفيش قدامه حد غيرك لانك السبب في اللي حصله..مقابل انه هيساعدني ادخل شريك بنسبة معينة قليلة في شركة تبع حسن ابن عمي..وانا هعرف اوقعه…
ليردف بنبرة شيطانية :
-وطبعا رسمت كل الخطة دي اللي كانت نتيجتها انك انتي اللي وقعتي في حبي مش انا..يعني شذى لما راحتلك كنت انا اللي متفق معاها تعمل كده…انا اللي باعتلك شذى بنفسي أصلا…دخلتلك من نفس المصيدة اللي انتي كنتي داخلالي منها…ما هو اصل طباخ السم كان لازم يجي يوم و يدوق اللي طبخه
شلتها الصدمة حتي أصبحت قدماها غير قادرة علي حملها..فسقطت جالسة علي الارض تنظر له في ضعف وصدمة..حركت رأسها يمينا ويسارا اعتراضا علي حديثه ودموعها تهبط مثل المطر علي وجنتيها:
-لا…لا..مستحيل
فلا يوجد أصعب من إحساس..ان تعتقد انك تملك أكبر جزء في قلب من أحببته، فتكتشف في يوم أنك كنت تسلية لوقت محدد، لتنتهي صلاحيتك بربح اللعبة
ثم هبت من مكانها كالعاصفة تقف وبعينيها نيران متقدة.. تشير نحوه بأصبعها في حدة وهي تصرخ بجنون:
-بس انت مينفعش…انت بالذات اخر واحد اصدق انه يعمل فيا كده…لا..مستحيل..
قهقه بنبرة ساخرة:
-هقولك نصيحة..بعد تجارب كتير وخذلان كتير…وصلت لحاجة مهمة أوي ريحتني في حياتي وخليتني امشي في حياتي صح…
ليردف قائلا بجمود :
-توقعي أي حاجة من أي حد مهما وفي أي وقت..مهما كانت درجة قربه ليكي حتى لو كان جوزك !
محدش يستاهل تديلو كل حاجه جواكي…اوعي تفرطي في قلبك ، اوعي تعتبري حد ضمان و باقي ليكي مهما كان ،قلوبنا بتتقلب في لحظة وكل حاجة بتتغير،متديش لحد الأمان ابدا..ماتقوليش دا بثق فيه ومستحيل يعمل فيا كده..و عمري ما كنت أتوقع عشان ده بالذات اللي ممكن تتوقعي منه أسوء حاجة..كل شيء وارد يحصل من اي حد…عشان في النهاية انتي اللي هتتكسري من كتر صدمتك فيه…
تمتمت لتسأله بصوت خالي من اي لمسة حياة:
-وحبك ليا؟
أطلق ضحكة عالية طويلة..لم يبالي بشحوبها..ولا بصدمتها وهو يكمل ساخرا:
-كان تمثيل…
اقتربت نحوه تضربه بكلا كفيها يصدره فيبتعد للخلف عدة خطوات نتيجة بذلك لتصرخ بإنهيار:
-تمثيل..كل ده كان تمثيل..كل الحاجات الجميلة دي كذب..يا حيوان
وهو يجيبها بوقاحة:
-عشان اكون صريح اكتر..اتبسط معاكي..وعجبتيني واعتقد انتي كمان اتبسطتي
ايتن محاولة التقاط أنفاسها غير مصدقة وقاحته:
-ليه..ليه عملت فيا كده…ماصعبتش عليك خالص
يكاد عقلها ان يحترق من التفكير..وألم ماضي يخترق اضلاعها وصولا لقلبها..شعورها بالخداع لا يوصف..خاصة أنه من أقرب الناس إليها.
هز كتفه بإستنكار:
-انتي اللي دخلتي اللعبة دي بمزاجك..و بعدين كنتي متخيلة ان انا لما تجيلي فرصة اخد حقي من اللي ظلمني في حياتي هعمل ايه؟؟؟
انفجرت بهستيريا وهي تضربه بكل قوتها:
– وأنا ذنبي ايه…ذنبي ايه في كل قصتك دي …. انا معملتش حاجة وحشة ليك.. انا وثقت فيك…انت أحقر بني ادم في الدنيا دي كلها
نشب أصابعه في ذراعيها بطريقة مؤلمة، قائلا بحدة:
-اعدلي لسانك..ومتغلطيش
انتزعت يداها من يديه بإشمئزاز، وهي تمسح دموعها.. قائلة بقوة وعصبية:
– انا صحيح اديتك السكينة اللي تقدر تدبحني بيها وهي الثقة…الامان اللي عمري ما سمحت بيه لحد من بعد خطيبي الاولاني….
لتردف بنبرة قوية :
– وجعي منك انا مش هقعد اعيط عليه…انا هعرف اخد حق كسرتي بنفسي….كل اللي مريت بيه ده كوم…وحسابك معايا انا لوحدي كوم تاني يا حمزة..بس انا اللي غلطانة اني دخلت في لعبة فيها واحد زيك واطي…. بس ملحوقة ما يقع إلا الشاطر
اجابها بنبرة محتقرة:
– انا اللي واطي ؟؟؟ ده انتي هدمتي حياة واحد وساعدتي واحدة **** أنها تهد حياته…ده انتي دمرتي حياة خالي…عشان ايه؟؟ شوية فلوس..مقابل النسبة اللي بتاخديها من كل واحدة بتساعديها.. بتخليهم يجربوا قانون خاص بيكي عشان تنتقمي من كل راجل !
رفعت عينينها المحمرتان من الغضب والقهر والصدمة، قائلة بتهديد:
-انا بقى هخليك تجرب قانوني ده .. هوجعك به يا حمزة… هخليك تدوق “قـانـون آيـتـن”
يتبع…..
– تفتكروا حمزة وايتن هينفصلوا ولا لا؟
– كرهتوا حمزة ؟
– ايتن صعبت عليكم ????؟
– زعلتوا من ايتن لما رفضت تسامح ابوها ولا لا؟
مستنية رأيكم وتوقعاتكم في البارت ????????
لو تفاعلتوا بسرعة هنزل بارت هدية لو وصلتوا البارت ده لـ 500 لايك وكومنتالفصل الثاني والثلاثون
واذا بكيت على فراق أحبة
فلتبك نفسك أيها المسكين
لا بد من يوم تفارق معشرا
كنت الوجيه لديهم وتهون
_هاشم كمال الدين
لقد حطمها اعتراف حمزة لها بهذه الحقيقة.. كان جسدها يرتجف من كلماته ..دخلت حجرة الاستحمام ووقفت تحت الماء الساخن ، واحتضنت نفسها وهي ترتجف .. أغمضت عينيها وأسندت رأسها على الحائط.
لقد سئمت من الرجال المخادعة القاسية .. بداية من والدها الذي دمر ذكريات طفولتها .. لخطيبها القواد الحقير .. وصولا إلى زوجها!
ظنت انه يحبها ؟؟
كيف يمثل حبه بهذه الطريقة؟؟
وكيف لقلبها البريء أن يصدقه بكل سهولة
لقد صدقته
صدقت حبه الكاذب
بحق الله… انه كاد أن يدمر حياته من أجل إنقاذها؟
لقد فعل الكثير من الأشياء الرائعة لها
اخفت وجهها بين يديها ومياه الدوش تنهمر فوق رأسها..تتذكر نظرات الإنتصار الذي رمقها بها الممتزجة باحتقار..لم تصدق أنه كان مخطط لهذه اللحظات منذ مقابلة شذى لها..تتذكر غباءها عندما وقعت هي بحبه وتنازلت عن فكرة الانتقام..تذكرت تحذيرات خديجة لها في البداية.. “احذري الا ينقلب السحر علي الساحر وتقعي انت بحبه” وها هي وقعت بالفعل!
لعنت كبرياءها وغرورها الذي اوهمها أنها ستربح تلك اللعبة و ستنتصر بالنهاية..!
بدأت تغسل جسدها…بينما تفجرت دموعها بغزارة..وجسدها لا يتوقف عن الارتعاش..ولكن هي التي دخلت تلك اللعبة بنفسها..لأنها سمحت بحدوث كل هذا..لماذا؟ لأنها احبته..بل عشقته..لم تتخيل أن الشخص الوحيد الذي وثقت به وغيرت كل شيء لأجله كان كاذب ومنافق..حقير
تذكرت طفلها…طفل حمزة..امتدت يدها تلقائيا نحو بطنها..فانهارت مجددا من البكاء
فهو ترك لها تذكارا لن يسمح لها بنسيانه يوما..وكأنها تستطيع يوما ان تنساه..؟!
تردد صدي صوته في اذنيها :
“تمثيل..كل ده كان تمثيل…تمثيل…تمثيل”
اخذت تهز رأسها بهستيرية شديدة..لأنها سمحت لنفسها بكل هذا..لو رفضت منذ البداية مهمة شذي..
ولكن ليست ايتن التي تستسلم هكذا..هي لم ولن تكن ضعيفة يوما ما…هي التي تأخذ حق أي امرأة تلجأ إليها..توعدت لحمزة بأشد عقاب له..لمعت عيناها بالنيران والشر..وقررت أخذ حقها منه..قررت أن تندمه علي كل شيء فعله بها..علي كذبه وخداعه لها
شعرت ان البرد سيصيب جسدها رغم الماء الساخن..اغلقت مصدر المياه..خرجت من حوض الاستحمام.. وهي تتناول المنشفة ، ولكن قبل أن تخرج ، وقفت أمام المرآة المغطاة بالبخار..
هل هذه هي آيتن؟
التي أمامها شخصا آخر غيرها… فتاة باكية عيناها حمراء منتفخة من البكاء…وجهها الجميل كان شاحباً
ارتدت ثيابها علي عجل..عقصت شعرها بدون تسريح..وانطلقت بعد أن عزمت علي القرار الحاسم..ابتلعت ريقها بصعوبة وأدارت مقبض باب الغرفة لتجده واقف في منتصف الغرفة يرتدي سرواله الرياضي فقط.. وكان يتحدث مع شخص ما علي الهاتف..انتبه لوجودها وبعد ثواني اغلق المكالمة..ليسألها ببرود:
-خير عايزة حاجة؟
وقفت أمامه قائلة بهجوم:
-جاية اقولك قراري..انا مش هتطلق دلوقتي
ضحك قائلا بسخرية:
-معقولة؟ ده انا قولت هتتشقلبي عشان اطلقك..
رمقته بغضب شديد:
-لا لو انا عايزة اتطلق..هتطلق غصب عنك..انا بقولك كده عشان سيف ومنة هيكتبوا كتابهم قريب..ولو ده حصل وسيف اخويا عرف كل حاجة جوازتهم هتبوظ
رد ببرود :
– طيب
ايتن بنبرة ساخطة:
-انت مين فهمك اني همووت واتكلم معاك…انا بقيت بكرهك…بشمئز من نفسي ومنك…بستحقرك..
– ماشي تمام
– وبعدين انا في حاجة مهمة لازم اعرفها…هي اللي اسمها شذى دي قصتها كانت كدب برضو؟
ضحك حمزة :
-شذى اصلا انا اللي متفق معاها من البداية خالص…اتفقت معاها تروحلك..وتعمل نفسها عميلة زي اللي بيروحولك..
اتسعت حدقتاها بصدمة:
-يعني انت اصلا مجرحتهاش؟؟
-لا مش بالظبط… هي كانت بتحبني وعايزاني انسى الخيانة اللي حصلتلي..وفعلا حاولت احبها… لكن انا ماقدرتش ومارضيتش أظلمها معايا… لأن كان ليها مكانة خاصة عندي غير باقي البنات اللي عرفتهم قبلها…اللي منهم اللي كانوا شبه تفكيري وقتها..مانكرش أن شذى يمكن اتوجعت وقتها…بس الفرق أنها مقعدتش 7 سنين كده تتعذب بسببي…لا قعدت بس سنة.. وبعدها لما لقيتها لسة بتحبني و واقفة مكانها..قررت اتكلم معاها..وفهمتها ايه اللي وصلني لكده وان مش هي السبب خالص …انا اللي مش قادر احب.. وقفت معاها وخليتها فعلا تتجاوز حبي ليها وكنت ليها أخ…ولما بتحتاج حاجة أو تاخد رأي حد انا اول حد بعد باباها بتلجألي..وحتي ساعدتها تشوف شغل كويس وهي اتغيرت تماما..
– انت اللي طلبت منها تعمل كده ؟
– لا هي … هي كانت عرفت اللي هيحصل… كان خالي موجود وهي اللي طلبت تساعدني من نفسها..راحتلك وعملت نفسها عميلة زيها زي غيرها…علي شوية تعاطف كده ودراما..قدرت تخليكي تكرهيني وتحسي ان الشخص ده ظالم..والمسكينة دي لازم حقها يجيلها..وكانت النتيجة ان انتي اللي وقعتي مش انا
– ولما حاولت تنتحر ؟؟؟
– لا ده كان علامات Fake
هزت رأسها بعدم تصديق:
-مش معقول كل ده كان تمثيل؟
حمزة بجمود:
-لا معقول..انا مش زيك..انا بعرف كويس اوي افرق وافصل بين مشاعري وهدفي..و زي ما انتي شايفة كده كسبت
رمقته بغيظ وهي تغادر الغرفة صافعة الباب خلفها بعنف
إياك أن تعتقد أنك ستجعلها تندم بعد انفصالكم !
لا تتخيل أنها لم تفكر ألف مرة في المغادرة ، ولا تظن أنها ستبقى معك لأنها بحاجة لوجودك.
امرأة قوية مثلها عندما يحين وقت المغادرة ، يمكنها القيام بذلك ببساطة دون تتأثر بأي شيء ..
____________________________
الرجل الحقيقي هو الذي لا يحلم بالنصر على امرأته ، هو الذي يرى خلف جسد الأنثى تلك الطفلة الباكية والخائفة التي تبحث عن الأمان.
في صباح اليوم التالي…
ذهبت خديجة إلى ايتن … فوجدت أمامها امرأة أخرى غير صديقتها التي تعرفها
فكانت عيناها حمراء منتفخة من البكاء، شعرها الناعم متناثر حولها بعشوائية…قبل أن تقل لها شيء احتضنتها بشدة وهي تحاول تهدئتها…
غزاها شعور مقرف بالغثيان .. وسارعت إلى الحمام لتفريغ ما كان في بطنها .. لم تعد تتحمل ذلك .. ما حدث لها فاق قدرتها .. وما أن ساعدتها صديقتها بغسل وجهها وتنظيف أسنانها…
حتى خرجت من الحمام معها.. وهي تقص عليها ما حدث بقهر…
لم تصدق خديجة أن صديقتها وقعت في الفخ معه بهذه الطريقة المخزية .. بدأ شعورها بالظلم ينخر في أحشائها.. فكانت سعيدة لأجلها…سعيدة لأن الله عوضها برجل مثل حمزة ..
خديجة بصدمة مما قصته ايتن عليها:
-انتي اكيد بتهزري يا ايتن صح؟؟ قولي ان انتي بتهزري…معقولة حمزة!! ازاي يعمل كده
زفرت ايتن بنفاذ صبر:
-ههزر في ايه يا خديجة…كل ده حصل
-مش مصدقة ان حمزة يعمل كده
هتفت ايتن بسخرية:
-لا عمل…ويعمل احقر من كده كمان
خديجة بفضول:
-طب وشذي؟ عملت ايه؟
ايتن بغيظ:
-الواطية دي بقي اختفت…وانا اللي كانت بتصعب عليا..لكن طلع البداية كلها منها…
-ازاي؟
-الحقيرة دي طلعت مخططة معاه كل حاجة من البداية…تخيلي هو اللي باعتهالي
خديجة بتوجس:
-طب انتي ناوية علي ايه؟
هتفت بنبرة شيطانية:
-هخليه يندم علي كل حاجة عملها فيا…هكسره واوجعه زي ما كسرني
هزت خديجة رأسها بعدم موافقتها علي تفكيرها، قائلة بعتاب:
-متزعليش مني يا ايتن…انا نصحتك وقولتلك لو هتحبيه بلاش..قولتيلي لا ده مش حب ده تبع اللعبة..والنتيجة أن اللعبة قلبت علي دماغك في الاخر..المهم انتي قررتي تعملي ايه
-مش هنتطلق
شهقت خديجة بذهول:
-نعم؟
– مؤقتاً يعني
قطعا ذاك الحديث بعد سماعها صوت فتح الباب..لتجد حمزة..سلم علي خديجة التي كانت ترمقه بغيظ .. وجلس معهم بعد أن سمحت له خديجة بمشاركتهم الحديث فهي إلى الآن لا تصدق ما فعله مع صديقتها..
هل من الممكن شخص مثله أن يتحول تماما !
– ينفع يا حمزة اللي انت عملتوا ده ؟؟
هي ايتن ذنبها ايه انك تعمل فيها كده
– خديجة…
– أنا حقيقي مش قادرة اصدق… ومش عارفة الاقي من اللي حصل لآيتن ولا من اخواتي
– حصل ايه تاني ؟
خديجة بغضب:
– يا ايتن…انا بجد تعبت من اخواتي…لدرجة اني بقيت بفكر اسيبلهم اسكندرية خالص
حمزة باستغراب:
-ليه كده؟
خديجة بحزن:
-يعني مثلا اختي الكبيرة..دي بتتعب كتير وأهل جوزها المتوفي بيشيلوا أيديهم خالص من مصاريف الدكاترة وبيتعبوا منها ومن مرضها..ومش بيصرفوا جنيه علي علاجها..وانا اللي بوديها وبصرف علي علاجها وهما بيرموها..رغم أن له اخوات ولاد و أبوه كمان عايش…
واخويا بيشم بودرة..ومشكلتي معاه انه صعبان عليا..نفسه يبطل ومش عارف وعلي طول بيقول متسيبينيش هضيع ويبعد شوية ويقاوم و بوديه لدكاترة ادمان ومصحة وعلاجات..وللأسف بيضعف ويرجع تاني ويقول مش قادر متسيبينيش عندي بنات هيضيعوا وطبعا ده ضيع كل فلوسه واترفد من شغله ومبيشتغلش..وانا اللي بساعده في مصاريف دروس عياله..
والتالتة جوزها شغله علي قده..بدفع فلوس مدارس ولبس واساعد في مصاريف البيت.. وغير كده حملها بيكون وحش اوي وجوزها ده بارد جدا وممكن يسيبها تموت ولا يوديها لدكتور..
المشكلة اني تعبت..وجسمانيا هلكت بمعني الكلمة..وشغلي بيتعطل بسببهم..مبقتش قادرة أروح واجي واشتغل زي الأول .. معظم فلوسي راحت عليهم.. ولا عارفة اجيب كل حاجات الجواز لأن مصممة اجيب حاجات بنفسي عشان حماتي اللي طول الوقت فاكرة اني بستغل ابنها او بخليه يصرف عليا وده مش بيحصل.. وفوق كل ده نفسيتي بقت زي الزفت ومبقتش قادرة استحمل..بقالي سنين شايلاهم ومحدش حاسس بيا..ولو سيبتهم هيضيعوا ولو قعدت في نفس الدايرة مبقتش قادرة استحمل ولا احل ولا أساعد..حاسة اني عايزة اللي يساعدني..حتي لما اتخطبت لهاني..فضلوا يقولولي انتي مالك زعلانة انك بتصرفي علينا ما انتي مخطوبة لواحد لو فضل يصرف عليكي طول عمره مش هيخلص فلوسه..
حمزة باتزان:
-بصي هقولك حاجة..حلو منك انك تساعدي اخواتك وتاخدي بالك منهم عشان انتي ظروفك افضل منهم..بس طول ما هما معتمدين عليكي مش هيعملوا حاجة خالص..مش هقولك تسيبيهم خالص..بس علي الأقل تساعديهم لما يتنزقوا ماشي..لكن مش اساس الحياة..لأن كل واحد شاف حياته واختار لازم يتحملوا النتيجة ويعافروا في الحياة…اخوكي المدمن ده لازم يفوق لنفسه ومتصرفيش عليه تاني..وديه مصحة وخلاص علي كده..واختك جوزها طالما نطع مش راجل ومش واقف مع مراته..تسيبه وتطلق ولا تاخد منه موقف حتى..لأن طول ما انتي شايلة هايحملوا بزيادة عليكي..اختك اللي أهل جوزها رامينها دي ممكن تساعديها في علاجها..و اخوكي واختك التانية..اقعدي معاهم وقوليلهم انا هصرف على اختكم دي بس ومش هقدر اساعد اكتر من اني اوديك انت للمصحة..اتعالج كان بها ما اتعالجش يبقى منه لنفسه لمراته وبناته..لكن انتي مش هتعالجيه وتجري وراه تاني..انا عارف انه صعب عليكي..بس انتي عمرك هيضيع علي حياة غيرك
خديجة باقناع:
-عندك حق يا حمزة…انا فعلا لازم اخد موقف
– ياريتها جت على قد كده وبس…دع فضحني قدام حماتي…راح اخد فلوس من هاني!!
– ازاي يعمل كده !!
– عشان انا اخر مرة شديت عليه في الفلوس لجأ لهاني ومعرفش حماتي عرفت ازاي منه
– بس مش معقول هاني يقولها هو مش كده خالص
__________________
نحن نبقى مع أولئك الذين يجعلون الحياة أبسط وأكثر سعادة، مع أولئك الذين لا نحتاج إلى بذل الكثير من الجهد معهم لننال إعجابهم ، الذين يحبوننا بصدق وبدون أسباب.. الذين يتقبلونا كما نحن .. هم الوحيدون الذين يستحقون البقاء معهم.
في شقة منة…
تشبثت منة بجاكيت سيف بعناد ، ولم تكن تريد أن تتركه يذهب:
– يا سيف ماتسيبنيش وتمشي كده…
وقف عمر شقيقها بينهم قائلا بتحذير :
– لا يا منة … ادخلي بقى…هروح اقول لماما انك عايزة تروحي مع سيف
ليركض نحو أمه يبلغها بتصرف شقيقته … صاحت منة باندفاع:
– خد يا واد انت…يخرب عقلك
أمسكته من تلابيبه قائلة:
– عايزة اروح معاك والله
ابتسم سيف برقة محاولا تهدئتها:
– ياريت والله يا حبيبي .. مش بشبع منك أصلا…ولا بلحق اقعد معاكي…
قلبت شفتها السفلى بضيق:
-عمر اخويا السبب كل شوية يسألني في اختبارات تافهة
اقترب عمر وهو يجر والدته خلفه ليشير إلى شقيقته قائلا :
– يا ماما …تعالي شوفي منة ماسكة في هدوم خطيبها ومش عايزاه يمشي
اتسعت عينا امها بتحذير:
– عيب كده يا منة وبعدين…
تركته منة بخجل :
– يا ماما مالحقش يقعد والله
نظر سيف في ساعته قائلا بنبرة ساخرة:
– مالحقتش ايه يا منة بس…ده انا كنت جاي معزوم على غدا…وبقى غدا وعشا….
قاطعته قائلا بتبرير :
– أيوة بس نسيت تحلي بعد العشا…
ابتسم لها سيف قائلا:
– ما انا اكلت يا حبيبتي التحلية بعد الغدا … خلاص بقى يا منة… هجيلك تاني وهنخرج كتير متقلقيش
– خليك طيب شوية صغيرين حتى…
– معلش يا حبيبتي … هشوفك تاني متقلقيش
برقت عينا عمر بغيظ:
– مش كفاية بتكلميه طول الوقت وهيتجوزك وياخدك مننا
– على أساس انك مهنيني على القعدة معاه
هتف عمر بغيرة على شقيقته :
– خليه ينفعك
____________________
اصبحت ايتن بحالة افضل…خبأت جراحها جيداً وظهرت بأفضل شكل لها…حتى الدموع اليوم لا تبكي مثل اليومين الماضيين.. فهي بكت اول يومين فقط
أخبرها حمزة أنه مسافر لمدة ثلاث أيام إلى القاهرة لعمل ما..
في شركة بالقاهرة …
حمزة بمكر:
-تمام…نفذ اللي اتفقنا عليه
الرجل باستغراب:
-ازاي يا باشا..ده ابن عمك؟
حمزة بعصبية:
-نفذ وخلاص
-حاضر…اعتبر أن شركته اتفضحت..بس حضرتك مينفعش تنصحه مثلا يمكن يصلح كل حاجة ويرجع
-نصحت…بس اللي زي حسن عمره ما يقبل نصايح..حسن عايز فلوس..فلوسه تزيد وخلاص
___________________
دلف مهاب إلى العمارة التي تسكن بها ايتن فهو هرب من الرقابة التي عليه اليوم…فيجب أن يتخلص منها أو يمسك عليها شيء ما يهددها به … هي الوحيدة التي هربت منه وهي معها سره وتسببت بأن تصبح العين عليه أكثر
ليوقفه حارس الأمن، قائلا بتساؤل:
-حضرتك طالع لمين؟؟
مهاب بثبات:
-لأصحابي زياد وسمير
هز رجل الأمن الثاني رأسه سامحا له بالدخول:
-تمام..اتفضل
بعد مرور 10 دقائق، هتف الرجل الأول فجأة :
-فيه حاجة غريبة
-ايه هي؟
الرجل بتفكير:
-الساعة 12..يعني غريبة يجيلهم دلوقتي..
-يا عم عادي
الرجل بشك:
-لالا انا حاسس في حاجة…هتصل عليهم اسألهم طيب
وبالفعل قام بمهاتفة الساكن:
-انا اسف يا استاذ سمير..بس هو حضرتك يعني في حد جالكم دلوقتي..ازاي ده قالي انه طالع عندكم..ماشي..اسف علي الازعاج…سلام
____________
اتصل عليها حمزة ليسألها عن شيء ما..فسمعت صوت جرس الباب..نهضت ايتن عن الأريكة وذهبت لفتح الباب، نظرت من العين السحرية فلم ترى شيء أمامها..
– مفيش حد بره…
– ممكن بتاع السوبر ماركت اللي كلمته يجيبلك الطلبات اللي محتاجاها بس مش عارف اتأخر كل ده ازاي…انا قولتله يسيبلك الاوردر من بره بس ويمشي
قامت بفتح الباب، قطعت جملتها حينما الجمتها الصدمة عندما رأت الواقف أمامها “مهاب”…
-نعم؟
اشار علي فمها بالصمت…وأمسك بيده مسدس، واليد الأخرى أشار بورقة صغيرة مكتوب عليها شيء..
حمزة باستغراب:
– لقيتي حد على الباب..ايتن..انتي معايا؟
ايتن بتوتر:
-ده..بتاع السوبر ماركت..
حمزة بحزم:
-ايه وقفه ده…مشيه..عشان انا مش موجود…وانا هبعتله حسابه من عندي
هزت رأسها بقلق:
-اكيد هعمل كده
________
سمعت طرقات علي الباب لينهض مهاب يري من العين السحرية..رجل الأمن…فيقول بتهديد:
-عارفة لو نطقتي وقولتي حاجة!
هزت رأسها بتفهم لتفتح له ، قائلة بحزم:
-نعم ؟
الرجل بتلعثم:
-مدام ايتن…هو فيه شاب جه عند حضرتك من 10 دقايق كده
ايتن بعصبية:
-انت اتجننت ولا ايه؟ راجل مين ده اللي هيبقي عندي وجوزي مش هنا
-انا اسف حضرتك…بس
صاحت بغضب:
-اتفضل مع السلامة
ثم اغلقت الباب خلفه بعنف..
____________
نظرت له ايتن بخوف ظاهر…فقد لمحت نظرته الشيطانية التي رأتها من قبل..تراجعت للخلف تلقائيا..خوفا من ان تتمد اياديه وتصلها..
أما هو فقد تخطي الخطوات الفاصلة بينهما بسرعة..امسك كفها بقوة وجذبها بشدة ناحيته..ثم ألقاها علي الأريكة بعنف…صرخت برعب..لم تتوسل له كما فعلت من قبل.
ايتن بتهديد:
-ابعد عني يا حقير…إبعد
كبل يديها..ثم صرخت مرة أخرى وهي تستنجد بأي شخص .. ليحاول شق ملابسها…
وقبل أن يقوم بشق كنزتها…ركلته بعنف في معدته…ليرتخي جسده على الارض…لتأخذ قطعة معدنية ديكور…لكزته بعنف على ظهره بها..وأخذت سلاحه الملقي بجانبه تهدده به.. ليبتعد عنها..قبل ان تتهور
-خلاص…اهدي..مش هقرب منك
ايتن بعصبية:
-اطلع برة يا واطي
زفر مهاب بضيق، قائلا :
-اطلع ازاي دلوقتي؟ والراجل الزفت بتاع الأمن تحت..وشاكك فيا
ضحكت ايتن بسخرية :
-ها..اوعي تكون فاكر اني هسيبك تقعد هنا عندي كمان
مهاب بمكر:
-هتسيبيني يا ايتن…علي الأقل لحد الصبح…حتى ممكن تقفلي عليا بالمفتاح..لأن لو خرجت هضطر اقول اني كنت عندك..وشوفي بقي هيقولوا عنك ايه…ما انا واطي واعملها
ايتن بتفكير وهي تشير علي غرفة المعيشة:
-ادخل الاوضة اللي هنا دي..
_______________
كان يؤمن بأن الحب ليس سوى خيال يتواجد فقط في الروايات ، لكن عندما رأى عينيها أصبح مؤمن بكل الخيال !
في الساعة الثانية والنصف صباحاً ، كان سيف يقف أمام عمارة منزل منة ، متكئًا على سيارته ، اتصل بها همست قائلة:
– وحشتني أوي
– أنا لسه سايبك من كام ساعة بس !
– ما أنت مشيت بسرعة وكنت عايزاك تقعد معايا وقت أطول
– ممكن تبصي من البلكونة كده…
– لا بتهزر … انت تحت
هز كتفيه قائلا:
– افتحي واتأكدي
فتحت الشرفة خاصتها، لتطل منها فوجدته بالاسفل بحق..ابتسمت مندهشة قائلة :
– تعالى خدني
أجابها وبريق الحب في عينيه:
– قريب يا قلبي
سألته بزهق:
– قد ايه يعني ؟
قهقه سيف ضاحكاً:
– في ايه يا منة؟؟
ليردف قائلا بابتسامة:
– أنتِ عاوزة قد ايه ؟
ردت منة بخجل:
– دلوقتي
-ياريت والله يا حبيبي..بس لسه الشقة ماخلصتش.. هنقعد على الارض كده
زفرت قائلة بضيق:
-طيب خلصها
رفع حاجبه بدهشة :
-طب وأنا بعمل إيه؟
– بتشتغل يا باشا مصر…مشغول مع المجرمين بتوعك
ضحك قائلاً:
-خلاص هسيب شغلي واروح أشطب الشقة معاهم..
ليردف بارهاق:
-والله هقفل معاكي ورايح اجيب حاجات للشقة.. المهندس جاي بكرة الصبح…هيوريني شوية حاجات…هروح أقابله قبل ما انزل شغلي
ابتسمت قائلة بنعومة :
-ربنا يقويك يا حبيبي
– يا رب يا حبيبتي ويتمملنا على خير كده
– بس تعبت نفسك وجيت…انا فرحانة أوي..
همس بصوت أجش:
– وحشتيني … وماقدرتش امنع نفسي اني اجيلك تاني…وحسيت المكالمة لوحدها مش كفاية .. قولت اكلمك وانا شايفك من بعيد.
خفق قلبها بعنف بسبب نغمته المغرية ، فأجابت بصوت خافت:
– طب ما تطلع..
– اطلع ايه يا منة يا حبيبتي … استهدي بالله كده الناس نامت…
وتابع بنبرة جادة:
– وأنتِ كمان تقفلي معايا وتدخلي تنامي…
دخلت غرفتها وهي تشعر بالسعادة…
كن واثقاً بأن من يحبك يبحث عنك في يومه الصعب أكثر من أي يوم آخر ، ويشاركك أفراحه واحزانه ، يعود إليك مثل الذي يعود من غربته ، يخاف أن يمسك سوء
فالعلاقات الناجحة…بالافعال لا بالتجاهل والاستغناء واللامبالاة.
_______________
في الصباح…فتحت ايتن الباب لمهاب لتتركه يخرج..
نزل مهاب من المصعد وكأنه لم يستمع إلى كلام ايتن من الخروج بالناحية الأخرى..ليراه رجل الأمن..فأمسكه هو و زميله
الرجل وهو يلكمه في وجهه، قائلا بحدة:
-بتضحك علينا يلا..فاكر مش هنفتكرك…كنت عند مين انطق
زفر مهاب بهدوء:
-بس بس..من غير ضرب ولا حاجة..كنت بايت عند ايتن مرات حمزة العقاد
صاح الرجل الثاني بغضب:
-انت كداب..مدام ايتن محترمة جدا
ضحك مهاب بخبث:
-تحب أقولك كانت لابسة ايه؟ او اوصفلك شقتها عاملة ازاي؟
________
بعد مرور يومان…عاد حمزة إلى اسكندرية..وبمجرد دخوله إلى العمارة..اقترب منه رجلين الأمن مرحبين بعودته…ثم هتف أحدهم مستئذنا:
-لو سمحت يا حمزة باشا
حمزة بانتباه:
-نعم يا مؤمن في حاجة ولا ايه؟
نظر مؤمن إلى زميله بتردد:
-ااه حضرتك فيه حاجة حصلت كده..ولازم حضرتك تعرفها
رفع حمزة حاجبه باستفهام:
-حاجة ايه مش فاهم؟
-مرات حضرتك كان عندها راجل في البيت امبارح وبايت عندها
امسكه حمزة من ياقة قميصه بعنف قائلا بعصبية :
-انت اتجننت ولا ايه يا روح امك..مراتي ايه اللي كان عندها راجل
الرجل بانفاس لاهثة:
-حضرتك..اسمعني بس الأول..شوف الفيديو بتاع اعترافه طيب
حمزة بغضب شديد:
-فيديو ايه يا بني ادم انت……
حاول الرجل الثاني بإبعاد حمزة عن زميله الذي كاد أن يختنق..قائلا بسرعة وهو يفتح هاتفه ليرى حمزة فيديو باعتراف مهاب..ليترك الرجل أخيرا…
يتبع….
– تفتكروا حمزة هيكون رد فعله ايه ؟ هيصدق ولا لأ؟
__________
مستنية رأيكم وتوقعاتكم…ودعمكم للرواية بلايك وكومنت ????
لو وصلتوا البارت ده لـ 500 لايك هنزل بارت هدية اضافي قبل ميعادنا يوم السبت
“طبعا اسهل حاجة ايتن تعملها كانت تكلم اخوها وتبلغ عن مهاب الشرطة خصوصا أن كان معاها مسدسه
بس هتعرفوا ليه معملتش كده البارت الجاي ????”
الناس اللي بتسألني الرواية كام فصل…
بصوا انا مش بطول اوي متقلقوش… هي قربت تخلص
يعني احتمال اخلصها على 35 او 36 بارت…حسب لو جه في بالي افكار أو احداث مهمة زيادة
يعني باقي حوالي 4 فصول كده تقريبا وخاتمةالفصل الثالث والثلاثون
-عارف….
هتف بها حمزة بقوة مما رأى..لكنه قالها بكل ثقة..
نظر الرجلين إلى بعضهم بدهشة:
-نعم؟
صاح بغضب :
-ده واحد كان عايز يخطفها..وهي فهمتني كل حاجة
ليردف بهم باندفاع :
– وبعدين ازاي مراتي تكون معرضة لخطر ومحدش منكم يحاول يساعدها !
ازاي ؟؟؟
الرجل معتذرا:
-انا اسف بس والله ده اللي حصل..وغصب عني يعني شكيت فيها لان كلام الراجل ده كان كده…وانا معرفش أنه كان في حد بيهددها…مرات حضرتك محترمة جدا وعشان كده مسكتش للراجل ده في الاول لكن هو كده ضحك علينا واضطريت اسيبه
رمقه حمزة بنظرات تهديد:
-اللي حصل ده لو اتكرر تاني هيبقى اخر يوم ليك في الشغل… و وقتها هبلغ إدارة الكومباوند باللي حصل..فاهم
الرجل بخوف:
-فاهم…يا فندم انا اسف
_________
دلف حمزة إلى شقته..ثم وجدها جالسة في غرفة المعيشة..ليجدها جالسة شاردة تشاهد التلفاز..فقال بتوجس:
-هو فيه حد جه البيت وانا مش موجود؟
افاقت إيتن من شرودها بالتلفاز لتغلقه بجهاز التحكم..رمشت عينها عدة مرات ، فوجدت حمزة واقفاً بجانبها ، ينظر إليها دون تعبير على وجهه.. قالت بالنفي:
-لا مفيش
رفع حاجبه باستغراب:
-خالص؟
ايتن بتفكير:
– الديلفري بتاع السوبر ماركت بس بالليل من يومين..
-متأكدة؟
سألت بصوت مرتجف:
-هو..هو في ايه؟ مالك بتحقق معايا كده
-اسألي نفسك
ابتلعت ايتن ريقها بتوتر واضح:
-مفيش حد جه قولتلك
حمزة بنبرة ساخطة:
-اصل انا اتصلت عليه عشان يجي تاني وقالي انه نسي يجيب الاوردر يومها…عايز اعرف مين كان هنا ؟
ايتن ببرود :
-مفيش حد قولتلك
تخلى حمزة عن ثباته ثم أمسكها من شعرها بعنف قائلاً بشراسة وهو يفتح هاتفه أمامها:
-وحياة امك…بتضحكي عليا..والفيديو ده ايه؟؟
لم تشعر بالذهول لما فعله مهاب فهي كانت تتوقع أن هذا ما سيحدث من شخص حقير مثله..تأوهت ايتن بشدة ثم قالت بصوت متحشرج:
-سيبني…انت مالك اصلا…اوعي تكون فاكر نفسك لسه جوزي بجد عشان تتشطر عليا..وتحقق معايا..
شد حمزة قبضته على شعرها وقال من بين أسنانه بزمجرة غضب:
-مهاب عملك حاجة؟ ما تنطقي ساكتة ليه؟؟؟
وضعت آيتن يدها على قبضته وحاولت أن افلات شعرها من بين يده .. قائلة بصوت متألم ولكن حاد:
-مش هقولك يا حمزة…مش هقولك غير بمزاجي
شد شعره إلى الوراء بعنف وقال بغضب:
-مش وقته عناد دلوقتي…انطقي الزفت ده عملك حاجة؟
هتفت ايتن ببرود:
-فيه راجل هيقعد مع واحدة في بيتها لحد الصبح..من غير ما يعمل حاجة برضو…بس متقلقش ما اغتصبنيش ولا حاجة…عمل كده بمزاجي
ابتعد حمزة عنها بذهول…ظل ينظر إليها يحاول أن يستكشف عدم صدق كلامها..قائلا بنفي:
-لالا..انتي مستحيل تعملي كده
ضحكت ايتن باستمتاع :
-ليه ما اعملش كده؟ مش قولتلك قبل كده اني هعاقبك…وهردلك اللي عملته فيا…حبيت اوجعك زي ما وجعتني
امسك بذراعيها ليمنعها من إكمال ما تقوله..وهزها بقسوة قائلا بغضب:
-انتي بتكدبي…اكيد بتكدبي..
ليتركها وهو يخبط كفيه ببعضهما ويصرخ بجنون :
– انتي ماتعمليش كده يا ايتن… انا واثق فيكي متعمليش كده
عقدت ذراعيها أمام صدرها وهمست :
– لا عملت واعمل أحقر من كده كمان ، مقابل اني اشوفك مكسور موجوع زي دلوقتي كده..اصل انا مبسيبش حقي
صرخ بإنفعال وهو يشعر أن رأسه تغلي من الانفجار لا يصدق ما قالته بالتأكيد هناك شيء ما خطأ :
– اشمعنا سيبتيه لمهاب زمان؟؟؟
ليجلس بعدها على المقعد و الصداع ينتشر برأسه… هي تكذب عليه أليس كذلك؟؟
شعر بالغليان يزداد برأسه وعقله مشوش يحاول أن يستوعب ما يحدث…بحق الله هي ما تزال زوجته… هو يعرفها…حتى لو حدث بينهم أي خلاف… مستحيل ان تفعل به هذا الشيء البشع…
لتقترب صارخة مثله :
– لو كنت اقدر وقتها كنت انتقمت منه كان لازم انقذ نفسي… لكن انت !! أنت وجعتني….كسرت قلبي….ده انا حكيت لك على اللي خذلوني و وجعوني وانت دوست عليا بكل سهولة
لو نطقت وهي تنفي هذا الهراء سيصدقها … يقسم أنه سيصدقها…
اقترب يقبض على مرفقيها بقسوة ويهزها قائلا:
– ايتن انا بسألك وانا ماسك نفسي بالعافية أنتِ بتقولي أي كلام عشان تنتقمي مني صح ؟؟؟ اصل انتي عمرك ما تعملي كده…بتكدبي عليا صح…
رمقته ايتن بنظرات نارية ثم حدقت بالسقف قائلة بسخرية:
-هكدب في حاجة زي كده ازاي؟ انا مابكدبش… ولا تحب أحكيلك اللي عمله معايا بالظبط؟
ألقت ايتن جملتها هذه لتتحول عيني حمزة لظلام مشتعل بشر ونيران وامتدت كفيه ليحتجز وجهها بينهما بقسوة جعلتها تجفل وهو يهمس :
– عارفة أن عمري في حياتي ما مديت ايدي على واحدة , بس انتي حالا هتخليني اعملها
هوت كفه على وجنتها بصفعة قوية جعلتها تسقط أرضا..اتسعت عيناها رعبا من منظره الهمجي..لتنهض سريعا..قالت بشموخ رغم ألمها:
– فاكر أن هي دي الرجولة صح ؟
حاولت ايتن الركض فأمسك يدها بقوة والقاها علي الأريكة بقسوة بالغة وقال بصوت هادر قد أسري الرعب في داخلها وقبل أن تستطيع النهوض أو حتي الرد حتي جحظت عيناها من الصدمة وقال بصوت مرتعب:
-والـ*** ده بقى هو اللي راجل…ده واحد مغيرين أعداداته اصلا !
– تصدق اكتشفت أنه راجل
جذبها مرة أخرى من يديها دافعاً إياها لتسقط على الأريكة بعنف … رمقها بنظرة شيطانية، وفك الحزام الجلدي من بنطاله ولفه حول يده .. صرخت عندما رأته يبدأ أول ضربة قاسية على جسدها .. صرخت من الألم … لم تستطع تحمل ما فعله …. يا إلهي لا تريد تكرار الماضي…وامسكت قبضته بإحكام..وهي تحاول التملص منه، قائلة بانهيار:
-لا بلاش يا حمزة….لا لا…بلاش عشان البيبي
امسك فكها بقسوة وهو يقول :
-ايه هو انا لسه عملت حاجة… اتوجعتي من أول ضربة !
انهارت دموعها بشدة تحاول ترجيه او حتي تشرح له حقيقة الموقف… ولكنه لم يستمع حمزة إلى توسلاتها ، لكنه قرر تكثيف عنفه معها ، ليرفع الحزام لأعلى وهو يحكمه جيداً حول قبضته، صرخت بشدة وهي تمسك قبضته بتوسل تحاول إفلات ما بيده قائلة بانهيار:
-لا.. لا…انا بكدب والله بكدب…بلاش تضربني بيه…انا خايفة
امسك فكها بقسوة بالغة، قائلا بنبرة ساخرة :
– فاكرة اني هصدقك دلوقتي صح ؟؟؟
همست بألم وهي تخرج ورقة مطوية من جيب ملابسها وهي تناوله إياها:
-والله ما عملت كده…مهاب فضل قاعد في الـ Living Room هنا وقفلت بالمفتاح عليه…افتح الورقة دي و اقرأ مكتوب فيها ايه … حتى هوريك المسدس بتاعه…اخدته منه لما حاول يتهجم عليا
انتبه حمزة لكلامها قائلا بشك:
– ولما كان معاكي المسدس بتاعه مطلبتيش الأمن ليه ؟؟؟ ما اتصلتيش ليه بيا كنت هتصرف
همست قائلة :
– افتح الورقة… اقرأ مكتوب فيها ايه يا حمزة !!
ليفتح تلك الورقة ليرى محتواها “أمك في خطر لو اتكلمتي، في مجرم واقف قدام شقتها”
ردت عليه بتبرير :
– اتصل بسيف….اتصل بيه وهو هيقولك أنه جاب اتنين يحرسوا ماما قدام شقتها بعد ما المجرم اللي كان جايبه ده واقف هناك…كنت مرعوبة …مرعوبة يعمل حاجة فيها قبل ما سيف يحميها…ويقبض على المجرم ده
-واللي حكيتيه ده ايه؟
هزت رأسها بنفي :
-عملت كده عشان اضايقك والله عشان اضايقك..
حمزة بتوجس:
-فين المسدس؟
ركضت بسرعة لتجلب له المسدس…وشرحت له ما حدث بالضبط..
________________
في اتيليه خديجة…
رمقته خديجة خطيبها بحزن وهي تعاتبه عندما أتى إليها بعد محاولاتها بالتهرب منه بعد ما حدث أمام والدته
هتف هاني بصدق:
– صدقيني يا خديجة والله امي شافت اخوكي وهو بياخد الفلوس مني وهو اللي قال إن أنا بروح معاكي عند اختك نساعدها…لكن اقسم بالله ما حصل ولا عمري اروح اتكلم قدام امي في حاجة زي كده
صاحت خديجة بحدة:
-انت ليه ما قولتليش يا هاني…ليه ماقولتش ان اخويا جالك وطلب منك فلوس…وانت عارف اني رفضت اديهم حاجة خصوصا الفترة دي
هاني بتلعثم:
-عادي يا ديچا…صعب عليا..و بعدين يا حبيبتي احنا واحد يعني مفيش حاجة
ضربت علي المكتب بعنف بكفها:
-لا مش واحد…احنا مش واحد
رمقها هاني بعتاب:
-والله؟ انتي شايفة كده
خلعت خاتمها ودبلة خطوبتها، لتعطيه اياه بقسوة:
-اه يا هاني..اتفضل
-ايه ده يا خديجة؟؟
خديجة بنبرة باكية:
-انا اسفة يا هاني بس مش هقدر اكمل معاك بعد اللي حصل ده…مش هقدر ابص في وش مامتك بعد أخويا خذلني قدامها
رفض ان يأخذ منها اي شيء، قائلا بحدة:
-وانا مش هسيبك..انتي اكيد بتهزري صح؟ خديجة انا معملتش حاجة غلط..اخوكي كان عايز فلوس لمصاريف عياله للدروس و..
هزت رأسها بعنف:
-كداااب..اخويا كداب يا هاني…اخد منك فلوس عشان يشم بيهم بودرة..وانا مش هقدر اكمل معاك بعد ما اخويا كسرني قدامك..مش هقدر…
صاح هاني بصوت عال:
-ما عاش اللى يكسرك…طول ما انا عايش…خديجة انا مش هسيبك والهبل اللي قولتيه ده ولا كأني سمعته…فاهمة…
همست بصوت متحشرج:
– وأنا مش هقدر…والله ما هقدر…غصب عني…ارجوك يا هاني خلينا نسيب بعض دلوقتي بدل ما يبقى فيه بينا ذكرى وحشة بسبب اخواتي…
– انا هسيبك يا خديجة … هسيبك تهدي كده لكن مش هبعد عنك ولا هفركش خطوبتنا
_____________________________
بعد مرور عدة أيام…
فتح عينيه صباحاً عندما استيقظ، دلف إلى غرفة ايتن فلم يجدها فهي بعد مشاجرتهم منذ عدة ايام خرجت لتقابل صديقتها وتطمئن على امها وتركته طوال اليوم بسبب ما حدث بينهم وعندما عادت دلفت إلى غرفتها ولم تتحدث معه ابدا.. أحيانا يستغرب برودها معه وصمتها هي إلى الآن لم تتركه … ولكنها انتقمت منه بذلك الانتقام السخيف الذي خرج بسببه عن شعوره ولأول مرة يمد يده على امرأة…
سمع صوت باب المنزل الذي اصابته الضربات بسرعة.. فتح الباب ليتفاجأ بوجود شرطي أمام شقته قائلا بسؤال:
-انت حمزة العقاد؟
رفع حمزة حاجبيه باستغراب متسائلا :
-ايوة انا خير؟؟ في حاجة!
نظر إليه الشرطي بنظرة فاترة هو وزميله قائلا :
– حضرتك لازم تيجي معانا
صاح حمزة باستنكار شرس:
-انتوا عايزين مني ايه؟ ممكن افهم… و اروح معاكم ليه ؟؟
ألقى عليه الرجل نظرة فاحصة بالكره ، ليقول بنبرة حادة:
-انت مقبوض عليك بتهمة الاعتداء بالضرب على مراتك
طأر الدم وجهه فلم يعد يسمع شيئًا ولا يستوعب ما حدث .. لوى فمه بابتسامة ساخرة ممزوجة بالألم .. وكأنها طعنته في قلبه .. لعبت تلك اللعبة واستفزته حتى وصلت إلى هدفها..
الأنثى عندما تضع الانتقام في اعتبارها…يصمت الشيطان احتراما لها..يتعلم منها..ثم يرفع لها القبعة دليلا علي ذكائها..
وبالأخص لو كانت أنثى بتفكير “آيتن”
___________
فلاش باك…. منذ عدة أيام
في مكتب احد اكبر المحاميين بالاسكندرية…بعد أن ذهبت إلى امها واطمئنت عليها وحاولت أن تخفي بملابسها ما حدث..
دلفت ايتن بهدوء بعد أن أخذت العنوان من صديقتها وئام فهي سبق وتدربت معه في بداية عملها بالمحاماة، ثم جلست امام مدير المكتب تجلس معه محامية صغيرة بالسن
سألتها المحامية باستفسار:
-ممكن حضرتك تقوليلي المشكلة بالظبط
همست ايتن بتأثر:
– جوزي بيمد أيده عليا … عصبي جدا جدا
عقد المحامي حاجبيه بتأثر:
– أنا مش فاهم ليه بعد العقوبات الشديدة دي ولسه في رجالة بيمدوا أيديهم على زوجاتهم…ايه مش بيخافوا !
ايتن بحزن:
-أنا مبقتش قادرة استحمل…تعبت حقيقي
المحامية وهي تدون في المذكرة، قائلة بتفكير:
-يمكن متجوزين جديد ولسه بتعرفوا بعض ؟
طب هو كان كده من الأول ؟
ايتن بنفي:
-لا مش دي المشكلة ..ده حتى كان رومانسي اوي بس هو فجأة بيتعصب و بيتحول لشخص تاني أنا معرفوش .. انا عايزة اتطلق منه طبعا لكن مش بسهولة..مش قبل ما اخد حقي منه..وخصوصا اني حامل..
ابتسم المحامي بخبث:
-اه تمام…هاجر
هاجر بانتباه:
-نعم يا فندم
المحامي بأمر:
-انتي تاخدي بيانات جوزها وتعملي بلاغ بالبيانات اللي هكتبهالك دي
– حاضر
ثم تابع اوامره لهاجر:
– ومحتاجين نعمل شوية تقارير بإصابات بالغة…غير اللي ظاهرة على المدام…
قاطعته ايتن:
– طب كويس لأن الإصابات اللي عندي متستحقش..دي حاجات خفيفة كده…هو ماضربنيش ضرب قوي يعني المرة دي..
اومأ رأسه بتفهم:
-فاهم يا مدام…متقلقيش..ده تبعنا…
-لكن الكدمة اللي ظاهرة دي علي وشك واللي علي ايدك هتنفعنا برضو
ثم تابع وهو ينظر إلى هاجر:
-اتوصي بالراجل الهمجي ده…ومتقلقيش يا مدام ايتن…سيبي الموضوع ده علينا بسرعة جدا هنخلصه…جوز حضرتك هياخد مش اقل من 3 سنين سجن
_______
كانت ترتجف في قسم الشرطة تجلس أمامه عينيها بعينيه بكل جحود.. لم يفارق خياله ملامحها .. بحق الله لقد كانت تذرف دموع التماسيح وتكذب !!
ضرب حمزة رأسه بمقابض الزنزانة بتهور وحرقة .. لماذا خانته بهذه الطريقة القاسية .. ولكن هذا نتيجة ما فعلته بها .. لكل فعل رد فعل .. هو يستحق ما حدث له أليس كذلك؟؟؟
لا لا ليس بهذه الطريقة البشعة … يا الهي هو لم يفعل بها كذلك
حتى سيف عامله بقسوة كأنه كان يعاقبه على ما فعله بأخته دون أن يسمع منه ما فعلته أخته منذ البداية..
ارسل سيف إليه بطلب أخذه إلى مكتب بالقسم…وما أن دلف إليه … ونظر إليه سيف كان مظهر حمزة بشعره الفوضوي المتناثر على جبينه… وملامح وجهه الحزينة .. شعر بأن هناك شيء ما خطأ ولكن لا… فهو ضرب شقيقته… وكادت أن تفقد جنينها بسببه..ولكن تم إنقاذها…كل هذا حدث وهو لم يعرف
ليرفع وجه ايتن إليه وهو يرى اثار احمرار على ذراعيها و وجهها…من طريقة إمساك حمزة بها و صفعته بيده والحزام لينظر إلى حمزة وهو يسأله بصدمة :
– أنت ازاي عملت فيها كده؟؟؟
نظر له حمزة بضعف فهو لا يزال لا يصدق ما فعلته به ايتن و اللعبة المؤلمة التي كانت تختبر أعصابه بها لتنتقم منه… تركه و ابتعد عنه..ليسأله سيف مرة أخرى بتوجس فوقف حمزة مكانه و اومأ برأسه بقوة
– ازاي تضربها يا بني ادم !
صاح سيف بعنف ودون تردد كان ينقض على حمزة ليطرحه أرضاً بينما تعالت صيحات ايتن المذعورة التي اقتربت منهم.. ولكن سيف وحمزة لم يتوقفا..وسرعان ما كان سيف يدفعه نحو الجدار بغضب… دلف رجل شرطي وهو يحاول تخليصهم من بعض بسبب محاولات ايتن التي لم يستمع إليها سيف.. بينما سيف يكيل لحمزة اللكمات الغاضبة بينما حمزة يحاول تهدئته والدفاع عن نفسه بلا فائدة..
حاول الشرطي أخيرا تخليصهم من بعض، بينما صرخت ايتن مندفعة وهي تقف أمام سيف لتوقفه هي قائلة بصياح :
– كفاية يا سيف …. كفاية
صرخ سيف بجنون :
– هو فاكر مالكيش حد يقف له عشان اتقدملك وانا مش معاكي ؟؟ ده لو فكر يمس شعرة منك ادفنه مكانه واهو عملها …
هتف الشرطي قائلا:
– لو سمحت يا سيف باشا … اللي حضرتك بتعمله ده غلط…. بلاش يا باشا
صرخ سيف بغضب :
– ضرب اختي…
– سيف باشا … معلش انتوا نسايب…حضرتك مكنتش كده
ليضيف بنبرة حادة:
– مش قبل ما اخد حقها … و يتربى… عشان ميفكرش يعمل كده تاني
– ياخد جزائه بالقانون حضرتك
– طيب اطلع انت دلوقتي عشان هتكلم معاه في أمور شخصية….
سأله الرجل بتوجس:
– هتعمل فيه حاجة؟…
– مش هعمل حاجة تاني..هستأذنك تطلع بس
– تمام
همس حمزة بنبرة ساخرة بعد خروج الرجل وهو ينهض ساندا ظهره إلى الجدار قائلا:
– طب ما تسألها ضربتها ليه !
ليردف بنبرة مخنوقة :
-اسألها استفزتني وقالت ليه…
رفع سيف وجهها إليه قائلا:
– قولتيله ايه يا ايتن؟
همست بشحوب :
– اسأله هو غدر بيا ازاي و خاني !!
اتسعت عينا سيف بينما هي تجهش ببكاء حار قائلة بحرقة :
– ضحك عليا … اتجوزني عشان ينتقم مني لخالو…اتجوزني عشان يوصل لحقه من اللي ظلموه
اتجوزني عشان يكسر قلبي يا سيف
قاطعها حمزة بنبرة ساخطة:
– لا وأنتِ الصادقة اتجوزتيني عشان واقعة في حبي
هتف سيف بذهول :
– أنا مش فاهم حاجة؟؟؟
لم يجيبه أحد منهم، فتركهم يكملوا حديثهم المؤلم..
اقتربت ايتن من زوجها وهي تلكزه على صدره بجنون :
– بس ماروحتش كسرت قلبك…ماوجعتكش…ماروحتش مثلت عليك الحب…انا لما حبيتك قولتلك بكل صدق ومكنتش هغدر بيك…ولا حتى عشمتك اني هوفي بوعدي وأنا همشي… أنت خذلتني…
لتردف بنبرة مخنوقة:
-ليه كل حاجة كانت تمثيل يا حمزة… انت كمان بقيت زيهم…لا أنت بقيت اسوء منهم…
لما انت مابتعرفش تحب علقتني بيك ليه؟
مثلت عليا الحب ليه؟؟؟
صرخ بها بانفعال غير مصدق :
– وأنتِ بتحبسيني يا ايتن ؟؟ عايزة تسجني جوزك ؟؟
وصلت بيكي القسوة والانتقام تعملي فيا كده ؟؟
زاد نشيجها لتفيض دموعها بحرقة:
– زي ما أنت كنت عايز توصل لحاجة معينة لمصلحتك وخلاص خلصت مهمتك !
انا كمان بخلص مهمتي…
نظر إلى وجهها وهمس بضيق:
– غصب عني ماقدرتش أحبك…كنت فعلا كده داخل عشان مهمة معينة وخلاص خلصت
أغمضت عينيها بألم وقالت :
– ازاي كل الحب اللي انت عيشتني فيه يروح كده؟
اصل مش انت الإنسان اللي انا حبيته
اللي حبيته ده راح فين؟ اختفى !
انا قدامي واحد تاني…عشان كده عملت فيك كده…لأن اللي قدامي ده انا فعلا معرفوش…
لتتركه وهي تخرج من أمامه بينما سيف ينظر إليه وهو يسأله عن غموض حديثهم….
– ممكن افهم بقى كل الكلام ده معناه ايه ؟؟ مهمة ايه و تمثيل ايه ؟؟؟
__________________
اتصل بخاله لتكليفه محامي له، فذهبا على الفور للقاء حمزة في قسم الشرطة ، وتولى المحامي توكيله للدفاع عنه ، ثم سأله المحامي بجدية:
-انت فعلا ضربتها بالطريقة دي؟ التقارير الطبية بتقول أن جسمها اتعرض لكدمات وإصابات بالغة وصلت لخطورة على الجنين
حدجه حمزة بنظرة صاعقة وهو يقول بعصبية :
-انا مضربتهاش كده…انا فعلا ضربتها بس كان قلم علي وشها..و شديت شعرها وضربتها بالحزام مرة واحدة بس مش اكتر..لكن الاصابات اللي مذكورة في التقارير دي كدب وتلفيق
سأله بتوجس:
-طيب انت ضربتها بالقلم ليه اصلا؟
هتف بغضب قائلا:
-عشان..هي استفزتني..و بعدين مش شغلك
كرم بهدوء :
-اهدي يا حمزة..احنا بس بنحاول نساعدك..
المحامي بإقناع:
-قولي بس ايه السبب يمكن يوصلني لحاجة
قص عليه حمزة ما حدث باختصار..واخفي بعض الأشياء عنه
اطبق كرم فمه بصرامة وهو يراقب خيبة ابن اخته وخذلانه
ليقول المحامي بخبث:
-مفيش غير حل واحد..هيخليها هي اللي تحت ايدك وتتقلب الترابيزة عليها..القضية هتمشي ضرب بسبب دفاع عن شرفك..اكتشفت أن مراتك خاينة وكده كده بتوع الأمن اللي اتخانقت معاهم و دافعت عنها قدامهم هنخليهم شاهدين ومعاك فيديو يثبت أن الراجل ده كان بايت في شقتك
يتبع….
مستنية رأيكم وتوقعاتكم ????❤️
-حمزة صعب عليكم ولا لأ ؟؟
-شايفين حمزة كان يستاهل الانتقام ولا لا ؟
-تفتكروا ايتن هتتنازل ؟
– متوقعين حمزة هيعمل زي ما المحامي بتاعه قالوا ولا هيرفض؟
– انتوا مع ولا ضد اللي ايتن عملتوا في حمزة ؟
– زعلتوا من سيف باللي عملوا في حمزة عشان كان خايف على اخته ولا فهمتوا موقفه؟
وصلوا البارت ده لـ 500 لايك عشان انزل بارت هديةالفصل الرابع والثلاثون
تحرك حمزة نحو المحامي بخطوات سريعة ليمسك به من مؤخرة رقبته، ليجيبه بعصبية:
-ايه اللي انت بتقوله ده؟؟ انا مراتي مش خاينة اصلا..بقولك كان بيهددها بس
حاول الرجل تخليص نفسه من تسرع حمزة، اومأ رأسه بتفهم:
-عارف والله..بس معانا ادلة تخليها خاينة
صاح حمزة بغضب:
-انت فاكرني حقير اوي كده؟ عشان اقول عنها أنها كانت خاينة…دي مراتي …عارف يعني ايه مراتي !!!
ازاحه كرم من تهوره مع المحامي, ليعيده إلى مقعده، تنهد كرم ثم قال بحسرة:
-نفسي تبطل طريقة تفكيرك دي..وتتصرف المرة دي حتي لو هتبقي حقير..وبعدين ما هي ظلمتك..ده حتي المساواة في الظلم عدل
زفر المحامي بنفاذ صبر:
-حمزة القضية فيها مش اقل من 3 سنين سجن..يعني مستقبلك هيتدمر…وللأسف مفيش اي حل غير ده
زمجر حمزة وهو يخبط الطاولة التي أمامه بكفيه بتهور:
-ان شاء الله حتى يكون فيها إعدام…انا مش هعمل فيها كده
صاح كرم بنبرة ساخطة:
-حتي بعد اللي عملته فيك.. هو أنت حبيتها يا حمزة فعلا ؟ ووقعت بغرامها ولا حاجة ؟
برقت عينا حمزة وهو يقول بشرود بها:
-ايتن مستحيل تسيبني كده…اكيد مش ههون عليها…انا لازم اتكلم معاها يا خالي…هي اكيد صعب تتقبل مني كلام بعد اللي قولتهولها اخر مرة بس ممكن تتكلم معاها أنت
نهض كرم والمحامي عندما اتاهم صوت انتهاء ميعاد الزيارة…ليقول كرم بحسم:
-حاضر هتكلم معاها
هتف حمزة قائلا بتمني :
-واطلب منها تجيلي..قولها ان انا عايز اتكلم معاها تاني
اومأ كرم بإيجاب، ممزوج ببعض الدهشة..يشعر بالشك والحيرة ان ابن شقيقته أحبها بالفعل ولم يكن مجرد تمثيل !
دلف سيف إليهم وهو يمد وقت الزيارة.. ليجلس امام كرم والمحامي… ليجلس بجانبه وهو ينظر أمامه بشرود , سأل حمزة المحامي قائلا:
-المحضر ده هيثبت؟ ولا خلاص بيتشال؟
– بيتشال طبعا خالص لو هي اتنازلت..
– بس هو طبيعي اتحبس كل ده ؟
اجابه المحامي قائلا:
-لحد عرض النيابة بس…كان المفروض من تاني يوم
قاطعه سيف بتبرير :
– ما انا أجلت النقطة دي…
– طيب ربنا يهدي…احنا هنستأذن بقى يا حمزة…
خرج المحامي وخال كرم من المكتب….وقبل أن ينهض حمزة من مقعده، شد سيف على كتفيه بقبضتيه هاتفاً بصوت قوي :
– أنا عايز اعرف دلوقتي يا حمزة… عملت ايه في اختي… من قبل ما تتجوزها لحد دلوقتي…وعايز اعرف هي كمان عملت ايه…
– مش وقته يا سيف…لما أخرج
برقت عينا سيف بنبرة حادة :
– لا وقته يا حمزة…وقته عشان انا اقدر اتصرف صح وافهم الدنيا ايه…بس اعرف الاول انت عملت ايه … وهي عملت ايه !
– حاضر يا سيف … انا هقولك على كل حاجة
قص عليه حمزة كل شيء من بداية اتفاق كرم معه إلى نهاية ما وصل به الحال الآن…
كبح سيف جماح غضبه بصعوبة قائلاً وهو يلملم شتات أعصابه:
-مافكرتش فيا ؟؟؟ دي اخت صاحبك !
همس حمزة بحرج :
– ماكنتش اعرف انها اختك يا سيف والله … ما انت عارف
صرخ سيف به :
– وبعد ما عرفت ما اتراجعتش ليه ؟؟؟ ده جواز … جواز ..عارف يعني ايه ؟؟؟
جواز و طفل بينكم…و نسب وعيلة…مافكرتش في منة بنت خالتك ؟؟ لما انا اعرف انا ومنة هيحصل معانا ايه ؟؟؟
هز حمزة رأسه بعدم تصديق :
– سيف انت اكيد مش هتعمل كده في منة انا عارفك…
دمدم سيف من بين أسنانه بغضب:
– وأنا اكتشفت اني مكنتش عارفك…
– أنا ماسك نفسي بالعافية من اني اتخانق معاك…بسبب أن اختي كمان غلطانة …. هي اللي دخلت نفسها في لعبة سخيفة زي دي… بس عادي … انت بعد ما تخرج من هنا خلاص كده خلصت…ايتن مش هتقعد على ذمتك بعد اللي عملته فيها يا حمزة…ياخي ده كفاية الكلام اللي قولتهولها قدامي…
انصرف حمزة من أمامه إلى الحجز من الشرطي, كان يشعر بالندم على ما فعله…
بينما سيف جلس على مقعده بعد تأكده من خروجه
وانحنت كتفاه بتعب, وزفر بصعوبة و ضيق… لا يصدق كل ما حدث مع اخته !
وما فعلته…
________________________
كانت تجلس في منزل أمها، شاردة بما قاله لها وجرحه الشديد لها…مازالت كلماته تتردد بداخلها
تفاجأت بوجود سيف أمامها قائلا بجمود:
-طنط أماني والدة حمزة وكرم خال حمزة موجودين هنا
شحب وجهها وظهر الضيق في عينيها، قائلة:
– سيف انت قولتلهم اني موجودة ؟
سيف بغضب:
-اه قولتلهم..ولا كنتي عايزاني اكدب زيك !
ايتن باستغراب من أسلوبه:
-قصدك ايه؟
سيف بنرفزة:
-قصدي اني عرفت كل حاجة يا ايتن..عرفت انك كدبتي ولفقتي محضر لواحد ظلم..و بعدين ايه الشغل اللي كنتي بتشتغليه ده
زفرت ايتن قائلة بتبرير:
-اشباه رجالة كانت واطية…كنت بجيب حق الست واعلمهم الأدب..اللي القانون مش بيكون في صف الست..او في صفها بس مش هيبرد وجعها
ضحك سيف قائلا بسخرية:
-اه تقومي بقي عاملة لنفسك قانون خاص بيكي..تمشي الدنيا علي مزاجك صح؟
ايتن بنفاذ صبر:
-طالما مفيش قانون يعاقب الراجل علي الاذى والوجع النفسي والمادي اللي بيسببه للست…لو كل راجل في بلدنا اتعلم الأدب واتربي..مكنش كل ده حصل..والراجل يتمادي..تقدر تقولي فيه قانون يضمن للست ان جوزها ميتجوزش عليها؟
-شرعا الراجل محلله اربعة
قاطعته بعنف:
– من غير سبب؟…واحدة قايمة بكل واجباتها ومش مقصرة معاه…يروح يخونها ويقرر يتجوز ويرميها..انا مغلطتش يا سيف..انا كنت بخلي الراجل يرجع ندمان لمراته ويبقى تحت ايديها..ويعرف قيمتها… ويرجع لاولاده و مراته لو يستاهل
سيف بتبرير:
-بس ظلمتي…ظلمتي خال حمزة…قعدتي كل ده تساعدي ناس كتير.. لحد ما طلع فيهم ست كدابة..استغلت شغلك بالسلبي..الصورة اللي ظاهرة برة غير اللي جوة تماما..انتي كنتي بتسمعي بطرف واحد..وبسبب كده ظلمتي راجل مالوش ذنب وحرمتيه من ولاده التوأم..وخليتي واحدة خاينة تنصب عليه
وضعت يداها على وجهها بحزن..
_________________
خرجت لتقابل والدة حمزة كرم في الصالون…
همست امانى قائلة:
-بصي يا ايتن..انا مش جاية اقولك انتي غلطانة من البداية ولا ابني اللي غلط عشان وافق علي فكرة خالو كرم بغرض انه ينتقم من عمه..انتوا الاتنين غلطانين يا ايتن..وانتي لو مكنتيش وافقتي علي عرض شذي مكنش كل ده حصل
احمرت ايتن بإحراج وتمتمت وهي تهز برأسها لتنطق بصوت مختنق:
-طنط اللي هو عمله فيا اصعب بكتير…انا موجعتوش كده…هو اللي بدأ
قاطعته اماني بحزن:
-انا ماليش غير حمزة..حمزة هو سندي وقوتي..انا لما كنت بقع..حمزة هو اللي كان بيسندني ويقومني تاني…لكن المرة دي مين هيقومني..حمزة لو وقع واترمي في السجن..انا مش هلاقي اللي يسندني ويصبرني..كل مرة كان هو اللي بيقويني رغم أنه كان اكتر واحد محتاج اللي يسنده..بس كان بيعمل كده عشاني
عم الصمت المشحون بالذبذبات السلبية
تنفس كرم بعمق ثم قال بلهجة هادئة:
-مش عشان انتي زعلانة من حمزة…تروحي تدمري متسقبله..ايتن..حمزة مرمي في الحجز..وتهمته مش سهلة..روحي وقابليه
فتابع كرم وهو ينهض لينظر لها قائلا:
-علي فكرة حمزة رفض انه يشوه سمعتك ويقول السبب اللي ضربك عشانه..ومتنسيش ان بتوع الأمن كانوا شاهدين وممكن لو حمزة قالهم هيقفوا في صفوا ومهاب اعترف أنه كان عندك..لكن هو رفض الفكرة دي وكان هيضرب المحامي وقالنا لو هتعدم مش هقول عن ايتن كده…حمزة بيحبك يا ايتن ورفض يأذيكي..ياريت انتي كمان متأذيهوش
توسعت حدقتا ايتن وهي ترتجف بشحوب متمتمة:
– هو فعلا عمل كده ؟
المحامي بإقناع موزون:
– لولا تصرفه ده كان زمانه خرج دلوقتي..بس هو رفض
– ايتن يا حبيبتي…انتي حامل وبينكم طفل…بلاش يا حبيبتي تعملي فيه كده
رحل كرم أولا وطلبت ايتن من حماتها أن تظل معها لتتحدث معها بعدة نقاط
وبعد رحيل السيدة اماني كانت ايتن تفكر في كلامهم..بالفعل هي تهورت وتمادت للغاية في عقابها له ولكنه يستحق أليس كذلك؟
يا إلهي بينهم طفل …
قبل ان يحل المساء ذهبت مع سيف لتتنازل عن القضية
___________
كان يقف أمامها ومعهم والدته وسيف..
هتف حمزة بغضب غير مصدق ما فعلته به زوجته :
-هان عليكي تحبسيني يا ايتن؟ ..وصلت بيكي انك تدخليني القسم في حسابتنا؟
ايتن بتبرير :
-انت اللي دخلتني حسابتك…لما عملت فيا كده؟
صاح بعصبية :
-وانتي مغلطتيش لما دمرتي حياة واحد واديتي فرصة لواحدة زبالة تعيش حياتها
قاطع سيف كلامهم قائلا :
-انتوا الاتنين غلطانين..انتي غلطتي من البداية لما وافقتي على لعبة شذى..وهو كمان غلط لما عمل فيكي كده…وغلطتي لما كنتي هتلبسيه قضية ظلم..يعني متساويين..وكل واحد فيكم اخد حقه من التاني
نظر كلا منهما إلى بعض بعدم إقتناع…فأصبح الصلح بينهم صعب للغاية…
بينما وقفت أمه أمامه قائلة بضيق :
– ماعنديش مشكلة أن أنت ماعرفتش تحب مراتك بجد، وهقتنع كمان أن كل ده كان تمثيل
اتسعت الأعين باستغراب، أطرق بوجهه في الأرض خجلا من معرفة أمه بكل ما حدث :
– لكن تقدر تقولي ليه قولت على اسرارك مع أفنان وحسن؟
ليه تحاول تضحي بحياتك وترمي نفسك في النار وممكن في لحظة تضيع نفسك عشان تنقذها؟
ليه تحكي عن موت كندة أختك بسهولة؟
يليه صياحها بذهول وصدمة :
– تقدر تقولي ازاي الراجل اللي يبكي عشان واحدة ويحكيلها كل حاجة وجعته في الماضي ده بيمثل ؟
ده أنت بكيت في حضنها … خليتها تشوف دموعك !
مافيش راجل في الدنيا دي يمثل اللحظة دي بكل سهولة
الراجل اللي نظرات عينيه مكنتش بتكذب ده كمان ممثل؟ ازاي قدرت تمثل دموعك قدامها؟
ولا دي دموع تماسيح زي ما بيقولوا !!
هز رأسه وهو يحاول استيعاب ما يسمع…لتدمع عيناه رغماً عنه فمسح وجهه بقوة وهو يبتعد عن أمه و زوجته و شقيقها…لم يستطع أن يجيبهم بشيء… ولكن يجب أن يتحدث…
هتفت ايتن قائلة :
– مبقاش له لازمة الكلام ده يا طنط…هيرجع يجرح تاني فيا … احنا خلاص اللي بيني وبينه انتهى…هو قالي كلام كفيل يخليني ماقدرش ارجعله مهما حصل…وانا شايفة أن أنسب حل هو الانفصال…لا انت هتقدر تسامح ولا انا
لتردف بنبرة قوية :
-جوازنا كان غلطة من البداية أصلا
رفع وجهه إليها قائلا :
– فعلا وانا هصلحها
شهقت اماني واضعة يدها على صدرها لتهديء من ضربات قلبها، لتقترب من ابنها وهي سرعان ما وضعت يدها على فم ابنها تمنعه من نطق أي شيء:
– لا يابني استهدى بالله كده.. انفصال ايه بس…لا انتوا بينكم طفل حرام يتظلم من قبل لما يجي
هتف سيف قائلا:
– هيتربى يا طنط…الطفل هيتربى كده كده…
– حتى انت كمان يا سيف…انا بقول انك عاقل…لا قول حاجة يا حمزة…دافع عن نفسك يا حبيبي…قولها انك بتحبها … دي مراتك
نظر لها حمزة وعيناه تلمع بدموع حبيسة يحاول كتمها ولكنه فشل، ليهمس قائلا بصوت أجش :
– حاضر يا ايتن زي ما تحبي …هطلقك…بس مش دلوقتي… بعد الولادة يعني احسن
هتف سيف بغيظ:
– مالهاش لازمة يا حمزة…هي هي
– حاضر… ماتقلقش يا سيف الموضوع مش هيطول…
ذهب إلى منزل والدته… وهي ذهبت إلى منزل والدتها منذ دخوله قسم الشرطة..واتفقا أن الانفصال بينهم سيصبح قريب.. او مجرد أن تلد طفلها..
___________
في اليوم التالي…
في شقة منة…
قالت منة بحزن وهي تجلس بجانب امها :
– من ساعة ما عرفت اللي حصل وان حمزة وايتن هينفصلوا وانا زعلانة علشانهم اوي … نفسي يتصالحوا وفي نفس الوقت خايفة اوي أن سيف يتأثر بعلاقتنا
زفرت ناريمان بإجهاد واضح:
– وانتي ذنبك ايه بس يا منة…الواحد زعلان أوي عليهم بجد
شهقت قائلة :
– لا يا ماما هيبقى حقه…
– يا حبيبتي ولو حقه…ولا يهمك…انتي مكنتيش تعرفي حاجة…ردي عليه بكل ثبات لما يجيلك و اقعدي معاه كده ومفيش حاجة
انهمرت دموعها سيولًا قائلة بنبرة متحشرجة وهي تشير لنفسها:
– خايفة اوي يا ماما….خايفة نسيب بعض..خايفة يعاقبني بسبب حمزة…انا بحبه
اخذتها امها في حضنها وهي تحاول تهدئتها، فوجدت من ينحشر وسطهم بجسده الصغير فكان عمر شقيقها ليرفع وجهها الجميل إليه قائلا لها بصوته اللطيف :
– منوش متزعليش…ولو سابك انا مش هزعل منه…انا هشكره عشان هيسيبك تقعدي معايا…عشان انا بحبك اوي
ابتسمت منة بسعادة وسط حزنها:
– مش عارفة افرح ولا ازعل يا عمر
قهقت ناريمان ضاحكة :
– هم يبكي وهم يضحك والله
_____________
ذهب سيف إلى حمزة قائلا :
– ممكن تيجي معايا وانا رايح لمنة
امسكه حمزة من ذراعيه قائلا:
– سيف … أنت… أنت ناوي تسيب منة؟؟
سيف منة مالهاش ذنب على فكرة..
انزل ذراعيه، هز رأسه بانزعاج واضح:
– لو سمحت يا حمزة هتيجي معايا ولا لا ؟؟
في كلام لازم أقوله قدامك انت
هز رأسه بأسف:
– طيب …بس على فكرة هي مالهاش ذنب بقصتي مع ايتن…
____________
لماذا أحبها هي؟
لانها مختلفة فهي ليست كشيء ولا شئ مثلها فهي رائعة ومهذبة.. فهي تحمل في داخلها مزيجًا رهيبًا من الطفولة والانوثة
يشعر بالانتماء إليها ، يشعر بالأمان .. مع الطمأنينة
جلست فى الشرفة الرئيسية للمنزل وهي شاردة..
كانت خائفة بعد كل ما سمعته من خالتها…شعرت ان علاقتها به سيحدث بها شيء ما…
يا إلهي… لا تريد أن يحدث شيء سيء, يكفي ما عانته حتى تتطور علاقتهم..فهو أصبح يحبها كثيرا
دمعت عيناها وهي يخطر ببالها حدث سيء،
هل من الممكن أن يتركها سيف ؟
حسنا هي لا تنكر أنه حقه … وان ثار وغضب فهو أمر طبيعي لما فعله حمزة وما فعلته ايتن به
شعرت بالخوف فهو لم يحادثها…ولم تراه
لتجد من اتى وفتح الشرفة ليقتحم خلوتها..
انتبهت منة اليه والتفتت بضيق :
– ايه ده انا مش قولت تسيبوني لوحدي شوية
لم تكمل كلمتها ..لا تصدق عيناها ..هل ما رأت صحيح ام انها تتخيل ..هتفت بصدمة :
-سيف…ماقولتليش انك جاي
امسك سيف يدها :
– فكرتك هتفرحي؟
انسابت دموعها تلقائيا فمد يده ليزيل تلك الدموع:
-لا عشان خاطري مابحبش اشوف دموعك
– عشان هتسيبني…
– ومين قال بقى أن انا هسيبك؟ بتنكدي على نفسك مقدما يعني
– توقعت كده..
– غلط طبعا … انا مش عايز اي حاجة تفرقنا عن بعض ابدا…
– تعالي نقعد بره مع مامتك وحمزة…
عقدت حاجبيها بضيق :
– هو حمزة هنا ؟؟ مش طايقاه بجد
– اه تعالي
ابتسمت منة بخجل ودموعها على خديها، بعد أن جلست مع سيف أمام والدتها وحمزة وشقيقها الصغير :
– بجد مش هتسيبني؟
حدق بعينيها الدامعتين من البكاء قائلا برقة:
– بجد بس ممكن نبطل عياط بقى…
سألته قائلة:
– طب وحمزة؟ انا فكرت علاقتنا هتتأثر عشان حمزة وايتن واللي عملوه في بعض
بدون تصديق هتف بقوة:
– واحنا مال علاقتنا بحمزة واختي …انا ليا شخصيتي لوحدي واتربيت كده يا منة … عمري ما اكون ظالم أبدا… هنتقم من حمزة فيكي انتي ازاااي؟
ابتسمت كلا من منة و والدتها وحمزة بفخر
همست ناريمان قائلة بابتسامة :
– بجد يا سيف انت راجل وشخصيتك قوية بجد…بنتي فعلا محظوظة بيك
هتف سيف قائلا بابتسامة :
– أنا كنت جاي يا طنط …عشان نحدد ميعاد كتب الكتاب بقى…
همست منة بخجل :
– أيوة بس ايتن ممكن تزعل هي اكيد مش مستعدة دلوقتي
– ايتن هي اللي صممت منأجلش كتب الكتاب…بالعكس هي اللي عايزة تفرح بينا أوي
– بحبها بجد
قالت ناريمان بابتسامة :
– ماشي يا حبيبي…بس باباها مش موجود دلوقتي
صفقت منة بسعادة :
– الله هنتجوز وهروح معاك…
– لا مش دلوقتي … في الفرح بقى هتروحي معايا
ابتسم حمزة قائلا:
– ربنا يتمملكم على خير يارب
سألت منة خطيبها فجأة :
– بتحبني؟
مط شفتيه:
– ده سؤال برضو؟
– جاوب
نظر إلى عيناها قائلا بحب :
- يعنى كأنك بتقوليلي ينفع ماتاكلش، ماتشربش، ماتتنفسش !
ليردف بنبرة صادقة:
-لو مش هحبك امال انا عايش ليه طيب؟
انا بموت فيكي أصلا
قاطعه حمزة بسخرية:
– مش للدرجة دي يا عم روميو..
صاحت منة به بحدة:
– وأنت مالك أنت يا حمزة… على الأقل مابيمثلش… ومش توكسيك زيك !
لتلتفت إلى سيف قائلة برقة :
– انت عارف ان أنا بعشقك اصلا
رد حمزة قائلا بدلا عنه :
- لا مش عارف
احتدت بنبرة مرتفعة:
– عارف انك رخم ولا لأ؟
رد حمزة ببرود:
-لا مش عارف برضو
زفر سيف بضيق :
– ادي اخرة انك خليتيني اقول كلمتين حلوين قدامه
هزت كتفيها بلامبالاة وهي تضحك:
– سيبك منه بس أنت قلبي من جوه كده
– انت حبيبتي والله
وقف عمر شقيقها أمامه، أطرق رأسه بحزن :
– يعني أنت مش هتسيبها ليه ؟؟؟؟
انا كنت مستنيك تسيبها النهاردة عشان عايز منة تقعد معايا وماتتجوزش وتسيبني …. انا بحبها
صاحت أمه بتحذير :
– عمر..
ابتسم سيف وهو يجلسه على حجره قائلا :
– متزعلش يا مارو … في اي وقت منة توحشك هخليك تشوفها وبعدين ابقى تعالى عندنا و اقعد معاها زي ما تحب
ضيق ما بين حاجبيه يسأله ببراءة :
– يعني مش هتاخد منوش مني خالص؟
مسح بيديه على شعره الناعم الطويل الذي يصل إلى كتفيه:
– وانا اقدر برضو احرمك منها…انا هعملك اوضة مخصوص عندنا في البيت يا معلم
ابتسم عمر بسعادة قائلا :
– شكرا يا سيف…انت جميل اوي
بادله سيف الابتسامة وبعد أن نهض عمر، نهض سيف أيضا وهو يستأذن:
– طيب أنا لازم امشي بقى… لأن عندي شغل
– خليك شوية…
– هبقى اجيلك تاني
سار حمزة خلفه إلى أن أوصله إلى باب الشقة، تنحنح قائلا بفخر :
– أنت طمنتني على منة معاك
رمقه سيف بضيق:
– وأنت خذلتني يا صاحبي
اخفض عيناه قائلا:
– لينا كلام مع بعض يا سيف…لما تفضى.
– طيب…
عاد حمزة ليجلس بجانب منة قائلا بنبرة ساخرة :
– بتعامليه معاملة الكائن المنقرض
ردت منة باندفاع :
– بطمن على حياتي معاه… الرجالة مبقتش مضمونة يا اخويا…من ساعة المصيبة انت عملتها وانا قلقانة على نفسي… ده طلع No Man لأي Man بجد يا جماعة
هتف حمزة :
– هو في ايه ؟؟ هو انا بقى بيتضرب بيا المثل في الغدر !
ليردف بغيظ قائلا:
– دلوقتي حمزة بقى وحش ومحدش طايقه خلاص !
قالت خالته بإيجاب:
– حصل
أومأت منة بلامبالاة :
– لا بس أن شاء الله سيف غير…ده باشا مصر و قلبي مستحيل يعمل كده فيا لأ
– اتقلي بقى شوية عليه مش هيطير…
– تُقل ايه ده عليه ضحكة بتخليني اسبوع ماعنديش اكتئاب…
رفع حاجبه باعتراض:
– اسبوع بحاله !!
– لا اسبوع ايه ؟ ده سنة قدام
– كدابة وانتي اصلا بيجيلك اكتئاب؟؟
– احسدوني بقى
لتردف بهيام :
– لا وعليه نظرة كده بتفرتك قلبي لجزيئات
– مش هنخلص بقى
قالت منة بعتاب :
– بس بجد انا زعلانة اوي منك .. انت ازاي اتغيرت اوي يا حمزة.. فين حمزة اللي كان بيحب ايتن .. ياخي ده انا كنت واخدة قصتك مثل اعلى نفسي اعيش زيها بعد الجواز
– مفيش حد بيفضل على حاله يا منة
زفرت قائلة بإجهاد:
– ولحد امتى يا حمزة.. يا حمزة رجع ايتن مراتك اللي حامل في ابنك .. رجعها لحضنك و بيتك
– مبقاش ينفع خلاص يا منة … في حاجات مبترجعش زي ما كانت للأسف.. انا وايتن وجعنا بعض بما فيه الكفاية
صاحت منة باندفاع :
– بس يا حمزة انت كنت بتحبها فعلا ! ولا كان تمثيل و لعبة زي ما قولت … و هي ! هي اه كانت لعبة بالنسبة لها بس ايتن حبتك فعلا يا حمزة
– عادي كله بيتنسي.. افنان كمان اتنست.. مش اول مرة
قاطعته بغضب :
– بس افنان غير ايتن…كنت فاكرة ايتن هي الحب اللي بجد في حياتك
عقد ذراعيه على صدره يحاول التحكم في أعصابه:
– اكيد طبعا هي متتقارنش بيها، وبعدين خلاص اقفلي يا منة على الحوار ده لو سمحتي
______________
عدة أيام مرت ولم يحاول الرد على طلبها…
بينما هو تركها بالفعل طوال الأيام الماضية … تركها حتى لا يضغط عليها بأي شيء..حتى تستطيع أن تفكر جيدا بعلاقتهم..
وجدته أمامها في تلك اللحظة قائلا :
– طبعا لو مكنتش جيتلك مكنتيش هتكلميني..
ـ هاني…انا بس كنت سايباك تفكر كويس…
– افكر في ايه يا خديجة ؟؟؟
اني اسيبك؟؟
– أنا لسه مش مستعدة دلوقتي وأنت عارف وكمان ايتن عندها مشكلة هي وجوزها و غير كمان اخواتي…و لو هنرجع يبقى…
ابتسم هاني بسخرية:
ـ يبقى نأجل جوازنا كالعادة مش كده ؟؟؟ لا يا خديجة انا مش هعمل كده مش كل مرة همشيلك اللي انتي عايزاه.. انا المرة دي جاي احدد معاكي ميعاد الفرح اللي هنتجوز فيه ومش هنغيره..
هتفت خديجة :
– هاني انا مش بأجل ولا بتهرب ..بس انا كمان لسه مخلصتش كل حاجة
– وانا مش طالب منك تكملي كل حاجة…انا مش محتاج منك تعملي حاجة يا خديجة… سيبي كل حاجة عليا وانا هخلص الڤيلا بكل حاجة فيها..والله ما عايز اتعبك يا حبيبتي
– و مامتك ؟
– انتي هتتجوزي راجل يا خديجة…يعني ليا شخصيتي لوحدي…اه بحب امي و بحترمها ومقدرش استغنى عنها…لكن هي اكيد مع الوقت هتحبك… اكيد بالمواقف هتحبك…وانا بس كل اللي طالبه منك انك تقربي منها الفترة دي و صدقيني هي لما تلاقيكي كويسة معاها ومش زي ما هي فاكرة خلاص هتعرف انك ملكيش ذنب في اللي حصل…وبالعكس هتقدر جدا كل اللي عملتيه مع اخواتك…انا عن نفسي فخور بيكي..
– بس انا محتاجة أخد موقف ناحية اخواتي…محتاجة اوقف كل اللي بيعملوه معايا…عايزة احدد موقفي معاهم عشان ابدأ معاك بكل حاجة جديدة.
رمقها بنبرة جادة:
– ماشي اللي انتي شايفاه اعمليه… وانا مستني ردك على ميعاد فرحنا….
– هاني
هتف هاني بصرامة :
– لما تختاري الميعاد كلميني يا خديجة…انا هسيبك تكملي شغلك…
_________
في الفندق…. صباح اليوم التالي
هتف هاني بغرفة الاجتماعات قائلا:
– طبعا بعد مرور فترة على شغلنا سوا … وبعد ما بقت علاقاتنا قوية مع أهم شركات السياحة وخصوصاً شركة يزيد… و تسويق الفندقى المختلفة.. انا بجد بشكر أكتر حد كانت شايفة شغلها وحقيقي من غيرها مكنتش كل حاجة هتمشي مظبوط أوي كده… شكرا يا ايتن
ابتسمت ايتن قائلة:
– العفو يا مستر هاني…ده شغلي..
– ايتن ماشاء الله كان عندها مهارات عالية في أي حاجة جديدة بتحصل في الفندق وحل المشاكل وإدارة الأزمات بشكل كويس ..وكمان…
شعرت بآثار غثيان تهاجمها، حركت مقعدها سريعا ونهضت تستأذن دون أن تسمع الرد وهي تخرج من الغرفة:
– عن اذنكم….
سارت خلفها وئام وهي تطمئن عليها :
– ايتن أنتِ كويسة ؟؟
كانت افنان تجلس بجانبه لتسأله بفضول :
– حمزة هو انتوا بجد هتنفصلوا زي ما سمعنا ؟
– اه فعلا
قالت بابتسامة تحاول أن تخفيها :
– خبر حزين جدا بصراحة
قاطعها يزيد بسخرية :
– اه ما هو واضح على وشك
– بتقول حاجة يا مستر يزيد؟؟
تجاهلها يزيد وهو يهمس لحمزة بجانب أذنه :
– بقولك إيه البت دي باردة أنت مستحملها ازاي
همس حمزة قائلا:
– يزيد اتصل بيا
– نعم ؟؟
– انجز يا يزيد…عايز اقوم
ابتسم يزيد بتشفي :
– شوفت بقى مش قادر تستحمل البت الباردة افنان…انا عن نفسي مش طايقها
ارتفع رنين هاتف حمزة لينهض من مقعده قائلا :
– عن اذنكم معايا مكالمة…. حبيبي أنت فين يا باشا؟؟
اخبار الشغل ايه ؟؟؟
زفرت افنان بضيق عندما نهض من جانبها، ليبادلها يزيد ابتسامة باردة
________
كان يشعر بالقلق عليها…اقترب من وئام، لتسأله بنبرة حادة :
-حمزة… خير في حاجة ؟؟
– هي ايتن فين؟؟ عايز اطمن عليها
ردت باندفاع :
– نعم؟؟ بعد اللي عملتوا فيها… حضرتك عايز ايه منها ؟؟
– وئام…فين ايتن ؟
– في الحمام ده
– طيب عن اذنك
– انت رايح فين حضرتك ؟؟…انتوا مش هتنفصلوا المفروض
– أيوة بس هي لسه على ذمتي و واجبي اطمن على مراتي
هتفت بسخرية:
– صاحب واجب أوي
– الحمام ده فيه حد ؟؟
– لا ده محدش بيدخله غير قليل أوي… يعتبر اضافي جانبي..
وقفت تنظر في المرآة إلى التعب الواضح على وجهها وملامحها…فهي شعرت بالغثيان والتقيؤ…وشعرت بالرعب أن تظل مكانها ويحدث شيء ما…وما أن ذهبت إلى الحمام وغسلت وجهها…حتى ذهب الشعور بالغثيان تدريجيا
هل شعرت بهذا بسبب غيرتها من تلك المرأة السخيفة اللاصقة بزوجها “أفنان” … ام بسبب شعورها المتكرر من حين لآخر بسبب حملها
– اومال احنا بنغير ولا إيه؟؟؟
هتف بها حمزة بنبرة خشنة ، صاحت برعب وهي تلتفت خلفها، لتلتقي بعيون زوجها ، كانت خلعت سترتها من عليها ما أن دلفت إلى الحمام، كانت ترتدي أسفلها بنطال جينز وبلوزة ضيقة بأكمام باللون البيچ ولكن تظهرها بطريقة جميلة ناعمة…
صاحت به باندفاع:
– ماشوفتش في بحاجتك والله… انت ازاي تدخل هنا ؟؟؟؟
رفع حاجبه باعتراض:
– هي أول مرة اعملها ولا ايه ؟؟
– وقح والله …اتفضل اطلع بره…
اقترب ببطء وهو يهتف بغطرسة:
– طب مجاوبتنيش يعني…احنا بنغير ؟
– اغير من مين ؟؟
– أفنان
– اغير دي لما اكون لسه بحبك…لكن انا خلاص… كنت
أجابها وهو يغمز لها بسخرية :
-ماتمثليش بقى … احنا بنغير نقول بنغير
زفرت بتوتر وعصبية:
– انت ايه البراءة اللي انت فيها دي ؟؟ ولا كأنك مش عامل حاجة خالص…ياريت تتفضل تطلع بره عشان انا تعبانة لو سمحت…
شعرت أنها تحاول تتحكم في دوارها وغثيانها….وهي تقف أمام الحوض…
أمسك بمعصمها وجذبها إليه يسألها بنبرة حانية :
– أنا اصلا كنت جاي اطمن عليكي…انتي كويسة ؟؟
همست برعب من قوة الغثيان الذي أصابها لتحاول أن تعود إلى مكانها مرة أخرى :
– هبقى كويسة لو طلعت بره
جذبها بالفعل نحو صدره، وهو ينظر إلى ملامحها الرقيقة، الناعمة…سلط نظره نحو شفتيها… ملمس الكنزة الناعمة التي تظهر تفاصيلها بنعومة، ترتديها أسفل سترتها..
وكأن كل ما حدث بينهم من قبل مجرد خيال…وكأن لم يحدث بينهم شجار أو فراق…ليقترب منها أكثر وهو يهمس بجانب أذنها :
– مش هسيبك غير لما اطمن عليكي…
– ماتلمسينش….لو سمحت…ابعد
لم يسمح لها بالابتعاد، نظره كان معلق على فمها الناعم… ليقترب منها أكثر وهو يريد أن يفعل ذلك…يريد أن يقبلها في تلك اللحظة…
وقبل أن تقع القبلة، دفعته بقوة نحو الجدار… وهي تبتعد عنه بصعوبة .. كانت ستقع بفخ قربه لها…ولكن تذكرت كل ما فعله بها… صاحت به بغضب :
– معلش ضيعت عليك اللحظة اللي كانت بتبسطك !
– ايتن…
هتفت بعصبية :
– ابعد عني…اياك تحاول تقرب كده تاني…احنا خلاص هننفصل
– طيب أهدي…تحبي نروح لدكتور ؟؟
نظرت له بذهول :
– مش عايزة منك حاجة…لو سمحت اطلع بره …
– أنا مش هعاتبك على كلامك ده عشان عارف انك مرهقة و زعلانة من اللي حصل..انا كنت بس بطمن عليكي…انتي ليه ناسية أن هيبقى فيه بينا رابط حتى لما ننفصل هيبقى فيه طفل
تقدمت منه لتضربه على صدره بقبضتيها بقوة وهي تصيح به بشراسة:
– انت دمرتلي حياتي .. انا بكرهك … بسببك بقيت حامل وهبقى ام لطفل هيعيش نفس اللي حصلي من غير اب معاه
لتضيف بتخاذل:
– كنت بتمثل عليا…وخدعتني…. خدعتني … انا مش قادرة اسامحك ابدا
تمتمت بألم:
-ازاي البني ادم بيعمل كده في الشخص اللي كان بيحبه بجد؟ و ازاي قدر يدمر حياته؟ ازاي كل حاجة كانت مظبوطة أوي كده للدرجة…انا ماشكيتش فيك خالص
امسكها بقوة يحاول تهدئتها:
– ايتن….اهدي انا مش هعمل زي باباكي…مش هظلم الطفل ده ومش هسيبه والله
دفعته بغضب :
– سيبني قولتلك متلمسنيش ..
لتردف بغيظ وهي تفتح الباب :
-ولا اقولك اشبع بقى بالمكان لوحدك
____________
بعد مرور أيام…
فتح تطبيق الواتساب ليري الرسالة التي أرسلت إليه من رقم مهاب:
-نعم؟
اتصل عليه مهاب قائلا:
-هبعتلك دليل اعتراف أفنان أنها السبب ورا حادثة ايتن المتدبرة
ضحك حمزة قائلا بسخرية :
-يعني فعلا طلعت أفنان اللي عملت كده…كنت حاسس..و بعدين انت ايه قلبك عليها كده مش الباشا برضو كان معاها؟
مهاب بخبث:
-انا فعلا كنت معاها..بس في اي حاجة الا ان ايتن تموت..اصل انت متعرفش ايتن غالية عندي ازاي
ضحك حمزة قائلا بغموض:
-ولا عملت كده عشان خايف مني…اجيبك؟
مهاب باستنكار:
-اخاف منك انت؟…ليه هتعملي ايه…انا أساساً رجعت الفيوم
همس حمزة لنفسه بنبرة شيطانية :
-لا دي مفاجأة
_________________________
في شركة حسن العقاد…
– امضي يا باشا هنا…عشان نخلص الصفقة بتاعتنا
هتف بها حسن إلى الرجل الذي يجلس أمامه …
– ان شاء الله مش اخر تعامل بينا
ليقاطع حديثهم دخول “حمزة” وهو يسحب من يده الاوراق قبل وقوع التوقيع:
– لا أن شاء الله ده اخر تعامل…
صرخ حسن به بعصبية:
– انت ازاي تدخل هنا يا بني ادم انت ؟؟؟
أزاح حمزة الرجل من أمامه ليقف امام حسن قائلا بنبرة ساخطة:
– جيت اوقف الصفقة المشبوهة دي…ماليش انا في الشغل الغلط ده
قاطعه حسن باستهزاء :
– وأنت مال اهلك انت يابني ادم انت…هو انت كان ليك مكان هنا اصلا؟؟
امسك حمزة ملف خاص به ليخرج منه ورقة يرفعها أمام حسن, قائلا بانتصار:
– تصدق بقى ليا….بقيت شريك معاك بنسبة 51٪ يعني انا اللي اتحكم اوافق بإيه وموافقش بإيه…
يتبع……
مستنية رأيكم وتوقعاتكم ❤️❤️
-تفتكروا حمزة بقى شريك حسن بنسبة أكبر ازاي؟؟
-ايه رأيكم في تصرف سيف مع علاقته بمنة لما خرجها من حساباته مع اخته و جوزها ؟
– تفتكروا خديجة هتحدد ميعاد فرحهم ولا هتأجل؟
– تفتكروا آيتن و حمزة هيسامحوا بعض ولا صعب ؟الفصل الخامس والثلاثون
صاح حسن بإنفعال:
– ازاي ده ؟؟؟؟ انت اكيد بتهزر صح؟؟
قهقه ضاحكًا:
– لا مبهزرش…ده بجد…انا بقيت زيي زيك هنا، مش بشتغل تحت ايد حد
فكر حمزة للحظة ثم هز رأسه:
– لا زيك ايه..انا بقيت أعلى منك نسبتي هنا أعلى وانا اللي اقدر اوافق بإيه و ارفض ايه…
ليردف وهو يمزق اوراق الصفقة الجديدة من أمامهم و الرجل يعترض على ما فعله حمزة :
-واول حاجة حابب اعملها…الصفقة المشبوهة دي مش هتكمل
هتف حسن بصراخ:
– انت اتجننت يا غبي…انت عارف انت ضيعت عليا شغل بكام
هز كتفيه بلامبالاة:
– معلش مابحبش ادخل في بيتي قرش حرام، حابب انضف الشركة ايه رأيك ؟
– أنا مش هسكت … وهعرف مين سمحلك بكده ومش هسيبه
__________________________
كادت ان يفتح الباب لكي يخرج من شقتها لكنها اوقفته بصوتها :
– سيف ايه رأيك ألبس فستان ملون في كتب الكتاب؟
سألها باستغراب :
– مش بيلبسوا ابيض باين؟
– عايزة ألبس اصفر…
– مجنونة وتعمليها
– وأنت هتوافق جناني مش كده؟
– عيوني طبعا
همست برجاء :
– طب ايه رأيك تدخل نتناقش سوا في تفاصيل كتب الكتاب؟
– منة
لم تستطيع ان تمنع تلك الضحكة التى صدرت منها ببراءة :
– والله مناقشة سريعة
-طب ممكن اروح؟
كتفت ذراعيها تردف بحزن مصطنع:
– على فكرة بقى مش هتلاقى مواصلات
رفع حاجبيه بدهشة ليردف:
– مواصلات ايه يا بنتي ؟ انا معايا عربيتي
– خلاص مش هتنزل غير على صلاة الفجر
قاطعهم صوت عمر شقيقها بنبرة ساخطة :
-طب ما يبات معانا في البيت وخلاص
ليردف بغيظ :
– والله انت تتجوزها ارحم فعلا من العذاب ده…سيبيه ينزل بقى.. على فكرة بقى بكرة هتزهقي منه
هزت رأسها بثقة :
– مقدرش ده حبيب قلبي يا ناس
زفر عمر بضيق وهو يتركهم سويا وذهب ليلعب :
– مش هخلص كده براحتك بقى…
تحرك سيف ليفتح الباب مرة أخرى وقبل أن يفتحه، التفت اليها وهو يمسك يدها برقة و يطبع قبلة عليها هامساً:
– هتوحشيني يا منوش
لتضع يداها بخجل على وجنتيها ببراءة وهي تنظر إلى يدها لتتركه يخرج , حين هو ظل ينظر إليها بإبتسامة على شفتيه اختفت مع انغلاق الباب من أمامها..
لتهمس لنفسها بهيام:
– حد يقول لباشا مصر يبطل حلاوة شوية
متى ستعرف كم أهواك يا رجل
أبيع من أجله الدنيـــا وما فيها
يا من تحديت في حبي له مدن
بحالهــا وسأمضي في تحديهـا
لو تطلب البحر في عينيك أسكبه
أو تطلب الشمس في كفيك أرميها
أنـا أحبك فوق الغيم أكتبه
وللعصافيـر والأشجـار أحكيهـا
أنـا أحبك فوق الماء أنقشه
وللعناقيـد والأقـداح أسقيهـــا
أنـا أحبك يـا سيفـا أسال دمي
يـا قصة لست أدري مـا أسميها
_نزار قباني
________
بعد كشف حمزة أوراق حسن المختبئة..فكان مصيره إيقاف جميع الأعمال المشبوهة والتعامل معه، انفعل حسن على حمزة فهو بسببه انقلب عليه رجال الأعمال بسبب توقف صفقاتهم
حمزة بتوجس:
-مش عايز تنضف؟
ضحك حسن بغل:
-انضف؟؟ لا كفاية ان انت نضيف..انا عايز أفضل زي ما انا كده..ياخي انا عاجبني حياتي كده..انت مالك…
رفع حمزة حاجبه قائلا باستنكار:
-انا بديلك فرصة..تنضف وتبعد عن العالم القذر ده…تجارة مخدرات و قرف
قاطعه حسن بعصبية :
-وفر نصايحك دي..قولتلك انا عاجبني حياتي كده…ومش هضيع كل ده عشان خاطر لعبة **** منك…تهدلي كل اللي كنت ببنيه..بكرة اعرف ازاي بقيت شريك معايا واطردك بنفسي واعرفك ازاي تعمل معايا انا كده
هز حمزة رأسه قائلا بنبرة ساخطة:
-انا قولت اعمل اللي عليا بس…لكن الـ*** هيفضل كده مش هيتغير.. براحتك بقى
– يعني ايه ؟؟ يعني مش هتسيب الشركة ؟
– حقي…حد يسيب حقه يا حسن
– مش لدرجة تكون أعلى مني…انا بسببك هخسر كتير اوي اوي….و اتقلب عليا ناس كتير…بسبب مثاليتك دي
هز كتفيه بلامبالاة:
– بلغ عنهم وطلع نفسك منها بسيطة
صاح حسن بوعيد:
– مش هعمل كده انا…انا هخرجك يا حمزة وهرجعك تتشتغل من البداية من تاني…هطردك وهخليك تندم انك عملت فيا كده
_____________________
في محافظة الفيوم…
اتصل حمزة علي إحدى الرجال الذي استأجرهم ليساعدوه بخططه الأخيرة.. فهو سافر اليوم إلى تلك المحافظة
حمزة بنبرة جامدة:
-ها عملت ايه يا عصام؟
عصام بجدية :
-كله تمام…جبنالك الواد…ومستنينك عند المخزن
حمزة بنبرة انتصار :
-حلو اوي…نص ساعة واكون عندكم..مسافة الطريق
اغلق حمزة الهاتف و ردد بصوت متوعد:
-كنت سايبك للاخر…بس ورحمة ابويا لاندمك يا مهاب
نزل حمزة من سيارته…ثم توجه ناحية عصام والذي كان في انتظاره
-ايه الأخبار؟
عصام بجدية:
-مربوط جوة
-تمام
تحرك حمزة باتجاه المستودع وفتح الباب بهدوء مريب مما جعل مهاب يشعر بالخوف.. تقدم حمزة بخطوات هادئة وحادة جعلت الرعب والذعر يتسلل إلى أنفه … ركع حمزة أمام مهاب الذي كانت يديه مكبلة بأربطة قوية.
حمزة بنبرة شيطانية:
-جه وقت تصفية الحساب…اللي انا وعدتك بيه
مهاب بنبرة ثابتة رغم اهتزازها:
-وحياة امك ما انا سايبك…ان ما علمتك الأدب مبقاش انا مهاب الزاهد
تناول حمزة سلك كهرباء عاري وهو يغرزه بجسد مهاب:
-طب ليه كده يالا..ده انت حتى تحت ايدي دلوقتي
ليصرخ مهاب وهو يقول بألم شديد وتوعد:
-هتندم يا حمزة يا عقاد
ثم أمسك كرباج وبدأ في ضربه بوحشية وسط صرخات مهاب المخيفة:
-وريني هتعمل ايه يا حيوان, انت حاولت تيجي على حاجة تخصني…وانا بقى هندمك انك فكرت بس تأذيها
حمزة وهو يمسك بفروة شعره بقسوة بالغة :
– البنات فين؟؟؟؟ والحاجات اللي انت ماسكها عليهم فين ؟
مهاب بغضب شديد:
– بعينك
ضحك حمزة بخبث:
-كده كده هعرف منك كل حاجة….بس انت شكلك بتحب الاكشن
كان حمزة في تلك اللحظة تغير تماماً … فهو لاول مرة يفعل ذلك بشخص … ألقى الكرباج على الأرض بينما كان يتنفس بسرعة مروعة … نظر إلى مهاب يتألم أمامه و قال:
-اظن كفاية عليك كده انهاردة..يومين كده وهرجعلك
_________
بعد مرور يومان
دلف حمزة إلى المستودع…
حمزة بتساؤل:
-الواد عامل ايه؟
الرجل بنبرة خبيثة:
-هيموت من الرعب
ضحك حمزة قائلا بسخرية :
-لا انا مش عايزه يموت…الموت رحمة للي زيه
حمزة بغموض:
-ايه يا بيبو…عامل ايه انهاردة؟
مهاب بتوعد:
-انت فاكر مش هندمك علي اللي عملته ده..وحياة اهلك لاخليك تندم عمرك كله
حمزة بتأثر مصطنع:
– لا بس انا ليا عتاب عليك ، يا اخي كنت عملت عملية تحويل ترجعك لأصلك اللي بتتمناه…اصل سمعت انك نفسك تبقى بنت واهو بالمرة توفر على نفسك حوار الخطف والتمثيل والاذية ده
ضحك مهاب قائلا بمكر :
– واحول نفسي بنت ليه و مراتك موجودة…دي حتي جامدة..اللي يلمسها مرة ميقدرش يشبع…بس حلو انك هتطلقها يعني خلاص الدنيا هتبقى سالكة اكتر
ضربه حمزة بضربات عنيفة بلا رحمة .. ليبتعد عنه قليلاً ..
ثم ضحك حمزة بشدة:
-قديم اوي الحوار اللي بتعمله عليا ده واتهرس في افلام كتير…يابني انا واثق فيها وعارف كل حاجة عنك من قبل ما اشوفك..بس كنتي مستني الفرصة.
عقد مهاب حاجبيه باستغراب:
-يعني ايه؟؟ يعني انت مش هتطلقها ؟؟
– لا طبعا مستحيل اعمل كده…
-ايه الجديد بتاعك؟
جلس حمزة مقابل مهاب قائلا بغمزة :
– نكمل أساليب التعذيب بتاعتك
مهاب بعدم فهم:
-قصدك ايه؟
أشار إلى رجل في المستودع وهو يحضر جهاز كهربائي ليشعله في مؤخرة عنقه، قهقه حمزة قائلا بخبث:
– اظبطله الاريال بتاعه على 90 90 بس معلش
صرخ مهاب بعنف:
-هتندم يا حمزة
حمزة ببرود:
-وريني هندم ازاي…انت دلوقتي تحت ايدي
اشار حمزة لرجل اخر، وهو يلقي الجهاز ويبدأ بضربه بنفسه :
-شوف شغلك
مهاب بنبرة ضعيفة :
-لا….لا يا حمزة….هعملك اي حاجة.. بلاش ده يحصل فيا انا ماليش في الضرب ده…انا مش قادر على البهدلة حرام
حمزة بجمود:
-هستناكم برة…لحد ما تخلصوا
-تمام يا باشا
بعد مرور ساعة…دلف حمزة إلى المستودع مرة أخرى وهو ينظر باستمتاع إلى مهاب الملقي ارضا بضعف، ليجلس مقابله علي كرسي
حمزة بجدية:
-تعالي بقي كده نتكلم راجل لبنت
لم يستطع مهاب الرد عليه..بل سقطت دموعه بوجع..ليتابع حمزة قائلا بسخرية :
– قولي ايه إحساسك وانت مذلول ومتعذب كده
ليردف بغضب :
-ليه..عملت كده في البنات دي…محطتش واحدة فيهم مكان أختك؟
قاطعه مهاب بعصبية:
-انا اختي مش **** زي دول
حمزة بتصحيح:
-ومين قالك أنها مش كده؟ والبنات دي اصلا مكنتش كده.. ياخي ده انت دخلت بيتهم اتجوزت منهم وخطبت منهم…بس عشان شوية فلوس تعمل كده؟ يا اخي ملعون ابو الفلوس اللي تخلي الواحد يعيش حقير كده
صاح مهاب بضعف وعتاب:
-ليه بتعمل فيا كده..حرام عليك انا محدش مد أيده عليا قبل كده..انت عايز تقتلني؟؟؟ اقتلني ارحم من التعذيب اللي كل شوية يحصلي ده…انا مش قادر استحمل
ضحك حمزة بنبرة شيطانية :
-لا انا مش قتال قتلة يا روح امك..وبيني وبينك الموت كان هيرحمك مني..وانا كنت عايزك تتمني الموت بس مش هناولهولك
مهاب ببكاء وتوسل:
– ابوس ايدك كفاية…كفاية حرام عليك…انا اتبهدلت اوي
– عندك حق هما البنات كده بيتبهدلوا…ومش بيقدروا يستحملوا … الرجالة بس اللي بتستحمل الضرب
ثم تابع بنبرة ساخطة:
-عرفت بقي ان فلوسك دي كانت ولا حاجة..نفعتك الفلوس دلوقتي؟
– هتقولي كل حاجة مخبيها عن البنات دي فين ؟؟؟ اكيد مهددهم بحاجة…وتقولي مكانهم فين…مفهوم !
نظر له بانكسار وهو يعترف له…
________
كانت تجلس مع صديقتها، لتهمس لها بعتاب:
-طب لما انتي بتحبيه اوي كده سيبتيه ليه؟ اللي بيحب حد بيهرب منه؟ بيبعد؟
خديجة ببكاء:
-اخويا كسرني قدامه يا ايتن..راحله وطلب منه فلوس بكل بجاحة..تخيل لما حماتي تسمعهم وتقولي بكل سخرية أن ابنها بيعمل خير و بيعطف عليهم
ايتن بتفكير :
-بس هو محسبهاش كده..هاني كان عايز يساعده عادي
هزت رأسها بعدم إقتناع :
-هو عارف اني عملت كده بمزاجي…عشان يعتمدوا علي نفسهم…هاني كسر كل كلامي وعمل عكسه
ايتن بحدة:
-بس برضو…ده مش مبرر انك تسيبيه..هو ذنبه ايه؟
تعالت شهقاتها :
-معرفش يا ايتن…معرفش بجد انا تعبت…وهو اداني مهلة احدد ميعاد الفرح عشان نتجوز
-طيب اهدي كده يا حبيبتي
_______________
في قسم شرطة…بمحافظة الفيوم..
سيف بتساؤل:
-عملت ايه في مهاب؟ اول مرة نقبض على حد يعترف من اول مرة بكل حاجة…ده مخدش في أيدينا حاجة
حمزة بانتصار:
-اخدت حق مراتي منه…خليته يتربى…
– طب والبنات فين يا حمزة؟؟
حمزة بغموض:
– سيف انت معاك أدلة محادثات ومكالمات واعترافه هو شخصياً…يعني خلاص البنات دي متخصكش في حاجة…انت مش قبضت عليهم متلبسين اصلا
سيف بعتاب:
-يخربيت دماغك… انت عارف مكانهم صح؟؟؟
– سيف انت عارف انهم مظلومين….و عارف ان ايتن كانت ممكن تبقى مكانهم.. وصعب يكونوا شهود مستحيل اصلا….هيتحبسوا
– عارف يا حمزة بس انا بطمن على مصيرهم ايه…وعشان يعني لو فيهم حد مش مظلوم…
– هنشوف اعترافات مهاب وكمان انا هقعد معاهم وأشوف الدنيا ايه
هتف حمزة بعد لحظات وهو يسأله بغموض :
– تفتكر هتسامحني يا سيف ؟
ربت سيف على كتفه :
– اعتقد لما تعرف اللي عملته علشانها وعلشانك هتسامحك…
– صحيح افنان قضيتها خلاص كده هتتنازلوا عنها ؟
– أه يا سيف انا عند وعدي ليها… مجرد ما تمشي من الفندق خلاص كده… بصراحة هي السبب…هي اللي وصلتني لامضاء حسن…وخالي هو اللي دخلني في الشركة مع صاحب حسن عشان اعرف اوصل لحقي و افنان ساعدتني فعلا
– كل ما افتكر شكلها وهي مرعوبة عندي في القسم
فلاش باك…
في قسم الشرطة..
دلفت أفنان إلى مكتب سيف..وجهها الشاحب خالي من الزينة..عيناها متورمتان من البكاء..لتجد حمزة يضع قدمه علي الاخري:
-نعم؟ سمعت انك عايزة تقابليني
أفنان بضعف:
-مستقبلي هيضيع يا حمزة.. خرجني…انا ماليش ذنب والله ده مهاب
صاح بغضب:
-كنتي عايزة تقتلي مراتي..واخرجك؟؟ مش اللي بيغلط بياخد جزاءه ويتعاقب…من سوء حظك ان خطتك الحقيرة كانت متسجلة على تليفون حد واتبعتتلي
شهقت أفنان بندم:
-مستعدة لأي عقاب الا الحبس..بالله عليك خلي ايتن تتنازل
حمزة بحدة:
-مش عايز اشوف وش امك في إسكندرية خالص..وتسيبي الشغل في اي فرع للاوتيل بتاع هاني
افنان بصدمة:
-ايه!!
ضحك حمزة وهو يهم بالانصراف:
-شكلك حابة تشرفي هنا..انا قولت كده برضو
هزت رأسها بعنف قائلة ببكاء:
-لالالا..حاضر موافقة…بس اتنازل عن القضية عشان خاطري
ليهمس بعدها بنبرة غامضة :
– ومش بس كده… محتاج منك تساعديني اوصل لامضاء معين من حسن… عايزك تساعديني اعمل كده
اتسعت عيناها بصدمة:
– انت عايزني اخون حسن واغدر به ده بيثق فيا اوي ؟؟؟
– افنان !!
همست بخوف
– حاضر حاضر اللي تشوفه
________________________________
في اليوم التالي
في مكتب حمزة
جلس عمه أمامه وبيده ملف به أوراق ليهتف حمزة بتساؤل :
-ايه ده؟
عمه بحزن:
-ده نصيب ابوك يابني من ورثه..اللي مأخدهوش
حمزة بتصحيح قائلا بسخرية :
-قصدك اللي انت سرقته منه؟ وتفتكر بقي الفلوس دي هترجعلي ابويا اللي مات مقهور ومريض..ولا هترجع كندة اختي
عمه بندم:
-أيوة يا حمزة..اللي انا سرقته فعلا..سرقت ورث أخويا وحرمته منه…وحرمت شقي عمره كله وتعبه..وحرمت ان بنته تتعالج بسببه..بس صدقني يابني مش بإيدي حاجة اعملها غير اني اصلح اللي فاضل في عمري..الدنيا طلعت فانية يا حمزة…اكتشفت أن محدش فينا واخد منها حاجة..اكتشفت أن ابني ضيع نفسه بسبب الفلوس..وبسبب طمعي
نهض حمزة من مقعده قائلا بنفي :
-اسف يا عمي..مش هقبل بفلوس حرام..الفلوس دي اتعمل بيها صفقات مشبوهة
هز رأسه بعنف:
– لا يا حمزة…ورث ابوك ده ما مديتش ايدي عليه…جدك كان سايب ورث لو عيشت عمري كله مش هخلصه..دي أراضي وحسابات بنكية..كان جدك مقسمهم بالتساوي…انا صرفت من فلوسي وعشان الشغل اللي حسن كان بيشتغلوا..من فلوسي انا..ورث ابوك كان لسة في البنك زي ما هو…كنت فاكر لما اخلص فلوسي هاخدهم هما كمان…بس لقيتني برجعهملك
رمقه بتوجس :
-يعني مفيش فلوس حرام؟
-مفيش يا حمزة..مفيش
مد له الملف ليلتقطه وهم بفتحه ليطالعه عدة أوراق لحسابات بنكية بملايين
______________
في إحدى الشقق الايجار
جلس حمزة ومقابله عدد كبير من البنات
ليقول فجأة بجدية:
-انا طلبت اجيلكم عشان أعرفكم أن مهاب خلاص..مش هيقدر يشغلكم ولا يتحكم فيكم..ولا هتبقي واحدة فيكم تحت رحمته
تحدث إحدى الفتيات قائلة بوجع:
-طب وحياتنا اللي اتدمرت؟ مهاب مش بس دمر حياة كل واحدة فينا..مهاب دمر عيلة كل واحدة فينا..دمر مستقبلنا..حضرتك احنا خريجين كليات عالية وكنا ولاد ناس جدا…وفي مننا اللي كانت مخطوبة واللي كانت علي وش جواز
لتقول الاخري:
– انا امي نظرها راح من كتر عياطها وكسرتها عليا
تحدث إحداهن بحزن:
-وانا اخويا لحد دلوقتي بيدور عليا ومستنيني ارجع..بقاله سنتين بيدور
حمزة باتزان:
-بس لازم تكلموا اهلكم..لازم اهلكم يعرفوا انتوا فين
صاحت بعصبية :
– نرجعلهم ازاي؟؟ احنا معملناش علاقة مع شخص واحد بس…ده كذا حد…ده كان قواد…انت متخيل..متخيل القرف اللي كنا فيه
– نرجع ازاي…نقول لاهلي أن الراجل اللي دخل بيتكم عشان يتجوزني طلع قواد !!!
حمزة بتساؤل:
-محاولتوش تهربوا؟
ضحكت بسخرية :
-نهرب فين وهو مصورنا كده…ولو حد فينا كان مشي..كان هيتفضح…و كان الفيديو مش هيوصل لاهلنا بس..لا ده مصر كلها
حمزة بحزم:
-بس برضو..اهلكم لازم يعرفوا..حتي لو مش هترجعوا..وعموما اللي انا هقدر أساعدكم بيه..ان انا هشوفلكم شغل وسكن..عارف ان كل واحدة فيكم حياتها اتدمرت..بس افتكروا ان ده كان غصب عنكم..مهاب لما خطف كل واحدة فيكم وعذبها مقدرتوش تستحملوا تعذيبه اكتر من كده واستسلمتوا..دلوقتي مهاب خلاص مش هيقدر يجي جنبكم..وبالنسبة للفيديوهات بتاعتكم خلاص اتمسحت نهائي واختفت…انا محيت اي حاجة تخصكم من عنده…عشان للأسف لو كنتوا اتمسكتوا كنتوا هتتحبسوا زيه
ليردف حمزة :
– لكن موضوع مهاب دلوقتي في ايد الشرطة…واكيد هياخد باقي جزاءه… وانتوا طالما انا قدرت اهربكم وامحي اي حاجة تخصكم من عنده كده خلاص مفيش اي خوف عليكم
___________________
صرخ حسن بجنون لوالده الذي أخبره بما فعله مع حمزة:
-انت رجعتله ورثه؟؟ اكيد اتجننت انت صح؟
والده باتزان:
-يابني عايز اعمل اللي يخليني اقابل ربنا وانا مطمن شوية
زفر حسن بنبرة ساخرة:
-دلوقتي بس افتكرت ربنا؟؟؟ كان فين من زمان
قاطعه بتذكير:
-بقالي فترة يا حسن بقولك وانت رافض ارجعله ورثه..بس خلاص يابني جه الوقت اللي لازم اعمل فيه الصح..وانت كمان اعمل الحاجة الصح يا حسن واتغير
ضحك بسخرية:
-والصح اني اتخلى عن شغلي؟
والده بتحذير:
-لو ماعملتش كده هتتحبس يا حسن…حمزة مش هيسكت
حسن بثقة:
-ما انا مش هسيب شغلي يروح علي مفيش كده
زفر والده بنفاذ صبر :
-يابني حمزة مديلك فرصة تشتغل في شغل نضيف..هتعيش طول عمرك كده مش قادر تتعب بنفسك؟
صاح حسن بحدة:
-بقولك ايه…انت زرعت و دي نتيجة حصادك! متجيش بقي دلوقتي تعاتبني علي حاجة انت السبب فيها
-عندك حق يا حسن..بس انا فوقت..وصححت غلطي..فوق انت كمان قبل ما تندم.
ليهتف حسن بنبرة شيطانية خطيرة :
– وانا بقى مش هفوق…ومش هسكت…انا هندمه وهندمك على تصرفك ده
_______
وعدتُكِ أن لا أُحِبَّكِ..
ثُمَّ أمامَ القرار الكبيرِ، جَبُنْتْ
وعدتُكِ أن لا أعودَ…
وعُدْتْ…
وأن لا أموتَ اشتياقاً
ومُتّْ
وعدتُ مراراً
وقررتُ أن أستقيلَ مراراً
ولا أتذكَّرُ أني اسْتَقَلتْ…
_نزار قباني
اتصل بها على هاتفها عدة مرات ولم ترد عليه، اشتاق اليها…يريد أن يسمع صوتها ولو لمرة واحدة قبل أن يصل إلى الإسكندرية..
طلب من سيف هاتفه ليتصل بها وهم في طريقهم إلى الإسكندرية، شعر بالغيظ من ردها على أخيها ولكن حقها فهي حزينة بسببه.. سألته بقوة وعنف :
– بتكلمني ليه؟؟؟ و بتكلمني كمان من عند سيف…لو سمحت اقفل
قال بصوت متحشرج:
– وحشتيني يا آيتن..
صمتت للحظات، وقالت بسخرية :
– لسه بتكمل تمثيلك؟
قال بقوة :
– لا بكلمك عشان انا بحبك، و وحشتيني…
رد عليه ببرود :
– كفاية تمثيل…كفاية يا حمزة
همس بصوت منفعل :
-عارف انك شوفتيني ندل و غدار وتوكسيك زي ما منة بتقولي…و ممثل… أنا فعلا مثلت عليكي….
ليغمض عينيه بقوة وتعب وهو يهمس :
– أنا مثلت اني بكرهك…. مثلت انك مش فارقة معايا، ظهرت وش مش بتاعي عشانك…
أكمل بصوت متحشرج :
-انا عملت كل ده عشان بحبك وعشان ارجعلك حقك وحقي..عملت كل ده الفترة اللي فاتت عشان احميكي…مهاب كان بيراقبك…وانا خليت سيف يراقبه واكتشف وقتها انك متراقبة منه، وبعدها اكتشفت أن افنان من ناحية تانية متفقة معاه…انا مانكرش أن قولت لخالي أن هنتقم منك والبداية نفسها كانت غلط…لكن ربنا اللي يعلم أن انا حبيتك…ومكنتش عايز اوجعك خالصكل كلمة و كل فعل كان حقيقي…مكنتش بمثل…انا وصلت معاكي لمرحلة العشق مش بس الحب…
سألته ايتن بحزن :
– ليه عملت فينا كده؟؟
قاطعها بقهر :
– كنت خايف عليكي…مرتين حاولوا يموتوكي…والله اعلم كان هيحصل ايه تاني…كان لازم يفهموا أننا هنسيب بعض…عشان اقدر انتقم منهم واجيب حقي وحقك
– طب و خالك؟؟؟
– خالي صارحته اول ما حبيتك…قولتله أن انا مش هكمل اللعبة دي…بس الصراحة مكنش يعرف اللي هعمله…محدش كان عارف عشان تصدقي الحوار كله… خالي يمكن كان فاكر اني بعلمك درس…لكن الموضوع مش كده خالص…هو انا عشان أعلمك درس اوجعك؟؟ لا طبعا…
ليردف بنبرة صادقة :
– أنا في الفيوم…و راجع… راجعلك يا ايتن…عارف ان الصدمة صعبة عليكي… بس لما ارجع هنتكلم..وهفهمك كل حاجة
وقبل أن يغلق هاتفه هتف خاتماً الحوار قائلا:
– هرجع عشان اثبتلك ازاي حبيتك… وعشان نربي ابننا سوا… سلام يا حبيبتي
بينما هي انهارت على سريرها من الصدمات والمفاجأت التي حدثت لها….منذ قليل كانت تركهه… والآن؟؟
لا تعرف مشاعرها…لا تصدق ما حدث…
حتى أنها لا تعرف هل هي سامحته أم لا
فهو لم يقص عليها كل شيء… لم تستطع أن تفهم كل ما حدث معه..وما فعله…لتنهض من مكانها وهي تتذكر ما كانت تنوي فعله منذ ايام …
اتصلت بها وئام وهي تخبرها ان تنتظرها أسفل العمارة… فهي أحضرت لها كل شيء يخص زوجة كرم السابقة “خال حمزة” فهي تريد أن ترجع حقه له عندما علمت أنها أخطأت تلك المرة بعملها وهي صممت أن تتأكد من جميع مشاكل السيدات التي جاءت إليها …
فلم تجد غير تلك المرأة و تلك الفتاة شذى التي كذبت عليها..
استأذنت من والدتها وتركت هاتفها وحتى لم تحتاج إلى أحد الحارسين الذي اوقفهم سيف خارج الشقة
فهي سوف تقابلها كما اعتادت بشارع بجانب العمارة…وما أن نزلت وجدت سيارة تقترب… وخرج منها شخص ما يرتدي بذلة رسمية يقترب اكثر منها، ليسألها:
– حضرتك مدام ايتن ؟؟
وقبل أن تجيبه بشيء….كان يضربها بقاعدة سلاح مسدس حتى سقطت أمامه، ليأخذها إلى السيارة و يساعده شخص آخر زميله وفرت السيارة بسرعة إلى طريق ما…
من سوء حظها أن حارس العمارة لم يكن موجود في تلك اللحظة وحتى إن كان موجود…لم يكن يستطيع أن يساعدها أو يراها فهي كانت في الشارع الجانبي…
_________
وصل حمزة وسيف سريعا إلى منزل والدتها.. عندما أخبرتهم أمها أن ايتن قد تركت هاتفها بالمنزل ونزلت لتقابل صديقتها وحتى أن صديقتها وئام صعدت إلى شقتها فلم تجدها .. صعد بسرعة رهيبة للبناية..وكأنه يتسابق مع الدرج.. والقلق نهش قلبه..دق الجرس بسرعة شديدة..لتفتح لهم حماته وأخبرتهم بما حدث مرة أخرى…فهي نزلت منذ ثلاث ساعات تقابل صديقتها وصديقتها أمامهم في المنزل..وهاتفها بغرفتها..اتصل بخديجة ولكنه لم يجدها معها…واتصل بمنة ولم يجدها عندها وحتى والدته…دب الرعب كيانه
شعر بقدميه تنهار .. لم يعد يحتمل وقفته .. جلس على الأرض .. شعر بروحه تنجرف عنه … وقف سيف أمامه وهو يصيح :
– ممكن تكون اتخطفت !!
مش يمكن يكون حسن ابن عمك قرر ينتقم بعد اللي حصل؟؟؟ اصل اكيد مش مهاب وهو خلاص بقى تحت أيدينا واتقبض عليه
نهض سريعا وقال بعزيمة:
-لأ..اكيد حسن معملش حاجة لا…انا هدور عليها
بحث عنها مرة أخرى في الأماكن التي يمكن أن تذهب إليها … لكنه لم يجدها … سأل سيف عن المستشفيات والأقسام .. ولم يجد أثرًا … تأكد حمزة من صحة أفكاره … كيف اختفت ؟؟ بالطبع خطفها حسن
سقطت دموعه … وظل يردد اسمها … بكى .. لأول مرة أظهر ضعفه هكذا أمام عدة أشخاص … المرات القليلة التي بكى فيها أمام أحد … كانت لها … زوجته … وقبل ذلك والدته وأخته …
رن جواله بصوت هاتفه يعلن وصول مكالمة من رقم … أجاب بلهفة فقط ليسمع صوت “حسن” فأجاب بضحك مخيف:
-حبيبي ازيك..بتدور عليها لسه؟؟ انا قولت اخوفك شوية
حمزة بجمود:
-فين مراتي؟
حسن ببرود:
-منوراني…لا دي منورة المكان كله…بحسدك عليها بجد
هوى قلب حمزة بين قدميه برعب، هدر حمزة بقسوة:
-اقسم بالله لو ايدك اتمدت عليها ما هرحمك يا حقير
ضحك حسن بشدة :
-مش عارف الصراحة…بس مضمنش ان انا هقعد أتأملها بس..خصوصا أنها دلوقتي تحت ايدي…سلام دلوقتي
اغلق حسن الهاتف..بينما حمزة لم يعد يشعر بما يدور حوله..ثم فجأة زعق بصوت متألم بأسمها
________
وعدت…بذبحك خمسين مره
وحين رأيت الدماء تغطي ثيابي
تأكدت أني الذي قد ذبحت
فلا تأخذيني على محمل الجد
مهما غضبت.. ومهما انفعلت..
ومهما اشتعلت.. ومهما انطفأت..
لقد كنت أكذب من شدة الصدق
والحمد لله أني كذبت….
_نزار قباني
تبلل العرق جبهتها وتعلقت خصلات شعرها بوجهها .. كانت الآلام قوية في رأسها .. والمزيد من الآلام التي تمزق في بطنها لم تستطع التقاط أنفاسها .. الألم انتشر في جميع أنحاء جسدها وتدفقت الدموع من عينيها بغزارة وهي ترفع يدها لتضعها على فمها ، وتخنق بكاءها ، حتى لا يؤذيها أحد تخاف من مظهرهم .. خاصة مظهر “حسن”.. تشعر أن نظراته تنهشها.
هدأ ألم رأسها قليلاً ، لكن الدموع كانت لا تزال تتدفق من عينيها
أغمضت عينيها قليلاً تدعو ربها أن ينقذها أحد…
في اليوم التالي ، أرسل حسن عنوان ذلك المكان .. ليأتي حمزة .. ولكن بمفرده .. أما حسن فكان تخلى عنه الرجال الذين عمل معهم بسبب توقف عمله المشبوه معمم .. لقد أصبح بطاقة محترقة الآن بعد أن أصبح لم يعد بإمكانه استخدامه .. فقرر إنهاء كل شيء .. قبل ان ينتهي معه الأمر كله
انتزع حمزة سترته ومفاتيح سيارته ، ثم ركض إلى الخارج … ليقول لعصام بسرعة:
-إتصل بسيف يجيلي علي العنوان ده…وقولوا يركن بعيد وميدخلش علي طول عشان ميقتلهاش
دلف حسن بعد قليل ليجدها نائمة علي وضعها ذاك..اقترب منها..وأعينه تتفصحها جيدا..ثم قال بخبث:
-مالك..خايفة مني؟
انكمشت أكثر ، وهبطت دموعها كثيراً ، لكنها لم تجيبه بشيء.. اقترب وقال بنبرة ماكرة:
-لا متعيطيش انا لسة معملتش حاجة
صرخت فيه بحدة:
-انت عايز منه ايه؟ مش كفاية اللي عملته فيه زمان انت وابوك
قهقه حسن بشدة وهو يقترب منها ثم قال بخبث:
-بس اللي هعمله انهاردة هيدمره نهائي
نظرت له بإشمئزاز وإحتقار:
-انت مريض…وحقير
وصلت سيارة حمزة إلى المكان .. كان قلبه ينبض بعنف يخاف عليها .. ادخلوه رجال حسن تلك الغرفة .. وأخذوا منه سلاح كان مخبأ في ثيابه.
وقف حمزة مصدوماً بما رآه .. زوجته واقفة بين يدي ذلك الشخص الحقير .. وضع المسدس على رأسها .. نظر لها حمزة بنظرات مطمئنة .. ثم نظر إلى حسن وقال بنبرة تهديد:
-سيبها يا حيوان وإلا اقسم بالله ما هرحمك
قهقه حسن واجاب بسخرية:
-هتعمل ايه؟
حمزة بتهديد:
-اعقل يا حسن…و متوديش نفسك في داهية
-ما انا كده كده رايح…يبقي اروح وانا واخد حقي منك
ثم اردف حسن بشراسة مميتة وهو يرمقه بنظرات قاتلة :
-عشان انت ابن عمي بس وغالي عندي..هخيرك بين شرطين..يا اقتلك…يا اما..عايز مراتك..اصلها عجبتني اوي
حمزة بسرعة:
-اوعدني انك متلمسهاش ولا تأذيها؟
-اوعدك
هتفت ايتن وهي ترتعش بصوت مجنون..فهي علمت مقصد حمزة من سؤاله:
-لأ…لأ
اغمض عينيه بألم:
-يبقى تأذيني
صرخت ايتن ببكاء منهار:
-لا يا حمزة…لا بلاش
ضحك حسن بجنون غير مصدق ما قاله حمزة:
-هتموت عشانها يا غبي؟
صرخ حمزة بعنف:
-انا يا اموت راجل يا أعيش راجل
– خلاص انت اللي اختارت
صرخت مرعوبة وهي تتوسل إلى حسن .. نظر حمزة إليها بثبات رغم أنفاسه اللاهثة .. ضغط حسن على السلاح بغل ، وأطلقت رصاصته واستقرت في كتفه بالقرب من صدر حمزة ، وسقط على الأرض غارقة في دمه…
برزت عيناها في حالة صدمة ودهشة ، وهي تصرخ باسمه بجنون ، محاولًة التخلص من ذراع حسن التي كان قد قيدها..فقفزت نحو حمزة لتجلس بجانبه واضعة رأسه بأحضانها وهي تهتف ببكاء:
-حمزة…لا يا حمزة فوق متروحش مني…حمزة
ضحك حسن بشر:
-خلاص كده خلصت…نهايتك كانت علي ايدي
ايتن برجاء باكي:
– اطلب اسعاف بسرعة…لا متسيبنيش يا حمزة عشان خاطري
شهق بألم وحاول التحدث بالرغم من صعوبة تنفسه
انهارت دموعها أكثر، لتقول بسرعة:
-لا..متتكلمش..انت هتبقي كويس..مين هياخد باله مني ومن ابننا
ضغطت بكلتا يديها على الجرح .. لعلها تستطيع إيقاف النزيف الغزير .. كانت عيناه على وشك الانغلاق وتشكلت ابتسامة شاحبة على شفتاه .. تحدث بصعوبة وهشاشة:
-كنت عايز ارجع بسرعة عشان تعرفي ان انا حبيتك فعلا…مكنش تمثيل
لفظ آخر كلماته ، ثم خفت أنفاسه وحركته .. استراح بين ذراعيها.
رفضت تصديق ما حدث. ظلت تهزه بشدة وتصرخ:
-لأ انت مش هتموت يا حمزة…فتح عينيك عشان خاطري..متسبنيش لوحدي..
يتبع….
_________
مستنية رأيكم وتوقعاتكم ❤️❤️❤️
خلاص كده باقي تقريبا فصلين وخاتمة والرواية تخلص ولو في افكار لاحداث زيادة والشغف موجود هزود فصل كمان ????❤️
قولولي الناس اللي كرهت حمزة لسه بتكرهوه ولا خلاص رجع لمكانته من تاني؟؟????????الفصل السادس والثلاثون
كانت ولا زالت
كانت …
كانت كفراشة ربيع متلئلئة
تنثر العبير في الأرجاء ببراعة فائقة
تسافر عبر الحدود ولا تهاب ضائقة
تداوي القلوب الحزينة
تنشر فرحا بعيون يتيمة
ترسم سعادةً لا تنجلي بعتمةٍ مظلمة
تصارع الأحزان في كل ثانية
جميلة متألقة ..
زاهدتا وراهبة ..
تسكن غيوم السماء الواسعة
تحاكي نجوم الليل التائهة
تصادق قمم الجبال الشاهقة
هي عنفوان إمرأة صادقة
تجلس وقت السحر بقنوت صامتة
وتبتهل لربها خاشعة
وتنادي على الصبر والأمل راجية
من ربها وعودا صادقة
وليس لغير ربها راضخة ..
كانت .. ولا زالت ..
كشاطئ بحر هادئة
في العطاء هادرة ..
كل من رآها يظنها حائرة
كانت .. ولا زالت
بكل خطوة واثقة ….
_خاطرة بقلم: “شهرزاد” ..
صرخت واستجدت بأي أحدًا .. صرخت وظلت تتمنى من الله لينقذه .. بينما نظر إليهم حسن بذهول .. لم تتأثر مناشداتها لإنقاذ حمزة على الإطلاق في البداية إلى أن استوعب ما حدث ليقترب منها وهو يحاول أن يطمئن عليه حتى سمع صوت طلقات الرصاص في الخارج..
نهض مسرعا ليرى ما يحدث .. فوجد سيف ورجاله يتقاتلون مع رجال حسن .. التفت إلى ايتن ونظر إليها بشدة..
أطلق سيف عدة رصاصات أصاب بعضها ، وقبض رجاله على البقية.. تحرك بسرعة ، ثم قام بكسر الباب بقوة وصرخ:
-حمزة…ايتن
فاجأه أن حمزة ملقى على الأرض مغطى بالدماء .. بينما حسن هدده بقتل ايتن بمسدسه على رأسها ، هتف سيف بعصبية:
-قسما بالله لو ما سيبتها…لأخليك تتمني الموت وماتطولوش
ضحك حسن بسخرية :
-ما انا كده كده هتحبس يا باشا ولا ايه؟
نظر سيف لايتن يرسل لها نظرة ثقة:
– سيبها يا حسن…سيبها..
ثم أصابت رصاصة أطلقت من سلاح سيف نحو ذراع حسن حتى صاح متألماً لتتراخى يده بعيدا عن ايتن … صرخت ايتن وهي تئن من الخوف … سرعان ما ارخى جسد حسن وسقط على الأرض .. ثم دخل رجلان بسرعة وقيدا يد حسن حتى يتم نقله إلى المستشقى .. بينما حمل حمزة في سيارة الاسعاف التي طلبها سيف
____________
اتراني بالوعد …
أستطيع الاستمرار .. وعود .. ووعود ..
وعدتك بأن أنساك .. وهل سأنساك بجرة قلم .. وعدتك أن لا أحلم بك .. قفلت على أحلامي بمفاتيح وسلاسل .. فلا المفاتيح أغلقت .. ولا السلاسل أحكمت ..كل ما هنالك أنك تتسرب كل ليلة لأحضاني .. وتزورني بأحلامي .. فأنا كاذبة يا سيدي .. لا استطعت نسيانك ولا استطعت محوك من شرايين القلب .. تلك الأبواب المفتوحة في رأسي .. اجهضت أوامري .. وتصلبت داخل رأسي .. تهذي باسمك .. وما نالني .. إلا أني أصبحت أصدق كاذبة في الخليقة ..
أحلف .. سوف أنساك ..
وإذ بي أحفر هواك داخل الأوردة والشريان ….
_خاطرة بقلم :شهرزاد ..
كانت تجلس على الأرض بجوار غرفة العمليات في المشفى .. تضع رأسها بين يديها ، يرتجف جسدها من كثرة الرعب .. الدموع الساخنة تحرقها بشدة .. آثار دمه لا تزال على يدها ملتصقة بملابسها .. جلس سيف بجانبها ممسكًا بها يضمها إلى صدره .. يحاول تهدئتها.. وبث والأمان بداخلها .. ليوقفها من مكانها وهو يرفعها تجلس بجانبه على أحد المقاعد
وجد الطبيب يخرج من غرفة العمليات وينظر إليهما بإرهاق حتى نهضوا من جلوسهم متجهين نحوه..فطلب احتياجهم لدم وسألهم عن نوع فصيلة دم حمزة أن كانت متطابقة مع أحد منهم ولكنها ليست متطابقة معه…وما ان تذكر سيف شخص ما نفس فصيلة الدم حتى ابتعد قليلا وأجرى مكالمة ما…
بعد مدة قليلة…ذهبت ايتن إلى الحمام…وانتظرت بجانب سيف بعد أن علمت أنه احضر متبرع لحمزة…فوجدت والدها يخرج ويجلس امام غرفة العناية..فتقدمت نحوه قائلة بقسوة :
-انت ايه اللي جابك هنا…جاي تعمل ايه؟؟ متشكرة جدا مش محتاجاك في حاجة
تقدم إليه سيف يقاطع شجارها، قائلا لوالده:
– شكرا يا بابا على تبرعك لحمزة بالدم…بجد وجودك وفر علينا تعب كتير
اتسعت عيناها بصدمة، ليردف سيف قائلا:
-حمزة فصيلة دمه كانت مش متطابقة معانا..وللأسف كان محتاج دم كتير وبسرعة وإلا بعد الشر كان ممكن حالته تسوء جامد..فافتكرت أنها نفس فصيلة دم بابا…فطلبت منه ووافق وجه جري…واتبرعله هو
تناول الكوب منه بصمت لتردف ايتن بدهشة:
– شكرا على اللى انت عملته لحمزة…اول مرة اكتشف فيك حاجة كويسة
اومأ لها بحزن :
-يا بنتي انا ممكن اعمل اي حاجة عشانك…بس انتي اديني فرصة
قاطعته ايتن وهي تنصرف:
– متأخر اوي الفرصة دي … المشكلة ان مفيش حاجة حلوة بفتكرهالك… يمكن انت دلوقتي بتعمل حاجات كويسة لكن اللي فات كله معاك مكنش حلو
تنحنح سيف قائلا:
-معلش يا بابا…مع الوقت اكيد ايتن هتحاول تتقبلك وتسامحك
ليردف بحزن :
– يمكن عشان هي اذاها منك كان اصعب بكتير…انت عمرك ما مديت ايدك عليا غير لما كنت بحاول ادافع عنها بس… وبعد لما ماما سابتني وانفصلت عنك و اخدت اختي انت محاولتش تضربني.. ولا كنت بتمد ايدك عليا… كنت بتعمل كده لما بدافع عن اختي… مش عارف ازعل منك على اللي عملته فيهم وافضل شايل منك…زي ما سيبت القاهرة و جيت مع عمتو نقلت هنا طول السنين اللي فاتت في شغلي…يمكن كنت بتهرب منك ومن حزني من عدم وجود امي واختي معايا…
– انا اسف يا سيف…اسف على كل حاجة عملتها وحشة ليكم
– انا حتى لما قابلت امي كنت ناوي اقاطعها ومكلمهاش… لقيت منة بتقنعني أن لازم اشوفها واديلها فرصة… يمكن طريقة حب منة للناس وليا خليتني اتقبل وجود امي و ارجع اتعامل معاها حتى لو زعلان منها أنها سابتني لكن بكلمها عادي…هي فعلا غصب عنها…او يمكن لأن هي داقت وجع اكبر بكتير مني…ايتن اتوجعت اوي…ايتن هي اللي داقت طفولة صعبة معاك…وضرب من غير مبرر…انا محصلش معايا زيها…عشان كده درجة مسامحتي وتقبلي ليكم أكبر منها…
– هو ممكن يا سيف تخليني اقابل والدتك…انا عايزها تسامحني
– مش عارف يا بابا … هي رافضة خالص
بعد مرور فترة .. خرج الطبيب من غرفة العمليات… واقتربت ايتن منهم
قال سيف بلهفة:
-طمنا حالته ايه؟
ليجيب الطبيب مطمئنا اياهم:
-اطمنوا يا جماعة الحمد لله حالته مستقرة ومش محتاجين دم تاني بعد اللي نزفه.. وكويس أن الرصاصة كانت في كتفه بس…هو بس اتبنج كلي..هيفضل في البنج كام ساعة كده
– يعني مفيش أي خطر عليه؟؟
– لا خالص مفيش حاجة … مفيش خطورة عليه ومش هيدخل في غيبوبة حتى .. كلها كام ساعة وهيفوق
تنفس كلا منهم الصعداء
حاول سيف كثيرا مع ايتن…ان تذهب إلى المنزل ولكن دون فائدة…لم تذهب قبل أن تطمئن عليه وتراه..
في صباح اليوم التالي وبعد مرور عدة ساعات..سمح لها الطبيب برؤيته قبل أن يفيق من البنج
دخلت الغرفة لترى جسده العريض على السرير .. وربطت به بعض الأسلاك..و ضمادة لكتفه
تقدمت أكثر نحوه لتتأمل ملامحه التي ما زالت تحمل القوة والثبات..مالت نحوه لتضع إحدى كفيها على وجنته…حتى دمعت عيناها..وهمست بحنان واضح:
-اكتشفت ان برغم كل اللي عملناه في بعض…اني لسه بحبك..بحبك يا حمزة..عشان خاطري خليك معايا..اوعي تسيبني..مش هستحمل أن يحصلك حاجة..عشان نربي ابننا سوا من غير اي مشاكل ولا حاجة تبعدنا عن بعض…
قاطعتها الممرضة وطلبت منها الخروج..خرجت من الغرفة ليهفو اليها سيف سريعا:
-ها يا ايتن فاق ولا لسه؟
ايتن بأمل:
-لسه بس ان شاء الله هيفوق بسرعة من البنج و هيبقي كويس
سيف بحزم:
-طيب يا حبيبتي ممكن تروحي وترجعي تاني
-لا مش هينفع اسيبه..
-ايتن مينفعش اللي انتي فيه ده..مفيش داعي للقلق..انا موجود معاه..روحي بس حتي غيري هدومك اللي مليانة دم..وتعالي تاني عشان لما يفوق يلاقيكي كويسة وبخير..وفي سواق هيروحك وهيجيبك
اومات بصمت:
-حاضر
_______________
أخيرًا نقل حمزة بعد ذلك إلى غرفة خاصة .. بعد أن طمأنه الأطباء بأن حالته مستقرة .. دخلت إلى الغرفة المخصصة له .. وجلست على حافة السرير .. وانحنت نحوه ودفنت وجهها في يده .. تبكي وهي تشم رائحته .. وشعرت بدفئه حولها لا تصدق أنه هنا .. بجانبها حي ..
حبست أنفاسها وهي تنظر إلى جسده أمامها .. والضمادات المحيطة بكتفه .. اغرورقت عيناها بالدموع وهي تهمس:
– حمد الله على سلامتك يا حبيبي..
رفعت وجهها عندما شعرت بضغط مفاجئ على رأسها .. ثم تنهدت بسعادة عندما رأت عيناه تنظران إليها بعد استيقاظه اليوم .. نظرت إليها بثبات .. قلبها ينبض بقوة .. وارتجف جسدها كله.. لم تكن تعرف ماذا تقول .. الشيء الأكثر أهمية أنه بخير .. وسيكون بخير
نظر بعيناه إلى وجهها الجميل ، يتأمل كل جزء من ملامحها .. عيونها تبكي .. وفمها يرتجف لتحاول أن تبتعد حتى تمسح دموعها ولا تقلقه عليها .. وقبل أن تبتعد جذبها إليه بضعف… يشدد على مسكها .. قائلا بصوت أجش:
-تعالي زي ما كنتي
ليردف :
– محتاجك جنبي زي ما أنتِ…
– انا معاك يا حبيبي…ومش هسيبك
وجدته ينظر نحوها بصدق هاتفا:
-وحشتيني يا بونبوناية
ايتن بذهول:
-يعني مكنش كدب؟
ضحك بصوت عال قليلا:
-ولا تمثيل
ايتن بعبوس:
-بجد..المرة دي بجد يا حمزة؟
حمزة بتصحيح:
-كل مرة اصلا كانت بجد…انا مكدبتش عليكي في حبي ليكي ابدا
ابتسمت له بسعادة، أردف قائلا بنبرة صدق:
-قولت بس..عشان احميكي..انا يمكن البداية كانت زيك و كنت ناوي اعمل كده…لكن انا فعلا حبيتك..ومن قبل ما اتجوزتك وانا حبيتك بجد ومكنتش ناوي اسيبك..كان لازم ده يحصل..عشان اوصل لكل اللي وصلتله…وارتاح… من اول ما حكيتيلي عن مهاب ده وانا وعدت نفسي اني لازم اجيب حقك واحميكي منه
اغرورقت عيناها بالدموع، ليمسحها بانامله:
-مش عايز اشوف الدموع دي تاني…يارب اموت لو…
أسرعت تضع يدها علي فمه لتمنعه من تكملة هذا الكلام قائلة بحدة:
-ماتقولش الكلمة دي…انت هتخرج بسرعة…عشان نربي ابننا مع بعض
بثت كلمتها السعادة في قلبه..إلا أنه نظر إلى وجهها قائلا بتوجس:
– مبسوطة عشان هيبقى فيه بينا طفل؟؟.
– انا لو مش بحبك مكنتش هحب اخلف منك… بس عملت كده عشان واثقة فيك
ثم اردفت بعتاب:
-ينفع إللى انت عملته ده…كنت هتضيع نفسك عشاني
قطب جبينه قائلا بنبرة حادة :
-ولو اتكرر الموقف تاني مستعد اضحي بحياتي عشانك..والا ان ده كان يحصل..مستعد اموت عشانك
قاطعته ايتن قائلة :
-انا مقدرش اتخيل حياتي من غيرك…او اني اسيبك تاني
حمزة بهيام:
-مش هسمحلك اصلا
ليردف متذكراً:
– عايز بقى احكيلك عملت ايه في مهاب
قص عليها كل ما حدث مع ذلك الحقير..لتنظر له بفخر وعيونها تدمع بسعادة غير مصدقة ما حدث وما فعله لأجلها
-انت احسن راجل في الدنيا دي كلها
– أنتِ اللي تستاهلي اعمل عشانك أي حاجة….
– بحبك والله…
_________
– ليه كده ليه يا حسن عملت كده.؟؟ بتخطف وتحاول تقتل؟؟؟ هو انا مخلف قتال قتلة !
بصوت متعصب حاد وهو نائم على سرير المشفى وذراعه مصابة مغطاة:
– هو اللي بدأ
نظر والده له بعبوس:
– هو كان حاول يخطف حد يخصك؟؟؟ حاول يموتك؟؟
هو معملش حاجة ليك … قابل بقى نتيجة افعالك
بعد أن افاق من الصدمة صرخ مهللاً:
– يعني انا هترمي في السجن … دي اخرتها…انا مكنش قصدي .. مكنش قصدي اعمل فيه كده
اومأ والده بالايجاب بحزن :
– وهو اكيد مش هيسامح….ولا هيسامح في اللي حصل مع أبوه واخته زمان…. انا يمكن حاولت اصلح…مقدرتش يا حسن…حاولت اعمل حاجة يابني قبل ما اموت
ليصرخ حسن مرة أخرى بانفعال:
– تصلح تقوم تقويه عليا؟؟ تخليه يتساوى بيا…انا مكنتش عايز اموته…مقدرتش اضربه بالمسدس في صدره… كان ممكن اعمل فيه كده بس معرفتش…انا اسف يا بابا
هز والده رأسه بندم :
– مبقاش ينفع اي اسف يا حسن…الشخص الوحيد اللي ينفع تتأسفله هو حمزة و اكيد رافض يشوفك ومش هيتنازل عن أنه يرميك في السجن
__________
بعد مرور عدة أيام… في المشفى
كانت تجلس بجانب زوجها وهي تساعده أن احتاج شيء ما، وفي المقابل تجلس أمامها منة وبجانبها سيف، بينما هي تتناول بعض من قطع الشوكولاتة الباهظة الثمن التي أحضرها سيف إلى حمزة..
هتف حمزة قائلا :
– اتمنى يكون عجبك الشوكولاتة اللي المفروض جايالي انا
– الله ما انت مش بتحبها…
– انا بقيت حاسس انك بتتوحمي على الشوكولاتة بجد
قهقت منة ضاحكة :
– شكلها كده فعلا
ابتسمت ايتن وهي تنظر إلى شقيقها قائلة بامتنان:
-ربنا يخليك ليا يا سوفي طعمها تحفة
ابتسمت منة بهيام قائلة:
-الله سوفي جميل اوي الدلع ده
تجهم وجهه قائلا:
-يا شيخة بقى هتشبط في الدلع اللي مش بحبه
قالت منة باستغراب :
– مش بتحبه ليه؟ سوفي ده جميل اوي
أجلى صوته بغيظ قائلا:
– مبحبوش يا منة بجد
هتفت ايتن قائلة:
– اصلا هو سوفي بتاعي الاول…انتي اللي بتاخدي مني الدلع
اختلست منة نظرة ساخرة لها:
– لا ده هيبقى جوزي يعني هيبقى بتاعي انا
أجلى صوته بنحنحة :
– بس انتي وهي محدش يقولي ام الدلع المستفز ده…مبحبوش قولنا
قاطعه حمزة بضيق :
– يا عم انت لاقي … احمد ربنا بتدلع إنما انا لا
نظرت له ايتن باستغراب:
– يا سلام ؟؟ مش بدلعك انا ؟
هتف بنبرة مزيفة:
– خالص
كزت على أسنانها وصاحت :
– زي القطط والله بتنكر
تلاعب بعينيه بعيداً عنها:
– بصراحة بقى مش فاكر انك دلعتيني خالص
– لا دلعتك كتير
زفر سيف بضيق:
– يا عم بقى انتوا رجعتوا تاني تلعبوا لعبة توم وچيري دي
صفقت منة بحماس:
– الله بجد هيتخانقوا
نظر لها سيف بغيظ :
– نعم يا منة انتي فرحانة أنهم هيتخانقوا؟؟ بدل ما تصالحيهم
قهقت منة ضاحكة :
– خناقاتهم لذيذة والله بتضحكني
– المفروض نصالحهم على فكرة
– لا سيبهم شوية دمهم خفيف
همست ايتن ببراءة:
– اصلا كنت بدلعك
نفخ حمزة بغيظ:
– كنتي؟؟ و دلوقتي فين أم الدلع ده ؟؟
نكست رأسها متوردة الوجنات بحرج:
– عشان لسه راجعين لبعض..
– برضو مش مبرر…انا من حقي اتدلع من مراتي في أي وقت
تدخل سيف قائلا:
– في دي عنده حق..انتي غلطانة
– انا يا سيف؟
أومأت منة قائلة :
– أيوة يعني لا كنتي بتدلعيه قبل ما تتخاصموا ولا حتى بعد …
اتسعت عيناها بذهول:
-ايه الظلم ده بقى ؟ ده بيضحك عليكم
همس حمزة بحزن :
– انا يا بنتي ؟
صالحيني بقى…انا زعلان بجد
تألق الخبث في عيني حمزة، في حين قال سيف :
– أيوة صالحيه يا ايتن… ماينفعش يخرج من المستشفى وهو زعلان منك..
قالت منة بقلق :
– لا ده شكل الموضوع بجد… لا يا ايتن بقى صالحيه..
اتسعت عينا ايتن واقتربت منه .. كان جالسًا بنصف جلسة يسند ظهره على السرير.. كانت ملامحه يظهر عليها العبوس المزيف هي تعرف أنه ليس غاضباً ابدا.. حسنًا ، لقد جلب هذا على نفسه ..
فكرت بمكر انثوي .. ابتلعت ريقها وقالت بنبرة ناعمة جدا :
– مايهونش عليا اسيبك زعلان يا حبيبي
أحس بنفسه يضيع في حروف الكلمات الناعمة التي لامست أعماق قلبه، وأكملت جملتها وانحنت نحوه حتى لامست أنفاسها خديه لتميل تقبل خده بشفتيها برقة، وهمست تقول باغراء بجانب أذنه:
– ده عربون مصالحة مؤقت كده…لحد ما اصالحك بطريقتي لوحدنا
وقبل ان يمسك كتفيها ليقربها منه ابتعدت عنه بخفة.. لينظر لها بغيظ وهو يندم على أنه تفوه بحرف واحد وطلب مصالحتها على شيء مصطنع
تجلي صوتها هامسة بصوت خافت وهي تلاحظ ملامح وجهه المتغيرة بغيظ:
– مالك يا حبيبي ساكت ليه؟ أنت لسه زعلان ؟؟؟
هز رأسه بنفي :
– لا..لا…خلاص
صاحت منة بنفاذ صبر:
– انت بتتحول في دقيقة كده ازاي !
– في ايه يا منة .. اسكتي
– يخرب عقلك بجد…ما البنت كويسة معاك اهي…مالك بقى… مش مقدر مصالحتها ليك ليه ها ؟؟؟
– ما تخليكي في حالك بقى شوية…
دافعت عنها قائلة بضيق :
– انت بتتعصب عليها ليه بجد ؟؟؟
رفع رأسه يرمق زوجته برقة هامساً:
- أنا عمري اتعصبت عليكي يا جميلة أنتِ
همست ايتن بابتسامة :
-محصلش لا
صاحت منة باستغراب وهي تبعد رأسها إلى الجهة الأخرى :
-ياربي رجع لوضع الـ Cute بسرعة ازاي كده؟
-شوفتي يا منونة؟
أومأت برأسها، فتابع:
- يعني بتتبلي عليا، وبتقولي حاجات مش فيا
– فعلا
رفع حاجبه بضيق:
- يعنى بتظلمينى
التفتت بحدة قائلة:
– لا ده عشان انت ثبتها بصوتك الحنين
نهضت منة من مكانها بذهول قائلة:
– قوم يا سيف…نمشي…ده هيجننوني
كتم سيف ضحكته وهو يأخذها إلى الخارج وتركهم وحدهم…
– جننت البنت حرام عليك
سحبها من يدها لتقترب منه قائلا بتأفف:
– انتي السبب
وبحركة سريعة قربها منه بقوة، مما جعلها تشهق وهي تصطدم بصدره الصلب بعيدا عن موضع إصابة كتفه، بنيما شعرها المنسدل على جسده منحه نظرة مغرية لا تقاوم..
– انا عملتلك حاجة ؟
– حاجات كتير أوي…
عقدت حاجبيها بشكل غير مفهوم، وقبل أن تدرك ما يقصده، كان يقبل شفتيها بشغف.. وهي تغمض عيناها وشفتاها متفرقتان و أنفاسها متقطعة..بينما هو يقبلها بعمق يستكشف فمها و يضغطها على جسده بحذر…
قاطع تلك اللحظات صوت فتح الباب.. فسحبت نفسها بسرعة… ليهدأ أنفاسهم.. ويحاول السيطرة على نفسه…فكانت الممرضة تتابع عملها
ليسألها بغيظ :
– هخرج امتى بقى ؟
____________
دلفت خديجة إلى الاتيليه
فمنذ اخر شجار بينها هي وهاني وهي قررت الابتعاد تماما..حتي لم تسمح له بأي فرصة للرجوع أو التحدث معها
جحظت عيناها بذهول عندما دخلت..فكان الاتيليه الخاص بها إمتلأ بالازهار الملونة…البالونات المعلقة بالهواء ومنها المترامي علي الأرض لتجد هاني يقترب منها..قائلا بترجي:
-خديجة…قدام كل الناس دي ارجوكي نتجوز…من غير اعذار كفاية تأخير بليز..انا خلاص عديت التلاتين سنة يعني بقيت جدو وكل صحابي معاهم عيال إلا انا يا مفترية
طريقته تلك جعلت قلبها يطرب فرحا..لتقول بذهول:
-هاني! ايه الجنان ده
عقد حاجبه قائلا بجدية:
-وافقي بقي وخلينا نتلم ونتجوز..انا مش هسيبك غير لما تقولي موافقة
وضعت يدها علي فمها وعيناها مغروقتين بالدموع:
-انت مجنون والله…ايه اللي عملته ده؟
ضحك هاني قائلا بحزم:
-حبيت احطك قدام الأمر الواقع..واشردلك قدام زباينك والناس..عشان متهربيش وتوافقي نتجوز بدون تأخير
– لا والله
هاني بتبرير:
-اه والله..ولو علي اخواتك…ف انا دخلت اخوكي مصحة..ومراته اقنعته أخيرا أنها تشتغل وشوفتلها شغل عندي…واختك اللي هي مريضة حاليا..دي انا متكفل بعلاجها لحد ما تكمل حملها بالسلامة ومش عايز نقاش منك في الحوار ده..لكن اختك الصغيرة دي بقي تظبط نفسها علي قد ظروف جوزها…ها قولتي ايه؟
انهمرت دموعها بشدة من السعادة…وركضت ترتمي بأحضانه:
-موافقة..موافقة
هاني بحب:
-أخيرا…بعشقك يا احلي ديجا في الدنيا
وضع يديه على طرفي الطاولة وانحنى نحوها مما جعلها تتراجع وتنحني هي الأخرى بخجل، صاحت به بغضب :
– هاني…بتعمل ايه؟؟؟ الزباين والناس اللي بتشتغل
قال وابتسامته تزداد اتساعاً :
– موافقة؟
سحبت نفساً مهدىاً قويا ولمعت عينيها البنية بتوتر وفتحت فمها لتنطق ولكنه سبقها قائلا :
– لو كنا لوحدنا بس…ومتجوزين…مكنتش هتردد ثانية اني اتهور وابوسك
ازداد تسارع أنفاسها وسرت القشعريرة لي جسدها وهي تشعر بأنفاسه على بشرتها..لتهمس بعدم ثبات :
– عيب والله ازاي تقول كده
– عندك حق انا مكنتش هقول اصلا…كنت هنفذ على طول
حرك وجهه قليلا وأصبح فهمه يقابل شفتيها دون أن يلمسها، لترتفع نظراته إلى عينيها :
– حظك بقى أننا مش كاتبين الكتاب حتى
– هاني من امتى بقيت كده ها؟؟؟
– من دلوقتي … عايزين نتلم بقى في بيت واحد كده ونتجوز…كفاية كده يا مفترية
– حاضر والله اعتبر الميعاد اتحدد
تراجع فجأة إلى الخلف ..
– ومتقلقيش من ماما…هي اكيد لما هتلاقيكي كويسة معايا ومستعدة نتجوز بسرعة اكيد هتحبك
___________
ذهب حمزة بعد خروجه إلى قسم الشرطة…ليقابل حسن
هتف حمزة بنبرة قوية:
– انا ماموتش يا حسن….ربنا كتبلي عمر….
ليردف حانقاً:
– يا أخي أنا بسأل نفسي … ازاي الناس بقت بجحة أوي كده… وصلت بيك الحقارة انك تخطف مراتي ؟؟ وتحاول تقتلني
هز رأسه بنفي :
-مكنتش هقتلك …مقدرتش … بس انا شوفت فيه الكلام اللي هو كان بيقولهولي… مقدرتش امسك نفسي
– كلام ايه ؟؟ انا مش فاهم حاجة…
هز رأسه بقوة وهو ياخذ نفس عميق متمتماً:
– مقارنات…وكلام كتير عنك….انا اتربيت كده … اتربيت أن ابن عمي ده احسن مني في كل حاجة….من واحنا عيال حتى في المدرسة…ابويا لازم يقولي شايف ابن عمك اشطر منك ازاي !!
شايف هو احسن منك ازاي ؟؟
ناجح و بيقف على رجله…رااااجل…راجل مش زيك عيل
حتى لما انت خطبت … كان بيقولي شايف اختار بنت ناس وكويسة ومحترمة…
ليردف بصياح غاضب:
– انت كنت صورة بيقارني بيها طول الوقت…صورة لازم اوصلها…عشان هو يحسسني بقيمتي….حاولت والله حاولت ابقى انا….حاولت ابقى ناجح بطريقتي معرفتش…مكنتش ببهره….حتى بعد ما ظلمك كان بيقارني بيك…
كنت مستنيني اعمل ايه …وانا شايفك طول الوقت احسن مني…كنت عايز اوريله الحقيقة…أن انا اللي احسن…وان خطيبتك باعتك بسهولة …وحبتني انا واختارتني انا
شهق غاضباً:
– دي خيانة يا حسن …. خيانة !!!
– ما هو موافقش اتجوزها …. رفضها و خلاها تسيبني…واتجوزت هي غيري …بس فرحت لما انفصلت حسيت وقتها أن ممكن نرجع تاني
انا وافنان صعب نتجوز….صعب .. ابويا رافضها تماما بسبب اللي عملناه فيك
هزه بعنف هادراً:
– مينفعش تتجوزها يا حسن….هي مش بس خاينة … دي غدرت بيك…افنان هي اللي ساعدتني اوصل لإمضتك للورق اللي يخليني شريك معاك بنسبة أكبر…افنان هي السبب يا حسن
– لما كانت بتقولي انها عايزة ترجعك ليها عشان قولتلها كلام يضايقها … كنت فاكر لعب عيال ومجرد انها عايزة تغيظك شوية وخلاص هي معايا….لكن توصل بيها لدرجة أنها تغدر بيا؟؟؟؟
هي فين…قولي مكانها
صرخ به حمزة قائلا:
– انت في القسم يا حسن…وهتتسجن….كفاية بقى….افنان خلاص سافرت القاهرة وهتشتغل هناك بعيد عني وعنك….ده كان اتفاقنا
اتسعت حدقيته بصدمة :
– خاينة و غدارة !!!!
– فكر في نفسك…فكر في اللي عملته في نفسك و وصلك لايه
هز رأسه بانهيار :
– انا مكنش قصدي اعمل كده فيك….انت اللي غبي….عايز تموت نفسك عشان واحدة
هتف حمزة بنبرة حادة:
– ماتجيبش سيرة مراتي بينا…..
ليردف بثقة:
-ولو اتكرر الموقف هعمل كده حتى لو كنت هموت علشانها…
تابع حمزة قائلا:
– كل اللي انت حكيته ده مش مبرر يخليك تحاول تقتلني…انا مغلطتش يا حسن … انا جبت حقي…حق ابويا اللي مات مقهور…واختي اللي ماتت صغيرة
دمعت عيناه بندم :
– انا مكنش قصدي يا حمزة…. سامحني…والله غصب عني…
– كل اللي حكيته ده مالوش اي مبرر.. انت اللى كان بإيديك تبقى كويس…كان في ايديك فرص احسن مني…كان ممكن تستغلها صح…ابوك مقالكش تروح تشتغل في صفقات مشبوهة و حرام … ابوك مقالكش تخون ابن عمك…مقالكش تخطف مرات ولا قالك تحاول تقتلني…كان ممكن تتكلم معاه…تيجي تواجهني وتقولي…كان ممكن تثبت انك احسن مني حتى…كان في ايدك الفرص اللي تخليك توصل احسن وانجح بمراحل و تثبتله أن انت احسن مني…انا بدأت بنفسي وانا لوحدي…بس ربنا كان كريم بيا…تعبت واشتغلت و وصلت لمكانة كويسة في اكبر شركة من شركات السياحة هنا…
همس حسن بضعف :
– سامحني يا حمزة…انا عارف اني ظلمتك…ارجوك تسامحني
نظر له حمزة بضيق :
– مش قادر….مش عارف اسامحك يا حسن… اسامحك على اللي فات ولا على اللي عملته فيا دلوقتي….
ليردف بنبرة خشنة :
– انا لازم امشي…والقضية بتاعتك زي ما هي يا حسن…مش هتنازل
___________
قبل موعد زفاف سيف ومنة بيومين…
في مركز التجميل..
كانت منة تجلس مع اثنين من أصدقائها وايتن وخديجة…ليساعدوها باختيار الأشياء المهمة…اغلقت المكالمة مع سيف بعد أن هاتفها ليطمئن عليها
بدأت تضع الفتاة ماسكات لمنة لتسألها خديجة باستغراب:
-اومال يا منة مش شايفاكي متوترة زي البنات الطبيعية ولا خايفة ولا كأن فرحك بعد يومين
منة بلامبالاة:
-لا عادي..اصلا سيف متفق معايا أنه هيسيبني اول كام يوم كده..عشان كده مش خايفة
نظروا جميعهم إلى بعض بذهول، لتقول صديقتها الثانية بعدم تصديق :
-بتهزري اكيد..هو فيه راجل بيعمل كده اصلا..ممكن يوم ماشي لكن كام يوم لا وسعت منه دي
ردت ايتن بذهول:
-سيف اخويا؟ ماشاء الله بجد
ضحكت خديجة قائلة بشك:
-منة بتخزي العين يا جماعة
صاحت منة قائلة باندفاع:
-اه سيف..عشان هو راجل ومقدر ان اي بنت بتبقي خايفة اليوم ده ف هو اتفق معايا على كده
غمزت لها صديقتها الأولي :
-يا بنت الايه عملتيها ازاي دي
ضحكت منة بخبث:
-اصل انا عيطت وصعبت عليه فقالي خلاص هسيبك كام يوم كده
هتفت صديقتها بغيظ:
-يا بختك يا منة بجد…سيف ده راجل بيفهم
قالت منة بهيام:
-طبعا هو سيف زي أي حد ولا ايه
________
في المساء
في منزل منة
كان يجلس معها في الصالون لتسأله عن بعض تفاصيل الزفاف
منة بتساؤل:
-سيف بعت الاغاني اللي هتشتغل في فرحنا؟
اخرج سيف هاتفه ليعطيها اياه تتصفح صورة مدون بها أسماء الأغاني :
-اه..هما دول
جحظت عيناها بصدمة :
-لا بتهزر والله…الأغاني دي ماتنفعش…انا عايزة اغاني مهرجانات شعبي
زفرت سيف بضيق:
-منة دي اصلا ماتتسماش اغاني…وانا مش هشغل القرف ده في فرحي
نهضت من مكانها…وضعت يدها على خصرها قائلة بغيظ:
-لا ده مش فرحك لوحدك..ده فرحي انا كمان..يعني ايه مشغلش اغاني حمو بيكا وعصام صاصا..هرقص ازاي انا كده !
سيف بحدة :
-منة انا قولت اللي عندي…الأغاني دي مش هتشتغل
منة بإقناع:
-يا سيف والله هتبقي حلوة..مجرد ما تشتغل بس هتتبسط اوي معانا
رمقها بجدية:
-منة..الكلام خلص
زفرت بنفاذ صبر:
-لا يا سيف…مش كل مرة كلامك هو اللي يمشي
نهض من جلسته ليهم بالانصراف:
-وانا مش هغير كلامي يا منة…الاغاني دي مستحيل تشتغل في فرحي..يعني مش هتشتغل
__________
اتصلت علي حمزة لتخبره بشجارها مع سيف…فبعد ان تحدث معه حمزة..اتصل علي منة قائلا بهدوء:
-انا حاولت أكلمه بس هو رافض فعلا..متقلقيش يا منوش هحاول اقنعهولك تاني
منة بصوت شبه باكي:
-لا يا حمزة..سيف مصمم ومش هيغير رأيه..ماكنتش اعرف ان اختلاف شخصيتنا هيقف في حاجات زي كده
حمزة بتفكير :
-طب اهدي كده..وانا عندي حل
منة بلهفة :
-ايه هو
اقترح عليها الفكرة..فشعرت منة بالخوف ان فشلت..لتقول بنفي:
-لالا يا حمزة…كده ممكن الفرح يبوظ
حمزة بثقة :
-لا افهمي بس..احنا لو حطيناه قدام الأمر الواقع هو اكيد مش هيبوظ فرحه عشان كام اغنية
سألته منة بتردد:
-تفتكر؟
حمزة بنبرة حانية :
-متقلقيش يا حبيبتي
-ربنا يستر
________
في محافظة الفيوم…
في احدى السجون… كان يجلس مع المحامي في إحدى الزيارات
هتف مهاب بانفعال :
– انا مش هسكت كتير….انا اتحكم عليا بالسجن و مستقبلي ضاع وسمعتي اتدمرت….واهلي حياتهم اتدمرت بسببي…مش هفضل هنا لوحدي..
– أهدى بس يا مهاب … هما هيحاولوا يساعدوك بس كل الأدلة كانت ضدك
هز رأسه قائلا بنبرة باكية:
– لا مش كلها…مش كلها …في حاجات مش لوحدي فيها.. انا اصلا مكنتش بعمل حاجة…هما اللي كانوا بيعملوا مش انا
– طيب يا مهاب…انا هتكلم معاهم…وهشوف الدنيا هتوصل لايه وهبلغك
ليهتف بتهديد خطير :
– بلغهم كمان يا متر…أن عندي كتير…كتير اوي اعرفه عنهم اتكلم فيه…
__________
كانت تجلس مع شقيقها في شقة أمها وهي تزورها .. همست ايتن بهدوء :
-سيف…احنا عندنا في الاوتيل بيتعمل حفلات وساعات افراح وناس راقية جدا واهم رجال أعمال..بيشغلوا اغاني المهرجانات الشعبية عادي جدا..وساعات بيجيبو المطربين دول كمان
سيف بعدم إقتناع :
-وانا مابقتنعش يا ايتن..وانا حر فرحي وانا حر فيه
زفرت ايتن بتصحيح:
-يا حبيبي…ده مش معناه خالص ان الناس اللي بتسمع الاغاني دي بيئة او سرسجية…الفكرة بس ان الاغاني دي ليها شعبية كبيرة..معظم الناس بتسمعهم…انا عن نفسي بسمع أجنبي وقديم وجديد وهما كمان ساعات لو في فرح يعني…طبيعي جدا
سيف بحزم:
-ايتن انا مش هشغل الاغاني دي نهائي…وده اخر كلام عندي وفهمي منة لو مش عاجبها يبقي مفيش فرح
تدخلت أمه قائلة:
– لا حول ولا قوة الا بالله…ايه اللي بتقوله ده بس يا حبيبي…دي عروسة ومن حقها تفرح بالطريقة اللي هي عايزاها
– والمفروض برضو انها تقدر ذوقي الخاص
– يا حبيبي بتقدره بس ده ليلة في العمر…وممكن انتوا الاتنين تشغلوا اذواقكم الخاصة سوا
– لا مستحيل…بجد مش هقدر
_______
انقضى الوقت بسرعة إلى ان جاء الموعد المنشود..
وتحديدا في إحدى افخم واكبر قاعات الزفاف المفتوحة التي تطل على شاطيء خاص بالمعمورة..حيث الكثير من الضيوف..والطاولات الأنيقة البيضاء…والأرضية العشبية الخضراء الأنيقة… كان الممر الذي يصل إلى الكوشة المزينة بالورود البيضاء.. ومكان رقص العروسين باللون الابيض والطاولات مزينة بورود بيضاء أضافت للمكان بريقا جاذبا..وفوق كل طاولة كؤوس من الشموع البيضاء التي أضافت مظهراً ساحرا رومانسياً
الزفاف لم يكن نهارياً… ولكن المشهد الاول لدخلة العروسين كان في اخر النهار…
يقف بثقة يضع يديه بجيب بنطاله..يرتدي بذلة ميري سوداء..وقميص الأبيض جعله في غاية الوسامة..وشعره البني مصفف بطريقة رائعة..ليأخذ بيده “عمر” شقيق منة وهو يتقدم منها من جهة و من الجهة الأخرى كانت منة تسير مع والدها لكي يسلمها إياه…ولكنه توقف في منتصف الطريق ليسلم منة إلى حمزة فهو يعلم وجع حمزة في ذلك اليوم لتذكيره بشقيقته التي كانت في نفس عمرها…عانقه حمزة بشدة وهو يكتم دموعه بصعوبة ليأخذ يد منة وهو يقبلها بتأثر ويستكمل الطريق إلى سيف الذي تقدم منها وبيده بوكيه الورد خاصتها…كانت ترتدي فستانا ابيضا رائع…وما أن سلمها إياه وعانقه… حتى احتضنها لتتشبث هي بعناقه…ليبتعدا قليلا..مقبلا جبينها بحب وهو يهمس :
-مبروك يا منوش..زي القمر
ابتسمت بخجل ووضع يدها بيده متوجها إلى مقاعدهم الأساسية في كوشة الزفاف بألوان بيضاء ناصعة ويبدأ الحضور بإلقاء التحايا والمباركات.
بدأت اول اغنية لرقصة السلو…كانت اغنية “نشيد العاشقين” لأحمد جمال”
ابتسم سيف مقتربا من منة…انحني مادا يده ليبدأ معها الرقصة…اخذ يدها بين يده ويده الأخرى استولت علي ظهرها..رأسها بجانب قلبه…وقبل أن يأخذهم صوت الأغنية لبعيد..همست منة بتذكر :
– سيف انت حافظ خطوات الأغنية اللي اتفقنا عليها ؟
– هو أنتِ ازاي حلوة كده ؟
– فوكك مني دلوقتي و ركز ..المفروض هتنزل شوية كده على رجلك ويلا بقى بعدها هتلففني يمين وبعدها شمال
– طبعا….انا حافظ الخطوات كلها
– والله شكلك ما حافظ حاجة
“صاحبة الصون والعفاف احلى واحدة في البنات
اللي عمري ما قلبي شاف زيها في المخلوقات
تسمحيلي برقصه هادية تسحميلي بقرب منك
حلم عمري تكوني راضية عن وجودي بس جنبك”
“يا خلاصة الجمال يانشيد العاشقين
يا اجابة عن سؤال كان شاغلني من سنين
كان سؤال عن مين حبيبتي
مين هتبقا اساس حكايتي
والاجابة كانت انتي انتي كنتي غايبة فين”
لم يمشي سيف على خطوات الأغنية التي اتفق بها معها من قبل ولكنه رقص معها بطريقة مميزة أخرى كرقص الاميرات… لتصبح رقصتهم رومانسية بالفطرة ولكن بدون الخطوات التي علمته إياها
انتهت الأغنية لتبدأ الاغاني التي يرقصان عليها…فخفق قلب منة بعنف عندما نظر لها حمزة باطمئنان
بينما ايتن اوقفته قائلة بخوف:
-والله شكلك هتضيع منة…والفرح هيبوظ
حمزة بغموض:
-لا انا عارف انا هعمل ايه
-ربنا يستر
اقترب حمزة إلى مسؤول الدي جي…لينفذ ما اتفق عليه معه…فبدأ بتشغيل اول اغنية ليقترب سريعا إلى سيف ومنة
_ “وداع يا دنيا وداع ”
“يلا بالسلامات مفيش أخوات وفارقوني
لو عاوزين تشوفوني إتفضلوا في استراحة
طول مافيه الروح عمر ما حاجة هتجرحني
عدت الأوقات وعمرنا ضاع على الفاضي
جوه مني جراح ومش مرتاح ومش راضي
كل ما افرح يوم بلاقي هموم تحزني
مين في وقت الضيق يكونلي صديق يشيل عني
مين في وقت الضيق يكونلي صديق يشيل عني
الحديد صاحب الجدعان مش مبسوط ومش فرحان
جوه في رجولة بره مقتولة في الحقيقة كل بتبان”
جحظت عينا سيف بصدمة مما سمع ليلتفت إلى الرجل..ولكن اوقفه حمزة قائلا :
-انا اللي خليته يشغلها يا معلم
“القلوب مش زي زمان نفسي أشوف واحد سلكان
الكلام على جرح غويط الحكاية خلف الجدران
الأوض مقفولة روحي مقتولة نفسي اموت
عيشتي مش مقبولة من جوايا انا مكبوت
اصحى كله كلام ماشفت تمام يقدرني
يلي بعت زمان تعيش ندمان هتخسرني”
التفت سيف إلى منة يرمقها بنظرات حادة..فبادلته منة بنظرات خوف لتسأله بتوجس:
-الفرح هيبوظ صح؟
هز سيف رأسه يطمئنها:
– لا طبعا طالما انتي مبسوطة
سحبه حمزة بعيدا قليلا عن منة ليتركها ترقص مع اصحابها، همس حمزة قائلا:
-دي ليلة العمر يا سيف…انبسط كده وارقص..هتندمج والله معاهم اوي
“ايوة انا التلفان انا الخربان تلاشوني
لاء مليش عنوان في اي مكان تقابلوني
يلا بالسلامات مفيش اخوات وفارقوني
بكرا تيجو وانطركو اصل مسيركم تحتاجوني
ناس كتير بتخاف ومية شواف بيستهبل
نفسي اشوف مظبوط ولو ع الموت يجي يسندل
طول حياتي محبوس عايش في كابوس ومتعذب
والدماغ شغالة والرجالة بتحزب
والدماغ شغالة والرجالة بتحزب
اهل مين وحبايب مين هما فين دول مش باينين
في المصلحة بس موجودين احلى مسا على اجدع ناس
مسحوا رقمي من المحمول نسيوا اي رجولة واصول
اللي داير مش معقول اللي من ده باعني خلاص”
قال سيف مُتذمرًا:
-يا عم ده بيقول عن الأهل والصحاب انهم مش سالكين وبتوع مصلحتهم، احنا عازمين الناس عشان نهزقهم؟؟
– متركزش في الكلمات أوي يعني
– ماركزش ازاي …. انت مش سامع بيقولوا ايه؟؟ الكلمات دي محتاجة تتراجع !
قال بخوفت ساخر :
– انت سيبت الشرطة وبقيت تشتغل مع استاذ هاني شاكر؟ بيقبضك كويس صح؟
– راجل بيفهم..مش عاجبه الذوق الغريب ده
– ملكش دعوة عاجبنا احنا
سحبته ايتن من يده قائلة:
– سيفو تعالى كمل رقص مع منة…الكوبليه اللي جاي ده جميل اوي…هيعجبك
التفت سيف إلى منة مرة أخرى ليسحب يداها ويرقصا علي تلك الأغنية…
همست منة قائلة:
– لو ضايقتك نغيرها؟
ارتسمت على شفتيه ابتسامة:
– ده عشان خاطر عيونك نتقبلها
“بنتي اشوفها معايا بس كفاية ايه تاني
هي ليها عيوني اخدت لوني وحناني
انتي كل العالم وضحكتك بتفرحني
طول مافيا الروح عمر ماحاجة هتجرحني
طول مافيا الروح عمر ماحاجة هتجرحني
يللي حبك موت عدا اي حدود
قلبي ليكي مشدود انتي احلى خدود
شوفتك اتسرقت شكلي فيكي عشقت
يلا نخطف وقت ليكي انا اتشوقت”
كان الكل مذهول ان سيف لم يلغي الأغنية…بل اندمج بالرقص معها
“وداع يادنيا وداع على اللي باع ومكملشي
الحياة لو بيك او من غيرك دي هتمشي
سلام يا حب سلام معدش غرام مفيش راحة
لو عاوزين تشوفني اتفضلو في استراحة”
شاركهم حمزة ذاك المقطع وهو يقول باستغراب :
-ما كان من الأول يا معلم..لا بس طلعت بترقص حلو اهو
“في السجون هتلاقي خطورة مفيش بب مفيش اسطورة
قلبك ميت تمسك نصلة هتجلي هتنام جمب الدورة
انفرادي وسقف مفيش كل يوم نص رغيف عيش
عاوز تنسى اللي بيظلمك خد بشرطه وخبي حشيش
الحقو الأندال معاهم مال وخاربينها
واحنا موتنا يا خال وبختنا مال وعايشنها
هعدم الاحساس كرهت الناس وافعالهم
السيد ابو ليلة الكينج وحشوكو يزعلهم
السيد ابو ليلة الكينج وحشوكو يزعلهم”
__________________
انتهي الزفاف…وذهبا إلى شقتهم
بعد انتهاء منة من تبديل فستانها…وارتدت الروب فوق قميصها…ليدخل سيف الغرفة..قائلا بتوجس:
-منة انا اتفقت معاكي علي ايه..لما قولتيلي انك خايفة..و قولتلك هسيبك كام يوم
منة بتوتر:
-ها
سيف بحدة :
-منة
ردت بتلعثم:
-اتفقت معايا ان محدش يعرف…هي ايتن قالتلك؟
-لا
منة بتفكير:
-اومال مين؟ خديجة؟ طيب..امنية او نانسي؟
جحظت عيناه بذهول:
-اللهم صلي علي النبي…كل دول عارفين؟ مقولتيش لحمزة ومامتك بالمرة
رمقته منة بغيظ :
-لا طبعا اتكسف اقولهم حاجة زي كده
قهقه سيف بضحكة ساخرة:
-لا والله..انتي بتتكسفي أوي !
بدأ يحل أزرار قميصه…لتشهق منة بخجل وهي تستدير وجهها عنه:
-انت بتعمل ايه؟
اجابها بصوت اجش:
-قررت ارجع في كلامي
تحركت لتترك الغرفة..لينزاح طرفي الروب ليكشف عن قميصها الابيض الجميل..نظرت منة إلى سيف بذعر لتري عينيه معلقتان بما ظهر تحت الروب..وقد بدا عليه الاعجاب..فهتفت مذعورة:
-لا يا سيف انت كده بتضحك عليا ! انت اتفقت معايا هتسيبني كام يوم
وقبل أن تصل إلى الباب كان سيف قد سبقها ووضع يده على الباب ويمنعها من فتحه..
رفعت عينيها إليه فوجدت تصميم مشتعل في عينيه العسليتين..وهمس بالقرب منها:
–اه بس علي اساس ان ده بيني وبينك..مش امة لا إله الا الله تكون عارفة يا منة
ارتجفت وهي تتكئ على الباب وبدأ يحيطها بذراعيه القويتين ويميل برأسه نحوها.. لتقول منة بتبرير:
–فين ده؟ انا معرفتش غير 4 بس صحابي..والبنت اللي بتشتغل في البيوتي سنتر
-كمان!
احمر وجهها و خفضت عينيها منه… بدأ قلبها ينبض بقوة، وكل شيء بداخلها يرتعش من التوتر.. أمسك بذقنها ورفعها نحوه لينظر إلى وجنتيها المحمرتين وعينيها البنيتين .. ليقول بصوت أجش:
-كده كده…ده هيحصل..سواء دلوقتي او بعدين..بس ده عقاباً ليكي عشان تاني مرة تروحي تحكي لحد حاجة انا منبه عليكي متتحكيش
همست بضعف:
-سيف..انا خايفة
أمسك بها وقربها منه بلطف.. وأبعد شعرها البني الكثيف عن وجهها وهو يهمس لها بكلمات رقيقة.. دغدغت كلماته الرقيقة كيانها وجعلتها تقترب منه تلقائياً.. حتى نزع الروب من عليها.. وتركه يسقط على الأرض.. حبس أنفاسه وهو ينظر إلى جسدها الجميل الناعم.. فرفع وجهها الخجول إليه واقترب منها هامساً:
-بحبك
أحنى رأسه.. وتناول شفتيها بلهفة بقبلة رائعة
جعلتها تشعر بأنوثتها المفرطة وتركت لها ذكرى لا تنسى بقبلتهم الاولى معاً…فهو لم يقبلها من قبل حتى بعد كتب كتابهم…. بينما كانت يداه تسحبانها إلى صدره بقوة وذراعاه تحيطان بها بإحكام.. وقد أحاطت رقبته بذراعيها … وبقيتا على هذا الحال فترة ليست بالقصيرة حتى احست به فجأة يحملها.. ليضعها بحنان على السرير..
نظر إليها برقة وهو يحاول أن يشعر أن كانت مازالت متوترة وخائفة ام لا… ففاجأته بوضع شفتيها الصغيرتين على شفتيه ليلتقط أنفاسها بقبلات ناعمة..لتزداد القبلات جمالاً، وكلاهما يغرق في بحر الحب ويسقطا إلى النوم في ساعات الصباح الباكر…
_______
تململت على السرير بعد أن استيقظت في ظهر اليوم.. لتفتح عيناها بكسل..فأخفضت بصرها بحياء واغمضت عينيها تتذكر احداث الامس .. كيف كان مُراعياً ، هادئاً وحنوناً..نظرت بجانبها وجدته نائماً بجانبها، عقدت حاجبيها وهي تنظر إليه بضيق هامسة:
– اومال فين البطلة اللي بستيقظ من النوم على القبلات الناعمة دي !
هتف بصوته الناعس قائلا :
-ده في الخيال بقى…احنا واقعيين !
اتسعت عيناها بإحراج:
– انت صاحي؟
قال بنبرة ساخطة:
-ما هو لو كان صبر القاتل علي المقتول كان زمانه مات لوحده…
غمز لها وهو يتابع :
-القُبلات اهي يا منونة
فهمت مقصده ببطيء لترمقه بنظرات خجولة:
-سيف
لم تكمل كلامها الا وبه يعتصرها بين يديه مقبلا إياها بقبلات ناعمة.. سرعان ما تحولات إلى قبلات أكثر شغفاً…طالت مدته قبلاته ، وحينما رفع رأسه ليرى وجهها الناعم وشفتيها قد انتفخت باحمرار..
لم يستطع مقاومتها اكثر فدفن رأسه في عنقها ليقبله ايضا…
همست منة :
– سيف… انا كنت بهزر
سيف ببراءة مصطنعة وهو يبتعد عنها قليلاً :
-مش ده كلامك؟
صاحت منة بتبرير:
– انا قصدي قبلات بريئة مش دي .. انت بتنفذ بدماغك…مش تفكيري البريء
رفع حاجبه بحيرة…ليقول بخبث:
-بريء؟؟…تعالي نجرب طيب القبلات البريئة دي
احمرت وجنتاها خجلا من كلامه… فاعتدل بجلسته ساحبا إياها بأحضانه… حيث التقت عيناها الجميلة بعينه التي تقطرُ حباً لها، همس بجانب اذنها قائلاً :
– احلى حاجة فيكي يا منة ايه
– إيه؟
– أنتِ، كلك على بعضك..مش لاقي حاجة وحشة فيكي
ليردف بابتسامة صادقة :
- كلك على بعضك قمر
فهمست اليه وقد تصاعدت الدماء لوجنتيها قائلة :
– انا بموت فيك بجد
_________
بعد مرور يومين…
في شقة سيف
– حمزة انت ناوي تحبس حسن فعلا ؟؟
القضية بتاعته خلاص قرب يتحكم فيها
– مش عارف يا سيف….مش قادر اسامحه و كلامه معايا يومها مش عارف ايه اللي وصله لكده..لسه هشوف
هتف سيف بحزم :
– شوفت إللي حصل لمهاب
حمزة باستنكار:
-حصل ايه؟
-مهاب مات ….
يتبع…..
مستنية رأيكم وتوقعاتكم ????❤️
-تفتكروا حسن هيتسجن؟
– متوقعين مهاب مات ازاي؟
يارب البارت يكون عجبكم…
بحبكم اوي وشكرا على كلامكم الجميل ودعمكم ليا وتقديركم لمشاعري في المشكلة اللي حكيتهالكم… حقيقي انا محظوظة بيكم والله ???? وهتوحشوني كلكم بجد لما الرواية تخلص
بما أن ده الفصل قبل الأخير…حابة اعرف مين بطلكم/ بطلتكم المفضل؟
وايه رأيكم في الأحداث لحد دلوقتي ؟
وايه اكتر مشهد عجبكم في الرواية لحد دلوقتي ؟
بتمنى تكونوا حبيتوا الرواية ومستنية تعليقاتكم على البارت وتوقعاتكم ودعمكم … وبتمنى الكل يتفاعل وبلاش متابعة في صمت عشان اتشجع اخلص اخر بارت بسرعة..كده باقي معانا الفصل الاخير والخاتمة استنوهم????????
متنسوش تتفاعلوا على البارت ده وصلوه لـ 500 لايك وكومنت ❤️❤️❤️الفصل السابع والثلاثون (قبل الأخير)
-مات ازاي؟
سأله حمزة بانتباه..
– انتحر
اتسعت عيناه بذهول وصدمة :
– مستحيل…مستحيل اللي زي مهاب ده ينتحر…لمجرد أنه اتفضح وسط أهله ومعارفه وسره انكشف…لا لا… ده واحد لا عنده ضمير ولا اخلاق ولا شرف…انا مش ببرر للانتحار لا طبعا دي كبيرة من كبائر الذنوب … بس في حالته دي مش هو الشخص اللي يعمل كده في نفسه، هو أجبن منه أنه يعمل كده … ده اكيد حد عمل فيه كده…اكيد موته كان مدبر
برقت عينا سيف بغيظ:
– ما هو ده اللي انا شاكك فيه بنسبة كبيرة…بس للأسف مفيش دليل على كده …. وبيحاولوا يحققوا في الموضوع لكن مفيش أثر …. واضح أنه حد عايز ينتقم منه… يا اما البنات أو حد من اللي كان شغال معاهم
هز رأسه بنفي:
– البنات ميقدروش يعملوا كده يا سيف…لا لا مش هما… ميعرفوش حد غيري اصلا حاليا…وانا مأمن عليهم كويس ووعدتهم ان مفيش حاجة هتحصل ليهم…بس عرفت منهم إن في منهم اللي كلموا أهلهم وعرفوهم اللي حصل خصوصا بعد فضيحة مهاب…و رفضوا يقولولهم مكانهم..
– و ممكن حد من اهلهم مثلا حب ينتقم منه
– وارد برضو…
_______________
وقفت أمام طريق رهف وهي في طريقها إلى مكتبها
هتفت قائلة باعتراض :
– رهف… رايحة فين يا حبيبتي ؟
التفتت شاهقة بسخرية:
– مكتبي…خير في حاجة؟ ولا حضرتك ناوية تمنعيني اروح مكتبي؟
ضربت على جبينها بدهشة:
– بسم الله ماشاء الله….ده أنتِ مكشوف عنك الحجاب بقى واحنا منعرفش !
رفعت رأسها بشموخ :
– نعم أنتِ قصدك ايه ؟؟؟؟
عقدت ذراعيها أمام صدرها قائلة بغموض :
– كنت عايزة ابلغك بحاجة كده.. محتاجين ناس جديدة في الـHousekeeping ومرشحاكي تتنقلي فيه
زفرت بسخرية:
-نعم يا حبيبتي!! Housekeeping ايه اللي اتنقل فيه، انا سكرتيرة المدير… مالي انا بالشغل التاني ده ؟؟ أنتِ عايزاني انضف الغرف و اروق…انا مالي بالشغل ده مش تبعي حضرتك
ابتسمت ايتن بنبرة ساخطة وهي تفتح هاتفها أمام عدد من الصور وهي تناولها اياه:
– عندك حق .. انا برضو لما سألوني قولت مستحيل رهف تشتغل هناك…لكن بقى اول ما شوفت الصور دي اتأكدت بصراحة انك شاطرة أوي
وهي تردف:
– مالك مابترديش ليه؟؟؟ مكسوفة تردي مش كده ؟؟
تقدري تفسريلي لابسة الـ uniforme “الزي الموحد” بتوع موظفين الـHousekeeping ؟؟
وقفت لاهثة بصدمة تعض على شفتها بتبرير:
– اصل… اصل كان في واحدة منهم كانت روحت بدري .. وعرفت أن في guest “نزيل” كان طالب حد للنضافة
رفعت يدها تمنعها من التبرير الكاذب:
– غريبة مع أنك لسه قايلالي انك متعرفيش تشتغلي الشغل ده !
اخفضت عيناها بحرج :
– حضرتك فاهمة غلط صدقيني
صاحت ايتن وهي تأخذها من يدها إلى مكتبها حتى لا يسمع أي موظف ما تقوله لها…
ارتفعت نبرة صوتها حدة قائلة:
– هما الـHousekeeping من امتى بيباتوا في غرف النزلاء !!
شهقت وهي تضع يدها على فمها بحرج شديد:
– ميس ايتن
– وصل بيكي القرف أنك تبوظي سمعة الأوتيل!!
تفسريلي بإيه حضرتك انك تباتي في الغرفة بتاعته نزيل عندنا ؟؟؟؟
حاولت أن تهدأ من أنفاسها محاولة الحديث معها بندم و أسف:
– حضرتك انا مش هعمل كده تاني
– انا مش لسه هستنى ده يحصل تاني … و رأفة مني قولت بلاش حد يعرف تاني … مستر هاني ميعرفش و موظف الـ HR كمان ميعرفش ولا كان زمانك مطرودة و متحولة للتحقيق و فضيحة كبيرة بقى…لكن قولت حرام…بلاش حد يعرف و تبقى شوشرة
أطرق بوجهها في الأرض بقهر :
– واللي حضرتك ناوية تعمليه ده كتير عليا … حرام والله اني اشتغل في المكان ده
هزت رأسها وهي تحاول استيعاب ما تسمع:
– نعم؟؟؟ واللي عملتيه ده مش حرام حضرتك ؟؟؟
همست رهف بتوسل :
– طب ممكن حضرتك تديني فرصة والله ما هتتكرر تاني
قاطعتها ايتن بقوة :
– لا هو اكيد مش هتتكرر تاني….دي حاجة انا واثقة منها…لأن المرة الجاية مش هتردد ثانية ان الاوتيل كله ميبقاش عنده سيرة غيرك ! و سيرة هيحبوها اوي كمان
– انا اسفة … والله اسفة مش هعمل كده تاني….بلاش تعملي كده
– ولما روحتي تتفقي مع واحدة على انكم تخلصوا مني كان ايه ؟؟ غصب عنك برضو
– لا لا محصلش
مسحت وجهها بيديها بزفرة قوية من كثرة كذبها :
– ماتحاوليش تكدبي…متسجل عندي بصوتك وأنتِ بتعترفي لافنان…بس انا بقول كفاية عليكي كده…ها بقى هتروحي تستلمي شغلك دلوقتي ؟؟؟ ولا ناوية تقدمي استقالتك؟؟
ابتلعت تلك الصدمة بغصة وهي تهتف بصوت مخنوق بالبكاء برجاء:
– حضرتك عارفة اني لقيت الشغل ده بصعوبة…و
– وكان لازم تحافظي عليه….معلش الشغل التاني مش عيب برضو…. انا بقول تروحي تستلمي و تلبسي الـuniforme الجديد…
– بس انا معرفش حاجة عن شغل النضافة والحاجات دي..
هز أكتافها بلامبالاة :
– هتتعلمي…زمايلك هيعلموكي … ده لو عايزة تستمري معانا
لتردف بنبرة قوية :
– روحي عند مكتب مستر رؤوف عشان تستلمي الشغل الجديد بتاعك…
خرجت رهف وهي تبكي بشدة مما وصلت إليه بنفسها…فهي من تسببت بتصرفاتها الخاطئة بإمساك تلك الأخطاء عليها… لا تعرف ماذا تفعل… هي مشتتة… وتعلم جيدا انها لن تجد مثل تلك الوظيفة مرة أخرى…
___________
دلفت وئام إلى مكتب ايتن…بعد أن شاهدت مظهر رهف
سألتها وئام :
– البت على اخرها…تفتكري هتستمر في الشغل ده يا ايتن ؟؟
– ماعتقدش …. بس في نفس الوقت هي فاكرة اني ممكن ارجعها مكانها ولا حاجة وأنها هتصعب عليا…بتحلم اصلا
لتردف بامتنان إلى صديقتها :
– بس انتي برافو عليكي يا وئام عرفتي تراقبيها كويس اوي طول الفترة اللي فاتت
– عيب عليكي…انتي صاحبتي واللي يجي عليكي مانرحموش
– قلب صاحبتك انتي…
ابتسمت وئام بحماس قائلة:
– عايزة اقولك خبر حلو … انا حامل
عانقتها ايتن بابتسامة:
– يا روح قلبي أخيرا…ايه المفاجأة القمر دي…هتبقي احلى مامي بجد
– حبيبتي يا آيني…
________________
وقف عاقداً يديه على صدره عاجزاً عن النطق بما يجيش به صدره، منذ فترة قليلة فقط كان يريد الانتقام منه، والآن هو لا يريد أي شيء…لا يريد أن يستمر في دائرة الانتقام…يكفي ما حدث….وكل ما مر به…. سيثبت لنفسه ولهم أنه افضل منهم…وان لديه قلب…
هتف بصوته القوي :
– المفروض أنك خلاص هتتحبس…بس انا خلاص…قررت ابقى احسن منك يا حسن…انا مش هسيبك تتحبس
اتسعت حدقتيه بذهول، يحاول استيعاب المعلومة الجديدة:
– بجد يا حمزة…انت فعلا سامحتني
قاطعه قائلا:
– بس مش هينفع نرجع زي الاول…في حاجات جوانا اتكسرت صعب ترجع زي زمان…حسن انا هخرجك…وكمان انا مش هكون معاك في الشركة على طول لأن انا هفضل اشتغل مع يزيد بس هحط نسبة شراكة معاه لحد ما افتح شركتي الخاصة انا شغلي اللي بفهم فيه هو مجال السياحة…
– ربنا يوفقك يا حمزة…انا مش عارف اشكرك ازاي ولا اعمل ايه على كل اللي انت هتعمله معايا ده
زفر حمزة قائلا:
– انا بديلك فرصة يا حسن….فرصة مش بتيجي للإنسان غير كل فين وفين…فرصة تبدأ على نضافة…هترجع تشتغل في الشركة بس تبدأ صح…وانا من وقت للتاني هكون معاك لحد ما الشركة ترجع احسن من الاول بس طبعا انت عارف هنشتغل ازاي ؟؟
– على نضافة متقلقش
– ولو حصل غير كده هتزعل اوي مني
هز رأسه بأسف:
– حرمت يا حمزة عمري ما هرجع للشغل ده تاني خلاص…حقك عليا
– الأهم من كل ده أن انت يا حسن تبدأ صح … ابدأ حياتك من اول وجديد بصفحة بيضا…اوعدني انك هتعمل كده
اومأ حسن بصدق :
– اوعدك…و ان شاء الله يجي يوم واثبتلك اني اتغيرت بجد ويمكن وقتها نرجع صحاب تاني
ليضيف بتذكر :
– أما بالنسبة لنسبة ربحك… فأنا اول بأول هكون عاملك تقارير بكل حاجة…ونسبتك محفوظة كأنك شغال معانا كل يوم… وطبعا مكانك موجود في أي وقت لو حبيت تسيب مجال السياحة وتشتغل معايا…مع أن مجالنا قريب من بعض
– هتخرج خلاص أن شاء الله
– شكرا يا ابن عمي…شكرا على قلبك الطيب… برغم كل حاجة حصلت… لكن انت زي ما أنت نضيف من جوه والله…
__________
فتح ذراعه لها للإقتراب أكثر لتستجيب لنداءه وهي تندس داخل أحضانه تريح رأسها فوق صدره ليلف ذراعه حولها بإحكام لتشعر بالدفئ والأمان يغلفها
ليقص عليها ما حدث في يومه…وما فعله مع ابن عمه
رفعت وجهها ناحيته تنظر له بعينيها الخضراء الجميلة :
– بجد يا حمزة انا فخورة بك…مش قادرة اصدق انك عملت كده رغم كل اللي حسن وباباه عملوه فيك .. لكن كل ده مغيركش في النهاية…
ابتسم برقة في وجهها قائلا :
-كنز الرحلة إنك تفضل ثابت على نضافة قلبك بالرغم من بشاعة الدنيا حواليك
– عندك حق … زعلت من طريقة تربية عمك له وكمية المقارنات اللي وصلته للحقد ده كله
هز أكتافه قائلا:
– اغلبية الناس المؤذية هما بالواقع ناس ضحية نقص الحب والاهتمام من الاهل وناس عاشت طفولة صعبة, عشان كده هو بيأذي أي حد قدامه عشان يستلذ بأوجاعه ويخليه يدوق نفس عذابه
ليردف بضيق:
– وحسن عمل كده… حسن آذاني بجد…و حاول يحس أنه فرحان بعذابي لما اخد مني أفنان…ولما موقفش جنبي لما اختي كانت تعبانة…
– انت فعلا سامحت يا حمزة ؟؟
-مش معنى اني خرجته و سامحته على اللي عمله فيا اني خلاص… عادي ممكن نسامح من جوانا لكن مش لازم نرجع زي الاول، يعني من حقنا نرسم الحدود اللي تناسبنا
-في حاجات كتير بتحدد إذا كنت هقدر اسامح ولا لا..
مش بس حجم الخطأ.. لأ اثره عليّ .. أنا نفسياً اتخطيت الاثر ولا لا .. الشخص له تأثير على حياتي ولا وجوده زي عدمه … الفترة اللي عدت من بعد الموقف..
ربت على شعرها هامساً:
– مفيش حاجة ف الدنيا متتسامحش .. حتى لو كان في ايدينا فرصة الانتقام بس ساعات بتلاقي نفسك بتطلعي احسن من الشخص و تسيبيه منه لربنا…
وبنعفو حتى لو مش هنرجع الناس تاني لمكانها او لحياتنا
بس هيا مقدرة نفسية مش كل المواقف بنقدر فيها نسامح ولا كل الناس بتعرف تعملها
وربنا سمحلنا الفرصتين يا نسامح أو عادي منسامحش وربط الموضوع بالمقدرة, وكل شخص ومقدرته ..
ليردف :
-التسامح و العفو و المغفرة في الاساس صفات إلهية مش كل الناس تقدر عليها، فمن عفا و أصلح فأجره على الله، عشان دي حاجة ثوابها كبير ربنا حتى محددش اجرها هيكون قد ايه، لكن لو ماقدرتيش فمفيش عليكي ذنب حتى… يمكن اللي بيصبرنا اننا على يقين ان ربنا هيجيبلنا حقنا حتى لو مشوفتوش في الدنيا فهو في الاخرة مش هيضيع
– انا لحد دلوقتي مش عارفة إذا كنت قادرة اسامح بابا ولا لا…الموضوع صعب اوي بالنسبة لي…وفي نفس الوقت لما بشوفه وسيف بيكلمني أنه قد ايه اتغير بحس أن يمكن كلامه صح…بس في حاجة جوايا صعب اوي تتقبل المسامحة بسهولة…في جرح كبير اوي منه مش بالسهولة دي يتنسي
– عارفة يا ايتن…مشكلتك أن وجعك مع باباكِ…يعني شخص موجود في حياتك اجباري…عمرك ما تغيريه… مش هقولك سامحيه و عشان خاطري…لكن هقولك تقبليه حتى في حياتك
رفعت رأسها إليه هامسة :
– يمكن اللي عمله معاك خلاني اغير وجهة نظري فيه
اومأ برأسه قائلا:
– عشان كده بقولك تقبليه في حياتك….ابدئي معاه من جديد…ادي نفسك الفرصة انك تعرفيه من الاول…وتصنعي معاه ذكريات جديدة…ذكريات حلوة تخليكي تنسي الوحش اللي شوفتيه منه… و يوم ما تحسي أن عندك المقدرة النفسية قبل أي حاجة تانية انك تسامحي..سامحي عادي
وفي الحالتين ده حقك في الاختيار
__________
بعد مرور يومين…
دلف سيف ومعه والده إلى منزل والدته بعد أن حاول إقناعها عدة مرات بضرورة مقابلة والده…
همس محمود بحرج قائلا:
– انا بقالي كتير اوي بطلب من سيف يخليني اقابلك وانتي رافضة
صاحت بتهكم قائلة:
– و لازمتها ايه ؟؟؟ جاي تقول ايه بعد كل السنين دي.
اتجوزت عليا بدون وجه حق وبدون اي شيئ.. واجبرتني تاخد بنتي تعيش معاكم…شافت فيهم اسوء ايام حياتها كلها…خلتني اوصل لمرحلة الطلاق ولما حاولت بعدها تاخد مني البنت هربت وسيبت كل حاجة…
أطرقت محمود بحزن:
– انا عارف اني غلطان …وعارف أن غلطي ميتغفرش…بس والله ربنا اللي يعلم انا ندمت والدنيا علمتني الادب…واتربيت فعلا…علمتني ان كان في أيدي كنز وانا اللي جريت ورا كلام فاضي… سامحيني يا فادية…ارجوكي تسامحيني وتديني فرصة أننا نرجع سوا
شهقت فادية:
– نرجع؟؟؟ انت سامع نفسك بتقول ايه؟؟ نرجع ازاي يا محمود…ده شبابي كله راح بسببك…عمري كله راح بسببك… انت كنت عايش في بيت ملكك بتشتغل وتصرف من مرتبك و فلوسك اللي معاك في البنك….لو حد محتاج اي حاجة بسهولة تجيبها…إنما انا كنت بشتغل في أي مصنع واتعب واحاول ادفع بس مصاريف إيجار الشقة واصرف على بنتي … اللي انت رفضت تصرف عليها…. انا عدى عليا ايام والله كنت بعيط…بنتي بصراحة الله يبارك لها كانت حاسة بيا حتى وهي طفلة … مكنتش بتحب تطلب مني حاجات كتير…وحتى لما كبرت ودخلت الجامعة وبدأت تشوف شغل في اخر فترة ليها…مكنتش بتحب تطلب مني حاجة وقتها…كل اللي كان نفسها فيه واكتر بتجيبه و تعمله ليا…وانا كنت خلاص سيبت الشغل… و اختي اللي متجوزة بره مصر… باعتلي شقتها اللي في اسكندرية ليا…و سددتهالها من ورثي اللي خدته بعد كده ومن فلوس شغلي السنين دي كلها… والحمدلله ربنا بيعوض… وحتى ايتن ربنا عوضني فيها…كانت دائما تقولي انا هدخل كلية كويسة يا ماما عشان اشتغل شغلانة كويسة بمرتب حلو واخليكي متتعبيش تاني وفعلا وعدت و نفذت…بس انا كنت وقتها باخد معاش كويس من ابويا و كان بيساعد معايا كتير… و بنتي اي حاجة كان نفسها فيها تجيبها … كل اللي بتتمناه بتجيبه… هي تعبت و ربنا عوضها فعلا وانا كنت بعمل أي حاجة عشان احققلها كل اللي نفسها فيه… اصل مكنش حيلتي غيرها… الحمدلله وصلتها لحد احسن جامعة و صرفت عليها و مخليتهاش تحتاج اي حاجة ولا تحتاج تشتغل…وافقت بس تشتغل في اخر فترة ليها في الجامعة
هتف محمود بنبرة مخنوقة بالبكاء وهو يستمع إلى كل ما قالته بحزن شديد :
– حقك عليا يا ام سيف….حقكم عليا والله كلكم…انا مكنتش اعرف ان كل ده مريتوا بيه…مكنتش اعرف ان كل هيحصلكم…وانا الدنيا خلتني مشوفش الحقيقة وقتها كويس…سامحيني…سامحيني وخلي ايتن تسامحني… محدش بقى ضامن عمره…وانا نفسي اخد فرصة … فرصة حتى اصلح كل اللي فات معاكم…فرصة حتى تتقبلوني في حياتكم من جديد… حتى لو صعب نرجع لبعض…انا هغير شغلي و هعيش هنا جنبكم… ولو في اي حاجة انا اكون موجود
أخرجت فادية زفرة متعبة:
– صعب اوي…. صعب الواحد ينسى كل ده…صعب ارجعلك…بس انا عشان خاطر سيف ابني و اللي انت عملته عشان تخليه يرجع تاني لحضني…انا هسامحك بس عشان ولادنا مش اكتر…لكن انا وانت صعب نرجع…. انا هسامح بس عشان ادي فرصة لبنتي تتقبل أبوها في حياتها من تاني…عشان تشوف منك مواقف حلوة..هسامح عشان خاطرها…
همس محمود بندم :
– طول عمرك قلبك نضيف يا فادية….طول عمرك كنتي أصيلة و زوجة كويسة….العيب مكنش منك…العيب كان عندي أنا…انا اللي كنت غبي
_________
في محافظة الفيوم…
سافر في ذلك اليوم ليطمئن على الفتيات المضرورين من مهاب…فهو وعدهم أن يقف بجانبهم … وفي تلك الفترة الماضية… كان تركهم في إحدى الشقق البعيدة عن أهلهم ومهاب…و في تلك الفترة الماضية كانت هناك اخصائية نفسية تتابع حالتهم حتى تساعدهم على الخروج من صدمة ما حدث لهم بأسرع وقت…
هتف حمزة قائلا:
– سمعت من البنات انك الوحيدة اللي رفضتي تكلمي اهلك وتقوليلهم حاجة… مع أنك كنتي متجوزاه وقتها وانفصلتوا بعد كده
اغتصبت ضحكة ساخرة من بين ملامحها المتألمة:
– مش عارفة هرجع لأهلي ازاي…. وهقولهم ايه ؟؟
اقولهم جوزي كان قواد ! وماكنتش اعرف عنه أي حاجة غير انه شخص محترم واتقدملى وخدني من بيت اهلي معززة مكرمة
– ماكنش باين عليه أي تصرف غريب خالص ؟؟؟؟
أطرقت بحزن قائلة:
-كان كويس وطبيعي جدا لحد ما بقت تحصل مواقف غريبة مش مفهومة بالنسبالي دايما يقولي معزومين على الغدا او على العشا ويكون معاه ناس اصحابه..والغريب أن مش معاهم زوجاتهم ولا أي حاجة وكان فيهم شخص نظراته غريبة بالنسبالي ومش مفهومة، بدأت اقوله انا مضايقة من الخروجات دي طالما مفيش ستات بتاخدني ليه يقولي انتي مالك معقدة ليه كده
لتردف بزفرة متعبة:
– لحد ما واحد من صحابه دول بعتلي على الفيسبوك.. رسالة وقحة بس من اكونت فيك بس الموقف اللى قاله فى الرسالة عرفنى ان هوا الشخص ده لأنه اتكلم على لبس معين كنت لابساه لما خرجنا اخر مرة وقولت لمهاب لاقيته بيتعامل ببرود ويقولي ده اكونت فيك وبعدين حتى لو هو ما عادي يعني راجل و عجبته ست حلوة، بقيت مصدومة من كلامه وصرخت في وشه ازاي تقول كده وكنت هسيبله البيت وهو وقتها قالي انتي مجنونة انا بهزر وبعدين انا بختبرك اصلا بشوفك هتقولي ايه وان الاكونت ده بتاعه مش بتاع صاحبه…
وبقيت الاقي مهاب معاه فلوس كتيرة بطريقة مبالغ بيها اكتر بكتير من الراتب بتاعه, ودايما يقولي خليكي ذكية…خليكي ست ناصحة واشتغلي معايا واحنا هنوصل لفوق أوي بسرعة.. قولتله وانا معنديش مانع شوفلي اي شغل وانا معاك … ضحك وقتها واتريق على كلامي وقالي ما أنتِ غبية مش هتقتنعي باللي هقولهولك ولا هتفهمي
– ماشكيتيش فيه وقتها !
– بدأت ابقى مش مرتاحة وحاسة ان فيه حاجة مريبة بس مكنش معايا أي دليل .. وفي يوم قالي أنه عازم واحد صاحبه في بيتنا وهتعرف على مراته … وكان الستات مثلا بيقعدوا في مكان لوحدهم في الشقة والرجالة في مكان تاني… وقتها ضايفتها في المكان اللي المفروض الستات بيقعدوا فيه سوا…وهو راح قعد مع صاحبه بره في الريسبشن … ومراته قومت اضايفها ورجعت اقدملها واجب الضيافة ملقيتهاش … واتفاجىء بعدها بصاحبه داخل عليا اوضة الليڤنج.. واتكشفت أنه نفس الشخص اللي كان كلمني على الفيسبوك لأنه قالي نفس الجملة اللي كان قالهالي في رسالة الفيس بوك من الاكونت الفيك وقالي كمان “وعدت نفسي اني هجيبك لحد عندي” اتهجم عليا وانا اصوت وازعق واخربشه واعمل كل محاولاتي للمقاومة واصرخ ان جوزي يجي يلحقني والتاني يقولي جوزك نزل متحاوليش… انا كل ده مش مستوعبة اللي بيحصل…
لتضيف بصرخة ألم:
-واغتصبني بمعنى الكلمة وعيطت وبكيت كتير أنه يرحمنى ابدا كان حيوان مستمتع باغتصابي لحد ما سابني وبعدها لما فوقت نزلت جري على السلم مش قادرة امشى ولا شايفة قدامي… الاقي المحترم جوزي مستنى قدام البيت وقاعد جوه العربية وبيشاورلي اني اركب لاقيت نفسي بصوت وبلطم على وشى ومحستش بنفسى واغمى عليا من كتر الصدمة.. صحيت لاقيته خدني على بيت تاني بتاعه بس مكنتش اعرف بيه… فوقت من الصدمة 10 ايام فاقدة النطق ومبعرفش اتكلم هو بس اللي بيكلمني وانا دموعي نازلة من عيني بس مابعرفش حتى ارد عليه وهو بيحاول يغريني بفلوس كتير ويقولى اني مكبرة الموضوع احنا هنبقى معانا مبالغ كبيرة ونرجع نعيش ملوك أنتِ عارفة انا خدت كام وأنتِ نصيبك كام غير لكِ هدية الماظ
لتردف بحرقة :
– الماظ ايه وهدايا ايه اللي تعوض غدره البشع ليا… بيقولي كل ده وانا عايشة على المهدئات ومش بتكلم اصلا وجابلي دكتور تبعه علقلي محاليل وبيقوله اصل عندها صدمة عصبية قوية عشان اتخانقنا وطلقتها وده اللى عمل فيها كده
– قولتله رجعني لاهلي رفض طبعا….و ومحاولتين انتحار وخناقات كتير… انا اتكسرت اوي واتوجعت اوي وحرفيا مكنش عندي استعداد اعيش تاني ولا كنت قادرة اكمل تاني
صاح حمزة بغضب مشتعل وهو يمسح وجهه بعنف من شدة ما سمع :
– مفيش احقر من كده اقسم بالله…بني ادم معندوش لا اخلاق ولا دين ولا دم….ازاي قدر يعمل كده….ده انتي مراته…مراته !!!!
– و طبعا انت عارف بعدها بقيت بشتغل ايه غصب عني بسبب تهديده ليا لأنه اتصورت في الموقف ده …بعد تهديده ليا وبعد ما شوه صورتي قدام اهلي الله اعلم بقى بنتكم عملت ايه وانا مالي … ده انا حتى طلقتها…
مقدرتش استحمل كل اللي مريته بيه…كان صعب اوي اوي…كان بيضربني…و يبهدلني….و غصب عليا سنين اشتغل في حاجة عمري في حياتي ما كنت اتخيل اني ابقى كده…
هتف حمزة بقوة :
– مهاب مات…مهاب خلاص مات…. وانتوا فعلا اتظلمتوا كان غصب عنكم متهددين ومحبوسين وشبه مخطوفين منه…بس الحمدلله كل حاجة راحت…انا عارف ان اللي مريتي بيه انتي و باقي البنات مش سهل…عارف ان كل ده صعب عليكم…وعارف أن صعب ترجعوا لاهلكم بعد الفضيحة اللي حصلت لمهاب….و اهلكم شبه عارفين اللي حصلكم….بس احنا نعالج المشاكل اللي حصلت لكم…انا مش هسيبكم والله…وقبل كل حاجة…لازم تكملوا فترة العلاج نفسياً من اللي حصلكم…ولازم تتقبلوا حقيقة أن كل ده كان غصب عنكم…هتقعدوا قاعدين هنا في مكان بعيد عن كل الناس اللي تعرفوهم…سواء هنا او تحبوا تنقلوا في مكان بعيد شوية او في اسكندرية لو تحبوا…هجيبلكم سكن…و اتفق مع دكتورة كويسة شاطرة… نكمل بس مرحلة الاول علاج للي حصل معاكم… و بعدها احسن فرص شغل هتشتغلوا فيها وتثبتوا نفسكم فيها… و مش هتحتاجوا لأي حد…وانا واثق أن ربنا هيعوضكم عن اللي شوفتوه في حياتكم…ده بني ادم بشع حقير…انسوا كل ده….صعب عارف والله بس خلاص الكابوس ده انتهى…كل حاجة تخص مهاب راحت وانا حذفتها بإيدي…و أصحابه دول مهاب اكدلي أن مش معاهم حاجة ضدكم…مهاب هو اللي كان متحكم في كاميرات التصوير وكل حاجة تبعه هو بس…انا اصلا شاكك أن هما اللي موتوه جايز هددهم او حاجة…أما بالنسبة لاهلكم…هو صعب بس ممكن نسيب ده على ربنا….مين عالم…يمكن يجي يوم و ترجعوا ليهم
هتفت إحدى الفتيات قائلة بامتنان:
– احنا مش عارفين نشكرك ازاي على كل اللي بتعملوا معانا…هو في حد زيك كده ؟؟ واحد غيرك كان ممكن يستغلنا اسوء استغلال…كان ممكن متحذفش اللي معاك وتهددنا وتجبرنا نعمل زي ما مهاب عمل فينا…بس انت راجل…راجل حقيقي…ربنا يباركلك و يحميك
هز رأسه بنفي :
– انا عمري في حياتي ما اعمل حاجة زي كده…والله انا عايز اساعدكم فعلا وعايزاكم تكونوا احسن…كمان متخافوش من المكان اللي هتعيشوا فيه متأمن كويس اوي محدش هيقرب منكم ولا حد اصلا عارف مكانكم
– شكرا يا حمزة…جميلك ده فوق رأسنا العمر كله…
هتف بوعد صادق :
– وأنا هفضل موجود…وهتابعكم من بعيد…و كل فترة هبقى انزل الفيوم لو محتاجين حاجة أو كده… صدقوني كل الكابوس ده راح…بس عايزكم تساعدوني و تساعدوا نفسكم تخرجوا من اللي انتوا فيه…ممكن
– حاضر بإذن الله
___________
في احدى الكافيهات الهادئة…جلست ايتن وامامها امرأة ثلاثينية…
هتفت ايتن بغموض:
– اهلا يا حبيبتي…فاكرة المكان ده ؟
رسمت ابتسامة عريضة:
– اه اللي اتقابلنا فيه اول مرة عشان تساعديني
همست بنبرة ساخطة :
– قصدك عشان تضحكي عليا وتفهميني أنك مظلومة وفي الاخر طلعتي كدابة
هتفت باندفاع:
– انا؟؟؟ انتي جبتي الكلام ده منين
احتدت نبرة صوتها قائلة :
– ماتحاوليش تنكري…انا معايا اللي يثبت انك كدابة… هو انتي متعرفيش…مش انا اتجوزت ابن اخت طليقك…وعرفت انك كدابة
أجفلت من كلامها المفاجيء ثم هزت رأسها بارتباك:
– صدقيني لا تلاقيه بيضحك عليكي
ضاقت عينا ايتن ضاحكة:
– و لما ضربك … عشان خونتيه مش كده ؟؟
عبثت بأناملها بارتباك:
– ده بيكذب
رفعت حاجبها بتهكم:
– انا شوفت بنفسي كل الحاجات اللي تثبت انك مكنش ليكي حق عنده… وحتى فلوس ورثك من باباكي هو اصلا مقربش منها…
– انا..انا هفهمك…ممكن تهدي
صاحت ايتن بغضب:
– انتي استغلالية…و كذابة…كذبتي عليا و فهمتيني انك مخدوعة و مظلومة…وقفت جنبك و ساعدتك تاخدي حقك…لكن ربنا اللي يعلم…اني عمري ما كنت هاجي على شخص مظلوم زيه عشانك…انا عملت كده عشان اساعدك…كنت وقتها في بداية شغلي…مكنش عندي دليل انك كذابة…نفسي اعرف عملتي كده ليه؟؟؟
استغلتيني بطريقة غلط…
لتردف بنبرة قوية :
– بس عموما ملحوقة…انا خلاص عارفة هصلح كل ده ازاي
– هتعملي ايه؟؟؟
– اكيد مش هروح اقول لجوزك لانه واضح أنه شبهك… لأنه مساعدك في كل ده واضح جدا…انا عارفة نقطة ضعفك انتي وجوزك مين…عارفة مين اللي لو عرف بكل اللي عملتوه هيخرب بيتك كله….
– تقصدي مين؟؟؟
– حماكي… الاستاذ الجامعي المعروف… اول بس ما يعرف ابنه اتجوزك ازاي..و عملتي ايه مع جوزك عشان تتطلقي منه….وتاخدي ولادك منه….تخيلي بقى هيعمل ايه…مش هيتردد ثانية أنه يطردك و يطلقك من ابنه.. وطبعا حماتك هتفرح اوي بالخبر ده…اصل انا سألت وعرفت انها كان نفسها تجوزه لواحدة قريبتها
صاحت بانهيار:
– لا لا …انتي اكيد بتهزري…اكيد مش هتهدمي بيتي بعد كل ده….مش بعد كل اللي عملته يحصل كده…
– لا عادي اعمل كده….زي ما انتي عملتي كده زمان..
انا هعمل فيكي نفس اللي اتعمل… اطبق بقى قانوني عليكي…ايه رأيك ؟
– لا لا ابوس ايدك…اوعي تعملي كده… صدقيني انا هخسر كل حاجة…انا اختي بشوفها بالعافية ومن ورا ابويا اصلا…. انا لو اتطلقت هروح فين وهعمل ايه…
قاطعتها بغيظ:
– والله ؟؟ والراجل اللي اتظلم ده ايه؟؟
– بلاش تعملي فيا كده…ارجوكي..والله هعمل كل اللي تطلبيه…بس بلاش تأذيني
هتفت ايتن :
– والله بقى ممكن ارجع في كلامي…واشيل اللي معايا ضدك… في حالتين تعمليهم….فلوس كرم ترجع له زي ما كانت، و ولاده يشوفهم زي ما يحب و وقت ما يحب.. تقسموها سوا بقى
همست بأنفاس مخنوقة:
– فلوسه؟؟؟ بس دول…انا…
نبهتها ايتن:
– لا حوار انك صرفتي الفلوس أو نقص منهم حاجة ده مش هيدخل عليا…
همست بزفرة مخنوقة :
– كان قصدي اقولك أن فلوسه حطاهم للاولاد في البنك و مش هينفع اكسرها قبل ما يعدي 3 سنين… والا كده هخسر الفوائد بتاعتهم
قاطعتها بلا مبالاة:
– عادي هو مش محتاج فوائد كده كده … فلوس كرم ترجع زي ما هي… ولو على الولاد هو هيصرف عليهم ومش هيقصر…
صمتت ولم تجيبها، لتردف ايتن بتهديد مباشر:
– شوفي يا حبيبتي خلاصة الكلام أنتِ قدامك مهلة يومين…يومين بالظبط تكوني رتبتي كل حاجة و تكلميني تقوليلي أن فلوسه جاهزة و تحددي ميعاد يقابل ولاده فيهم…والا بعد اليومين…هروح لحماكي و أقوله بنفسي يتصرف هو بقى
يتبع…..
مستنية رأيكم وتفاعلكم مع البارت ❤️
“ملحوظة هامة: ده مش اخر فصل … للأسف الفيسبوك له عدد كلمات محدودة معينة حد أقصى للبارت…والبارت الاخير كان طويل اوي كامل الفيسبوك رفض ينزل كامل اتقص منه كتير…فأنا قسمته وهنزلكم الجزء التاني والاخير من الفصل بكرة أن شاء الله… اوعوا تنسوا أن في تكملة للفصل ”
_أنا حقيقي بعتذر جدا عن تأخيري في اخر 5 فصول من الرواية بس حقيقي كان غصب عني والناس اللي كانت متابعاني من اول الرواية عارفين ان ده مكنش بيحصل والرواية كانت بتنزل في مواعيدها بس حرفياً الايام اللي فاتوا دول كنت بكتب بصعوبة???? متقلقوش نص البارت الجاي احلى من ده ومشاهده احلى بكتير و فيهم دلع لكل الكابلز ????..
– رهف صعبت عليكم ولا تستاهل ؟
– ايه رأيكم في تصرف حمزة مع البنات اللي اتغدر بيهم من مهاب؟
– ايه رأيكم في تصرف ايتن مع طليقة كرم؟الفصل الثامن والثلاثون والأخير
– بس هو ممكن ياخدهم مني..
سألتها طليقة كرم بخوف، بينما قالت ايتن بتأكيد مبطن بالتهديد:
– متخافيش هو مش زيك…هو اكيد هيرتب الموضوع ده و يشوفهم بالتساوي بينكم…انا لازم امشي…وانتي تخلصي اللي قولتلك عليه وتكلميني…والا بعد اليومين…هروح لحماكي و أقوله بنفسي يتصرف هو بقى
– لا لا … هتصرف… هتصرف خلاص
__________
في احدى الشاليهات الخاصة بالساحل الشمالي
منزل بأرضية خشبية باركيه بنية اللون، وأبوابه من الزجاج الشفاف العازل للرؤية من الخارج، أما من بداخله فيستطيع رؤية المنظر الجميل.
وكان مغطى من الأعلى على شكل هرمي يشبه الكوخ الذي نراه في الأماكن السياحية خارج مصر.
أمام الشاليه من الجانب الأيمن ركن لحمام سباحة صغير رائع بمياه زرقاء صافية ويوجد فاصل لشاطئ بحري خاص وأريكتي استرخاء من الجلد باللون الكريمي… وفي وسط شاطئ البحر الخاص توجد شبكة قوية شفافة مخرمة مغطاة عند الحواف بخشب قوي باللون البني كانت متصلة بالشاليه .. ويوجد عليها وسائد وملاءة وغطاء أبيض كأنه سرير تجلس عليه وتنام عليه وترى مظهر البحر الصافي ويمكنك النوم عليه لتشعر بالاسترخاء..
كان الشاطئ خاصًا ولم يكن هناك أي شخص آخر في ذلك المكان
فقرر أن يحجزه منذ فترة لهم فقط..
طبيعة عمله كضابط شرطة منعته من السفر لقضاء شهر العسل خارج مصر، وقرر تعويض ذلك بقضاء إجازته في مكان يشبه الأماكن التي تحبها وكانت تحدثه عنها الموجودة خارج مصر.
كانت نائمة على الشبكة التي تشبه السرير، ترى البحر أمامها وتضحك باستمتاع….
لا تصدق أن هذا المكان موجود بالفعل في مصر.. اختاره حمزة خصيصًا لهم فقط.. حتى يستمتعوا معًا دون تطفل من أحد.
اقترب منها وهو يجلس بجانبها، فكانت ترتدي فستان من اللون الاحمر بنقط بيضاء قصير إلى ركبتيها وتضع قبعة باللون البيچ كبيرة على شعرها…
قبلها من خدها وهو يجلس بجانبها و يشاهدا منظر البحر الممتع أمامهم
– مبسوطة يا حبيبتي ؟
رفعت وجهها نحوه، ونظرت إليه بتلك العيون البنية :
– مبسوطة أكتر عشان أنت معايا وبقيت عروستك
– احلى عروسة في الدنيا
كانت أصابعه تداعب شعرها، وكان بين الحين والآخر يطبع قبلة على رأسها و وجنتيها ويتأمل ملامحها الناعمة الرقيقة، أما هي فكانت تنظر إليه بسعادة، وتنظر إلى المكان حولهم :
– سيف بجد المكان حلو أوي…كأننا بره مصر بالظبط
– معلش يا حبيبتي معرفتش اظبط موضوع السفر بره مصر والله…
– يعني احنا مينفعش نسافر بره مصر بعد كده
-مش بسهولة لا…صعب شوية..غير لو تبع شغلي بقى.. لكن جوه مصر عادي طبعا
أومأت برأسها وهي تبتسم بشقاوة:
– دي ضريبة اللي تتجوز ظابط شرطة
– ايه ده احنا رجعنا في كلامنا ولا ايه؟؟؟
رفعت حاجبها باعتراض، وهي تهمس بحب:
– مين دي اللي ترجع معلش ؟…ده أنت على قلبي زي العسل
انطلقت ضحكاته بقوة :
– أيوة كده ارجعي منوش حبيبتي اللي اعرفها
انطلقت ضحكتها صافية وهي تحتضن وجهه بين كفيها:
– دايما كل اللي بتعمله علشاني بيفرحني…انا كفاية عليا أن انت معايا حتى لو مخرجناش اصلا في أي مكان، انت تكفيني عن العالم بما فيه
همس لها بحب :
– حياتي كلها أنتِ يا منة
ليردف قائلا:
-أنتِ أساساً مصدر سعادتي في الحياة
___________
في صباح يوم جديد…
ذهبت السيدة صفية “والدة هاني” إلى اتيليه خديجة بعد فترة انتهاء عملها..
رحبت بها خديجة بابتسامة :
– طنط صفية.. اقصد طنط صافي…حضرتك منورة
ابتسمت بسعادة وهي تهتف:
– منور بيكي يا حبيبتي …أيوة كده شاطرة انا بحب صافي اكتر
لتردف بعتاب :
– ينفع برضو تروحي الاتيليه الفترة دي…المفروض ناخد اجازة بقى شوية اليومين دول ترتاحي كده خالص..
أومأت برأسها مُبررة لها :
– أنا قولت اروح اتابع بس اخبار الشغل يا طنط عشان لو محتاجين حاجة
– أنتِ شاطرة و جدعة فعلا…
– ميرسي يا طنط ده من ذوقك
همست بابتسامة صادقة:
– لا دي مش مجاملة…دي حقيقة بصراحة.. جايز عرفتها متأخر بس ملحوقة…كنت فاكراكي طمعانة في فلوس ابني…وبتطولي في الخطوبة عشان تستفادي منه اكتر…بس اكتشفت أن ده مكنش بيحصل…تصميمك انك تجيبي حاجات بنفسك… و بالعافية لما كان هاني يقنعك أنه هو اللي هيدفع أو يشتري حاجة في الڤيلا بتاعتكم…وحتى لما عرفت أن انتي اللي كنتي مسؤولة عن كل اخواتك و بتصرفي عليهم…. اتأكدت أن ابني اختار بنت طيبة و جدعة و شايلة مسؤولية…كان بس مشكلتك أن اللي حواليكي استغلوكي…بس لما هاني حكالي كل حاجة بعد كده وفهمني الدنيا ماشية ازاي وان اللي شوفته كان سوء تفاهم… بدأت اخد بالي من وقتها من تصرفاتك معاه واكتشفت انك إنسانة كويسة و طيبة اوي
ابتسمت خديجة بسعادة غامرة:
– شكرا يا طنط على الكلام الجميل ده
سألتها :
– بتحبيه يا خديجة ؟؟
– بحبه دي قليلة عليه أوي…
قالت برجاء:
– حافظي عليه … وخلي بالك منه…
أومأت بوعد صادق :
– حاضر يا طنط…ده في عينيا
– شوفي بقى…انتي هتيجي معايا دلوقتي…وهننزل نشتري شوية حاجات على ذوقك…و دي هديتي ليكي..ماليش دعوة بهاني… هاني قالي أنك رافضة ومصممة تجيبي حاجات بفلوسك و ده هياخد وقت منكم وخلاص الفرح اهو باقي اسابيع بسيطة
– تسلمي يا طنط…بس أن شاء الله نخلص كل حاجة بسرعة
هزت رأسها بتصميم:
– دي هديتي…هدية من أم لبنتها…و حابة الهدية تكون على ذوقك بصراحة…
ترقرقت دمعة بعينيها فهمست لها:
– حضرتك قولتي من أم لبنتها؟
وضع ذراعها فوق كتفها هامسة بحنان:
– أيوة…انا صحيح مخلفتش بنات…لكن انتي اكيد هتبقي بنتي…و يلا بقى ننزل قبل ما الوقت يعدي… متقلقيش كل حاجة هنخلصها بسرعة…اصل انا عايزاكي اخر اسبوعين دول بقى تروقي حالك و بس وتكوني رايقة ومش وراكي اي حاجة…عشان تبقي زي القمر في فرحك كده ومش ظاهر عليكي اي إرهاق
عانقتها خديجة بامتنان :
– حبيبتي يا طنط…متحرمش منك أبداً
– ولا منك يا حبيبة طنط…ويخليكو لبعض يارب
_________
الشخص الذي تبحث عنه وتتخيله سيتخيلك وسيأتيك بحظه الجميل لكما، لا تقلق دعوتك الجميلة ربما يأتي يوم وتتحقق ، وما طلبته من الممكن أن يأتيك ويكون بين يديك حقيقة، الشخص الذي كنت تبحث عنه سيصلك لأنه يرغب في مقابلة شخص مثلك بتفاصيلك وعيوبك ومزاياك وتفاهتك وعصبيتك وحنيتك.. سيحبك كما أنت وسيسعدك، وهذا تعويضًا عظيمًا وجائزة عن الصبر الذي انتظرته..
أنتما بالأصل مكتوبان على اسم بعضكما البعض، ولكن كل شيء في وقته وكلما طال الصبر، زادت حلاوة التعويض.
ارتدت مايوه اسود مكون من قطعة واحدة وهي تتكئ على حافة المسبح، ضغطت شفتيها ونظرت إلى الأعلى وقالت بغضب وهي تتحدث مع ايتن عبر الهاتف:
– باشا مصر نايم لحد دلوقتي…حتى مهانش عليه يجيبلي الفطار لحد السرير ويصحيني برفرفة الوردة على خدي زي ما بيكتبوا في الروايات… اهو انا صحيت لوحدي اهو ومحصلش حاجة من دي
– الروايات أكلت دماغك حرفياً
– والله احنا اتضحك علينا بقى…
– منوش حبيبتي…حولي انتي حياتك لرواية…مش شرط اللي يحصل مع بطلة معينة في رواية ولا فيلم يبقى طبيعي هيحصل في الواقع…خليكي انتي البطلة في روايتك الخاصة
– بصي مانكرش أن سيف احلى من الابطال اللي قريتهم في الروايات…وتصرفاته دايما بتغلبهم…بس برضو هو ساعات كده بينسى شوية حاجات
– و هو ايه عرفوا يا بنتي ها؟؟؟ منوش حبيبتي فوقي كده واستمتعي بالسفرية… و اصنعي معاه احداث جديدة بعيداً عن الروايات دي بقى
أومأت بالايجاب ومن ثم أغلقت معها الهاتف..
نزلت إلى حمام السباحة وبدأت السباحة بسلاسة وتمتع بالمياه الزرقاء النقية التي تنعشها وعلى الجانب الاخر ترى البحر يتراقص أمامها بمياه رائعة.. غمرت جسدها تحت سطح الماء لبضعة بوصات قليلة وبدأت السباحة بخفة وسرعة حتى وصلت إلى حافة المسبح..ثم عادت مرة أخرى وكررت نفس الحركة، أثناء سباحتها في الماء، اصطدمت كتفها بصينية بيضاء عميقة جميلة مغطاة بالورود الحمراء من القاعدة وفوقها كأسين من العصير وطبق من الفواكه المتنوعة اللذيذة، وطبق آخر يحتوي على وجبة فطور صغيرة بالطريقة الأوروبية.. رفعت وجهها.. لتفاجأ بزوجها أمامها..فتراه بهيئة جعلت قلبها يخفق بشدة..نصفه العلوي عاري.. يرتدي شورت قصير، وترك جسده عاريًا مما أظهر عضلات صدره وذراعيه.. وضعت يدها على فمها متفاجئة من هذا الفعل الرومانسي… يا إلهي، لقد أسرعت في الحكم الخاطئ عليه.
جاءها صوته الاجش قائلا:
– طب كنتي تصحيني بدري بقى
– ده بجد؟؟
هبت لتعود إلى حافة المسبح، وتأخذ المنشفة خاصتها لتجفف جسدها به..اتجه نحوها بهدوء حتي وصل إليها وجلس بجانبها وهو يقرب الصينية لها
-الفطار يا منوش
اتسعت عيناها بذهول غير مصدقة:
-الله ده بجد؟ طيب والباقي!
سألها بتوجس:
– باقي إيه؟
عقدت حاجبيها بعتاب :
– نسيت تصحيني على رفرفة الوردة على وشي
– طبعا ده بيحصل في الروايات مش كده ؟
اومأت بهيام:
-اه..
-لا معملتهاش دي…بس بخصوص الصحيان بطريقة جديدة ده شيء مفروغ منه
منة بسعادة:
-بجد يا سيفو…
أومأ موافقاً بالإيجاب:
– هديكي بالقلم على وشك عشان تفوقي من أم الخيال ده وتعيشي في الواقع
وضعت يدها على وجنتيها برعب من تنفيذ تلك الفكرة الشريرة :
– لااا خلاص رجعت في كلامي ..
ليقول بيأس:
– أنا عارف محدش هيشلني ويقصف عمري بدري غيرك
هزت رأسها بدلال :
-بعد الشر عليك يا حبيبي .. هصحى لوحدي خلاص
– وتصحيني معاكي بقى…
ابتسمت بحماس :
– عيوني حاضر
قبلها من وجنتيها الناعمة :
– تسلملي عيونك الجميلة، يلا نفطر سوا بقى…
– بس ايه الجو الرومانسي الجميل ده
– يا سلام…ما كان مش عاجب
اتسعت حدقتيها باعتراض :
– نعم؟؟؟ ده انت تعجب الباشا يا باشا قلبي انت… فما بالك بقى بأفعالك القمر
______________
بعد مرور يومين…
لقد حدث ما توقعه ايتن..وأعادت طليقة كرم الأموال إلى طليقها، بل وحددت موعداً معه، بالاتفاق مع زوجها، للقاء أبنائه وتقسيم الأيام بينهم بحسب إجازتهم الأسبوعية او حسب ما يريد.. ووقتها عاد حمزة من محافظة الفيوم بعد التأكد من أن كل شيء يسير على ما يرام، ووافقت الفتيات الضحية من قصة مهاب.. أن يساعدوا أنفسهم، ويقبلوا مساعدتهم على رحب، و وعدهم بأنه لن يتركهم أبدًا.
ذهب حمزة إلى منزله، واستحم، وبدل ملابسه بسرعة، وذهب إلى الفندق قبل أن تنتهي زوجته من موعد عملها.. وفاجأها وهو يتصل بها بأنه ينتظرها أمام الفندق..لتستأذن وتخرج له
كانت تفتقده كثيراً … صحيح أنهم لم يبتعدوا عن بعضهم إلا عن أيام قليلة ولم يتركها أبداً وكان يتحدث معها دائماً عبر الهاتف ويطمئن عليها وعلى مواعيد علاجها التي كانت تأخذها لأنها في منتصف اشهر الحمل.. غادرت مقر الفندق لتجده واقفاً أمام سيارته الأنيقة وفي يده باقة أنيقة من الورد الجميل باللون الاوف وايت، وبجانبه كان هناك صندوق دائري على شكل قلب باللون الوردي.. وحالما رآها تقترب منه ترك الباقة على السيارة وهو يقبلها على خدها الناعم. ابتسمت له بخجل وهي تنظر لمن حولها، لكنه لم يبالي… لم يشعر بالخجل من إظهار مشاعره لها.
لقد كان دائمًا شخصًا صادقًا ومباشرًا..
على عكس شقيقها سيف، فهو لا يتصرف بتلك الطريقة أبدًا أمام أي شخص..
أخذ باقة الورد الأنيقة وأعطاها لها لتبتسم له بامتنان:
– الله ورد…جميل اوي يا حبيبي
– ولو هتقوليلي بقى زي باقي البنات ايه ده جايب ورد ومبياكلش معايا…هقولك في هنا شوكولاتة وحاجات حلوة تتاكل
ابتسمت بسعادة وهي تهتف:
– لا متخافش الورد بحبه بياكل معايا أوي
هز كتفه بتبرير قائلا:
– احنا قولنا نأمن نفسنا برضو
– الله تحفة … تسلم ايدك يا عيوني
همس بشقاوة:
– مرضتش بقى اجيب أكل لأن كده كده عازمك في مطعم
انطلقت منها ضحكة ناعمة:
– بحبك اكتر من أي حاجة في الدنيا
لف خصرها بذراعه يسألها:
– طب إيه رأيك .. شغال؟
– شغال طبعا..
ركبت سيارته معه واتجه هو نحو المطعم الذي حجز به، حيث سيتناولان الغداء.. وبينما هو يقود السيارة، أخذ يدها الصغيرة بين كفيه، وكان بين مقعدهما باقة الورد وعلبة الشوكولاتة التي كانت تحتوي على قطع من الشوكولاتة ومن بينهم قطع من التوت الاحمر والبري تزينهم.
____________
وجدته نائماً على السرير بارتياح يرتدي شورت رمادي يصل فوق ركبتيه بقليل وتيشرت ابيض نصف كم…اقتربت منه وهي تحاول ايقاظه من نومه في ذلك الوقت كما طلب منها
– سيفو حبيبي…يلا اصحى بقى وبطل كسل…
فركت جبهتها بملل وهي تحاول ايقاظه من نومه في ذلك الوقت كما طلب منها، ولكنه لا يستجيب لها
اقتربت من زوجها وحدقت به بشقاوة:
– طيب مابدهاش بقى هصحيك بطريقتي
قفزت على السرير وجلست بجانبه بظهرها له, حشرت رأسها بالتيشيرت خاصته وهي تدخل بجسدها به بكل مرونة لصغر حجم جسدها، وسرعان ما استيقظ من الصدمة ليتقلب على ظهره وهو يحتضنها من فوق ملابسه بتلقائية، بينما هي تضحك بشقاوتها المعتادة…
– صباح الخير يا حبيبي
فتح عيونه ببطئ وتلتوت شفتاه بذهول لرؤيتها بداخل ملابسه :
– بتعملي ايه جوه التيشيرت بتاعي يا مجنونة؟؟ عملتيها ازاي اصلا؟
– كنت بصحيك..
همس عابساً وهو يحيطها بذراعيه:
– حد يصحي حد كده؟؟ يلا يا منة اطلعي بقى
استندت رأسها أكثر على صدره والتفت برأسها للأعلى لتوازي عينيه وهي تهمس:
– مش هطلع…عاجبني النوم كده
– انا اتجوزت طفلة مش كده ؟؟
ضحكت بمشاغبة وهي تقبله من ذقنه برقة:
– أيوة وبرضو مش هطلع من جوه التيشيرت…
التوى فمه بابتسامة ماكرة :
-متأكدة يعني ؟؟؟ أنتِ فاكرة هغلب كده !
ليزيح التيشيرت خاصته بعيدا عنهم وهو يخلص نفسه منها فصرخت بذهول لتنهض من فوق صدره وهي تحاول الهرب، بينما هو امسك معصمها النحيل بسرعة ومن ثم جذبها نحوه بقوة وسرعة.. ليسقطها على السرير ويثبتها فوقها بحركة مغرية جعلتها تشهق من المفاجأة وهو يقبض على ذراعيها تحت قبضتيه المسيطرتين على كتفيها..
زفر بغيظ قائلا:
– حد يصحي حد بالطريقة دي ها؟؟؟
لتضم منة شفتيها بعبوس طفولي:
– كنت بهزر معاك والله اسفة..
حركتها البريئة تلك جعلته يقترب منها أكثر، يدفن وجهه في رقبتها بشغف
كيف لها أن تكون بهذا الجمال؟
وكيف لها بحركاتها التلقائية الطفولية تجعله مغرم بها أكثر؟
هو يحبها…يحبها بكل تصرفاتها التلقائية المتهورة… يحبها كما هي
همست بخجل فطري:
– سيف…ممكن أبعد شوية…انت قولت اصحيك بدري
أمسكت يداه بخصرها الصغير وهو يتشبث بها أكثر، بينما هو يبتعد عن رقبتها قليلا، هامسا بأذنيها بصوت أجش :
-مينفعش اصلا تبعدي بعد اللي عملتيه فيا ده
همست منة ببراءة:
-عملت فيك ايه؟
غمز لها قائلا بعبث:
-هتعرفي دلوقتي
شهقت منة بخجل :
-سيف..!!؟
أقترب منها ليقبل تلك الشفتان المغرية الصغيرة ..ثم آخذ يعمق قبلاتهم اكثر، كم كانت شهية ولذيذة، لاحظ مسكتها لذراعه وكأنها تستمد منه القوة، لم يعلم لمتى ظل يُقبلها ولكنه شعر بأحتياجها لبعض الهواء فابتعد قليلا ونظر لها لتكسو الحُمرة وجهها وتبادله ابتسامة رقيقة فاقترب منها أكثر وآخذ يُقبلها مرة أخرى.
بدأ في أن يزيد عنف قبلته وشعر بإستجابتها له، أمسكت بشعره لتجذبه نحوها أكثر..
_____
بعد عدة أيام… من عودتهم من الساحل
عندما عاد سيف إلى غرفته بعد يوم شاق في العمل، أكل بسرعة مع زوجته وشقيقها عمر الذي جاء لزيارتها مع والدته .. ثم شعر بالشوق إلى سريره… قرر أن يأخذ قسطًا من الراحة وطلب من منة أن توقظه في وقت محدد ليجلس معها، لأنه كان متعبًا جدًا في ذلك اليوم.
عندما وضع رأسه على الوسادة، سمع صوتًا موسيقى يشبه صياح الديك ولكنه كان مزعجًا للغاية… في البداية، اعتقد أن الصوت قد يكون قادمًا من الخارج أو من التلفاز أو من الهاتف.
ولكن الصوت كان يصدر من مكانه، من سريره… كلما تحرك على سريره، استيقظ على هذا الصوت المزعج.
– ايه الصوت ده يا ربي جاي منين بس !!
يا الهي… هذا اخر ما ينقصه…
وقام من مقعده وبدأ يفتش بالغرفة والسرير للبحث عن مصدر الصوت…
حسنًا، فهم الآن.
الصوت ينبعث كلما جلس أو نام على السرير ويزداد كلما تحرك عليه أو تقلب.
– لا بقى بجد ده مقصود…الصوت طالع من السرير بجد
هل يمكن أن تكون منة قد فعلت به هذا المقلب السخيف؟؟
حسنًا، منذ عودتهم من الساحل، تتمسك به وترغب في أن يجلس معها في كل يوم وهو خارج للعمل..
ولكنه يعوضها عندما يعود..ولكنها تريده معها طوال الوقت..
نادى سيف على زوجته بصوت عال، فأتت إليه، ويتبعها عمر شقيقها، يركض خلفها، ملتصقًا بها.
ردت منة بدلال:
– نعم يا حبيبي
سألها سيف بهدوء محاولا تماسك نفسه :
– هو ايه الصوت اللي طالع من السرير ده .. انا مش عارف انام ومش عارف الصوت ده جاي منين اصلا
ردت باستنكار :
– صوت؟؟؟ صوت ايه مش فاهمة !
تأفف بنفاذ صبر:
– منة الله يخليكي…انا جاي من الشغل ربنا يعلم دماغي فيها ايه وعايز انام ارتاح شوية لأن ممكن في أي وقت انزل تاني…
هتفت بصوت مقهور:
– نعم؟؟ تنزل تاني ؟؟ مش كفاية بتروح الشغل و تسيبني قاعدة لوحدي زهقااانة…
– نعم ؟؟؟ انتي عايزاني اخدك معايا الشغل؟
قولي كده بقى انتي بتعملي كده عشان اقعد معاكي صح
هزت رأسها بنفي وهي تهتف :
– محصلش صدقني
صاح به عمر :
– كلمها عِدل لو سمحت
رد سيف باستغراب من انفعال شقيقها المبالغ به:
– في ايه يا عمر ؟ ما انا بتكلم عِدل
ليردف سيف وهو يسألها بصوت خافت:
– منة انتي اللي عاملة فيا المقلب ده صح ؟؟
هتفت بإنفعال تدافع عن نفسها:
– مقلب ايه يا سيف اللي هعمله فيك
تنفس بخشونة وإنفعال :
– مش ناقص بجد ومش وقته يا منة تصرفات الاطفال دي
وقف عمر بينهم وهو يهتف بإنفعال :
– الله مش انا قولتلك كلمها عِدل…
رفعت نظرها إلى عمر بتحذير وهي تزيحه بعيدا:
– عمر عيب كده
فقد عمر أعصابه ليمسك يدها وهو يهتف بزعيق :
– يلا تعالي معايا…ده بيكلمك وحش…سيبيه يا منة وتعالي روحي معايا بيتنا
هزت رأسها رافضة :
– مش هينفع يا عمر…سيف معملش حاجة ليا اسيبه ليه
صاح بغيظ :
– ده بيزعقلك يا هبلة…انتي مستنية يعمل ايه اكتر من كده…سيبيه يا منة…سيبيه انا مش بزعقلك
– يوووه بقى مش وقته يا عمر…استنى أما نشوف في ايه حكاية الصوت ده طالع منين
رن هاتف عمر، فقال قبل أن يرد :
– ماما بتتصل شكلها وصلت تحت…انا همشي
ودعت شقيقها وهي تقبله من وجنته :
– ماشي يا حبيبي خلي بالك من نفسك…ولما تروحوا طمنوني
عادت منة مرة أخرى إلى الغرفة، لتجد سيف يسألها مرة أخرى عندما عاد الصوت المزعج مرة أخرى عندما جلس على السرير بالخطأ:
– منة ممكن افهم ايه اللي انتي عاملاه في السرير ؟
هزت كتفيها ببراءة :
– سيف انا مش عاملة حاجة بجد…و ازاي تظن فيا كده؟ انا برضو هعمل فيك كده ازاي
رفع حاجبه قائلا:
– يمكن مش عايزاني انام مثلا وافضل قاعد معاكي عشان اصحى متأخر و مروحش الشغل..
ابتسمت قائلة بحماس :
– ياريت
كز علي أسنانه بغيظ :
– شوفتي؟؟؟؟
هزت رأسها قائلة بتبرير :
– الله انا صريحة…بقولك ياريت بجد متروحش الشغل ده…وتفضل قاعد معايا
أمرها بخشونة :
– طيب طلعي الزفت المقلب اللي عاملاه فيا ده عشان عايز انام بجد
ردت بتصميم:
– انا مش عاملة مقلب والله
جذبها من يدها قائلا:
– تعالي كده اقعدي على السرير و شوفي
جلست على السرير لتسمع صوت صياح الديك المزعج، فانتفضت قائلة :
– ايه الصوت ده
– نعم؟؟؟ يعني ده مش انتي اللي عاملاه؟؟
– هعمله ازاي يعني ؟؟؟
رفع الوسائد وملاءة السرير ليزيحهم جانبا، همست منة تسأله:
– سيف متهزرش انا تعبت عشان ارتبهم.. انت بتعمل ايه ؟؟….
زفر بضيق وهو يرفع المرتبة ولم يجد شيء أيضا:
– بشوف ايه اللي موجود في السرير بيطلع الصوت ده
سألته بغباء:
– اومال الصوت جاي منين طيب !
ترك المرتبة بعد أن فتش جيدا ولم يجد شيء اسفلها، فسمع صوت رنين هاتفه ليجيب بسرعة:
– أيوة…بتقول ايه؟؟ طيب حاضر هغير وانزل
اغلق المكالمة لتقف أمامه قائلة باعتراض :
– تنزل تروح فين؟؟؟ احنا مقعدناش مع بعض… لا مش هسيبك تنزل
– منة مش هتأخر بس في حاجة في الشغل لازم اروح اتابعها بنفسي ضروري ومش هينفع أي تأخير..
– لا ده ظلم انا مش هينفع اسيبك تنزل…وبعدين انا هخاف اقعد لوحدي والصوت ده موجود على السرير…انا خايفة…
ارتدى ملابسه على عجل :
– لازم انزل والله….مش هينفع تأجيل وبعدين مش هتأخر..
هتفت بعناد:
– طب خلاص خدني عند ماما أو حمزة
– منة بلاش شغل الاطفال ده…احنا لسه مكملناش اول شهر جواز حتى
همست بخوف وهي تنظر إلى السرير :
– لا لحد ما انت ترجع من شغلك تعدي عليا ونرجع مع بعض
– طيب…لو كده ماشي…إلبسي بسرعة
_____________
كانت تجلس معه بغرفة نومهم بعد عودتهم من العمل و انتهاء وجبة الطعام…
همس لها بفخر :
– انا مبسوط و فخور اوي باللي عملتيه مع خالي…
– انا عشان خاطر عيونك اعمل اي حاجة…وانا بصراحة من ساعة ما عرفت أنه اتظلم واتأكدت من والدتك…و وعدت نفسي اني هجيب حقه…
تلمس وجنتها بحنان هامساً:
– لا طلعنا شاطرين اوي…تخيلي وئام كمان قالتلي انك دورتي ورا كل الستات اللي اتعاملتي معاهم عشان تتأكدي إذا كان فيهم حد مش مظلوم زي طليقة خالي… حقيقي فخور بيكي.. رغم أن كان ممكن متعمليش كده ولا مجبرة تعملي كده لكن انتي مقدرتيش تستحملي أن ممكن يكون حصل لعبة زي كده تاني عليكي من حد غير طليقة خالي
– عشان غلطة حصلتلي مقدرتش استحمل اني اسكت كده…كان لازم ادور و أتأكد لو كنت ظلمت حد بدون علمي أو قصدي..
سألها فجأة :
– ناوية ترجعي تكملي في شغلك ده؟؟؟
– اكيد انت هترفض
– لا انا بسألك انتي…انتي ناوية ؟؟
سيبك من اي حد…
هزت كتفيها بتفكير :
– بصراحة مش عارفة…حسيت انها مسؤولية كبيرة…لازم اتأكد قبل اي حاجة…ولازم اساعد بطريقة محايدة… واتأكد أن الطرف التاني مش مظلوم … ومش اي مشكلة مش مستاهلة احلها واساعد فيها
– وانا معنديش مانع…بس تدوري كويس اوي…و زي ما قولتي مش اي حد…الا لو حد وقعت في مشكلة كبيرة جدا…وكمان تخلي وئام هي اللي تبدأ تساعدها…انتي ممكن تساعدي بأفكارك و اقتراحاتك…لكن القانون بتاعنا هو الأساس…
اتسعت حدقتيها بذهول:
– يعني انت موافق؟؟
أومأ برأسه بالإيجاب:
– موافق يا حبيبتي…عارف انك مش بتنتقمي على قد ما كان نفسك تساعدي كل ست اتظلمت…او عاشت تجربة زي والدتك…
ابتسمت قائلة بحماس:
– انا هرجع اكمل فيه…بس وانت معايا…خليك جنبي
وعدها قائلا:
– انا دائما جنبك..ومش هسيبك اصلا في أي حاجة…بس زي ما اتفقنا…انتي تساعديها من بعيد…الا لو العميلة احتاجت تدخلك…برضو وقتها تكوني واثقة انها مظلومة …وانا شايف انك تساعدي الستات اللي مالهمش حد ولا ضهر…ومن غير ما تيجي على الراجل أوي…خليكي محايدة…
– حاضر يا حبيبي… هركز كويس اوي
– وبعدين انا قبل ما اتجوزك وانا عارف بشغلك…بالعكس أنا هساعدك فيه وهدعمك كمان
– انت احسن راجل في الدنيا بجد
سألها بعبث:
– طب ايه مستاهلش مكافأة حلوة؟
ابتسمت له برقة :
– تستاهل كل الحاجات الحلوة يا حبيبي
– انا مش طماع أوي… هي بوسة
ضحكت بعذوبة تسأله:
– بوسة واحدة بس ؟؟؟
قهقه بقوة:
– لا كتير…
هزت كتفيها بدلال:
– براحتك يا عيوني
فتح ذراعه كأنه يدعوها للاقتراب حتى تتمكن من الاستجابة لندائه.. ارتمت في حضنه وأسندت رأسها على كتفه لتجلس على نهاية السرير بين قدميه، فاحتضنها، كانت مرتدية قميص حريري باللون الكحلي بظهر مفتوح وشعرها الأسود المنسدل يغطي ظهرها المكشوف، فوضع إحدى يديه حول خصرها و ظهرها من الخلف، وأزالت يده الأخرى شعرها من الجانب الآخر لتكشف عن ظهرها الناعم وبدأ بتقبيلها من كتفها من الخلف ويداه تستكشفان ظهرها بشغف، وتنزل ببطء من مؤخرة رقبتها إلى منتصف ظهرها
طبع عدة قبلات حول كتفها حتى شعرت بجسدها يسترخي بين ذراعيه وبالدفء يلمس أطرافها ..
كانت مازالت متكئة على كتفه، رفعت كفها ولمست ذقنه بأصابعها وهي تبتسم بهدوء في وجهه، ورفعت نفسها لتضع شفتيها على ذقنه الكثيفة، وطبعت قبلة.
أسند جبهته على جبهتها.. يتنفس بهدوء وتلمس أصابعه شفتيها المكتنزة الجميلة يريد أن يقبلها هنا … طبع قبلة على جبينها، ثم أنفها الدقيق، خديها، ذقنها، وأخيرا توقف عند شفتيها، ليقبلها هنا…
وقبل أن تقع القبلة، سمع صوت جرس الباب يرن بشدة…
اللعنة…
من هذا المزعج…الذي قطع عليه قبلته؟
ابتعد عنها وهو يهمس:
– ده مين السخيف ده بقى اللي قطع عني اللحظة المنتظرة
كتمت ضحكتها، نهض رغماً عنه، وهو يحاول تهدئة أنفاسه، وطلب منها أن تنظره حتى يرى من؟
______________
فتح باب الشقة ليجد منة تندفع نحوه بسرعة ملهوفة وهي تقبله من وجنته قائلة :
– ميزو حبيب قلبي واحشني
قبض كفه بغضب وهو يتمتم متجهماً:
ـ أهلا مُفرقة الجماعات..
نظرت له باستغراب وهي تسأله عن ايتن, وبعد وقت قليل كانت تجلس أمامهم منة في غرفة المعيشة وهي تقص عليهم كل ما حدث لها ومشكلتها الخطيرة وكأنها تهدد الأمن الوطني
صاح حمزة بانزعاج:
– يا بنتي اهدي بقى خوفتينا عليكم
همست بصوت شبه باكي :
– والله زي ما بقولكم كده…سيف كل ما بينام على السرير أو حد يقعد على السرير يسمع صوت موسيقى صياح ديك مزعجة
– معقولة ؟؟ طب الصوت ده جاي منين برضو ؟؟
هزت كتفيها بحيرة:
– معرفش بصراحة احنا اتصدمنا
قاطعها حمزة بنبرة ساخرة:
– منة يعني ده مش مقلب منك عشان تحبسي الراجل في البيت ومينزلش
همست من بين اسنانها بحرقة:
– والله يا اخويا لو عليا اعمل كده بس لا مش بالطريقة دي …مظلومة يا جدعان والله
سألتها ايتن :
– طيب في حد كان عندك النهاردة ؟؟؟
– اه عمر و ماما…بس ماما نزلت تشتري حاجة و عمر قعد معايا شوية وأكلنا سوا وبعدين ماما رفضت تسيبه يبات و هي مروحة خدته
صرخ بها كلا من حمزة وايتن :
– و ده ملفتش نظرك لحاجة ؟
هتفت بغباء:
– حاجة زي ايه ؟
بغيظ مكبوت هتفت:
– انتي الاستيعاب عندك ابطء من السلحفاة
سألته بعدم فهم:
– مش وقته ألغاز… انت شاكك في حاجة؟
قاطعها حمزة بحدة:
– مش هرد عليكي اصلا
زفرت منة بضيق :
– طب حد يحل مشكلتي بقى
هتف حمزة بغموض:
– اهدي هنحلها…
اتصل حمزة على خالته وطلب منها المجيء هي وعمر و وافقت.. وأجرى مكالمة أخرى بعيدا وعاد إليهم ليجلس معهم
قالت منة بذهول معترض:
– انا مش فاهمة بصراحة انتوا كبرتوا الموضوع اوي جايبين عمر و ماما ليه بس…سيف معملش حاجة ليا بقولكم
صرخ بها حمزة بغيظ:
– غبية انتي غبية
– شكرا اوي يا محترم…
– يا شيخة بقى كنت خلصت منك…أنتِ ورايا ورايا حتى بعد الجواز
– مش هسيبك تتهنى
وقف ايتن بينهم لتنهي النقاش:
– خلاص بطلوا خناق لحد ما نحل مشكلة منوش
– شايفة يا آيني…مش طايقني ازاي؟
ابتسمت ايتن قائلة بحنان :
– ده بيحبك أوي أنتِ عارفة.. هو بس بيهزر معاكي .. وبعدين هو اللي عايز يحل مشكلتك…
لتردف قائلة:
– شوفتي الكلام خدنا في مشكلتك ونسيت احضرلك حاجة تشربيها…
رفضت منة أن تجهز لها شيئاً، ولكن ايتن نهضت وذهبت إلى المطبخ، لتجد بعدها حمزة دخل خلفها…ليقترب منها بشغف
تراجعت للخلف بتوتر:
– حمزة…لا منة قاعدة بره…
هتف حمزة بغيظ:
– ما هي بصراحة قطعت عليا اهم لحظة في حياتي
– نعم؟؟؟
صاح حمزة بغضب:
– والله ده ظلم بجد..
ليردف بقهر:
– ماخدتش البوسة بتاعتي..
عقدت حاجبيها باستغراب:
– نعم ؟ انت بوستني على فكرة كتير
أشار إلى شفتيها بإصبعه قائلا بعبث:
– لا معلش موصلتش لهدفي…انا كنت عايز بوسة هنا
زفرت قائلة بضيق:
– ما كنت بوستني هنا من اول مرة وخلاص
داعب خصلاتها برقة وأعاد ترتيبها حول وجهها :
– مبحبش الكروتة بصراحة…انا بحب اوصل لكل حاجة بتأني
قهقهت بضحكة صغيرة، وأنامله تداعب وجنتيها بعبث:
– طب بوسة…بوسة واحدة بس يا مفترية
هزت رأسها بتحذير وهي تبتعد عنه إلى الجهة الأخرى من المطبخ:
– مش هينفع منة بره
اقترب منها اكثر لتعود هى الاخرى بخطوات سريعة الى الخلف حتى ارتطمت بجدار المطبخ خلفها ليبتسم بخبث محيطاً اياها بذراعه:
– و هي ايه هيدخلها عندنا يعني في المطبخ بدون استأذان
بينما لم يتيح لها الفرصة بينما أحاط خصرها بخشونة يثبتها بجسده، يهاجم مقاومتها
همست بها بصعوبة وهو يجتاحها بقربه المهلك بلا رحمة:
– حمزة بلاش جنان احنا مش…
اعترض حمزة:
– لا بقى المرة دي احنا في بيتنا ومنة هي اللي اقتحمت البيت فجأة
– الله…مش اختك يا حبيبي وعندها مشكلة
ارسل لها غمزة ماكرة وهو يمسك بيديها يقيدها خلف ظهرها ورفع رأسها إليه :
– نحل مشكلتي انا الاول
– طب عشان خالتك وعمر زمانهم جايين..
هتف بلهفة :
– اخد بالي متقلقيش
فتح شفتيه باندفاع نحو شفتيها بنية واضحة لتقبيلها، وتعويض القبلة التي اضاعتها عليه منة..
انحنى ليلتهم شفتيها اللذيذة بين شفتيه…وبالفعل غابا بقبلة جامحة شغوفة.. لم يقطعها سوى دخول عمر فجأة هاتفاً بصياح:
– انا جيت يا أبيه حمزة
ابتعدت عنه وهي تتنفس بقوة، تلكزه بكتفه هامسة بخجل:
– ده اللي اخد بالك صح؟؟؟
ليجد عمر يصرخ بعدها بصياح وهو يندفع إلى خارج المطبخ قائلا :
– أبيه حمزة بيبوس ايتن.. أبيه حمزة بيبوس آيتن
شتم من بين أسنانه، هدر بأنفاس لاهثة متوعدًا:
– خد يالا…والله لاجيبك من شعرك….
فركت وجهها بيديها بخجل شديد وهي تعاتبه بنظراته، بينما قررت أن تحضر العصير للضيوف..
صاح حمزة بغضب وهو يركض خلف عمر الذي هرب منه وهو ما زال يردد تلك الجملة التي فضحه بها :
– طالع فتان لأختك بالظبط
نظر حمزة إلى خالته قائلا بترحيب وكأن لم يحدث شيء :
– ازيك يا خالتو
نظرت له ناريمان باستغراب:
– انت يابني مش مكسوف…مفيش اي خجل خالص… المفروض تتكسف على فكرة…الواد فضحك
ضحك بلا مبالاة، قائلاً ببساطة:
– اتكسف من ايه ؟ دي مراتي…
رمقته ايتن بغيظ وهي تضع صينية التقديم على الطاولة وتناولهم المشروبات وأطباق الحلوى بخجل شديد..
ردت منة بنبرة ساخطة :
– يتكسف؟؟؟ ده حمزة واخد البجاحة كلها لحسابه
رفع حاجبه قائلا بتهديد:
– طب شوفي مين بقى هيحللك مشكلتك
سألت ناريمان باستغراب:
– مشكلة ايه؟؟
تراجعت منة بارتباك، قائلة بنبرة مبالغة بها:
– هو في زي حمزة و أدب حمزة…واحترام حمزة…وتربية حمزة
زمت ناريمان فمها بامتعاض:
– هو حمزة اتربى امتى؟؟
سخر حمزة بغطرسة:
– على يدك يا خالتو
نظرت له ناريمان باستغراب:
– يابني اتعلم من مراتك…البنت مكسوفة ازاي… يا حبيبتي ولا تتكسفي اصلا ولا تتحرجي…المفروض هو اللي يخلي عنده دم..
تمتم أمام خد زوجته دون أن يمنحها أي فرصة، قبلها من وجنتها ببساطة:
– ما ابوسها قدامكم عادي هو انا هتكسف ؟
شهقت ايتن بخجل وهي تلكزه من ذراعه، بينما هتف عمر بتصحيح وهو عاقداً ذراعيه أمامه :
– لا على فكرة مبوستهاش من خدها في المطبخ يا أبيه
سألته منة بفضول :
– اومال منين
صرخ بها حمزة بغيظ:
– ما تخليكي في حالك يا اخت منة مش كده
ليردف بوعيد إلى عمر :
– وانت يالا حسابك معايا بعدين… بس اصبر كده عليا عشان محتاجينك دلوقتي
رمقته ايتن بغيظ:
– فضحتنا والله
رفع حاجبه بذهول وهو يسألهم:
– مش فاهم مكبرين الموضوع ليه؟؟
______________________
أمسك حمزة بيدي ابن خالته وأجلسه بجانبه في الجانب الآخر من الغرفة، وهو يهمس بابتسامة :
– عمر حبيبي… جبتلك حاجة بتحبها اوي
– هي ايه يا أبيه حمزة
– السلايم اللي انت بتحبه… جبتلك كرتونة كبيرة منه
قبله عمر من وجنته بلطف:
– انت جميل اوي يا أبيه حمزة شكرا بجد
– استنى بقى افرجك عليه
خرج من الغرفة وأحضر له العلبة الكرتونية يتناوله إياها، شعر عمر بالسعادة الشديدة..
– عجبك يا عمور؟؟؟
– جميل أوي كل الالوان اللي بحبها كمان
ضاقت عيناه بغموض:
– في دستة تانية بقى فيها اشكال تحفة…
سأله عمر بسرعة :
– بجد ؟؟ هي فين ؟؟
همس حمزة بصوت خافت:
– بس تقولي الاول المقلب اللي عملته في منة و سيف كان ايه ؟
عقد عمر جبينه ببراءة :
– مقلب ايه؟
سحب نفساً متنهداً بضيق:
– لا ماتحورش عليا
– أبيه حمزة…
سأله حمزة بنفاذ صبر:
-عمور يا حبيبي انا عايز اعرف المقلب ده ايه؟؟ ومستخبي فين ؟؟ وعملت كده ليه ها ؟؟؟
قال عمر بنبرة متحشرجة شبه باكية :
– اصل ماما مش عايزاني ابات عند منة…بتقولي عيب يا عمر دي لسه عروسة…فين عروسة دي الفرح خلص من شهر….وهي بتوحشني وسابتني لوحدي
ليردف قائلا :
– قومت عملت فيها مقلب عشان سيف يزعل منها ويخليها تيجي عندنا و اخليها تقعد معانا على طول… قولها يا أبيه ترجع لي…والله مش هزعلها ومش هخليها تعمل حاجة…هشيلها في عيوني…انا بحبها
– انت بتحب منة اوي كده ؟
همس عمر بتأثر:
– منة جميلة وتتحب أوي
– طب واللي يحب حد يعمل فيه كده ؟؟ افرض سيف ده عمل معاها خناقة كبيرة ولا حصل مشكلة بينهم بسببك.
أومأ عمر بحماس:
– ياريت عشان ترجع تعيش معانا….هي ليه تتجوز ليه وتسيبني؟؟؟
اجابه حمزة بتعقل :
– عمر يا حبيبي….لازم تفهم أن منة خلاص كبرت..هي صحيح لسه طفلة من جواها ومش بتتغير…بس هي خلاص زي اي بنت حبت واتجوزت وهتعيش حياتها بقى…وبعدين في المستقبل يعني ولو اني مش متأكد من القرار ده بس اكيد منة هيجي يوم وتبقى أم…وتخليك خالو …وتبقى اصغر خال … ولا انت مش عايز تبقى خالو عمر ؟؟..
صاح عمر بحماس:
– الله..بجد
– اه والله…
– يعني منة هتجيب اطفال زيها…والعب معاهم
تنهد حمزة بانزعاج من تلك الفكرة :
– لا زيها ايه…ابوس ايدك ادعي انهم يكونوا زي سيف… مش ناقصين السلالة بتاعتها تتكرر تاني
عقد عمر جبينه بضيق معترضا:
– ماتقولش كده يا أبيه.. منة عسل
– الله وانا اقدر برضو اتكلم…دي العسل كله بتاع عيلتنا
ليردف وهو يضع يده على كتفه:
– طب ايه بقى يا معلم …هتقولي ايه سر تفاصيل المقلب؟
– انا جبت لعبة فيها زراير لما تضغط عليها تطلع صوت حسب اللي اختاره وحطيتهالهم جوه غطا واقي المرتبة عشان ده بيتفتح بصعوبة وميكتشفوهوش بسهولة… وعشان كل لما ييجي حد يتقلب الزراير تتضغط فتعمل صوت وهو يقعد يدور الصوت جاي منين ومش عارف ينام..
قهقه حمزة ضاحكا بشدة :
– يخرب عقلك يا عمر…انت عملت كل ده ؟؟
أومأ ببراءة :
– أيوة… عشان منة ترجعلي
اقتربت منهم منة وهي تسمع اخر جملة قالها :
– شوفتي اخوكي عمل ايه…
قص عليهم عمر ما فعله بشقيقته بحرج.. هتفت منة بتأنيب:
– ينفع يا عمر اللي انت عملته ده… هو انا مش كذا مرة قولتلك تعالى اقعد معايا وبات
هتف عمر مدافعاً عن نفسه :
– ماما مش بتوافق ابات عندك بتقولي أن انتي عروسة
– يا ماما سيف مش بيتضايق منه صدقيني…وبعدين يعني فيها ايه ؟؟
– لا برضو ميصحش … انتي هتمشي ورا كلام عيل صغير…وانت بقى يا عمر حسابك معايا
قاطعها حمزة قائلا:
– خلاص يا خالتو انا اتكلمت معاه وعمر هيعقل…
هز عمر كتفيه بتردد:
– ما اوعدكش بصراحة
رفع حاجبه بدهشة:
– الله .. طب براحتك بقى يا خالتو اعملي فيه اللي انتي عايزاه اتوصي بيه
_________________
جاء موعد زفاف هاني وخديجة فكانت خديجة بأبهى طلة في فستانها الأبيض و هاني بأعلى درجات جاذبيته بإطلالته الأنيقة…جاء كل من إخوتها لحضور الحفل، حتى شقيقها الذي خرج من المصحة بعد فترة علاجه…
حاوط هاني خصرها ثم جذبها له بـقوة يعانقها بتأثر:
-أخيراً
إبتسمت بـرقة وقالت بـدلال:
– بقينا لبعض
أقتربت شفتاه من أُذنيها ليهمس لها بصوت آسر:
-انا اتشقلبت عشان نوصل للمرحلة دي
ليقبلها من وجنتيها بحب :
– مبروك يا حبيبة قلبي…
– مش مصدقة نفسي من الفرحة…بقيت مراتك بجد
إستند بجبينه على جبينها ثم قال :
– لا صدقي طبعا… الحمدلله وصلنا للخطوة دي بعد ما طلعتي عيني
– مبسوطة بجد أن كل حاجة عدت على خير..
بدأت رقصة السلو الثانية… وبدأ المطرب “رامي جمال” الذي أحضره هاني..
لغناء تلك الأغنية التي تعبر عن مشاعرهم…
“إوعديني، لو زعلتي مرة مني تعرفيني
لو جرحتك غصب عني تحسسيني
متشيليش جواك حاجة تحكي ليا كل حاجة
لما هفهم هبقى أحسن صدقيني
إوعديني، لو نسيت يا حبيبتي نفسي تفوقيني
لو خدتني الدنيا مني ترجعيني
لو في لحظة زاد غروري
إشتكي لومي وثوري
بس إوعي في يوم تروحي وتسبيني
إنت قلبي و إنت روحي و إنت عيني
حد عايز أعيش معاه لآخر سنيني
إنت بالنسبة لي مش حب في حياتي
إنت كل حياتي فعلاً إفهميني”
عانقها وهو يحملها من خصرها ليدور بها عدة دورات بطريقة رومانسية وهي تتشبث بكتفيه وتعانقه بشدة والفستان يدور حولهم والأضواء النارية تشتعل حولهم بطريقة رائعة
“إوعديني، لو في يوم الخوف ملكني تطمنيني
لو ذكائي في مرّة خاني تفهميني
لما أقسى في يوم تحني
و أما أغلط غصب عني
قبل ما أغلط غلطة تانية تلحقيني
إوعديني، لو يبيعني الكون بحالة تشتريني
تبقي أقرب منّي ليّ تكمليني
تبقي أختي تبقي أمي
تجري فيّ جوة دمي
لما أكون تعبان تضمي وتداويني”
انتهت الأغنية….
تقدمت والدة هاني وهي تبارك لهم وتعانق ابنها :
– مبروك يا هاني يا حبيبي
قبلها من رأسها ويدها باحترام:
– الله يبارك فيكي يا ماما…
عانقت خديجة بحب:
– مبروك يا خديجة
– الله يبارك فيكي يا طنط…. تسلميلي
– زي القمر يا حبيبتي
– يا حبيبتي أنتِ اللي قمر
اقترب حسين شقيق خديجة وهو يعانقها بتأثر:
– مبروك يا ديچا
– حسين يا حبيبي مبسوطة انك أخيرا خرجت… ومقولتليش
– خرجت امبارح…
– كده وماتقوليش
قبلها من رأسها :
– معلش يا حبيبتي .. كنت ناوي اعملهالك مفاجأة
– حمدالله على سلامتك يا حبيبي…دي احلى مفاجأة
اقترب منها شقيقاتها و أطفالهم يباركوا لها :
– زي القمر يا ديچا…
– مبسوطة عشان انتوا معايا وجنبي في يوم زي ده
– طول عمرك كنتي معانا…كان لازم يجي يوم و كلنا نقف جنبك
هتف حسين بأسف نيابة عن إخوته :
– احنا اسفين يا خديجة على اي عطلة سببناها ليكي… خطيبك بجد طلع راجل فعلا بيحبك و مسؤول… هو كان سبب ان كل حد فينا يغير حاجة في حياته
– مبسوطة بيكم اوي…
– واحنا مبسوطين عشانك اوي…
__________
كانت منة ترتدي فستان باللون الاصفر يشبه الأميرات… بقصة ضيقة حتى خصرها الدقيق، بربع أكمام منسدلة قليلا عند كتفيها ولكن لا تظهر كتفيها، كان الفستان رقيق و يحتوي جسدها الصغير بنعومة..
وقفت منة أمام كلا من حمزة وايتن و سيف قائلة بحماس :
-بالمناسبة الجميلة دي انا عايزة اقولكم خبر حلو اوي
– ياريت بجد
تنهد بابتسامة:
– انا حامل…
حدجها حمزة وسيف بنظرات مصدومة:
– ايه ؟؟؟
اقتربت منها ايتن وهي تعانقها بحب :
– مبروك يا منة يا حبيبتي…ايه الخبر الجميل اوي ده
– الله يبارك فيكي يا آيني…
لتجد حمزة فاق من صدمته، وقهقه ضاحكاً بشدة… رمقته منة باستغراب :
– هو انت بتضحك ليه معلش ؟؟
ليشاركه سيف الضحك هو أيضا، فهتف حمزة مصححاً لها :
– الله .. هو انا لوحدي اللي بضحك؟؟ جوزك هو كمان بيضحك
قهقه سيف وحمزة بضحك هستيري يتعالى، فهتفت منة بانفعال:
– يوووه…بطلوا ضحك بقى …المفروض تتأثروا على فكرة وتعيطوا
يبدو أن حمزة لا يستطيع السيطرة على نفسه :
– أحيه بجد مش قادر ابطل ضحك اقسم بالله…. هو ده بجد ولا بتهزري
– رخم اوي….
حدجت زوجها بحزم :
– يا سيف بقى …
واخيرا سيطر سيف على نفسه، بينما حمزة كما هو يضحك
همست ايتن برجاء:
– بطل ضحك بقى يا حمزة
رد عليها حمزة بنبرة جادة:
– عندك حق انا لازم ابطل ضحك فعلا في الموقف ده
– شوفت بقى ؟؟
– انا لازم اعيط
هتفت منة بسعادة:
– هو ده الكلام يا ميزو يا حبيبي
صاح حمزة برعب ساخط:
– انا لازم اعيط عشان انتي هتتكاثري وهتجيبلنا اطفال زيك
أغمض منة عيناها بقوة قائلة من بين أسنانها:
– مفيش فايدة والله
هتف سيف بتذكر :
– منة انتي مستوعبة..انتي لسه طفلة حبيبتي..
هتفت قائلة بجدية :
– يا جماعة انتوا ليه مش مصدقين اني خلاص هبقى مامي
رد زوجها يصحح لها :
– ده أنتِ أصلا لسه محتاجة مامي…
صاحت بهم بنبرة مخنوقة:
– والله رخمين بجد…مش طايقاكم
– الله هرمونات الحمل اشتغلت بدري
نبهته ايتن بهدوء :
– بس بقى يا حمزة عشان زعلت
ظهر الاهتمام أخيراً على حمزة وهو ينظر أمامه مصدوماً :
– انا محتاج بس شوية استوعب بس المفاجأة…او الصدمة ايهما أقرب !
– حمزة
ابتسم قائلا:
– مش متخيل بجد …منة حامل ؟؟
ليردف برجاء:
– يارب العيال يطلعوا لابوهم بقى مش ناقص نسخ منها تاني في حياتي
– دي منة عسل اصلا
قرصتها منة من وجنتيها بمرح:
– يخليكي ليا يا صاحبتي….والله انتي اللي عسل
لترمق حمزة بعتاب:
– شايف الناس الذوق … مش انت
اقترب منها سيف بعدما أُزيلت الصدمة، قائلا برقة:
– مبروك يا منونة
ضربته بقبضتيها الصغيرتين على صدره:
– نعم؟؟؟ بعد ايه ها؟؟ بعد ما ضحكت مع حمزة
أشار على حمزة وهو يكتم ضحكته :
– والله حمزة السبب بجد هو اللي ضحكني…وانا بصراحة اتفاجئت
– بس مفاجأة حلوة ولا لا؟؟
ابتسم لها قائلا:
– مفاجأة قمر شبهك
– هبقى مامي
– احلى مامي في الدنيا…انا واثق انك هتبقي ام حنينة وجميلة
اقترب منها حمزة وهو يبارك لها بسعادة :
– مبروك يا حبيبة قلبي
– مش طايقاك بجد
حاول أن يضحك مرة أخرى، زفرت منة بضيق:
– يووه هتضحك تاني…
رفع يداه باستسلام قائلا:
– خلاص خلاص هبطل ضحك اهو…مبروك يا حبيبتي… خلاص بقى دي بنتنا كبرت و هتبقى مامي
– وأنت هتبقى خالو أخيرا…
– ربنا يسعدك يارب انتي وسيف
________
في نهاية حفلة الزفاف… اثناء المراسم الأخيرة..
كانت ايتن ترتدي فستان باللون Mint green ضيق حتى أعلى خصرها بقليل، وينزل باتساع حتى يتناسب مع حملها و بطنها التي تكورت و برزت, ولكن رسمة الفستان أظهرتها بشكل رائع، كان يحتوي على حمالتين عريضيتين باللون الفضي يزيد من أناقة الفستان…. وتركت شعرها الأسود منسدلا بتسريحة مرفوعة رائعة..
وقفت آيتن بتعب وطلبت منها خديجة الجلوس حتى لا ترهق نفسها اكثر من ذلك…
– اه رجلي مش قادرة…
سألها حمزة بقلق :
– مالك يا حبيبتي ؟؟
صاحت بإجهاد:
– رجلي وجعتني بجد مش قادرة اقف اكتر من كده ولا امشي
– طب تعالي نقعد…
سحبها من يدها يجلسها على أحد مقاعد الطاولة خاصتهم
قالت منة :
– ممكن الهيلز وجعتك…
– مع اني متعودة عليها بس عشان الحمل…رجلي بقت توجعني من الهيلز
اقترب حمزة من مقعدها وهو ينحني على ركبتيه..مال وهو يضع قدميها على فخذه، أدركت ما ينوي فعله فهمست بصوت متحشرج وهي تبتلع ريقها بحرج..قائلة باعتراض:
-حمزة..لا مينفعش..انا هعرف اقلعه
فك أحد الحذائين من قدميها، قال بخشونة لطيفة وهو يستكمل:
-هو ايه اللي مينفعش..اكيد مش هتقدري تستحمليه اكتر من كده
غرست يديها تمشط شعره وهي تهمس بحب:
-بحبك..
انحنى فجأة ليحملها بين ذراعيه بدون مقدمات، مما جعلها تطلق شهقة قصيرة وسط اعتراضها وخجلها من الناس
وضعت ذراعيها حول رقبته وهي تنظر إلى وجهه الوسيم المبتسم.. التقت نظراتهما قائلة:
-حمزة…لا بتهزر
قال بهدوء:
– ايتن انتي مش هتقدري تمشي والقاعة في الدور التالت…اكيد مش هينفع تنزلي كل ده
احمرت خجلاً وهي تسند وجهها على صدره:
– طب و الناس؟؟
هز كتفيه بلامبالاة:
– انا مايهمنيش كلام أي حد…
همست منة قائلة إلى زوجها :
– حمزة بجد مبيتكسفش من حد
– خالص
بينما كان حمزة يواصل السير وهو بأطراف أصابعه حقيبة السهرة الصغيرة خاصتها وحذائها ذو الكعب العالي
وما أن هبط إلى الدرج بكل ثقة وسط دهشة البعض وإعجاب البعض بفعلته وحسد البعض، فلا يهتم بأي شيء أو اي شخص…كل ما يهمه انها كانت متعبة ولا تستطيع السير بسبب وقفتها ومشاركة صديقتها الرقص و تواجدها معها بذلك الكعب العالي…
وأخيرا وصل أمام سيارته لينزلها برفق فأصبح طولها قصير جدا أمام طوله الفارع وهي حافية القدمين وبيده حذائها، فتح باب السيارة لهم وقبل أن يتحرك، أوقفته قائلة بفخر:
– لما يكون في حد زيك تبقى الدنيا مش وحشة ولا حاجة…دي لسه بخير…انا بطمن بوجودك
همس بحنان, وهو يضمها إلى صدره بلطف:
– عارفة لما بحس انك مبسوطة أو على الأقل مرتاحة…بطمن والله
سقطت دموع السعادة وقالت بنبرة تحمل في طياتها جميع معانيالحب:
– أنت اعظم حاجة حصلتلي في حياتي
وأعرف أني أسافر في بحر عينيك
دون يقين
وأترك عقلي ورائي وأركض
أركض
أركض خلف جنونـي
_نزار قباني
________
بعد انتهاء الزفاف…وعودتهم إلى منزلهم الجديد…
– أخيرا كل حاجة بقت هادية…مامتك واخواتي وكل حاجة الحمدلله اتحلت…حتى البت الرخمة رهف قدمت استقالتها وسابت شغلها أخيرا
– أنا لحد دلوقتي بقى مش فاهم رهف عملت كده ليه وسابت الشغل ليه
– سيبك منها دلوقتي
أمسك بيدها ثم انحنى ليحملها ويأخذها إلى الطابق الثاني نحو غرفة النوم…
احمر وجهها من الخجل وهي تضع رأسها على صدره:
– هاني…
هاني بنبرة متيمة:
-قلب هاني وروحي وعقلي وكل حاجة اصلا
خديجة بحب:
– كل ده ليا
قبلها من وجنتيها :
– واكتر ياروحي، بموت فيكِ
سألته بدلال:
-بتحبني بقى؟
هز رأسه بنفي وهو يفتح باب الغرفة :
-لا
صاحت به بحدة :
-نعم..مبتحبنيش؟؟
كنت حاسة اصلا
وضعها حتى تلامس قدماها الأرض.. ثم رفع يده ونزع تاج شعرها ببطء وألقاه بعيدًا:
-بعشقك.. وبموت فيكِ
شهقت بخجل وهي تضحك :
– احيه علي الاحراج…
انا اللي بموت فيك بجد
- ومقدرش اعيش من غيرك
-ربنا يخليك ليّ يا حبيبي
- ويخليكى ليّ يا قلبي
انحنى ليأخذ شفتيها في قبلات ناعمة متتالية.. رفعت يدها لتحيط بعنقه ليعمق قبلاته فهذه قبلاتهم الأولى، بينما تفتح يداه سحاب ثوبها..حتى أصبح الفستان عند قدميها.. تحركت يده للتخلص من سترته ومن ثم قميصه..
هزت خديجة رأسها وهي تحاول أن توقفه قائلة بخجل :
– هاني استنى…
همس بنبرة أجشة:
– لا انا استنيت كتير بصراحة
ارتجف جسدها، وقربها من جسده ثم حملها إلى الفراش, بينما يحاول التخلص من بقية ملابسهم..
وبسعادة لا تعوقها أي حزن، كانت تتلقى بين يديه معنى العشق والحب…
اخيرا أصبحت ملكه…ونالت سعادة لا تعوقها اي مسؤوليات أو حزن…
_______________
حينَ اكتشَفْتُكِ
لم يكُنْ قصدي اكتِشافُكْ
فأنا الذي ما كنْتُ ضِدَّ الحُبِّ يومًا،
أو معَهْ
أنا مُؤمِنٌ أنَّ الفُصولَ الأربعةْ..
ستظَلُّ دومًا أربعةْ
وبأنَّ شَمسًا واحدةْ
وبأنَّ بدرًا واحدًا..
فتنَ الوجودَ إلى السَّماءَ السَّابعةْ
لكنَّني حينَ اكتشَفْتُكْ
كلُّ الأُمورِ تغيَّرتْ
فأضَفْتِ بَدرًا ثانيًا
وأضفتِ شمسًا ثانيةْ
وأضفتِ فَصْلاً خامِسًا..
ما أرْوَعَهْ
_عبدالعزيز جويدة
دخلت غرفة النوم بعد عودتهم من الخارج فوجدته جالساً على السرير مازال كما هو بملابس حفلة الزفاف وكان قد خلع سترته وتبقى منها قميص أبيض وبنطال داكن، يبدو أنه كان يتابع شيء ما عبر هاتفه يخص عمله لذا تأخر في تغيير ملابسه .. قامت بتشغيل شاشة التلفاز في الغرفة وربطها بهاتفها، لتشغل أغنية “أنت عارف ليه” لروبي.
وما أن ارتفع صوت الأغنية، حتى بدأت منة تغني مع المطربة بصوتها الرقيق، وبطريقتها الشقية، بدأت بترديد كلمات الأغنية وهي توجهها له.. لزوجها وحبيبها.
“إنت عارف ليه
بحبك ليه وحبك ليه بيحلى لي
ليه بسهر ليك
وأذوب في عينيك وأحبك تبقى طوالي
حيران على طول
آه كده ومشغول وحالك يبقى من حالي”
كانت تستدير بشقاوة وترفع يدها وهي توجه إليه كل كلمة، بينما هو جالس هناك يبتسم لها وما تفعله بحبه… كانت تقترب منه وتغني بغزل مع الأغنية. .
“علشان بتكون عاشق مجنون
وحبك ليّ مالي الكون
وبتبقى بريء ساعات وجريء
ولا قلبي عليك بيهون
يا حبيب قلبي يا غالي على
عيني وقلبي ومالي غنى
عن حبك يوم يا سيدي أنا
أنا بناديك تعالى هنا
ضحك بسعادة ممزوج بالعبث من تصرفاتها العفوية معه…
” طب أنا عندي كلام وكلام
وكلي حنين وشوق وغرام
وشوقي إليك ولا بينام، ولا بينام”
قام فجأة من السرير، واقترب منها، وحملها بخفة بين يديه، وهي تضحك بين يديه بكل خفة وحنان وشغف طفولي كان محبباً إليه وإلى قلبه.
وضعها على السرير قائلا بنبرة خشنة :
– أنا بقول كفاية كده بقى…عشان انا عندي كلام وكلام تاني عايز اقولهولك بعد إذن الفنانة روبي طبعا..
سألته بعدم فهم:
– كلام ايه ده ؟
قهقه ضاحكاً بعبث :
– هتعرفيه دلوقتي
اقترب من وجهها وغطاه بقبلاته ببطء..لتشاركه الضحك في البداية…حتى أصبحت قبلاته أكثر عاطفية لتحمر خجلا، نزل بشفتيه إلى رقبتها يطبع قبلاته عليها..كانت تغمض عينيها وتمسك بكتفه بكلتا يديها وهي تشعر بلمساته اللطيفة التي..
ببطء كان يفتح أزرار ثوبها ليزيحه عنها…. ليعبر لها عن مشاعره التي خرجت عن تعقله بجموح وجنون..
يحبها بل أصبح يعشقها… هي التي تسعد يومه
وتجعله يخرج عن روتينه المعتاد
حتى لو لم يظهر مشاعره أمام أحد ولم يكن متهوراً إلى أمامها هي فقط..
يكفي أنه يحبها بطريقته الخاصة.. وله قناعاته الخاصة
نعم تصرفاتها هذه تدفعه إلى الجنون وتخرجه من إطار عقله، لكنه يحبها كما هي
كان خائفاً في البداية بسبب اختلاف شخصياتهم
لكنه اكتشف أن هذا هو أفضل شيء في علاقتهما
إنه عاقل وهي فتاة مشاغبة ومجنونة
بعد وقت طويل، كانت مستلقية على صدره..ليداعب وجنتها بلطف هامساً:
-انا معرفش حياتي من غيرك كانت هتبقى عاملة ازاي بس متأكد اني مكنتش هبقى بالارتياح والسعادة دي من غيرك
ليضيف قائلا :
-كنت فاكر اني قبل كده بحاول اكون مبسوط و متأقلم على حياتي كده…وفاكر أن حياتي الهادية الروتينية العادية هي دي السعادة بالنسبة لي..لكن السعادة اللي بجد عرفت طريقها معاكي يا منة….من يوم ما خطبتك لحد ما اتجوزنا وانا بقيت مبسوط من قلبي بجد
مجرد ما بفكر انك بقيتي مراتي خلاص ده لوحده مخليني اسعد راجل في الدنيا كلها وهفضل كده على طول
سألته بتردد:
– حتى وانا مطلعة عينك بتلقائيتي وتصرفاتي المجنونة كده
أجابها برقة:
– تلقائيتك دي هي اللي حببتني فيكي لأن بعدها فهمت انك مش متصنعة زي بنات كتير تانية لا على طبيعتك وعجباني كده على فكرة… على قد ما هي صفة بحبها فيكي… على قد ما بخاف عليكي..لأن مش أي حد يستاهل تلقائيتك…بس انا بحبك كده كلك على بعضك..وعجباني كده.. ومش محتاجة تغيري من نفسك…بس اوعي تيجي في يوم تتغيري عليا وتبطلي تحبيني…حبك ليا ده اللي خلاني احبك اصلا
ابتسمت له قائلة بهيام:
-انا بحبك والله خليك واثق ومتأكد اني هفضل طول الوقت بحبك وهحاول على قد ما اقدر معملش حاجة تزعلك مني خالص
- وانا والله يا حبيبتي بموت فيكي
اقترب برأسه منها ليهمس بثقة:
-أنتِ احلى حاجه حصلتلي، انا واثق فيكي انك هتفضلي معايا زي ما أنتِ ومش هتتغيري عليا…
ليردف قائلا :
– منة أنتِ مش مراتي بس، أنتِ كل حاجة ليّ
همست بالحب الذي كان واضحا في عينيها:
-ربنا مايحرمني منك يا حبيبي ويكملنا فرحتنا بالبيبي على خير
قبلها من وجنتها بحب:
– يارب وينور حياتنا وبيتنا أكتر زي ما أنتِ منورة حياتي كلها وأنتِ معايا
عندما وقعت في حبه، تساءلت لماذا هو؟
لأنه تقبل جنوني وتهوري، وتقبل كوني طفلة وامرأة في نفس الوقت.. هو رجل أحبه بكل ما أملك من حب واحتياج، واجتياج رجل حينما عندما أقبله، وكأنني لمست النجوم في السماء.
__________
محظوظة بأنني التقيت رجلاً يمتلك عيوناً صادقة وقلباً صادقاً، رجلاً ناضجاً في فكره، ومتنوراً في عقله.. رجلاً لا يخجل من أن يعبر عن حبه أمام الجميع، وأنا سعيدة بأنني بجانبه.. أشعر بالفخر حينما ينظر إليّ وأشعر كأنني في الجنة..
صدحت أغنية أم كلثوم في الاجواء…نغمات جسدت قصة عشقهم…
“رجعوني عينيك لأيامي اللي راحوا
علموني أندم على الماضي وجراحه
اللي شفته قبل ما تشوفك عينيا
عمر ضايع يحسبوه إزاي عليّا
اللي شفته، اللي شفته قبل ما تشوفك عينيا
عمر ضايع يحسبوه إزاي عليّا
اللي شفته قبل ما تشوفك عينيا
عمر ضايع يحسبوه إزاي عليّا، عليّا
اللي شفته قبل ما تشوفك عينيا
عمري ضايع، ضايع يحسبوه إزاي عليّا
إنت عمري، إنت عمري اللي إبتدى بنورك صباحه
اللي إبتدى بنورك صباحه
إنت، إنت، إنت عمري”
اكتشفت من قريب أنها حامل بفتاة، فقررت أن تسميها “كندة” كما وعدته من قبل على اسم شقيقته التي توفت في سن صغير
ابتسمت ايتن بابتهاج وهو يعاملها كطفلته الصغيرة بعد أن ساعدها بكل شيء منذ عودتهم من زفاف صديقتها، فكان يعاملها كأنها اميرته وطفلته..
يعرف انها اصبحت بخير ولكنه صمم أن يدللها بشدة في ذلك اليوم…
همس حمزة وهو يحتضن وجهها بين يديه بحنان :
-انا عمري ما كنت هسامح نفسي لو كنت خسرتك، مكنتش هعرف اعوضك وعارف اني لو خسرتك مش هلاقي حد زي آيتن تاني
همست بمشاعر جياشة:
-انت حظي الحلو في الدنيا يا حمزة
لتردف بصدق:
-وهفضل فخورة بيك وبكل حاجة حصلت معانا
– وانا اوعدك أني هحافظ عليكِ، وهشيلك طول عمري في عينيا .. وخليكي واثقة ان عمرك ما هتهوني على قلبي أبداً
تنهدت بارتياح :
-أنت احلى عوض في الدنيا كله
طبع قبلة قوية على خدها، هامساً بحنان:
- و أنتِ أحلى حاجة حصلتلي والله يا آيتن
تسارعت نبضات قلبها من السعادة :
– انا بحبك..
داعب أنفها الصغير بيده قائلا بشغف :
-وانا مقدرش اكون ثانية من غيرك…
ليردف بصوت أجش وهو يسحب جسدها إلى صدره حتى تكون قريبة أكثر منه :
-من غيرك أضيع.
وضع كفه على بطنها بحنان وابتسم بسعادة ينتظر طفلتهم بفارغ الصبر..
هذه هي حياتهم الآن، لم يملؤها إلا العشق والسعادة.. وستأتي قريباً طفلتهم لتلون حياتهم
يتبع…
________
ده الفصل الأخير اه، لكن طبعا لسه فيه فصل كمان لـالخاتمة لأطفال الابطال انتظروه وكده يبقى الرواية خلصت تماما..
الخاتمة دي بتكون بعد مرور كذا سنة لحياة الابطال وانا هعملها لأطفالهم عشان تشوفوا حياتهم مع أطفالهم… بصراحة أنا مش كاتبة من الخاتمة غير مشهدين بس… ولو ملقتش تشجيع ولا تفاعل حلو على البارت ده هنزل الخاتمة بمشهدين بس زي ما انا كاتباهم …
شجعوني بقى عشان اكتبلكم مشاهد تانية في الخاتمة ونخليها فصل طويل كده .. لأن اخر فصل ده اخد مني مجهود كبير اوي???? وبتمنى يارب يعجبكم وبتمنى البارت اللي بعده بتاع الخاتمة يعجبكم
قولولي بقى رأيكم في الرواية عموماً..في الشخصيات ومين كان الكابل المفضل ليكم..
ومين اكتر شخصية كرهتوها
لو عملتوا لايك وكومنت وتفاعل حلو كده هكتب مشاهد كتير في الخاتمة وانزلها بسرعة ????????????
ياريت بقى كل اللي كانوا متابعين في صمت بقى يظهروا في البارت ده ????❤️ عايزة اعرفكم كلكم واعرف رأيكم ❤️
و اكتبولي اسماءكم هنا عشان اختار منها في الرواية الجديدة لاسماء الابطال????????
وصلوا البارت لـ450 لايك وكومنت عشان انزل الخاتمة بسرعةالخاتمة
بعد مرور أكثر من أربع سنوات….
صدحت أغنية أم كلثوم في الأجواء…نغمات جسدت قصة عشقهم لبعض..
“يا اللي ظلمتوا الحب وقلتوا وعدتوا عليه
قلتوا عليه مش عارف إيه
يا اللي ظلمتوا الحب وقلتوا وعدتوا عليه
قلتوا عليه مش عارف إيه
يا اللي ظلمتوا الحب وقلتوا وعدتوا عليه
قلتوا عليه مش عارف إيه
يا اللي ظلمتوا الحب وقلتوا وعدتوا عليه
قلتوا عليه مش عارف إيه
العيب فيكم يا في حبايبكم
العيب فيكم يا في حبايبكم
أما الحب، أما الحب يا روحي عليه، يا روحي عليه”
ابتسم حمزة وهو يلف ذراعيه حول خصرها الرقيق، وكفه يداعب بطنها الصغير الذي بدأ يتكور قليلاً من الحمل، يسألها باهتمام:
-اخبار البيبي الجديد ايه؟؟
وجدها جالسة على السرير وشعرها الأسود الكثيف يغطي ظهرها.. تناولت علبة شوكولاتة وتمتمت بدلال:
– تاعبني…زي اخواته
– فين ده…دول بناتي الاتنين ملايكة
– طبعا…ومين يشهد للعرايس
غمز لها بفخر:
– ابوهم حبيبهم
“في الدنيا ما فيش أبدا، أبدا أحلى من الحب
نتعب، نغلب، نشتكي منه لكن بنحب
في الدنيا ما فيش أبدا، أبدا أحلى من الحب
نتعب آه نغلب آه نشتكي منه لكن بنحب
في الدنيا ما فيش أبدا، أبدا أحلى من الحب
نتعب، نغلب، نشتكي منه لكن بنحب”
امتلأت مقلتا عيون حمزة بالحب وهو يشاهدها وهي تأكل الشوكولاتة بنهم وتناثر بقاياها حول شفتيها.. ابتلع وهو يتمتم بصوت أجش جذاب:
– الله بقى شوكولاتة
ايتن ببراءة:
– بتوحم عشان حامل بقى
رفع حاجبه قائلا بتصحيح:
-ده انا من ساعة ما اتجوزتك وأنتِ بتتوحمي على كده
-بحبها اعمل ايه
جلس بجانبها قائلا بعبث:
– طيب عايز اجرب
رفعت كتفها باستنكار:
-لا…ما هي بتكون قدامك وانت مش بتاكلها
– اعمل ايه مش بحبها خالص غير معاكي
– بتحلو في عينيك فجأة يعني ؟…
– طبعا
ظهر العبوس المزيف على ملامح حمزة، وسرعان ما وضعت ايتن بعض الشوكولاتة في فمها تأكلها، ليجذبها تجاهه لتجلس فوق ساقيه، فاقتربت منه هامسة بدلال:
-خلاص متزعلش يا حبيبي
لمعت نظراته.. وهو يخفض فمه ليلتهم شفتيها بقبلاته.. ليمسح كل الشوكولاتة حول فمها أيضا، وهمس بلذة:
– مابقدرش اقاوم بجد…
أطلقت ضحكة عالية عندما انحنت نحوه ووضعت يديها خلف رقبته..مررت أصابعها خلال شعره وقبلته بهدوء..
تنهد وهو يسحبها من خصرها نحوه أكثر ليتبادل القبلات.. بينما كانت تغرز أصابعها في شعره.
قطع لحظتهم صوت طرق عنيف على الباب، فابتعدوا لالتقاط أنفاسهم.. شهقت وهي تعقد حاجبيها :
-مين اللي بيخبط؟
رفع حاجبه بتفكير:
– اكيد مباحث الشوكولاتة…جايين ياخدوكي من كُتر الشوكولاتة اللي بتاكليها
ضحكت ايتن بسرور عندما ابتعدت عنه وفتحت الباب لتسمح للطارق بالدخول لتجد ابنتهما الكبيرة كندة البالغة من العمر أربع سنوات.. كانت تشبه والديها كثيرًا.. أخذت مزيج من بعض ملامح أبيها وأمها ولكن بعيون زرقاء وشعر عسلي.. دخلت الغرفة والغضب الشديد على ملامحها وهي تقترب منهم قائلة بصرخة:
-انتوا بتاكلوا الشوكليت بتاعتي
ايتن وهي تخبيء العلبة خلف ظهرها:
-دي بتاعتي انا
اجابتها كندة بحدة وهي تضع يدها على خصرها:
-بابي هو اللي بيشتريها بفلوسه
رمقتها ايتن بغيظ:
– مش هتاخدي حاجة…انسي
– معلش يا حبيبتي اديهالها…
بعد محاولات من فك الشجار بينهم، اخذ حمزة من ايتن العلبة..ليعطيها لكندة كي تصمت…فقبلته الصغيرة بحب وبدأت تأكل منها
لكزته ايتن في كتفه بغضب:
-كفاية دلع فيها بقى
ضحك حمزة :
-مش هتكست وأنت عارفة…و بعدين هجيبلك كتير غيرها متزعليش
ثم اردف حمزة بتساؤل:
-عاملة ايه مع باباكي دلوقتي؟
ايتن بابتسامة وهي تربت علي شعر كندة :
-كويس الحمدلله..هو متعلق ب كندة وسيليا جدا..وبيحبهم اوي…اعتقد انه بيحاول يعوض اللى معملوش معايا مع بناتي…و دي حاجة بتخليني راضية عن وجوده اكتر…وممكن تخليني اسامحه..وكمان اللي عمله معاك في المستشفي خلاني اتقبل وجوده في حياتي شوية
“يا سلام ع القلب وتنهيده في وصال وفراق
يا سلام ع القلب وتنهيده في وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها في عين العشاق
يا سلام، يا سلام على حلوتها يا سلام، يا سلام
يا سلام ع الدنيا وحلاوتها في عين العشاق
يا سلام، يا سلام على حلوتها يا سلام، يا سلام
يا سلام ع الدنيا وحلاوتها في عين العشاق
يا سلام، يا سلام على حلوتها يا سلام، يا سلام”
ثم سألها بتوجس:
– ندمتي طول السنين دي انك حبيتيني؟
رفعت حاجبها باستغراب:
– عندك شك ؟
غمز لها بابتسامة :
-لا بس حابة اتأكد اكتر
– يمكن لما كنت بشوف اللي حواليا حياتهم متدمرة من الحب، كنت بتقفل من الحب..وخصوصا بسبب تجربة الخطوبة اللي حصلتلي زمان
سألها قائلا:
-طب ومعايا قفلتك اكتر ولا ايه؟
همست بدلال:
– طلع احلى حاجة في الدنيا
-أنتِ حبيبتي وأجمل واشطر زوجة وأم عيالي
ابتسمت ايتن لتشاركها الصغيرة ابتسامتها وتضحك ببراءة وهي تناولها العلبة الفارغة من الشوكولاتة، ثم اقتربت من امها مقبلة إياها بطريقة طفولية:
– مامي Sorry انا خلصتها..متزعليش..انا بحبها
عانقتها ايتن بحنان :
– بالهنا والشفا يا روح مامي…
“وأنا خذني الحب لقيتني بحب
لقيتني بحب وأذوب في الحب
وأنا خذني الحب لقيتني بحب
لقيتني بحب وأذوب في الحب
وأذوب في الحب وصبح وليل، وليل على بابه”
هتف قائلا بانبهار:
– بعشق الأغنية دي بسببك
– هي كل أغانيها تتحب الصراحة
– بس أنتِ ايه رأيك في كلامها بقى ؟؟
أومأت بنعومة:
– صح كلامها أوي.. الحب جميل فعلا بس نختار صح، الحب حلو لو مع الناس الصح اللي بتقدره و بتبادل حبنا بحب اكبر منه كمان
-اعتقد اختياراتنا للاشخاص اللي متستاهلش هي اللي بتبوظه..
– بالظبط بيتوقف على اختيارنا..
همس قائلا بحكمة :
-المشكلة كلها ف الاختيارات ان ممكن شخص يجي يخليكي تكرهي كل حاجة وتكرهي اليوم اللي حبيتي فيه، وممكن شخص تاني يخليكي تحبي كل حاجة في الدنيا، الحب حلو فعلا البني ادمين هي اللي بتبوظه..اما الحب يا روحي عليه
شعر بيد طفلته تجذبه من ملابسه, تتسلقه من ظهره، هاتفة بكلمات مدللة تردد خلفه :
– الحب يا روحي عليه، يا روحي عليه
قربها منه حمزة لعناقه لتجلس في المنتصف بين امها وأبيها مقبلاً وجنتها بقوة وهو يضحك بسعادة:
– يا روحي عليكي انت.. شكلك هتبقي بتحبي ام كلثوم زي مامي
قالت كِندة برقة :
– بحب مامي وبابي أوي
ضحكت ايتن باستمتاع وهي تقبلها بقوة من وجنتيها الناعمة، ثم سألتها ايتن بتذكر:
– اختك سيليا صحيت؟؟؟
– أيوة من قبلي يا مااامي…هي اللي صحيتني من النوم
التفتت شاهقة بفزع:
– بتقولي ايه ؟؟؟ استر يارب
– في ايه ؟؟؟
نفخت بقوة قائلة برعب:
– الكارثة المتنقلة صحيت من بدري ومش سامعة لها صوت
– لا مش معقول كل يوم كارثة…اكيد صحيت تلعب بهدوء ولا حاجة…أن شاء الله هنلاقيها معملتش حاجة النهاردة
تفاجأوا بدخول طفلتهم الصغيرة “سيليا” البالغة من العمر ثلاث سنوات تشبههم كثيرا فأخذت مزيج جميل من عيون أمها الخضراء وعيون ابيها الزيتونية وتمتلك شعر بني داكن مموج بنعومة وملامح جميلة، حيث دخلت بكل حماس وشقاوة لتنادي على والديها وطلب والدها أن يحتضنها، قبل أن تصل إليه، نظرت بشغف ودهشة إلى الكوميدينو وانتبهت إلى الأباجورة الملفتة للنظر، وفي لحظة واحدة سقطت الأباجورة على الأرض وتحطمت اللمبة خاصتها، بينما كان في يدها ألعابها واستمرت في اللعب وسط الزجاج المتناثر حولها.
أطلقت والدتها صرخة صغيرة في محاولة لتنبيهها، ولم تعرف إذا كانت حزينة على الأباجورة الثمينة التي دمرتها طفلتها المشاغبة، أم أنها تشعر بالخوف على سلامتها، حيث كان الزجاج يحيط بها حرفيًا.
تعامل حمزة مع الوضع بحذر، حيث التقطها بلطف من بعيد ووضعها على كتفه، ثم وضعها على السرير وطلب منها ألا تنزل منه، في حين حذرت ايتن كندة من عدم النزول إلى الأرض حتى تقوم بتنظيف الزجاج…
فذهبت بإحضار ادوات التنظيف ونظر حمزة إلى سيليا بغضب وهو يمسح وجهه بغيظ، فوقف خارج الغرفة وهو ينبه على كندة أن تأخذ بالها من شقيقتها
قفزت سيليا على السرير وضمت ألعابها إلى صدرها وصاحت بشقاوة وهي تقفز عدة مرات، في حين نظرت كندة إليها بضيق على ما فعلته في غضون لحظات.
يا إلهي… إنهما عكس بعضهما تمامًا
عاتبتها كندة بهدوء:
– ينفع اللي عملتيه ده ؟؟؟ ليه بتبوظي كل حاجة كده
لتهجم عليها سيليا وتجرها من شعرها بقوة وتصرخ في وجهها بغضب:
– اسكتي … انا كنت هاخدها العب بيها
دلف حمزة الى الغرفة على صوت صراخ كندة, ليجد في لمح البصر سيليا هي أيضا تبكي بشدة وتصرخ و شعرها متناثر حولها بعشوائية
هدرت بنبرة متحشرجة:
– يا همزة “حمزة” كندة بتزعق لسيلي
دافعت كندة عن نفسها بنبرة حزينة :
– همزة هي اللي ضربتني عشان بقولها ينفع تعملي كده
صاح بغضب إلى سيليا :
– تقومي تضربيها يا مفترية …. يخرب عقلك يا شيخة.. خلاص يا كوكي متدخليش معاها في كلام زي كده تاني
ردت سيليا بتبرير :
– أنا عملت كده عسان هي بتزعق لسيليا…
مط شفتيه:
– لا مالهاش حق… كان المفروض نشكرك ونكرمك على الكوارث اليومية اللي بتعمليها
في ذلك الوقت كانت عادت ايتن وبيدها ادوات التنظيف، ليأخذ حمزة من يدها الادوات وبدأ يساعدها وطلب منها أن تجلس…ولكنها رفضت… فهي لا تشعر بالتعب..
انتهوا من التنظيف و إزالة بقايا الزجاج كلها، بينما وقفت آيتن أمام طفلتها وهي ترمقها بغيظ :
– ينفع اللي عملتيه ده؟؟؟ احنا مش قولنا نبطل شقاوة بقى حرام عليكي
همست بكل براءة :
– أنا مكنس “مكنش” قصدي يا مامي
رد حمزة من بين أسنانه :
– يا شيخة بقى كل مرة تقولي نفس الجملة وتعملي مصيبة اكبر…. أنتِ مش بتقولي صباح الخير حتى.. أنتِ بتصبحي علينا بخراب و تدمير…
– أنا مكنس قصدي يا همزة… كنت بتفرج على الاباشورة “الاباچورة”
– تقومي تكسريها يا مفترية ؟؟؟؟
و تشدي اختك من شعرها ؟؟
انا بجد متضايق أوي من اللي بتعمليه ده…وانا اللي كنت هكافئك بهدية حلوة عشان قلعتي الـpampers امبارح
اقتربت منه قائلة بندم :
– خلاص انا مس هعمل كده تاني… Sorry يا بابي
– يفيد بإيه اسفك بعد المصايب المتعددة بتاعتك دي…
زفرت ايتن بضيق، ومن ثم التفتت إلى ابنتها الكبيرة قائلة :
– يلا يا كندة…عشان تاخدي Shower وتغيري هدومك عشان تروحي المدرسة…خلاص كبرنا وبقينا في KG 1
نظر حمزة إلى الساعة قائلا بتذكر :
– وانا هقوم اخد Shower واغير هدومي… لأن عندي Meeting مهم النهاردة بدري..
هزت سيليا كتفيها بدلال :
– وانا اعمل ايه؟؟
سحبتها ايتن من كتفيها :
– تعالي معايا عشان هتجهزي للحضانة
منذ أن عرفتك، كان الحب يتدفق في داخلي بشكل متهور مثل البحر الهادئ.. أشعر بوجوده في قلبي وإن كنت لا تراه، لكنه معك لا يكف عن الوجود، ومعك لا يسع قلبي إلا أن يحن رغم صلابته.
____________
اقترب عمر وابن أخته الكبرى “زين” عمره ثلاث سنوات ونصف، يشبه منة وعمر بنفس لون الشعر البني الطويل والعيون البنية كأمه، وابن أخته الصغير “يزن” الذي أكمل العام ونصف.. فهو كان قد استيقظ للتو من النوم ويبكي على يد عمر… وكانوا واقفين أمام سرير منة يحاولون إيقاظها من نومها
هتف زين بصوت عال :
– مااااما…. اصحي
لكزها عمر من كتفيها :
– منوش… اصحي بقى
استيقظت فجأة وهي تفتح عينيها مندهشة لا تعرف أي شيء:
– ايه ده في ايه يا عمر؟؟
هتف طفلها الرضيع:
– ماماااا…ماااما
قاطعه زين قائلا:
– انا عايز ماما تصحى
نظرت للطفلين وهي تسأل شقيقها باستغراب :
– ايه ده مين دول ؟؟؟
حك رأسه بإحراج:
– دول زين و يزن ولادك يا منة
لوحت منة بيدها:
– ولادي انا ؟؟
همس زين بملل فهي معظم الايام تستقيظ وتأخذ وقت حتى تتعرف عليهم وتتذكر ما حدث لها في خلال السنوات الماضية عندما أصبحت أم لولدين :
– ماما يزن جعان وبيعيط…وانا عايز اخد شاور وتغيريلي هدومي
قاطعه عمر قائلا:
– قولتلك انا هغيرلك هدومك
– لا عايز ماااامي… مامي قالتلي مينفعش حد يغيرلك هدومك
– أنا خالك على فكرة…والخال والد
صرخت بهم قائلة:
– ثواني بس … استوعب
– ماااامي…يزن جعان وانا عايز اغير هدومي
– يلا يا زين انا هساعدك
قال زين بعناد:
– عايز ماااامي
صرخ طفلها الرضيع ببكاء:
– مااااما
صاحت منة بعصبية:
– والله العظيم انا اللي عايزة ماما بجد
لتردف بندم :
– ايه اللي عملته في نفسي ده… كان مالي انا ومال الحوارات دي…
شهقت منة غير مهتمة بنظرات أطفالها المصدومة:
– وبعدين ايه ده….هو مش الواد ده لسه مصحيني من ساعتين… يخربيتك انت ظابط الوقت…كل ساعتين بتجوع وتصحى
– عايز اغير يا مامي..
– أهدوا عليا شوية … انا عيلة صغيرة على الكلام ده… انا بس كنت فرحانة بالفستان والفرح
لتسمع صوت بكاء طفلها الصغير :
– يووووه وأنت هرضعك والله أهدى….
– وانا عايز اغير
زفرت منة بانزعاج:
– اصبر بقى انت…انا لسه بجمع انك ابني اصلا
قاطعها عمر قائلا:
– منة خليني اغيرله
اقترب طفلها منها قائلا:
– لاااااا عايز مامي..
– طيب أهدى شوية لما ارضع اخوك…
اقترح عمر على زين قائلا:
– تعالى نختار هتلبس ايه… لحد ما مامتك تفضى
أومأ زين بالايجاب, نهض معه وجهز له ملابسه والمنشفة خاصته ومأزر الحمام وعاد إلى شقيقته وهو يخبرها ما فعله
همست منة بامتنان:
– يخليك ليا يا مارو يا حبيبي….والله ما عارفة من غيرك كنت هعمل ايه
بعد مدة قصيرة، كان طفلها انتهى من الاستحمام وتبديل ملابسه، همس عمر باهتمام :
– يلا عشان اسرحلك شعرك الجميل ده وننشفه
همس زين بإعجاب:
– خالو عمر…انا عايز شعري يطول اكتر زي شعرك
__________
اقتربت سيليا من والدها وهي تصعد إلى الكرسي الذي كان يجلس عليه في الغرفة… حاولت أن تتسلق قدميه وهي تشم رائحة عطره الرجولية الرائعة الممزوجة برائحة ما بعد الاستحمام بعد ان انتهى من ارتداء ملابسه وتجهيز نفسه…فكان جالساً على المقعد وهو يرتدي ساعته الأنيقة
هتفت بسعادة :
– همزه….ريحتك حلوة
زفر بحنق:
– لا متحاويش انا بجد زعلان منك
ردت بكل براءة :
– أنا مس هعمل كده تاني
زم شفتيه بقوة:
– يا سلام…كل مرة بتقولي كده وتعملي الأنيل من كده
اجابته ببساطة:
– مس هعملك حاجة تزعلك تاني أنت ومامي, الاباشورة وقع مني بالخلط “بالغلط”
ارتفع حاجبه بعبوس:
– غلط ايه يا بت… أنتِ حالا جبتي أجلها
– لا بالخلط يا همزة صدقني
نظر إليها بطرف عينه وهو يتجاهلها :
– لا مش مصدقك…وابعدي عني كده ورايا شغل
ارتجفت شفتها السفلى, وعيناها ضاقت تعلن عن بدأ البكاء و تحتضن ساقه, هاتفة بشهقاتها الباكية:
– مكنس قصدي….بالخلط
ثم جذبها يُبعدها عن ساقه, يحملها لتجلس على قدميه وهو يمسح دموعها :
– يعني أنتِ فعلا مكنش قصدك ولا كنتي قاصدة تكسريها؟
زمت شفتيها الحمراوين, مع انعقاد حاجبيها بعبوس حانق :
– مكنتس عايزة اكسرها
– طب ينفع كده؟؟؟
هزت رأسها بدلال :
– No مينفعش
– هتعملي كده تاني؟؟ ولا هتبطلي شقاوة
ربتت على ظهره بحنان وهي تقبله من وجنته:
– هبطل سقاوة يا بابي
عض على شفته السفلى، فالصغيرة جعلته يسامحها في دقائق صغيرة، فهي تأخذ حقها منه كاملاً:
– شطورة … قلب بابي…
دلفت ايتن في ذلك الوقت فكانت قد انتهت من تغيير ملابسها والاستحمام هي الأخرى بعد ان جهزت طفلتيها
– يلا روحي اعتذري لمامي على اللي عملتيه
رفعت حاجبها باستغراب:
– والله؟؟ هو ده يا حمزة اللي قولتك تعاتبها
هز كتفيه باستنكار :
– بتقولك مكنش قصدها اهو يا ايتن…
زمت شفتيها بعدم رضا وهي تضع من حمرة الشفاه باللون الكشمير الفاتح خاصتها :
– اهو دلعك الزيادة فيها ده اللي عامل فيها كده
نهض من مقعده وهو يحمل سيليا على يديه، غامزاً إياها بشقاوة:
– ما انا بدلعك أنتِ كمان يا بونبوناية
همست سيليا وهي تحاول أن تصل إلى امها :
– sorry momy
– هتعملي كده تاني؟؟
هزت رأسها بالنفي , همست ايتن بحنان :
– طيب هاتي بوسة
قبلها من وجنتيها بقوة، هتفت بتنبيه :
– خليكي بقى شطورة كده واسمعي الكلام…
– حاضر…
نهضت ايتن من مقعد التسريحة، بعد أن انتهت من تجهيز نفسها وهي تذهب إلى غرفة ابنتها لكي تحضر لها باقي اشياء حقيبتها وتتأكد أن كل شيء على ما يرام :
– أنا هروح اكمل تجهيز كندة…
جلس حمزة على المقعد بالغرفة, وجلست طفلته سيليا على قدميه وهي تسند وجهها على صدره وتعانقه بقوة بينما هو ينظر إلى نفسه بالمراة بأناقة
هتفت سيليا فجأة بتحشرج:
– بابي … انا عملت بيبي..
تجمد في مكانه غير مصدق، ورمش بعينيه مرارًا وتكرارًا، محاولًا أن يستوعب، بالطبع أنه شعر للتو بالبلل على ملابسه.. سألها بصوت مشوش:
– إيه؟؟؟؟ عملتي ايه يا سيليا ؟
ابتسمت بهدوء تجيبه:
– بيبي Water
جز على أسنانه يحاول أن يتحكم بغضبه:
– مقولتيش ليه انك عايزة تدخلي الحمام !
قالت بفتور :
– جت فجأة
هتف بنبرة ساخطة :
– ليه هي خطوبتك وهتقوليلي جت فجأة
ليضيف بغيظ:
– يااااارب صبرني….
دلفت ايتن الى الغرفة وهي تسمع صوته و ملامحه الغاضبة:
– في ايه يا حبيبي…مالك
زفر بقوة :
– سيليا عملت عليا بيبي… أنتِ بتقلعيها الـ Pampers ليه؟؟؟
– يا حمزة دي كملت 3 سنين واختها اقل من كده قلعته.
همس من بين أسنانه :
– طب وانا ذنبي ايه؟؟؟ انا لبست وخدت شاور وخلاص جاهز… انا كده هتأخر على شغلي
– سيليا حبيبتي احنا مش اتفقنا أن أنتِ تقولي لما تحسي انك محتاجة تدخلي التويلت
قالت سيليا بتبرير:
– جت فجأة والله
هتف حمزة بقلة حيلة وهو ينهض من مكانه ويتركها تقف على الأرض:
– يا شيخة بقى … الخلفة واللي عايز يخلف
صاحت سيليا بزهق:
– مامي سطفيني “شطفيني”
– لا أنتِ محتاجة تغيري كل هدومك دي … وهتاخدي شاور اصلا من جديد
لتردف ايتن بغيظ:
– ياربي هي بتعمل فينا كده ليه…انا ما صدقت خلصت تجهيزهم وتجهيز نفسي
بعد أن هدأ قليلا مما حدث، هتف حمزة قائلا :
– طيب بما أن انا كده كده داخل اغير كل ده من جديد…هخليها تاخد شاور هي كمان
رفضت زوجته قائلة:
– لا يا حبيبي انت متعطل اصلا
هز كتفيه بتبرير:
– لا هي جت عليها…عادي هو اليوم اتعطل اصلا
ابتسمت له قائلة بامتنان حقيقي :
– ربنا يخليك لينا يا حبيبي…
سحبها من مقدمة ملابسها، هادراً بنبرة ساخطة:
– يلا يا سيليا … يلا هو اليوم باين من أوله انا عارف
ليردف بتذكر:
– ايتن جهزيلي هدومها وحاجتها وانا هوديها الحضانة بنفسي… وأنتِ روحي شغلك و نزلي كندة في ميعاد الباص بتاعها
– طب مش هتحتاج اي مساعدة
– لا عادي يا حبيبتي…مفيش اي حاجة..
ابتسمت له قائلة بفخر:
– أنت اجمل واشطر حد بيعرف يتصرف…وأحن واجمل أب بجد
– وأنتِ مامي شاطرة وبتتعبي معاهم…مفيهاش حاجة أنجز حاجة معاكي… أصل أنتِ كده كده لابسة وجاهزة هتتعطلي أنتِ كمان وانا متعطل … لا كده احسن
– بحبك أصلا
_____
كان نائما بسلام على الأريكة في غرفة المعيشة. لقد نام هنا بالأمس ولم توقظه زوجته.. فكان متعبًا من السهر بسبب طفله وقررت أن تتركه ينام هنا لأن يزن كان شبه مستيقظًا طوال الليل تقريبًا وقررت عدم إزعاجه لأنه كان متعبًا من عمله ونامت هي في غرفتهم الرئيسية.
دخلت غرفته في الصباح وهي تحمل طفلها التي تجاوز السنة من عمره.. حاولت إيقاظ سيف كما طلب منها، لكن دون جدوى كعادته في الصباح.
خرجت وتركته، وبعد دقائق دخلت الغرفة مرة أخرى وطفلها متمسك بها يسير خلفها، وفي يدها نعال بيجامة وردي ناعم لقدميها، وفي يد طفلها نعال آخر صغير باللون الرمادي.. ضربت به زوجها على ظهره وهو نائم ضربتين بخفة، ثم هربت خارج الغرفة وأغلقت الباب خلفها بسرعة البرق، وتركت طفلها معه ممسكًا بالنعال.. يا إلهي لم يفعل أي شيء، لقد تمسك به فقط كما اخبرته أمه أن يقلدها
وفجأة استيقظ سيف بضيق حتى وجده أمامه، ركض الطفل غريزياً خلف أمه ليجد الباب مغلقاً، ثم وقف سيف أمام طفله يحاصره، بينما كان الاخر رافعاً يديه الصغيرتين إلى الأعلى وهو يصدر أصوات ثرثرة مجهولة وينادي على أمه، كما كان لم يتعلم سوى كلمات بسيطة …
ضحك سيف وحمله فجأة بين ذراعيه وقبله على خده ويتحدث معه وكأنه يلومه على ما فعله به:
– أنا راضي ذمتك.. ينفع حد يصحي حد بالطريقة دي؟
جذبه يزن من شعره وهو يردد:
– مام…مااامي
زمجر سيف من بين أسنانه:
– عارف ان هي المجنونة منة هو في غيرها بيصحيني بطرق غريبة
ليصيح طفله ببكاء وهو ينادي على أمه
خرج من الغرفة ليجدها في الصالة، سألها بغضب :
– ينفع حد يصحي حد بالطريقة دي ؟؟؟
– الله بصحيك بطُرق Creative…غلطت انا يعني..
رفع عيناه للسقف، وهو يترك طفله على الأرض :
– تقومي تصحيني بالشبشب يا منة بالشبشب !!
رفعته أمامها قائلة:
– على فكرة ده ناعم اوي و طري…موجعكش اكيد يعني
جذبه من يدها قائلا بوعيد:
– والله؟ ما تيجي نجربه عليكي كده نشوف بيوجع ولا لا
صاحت برفض وهي تركض من أمامه :
– لا سيف…ماتهزرش …
نظر إلى يزن وهو يشير له أن يقلده :
– يلا يا يزن… جاهز ؟؟
ركضا خلفها حتى وقفت أمامهم قائلة باستسلام:
– يا سيف لااااا… بيوجع خلاص
لوح أمامها بالنعال قائلا بتصميم:
– لا معلش اجرب بنفسي اتأكد
وقعت على الأريكة وهي ترفع يديها أمامها، قائلة بتوسل :
– اخر مرة حرمت….
زم سيف فمه بغيظ وهو ينحني نحوها :
– كل مرة تقولي كده وتتجنني زيادة
انحشر طفلها بينهم وهو يضربها على رأسها بنعاله، ومنة تصيح وهي تحاول وقفه عما يفعله وسيف يضحك معه وهو يحاول جذبه ولكن طفله مصمم
أتى زين طفلها الكبير وهو يجذبها قائلا :
– ماااامي تعالي ساعديني
صرخت منة بضيق :
– والله امك عايزة اللي يساعدها
__________
انتهى حمزة من الاستحمام وساعد ابنته في الاستحمام بعدها..كان واقفا أمام المرآة الكبيرة يرتدي مأزر الحمام الأبيض وسيليا ترتدي مأزر وردي صغير يناسب حجمها الصغير.. وقفت على الرف الجانبي من حوض الاستحمام الخشبي وهي تنظر إلى المرآة بينما يمشط حمزة شعرها البني القصير الذي جففه لها.. ويدللها وهو يبتسم لها.
لتنظر إليه مرة أخرى وهي تقبله من وجنته وتعانقه فكانت سعيدة بكل ما يفعله لها.
هتفت بحماس:
– سيلا جميلة
– سيلي دي زي القمر أصلا
قبلته من وجنته بقوة وهي تتسلق حضنه فحملها بيديه ووضعها على السرير، ولكنه لم يكن يعلم أنها كانت تخبئ أشياء في مأزرها الخاص.
وعندما ذهب إلى غرفة الملابس ليحضر ملابسه لكي يرتديها، ومن ثم خرج وهو يرتدي بنطال وتيشرت ابيض داخلي, وبيده قميصه وسترته.. وهو يستعد اخيرا إلى ارتداء باقي الملابس
فلم يجد طفلته , وما أن جلس على السرير حتى شعر بشيء مبلول، للوهلة الأولى ظن أنها قد فعلتها مرة أخرى
أغمض عيناه بنفاذ صبر:
– سيليا … أنتِ عملتيها تاني ولا إيه؟؟
اكتشف أن هناك روائح متنوعة ولكن نظيفة … فمن الواضح ان ابنته تسببت في فوضى، نهض من على السرير، ليجد اشياء لونها أبيض و وردي الوان أخرى… ليدرك أنها قامت بفتح معجون الأسنان وشاور الاستحمام لتفرغهم على السرير وكان السرير في حالة من الفوضى..
– لا يارب….كده كتير والله….
شتم من بين أسنانه بغيظ ثم هتف:
– سيليا…تعالي أنتِ فين؟؟؟
– كنت بحط العلب في الحمام
بعصبية زائدة هتف:
– لا منظمة أوي يا بت…تقتلي القتيل وتمشي في جنازته
رمقته بنظرات غريبة:
– أنت متضايق ليه؟؟ انا كنت بهزر معاك
صرخ بقوة يكاد يشد شعره و تكاد عيناه تخرج من محجريهما :
– عيلة قادرة والله…و بجحة كمان…
ابتسمت له قائلة بحنان :
– متزعلس يا همزه
– يا شيخة بقى الخلفة واللي عايز يخلف… يا غلطة عمري…
سألته ببراءة
– يعني ايه خلطة عمرك دي؟؟
نفخ حمزة حانقاً:
– تصدقي وتأمني بالله…انا بجد معرفتش اربيكي..
همست بندم :
– Sorry يا بابي
– ده اللي فالحة فيه…تعملي الكارثة وتيجي تعتذري…
رن هاتفه ليجد حسن ابن عمه، هتف قائلا بتحذير :
– اقعدي هنا لحد ما ارد على الموبايل… على الله اشوفك تتحركي
– Okay
هتف حسن قائلا من الهاتف :
– ايه يا حمزة رنيت عليك كتير… أنت اتاخرت اوي… والناس عايزة تمشي والاجتماع متعطل…ده بيتعمل كل فين وفين لما أنت بتجمعهم وتيجي الشركة
أومأ حمزة مأخوذاً:
– والله يا حسن المفروض كنت نازل من بدري اوي…بس الكارثة المتنقلة بتاعتي السبب
– مين ؟؟
– سيليا
ابتسم حسن قائلا :
– عملت فيك ايه بس
– قول مبتعملش ايه …
– معلش بقى مع الوقت هتعقل … وتربيتك ليها وكده
هز رأسه بقوة وهو ياخذ نفس عميق متمتماً:
– أنا مش بربيها…انا بتربى منها أصلا
– احباب الله يا عم
نظر حوله وهو يسمع صوت من الحمام ولم يجدها بجانبه, هتف قائلا بضيق :
– اقفل كده يا حسن لما اشوف الكارثة المتنقلة بنتي هببت إيه… دخلت الحمام وسامع صوت عالي
أغمض عيناه قائلا بتوجس وهو يدخل إلى الحمام:
-يارب ما يكون اللي في بالي
وجدها تركض نحوه وبيدها عدة أشياء، انقلبت ملامحه لعاصفة غاضبة في لحظة واحدة وهو يمسك بذقنها بين سبابته وابهامه، سألها بخشونة:
– سيليا…بتهببي ايه تاني..؟
رفعت ادوات التنظيف أمامه :
– باااابي … كنت بجيب دول عسان ننضف السرير لمامي
تنهد بقوة قائلا:
– ظلمتك يا شيخة…
طلبت منه قائلة:
– يلا ساعدني
وأخيراً تم الانتهاء من التنظيف، وتغيير ملابسه وتبديل ملابسها، وأخذ يرش عطره المفضل وهو يمشط شعره الكثيف
جذبته من ملابسه قائلة :
– قمر يا همزة…أنت قمر
رفعها إليه وهو يبتسم لها ويعانقها بشدة :
– والله أنتِ اللي قمر و سكر… وبحبك جداً
________
ذهب هاني إلى اتيليه زوجته الذي ساعدها في جعله أكبر وأكثر نجاحًا.. كانت تأخذ ابنتها معها عندما تذهب إلى العمل، وتتركها أحيانًا مع المربية.
ركضت إليه ابنته “چايدا” التي كانت تبلغ من العمر عامين ونصف، وكانت ذات شعر بني قصير وعينين بنيتين وبشرة قمحية.
وقف هاني أمامها لينزل إلى مستواها ويسلمها باقة من الحلويات، وفي يده الأخرى دمية عروس جميلة.
احتضنته طفلته الصغيرة وقبلته بلطف على خده، وأعربت عن امتنانها لأفعاله… فهو يدللها كثيرًا طوال الوقت
اقتربت منهم خديجة لتحمل طفله بين ذراعيه، وساعدتهم خديجة بالهدايا التي أحضرها لطفلهم.
ابتسمت خديجة بخجل:
– ايه المفاجأة الحلوة دي
همست له جايدا بحب :
– بابي
داعب وجنتي طفلته بحنان :
– قلب بابي..
– كنت مرتب أن انا اقضي اليوم معاكي انتي وجايدا ونخرج سوا في مكان جديد
– بصراحة بقى كنت عارفة انك جاي بس معرفش انك عامل مفاجأة
– طبعا عرفتي من جوجو
ابتسمت له بشموخ قائلة:
– وهي تقدر تخبي على امها حاجة برضو
غمز لها قائلا:
– بس اجمل حاجة فيها انها طالعة عاقلة وهادية زيك
رفعها هاني إلى حضنه ، ضمها إلى صدره بقوة هاتفاً:
– روح قلبي الجميلة الهادية بتاعتي…تحبي ناخد ماما معانا ؟؟
هتفت الصغيرة قائلة:
– ماما … معانا
– ده غصب عنكم على فكرة
أومأ هاني بثقة:
– واحنا نقدر نستغنى اصلا
هتفت طفلته بطلب :
– بابي…أيزة “عايزة” بنات هالتو “خالتو” معانا
وافق هاني بسرعة :
– بس كده من عيوني…و عيال خالك و ابن خالتك التانية كمان…
ابتسمت له خديجة بسعادة بالغة:
– يا هاني…هحبك اكتر من كده ازاي بس..
– دول ينورونا يا حبيبتي.
– متحرمش منك ولا من حنيتك
– جايدا طالعة حنينة ليك أوي
– واضح انها واخدة الصفات الحلوة مننا
في النهاية نبقى مع أولئك الذين يجعلون الحياة أبسط، نصبح أكثر سعادة مع أولئك الذين لا نحتاج إلى بذل الكثير من الجهد معهم للسماح لهم بتقبل عيوبنا، الذين يحبوننا بصدق وبدون أسباب.. هم فقط أولئك الذين يستحقون البقاء معهم.
____
في يوم الجمعة…
-زي ما اتفقنا يا عيال..هتتفذوا الخطة زي ما اتفقنا..فاهمين!
هتفت بها منة لكلا من طفلتي حمزة وابنها الكبير، قائلة..
همس الاطفال بحماس:
-Okay
ومن ثم أخبرت ايتن طفلتيها كندة وسيليا:
-تمام يا حبايبي اول ما خالو سيف ينادي على منة انتوا اللي تدخلوا الاول
همهمت كندة بلطف وهي تأكل من علبة الشوكولاتة الكبيرة بنهم، فوافقتها سيليا بايجاب :
– حاضر يا مامي
التفت منة نحو ايتن و سألتها بقلق:
-تفتكري بناتك هيعرفوا يتصرفوا ولا هتبوظ الخطة؟
هتفت ايتن بتأكيد:
-عيب عليكي يا منوش دول بناتي..تفتكري اصلا سيف هينجح بالخطة دي ولا المهمة هتفشل
-ربنا يستر..!
وبداخل غرفة سيف ومنة..
استيقظ سيف من نومه، عندما سمع صوت صراخ طفله الثاني الرضيع “يزن” الذي في عامه الأول.. فتح عينيه لبضع ثوانٍ وكاد أن يغمضهما مرة أخرى، لكن صوت بكاء الطفل الذي وصل إلى أذنيه جعله ينتفض بضيق.. جعله يدرك على الفور أن زوجته غير موجودة بجواره, نظر إلى طفله الصغير الذي كان يبكي على سريره الصغير بجواره.
اللعنة ! … من وضع سرير طفله بهذا المكان بالقرب منه … إنه تقريباً ملتصق به بدلا من الناحية الأخرى بجانب مكان أمه
وضع يده على رأسه وقال بذهول:
-يخربيتك مش سايبني في حالي حتى في يوم اجازتي؟ وماما فين وسايباك كده
ومع ذلك، استمر الطفل الصغير في البكاء والتذمر بكلمات غير مفهومة.. تنهد سيف بحزن وقال بصوت شبه مكبوت أنه على وشك البكاء:
– اهدى يا يزن يا حبيبي..طب انت عايز إيه؟
أنت صاحي ليل نهار مبتنامش ابداً !!
أخذه من فراشه ليحمله نحو فراشه الكبير الخاص به الذي كان ينام عليه، رفع ذراعيه الصغيرتين بجانبه لأعلى وظل يدغدغه ويلهو معه بوجهه ويقبله بلطف فوق جسده قبلات سريعة، حتى ارتفع صوت الطفل بأصوات طفولية غير مفهومة ولكنها لذيذة، وصوت ضحكاته التي تسعده .. كرر هذا الأمر عدة مرات والطفل يضحك ويصدر أصوات طفولية..حتى توقف فجأة عن الضحك، ومن ثم تحولت الضحكات إلى صراخ عالٍ ولم ينجح سيف في إسكاته مرة أخرى بأي وسيلة.
– طب اسكتك ازاي…انت كنت كويس ليه بتتحول فجأة و بتعيط؟؟
لينادي على زوجته بصوت عال، حتى فتح باب غرفته ليجد أمامه طفلتي شقيقته ايتن، كندة و سيليا، ليسألهم عن مكان زوجته:
– حد فيكم ينادي منة قولولها ان يزن بيعيط
اجابته الطفلة الكبيرة التي تعدى سنوات عمرها الرابعة وبيدها كوب عائلي كبير من الشوكولاتة تأكله :
-منوش نزلت مع مامي
سيف بتذمر:
– نزلت ازاي يعني و يزن بيعيط كده…
ليدخل بعد ذلك طفله الكبير “زين” الذي تخطى سنوات عمره الثلاث ويغلق الباب ولكن توقف قبل أن يغلقه إلى نهايته
– ماما نزلت امتى يا زين ؟ ومقالتش ليه؟
هز الطفل ذو الشعر الطويل الذي يشبه خاله عمر كثيرا وكأنه نسخة مصغرة منه بالشكل، فهو مزيج بين عمر ومنة بالشكل…أما يزن فهو يشبه سيف
– نزلت مع عمتو…
ليلتفت إلى طفلتي شقيقته وهو يسألهم:
-اومال انتوا بتعملوا ايه؟
اخذت كندة ملعقة من كوب الشوكولا الذي تحمله بكلتا يديها وقالت سيليا شقيقتها الصغيرة بدلا عنها:
– كوكي بتاكل سوكولاتة ما أنت سايف
رفع سيف حاجباه بسخرية:
-جاية تستولي على شوكولاتة البيت بتاعنا..مش كفاية مخلصة اللي عندكم
صاحت كندة بغضب طفولي:
– هقول لهمزة “حمزة”
سيف بتحدي:
-وانا هبلغ عنك في الداخلية ياخدوكي
ضربت سيليا قدميها على الارض:
-سوف ابنك بيعيط..سكته..صدعني
ليرد سيف بزهق:
-ما انا بحاول معاه و بشيله وبغنيله ومش ساكت خالص.. اعمل ايه؟
وضعت كندة كوب الشوكولا على الارض وضربت كفها على الأخرى بغيظ:
-عشان..انت مش فاهم أصلا..هو مبيحبش الأغاني دي يا خالو..
وضع سيف طفله على السرير، ليجلس بجانبه كلا من زين و سيليا يلعبوا معه برفق..
حمل سيف كندة وهو يقبلها من وجنتها الجميلة الممتلئة :
-اومال بيحب ايه يا قلب خالو
صاح زين بحماس طفولي :
-بيحب المهرجانات
زفر سيف بضيق:
– الله يخرب عقلك يا منة…عديتي العيال
ليردف وهو يهز كتفيه بلامبالاة :
-لا انا ماليش فيها ومش حافظهم اصلا
هتفت سيليا قائلة:
-سغله حاجة منهم بس
سيف بتفكير:
-هاه..طب غنوله يا عيال انتوا…
صاح الثلاث اطفال بصوت واحد كما حفظتهم منة :
-لا هو بيحب يسمعهم
– شغله بس وهو هيسكت..
بينما سحبته سيليا من ملابسه بقوة :
-يلا تعالى..هات يزوني عسان نسكته
همس زين بغيظ إلى سيليا وهو يسحبها من ذراعها الصغير:
– سيلي ماتقوليش يزوني…اسمه يزن فولتلك…دلعيني انا بس
صاح سيف بإغاظة:
– مش وقتك يا عم النحنون.. ولا انت عايز تعملنا مشاكل مع حمزة المجنون
هتفت سيليا بحزم وهي تعقد ملامحها بغضب :
– ماتقولس كده عن همزة بابي…وماتزعقس لزين
رفع سيف حاجبه بدهشة :
– الله اطلع انا منها يعني؟؟
التفت سيليا نحو زين وهي تخبره بتبرير :
– زين افهم…انا بدلعه عسان هو نونو صغنن، همزة قالي مينفعس “مينفعش” ادلع زين
هز رأسه بنفي :
– على فكرة حمزة بيضحك عليكي، عشان منوش مامي قالتلي ان انا صغنن وبتدلعني
قاطعته سيليا قائلة:
– منوس “منوش” هي كمان صغنن
قهقه سيف ضاحكاً:
– في دي عندك حق…
تجاهله زين قائلا لسيليا:
– اشمعنا انا بدلعك و بقولك سيلي وأنتِ لأ
شهقت سيليا بحسم :
– لا همزة يزعل … هو بس اللي بيقولي سيلي…ممكن تدلعني سيلا زي الناس
هز كتفيه بلامبالاة:
-براحته.. انا هفضل اقولك سيلي…يغير هو دلعه بقى
ثم تحركت كندة ليضعها على الأرض وضرب كفيه ببعضهم قائلا بضيق :
– مش هتسكت إلا لما تلبسنا تُهمة وخناقة كل شوية مع حمزة انا عارف…
ليردف بصياح:
– ربنا يصبرني بجد هلاقيها منك ولا من أمك
ضرب مقدمة رأسه بيده عدة مرات وتناول طفله الذي صرخ ببكاء مرة أخرى، ليحمله فقال ساخراً:
-وانت بطل عياط بقى ارحم نفسك..ده حتى أمك فرفوشة مش نكدية زيك
ليردف باستسلام:
– انتهت كل الحلول … الأمر متروك للمهرجانات، شغلوله حاجة منهم يمكن يسكت يا عيال
أمسكت كندة بجهازها اللوحي واختارت أغنية مهرجان شعبي شهير للفنان المفضل لمنة، وكان ذلك بالطبع بالاتفاق مع منة.. صفق سيف في البداية، لكن كندة وسيليا وزين أجبروه على الرقص معهم ومع طفله يزن، وعندما رأى ضحكة طفله الصغير ترتفع مرة أخرى وسعادته اندمج معهم وترك نفسه معهم كما حدث يوم زفافه.. وانضم إليهما في الرقص مع كلمات الاغنية . ..
“اللي عندو جراح تشبهني يتفضل جنبي
طول عمر الفرحة بتكرهني والطيبة ذنبي
لو بتدور علي الاخلاص عمرك هيفوتك
واللي تقول ده اعز الناس نفسو يشوف موتك
لا مش مخلصين لا مش سلكانين
اه دول خوافين في الشدة ثلج وساحو العتاب ملوش لزوم همشي ومني هترتاحو”
بينما في خارج الغرفة كانت كلا من منة وايتن يقفان خلف الباب وكل هذا يحدث تحت مراقبتهم وابتسامة مشرقة تنير وجههم ثم قالت ل ايتن الواقفة بجانبها :
-هييييييح الخطة نجحت..نجحت يا ايتن
-طب يلا ادخلي
“دول مش تمام وبتوع كلام في الشدة ديما بطولي
وسط الالام بصحي وبنام ولا هان عليهم يجولي
اصحاب كيوف مبقتش اشوف حد مصاحبني علشاني
وزعت مال علي ناس شمال مش عاوز اعرفكم تاني
اللي كنت عليها بحكيلكو عليها وكانت نور عنيا
دلوقتي جي اشهدكو علي اللي حصل فيا”
ثم دخلت زوجته الغرفة في تلك اللحظة وتظاهرت بالمفاجأة.. وبقى سيف في مكانه مثل الصنم.. ابتسمت منة بسعادة وهي تقترب منه تصيح باندفاع:
– يا حبيبي انا فخورة بيك أوي
لتردف بتملك:
– الله شيلني زيهم اشمعنا انا بقى
هتف سيف بارتباك شديد:
-آآ..منة….بصي انا…كنت..كنت بسكت زين والله عشان كان بعيط
هتفت منة وهي تنزع عباءتها السمراء ليظهر ثوب قصير وضيق يعانق منحنياتها بإغراء:
-وماله يا حبيبي..بجد انا مبسوطة…يلا نكمل
-ها…ن..نكمل ايه يا منة؟؟؟
-نكمل باقي الأغنية يا قلب منة..يلا بقى
ومن ثم شغلت كندة الأغنية مرة أخرى لتستكمل الأغنية ومنة تشاركهم الرقص بينما سيف وقف ثابتا..فأجبرته منة يرقص وبعدها اندمج مرة أخرى وهو يرى ضحكات طفليه وزوجته بل طفلته نعم هي طفلته…طفلته الجميلة التي تحول أي شيء لسعادة وفرح…حولت حياته الباهتة السادة إلى حياة رائعة مبهجة..ف هذه شخصية منة ترى كل شيء حولها وردي..
“فجاة لقيتها اتشقلب حالها ياقلبي انساها
سابت في قلبي جراح عليها العمر راح
من غيرها انا هرتاح انا شوفت معاها اسية
كدبة وصدقتها واهي عاشت وقتها
هسيبها لوحدها ماهي برضو غدرت بيا
حبيتي مين وعشقتي مين ما تقولي ولا انتي خايفة
ايام زمان كنتي الامان والناس بعنيها شايفة
انا مش حزين علي دي السنين والنعمة لتدوقي سمي
جايالي ليه طب عاوزة ايه دة الاولي بالحب امي
دة الاولي بالحب امي
كله عني بقي بيتكلم شاغلين بالكم ليه
ايوة هفضل فيكو بعلم قولو تاريخكم ايه
وكلاكو مني علشان عديكو بمراحل وشرخت
اصل انا بتعب وانتو في بيتكو مهو مش شغلة بخت”
ضمها سيف إلى حضنه وهو يقبلها من رأسها ويبتسم بسعادة..
“حبيتها اه هيه الحياه من غيرها عيشتي مش حلوة
وبقولها ليك انا دوبت فيك بوصف حلاوتك في غنوة
شمس المجرة والباقي برة نورتي كل ايامي
مبسوط معاكي قلبي وملاكي ديما ملازمة احلامي”
دلفت ايتن في تلك اللحظة وهي تصفق بسعادة ليغلق سيف الأغنية عند ذلك المقطع وهو يرمقها بضيق :
-ايه ده؟ مين فتح لايتن؟
منة بغباء:
-ها !
ايتن بسعادة وهي تقترب منه :
– الله يا سوفي مش مصدقة..بجد كنت هايل..انت اتعلمت الرقص ده ازاي؟ ده حمزة مبيعرفش يرقص زيك كده
زمجر سيف بحدة:
-ممكن افهم ايه اللي بيحصل ده !!
ايتن بهدوء:
-طب ممكن تهدى يا سوفي
زفرت منة بضيق:
-ايتن قولتلك قبل كده ما تقوليلهوش يا سوفي..عشان هو سوفي بتاعي انا بس..مفهوم!
صاح سيف بعصبية :
-محدش فيكم يقولي زفت سوفي دي خالص اصلا.. مبحبوش قولنا
-طب اهدى يا سيف عشان العيال بس ميخافوش
التفت سيف إلى الأطفال وطلب من كندة ان تأخذهم إلى الصالة يلعبوا سويا فأومأت الطفلة وخرجوا..وبعد أن أطمئن عليهم رجع إلى كلا من ايتن ومنة المرعوبة من رد فعله حين يكتشف حقيقة الخطة..فسمع منة تأنب ايتن قائلة :
-ينفع كده يا ايتن؟! اديكي بوظتي الخطة خالص..مكنش ينفع تدخلي احنا متفقناش على كده يا ستي
-اعمل ايه يا منة..انا انبهرت بيه..انا اصلا مصدقتش ان ده سيف اخويا
– لا بس كنت هايل
دلف سيف ملتقطا جملة منة قائلا بعصبية:
-أيوة..ايه بقى الخطة يا منة هانم؟؟؟
-يا سيف..آآآ
صرخ سيف بغضب شديد:
-انطقي
اومأت منة بخوف متعرفة:
-بصراحة كل ده كان مترتب عشان انت تحب المهرجانات..واحطك قدام الأمر الواقع
جذب سيف خصلات شعره الناعم بغيظ قائلا :
-يا الله …ما انا متجوز طفلة !!
-خلاص يا سيف انا اسفة
ايتن بسرعة:
-طيب حمزة بعتلي Massage..هخرج انا بقى واخد البنات
صاحت منة بغيظ:
-بتبيعيني يا ايتن؟؟؟
دلف زين في ذلك الوقت وبيده سيليا، هتف قائلا:
– لا سيبي سيلي… سيبيها
– خلاص تعالى معانا
– ومين هيجيبه ده؟؟
– بالليل حمزة يبقى يجيبه عادي … سيبوه يجي معايا
هتفت منة قائلة بتوسل:
– خدي يزن بالمرة بالله عليكي…
دلفت كندة وهي تحمله على يديها وهي تناوله لها فكان يبكي بشدة :
– يووووه…ماتعيطش ابوس ايدك
لتردف منة بتأثر:
– خلاص مش هخليهم ياخدوك
_________
دلفت ايتن إلى الشقة وبيدها الثلاث اطفال.. اندفع زين نحو حمزة قائلا بشوق وهو يعانقه :
– عمو حمزة وحشتني
صحح له حمزة وهو يقبله من وجنته :
– عمك ايه يا حبيبي انا خالك…
هز رأسه معترضاً:
– خالو ازاي…انت اسمك حمزة عبدالله ومامي اسمها منة عثمان…يعني مش اخوات وانت مش خالو
– اخوات في الرضاعة يا حبيبي
فكر زين قليلاً:
– يعني ايه دي ؟؟؟ انا اللي اعرفه اخوات يعني الاسم زي بعض …
أخرج حمزة زفرة حارقة ضاغطاً على نواجذه:
– بقولك ايه هي امك طالقاك عليا في يوم اجازتي… مش ناقص انا أسئلة العيال دي مش كفاية اللي عندي
ركضت سيليا نحوه وهي تجذبه إليها:
– همزة
انزل إلى مستواها قائلا بابتسامة :
– اهلا بغلطة عمري
همست بأمر:
– سيلني…سيلني
ربت زين على شعرها بحنان:
– تعالي انا اشيلك….انا هشيلك
هتف حمزة بحنق وهو يبعد طفلته خلفه :
– خد يالا … ابعد عن البت يالا…
وقف زين أمامه قائلا بتحدي :
– أنا هشيلها…
– ابعد كده وملكش دعوة ببنتي…
رد زين مبرراً بثقة :
– ليه انا بحب سيلي وهخاف عليها وانا بشيلها
أكله غيظه وهو يرمقه بنظرة نارية وهو يجذبه من ذراعه :
– بتحب مين يا روح امك…
تدخلت ايتن قائلة بهدوء :
– يا حمزة…ده عيل
– بيقول بيحبها الحقي
– يا حبيبي مش فاهم حاجة…هما اخوات
هتف بغيرة واضحة:
– بيقولها سيلي
– فيها ايه يا حمزة ده دلعها
نظر إليه زين بشموخ وهو يحاول أخذ سيليا منه :
– لا ده دلعي انا…مش هسيبه غير لما يرجعلي سيلي
وكالعادة تم شجار لطيف بينهم بغيرة واضحة من الاثنين… وفي النهاية وقفت سيليا معه بعد أن خطفها منه وهي ركضت معه بسعادة
هتفت ايتن إلى زين وهي تمنع حمزة من جذب زين من شعره ويعلقه من ملابسه كما هدده :
– زين يا حبيبي…هات سيليا وتعالوا…عشان تاكلوا
لتردف بهدوء وهي تقف أمام زوجها :
– حمزة خلاص بقى…
نظر زين إلى سيليا قائلا بتملك طفولي :
– سيلي حبيبتي…محدش يشيلك غيري فاهمة
ابتسمت له سيليا وهي تركض وبيدها ألعابها… و حمزة يأخذها منه أخيرا..
– والله انتوا مجانين بجد
_______
في المساء…
التفت سيف باتجاه منة المرعوبة.. و من ثم قالت بخوف :
-سيف متبصليش كده..انا اسفة قولتلك
سألها بحدة:
-و اسفك ده هيفيد بـايه ها؟
قرصته من وجنته الخشنة بمرح:
-خلاص يا حبيبي…متزعلش..حقك عليا
غمز لها بمرح:
-طب صالحيني
اقتربت منه وشبت على أصابع قدميها لتقبله من وجنته..ف حدق بها سيف برغبة ثم اقترب منها مرة..فأغمضت عينيها تنتظر قبلته وكاد ان يفعلها فأوقفته منة بسرعة قائلة :
-استنى يا سيف..بقولك هي خدودي احمرت؟
نظر سيف إلى وجنتيها الممتلئتين ثم قال :
-لا عادي يعني
رفعت منة حاجبيها المرسومين بدقة قائلة باستغراب:
-ازاي ده الكاتبات مأكدينلي !
سيف بدهشة:
-مأكدينلك ايه؟
منة بحسرة :
-فين كست حمرة الخجل وجنتيها؟ ازاي حمرة الخجل مكستش وجنتي !!
ضحك سيف قائلا :
-معرفش والله اساليهم
منة بتفكير:
-خلاص لقيتها
-هتعملي ايه؟ هتسأليهم؟
هزت رأسها بنفي:
-لا طبعا..هحط بلاشر على خدودي
ثم اتجهت ناحية طاولة الزينة لتأخذ علبة حمرة الخدود والفرشاة.. ف منعها سيف قائلا :
-بلاشر ايه يا منة اللي تحطيه على خدودك دلوقتي… مش وقته
-ليه يا سيف؟ عشان خدودي تحمر
جذبها من خصرها إليه قائلا بعبث:
-تعالي بس وانا هخلي حاجات تانية اللي تحمر مش خدودك
لكزته منة على صدره :
-سيف بطل قلة أدب
-وهو فيه احلى من قلة الأدب؟
ابتعدت عنه بخجل قائلة :
-بقيت وقح والله
ضحك سيف قائلا :
-طب اعقلي كده يا منة وتعالي بقى
منة بعناد:
-لا هحط بلاشر الأول
زفر سيف بضيق:
-يا سلام ولما اجي ابوسك اتسمم انا صح؟
عقدت ما بين حاجبيها قائلة :
-نعم؟ وهو انت هتاكلهم؟
-طب نرجع لموضوعنا الأساسي..ينفع اللي عملتيه ده يا منة؟
عقدت يديها على صدرها قائلة بعناد:
-اااه ينفع..عشان انت مش بتشاركني الحاجات اللي بحبها..
سيف بعملية:
-انتي عارفة حوار المهرجانات ده بالنسبة لي..
-بس انت اندمجت و..
– لا بس كنت هايل
-اتغفلت وخلاص مش هتتكرر تاني
صاحت منة بغيظ :
-لا يا سيف متهزرش..يعني خطتي راحت على مفيش
-أيوة
-حرام عليك يا سيف..
سيف بتحذير:
-منة..صوتك ميعلاش..مفهوم !!
تنهدت بصوت خافت:
-ده انا لما بلاقيك بتحب حاجة بشاركك فيها وبعملها معاك وبحبها زيك..عشان انت بتحبها يا سيف..لكن انت مبتعملش معايا كده ابدا..
– هفكر في الموضوع ده حاضر
ومن ثم حملها بين ذراعيه متجها بها ناحية السرير..فسألته منة :
-ايه ده هتعمل ايه؟
أنزلها سيف فوق السرير.. و من ثم قام بتمديدها عليه بينما شفتيه لا تفارق شفتيها..ثم ابتعد قليلا بعد لحظات..فقال بخشونة أمام شفتيها وهو يشير عليها:
-هوريكي الحاجات اللي بتحمر…
ليرى وجنتيها تشتعلان من الخجل وهي تفهم أن شفتيها أصبحت حمراوتان من آثار قبلاته، كست الحمرة وجنتيها، ليهمس قائلا بضحكة خافتة:
-خدودك احمرت اصلا..
صاحت منة بفرح وهي تحاول النهوض من على السرير:
-بجد..طب عايزة اشوف
ثبتها على السرير مرة أخرى قائلا:
-تشوفي ايه يا منة الله يهديكي اقعدي بقى
ليردف بنبرة أجشة:
-انا بحب لون خدودك في كل الأوقات يا منوش
بينما يقوم بتوزيع قبلاته المثيرة على جميع أنحاء وجهها..مرة برقة و مرة بحنان.. بينما هي تستجيب له…. حتى ازدادت قبلاته بعمق وعنف فأغمضت جفنيها لثوان من لذة قبلاته….
حدقت به منة بسعادة لتغمض عيناها بخجل..
نظر إلى عينيها المغمضتين باستسلام… وأحس بالشوق إليها… إحساس يدفعه إلى الجنون.. كما تفعل به…فهي تحوله من الرزانة إلى الجنون معها فقط…
ولكن أمام أي شخص فهو شخص عاقل رزين كما هو…
______
أما في منزل حمزة…
فكان يجلس على الأريكة وفي حضنه سيليا وبجانبه زين في حضنه من الجهة اليمين والجهة الأخرى تجلس كندة بحضنه… ويضحك معهم بسعادة
فهذا ما يحدث مهما حدث بينهم أي شجار وبالنهاية هو يحبهم كثيرا…
هتفت ايتن قائلة:
– زين ده مش بيفكرك بحد ؟؟
– برضو هتقوليلي أنه شبههي
– شبهك انت ومنة بالظبط
هز زين رأسه قائلا بنفي :
– أنا شبههم ازاي ؟؟؟ زين واحد بس
رفع حاجبه باعتراض:
– دي جملتي انا يالا وكمان سرقتها مني
________
بعد مرور عدة أيام…
في إحدى المطاعم الراقية
يجلس سيف وبجانبه طفله الصغير يحمله على يديه، و طفله الكبير جالساً بجانبه
هتف يزن بتعثر:
– سيلا…. سيلا
ابتسم زين قائلا :
-انا بحب سيلي أوي كان نفسي تيجي معانا..
– يادي سيلي بتاعتك…يا حبيبي هو مفيش غيرها
ابتسم زين قائلا بنعومة :
– أصل هي بتضحك بشكل جميل أوي…و كلها جميلة
قهقت منة وهي ترمق زوجها بنظرات غامضة:
– الولد محدد هدفه من دلوقتي…مش زي ناس كده
– الواد شكله طالعلك
قلبت منة شفتها بامتعاض:
– ابوكوا بقى يا عيال كان مطلع عين امكم قبل ما يخطبني
التفتت زين في وجه امه باستغراب ثم دقق النظر إلى عيونها:
– ازاي مطلع عينيك يا مامي وعيونك لسه زي ما هي موجودة
هزت رأسها تخبط على جبينها بنبرة ساخرة:
– زين يا حبيبي ماتخذلينش ده انا بقول انت اخد من ذكاء خالك حمزة
قاطعها سيف قائلا :
– و mix منك برضو
سأله طفله بفضول :
– بابا انت كنت تعرف مامي ازاي ؟؟؟
ادعي سيف التفكير ليقول :
-الصدف كنت بلاقيها في كل مكان في وشي.. قولت مبدهاش بقى لازم اتجوزها
ضحكت منة لتضربه ضربة خفيفة في كتفه:
– الله دي كانت صدف
– وانا اتكلمت برضو ؟
حاول زين و يزن اللعب حوله، همس قائلا لمنة:
-حبيبتي هروح اودي زين يلعب شوية..عشان مش هيبطل زن
اومأت منة بإيجاب:
-ماشي يا حبيبي
حذرها قائلا:
– ياريت متعلميش شقاوة لحد ما ارجعلك
أومأت ببراءة :
– عيب عليك انا شطورة
اخذ طفليه نحو منطقة الألعاب الترفيهية بالمطعم..
سمعت منة صوت فتاة عمرها قريبا منها، قائلة بهيام لصديقاتها الاثنتان:
-اوقع الكراش ازاي يا جماعة…لازم تشوفولي حل
ابتسمت منة وتوجهت نحو طاولتهم لتتدخل في الحوار قائلة :
– ممكن اقولك انا ازاي
التفت البنات إليها باستغراب:
-نعم؟
جلست منة معهم، لتقول بإحراج:
-اسفة طبعا عشان اتدخلت في الحوار..بس انا كنت في يوم زيك..كنت واحدة مالهاش طموح غير أنها توقع الكراش بتاعها ويحبها..عملت خطط كتير وحاجات كتير عشان ألفت نظره ويحبني وللأسف مفيش حاجة جابت نتيجة…بالعكس ده انا اتوجعت كمان
الفتاة بانتباه:
-طب وعملتي ايه؟
ابتسمت منة قائلة :
-عقلت..وعرفت ان كل ده كان غباء..وان الراجل اللي بجد مفيش واحدة بتوقعه..ولو وقعتيه هيبقي بمزاجه..وهو بيحبك..لما قررت أبعد وابقي طبيعية بعقل..وقتها هو جالي..واتقدملي علي طول كمان
جحظت عيناها بذهول:
-بجد..من غير خطط
ضحكت منة قائلة بصدق:
-من غير أي حاجة..سيف احلي صدفة وقدر في حياتي…هو حب عمري الأول والأخير..حافظي علي قلبك وكرامتك..عشان الراجل ممكن يكون بيحبك بس لو شافك مدلوقة اوي عليه هيتنك جدا
ابتسمت الفتاة بامتنان:
-عندك حق…بجد انا متشكرة جدا ليكي
– اوعي تكوني عملتي شقاوة
– بصراحة عملت بس شقاوة في محلها
– منة
– متخافش كنت بنصح بحاجة صح
صدحت نغمات اغنية “نشيد العاشقين” في المكان…
“صاحبة الصون والعفاف أحلى واحدة في البنات
اللي عمري ما قلبي شاف زيها في المخلوقات
تسمحي لي برقصة هادية تسمحي لي بقربي منك
حلم عمري تكوني راضية عن وجودي بس جنبك”
تجهمت ملامحها قائلة بحنق:
-كل مره اسمع الاغنية دي افتكر يوم ما رقصنا عليها سلو في فرحنا, وافتكرك وانت مش فاكر ولا خطوة من اللي اتفقنا عليها وبتقولي هو أنتِ ازاي حلوة كده، وبفتكر وانا بقولك فوكك مني ركز المفروض هتنزل دلوقتي على رجلك ويلا بقى هتلففتي یمین ويلا بقى شمال
لمعت عيناه بعشق قائلا:
-والله لو كنت قعدت احفظها عمري کله اکید
برضو كنت هنساها، لأن النظرة من عيونك تنسي
الواحد الدنيا مش خطوات الأغنية
اتسعت عين منة بحب :
-ربنا يخليك ليّ يا أجمل حاجة حصلت في حیاتی و أحسن اختیار قلبي اختاره
ابتسم لها قائلا بسعادة:
– واحلى قدر ونصيب في الدنيا
فاجأتها الحياة به، ووقعت في حبه رغماً عنها.. إذا رأته عينيها يسطع فهو مثل النجوم التي تضيء في ظلمة الليل.
___________
لا تسمح لمخاوفك أن تكون عائقًا بينك وبين تحقيق السعادة، الحب شيء يستحق المخاطرة، لا يهم ما إذا كان سيستمر أم سينتهي في وقت لاحق، المهم أنه سيمنحك ذكريات جميلة ستبقى معك، اهتم بالحاضر وتوقف عن القفز إلى المستقبل.
كان جالساً فوق المصلية وهو يصلي، فاقتربت منه سيليا وهي تتأمله بحب، ووقفت أمامه ووضعت يدها على وجهه، وأحاطته بكلتا يديها الصغيرتين حول كتفيه، وسجد على المصلية، ثم تسلقت ظهره وهي تجذبه من شعره، ورفع ظهره بحرص لتنزل من على ظهره أخيراً وهي تجلس أمامه، وأخيراً وضعت رأسها على قدمه وهي تستمع إليه وهو يصلي حتى انتهى من الصلاة.
ليبدأ بالدعاء ومن ثم يشكر الله على جميع ما وصل إليه ، التفت ليجد زوجته وطفلته كندة ارتدت إسدال صغير وهي تقف بجانبها وتحاول تقليدها في الصلاة..
وبعد الانتهاء… سألت كندة والدها عن ما كان يقوله منذ قليل فبدأ يشرح لها هو و ايتن عن نعم الله علينا وأننا يجب أن نشكره دائماً
فقال الله تعالى.. (وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ).
هتفت كندة قائلة بامتنان حقيقي إلى ربها :
– بشكرك انك من كل العالم اختارتهم يكونوا بابا ومامتي انا
جملة كانت بسيطة، ولكنها لامست قلبهم بشدة
قبلوها من وجنتيها بقوة، فالله رزقهم بطفلة لطيفة حنونة و أخرى حتى رغم مشاغبتها لهم ولكن قلبها حنون بشدة
همست ايتن لطفلتها كندة قائلة:
– يا حبيبتي انا اللي مبسوطة بجد انك بنتي
لتردف بسعادة بالغة :
-مش عارفة ابطل تفكير في كل حاجة حلوة حصلت السنين اللي فاتت
أضافت بحب :
-ربنا يخليكو ليا يا حبايب قلبي
قبّل جبينها بـعُمق قائلا :
-أنتِ احلى حاجة حصلتلنا أصلا
إبتسمت بسعادة وعيناها تلمع بتأثر، هامسة بامتنان :
- انت كل حاجة حلوة في حياتنا والله
ابتسمت ايتن لتشاركها الصغيرة الضحك دون ان تفهم كلامهم
همست سيليا برقة، لتقترب منهم مقبلة والدها:
-بابي….بحبك انا
هتف حمزة بعشق:
-وانا بعشق امك.. والله
ليضيف بصدق وهو ينظر إلى زوجته :
– والله الكلمة دى قليلة عليك يا حبيبتي
ردوده دائما تؤثر في قلبها، تماما مثل أفعاله، يقول له أحبك كلاما، والمواقف تظهر له أنها ذلك القلب الذي ينبض بداخله ليحييه.
ضحكت ايتن علي طفلتيها…ليسحب حمزة الثلاثة إلى صدره…لتبتسم ايتن بسعادة لم تكن تصدق بأن تحصل عليها في النهاية…
تـــمـــت بــحـمـــد الـلـه
#قانون_آيتن

