أخبار

رواية للكاتبة داليا أحمد من 16 إلى 25

الفصل السادس عشر

رمقته بنظرة غضب عندما تذكرت..
************
فلاش باك

كانت تجلس مع شخص ما في منزلها، لتقول بنبرة باكية:
-صاحب العمارة هددنا يا مهاب..وقال ما انتوا معندكوش راجل وكان هيتهجم علينا عشان نسيب الشقة

هتف بعصبية :
-وحياتك عندي لأخليه يندم على كل حرف قاله

-بجد يعني هتخليه يسيبنا نقعد في الشقة

أومأ بإيجاب :
-أيوة طبعا تسيبي إيه بس

آيتن بتفكير:
-طيب والمحضر اللي عملوا لينا..ده قدم فينا بلاغ في امن الدولة ولما روحت مع ماما قالولنا احنا اللي غلطانين مع أن ابن الكلب ده اللي استفزنا و حاول يتهجم علينا عشان يجر خناق وأمي كانت بتدافع عني وكان بيهددنا يا يتجوزني يا أما نسيب الشقة..ومش عامل حساب أن انا في ثانوية عامة وامتحاناتي قربت !

صرخ بعصبية:
-وحياة أمه ما هخليه يتجرأ يقرب منكم تاني…وهعمله محضر بعدم تعدي انتي ناسية أنا أبقي مين؟؟

ابتسمت آيتن وهي تمسح دموعها :
-ربنا يخليك ليا

همس مهاب بمكر:
-ويخليكي ليا يا حبيبتي..وبعدين هو ازاي يطلب ايدك للجواز وهو عارف ان انا واهلي متفقين مع مامتك وقرينا فاتحة وخطوبتنا بعد امتحاناتك

– تخيل ولا فارق معاه حتى

انتهى الفلاش باك
**************
تذكرت الماضي واغمضت عيناها بألم فجأة، لتبعده عنها بعنف
صدم حمزة من رد فعلها المبالغ فيه فهو لم يأذيها أو يفعل شيء يجعلها تتحول هكذا…أمسك حمزة يدها بقوه ثم قال بنبرة حانية:
-آيتن..اهدي انتى كويسة؟؟

أفاقت على صوته لتبتعد عنه قائلة بحدة:
-آه أنا كويسة

أمسك يدها مرة أخرى قبل أن تتركه، قائلا بأمر:
-لا تعالي هوصلك أنا

لم يترك لها مجال للرفض بينما هي استسلمت للفكرة

أسندت رأسها على نافذة سيارة حمزة، بينما هي تستمع إلى أغنية “أم كلثوم” اندمجت مع صوتها الذي يسحرها في كل مرة تستمع إليها وخصوصا تلك الأغنية

“طول عمري بقول لا أنا قد الشوق وليالي الشوق ولا قلبي قد عذابه”

لاحظ شرودها وتحولها عندما رأي ابتسامتها الجميلة، ليقاطعها بفضول، وهو يرمقها بنظرات متفحصة:
-بتحبي أم كلثوم ؟

استفاقت علي سؤاله، قائلة بهيام:
-جدا وبعشق الأغنية دي وخصوصا المقطع ده ..ده أنا بمشي أغنيه كده في الشقة

سألها باستغراب:
-بتعرفي تغني؟

-بيقولوا

أردف بفضول:
-سمعيني طيب

اعتدلت في جلستها، لتلتفت له قائلة بشرود:
-عارف ساعات بحس أن نفسي أغنيها لحد.. أو نسمعها سوا وأدخل في مود الحب وبعدين ألاقي صحابي يكلموني عن الرجالة الخاينة والحقيرة أتراجع عن الفكرة واقول محدش يستاهل

-عمرك ما هتطلعي من الإحساس ده غير لما تحبي بجد وقلبك اللي يتحكم فيكي ويسيطر عليكي

همست بتمني:
– طب يارب لما يحصل تبقى تجربة حلوة ومكرهش اليوم اللي حبيت فيه

ليهتف بحنق لطيف:
-إن شاء الله هتبقى حلوة

فالحياة نصفان، نصفها الأول مبهج، والثاني مؤلم .. إن عشت في شق واحد؛ فأنت فاقد لمعني الحياة ومتعتها

صمتت لثوان، لتسأله :
-هو أصلاً فيه حد ينفع يتغنالو الكوبليه ده!

فأوقف مسجل الموسيقي؛ ليردف برجاء:
-طب ما تغنيهالي أنا نفسي أسمع صوتك وأنتِ بتغني

تنحنحت قليلاً ثم قالت:
-بعتذر طبعا عن التلوث السمعي ده،دي الست ام كلثوم برضو

ثم سحبت نفساً عميقاً لتبدأ الغناء..

“وقابلتك أنت لقيتك بتغير كل حياتي
ما أعرفش إزاي حبيتك ما أعرفش إزاي ياحياتي..
من همسة حب لقيتني بأحب وأدوب في الحب وصبح وليل علي بابه”

صوتها عزف ألحان عذبة في أذنيه، شعر بأنه أنعش روحه الباردة؛ ليغمز لها بانبهار قائلا بتصفيق:
-صوتك حلو جدا..يابخت اللي هترتبطي بيه هتغنيهاله على طول
__________________________________
“أحبي رجلا إذا أخطأتي في حقه اعتذر هو منك، يعرف أن أفعالك ما هي إلا انعكاس لمعاملته لك.. رجلا يري عتابك له محبة وجدالك معه اهتمام”
#نزار_قباني

فتحت الباب لتجده أمامه وفي يديه باقة ورد حمراء لطيفة، ليبتسم هاني قائلا بحب :
-ديچا..وحشتيني

نظرت إليه بعينين عاتبتين:
-والله ..لسة فاكر؟

ليهتف مبررا:
-آسف يا حبيبتي كنت مضغوط والله الايام اللي فاتت في الشغل.. وبعدين أنت برضو جيتي يومها تكملي عليا وتقوليلي إن صاحبتك مش غلطانة وأنا السبب

دلفت إلى داخل المنزل، فاندفعت قائلة بحدة:
-أنت عارف آيتن بالنسبة لي إيه

دلف خلفها وهو يغلق الباب؛ ليقاطعها قائلا بسخرية:
-آه يا قلبي عارف

فصاحت خديجة قائلة بغضب :
-أصلاً يعني مكنتش هكلمك تاني

ضحك بسعادة علي نبرة صوتها وكلأمها ليرفع هاني حاجبه :
-خالص

-امممم خالص

ثم توجهت بنظرات باردة لباقة الورد التي أعطاها لها في يديها، قائلة بغيظ:
-وبعدين الورد ده مبياكلش معايا

ضحك ليسألها بنظرات متوجسة:
-أومال إيه اللي بياكل معاك يا باشا

ردت بتذمر :
-كنت جيبلي أكل أحسن بداله

فصاح بغضب، ليهم بالانصراف:
-تصدقي أنا غلطان.. خلاص بقي اديني حاولت

وقفت أمامه لتمنعه من الخروج، قائلة بندم:
-إيه ده.. استني يا بيبي بهزر بهزر

لتردف بحب وامتنان:
-تحفة الورد يجنن طبعا

وضع يده في جيبه، ليلتقط هاتفه متصلا علي رامز ثم فتح الباب ليأخذ منه طلب الأكل، ليغمز لخديجة قائلاً :

-طب و إيه رأيك في ده بقي.. بما ان شكلك جعانة وهتكسلي تطبخي كالعادة.. فطلبتلك أوردر من ماكدونالدز

ابتسمت بفرحة، قائلة بحب:
-بحبك أوي يا هاني

ثم تنهد بابتسامة؛ قائلا بنبرة حب حانية وهو يقبل رأسها:
-وأنا بموت فيكي يا ديچا

فهي ابنته قبل أن تكون خطيبته.. علي الرغم من كثرة خلافاتهم إلا أنّه لها أخ، أب وحبيب.. فبعد وفاة والدها كانت في العام الثاني لها بالجامعة، وقف بجانبها حتى ساعدها باستثمار ورثها عن والدها للاستفادة منه فقررت تحقيق حلمها بفتح اتيليه خاص بها، واشتري نصيب إخوتها من فيلا والدها الصغيرة لتظل بها، لرغبتها بالاحتفاظ بها فهي تذكرها بوالديها، وقف بجانبها أكثر من اخوتها أو بمعني ادق لم يقفوا بجانبها ابدا بل هي دائما تساعدهم، ولم يبخل هاني عليها ولو ثانية بأي شيء رغم رفضها الدائم لمساعدته حتي شرائه للفيلا صممت خديجة أن تسجل باسمها واسمه لحين سدادها باقي المبلغ من نصيب إخوتها؛ فكانت معاملته لها وكأنّها أميرة استثنائية
نعم تشعر بأنّها محظوظة معه، بل امتلكت نصف حظها عندما أحبته، ماذا تريد أكثر من رجل يحارب من أجل أحلامها، تشعر معه بحنان والدها وخوف أخيها
_________________
ذهبت المرأة عميلة ايتن إلى شقتها ومعها ابنها الطفل الصغير، طلبت من البواب إحضار نجار ليكسر باب الشقة وتم تغيير الكالون وعندما حاول سؤالها قالت له انها نسيت مفتاح شقتها بالداخل

ليأتي بعدها والدتها وخالها ومعهم بسام “مدير أعمال خديجة ويعمل مع ايتن احيانا” ليتابع معهم ما حدث، وشرح لهم ما يفعلوه بالضبط عندما يأتي زوجها بالمساء من عمله
_________________
كانت تجلس مع آيتن في مكتبها قبل بداية الكورس كعادتها

هتفت آيتن بتنبيه:
-منة اتقلي ومترديش على الـ Massage بتاعته في نفس الثانية

ضحكت منة بهيام :
-مبقدرش يا آيتن.. بقولك عليه..

قاطعتها قبل ان تكمل كلامها الذي تعرفه جيداً، قائلة بتحذير:
-عارفة لو جبتي سيرة صوره بالميري دي هطردك برة

ضحكت منة، قائلة بتبرير:
-لا كنت هقولك عليه ضحكة بتشيل قلبي من مكانه

بدت ملامح الغيظ على وجهها، قائلة بيأس:
-مفيش فايدة فيكي

فقررت أن ترسل له رسالة، معلقة علي صورته الجديدة

ابتسمت عندما وجدت تلك الكلمة “جارى الكتابة…”

شهقت منة بسعادة:
-آيتن الحقيني

-في إيه؟

منة بهيام:
-رديت على الاستوري اللي منزلها بقوله قمر أوي ماشاء الله.. لقيته بعتلي شكرا وقلب أحمر

ردت عليها بعصبية:
-يعني أنت كلمتيه كمان؟ أنت غبية يا منة مش لسة قايلالك اتقلي ومتبعتيش حاجة ولو بعتلك Massage تردي بعدها بفترة

تجاهلت كلأمها، لتأخذ رأيها بسؤالها الأهم:
-طيب المهم بالنسبة للقلب اللي بعته ده إيه النظام.. تفتكري بيحبني؟

هتفت بنبرة ساخرة:
-لا مادام فيها قلوب قوليله تعالى قابل الحاج بقى

-شوفتي! أنا قولت كده برضو
__________________________________
كانت تجلس بجانب وئام في الكورس، شعرت بالملل، فقالت بضيق:
-موما أنتِ لازم تساعديني بجد.. ألفت نظره إزاي عشان يحبني

تأففت بحنق شديد:
-اتقلي يا منوش

لتسألها منة بفضول:
– أومال أنتِ لفتي نظر جوزك ازاي ها؟

ضحكت قائلة بإقناع:
-هو اللي كان بيحبني الأول

شعر الأستاذ بتمتمة احد ما في الكورس، فاستطاع تمييز الصوت عندما ركز نظره على منة، قائلا بصلابة:
-منة..قومي اقفي

أتاها صوت الشاب الجالس بجانبها، ضاحكا بسخرية :
-أنتِ الوحيدة اللى المسيو عارف اسمك يا منة من كتر اللي بتعمليه في الكورس

رمقته بنظرة غيظ؛ قائلة بضحكة صفراء:
– وأنت بقى مركز معايا ليه

أجابها بامتعاض، وهو يرمقها بتجاهل:
-أنا مش مركز معاكي أصلاً.. بس صوتك بيشتتني

لم يتلقَ رداً أو فعلاّ، فهتف بعصبية:
-منة أنا مش قولت تقومي تقفي!

وقفت مسرعة، قائلة باعتذار:
-Pardonne

زفر بضيق ليقول :
-كنتي بتكلمي مع زميلتك في إيه؟

-كنت بسألها على حاجة يا مسيو

ليسألها بنفاذ صبر:
-حاجة إيه؟ اسأليني أنا

أجابته بتلقائية :
-طيب أوقع الكراش إزاي؟

وئام بسرعة وهى تزغر لمنة:
-بتهزر يا مسيو.. بتهزر أنت عارف منة وشقاوتها بقى

رمقها بتحذير، قائلا من بين أسنانه :
-اقعدي يا منة وركزي

جلست منة، لتهمس في أذن وئام بإحباط:
-معرفتش إزاي أوقع الكراش برضو

شهقت وئام، قائلة بامتعاض:
-يخربيت سنينك يا منة

لتردف بإلحاح:
-ما هو أنا لازم أعرف أعلقه بيا إزاي

أجابتها بنبرة ساخرة:
-حطيه علي شماعة

ضحكت قائلة بمرح:
– سكر يا موما سكر
____________________
كان يرن الجرس عدة مرات، فزوجته فعلت شيء لم يكن يتوقعه، بينما كان يعاتب البواب على عدم إخباره

ولكن هو لم يحذره من الأساس، هذا خطأه
كان يجب عليه تنبيه

ضرب بقبضته على الباب عدة مرات بعنف وهو يصرخ :
– افتحي الباب وعيب أوي كده..انا مش هسكت..وهكسره زي ما كسرتيه وهخرجك من الشقة

فتحت باب الشقة وتركت الباب الحديدي مغلق حتى لا تسمح له بالدخول :
– بس انت تجيب مصاريف ابنك اللي عليك

صاح بنبرة حادة:
– بقى بتغدري بيا !! بجوزك ؟

– غريبة مع أنك انت واحد غدار

ابتسم قائلا بنبرة شيطانية:
– أنا مش هسكت وهعملك بقى احلى محضر سرقة

عقدت ذراعيها قائلة بابتسامة :
– وماله ..انا بقى سبقتك وعملت محضر إثبات حالة اني مقيمه هنا و محضر تمكين على الشقة

اتسعت عيناه بذهول :
– ازاي ده ؟؟ لحقتي تعمليهم امتى

– محامية شاطرة انما ايه .. عملتلي محضر إثبات الحالة و التمكين عشان يبقى سابقك، وكده محضر السرقة بتاعك هايبقى كيدي لوجود خلافات بينا و كمان ايه إللي يثبت ان المسروقات كانت جوا الشقة !؟؟

– ده ظلم…ظلم ده بجد

-على فكرة انا اصلا حاضنة و الشقة من حقي وانت بقى متخصنيش

– ازاي ده !!! طب وانا هقعد فين كده ؟

ابتسمت له بتشفي:
– عند أمك…اقعد عندها يا حبيبي
قولها معلش يا ماما اصل ضيعت مفتاحي
______________
ضحك بسام وهو يتحدث مع ايتن وهو يخبرها ما حدث:
– كان نفسي تشوفي وشه وهو بيشوف صورة المحضرين اللي اتعملوا فيه ولا الكالون اللي اتغير

– احسن خليه يتربى هو فاكر بنات الناس لعبة في ايده

-بني ادم واطي وغدار..مافيش عنده رجولة اطلاقٱ….

اجابته ايتن بتأكيد:
– ده بقى بعد كده هاتلاقيه جاي زاحف وهيتراجع عن فكرة الطلاق وهيتحايل عليها متمشيش في الإجراءات

– طبعا.. ده لو شوفتي شكله كان شوية وهيعيط من كتر الغيظ

– بس وئام شاطرة بصراحة

– وئام خليتني احفظهم الكلمتين وعملت نفسي مساعد المحامية بتاعتها
_______
بعد عدة أيام
كانت تقف مع عمر أمام النادي، فكاد يوقف تاكسي.. لكنها منعته عندما وجدت سيف خرج مع أخيه الصغير ليذهب إلى سيارته

قالت منة لـعمر بتنبيه:
-شوف يا عمر هيطلب مني دلوقتى بقى أركب معاه العربية يوصلنا وأنا هرفض، وانت أوعى توافق فاهم! عشان أبان تقيلة وكده

أومأ رأسه بتفهم:
-حاضر يا منة

ليقول سيف لأخيه:
-يلا يا لؤي اركب

نظر عمر إلى منة بدهشة:
-مطلبش يا منة

ضحكت منة بثقة:
-هيطلب بعد ما قال لـلؤي أخوه استني أنت بس

سيف بصوت عال لعمر:
-عايز حاجة يا عمر!

هز رأسه بامتنان:
-لا شكراً يا سيف

ظهرت معالم خيبة الأمل علي وجهها؛ فاشتعلت أعصابها أكثر، قائلة بتذمر:
-أشنق نفسي دلوقتي ولا استنى شوية يا عمر!

_________________________________
دلفت إلى مكتب هاني، لتقول بابتسامة:
-صباح الخير يا فندم

-صباح النور يا آيتن..اتفضلي اقعدي

انصاعت لأمره بهدوء وجلست أمامه

فبدأ هاني بالحديث قائلا:
-انتِ عارفة طبعا فرع الأوتيل بتاعنا اللي كنا موقفين تجهيزه في الغردفة..فـأنا قررت افتتحه.. بما أن الحمدلله باقي فروعنا شغلها بقى أحسن والحجوزات زادت و الـ Reviews بقت معظمها ايجابية.. فـ أنا قررت فرع الغردقة يرجع

أومأت بفرحة:
-طيب تمام.. كنت لسة هفتح مع حضرتك الحوار ده

أردف بترجي:
-تمام.. انتِ طبعا هتسافرى الغردقة مع حد من شركة يزيد عشان تتابعوا بداية الشغل قبل الافتتاح..وتقعدي أسبوع هناك أو علي حسب ما تخلصوا

نظرت له بذهول، قائلة بحزن:
-نعم؟ لا طبعا.. أسافر إزاي ! وماما يا مستر أنت عارف

زفر بضيق قائلا :
-يا آيتن نفسي مامتك تفهم أنّك كبرتي خلاص

-طيب يا مستر هاني.. هحاول بس موعدكش

أردف بإلحاح :
– لا لا يا آيتن .. أنا من غيرك بحتاس ومش هثق في حد غيرك يروح

لتسأله بفضول:
-صحيح مين اللي هيسافر معايا من شركة يزيد؟؟

-حمزة
__________________________________
كانت تجلس مع منة في مطعم، لتأخذ رأيها بفكرة هاني

قائلة بحزن:
-هاني عايزني أنا اللي أسافر الغردقة..بس شكلي مش هوافق

شهقت منة باعتراض:
– يا غبية و ده عرض يترفض! يلا روحي اعملي شوبينج وجهزي هدومك وشهيصي نفسك

رمقتها آيتن بضيق:
-هو أنا مقطوعة من شجرة..! أومال ست الكل اللي بتزعقلي لما أتأخر أعمل معاها إيه بس هترفض أصلاً

منة بمحأولة إقناع :
-ما يمكن توافق..روحي بليز وغيري جو بالمرة.. طب ياريت أنا مكانك

هزت رأسها بتأكيد:
-لا للأسف أنا عارفاها هترفض وش

منة بتفكير:
-لا سيبيلي طنط أنا هقنعها

تذكرت شيء آخر :
-طيب بس في حاجة تانية

-إيه تاني؟؟؟
-حمزة هو اللي هيسافر معايا

شهقت منة بسعادة:
-أيوة بقى

زفرت آيتن بضيق:
-أنتِ فرحانة علي إيه..أنتِ عارفة عاملين زي ناقر ونقير

ضحكت منة قائلة بتبرير:
-عشان انتوا الاتنين اعند مع بعض

آيتن بحيرة:
-مش عارفة بجد أفهم حمزة…ساعات ألاقيه كويس وساعات بيقلب

منة بحزن:
-‏حمزة ده طيب أوي وحنين جداً

شهقت آيتن باستغراب:
-‏لا مستحيل أنتِ أكيد بتقوليلي عن واحد تاني

منة بنبرة ساخرة:
– عندك حق اصل حمزة قبل 8 سنين غير حمزة اللي موجود دلوقتى ..هناك فرق سرعات سيدى الرئيس

آيتن باهتمام:
-طيب إيه غيره كده

منة بضيق:
-حصل حاجات ف حياته غيروا حياته 180 درجة واتشقلب خالص وبقي واحد تاني غير حمزة بتاع زمان

-‏حصل إيه بقي

منة بحزن:
-‏ حمزة كان مرتبط بواحدة اسمها أفنان واتحدى الدنيا عشان يخطبها خصوصا أنّه كان لسة بيدرس وباباه كان رافض يخليه يخطب في فترة الدراسة وهي كان باباها عايز يجوزها لحد تاني كان متقدملها و بعد محاولات كتير وافقوا و اتقدملها واتخطبوا..المهم في مرة واحد صاحبه طلب يقابله وقالوا هوريك وهسمعك حاجة بس متتهورش وفكر كويس و بعدين شاف صور ليها مع ابن عمه و المفروض هو وحمزة متربيين سوا وزي الأخوات يعتبر و طبعا مصدقش بس هو وراله فيديو مع بعض فيه وهو بيقرب منها و حاطط ايده على ضهرها وكأنه حاضنها

آيتن بدهشة:
-‏طب وصاحبه ده عرف ازاي

-‏كانوا خارجين مع بعض في مرة وهو كان في نفس المكان

-‏تمام كملي

شهقت آيتن بصدمة:
-معقولة بتخونه بعد كل اللي عملوا؟؟؟!!

-آه والله…يا بنتي حمزة كمان كان بيحافظ عليها جدا وعمره ما فكر يقرب منها وهما خارجين ولا الكلام ده..مع أنها كانت شبه مدياله الفرصة بس هو كان بيقولها أنا ما صدقت بقينا لبعض ومش عايز أعمل حاجة ربنا يعاقبني بيها ببعدك عني

سألتها بفضول:
-طب وإيه اللي حصل لما عرف؟؟

– هبقى أحكيلك مرة تانية

-عشان كده حمزة بيتعامل ببرود و جد شوية

منة بتبرير :
-بالظبط..هو اصلا ماحبش تاني من يومها
__________________________________
في اليوم التالي

فتحت “فادية” والدة آيتن باب الشقة لتجد خديجة ومنة

احتضنتها خديجة كالعادة، قائلة بشوق:
-فوفا وحشتيني

لتردف بعتاب:
-يا بكاشة..ادخلي

ثم وجهت كلأمها لمنة بابتسامة:
-مين الوجه الجديد دي

سلمت عليها منة بابتسامة :
-أنا منة

أومأت رأسها بتفهم:
-أيوة آيتن حكيتلي عنك..اتفضلي يا منوش

ثم دلفوا إلى الشقة جميعا

-نورتوا يا بنات

منة بفضول :
-أومال تونا فين؟

-في المطبخ..بتجهز الاكل

اتسعت عيناها غير مصدقة:
-إيه ده آيتن بتعرف تطبخ! أنا كان في دماغي ان اللي بتشتغل مبتعرفش تطبخ

اتاها صوت آيتن من المطبخ قائلة بسخرية:
-أومال فاشلة زيك ياختي

ضحكت منة
-شوف غدر الصحاب

-لا آيتن مبتطبخش علي طول..عشان انتوا بس جايين لكن غير كده أنا اللي بعمل

لتسأل خديجة بنبرة حانية فهي تذكرها بوالدتها:
-عاملة إيه يا ديجا مع خطيبك

-الحمدلله يا فوفا ادعيلنا..انتِ عارفة بقي اخواتي ومشاكلهم اللي معطلاني

-ربنا يهديهم يا حبيبتي..ويخليكو لبعض

ثم وجهت سؤالها لمنة:
-وانت يا منوش مخطوبة؟

أجابتها منة بمرح:
-لا مستنية ابن الحلال المستقبلي اهو.. بس هو شكله مطول

-ربنا يسعد قلبك يا حبيبتي و يرزقك بأحسن راجل انتِ وآيتن

منة بتمني:
-ياااارب يا طنط..دعواتك بقى

ضحكت فادية، قائلة بحب:
-انتِ عسولة يا منة أنا لو معايا ولد على وش جواز مكنتش هستنى وهجوزهولك حالا

نظرت لها بذهول:
-الله.. أومال ماما مأكدالي ان اللي هيتجوزني أمه داعية عليه ليه ، و اني لا أصلح للزواج

آيتن بصوت عال:
-ما هي دي الحقيقة يا مونتي..الجواز ده مسؤلية وأنتِ طبعا بعيدة كل البعد عن النظام ده

أجابتها منة بسخرية:
-شوف مين بيتكلم!..المهم تعالي عشان عايزين نتكلم مع طنط في موضوع مهم

-طيب هوطي علي الأكل وجايالكم

جلست آيتن بجانبهم و والدتها أمامهم، وقلبها يخفق بسرعة خوفا من رفضها

ثوان قليلة مضت قبل ان تقول خديجة:
-بصي يا طنط فادية.. باختصار هاني طالب من آيتن تسافر الغردقة مع زمايلها عشان افتتاح الفرع الجديد للأوتيل

شهقت بفزع مختلط :
-بتهزري يا خديجة؟ ده أنا بقول عليكي عاقلة.. عايزاني أسيب آيتن تروح محافظة تانية بعيدة! ده شغلها في إسكندرية وبخاف عليها لما تتأخر

منة بتبرير:
-يا طنط متقلقيش عليها هتبقي مع زمايلها ومش هتسافر لوحدها يعني

فادية بنفي:
-لا مرفوض طبعا.. أنا لا يمكن أوافق

أردفت خديجة ببساطة:
-أنا عارفة حضرتك هترفضي عشان هتقولي هتقعد فيه و ازاي وقد إيه بس أنا مظبطة كل ده مع هاني..وصدقيني متقلقيش عليها هتبقي تحت إشرافي وعارفة كل تحركاتها.. أنت مش عارفة آيتن غالية عندي ازاي ؟

أومأت منة بإقناع :
-وبعدين يا فوفو انتي واثقة في تونا بلاش كل حاجة تقفشي فيها..بالعكس اتكلموا واتناقشوا حتي لو انتي مش موافقة مبدئيا اتكلمي معاها يمكن تقتنعي بلاش رفض علي طول كده

لتهتف خديجة بحماس:
-وعلي فكرة آيتن اصلا كانت رافضة لأنها خافت عليكي تقعدي لوحدك.. بس طبعا أنا ومنة هنبقي نجيلك كتير ونطمن عليكي ونكلم تونا علي طول

بعد عدة محاولات معها، أخيراً وافقت لتقول :
-خلاص يا آيتن لو أنتِ عايزة تروحي مش هغصبك متقلقيش عليا أنا هبقي كويسة بس أهم حاجة تاخدي بالك من نفسك كويس أوي

شهقت منة بسعادة :
-هييييييح..أحلى فوفا دي ولا إيه
__________________________________
في اليوم التالي

كان يجلس علي مكتبه يتابع أعماله بكل هدوء ودقة..وفجأة خرج من انهماكه بكل هذه الملفات التي أمامه، علي سؤال خديجة :

-صحيح يا هاني مين اللي هيسافر مع آيتن من شركة يزيد

ليرد بتفكير:
-والله أنا كان في دماغي حمزة بس أنت عارفة هو وآيتن مبيتفاهموش مع بعض ساعات

هتفت بنفي:
– لا لا هو حمزة يا بيبي متغيرش رأيك

سألها بشك:
-هو في إيه يا ديجا

أجابته مبررة كلأمها :
-مفيش يا حبيبي بس هما اتصالحو خلاص

-آه عارف بس إيه النظام برضو

لتقول ناهية الحوار:
-نظام إيه يا هاني مانت عارف آيتن مالهاش في كده

-فاهم..بس استغربتك يعني

-لا أنا مش قصدي يا بيبي..بس أنا شايفة آيتن بتعرف تتفاهم معاه أكتر..وأنا مهم عندي راحتها

همس بتذمر :
-طيب سيبك بقي من آيتن عشان بغير منها الصراحة

قرصته من وجنتيه بمرح، قائلة بحب:
-يا روحي ده أنت اللي محتل قلبي كله

ليمسك كفها يضمه بين راحت يده ، ثم قبله بحنو ثم قبض عليه ليبث فيها الطمأنينة والأمان، قائلة بسخرية:
-بكاشة أوي

ضحكت خديجة، ليدقق النظر إليها، لشعرها الناعم ذو اللون البني الفاتح الذي يصل حتى منتصف ظهرها، قامتها المتوسطة التي تقل عن طوله بفرق بسيط، بشرتها القمحاوية الناعمة، جسدها الرشيق، وأخيراً الى ضحكتها التي يعشقها.. فيستقيم قلبه في كل الأمور، ويميل إليها

سألته باندهاش:
-هتفضل باصصلي كده ؟

ليهمس بحب:
-مينفعش اشيل عيني من عليكي وأنتِ بتضحكي..ضحكتك بتحسسني إن أنا عايش بجد..بحس وقتها إنّ همومي ومشاكلي كلها اتمسحت

ثم قبل كفها الذي بين يداه برقة:
-نفسي تفضلي مبسوطة دايما يا ديچا

خديجة بامتنان:
-أنا مبسوطة عشان أنت معايا.. أنت السبب اللي بيخليني أضحك بجد

ليرد بعتاب:
-طب ايه عايزين نتجوز بقي..مبقتش قادر استحمل تأجيلك اكتر من كده

-يا حبيبي وأنا نفسي اكتر منك بس أنت عارف اخواتي ومشاكلهم اللي مبتخلصش

ليردف بنبرة حانية مطمئنة:
-وأنتِ معايا هنحل كل حاجة يا حبيبتي..أنا هفضل دايما جمبك ومعاكي

رمقته بنظرة عاشقة مرددة بحب:
-ربنا ما يحرمني منك أبدا يا عمري
_________________________________
-ها يا خالتو اتفقنا هتعملي إيه؟

قالتها منة لتراجع معها الخطة المراد تنفيذها

لتقول خالتها بقلق:
-أيوة بس أنا خايفة حمزة يتعصب

أومأت منة رأسها بتأكيد :
-ما هو أكيد هيتعصب.. بس احنا لو حطيناه قدام الأمر الواقع خلاص مش هيحصل حاجة ولا إيه؟

ضحكت بنفاذ صبر:
-ربنا يستر يا منة..أنتِ مجنونة بجد

شردت منة، قائلة بهيام:
-بحبه يا خالتو اعمل إيه!
__________________________________
ضحك هاني عندما أخبرته آيتن بموافقة والدتها :
-مش مصدق ان خديجة قدرت تقنع مامتك

آيتن بتصحيح:
-لا ومنة كمان

-لا شابوه ليهم

ليرد علي الهاتف، قائلا بجدية:
-أيوة يا رهف.. خليه يدخل

دلف حمزة بعد ثوان، ليجلس أمامه، قائلا بابتسامة:
-أهلاً يا حمزة اتفضل

ثم نقل نظره بين حمزة وآيتن، ليردف بجدية:
-بما إن حمزة هو اللي هيسافر معاكي.. ف أنا حبيت أوضحلكم طبيعة السكن..انتوا هتقعدوا مع بعض

رفرفت برموشها عدة مرات تستوعب ما قاله هاني، ليقول حمزة وآيتن في وقت واحد بغضب:
-نعم!! لا طبعا

يتبع….
_______
ده كان فصل هدية اضافي عشان التفاعل كان حلو????يارب يعجبكم
ولو وصلتوا البارت لـ 350 لايك وكومنت هنزل بارت هدية تانيالفصل السابع عشر

صاحت آيتن بتذمر و انزعاج:
-لا والله ! أنت اللي بترفض كمان؟

رد عليها حمزة باستفزاز:
-علي أساس إنّك وافقتي؟

لتجيبه بحدة وغرور:
-أيوة طبعا أنا أرفض..لكن أنت مترفضش

قاطعهم هاني بنفاذ صبر:
-اهدى أنتِ وهي كده..في إيه؟ ناقر ونقير..!

صاح باندفاع:
-إيه اللي حضرتك بتقوله ده يا مستر هاني مينفعش اصلا

زفر هاني بضيق، ليتابع كلامه:
-هو أنتوا سيبتوني اخلص كلام..أنا قصدي تقعدوا في البيت عند عمتي..هي عندها زي نظام فيلا كده ثلاث أدوار بس منفصلين .. الدور الأول حمزة هيقعد فيه والدور التاني واللي عمتي عايشة فيه آيتن هتقعد معاها يعني مش قاعدين مع بعض أصلاً ويعتبر كل واحد فيكم في شقة لوحده لكن طبعا الأكل مع بعض..وأنا عملت كده عشان لسة الأوتيل مجهزش والسكن مش متوفر حاليا غير للموظفين اللي هناك بس وأنا لو مش واثق فيكم مش هخليكم تقعدوا في بيت عمتي

رمقها بتمعن، ليجيب برسمية:
-آه اذا كان كده ماشي.. عشان أنا ماقبلش اقعد مع بنت لوحدنا

أردفت بشيء من السخرية :
-لا محترم أوي

قطب حاجبيه، قائلا بثقة:
-مش باين عليّ؟

زفر هاني، قائلا بجدية :
-هتسافروا بالطيارة احسن عشان المسافة بعيدة شوية

– تمام

قال هاني برسمية:
-طيب وانا هبعتلكم على الفيزا بتاعتكم فلوس عشان تصرفوا منها كل ما تحتاجوا
_________________________________
في شقة حمزة

كان يتحدث في الهاتف مع سيف الذي اتصل فجأة:
-باشا مصر..حبيبي عامل إيه

ليردف باستغراب :
-رنيت عليك؟ لا مش فاكر بصراحة بس تقريبا مرنتش لا.. آه ماشي يا حبيبي ممكن بالغلط بقي

دلفت والدته في تلك اللحظة، لتسأله بفضول مزيف:
-سيف ده؟

أومأ بإيجاب :
-آه يا ماما

اختطفت منه الهاتف فجاة، لتتحدث مع سيف:
-ازيك يا سيف..عامل إيه يا حبيبي..ربنا يخليك..أومال مشوفتكش من زمان يعني..لا لازم تيجي بقي تتغدا عندنا فاضي انهاردة ؟ خلاص بكرة هستناك.. ماشي معاك حمزة

لم يستوعب ما فعتله أمه، وفي خلال ثوان أدرك من وراء ذلك، ليقف قائلا بضيق :
-إيه اللي حصل ده…!

ثم صاح بنبرة عالية، مناديا عليها:
-منة

تقدمت لتقف خلف خالتها، قائلة بتوتر:
-أيوة يا حمزة

نظر لها بتمعن، قائلا بغضب:
-أنتِ قولتي عايزة أكلم ماما عشان باقتك خلصانة صح؟

ابتلعت ريقها بصعوبة، لتغمض عينآها خوفا:
-آه

زفر حمزة بعصبية:
-ورنيتي علي سيف وقفلتي..عشان هو يرن و بعدين ماما تخطف الفون

التفتت تحدق فيه وهي تتمتم بدهشة:
-بسم الله ماشاء الله نبيه اوي يا حمزاوي..عرفت كل ده ازاي؟

ضرب الحائط بيديه، قائلا بعصبية شديدة:
-ينفع اللي حصل ده؟؟

تمسكت بخالتها خوفا من عصبيته:
-يا خالتو الحقيني

زفر بهدوء محاولا السيطرة علي غضبه:
-أنتوا إيه اللي عملتوه ده! وأنت يا ماما بتساعديها كمان.. ده بدل ما تعقليها وعيب يا منة..

تأففت منة، قائلة بمرح:
-متبقاش قفوش بقي يا ميزو..خليك فريش كده

أماني بنفاذ صبر:
-خلاص بقى أنت وهي اهدوا شوية

ليهتف بحدة:
-بكرة منة مش هتيجي عندنا..تمام

ضربت قدميها بالأرض بغضب طفولي:
-لا لا مستحيل

رمقها بتجاهل، قائلا بأمر:
-أنا مش هكرر كلامي مرتين..قولت منة مش هتيجي يعني مش هتيجي..سيف هيتغدا ويمشي غير كده مفيش حاجة هتحصل

زغرت لها خالتها، قائلة بإيجاب :
-خلاص اللي تشوفه يا حبيبي
__________________________________
في منزل خديجة

هاني بجدية:
-صحيح ماما كانت عايزاكي..أبقي روحيلها

ابتسمت بشحوب قائلة:
-حاضر مع أنها بتضايقني

داعب وجنتيها بحب، قائلا:
-معلش يا قلبي.. هي طريقتها كده مع الوقت هتحبك أوي

ضحكت خديجة من حركته تلك، قائلة بتذمر:
-و يا ترى بقي عمتك زي مامتك كده

نظر إلى القلق على وجهها، قائلا باطمئنان:
-لا عمتي دي الوحيدة اللي في العيلة اللي مختلفة

ثم غمز لها قائلا:
-وبعدين البركة فيكي بقي يا قلبي.. هنعمل أنا وأنتِ عيلة لوحدنا جديدة

ضحكت قائلة بحب:
-يا عمري أنت
_________________________________
الحب يقذف في قلوبنا بلا سابق إنذار..
متشابهين كنا أو مختلفين..
يعلق بنا.. ولا سبيل لنا لننجو منه

شد حمزة على ذراعها بقوة ألمتها، قائلا بعصبية:
-خفي شوية من سيف عشان سيف مش شبهك يا منة ولا هيتجوزك

سحبت يدها منه، لتجيبه بثقة مغالبة دموعها المحتجزة خلف رموشها السوداء الطويلة:
-هيحبني يا حمزة أنا واثقة في الاخر إنّي هوصل لقلبه

تحولت ملامحه إلى الهدوء، قائلا بوقار:
-بصي يا منة أنا هقولك نصيحة مني تفهميها كويس اوي

-إيه

ثم أردف بإقناع :
-الراجل مابيتخطفش..ومفيش واحدة توقعه..الراجل لما بيقع بيقع بمزاجه..بيكون وقتها حب فعلا

تمتمت مشيحة بوجهها عنه، قائلة بنبرة باكية :
-بس أنا بحبه يا حمزة

وكيف أمحوك من أوراق ذاكرتي ؛
وأنت بالقلب مثل النقش في الحجر..!

زفر بنفاذ صبر:
-حب ايه يا منة … انتي متعرفيهوش اصلا…أنتِ مستنية حاجة مش بتاعتك

مسحت دموعها بسرعة، والتفتت له ترسم ابتسامة:
-يمكن عشان قلبي مش مقتنع وحاسة انه في امل

الحب لا يعترف بالقوانين و المعتقدات و الاختيارات و التقاليد و التوقعات.. إنه حالة فردية لا يمكن التنبؤ بها ولا إنكارها ولا السيطرة عليها..
فالاختلاف دائما سببا اول للانجذاب كالشحنات المختلفة.. كمثل أحدهم يعشق الاهتمام والآخر يحتويه البرود او قد تغير من نفسك من أجل شخص بينما الاخر لا يتغير ساكنا..

إذاً لا توجد قاعدة او قانون ثابت للحب، كل حالة حب منفصلة عن الأخرى .. عندما نقع بالحب لا ندرك اي قوانين
_________________________________
في اليوم التالي
في شقة حمزة..

خرجت منة من المطبخ، لتتجه نحو سيف
-ازيك يا سيف..منورنا والله

رمقها بغضب، فكلامه لم يأثر بها، و أتت بدون علمه!

لتقول خالتها بابتسامة:
-تعالي يا منة نكمل تجهيز السفرة

بعد الانتهاء من تجهيز طاولة الطعام، جلسوا جميعا، لتبدأ اماني بفتح كلام مع سيف، قائلة بتساؤل:
-إيه رأيك بقى في الاكل يا سيف؟

ابتسم سيف، ليقول بنبرة لطيفة هادئة:
-تسلم ايدك يا طنط.. بجد تحفة ما شاء الله

لتقاطعه بابتسامة:
-لا ده منة

همست منة بضيق في اذنيها:
-هشششش.. منة إيه يا خالتو.. اوعي تقوليله منة اللي عاملة الاكل

ردت عليها بإقناع:
-وماله يا حبيبتي..لازم اتشرف بيكي قدامه عشان يعرف انك شاطرة يا موكوسة

قطبت منة حاجبيها بضيق:
-يا خالتو أنا مبعرفش اطبخ..عايزاني اصدمه فيا

ضحك حمزة ليهتف بصوت عال، متوقعا ما كأنت تقوله والدته :
-أيوة كملي يا ماما منة مالها

احتدت عيناها، وهي ترمقه بغيظ، لتوجه كلامها لسيف:
-أنا اللي عاملة السلطة يا سيف

ضحك سيف :
-تحفة تسلم ايدك

أردف حمزة بشيء من السخرية:
-نبارك يا جماعة لأختنا منة وندعمها.. الحمد لله اول مرة تعمل حاجة غير الأندومي وطلعت حلوة

ردت عليه باستفزاز:
-لعلمك بقى عمر بيساعدني في الأندومي كمان

ضحك سيف، قائلا بمرح:
-ست بيت اوي

قهقهت منة قائلة بمزاح :
-جماعة أنتوا مش شيف شاطر زيي ليه

ابتسم سيف قائلا بامتنان:
-عموما تسلم ايدك يا طنط والسلطة حلوة يا منة

همست برضي وحماس:
– ربنا يسترك والله أنت احلى

رمقها حمزة بغضب، ثم شاحت وجهها بعيدا عنه..

لتنقذ خالتها الموقف، قائلة لسيف بابتسامة :
-عقبال عزومتك أنت وعروستك كده يا سيف

-ربنا يخليكي يا طنط

لتردف بفضول:
-إيه بقي مش ناوي تتجوز ولا قاعد زي صاحبك كده

-والله لسة مش عارف

سألته منة بفضول:
-طب حمزة وعارفة ليه مأجل الارتباط وأنت بقي ليه مأجله ولا مستني الحب

ضحك سيف بسخرية :
-لا حب إيه بس..أنا مش في دماغي الحب عادي يعني

منة باستغراب:
-يعني مش مستني تلاقي نصك التاني..ازاي بقي

رد بعدم اقتناع :
-الحب ده في الافلام والروايات الرومانسية لكن الواقع غير..وكمان أنا حياتي ماشية من غيره عادي مش مستنيه يعني

حينما خلق الله الحب، لم يتسع له قلب الإنسان، كان الحب أكبر من أن يتحمله قلب هذا المخلوق الطيني المغرور، لم يكن بمقدوره تحمل كل هذا الجمال الخالص، لذلك فقد قسمه الله إلى نصفين، و وضعه في قلبين..
فممكن ان يعيش إنسان تعيسا، حتي يجد نصفه الثاني ..!
__________________________________
يوم السفر

دلفت والدتها إلى غرفتها وفي يدها مصحف صغير، وضعته في حقيبة آيتن، وهي تمسح علي شعرها..قائلة بنبرة حانية :
-خلي معاكي المصحف ده.. وحافظي على صلاتك أهم حاجة

قبلتها من جبينها:
-حاضر يا ماما متقلقيش عليا

ابتسمت قائلة بتمني:
-ربنا يرجعك ليا بالسلامة يا نور عيني، ويحفظك من كل شر
_________________________________
وقف حمزة أمام بنزينة

ثم نزل من سيارته، قائلا لآيتن:
-هنزل أفول العربية، وأجيب حاجات من الماركت

-طيب

سألها قبل أن يغلق باب السيارة :
-تشربي إيه ؟

آيتن بتفكير:
-هاتلي قهوة سادة

تركها وانصرف ليجلب الأشياء

بعد دقائق، دلف إلى السيارة، يعطيها المشروبان والأشياء الأخرى، قائلا بابتسامة :
-جبت اتنين كابيتشينو وكرواسون وشوكولاتات وحاجات تانية لزوم الطريق لحد المطار عشان بعيد شوية

– ميرسي يا حمزة

– عايزك تتصرفي براحتك.. اعتبريها عربيتك وشغلي الاغاني اللي بتحبيها..

رسمت على شفتيها ابتسامة عريضة وهي تضغط علي مشغل الموسيقى :
-طيب..هشغل أم كلثوم بقى أنت عارف بحبها قد إيه

“طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا”

قال حمزة فجأة :
-براحتك يا باشا..مع أنّي مبسمعهاش كتير

قطبت حاجبيها قائلة بحيرة :
-ازاي بس ده صوتها ملائكي ياخدك كده لسابع سما

غمز لها ضاحكا:
-زي صوتك كده

أطلقت ضحكة عالية وهي تقول:
-لا طبعا إيه جاب لجاب بس

وكأنها تمتلك صوتا يأخذنه من ارض الحزن، إلى سماء الفرح .. و إذا نام بحضن صوتها سيصبح بخير

رد حمزة بعفوية:
-لا أنا اقصد صوتك بالنسبة لي كده

“طول عمرى بأقول لا أنا قد الشوق وليالى الشوق ولا قلبى قد عذابه”
__________________________________
في النادي
اقتربت من الطاولة المتواجد عليها سيف كعادته، لكن هذه المرة تجلس معه والدته، ليعرفها سيف عليها، قائلا :
-دي منة اخت عمر زميل لؤي في التمرين..وفي نفس الوقت بنت خالت صاحبي

رحبت بها قائلة بابتسامة:
-آه اهلا يا قمر ازيك

-تمام الحمد لله

لاحظت نظرات منة لسيف الواضحة؛ لتردف والدته قائلة بحزم:
-خلاص يا سيف بقي عايزاك تدي نفسك الفرصة وتتعامل مع بسنت كويس

هزّ أكتافه باستهتار:
-يا ماما بقي قولتلك مبحبش الجو ده

شعرت منة بالقلق لتسألها:
-بسنت مين

-دي واحدة جارتنا وأنا عايزة اخطبهاله بما أنه مش عايز يخطب بنفسه والبنت بتحبه كمان..ولما هتيجي هتحبيها أوي هعرفك عليها

زفر سيف متأففا:
-ماما أنا مش صغير عشان تدوريلي بنفسك

منة بتفكير:
-بس أنا من رأيي يا طنط أنّ حضرتك تديله المساحة يختار بنفسه

ردت عليها بتبرير:
-هو مش عارف مصلحته يا منة..ده غير ان قرايبي وجيراني بيسألوني عليه وأنا عايزة أفرح بيه أنا وابوه..أبقي غلطانة ولا لأ

أجابتها منة بتلقائية:
-آه طبعا غلطانة

-نعم؟

شعرت بالندم من تسرعها، لتبتسم بخفة تداري ارتباكها:
-أقصد هو اللي غلطان من ساسه لراسه ده واحد مش عارف مصلحته

-آهي بسنت جت

استدارت لترآها، فتاة جميلة في أوائل العشرينات من عمرها، بيضاء، عينآها رمادي، شعرها أسود حرير لمنتصف ظهرها

ابتسمت قائلة بدلال:
-هاي يا سيفو..ازيك..

لتضيف بلباقة:
– عاملة ايه يا طنط

ثم التفتت إلي منة، رمقتها بضيق، ليعرفهم سيف ببعض..

مصافحة منة بحرارة :
-أهلا يا حبيبتي
_________________________________
بعد مرور وقت من اقترابهم من المطار، شعرت آيتن بالجوع، فقررت ان تأكل شيئا فهي لم تستطع انتظاره ليصلوا إلى المطار

سحبت شطيرة من الوجبات التي اشتراها حمزة من كافيتريا علي الطريق

ثم أخذت قضمة من الشطيرة، وهي تقول بحرج:
-بقولك إيه أنا جعانة.. هاكل بقي.. وأنت ابقى كل لما نوصل أو كده كده هناكل في الطيارة

قطب حاجبيه بانزعاج:
-جوعتيني معاكي علي فكرة

هزت كتفيها قائلة بلامبالاة:
-طيب ما تاكل

-ازاي انا لسه على الطريق وقربت مش هعرف اركن هنا عشان طريق مختصر

رق صوتها قائلة بتأثر:
-خلاص أنا ممكن أساعدك تاكل

اتسعت ابتسامة حمزة..سائلا :
-بجد؟

أمسكت ساندويتش، لتقربه من فمه، قائلة بحنان:
-يلا كل

انتهت من مساعدتها لتناوله الشطيرة، قائلة بتساؤل:
-أجيبلك واحد تاني؟

هز رأسه بنفي قائلا بامتنان وسعادة:
-لا

وقبل ان تسحب يدها الصغيرة، امسكها برفق..بينما حاولت تملص يدها بهدوء لكنه رفض وضغط بيده ليضعها على ذقنه، ليقربها من فمه يقبلها برقة، ثم تركها

شعور غريب تملكها، لتنظر إلي يدها كل لحظة، متجنبة النظر إلى حمزة

دع روحك تجذبك بصمت إلى ما تحبه فإنها لن تضلك أبدا..
“جلال الدين الرومي”
__________________________________
في فيلا هاني
كانت تجلس مع حماتها “صفية” في حديقة الفيلا.. كانت صفية كعادتها جالسة كملكة متوجة علي مقعدها وهي تطالع إحدى مجلات الموضة

لتهتف فجأة بخبث:
-سمعت أنّك هتجيبي عربية يا ديچا

أومأت خديجة بإيجاب :
-آه يا طنط..لأن عربيتي القديمة للأسف بتعطل كتير فهبيعها وأكمل وأجيب واحدة جديدة

ردت بحدة:
-طب هاتيها من فلوسك بقي مش لسة معاكي ورثك من باباكي؟

ردت خديجة بثقة:
-أكيد هشتريها أنا طبعا.. أومال مين هيشتريهالي

ضحكت قائلة بتساؤل:
-يعني مش هاني؟

صاحت خديجة باندفاع:
-لا حضرتك هاني مش مجبر يعمل حاجة زي دي..ده خطيبي مش جوزي..ولو جوزي برضو مش مجبر يجيبلي عربية

قالت صفية بضيق:
-ليه ما أنتِ هتتجوزيه بفلوسه بكل حاجة

هتفت بنبرة ساخرة:
– ليه هو أنا مش مخطوبة لعلي بابا والأربعين حرامي

شهقت بغضب:
-إيه الطريقة اللوكال دي

قطبت حاجبيها باستفزاز:
-قصدك بلدي؟

زفرت، وهى تقول بتذمر:
-أووف..ياربي أنا مش فاهمة ازاي هاني ابني خطبك أنتِ

هتفت خديجة بغرور:
-القلب وما يريد بقى يا طنط صفية

صاحت حماتها بحدة:
-صافي قولت لك قبل كده مبحبش صفية دي

تجاهلت كلامها قائلة بابتسامة كبيرة :
-سوري يا طنط صفية..هستأذن أنا بقى
__________________________________
انبهرت بمدي روعة الغردقة وبحرها، ابتسمت بإشراق … وأحست بأن كل احمال الدنيا قد انزاحت عن ظهرها .. فهي في الغردقة الآن

هتفت آيتن مذهولة:
-لا الغردقة جميلة اوي بجد

قال ضاحكا :
-جميلة لأنك أنتِ فيها

قهقت آيتن بسعادة وامتنان..
ثم دلفا إلى المنزل، لترحب بهم عمة هاني، امرأة في العقد الخامس من عمرها

آيتن بابتسامة :
-ازيك يا طنط حورية

مدت يدها تسلم عليها :
-أهلا يا حبيبتي.. آيتن مش كده؟

هزت رأسها مؤكدة:
-بالضبط .. و ده حمزة

-أهلا وسهلا اتفضلوا

ثم نادت على مساعدتها :
-يا رحاب

اقتربت منهم، قائلة:
-نعم يا هانم

حورية بأمر:
-تعالي عشان توري آيتن اوضتها

هزت رأسها باحترام:
-حاضر اتفضلي

ثم دلفت رحاب إلى الدور الثاني لتتبعها آيتن

التفتت حورية إلى حمزة قائلة:
-وأنت بقي يا حمزة هتقعد في الدور الأول
_________________________________
كانت تتحدث مع منة عبر مكالمة فيديو، شعرت بأن ملامحها متغيرة، او هناك شيء ما ضايقها، لتسألها آيتن بشك:
-مالك قالبة وشك كده ليه؟

ضحكت منة قائلة بحزن:
-سيف شكله خلاص كده هيسيبني

رفعت حاجبيها بعدم فهم، قائلة بسخرية :
-هو كان ارتبط بيكي عشان يسيبك اصلا

ردت بتأثر:
-من يوم ما شوفته وهو ربطني فعلا..ربط قلبي بيه وخلاني أحبه..يا آيتن هتجنن بقي..مامته تلميحاتها كأنت واضحة أوي ومعناها ان سيف ممكن يخطب بسنت دي

آيتن بتفكير:
-ما يمكن كأنت بتقول كده عشان تشوف رد فعلك.. المهم سيف عايز إيه مش مامته

تنهدت بضيق:
-سيف بينفضلي وبيتجاهلني كالعادة

نظرت لها بدهشة:
-يعني كل الخطط اللي اتعملت دي راحت علي الفاضي..؟ طب والنادي ولما بتقعدوا مع بعض عشان تستنوا اخواتكم

صاحت بانفعال:
-بيفضل قاعد راسم الوش الجد و مش بيبصلي خالص وأنا اللي بفضل اتكلم وارغي وهو ولا في دماغه

آيتن بنبرة حانية:
-طب أهدي كده يا منة وان شاء الله خير

هتفت منة بغيظ:
-شكل كلام حمزة صح

-قالك إيه؟

ضحكت قائلة بندم:
-قالي قبل كده ان الراجل مبيتخطفش..و مفيش واحدة بتوقعه..و لما بيقع بيقع بمزاجه..وبيكون وقتها حب فعلا

ابتسمت آيتن :
-بجد قالك كده

ردت متنهدة بوجع:
-آه..بس تعرفي البت اللي اسمها بسنت دي زي القمر..حاجة كده فراولة خالص..بس ده ميمنعش أنّ أنا متغاظة منها
_________________________________
في اليوم التالي..
وصلوا إلى الفندق، لمعرفة وضع العمل، فدخلت في تلك اللحظة..فتاة في أواخر العشرينات من عمرها، طويلة، بشرتها خمرية..شعرها أشقر لمنتصف ظهرها، عيناها تميل إلى اللون الأخضر

هتفت بابتسامة :
-هاي .. أنا أفنان..الاسيستنت لمستر عصام المدير التنفيذي لفرع الأوتيل هنا

التفت إليها ليصاب بصدمة عندما رآها..بينما هي اندهشت بسعادة لرؤيته

قطعت آيتن ذاك الصمت بابتسامة:
-آه آهلا يا أفنان

اردفت بسعادة :
-مستر هاني قالي اكون معاكم في اي حاجة تطلبوها لحد ما الشغل يخلص وخصوصا ان مستر عصام في القآهرة لسة لحد ما الأوتيل يجهز ونبدأ شغل من تاني

قرر أنّ يغير مجرى الحديث، قائلا بحزم:
-تمام خلينا نشوف وضع الشغل

بعد مدة من الحديث عن العمل، قاطعتهم أفنان قائلة بمزاح:
-طبعا لازم نخرج انهاردة..أنتوا اكيد مش جايين عشان شغل بس

هتف حمزة بسخرية:
-لا جايين عشان شغل بس

افنان بحرج:
-لا طبعا مينفعش وكمان عشان هنقعد مع حد من المستثمرين اللي هيشغل فلوسه في الفندق هنا
______________________________________
في شقة سيف

تمتمت والدته بابتسامة :
-بس منة شكلها بتحبك او عينيها منك..ما تتجوزها يا سيفو عايزة أفرح بيك

زفر بضجر، وهو يقول مستديرا :
-ما تحضريلي حاجة حلوة اكلها يا ماما من ايدك

هتفت بجدية :
-بتكلم بجد.. البنت عسل اوي وطيبة..وشكلها عينيها منك مشوفتش اتضايقت ازاي لما اتكلمت عن بسنت

التفت لأمه، قائلا بحزم:
-مينفعش يا ماما..منة مش شبهي خالص ولا طبعها ولا تفكيرها زيي..هي آه طيبة وجميلة وكده بس أنا مفكرتش فيها كده الصراحة

ردت بنفي مصححة كلامه :
-الحب متخلقش للمتشابهين بس..اتخلق للمختلفين كمان عشان يكملوا بعض ويتعلموا من بعض..مش شرط دائما تكونوا شبه بعض.. مكنش حد أتجوز بقي

أجابها بعدم اقتناع :
-اللي أنتي بتقوليه ده معناه سد نقص وتعويض مش حب..لأنّ التشابه هو اللي بيقربنا لبعض أعتقد..ومعتقدش أنّ الجواز ده بينجح

ابتسمت بهدوء :
-مش شرط يا حبيبي..الطيبون للطيبات..مهما اختلفتوا هتفضل الروح واحدة ولازم يكون فيه اختلاف عشان يبقي فيه تضحيات .. وبعدين مفيش حد شبه حد بالضبط طبيعي تلاقي فيه حاجات بتميز حد فيهم عن التاني

الحب يعتمد علي نوعية الاختلاف.. كاختلاف التفاصيل مثل ان يحب أحدهم الاكل الحار والآخر لا ولكن في المبادئ والقيم والخطوط العريضة للشخصية لا أعتقد..

لأنه لا يوجد قاعدة ثابتة ولا اساس يبني عليه هذا الكلام.. فهناك المتشابهين وهناك المختلفين وهناك أصحاب البرود وأصحاب الاهتمام…
لكن ليس بالضرورة ان يكون الارتباط مقترن بطرف سلبي وآخر إيجابي..لذلك لا قاعدة ولا قانون ولا اساس لهذا
بل الادق ان نقول الحب يجمع الأرواح المتشابهة، وهذا يكفي..

نظرت نحوه بتساؤل:
-طيب وبسنت؟

قاطعها بحدة:
-أنتِ عايزة إيه من الاخر يا ماما

تنهدت محاولة إقناعه :
-عايزاك تختار واحدة منهم تخطبها.. يا منة يا بسنت..وكده كده في خطوبة مرتاحتوش خلاص مفيش مشكلة.

إنّما الحب كالألغاز ، إذا لم نتطابق سنتعانق لنشكل لوحة أجمل

ليزفر بتفكير قائلا بنفاذ صبر:
-طيب يبقي هختار….
_________________________________
كان عقلها يكاد ان يجن من حديثها معه وما قاله لها، لم يأت لها نوم من كثرة التفكير، فقررت الاتصال علي شذي، لتقول لها ما حدث:
-أيوة يا شذى..الحقيني

شذي بقلق:
-في إيه مالك؟

ردت بضيق:
-حمزة طلع بيفكر بطريقة كسرت كل اللي كنت مخططاه

-ازاي يعني؟

زفرت بتعب:
-طلع…

يتبع….
_____________
رأيكم بقى ???????? شجعوني
مين اكتر شخصية عجبتكم لحد دلوقتي ؟
لو وصلتوا البارت ده لـ 400 لايك وكومنت هنزل بارت هدية بكرةالفصل الثامن عشر

-حمزة طلع بيفكر بطريقة كسرت كل اللي كنت مخططاه

-ازاي يعني؟

تنهدت بتعب:
-طلع ما بيقتنعش بحوار الارتباط أصلاً يا شذى.. وأنه يوم ما يتأكد أنّ في واحدة حبها وحاسس أنّ دي اللي تنفع تكون مراته هيتقدملها على طول.. يعني مش هستنى نرتبط وأعلقه بيا وبعد كده لما يقرر يخطبني اسيبه زي ما اتفقنا

لترد شذى باستغراب:
-أوووف .. هو حمزة اتغير كده ازاي

زفرت آيتن بعصبية:
-بيقولي زمان كنت حاجة ودلوقتي حاجة تانية..أنا متلخبطة وشكلي بفكر اسيب المهمة دي

لتجيبها بتوسل:
-لا لا أوعي تعملي كده.. مش معقول بعد كل ده تقوليلي انك هتتخلي عني..ده بالعكس أنا حاسة ان الخطة كده احسن.. وأنّ حمزة هيتوجع اكتر لما تكونوا مخطوبين وخلاص هتتجوزوا

زفرت هواءا حارا:
-مش عارفة يا شذى أنا متلخبطة

-لا أنتِ اكيد قدها
_________________________________
قبل ساعتين
تتذكر حوارها معه في المنزل

جلسا مقابل بعض، لتبدأ تسأله عن سبب تجاهله لأفنان..بالرغم أنها تعلم السبب فهي علمت من منة أنها تلك الفتاة التي كان يحبها في الماضي وخطبها

آيتن بتساؤل :
-هو أنا ليه حسيتك تعرف أفنان؟؟

أجابها بحدة:
-مش فاهم يخصك في إيه؟؟

رمقته بغيظ:
-هو أنت هتفضل كده !! أنت بتتعمد تجرحني بكلامك ده

-سوري مقصدش بس..

قاطعته قائلة:
-خلاص جاوب على سؤالي

زفر بضيق:
-أفنان دي كانت خطيبتي من 8 سنين..حبينا بعض واتخطبنا…

ثم قص عليها ما فعلته به

عودة إلى الماضي..

كان يجلس مع صديقه، وملامح الغضب والصدمة علي وجهه، وصديقه ممسكا به من سترته مانعا حمزة من الخروج

-حمزة أهدى عشان خاطري

زفر حمزة بعصبية :
-‏قولي العنوان فين بقولك

زفر الآخر بقوة:
-مش هقولك غير لما تهدى

ثم اوقفه بقوة، قائلا بغضب:
-‏عايز تضيع مستقبلك عشانها..

-أوعى بقي

صديقه بعناد:
-‏اقسم بالله ما هسيبك تخرج وانت بالحالة دي، دي واحدة واطية هتضيع نفسك عشانها

في شقة ابن عمه
كان يجلس شاب في بداية العشرينات من عمره، وبجانبه أفنان

وقالت بنبرة مليئة بالدلال وهو يحيط يدها بيده:
-وحشتني أوي أوي

سمع صوت جرس الباب، ليقول بمكر:
-ده أكيد البواب..ثواني اشوفه

ثم نهض عن مقعده ليفتح باب الشقة، تجمد الدماء في عروقه، قائلة بصدمة :
-حمزة !!!

تجاهله حمزة ليدلف إلى المنزل

هتف ابن عمه بصوت عال:
-استنى يا حمزة رايح فين

سمعت صوته بالخارج لتنتفض بخوف، ليرى مشهد كان يتمنى أن يكون كذبا، فاتصدم عندما رآها أمأمه، بينما هي شعرت بالرعب وكأن أنفاسها انحبست داخلها من الخوف

ليقطع حمزة ذاك الصمت، قائلا بسخرية:
-آسف لو كنت جيت فجأة..وقطعت عليكم لحظة زي دي

ثم أردف باشمئزاز:
-‏إيه ساكتين ليه محدش فيكم بينطق يعني..دلوقتي اتخرستوا؟ ولا هتردوا تقولوا إيه ما هو موقف زبالة أوي

-حمزة ممكن تسمع بس انت فاهم غلط …محصلش حاجة

رمقه بغضب، ليقترب منه ثم لكمه بعنف شديد في وجهه، جعلته يقع علي الأرض بقوة..ليتناوب عليه بالصفعات والكمات، قائلا بعصبية:
-‏اسمع إيه يا ابن عمي .. عندك حاجة عايز تقولها؟؟ ياخي ده انت عديت مرحلة الندالة والحقارة يا صاحب عمري

-حمزة وطي صوتك الناس هتسمعنا

زادت لكماته، ثم دفعه بقدمه وهو يصرخ بعنف:
-‏ناااس؟؟؟ عامل حساب للناس وخايف منهم طب و ربنا مش خايف منه !

– على فكرة محصلش حاجة قولتلك

ليتركه متجهها إليها، ممسكا بفروة شعرها بقسوة :
-‏وبعدين أنتِ.. أنتِ تعملي فيا أنا كدا يا ****؟؟..ده انتي كنتي ملاك .. أنا عايز أعرف عملتي كدا ازاي .. ما تردي

شهقت ببكاء، قائلة بتوسل:
-‏آه هفهمك بس سيبني

شدد علي قبضته، بصوت خالي من الرحمة:
-‏تفهميني إيه يا **** ؟؟؟؟ أنّك مقضياها مع الواطي اللي كنت فاكره أخويا.. عملتلك إيه وحش .. قصرت في إيه معاكي

تأوهت بشدة وقالت بصوت متحشرج:
-‏أنت السبب..انا اعرف حسن من قبل ما اعرفك وأنت بقى اتأخرت على ما أقنعت باباك أننا نتخطب..

دفعها بحدة لتسقط من الفراش على أرضية الغرفة بعنف:
-‏ ده أنتِ عديتي مرحلة الحقارة مليون مرة..خونتيني مع الحيوان ده عشان كنت بقنع بابا نتخطب بسرعة..

ردت بـإستسلام وضعف وهي تحاول منعه:
-‏سيبني يا حمزة همووت

اشتد بقبضته علي شعرها ليقول من بين أسنانه بغضب:
-‏أسيبك أسيبك إيه يا **** مش حمزة اللي يتضحك عليه من واحدة واطية زيك

ليسمع صوت غلق الباب، فنظر أمامه بصدمة عندما رأى ابن عمه قد هرب وتركهم، خوفا من حمزة، لينظر لها قائلا بسخرية :
-هو ده الحيوان اللي كنتي بتخونيني معاه وفاكراه راجل؟؟ اهو سابك تولعي وخرج..

ثم دفعها بعنف، وخرج من الغرفة

انتهى الفلاش باك

أردف قائلا بجدية :
-بعدها لقيت نفسي معنديش الطاقة اللي أحب بيها، قررت أصاحب بعدها كذا مرة وللأسف كان منهم اللي حبني بجد ومنهم اللي بيكونوا زيي، لقيت نفسي بجرح كذا حد بعد كدا واجهت نفسي .. ومن وقتها قررت لما أقابل البنت اللي هحس أنّ دي اللي عايزها تبقي مراتي.. وقتها هاخد خطوة علي طول وأخطبها

صدمها رده، لتسأله بفضول:
– و دي ليها مواصفات معينة بقي؟

هز رأسه نافيا:
-لا مالهاش مواصفات طبعا.. أنا واحد بحكم شغلي بشوف وبتعامل مع بنات كتير..بس مفيش حد منهم شدني..لسة مشوفتش اللي حاسس أنها مناسبة تكون مراتي

أردف قائلا :
-ده غير إن أنا ما بقتنعش بفكرة ان اتنين مرتبطين والجو ده، المسميات دي احنا اللي بنخترعها أو الناس اللي اخترعتها.. وجود راجل مع واحدة لحد ما يتم خطوبة وجواز باسم إنهم مرتبطين يعني

زفرت قائلة بضيق:
-ماشي بس أعتقد عادي..أنتوا بتفهموا دماغ بعض وبتقرب منها أكتر..وغير كده الارتباط بنسبة كبيرة أوي بينجح

أجابها قائلا بوقار:
-لا أنا شايف إنّ الارتباط بالنسبة لي يا خطوبة يا جواز.. غير كده مبقتنعش بصراحة

لينتهي الفلاش باك..مقررة سماع كلام شذى وتكملة ما بدأته
__________________________________
في صباح يوم جديد

بعد انتهاء والدتها من مشاهدة المسلسل التي حذرتها منه “منة” أنه درامي أكثر من اللازم بالرغم من روعته، لكن نهايته واحداثه ستجلب لها اكتئاب ولكنها لم تستمع إلى كلامها، فجذبها مشاهدته..لتري امها تبكي في الحلقة الأخيرة من الظلم الذي تعرض له البطل والابطال المظلومين

ضحكت منة، قائلة بعتاب:
-على فكرة أنا قولتلك إنّ مسلسل آدم نهايته صعبة وهتجيبلك اكتئاب وأنت ماصدقتينيش و قولتي سيبيني أتابعه

زفرت والدتها الهواء، قائلة بغضب:
-الضباط دول حيوأنات أوي.. أنت مشوفتيش سيف الحديدي ده عمل إيه..أنا مش قادرة أصدق

قاطعتها منة بتذمر:
-ماما حبيبتي ده مسلسل..هو آه بينقل الواقع بس مش كل الضباط زي سيف الحديدي ده

ردت بنبرة مشمئزة:
-دول زفت..شكاكين و مقرفين و بيشكو في كل حاجة بسبب ومن غير سبب

لتجيبها منة بإقناع :
-متحكميش علي حد من شغله..مش معني أنّه ضابط يبقي مش كويس بالعكس فيه منهم كويسين..شوفي شخصيته وطباعه

-أنت لو اتقدملك ضابط أنا لا يمكن أوافق بسهولة

قاطعتها منة بتذمر:
-لا لا والنبي يا ماما متقوليش كده..ده أنا أتمني

رمقتها بتوجس:
-اشمعنا يعني..؟

همست بمرح مصطنع؛ لتهرب من هذا الحوار :
-ها..لا عادي .. هقوم أغسل المواعين بقي
_________________________________
في منزل خديجة

كان يجلس أمامها أخيها الأكبر والوحيد

قائلا بتأثر:
-أنا نفسي أبطل أشرب بس مش عارف.. متسيبينيش يا خديجة أنا هضيع..مش قادر أقأوم بضعف وبرجع..أوعي تسيبيني أنا عندي بنات هيضيعوا من غيري

وقفت خديجة متأففة، قائلة بغيظ:
-يا حسين حرام عليك بقي نفسك..أنت كنت محاسب شاطر..فوق لنفسك ولمراتك وبناتك

ليجيبها بتوسل:
-عايز بس أدفع الإيجار..وآخر شهر في دروس العيال

تأففت باستسلام، قائلة بحنان:
-طيب يا حسين هديلك مصاريف عيالك..وهحجزلك تاني في مصحة بس بالله عليك تروح بقي وتلتزم مش تقطع زي كل مرة.. المخدرات دي هتضيعك

ثم قبل رأسها، قائلا :
-ربنا يخليكي ليا يا خديجة
__________________________________
كانت تتحدث مع آيتن عبر الهاتف

لتقول منة بملامح عابسة:
-أنا خلاص تعبت بسبب بروده..بتلكك عشان أكلمه علي الفيسبوك ومزهقاه في النادي أعمل ايه عشان يتحرك.. وهو ولا هنا..مش فاهماه بجد هتجنن..تفتكري ممكن يكون في حد في حياته بس مخبي

آيتن بتفكير:
– لو كان في حد في حياته كان صدك مثلا وبعدين أنتِ واهمة نفسك على تخيلات مش حقيقية

تنهدت قائلة :
-بصي يا آيتن أنا من يوم ما شوفته ومعرفش وقتها حسيت بحاجة غريبة كده..حياتي اتشقلبت بسببه وخلاني اتجنن بيه اكتر ما أنا مجنونة..حسيت أنّه هيبقى من نصيبي..بحب أشوفه واتكلم معاه وأتلكك في أي حاجة.. بحبه يا جدعان أعمل إيه !

-عشان هو من النوع التقيل بس

زفرت بنفاذ صبر:
-نفسي يبطل البرود بتاعه ده ويتنحنح كده..أعمل إيه يا آيتن اروح أقوله بحبك

شهقت آيتن بتحذير:
-أنتِ مجنونة..أوعي تعملي كده لازم هو اللي يعترف الأول

زفرت بضيق:
-وليه لا عشان أجيب آخره وأعرف راسي من رجليا

-اتقلي يا منة بقي..أنت مش مدياله فرصة أصلاً

صاحت منة باعتراض:
-ليه ها..ليه اتقل عليه وهو كمان ونخبي مشاعرنا..أنا مبقتنعش بكده بصراحة مبعرفش أخبي أنا يا اديه كل حاجة يا بلاش خالص.. ليه ابقي عنيدة ومبينش اني مهتمة واديله علي دماغه واتقل عليه..؟؟ ليه بجد وصلنا لكده؟؟ وليه الناس متبقاش طبيعية ؟!!!
دي مش معركة على فكرة والحياة مش مستاهلة كل ده..وفي ثانية هنمشي ومحدش فينا واخد منها حاجة

ابتسمت آيتن بحب:
-بس تعرفي أنا مبسوطة انك بجد حبيتي..أخيرا عقلتي شوية..ربنا يحققلك اللي في بالك لأنّك تستاهلي فعلا

لتردف بحنق:
-بس مستحيل بعد ده كل ده أضيفه في قايمة الإكس كراش

سألتها آيتن باستغراب :
-أنا اسمع عن الاكس اللي هو حبيبك السابق … لكن إيه الأكس كراش ده؟؟

أجابتها منة بمرح:
-ده يا ستي مصطلح جديد عاملاه لما معرفش أحب الكراش أو مننفعش لبعض … بحطه في قايمة الأكس كراش

ضحكت آيتن قائلة :
-ما شاء الله ومفيش حد فلت من القايمة دي

ضحكت قائلة بحب:
-كله اتحط فيها..البركة في سيفو بقى
__________________________________
بعد مرور عدة أيام .. ليأتي يوم افتتاح فرع فندق الغردقة

في الطابق الأول الذي يجلس فيه حمزة

وجدته يطالعها بتفحص..قبل أن يهتف بغيظ:
-إيه الفستان اللي أنت لابساه ده؟

كانت ترتدى فستان أسود، بنصف أكمام، حتى أنّ طوله بالكاد يتعدى نصف فخذيها

قالت له بسماجة:
-مالو..! مش لايق عليا؟

هتف بنبرة ساخطة:
-لا ازاي لايق جدا جدا..بس القماش تقريبا خلص وهو بيتقفل

رمشت عدة لحظات تحاول استيعاب ما قاله.. يعلق علي ملابسها؟؟ لتجيبه بطريقة متأنقة :
-لا مش شايفة كده

تأملها بضيق يتزايد، خاصة عندما لاحظ أنه قصير عن اللازم:
-ومش شايفة كمان أنه قصير شوية وضيق أنا مش فاهم دخل فيكي ازاي ده

ضحكت قائلة بمرح:
-إيه الحمشنة اللي أنت فيها دي.. وبعدين الفستان حلو عليا..يلا بقي عشان منتأخرش

هزَّ رأسه وهو يضم شفاهه بقوة حابسا أنفاسه ثم جر أقدامه مبتعدا قبل أن يرتكب جناية بسبب استفزازها، ليقول بحذر:
-ميتلبسش تاني ده …!

-لا هلبسه

رفع رأسه محدقا في السقف المرتفع.. و زفر بهدوء محاولا السيطرة علي مشاعره المتضاربة:
-مش هروح معاكي بالمنظر ده أنا

تنهدت قائلة ببرود:
-أوكيه.. أنا هروح لوحدي..

ثم اتجهت على الفور نحو الباب عازمة على مغادرة الشقة .. ولكن لماذا لم يفتح الباب ، هل أقفله بالمفتاح؟ .. لحظات حتى أدركت حقيقة الموقف ، وهو أنه وراءها يغلق الباب بيده لمنعها من المغادرة وهي تقف بين ذراعيه ووجهها نحو الباب وظهرها له.

التفتت بضيق لترى وجهه…هاتفة بحدة:
-أنت فاكر نفسك إيه؟ هتمنعني مثلا أخرج…وريني كده هتقدر ازاي حضرتك

لم تجد أي رد منه سوى زيادة صوت تنفسه السريع وهبوط صدره وصعوده نتيجة انفعاله حتى ارتجف جسدها .. حين نطق بكلمات جعلتها تقف ساكنة, قائلا بعصبية:
-هتغيري الزفت ده وتسمعي الكلام وإلا قسما بالله يا آيتن لهيكون ليا تصرف تاني معاكي مش هيعجبك..فاهمة…!

أنتفض جسدها دون وعي، لتهز رأسها بإيجاب؛ ليهتف مرة أخري بحدة:
-ماسمعتش

ابتلعت ريقها بصعوبة و أومأت:
-فاهمة..فاهمة

لتحاول فتح الباب مرة أخرى، لكنه لم يتحرك ليسألها بهدوء:
-رايحة فين؟

آيتن مصطنعة بعض القوة:
-هطلع أغيره وارجعلك

أطرق رأسه قائلا:
-لا تعالي معايا عشان في حاجة في الاوضة عايز اديهالك

شهقت، قائلة بنفي:
-لا طبعا مش داخلة

رفع حاجبه، قائلا ببراءة:
-متخافيش مش هاكل منك حتة

خبطته علي كتفه، قائلة بحدة:
-اتلم

ضحك، ليدلفا إلى الغرفة، لتتفاجأ به يحضر فستان أحمر طويل من الدولاب

جحظت عينا آيتن بصدمة:
-لا لا طبعا مستحيل

فأومأ حمزة متابعا:
-مفيش مستحيل ولا حاجة

زفرت آيتن بضيق :
-أنت عايز ايه

رمقها بنظرة ليطمئنها:
-اكسري الخوف اللي جواكي..و البسيه

عقدت ذراعيها علي صدرها:
-مش بإيدي ما قدرش

-آيتن

تنهدت بتعب وهي تهم بالانصراف :
-أنا لازم أمشي

أمسكها من يدها يعيدها مكانها:
-أنت ليه عايزة تهربي

تأوهت بتنهيدة عميقة، قائلة بتوتر:
-حمزة بالله عليك متضغطش عليا أكتر من كده.. أنا مقدرش البسه

رفع ذقنها إليه، قائلا بحماس:
-لا هتقدري وهتتغلبي علي خوفك ده

بعد عدة محاولات من إقناعه، استسلمت ليخرج من الغرفة تاركها، تغير فستانها لترتدي الآخر، فقررت التجربة، وبدلت ثيابها

كانت تنظر إلى انعكاس صورتها في المرآة بعيون متفحصة، بداخلها تردد كبير .. كيف ستغير لونها الدائم، لم تفكر لحظة أن تغيره

يقولون عنه لون التشاؤم، لكنها تشعر حين تراه بالفرح، وحين يغريها الألوان، يصبح الأسود أجمل وأجمل.. ليطربها بابتسامة..نعم الأسود عندها هو معني البسمة..
يقولوا أن الأسود يمثل غياب للضوء واختفاء للألوان ..رغم ذلك فحبها له ثابت في أصالة كل الأشياء التي تتذوقها..

وأخيرا قررت الخروج بهذا اللون الأحمر، هذا اللون التي طالما ترددت أمامه كثيرا أن تجربه، لكن خوفها منعها..ليأتى حمزة ويكسر ذلك الخوف، ويضعها أمام الأمر الواقع..بعد ثوان سمحت له بالدخول

ثم أعادت نظرها إلى المرآة، لتنظر إلى الفستان مرة أخرى، تتأمله بانبهار، بالرغم من أنه طويلا عكس طريقتها في الملابس إلا أنه كان أنيقا جدا، شعرها كان مرفوع إلى الأعلى قليلا وبعض الخصلات على جانب وجهها والأخرى تدلت علي جبينها

عندما تكون وحيدا سترى الأشياء بعينيك، أما عندما تكون برفقة من تحب فإنك ستراها بعينين و قلبين مما يجعل ردة الفعل عندك تتضاعف تدريجيا، فتصبح الأشياء العادية التي لا تجذبك وتنفر منها دائما..مبهرة للغاية و كأنك ترى الجمال للمرة الأولى

شعرت بخطواته تتقدم نحوها، وقف أمامها وهو يتفحصها بانبهار
كان ينظر لها بإعجاب مذهولا من جمالها، شعرها الاسود الطويل كالليل، فمها المكتنز الممزوج بأحمر الشفاه، وأخيرا بفستانها الأحمر وكأنه صمم خصيصا لأجلها

لتقطع آيتن الصمت، تنحنحت قائلة بمرح لتخفف التوتر الذي لاحق بها:
– حلو عليا ؟

اقترب منها حتي سار لا يفصلهما سوي خطوتين ليرجع إحدى خصلاتها المتمردة خلف اذنها

هامسا بابتسامة :
-هو فيه أحلى من كده أصلاً..ده كأنه اتعمل عشانك

رفعت رأسها تنظر لعينيه، وقلبها يقفز بعنف..قربها بشدة إليه لتصدم يصدره بقوة وهو يحيط بخصرها مقربا إياه نحو جسده، همس أمام شفتيها:
-أنت جميلة أوي النهاردة يا آيتن

اضطربت آيتن اكثر من اقترابه لتبتعد قائلة بارتباك:
-حمزة…اا

استشعر حمزة رعشتها وانتفاضة جسدها أمامه فتصلب جسده، قائلا بجدية وهو يبعد عنها فجأة:
-يلا نخرج عشان منتأخرش
_________________________________
-صحيح أنا وسيف هنتخطب

قالتها “بسنت” لمنة عندما لاحظت نظراتها لها و لسيف؛ لتحسم الأمر وتعرفها وضعهم الحالي

التفتت منة باتجاهه، لتسأله والدموع علي حافة عينيها تحأول التماسك لكي لا تبكي أمامهم:
-بجد؟

شعرت أنها بالكاد ستسقط من صدمتها، عندما أكد لها سيف ذلك الخبر

لتردف بسنت بسعادة:
-اه..هنحدد الميعاد ونتخطب، هو اتفق مع بابا خلاص

بصوت منخفض تحاول السيطرة علي كل نبرة فيه، استدارت لترسم علي شفتيها ابتسامة مزيفة، تخفي انكسارها:
-مبروك

-الله يبارك فيكي يا حبيبتي عقبالك

قاطعهم سيف، قائلا بحزم:
-طيب أنا هستناكي في العربية يا بسنت على ما لؤي يخلص هاتيه

شعرت وكأن هذه فرصتها النهائية، إذا لم تنطق ستنفجر..لتلقي خلفها كلام آيتن التي طالما حذرتها منه، لكن الوضع الآن يختلف، فتجرأت قائلة:
-سيف عايزاك شوية ممكن.. وبعد إذنك يعني يا بسنت مش هطول

رمقتها بغيظ، لتهز رأسها باستسلام، فهو أصبح لها وهذا يكفي

ليجيبها سيف :
-تمام يا منة تعالي

خرجوا من النادي، لتركب بجانبه في السيارة بالمقعد الأمامي

-هحكيلك حكاية بنت كده

-تمام اتفضلي

تنهدت بعمق، وهي تقول بحزن:
-كانت لما تشوف اتنين ماسكين أيديهم في فرح أو مناسبة أو متجوزين بتقول امتي أكبر و أبقي زيهم..ولما كبرت شوية وبقت في الثانوي بقيت تسرح في خيالها مع المسلسلات والروايات ولسة حلمها أنها تحب وتتحب، مع أنها كأنت شاطرة جدا دراسيا..كأنت بتفكر في شكله أكيد عايزاه طويل، أبيض، جسمه رياضي، عينيه زرقة،شعره نازل على وشه..زي أبطال الروايات كده وبتتخيل شكل البطل من أي رواية وبتتمني أن حبيبها يكون كده..ولما كبرت و وصلت الجامعة مقابلتش حبيبها..و ده مش معناه أنها مكنتش بتلاقي..لا كأنت بتلاقي كذا حد يقولها إنّه بيحبها أو معجب بيها..بس هي ملقيتش حبيبها هي..قدرها ونصها التاني اللي كنت مستنياه وهو مستنيها ..لحد ما خلصت كليتها وقالت خلاص لازم أبدأ أدور بنفسي عشان الاقيه مش هقدر استني وأنا لسة ماحبيتش..بدأت تدور عليه وكأنت أي واحد تشوفه تقول هو ده الكراش بتاعي لدرجة أنها اعجبت باكتر من 100 واحد بس ملقيتش فيهم فارس أحلامها..كانت بتلاقي عيب فيه وتقول خلاص مش هو ده حبيبها و هى ماكنتش بتتكلم مع حد فيهم..كان مجرد كراش من بعيد وخلاص بيتنسي حتي في نفس الساعة..لحد ما جه يوم وقابلت شاب طويل وقمحاوي..وعينيه عسلي وشعره بني فاتح.. من قبل ما تروح تسأله عن الحاجة اللي كانت هتسأله عليها حست بحاجة غريبة كده شدته ليها.. حتى دقات قلبها زادت أوي..واكتشفت أنّه شهم وجدع أوي ومش سهل تلاقي زيه دلوقتي ..لقيت أن هو ده حبيبها و بطلها المجهول اللي كانت مستنياه وجالها من غير ما تدور عليه

تطلع إليها بشك:
-البنت دي أنت؟.. والشاب ده أنا صح!

سحبت الهواء لصدرها، تحاول السيطرة علي الحزن المؤلم الذي ينهش قلبها لأول مرة :
-أيوة أنا..أنا اللى حبيتك من قبل ما اعرف عنك أي حاجة..و من قبل ما أعرف اسمك حتي..ولما الصدفة صالحتها وشوفتك تاني..وقتها حسيت أنّ ربنا استجاب ليا فعلا.. بس لقيتك كمان مش فاكرني..وكل مرة اشوفك فيها بتفضل جد معايا

شحب وجهه، قائلا باستغراب :
-بس أنا معلقتكيش بيا ولا عملت حاجة تخليكي تحبيني كده

ضحكت بخفة، مغالبة دموعها المحتجرة خلف رموشها، التي علي وشك النزول:
-كنت بزعل وأعيط من طريقتك معايا..بس كان فيه حاجة جوايا بتقول هو ده قدري اللي كنت بدور عليه من زمان ومستنياه وكنت فاكراك مستنيني أنا كمان

ضحك باستخفاف:
-لكن أنا ماحبتكيش يا منة واحنا مش شبه بعض نهائي

قصص الحب قد أوهمتها .. معظمها تأخذك إلى غيبوبة أو خيال.. فالحب ليس رواية بختامها يتزوج الأبطال.. كأنك تصل إلى ما تريد بسهولة
فربما كانوا محقين حينما وضعوا الحب بالكتب..ربما لم يستطع المعيشة في مكان آخر

شهقت باكية، دموعها اللعينة خانتها ولم تستطع توقفها:
-بس كنت بتقول إنّك مش هتخطب ومأجل..فجأة كده خلاص نويت !

تفاجأت به يعطيها منديل ورق من السيارة، ثم أشاح وجهه عنها، لينظر أمامه بجمود قائلا بقسوة :
-لا أنا كنت واضح معاكي..ركزي في حياتك يا منة أحسن

أشارت بسنت علي باب السيارة، قائلة بضيق :
-حبيبتي ممكن تنزلي عشان أركب ده مكاني

لتعيد النظر إلى سيف، فهو لم يلتفت إليها ومازال بنفس الملامح المتجمدة .. لتعلم أنه موافق..فهذا حقها الآن، خرجت من السيارة وفتحت بسنت الباب لتجلس في المقعد الأمامي وابتسامة انتصار علي شفتيها..بينما لؤي يجلس بالخلف

لتهمس لنفسها بنبرة متحشرجة:
– عندها حق ده مكانها فعلا !!

ثم دلفت منة إلى النادي تنتظر أخيها الصغير، فوضعت يدها علي فمها تمنع صرخة متألمة

نعم كل الأمور كأنت تثبت أنه ليس لها بالنهاية ولكنها كأنت تظن بالله خيرا
________________________________
في الفندق

كانت واقفة مع هاني وخديجة

لتسألهم بفضول:
-هتقعدوا في الغردقة ولا مروحين ؟

هز هاني رأسه نافيا:
-لا هنروح طبعاً أنت عارفة مش هثق في حد غيرك يدير الشغل مكاني.. وأنتوا يومين كده وتعالو

-تمام

ضحك هاني قائلا:
-لا بس الأحمر هياكل منك حتة يا آيتن

خبطته خديجة بخفة، قائلة بغضب:
-ما تتلم في إيه..كيس جوافة أنا

ضحك قائلا بتبرير:
-لا يا قلبي أنا بعبر عن إعجابي باللون..ومش مصدق أصلاً أنّ آيتن لابسة حاجة غير لون العزا بتاعها

رمقته خديجة بعصبية:
-آه بلاش مش أنا قولت رأيي

-تصدقي فعلا..واحد يا حبيبتي

ضحكت آيتن وهى تهم بالانصراف:
-طب هخلع أنا بقي

التفتت إليه خديجة قائلة بتساؤل:
-وبعدين مقولتليش رأيك فيا بقي يا بيبي

أجابها بجمود:
-بصي هو غالبا أي بنت بتحط ميكب وتعمل شعرها وتلبس فستان بتكون حلوة

ضغطت علي أسنانها بغيظ:
-والله !

وقبل أن تتحرك خطوة، مسكها من يدها ليثبتها مكانها، قائلا بحب:
-لكن خديجة حبيبتي لما تعمل كده بتكون هي اللي محلية كل ده مش الحاجات دي اللي بتحليها

ضحكت خديجة قائلة برقة :
-أنا بحبك أوي

قبل يديها بحب:
-وأنا بموت فيكي

ثم سألها بفضول :
-هو إيه حكاية حمزة وآيتن؟

-مش عارفة يا بيبي

ضاقت عيناه قائلا:
-ديجا..!!!

هزت كتفها باستنكار:
-معرفش صدقني

-لا بس لايقين علي بعض

ثم استأذنت منه خديجة، اقتربت من آيتن؛ لتسحبها بعيدا لوحدهم، قائلة بذهول:
-أيوة بقي ده النهاردة يوم يتكتب في التاريخ يا آيتن

-لا والله

جحظت عيناها بذهول مما رأته:
-طبعا..لأنّك أخيرا غيرتي الأسود..والأهم من ده أنّكِ مبسوطة.. يا شيخة ده أنا ياما اتحايلت عليكي تغيري أم الأسود ده وتلبسي فستان من عندي مكنتيش بترضي

ضحكت آيتن قائلة بتبرير:
-عشان أنت مكنتيش بتصممي فستان أسود

-كنت على أمل أنّك تغيري رأيك

ثم أردفت قائلة بإعجاب :
-بس سيبك الفستان قمر عليكي

-بجد

أومأت بإيجاب.. لتسألها بفضول:
-أيوة طبعا..أنت لبستيه ازاي أصلاً..حمزة ليه دخل صح ؟

آيتن بابتسامة جميلة:
-هو اللي جابهولي..ده كان فستان شوفته إمبارح وبعدين وقفت قدامه شوية بس مشيت ف هو راح وجابهولي وحطني قدام الأمر الواقع ولبسته

راقبتها خديجة باستغراب…وتمتمت بشك:
-إيه الي بيحصل دا؟؟ في حركة مش طبيعية كده.. لا أنت من يوم ما جيتي الغردقة وأنت اتغيرتي تماما

ـ قصدك إيه يعني؟
-هو حمزة عمل فيكي إيه بالضبط؟

هزت رأسها بعنف، قائلة باستنكار:
ـ حمزة إيه..؟؟ ولا حاجة طبعاً …اتفاقي زي ما هو… تمثيل

لتردف بتوجس:
ـ عاوزة تفهميني أن قلبك مدقش بجد بعد اللي عمله ده.. و ضحكتك وعيونك اللي بتلمع لما اتكلمتي عنه كان تمثيل؟

احمرت وجنتيها بقوة قائلة بارتباك:
ـ ما تهدي بقي يا خديجة، بقولك.. روحي شوفي خطيبك أحسن

ضحكت خديجة قائلة بتأكيد :
ـ أقطع دراعي، لو ما كنتيش وقعتي بجد يا صاحبتي

أجابتها آيتن بنبرة ساخرة:
ـ وتقطعيه ليه، أكيد هيكون له لازمة في يوم من الأيام
_______________________________________
اقتربت منه أفنان لتسأله بفضول عندما لاحظت قربه من آيتن :
-هو أنتوا صحاب بقي ولا في حاجة تانية

رمقها بنبرة ساخطة:
-ميخصكيش تعرفي

زفرت بضيق:
-ليه ناوي ترتبط بيها

حمزة بنفس النبرة :
-أنت عندك مشكلة في السمع؟؟

أفنان بهيام:
-مكنتش أتوقع أن أنا هشوفك تاني…ماصدقتش لما عرفت أننا هنشتغل مع بعض

هتف بـ اشمئزاز:
-بقولك ايه…قسما بالله لو كنت أعرف إنّي هشوف خلقتك هنا وأنّك بتشتغلي في نفس المكان اللي أنا جاي فيه ما كنت جيت أصلاً

تحدثت أفنان بصوت مضطرب:
-للدرجة دي بتكرهني يا حمزة؟

ضاقت عيناه وشفتاه تتسعان بابتسامة ساخرة:
-نعم؟؟؟أكرهك ليه..أكرهك دي يعني أنت فارقة معايا وشاغلة دماغي وأنت أصلاً عمرك ما بتيجي في بالي

همست بحنق مغيرة مجري الحديث :
-لا بس كنت فاكراك مش هترتبط بعدي وخصوصا واحدة زي دي

قهقه حمزة بشدة:
-آيتن دي انضف واحدة ممكن أعرفها في حياتي..نضيفة بجد مش زبالة من جوة

دارت عيناها بإحراج:
-قصدك أنا يعني

ضحك بسخرية وهو ينصرف من أمامها:
-وأنت بتدخلي في الحوار ليه..ولا هو اللي علي راسه بطحة!!

أوقفته بصوتها، قائلة بمكر:
-وأنت مين قالك بقي أنها مش كده

رد بثقة دون أن يلتفت إليها :
-مش كل الناس زيك

ضحكت أفنان بسخرية :
-واضح أنّك متغيرتش يا حمزة..نصيحة متصدقش أي حد

احتد حمزة بعصبية :
-لا آيتن متتقارنش بحد..فاهمة!!!
___________________________________
في الاتيليه..

كانت تتحدث مع واحدة من الزبائن، تأخذ منها طلبها للفساتين الجديدة، لتقرر الرد علي هاتفها الذي لم ينتهي من الرن..فكأنت أختها الأصغر منها

ردت خديجة بانزعاج:
-أيوة .. خير !

أختها بتنهيدة تعب:
-خديجة الحقيني أنا بنزف جامد..السرير بتاعي كله غرقان دم

شهقت بخوف، لتسألها باندفاع:
-إيه..طب وجوزك فين..؟؟

شهقت ببكاء:
-قالي ده دم الجنين وبقالي أسبوع النزيف بيزيد..لغاية انهاردة لقيتني بنزف بشكل خرافي والله زي ما يكون حنفية دم..حاسة اني اتصفيت..وفضلت أتحايل عليه يوديني للدكتور وهو رافض..واتصلت على أخواتك قالوا لي شوفي جوزك مش معانا فلوس

ثم صرخت خديجة بغضب:
-إيه الاستهبال ده أنا كنت لسة مدياهم فلوس..أنا جايالك بسرعة وهطلبلك إسعاف مخصوص، واحجز عند دكتور برة

تنهدت بصعوبة، قائلة بتوسل:
-بالله عليكي الحقيني..أنا حاسة إنّي هموووت مش قادرة..و بنتي بتعيط وخايفة مني

خديجة بسرعة :
-مش هتأخر عليكي والله
_________________________________
وصلوا إلى العيادة، لتتفاجأ بالطبيب خارج، قائلا بغضب حارق :
-المدام بتموت يا آنسة خديجة..أنا هحولها للمستشفي وأخلي مسؤليتي أختك نزفت جامد وأنتوا سبتوها لآخر لحظة و ربنا لو كاتبلها عمر هتبقي معجزة من عنده
__________________________________
معظمنا سيلتقي بشخص لا تنساه الذاكرة ، والغريب أنه لن يكون لنا.
ستعجب به .. وستكون لديه كل المواصفات التي نقشها قلبك في ذهنك .. ستعيش معه حياة مختلفة .. لن تتمكن من الاقتراب أو الابتعاد فجأة.
تتمنى أن تجد سببًا لتكرهه .. ولن تجده
أنت خائف من التعلق به .. وأنت حقًا متعلق جدًا به

بعد أن طلبت تاكسي لعمر أخوها بعد انتهاء تدريبه، قررت أن تمشي وحدها..تريد أن تصرخ بمكان وحدها

في تلك اللحظة، بدأت السماء تمطر على الرغم من أن الشتاء لم يأتي بعد ولكن كان اعلان عن موعد اقتراب الشتاء ، لتأخذ “منة” القليل من ماء المطر بين يديها لتقذفه على وجهها لعل تلك الدموع تنتهي..

كانت طفلة ساذجة تعتقد أن دموعها ستتحول إلى مطر !

ليفيقها من شرودها صفير رجل أمامها يبدو عليه أنه بلطجى من هيئته، قائلا :
-مين مزعلك بس يا قمر..وأنا هخليكي تنسيه خالص

كادت منة أن تهرب؛ ليهتف بنظرات زائغة وهو يحلق عليها بالمطواة:
-أنت وقعتي ولا الهوى رماكي يا حلوة؟

تمسكت منة بحقيبتها قائلة بحركة دفاعية:
-إيه ده..! شيل المطوة دي أحسن لك

ضحك باستخفاف، وهو يجذب حقيبتها منها:
-طيب ولو مشيلتهاش هتعملي إيه؟

احتدت عيناها وهي تقاومه بتهديد:
-هصوت وألم عليك الناس

بصوت عال، وهو يتصل علي أحد ما بهاتفه:
-طيب فين الناس دي .. ولا اقولك أنا هصحيلك الناس

جذبها من ذراعها، لتدفعه بعنف مشمئزة، ليجذبها بقوة مرة أخرى ويده الأخرى ثبتها علي عنقها بالمطواة

أثار أنتباهها قدوم رجلان مثله، ليقتربا منهم، ليقول الأول :
-إيه رأيكم مزة ولا على البال ولا على الخاطر

اتسعت عيناها بدهشة، غير مصدقة ما فعله.. حقا جلب أصدقائه..!

ليقول الثاني بدهشة:
-إيه ده يخرب بيتك وقعت عليها فين.. ده مفيش حد بيجي المكان ده بالليل خالص؟

ضحك، ليغمز لها قائلا :
-هى اللى جت برجليها، شوفتها من بعيد وقولت حرام حتة زي دي تروح مني

بنظرات خبيثة:
-صح يا زميلي بس دى لينا كلنا احنا لازم ننفذ العدل زي ما البلد بتقول

ضحك الآخر قائلا :
-جدع يلا.. تعالى ناخدها بقى في أي حتة حلوة كده..شكلها سهرة حلوة

اتسعت عيناها برعب، لم تصدق ما رأته وسمعته، لتلطم علي وجهها بخوف:
-يالهوي ..أنتوا ايه معندكوش أخوات بنات

تجاهل كلامها، قائلا بتهديد:
-بصي بقي يا حلوة..قدامك حل من الاتنين.. يا تسمعي كلامي وهتتبسطي أوي معانا.. يا اما هنعمل اللي عايزينه بس بالغصب ومش بس كده.. هيبقي آخر يوم في عمرك.. مع انك متستاهليش الدبح

أرادت تحريك يدها منه، لكنه ازداد الضغط وحرك المطواة أكثر لتستسلم بخوف

قائلا الثاني بمكر:
-أنا رأيي تتبسطي و بمزاجك عشان في الحالتين مفيش رفض

لا تصدق المأزق الذي أوقعت نفسها فيه، فهي لم تري أحدا في هذا المكان

حاولت التقاط أنفاسها لتتجرأ، وكأنها تلعب بعداد عمرها؛ قائلة باشمئزاز :
-على جثتي أن حيوان منكم يلمس شعرة مني

يتبع…
_________________________________
رأيكم يا حلوين ????????
لو وصلتوا البارت لـ 400 لايك وكومنت هنزل بارت بسرعة

متوقعين منة هتخرج من الموقف ده ولا لا ؟الفصل التاسع عشر

في حديقة الفيلا
شاهدته من الطابق الأعلى يجلس وحده ويحاول الاتصال على أحد ما..فقررت أن تنهض لترى ماذا يفعل

-مالك في ايه؟؟

همس حمزة بتوجس:
-مش عارف بتصل على منة مش بترد..و خالتو قالتلي أنها اتأخرت و قالت لعمر يروح لوحده من النادي وأنها هتتمشى شوية

ايتن باقناع:
-ممكن كانت مخنوقة وحابة تكون لوحدها

هتف بعصيية:
-ليه يعني مش فاهم..هي كانت رايحة معاه النادي ايه اللي يخليها تتخنق هناك

تأكدت ان حمزة لم يعرف ان سيف يذهب إلى النادي أيضا فقررت الصمت وتغيير مجرى الحوار

-ممكن عاملاه سايلنت
___________________________________
ظلت متسمرة لثوان تفكر..فلا مجال للهرب لأنها في جميع الحالات ستذهب معهم..ولن يأتي فجأة البطل المجهول الذي يظهر في الافلام لينقذها من الأشرار..
فكرت قليلا حتى وجدت طريقة ربما تنجح

حاولت إخفاء ارتباكها قائلة بثبات مزيف:
-طب بقولكم ايه

ليقول احدهم وهو يضع المطواة علي عنقها:
-قولي يا مُزة

منة بدلال مزيف:
-واضح ان انتوا كده كده مش هتسيبوني سواء بمزاجي او غصب عني..فأنا عندي فكرة حلوة وفي نفس الوقت أهلي هيتطمنوا عليا

قهقه الرجل الثاني بشدة:
-انتي فاكرانا اغبية يا بت انتي

هزت رأسها بنفي:
-لا لا لا ابدا.. انا قصدي هكلم واحدة صاحبتي اتفق معاها تكلم ماما و انا هبعتلها location “الموقع” على application “تطبيق” الواتساب وكمان بابا و ماما مش هيرفضوا وهيطمنوا عليا ولما أحب اجيلكم تاني هيبقى براحتنا وفي نفس الوقت مش هيبلغوا البوليس

نظروا إلى بعضهم فربما لم يدركوا بعض الكلمات التي قالتها باللغة الإنجليزية، ليقول واحد منهم بتفكير:
-يطلع ايه التوكيشن ده يا مزة؟

همست منة لنفسها بفرحة:
– واضح انهم مش فاهمين..حلو اووي كده

ليصرخ الرجل بعصبية:
-ما تنطقي يا بت

انتفضت علي صوته قائلة بتبرير:
-ما هو حضرتك مش مديني فرصة اشرحلك..يعني الكتب اللي بنذاكر منها موجودين علي سي دي او اسطوانة يعني اكيد حضرتك عارفينها

جذبها من شعرها بعنف:
-الله طب ما تنطقي عربي ياختي

حاولت التماسك :
-طيب حضرتك قولت ايه

نظر إلى الثالث :
-ايه رأيك ياض؟؟

الرجل بتفكير:
-والله انا شايف الفكرة حلوة وأكيد مش هنشبع منها مرة واحدة وهي هتجيلنا كتير

-خلاص موافق..خدي تليفونك كلمي صاحبتك
-متشكرة اوي

طلبت رقم ايتن وهي ترتعش، قائلة :
-ايوة يا تونة..افتحي الاسبيكرر اوكيه لو زوز عندك

انتفض حمزة من مقعده، قائلا بلهفة:
-دي منة؟؟

اومأت ايتن رأسها وهي تفتكر الميكرفون:
-أيوة

منة بثبات :
-كنت عايزاكي تقولي لماما ان انا هبات برة

التقط حمزة الهاتف قائلا بعصبية شديدة :
-وحياة امك انتي هتستهبلي ولا ايه..تباتي فين؟؟

منة بغيظ:
– عندك يا زوز

ايتن باستغراب:
-احنا في الغردقة انتي ناسية؟؟

اومأت رأسها بعنف قائلة بارتباك:
-ايوة عارفة عارفة.. بقولك ايه افتحي داتا بسرعة وانا هفتح ال GPS (نظام تحديد المواقع العالمى)
هبعتلك اللوكشين بتاعي علي الواتساب اوكيه وانتي بقي اتصرفي وفهمي ماما..بس متتأخريش عليا..باي

ثم أغلقت الهاتف لينظر كلا من ايتن وحمزة إلى بعضهم قائلا لها بشك :
– انتي فهمتي اللي انا فهمته؟؟

صرخت بصدمة :
-منة مخطوفة

هز رأسه بنفي:
-لا في حد بيهددها نبرة صوتها فيها خوف متداري.. يعني لسة متخطفتش

ثم أردف بسرعة:
-انا هكلم سيف بسرعة وهبعتله اللوكيشن بتاعها وهو هيعرف يتصرف
__________________________________
زفر الرجل بضيق لمنة:
-مش يلا ولا ايه يا حلوة

منة بخوف:
-استنى بس صاحبتي دي تكلم ماما عشان ماما تكلمني

رد الاخر بعصبية شديدة :
-مش هستني كتير انا

ردت بصوت ناعم :
– 5 دقايق بس اصبروا .. انتوا بتخوفوني منكم كده

ابتسم الأول بمكر:
– صابرين هو احنا ورانا غيرك..بس لو اكتر من 5 دقايق هنروح
___________________________________
سيف وهو يقترب بسيارته بسرعة شديدة :
-حاضر يا حمزة انا اصلا قريب من المكان بتاعها..خلاص انا قربت اهو

وبعد دقائق اتجه إلي المكان
نظر سيف إلى المكان حوله وعاد بنظره حتي وجدهم..فاقترب بسرعة منهم.. ثم اقتربوا الثلاث رجال منه..وهو يلقي نظرة اطمئنان لها..

هتف أحدهم بغضب شديد :
– و ده يطلع مين ده كمان..البت شكلها كانت بتشتغلنا وكلمته يا غبي منك ليه

فلتت منة من يده بعنف و وقفت خلف سيف..نظر ليدها وهي تتشبث بجسده بقوة وتختبيء خلفه ويشعر برجفتها.. لم يشعر “سيف” بشيء سوي وهو يسحب مسدسه من جرابه من خصره وأطلق رصاصة منه في الهواء.. ثم استدار الثلاث رجال له وانتفض جسد منة من رصاصته..

أردف سيف بصوت غليظ وهو يقترب منهم:
-وحياة امك انت وهو لتتربوا

هز الرجلان رأسهم بخوف متراجعين بينما الاخر ما يزال تراوده بعض الشجاعة

ليخرج المطواة من جيبه..بينما ارتعبت منة من الخوف..وقبل أن ينظر لهم ألتقت لكمة في وجهه علي سهو منه، ثم أخذها منه وهي تصرخ بفزع

ليقول الرجل ب شر والمطواة تلتف حول عنقها:
-تحب ادبحهالك هنا ولا تسيبنا نمشي وبكرة هروحهالك

رمقه سيف بعصبية :
-انت اتجننت يا روح امك..بتمد ايدك تاخدها مني وهي معايا

-سيبنا نمشي واوعدك المطواة مش هتلمسها

وقبل أن يهرب بها..صوب مسدسه عليه لتصيب ذراعه صارخا بشدة وقبل أن يفر الرجلان الآخرين انتفضوا برعب مكانهم

اخذ منة التي كانت تصرخ برعب من المشهد الذي أمامها..فجسدها كان ينتفض بشدة

أردف سيف وهو يلكمهم بعنف حتي سالت دماءهم، قائلا لأحدهم الذي أخذ الرصاصة :
-عاملي فيها دكر يا روح امك

أوقفه صوت الضابط الآخر وهو يبعده عنهم الذي طلبه سيف ليأتي بالبوكس كي يأخذهم

-سيبهم يا سيف باشا..خلاص

اخرج الضابط الكلبشات من جيبه و وضعها في يدهم جميعا واخذهم بالسيارة المخصصة للقسم

وأخيرا التفت لها ليراها ما زال جسدها ينتفض و وجها شاحب و يزداد علي ذلك شهقاتها القوية..فهي لأول مرة تتعرض لذلك الموقف بحياتها..و تري دماء أحدهم

اقترب منها وهو يمد لها يده لتنهض..ليري نظرتها البريئة التي مزجها الخوف

قائلا بهدوء عكس ما بداخله :
-يلا يا منة مفيش حاجة خلاص

ازدادت شهقاتها :
-انا كنت هضيع

-الحمد لله الموقف عدي علي خير متخافيش..يلا عشان اروحك

هزت رأسها قائلة بنفي:
-لا شكرا يا حضرة الظابط انا هاخد تاكسي

كان يحاول السيطرة علي غضبه بأقصى ما يتسطيع حتي لا يزيد من رعبها فهي في موقف لا تتحمل أي عصبية..لكن استفزازها جعله يرد بحدة:
-نعم؟؟؟ تاكسي ايه اللي تاخديه..مش كفاية جيتي بالليل لوحدك في حتة مقطوعة و لولا ستر ربنا..وفي الاخر عايزة تاخدي تاكسي

نظرت إليه بضيق واستجمعت شجعاتها هامسة بعناد:
-خلاص هطلب اوبر

فقد السيطرة علي اعصابه وأمسك معصمها بعنف وهو يتجه نحو سيارته ليفتح لها الباب الأمامي قائلا بغضب:
– اتفضلي اركبي..

زفرت بضيق لتستسلم لأمره قائلة بارتباك:
-طيب
___________________________________________
استمر سيف في القيادة دون ان يلتفت لها..بينما هي تشعر بالضيق من صمته.. لينظر لها بعد وقت قصير قائلا باستفهام:
-ليه؟

عقدت منة ما بين حاجبيها قائلة بعدم فهم :
– ليه ايه ؟؟

زفر بنفاذ صبر:
– ليه روحتي المكان ده لوحدك بالليل

هزت كتفيها بلا مبالاة:
-عادي يعني

أوقف السيارة فجأة..ثم التفت لها بغضب وانفاسه الحارة تلفح وجهها ليعاتبها بحدة:
-كنتي هتضيعي نفسك بسبب تهورك وجنانك

شعرت بالارتباك من قربه لتهمس بنبرة خافتة:
-بسببك

زفر بندم قائلا :
-منة انا عارف ان ممكن كلامي ضايقك بس انا اتفاجئت و..

كتمت شهقاتها داخلها تحاول منع دموعها :
-خلاص يا سيادة الرائد..كلامك مش هيغير حاجة..وعموما الف مبروك ذوقك جميل بصراحة

ليدور السيارة مرة أخري.. ثم مدت منة يدها إلى مشغل الموسيقي، قائلة بمرح مزيف:
-عايزة اسمع حاجة كده..

– فيه وائل جسار اللي بتحبيه

وليتها لم تفعل ذاك لأن الأغنية التي جاءت وكأنها تقصد كل حرف من ناحيتها لسيف فتسمرت أمامها وهي تستمع إليها بحزن..بينما هو شعر بالحرج وقرر الصمت

“آه آه
آه آه آه
بعد ما إرتاحت روحي ليك
وعرفت طعم الدنيا بيك
مشيت خلاص و ما قلتليش أنا أعمل إيه
تنساني ليه بالله عليك
و أنا قلبي حياتو و روحو فيك
و إزاي حيجيلو حبيبي نوم لو مش لقيك

أنا قلبي كنت بخاف عليه
شفتك ما اعرفش جرالي إيه
حبيت و خلاص محسبتهاش
و لا قلت ليه
كان حلم دا و لا كان خيال
لا إرتاحت و لا بيرتاحلي بال
ريحني و قولي إزاي البعد
أقدر عليه”

نظرت إليه بعمق ليلتفت إليها في نظرة قصيرة لم تدري معناها.. ثم نظروا أمامهم مرة أخرى ليستمعوا إلي اخر مقطع من الأغنية

“أجمل أيام فاتت أوام
و كإنو يادوب نظرة و سلام
و أنا لسا حبيبي بعيش غرام
و بقول ياريت
على قد ما بتمناك في يوم
ترجعلي و أشوفك بس يوم
حاولت أنساك يوم بعد يوم
و لا يوم نسيت”

بعد فترة قصيرة قبل ان تنزل منة من السيارة اوقفها سيف قائلا بترجي:
-خلي بالك من نفسك يا منة ممكن

ردت بنبرة خالية من أي تعابير:
– حاضر.. شكرا على اللي عملته

– الحمدلله انك بخير … الحمدلله
_________________________
“الأخطاء تجعلك حكيما، والألم يجعلك قويا”

في اليوم التالي

طلبت منه ان تتحدث معه مرة واحدة، فرفض تماما، فقررت أن تضعه أمام الأمر الواقع وذهبت إلى مكان كان يجلس فيه وحده لتستأذنه بالتحدث معه

أفنان بضعف:
-حمزة انت اكيد زعلان من اللي حصل زمان مني

ضحك حمزة بسخرية:
-لسة ايه؟؟؟ زعلان!

هتفت افنان بأسف:
– أيوة .. انا عارفة اني زعلتك ومش هتقدر هتسامحني بسرعة

قهقه ضاحكاً بشدة:
-اسامحك على ايه؟؟ اسامحك على كسرك ليا زمان ولا اسامحك علي انك خليتيني اجرح ناس تانية بسببك ومن ضمنهم شذى !

في تلك اللحظة اقتربت ايتن من المكان وسمعت اخر ما قاله لتتأكد أنه بالفعل جرح شذى لتخرج وهي ترتدي نظارتها الشمسية حتى لا يراها

نكست رأسها بارتباك:
-عارفة ان اللي عملته مش سهل..ومكنتش تتوقع مني كده بس انا..

نظر حمزة لساعته وقد ظهر عليه التأفف والضجر.. ثم نظر تجاه افنان بملامح ساخطة:
ـ عايز اعرف بتلفي وتدوري على ايه، انتي ضيعتي وقتي على فكرة

ثم أردف بنبرة أكثر سخرية:
ـ وزي ما أنتي فاهمة…وقتي غالي اوي يا…يا مدام

أغمضت عيناها بحرج عندما لاحظت تلميحاته وخصوصا اخر كلمة قالها، لتهمس بتوسل:
-تعالى نفتح صفحة من الاول.. انا لسه بحبك يا حمزة

ضحك حمزة بشدة:
– نتبدى صفحة من الاول؟؟ هو اصلا كان بينا حاجة؟؟

زفرت بمرارة:
– كنا مخطوبين وبنحب بعض

قاطعها بنبرة صلبة كملامحه:
– – اتكلمي عن نفسك … انا مبقتش فاكر حبنا ده !
وياريت بلاش نجيب سيرة اللي فات ده..عشان انا مسحته من حياتي كلها

تمتمت من خلال دموعها التي هطلت من عينيها الخضراء:
-انا والله لسة بحبك يا حمزة و معرفتش انساك

حمزة وهو يضع قدم علي قدمه، مفجرا قنبلته:
-اه طبعا مصدقك من غير ما تحلفي بأمارة ابن عمي اللي قرر ميضيعش الفرصة لما فركشنا وفضل معاكي لحد ما زهق منك وسابك هو كمان انتي كنتي غرضك يتجوزك وهو كان عايز حاجة تانية..ولا بأمارة انك اتجوزتي مرتين ولا اهلك اللي سابوكي لوحدك..و.. انا بقول كفاية عليكي كده..

جحظت عيناها بصدمة :
– انت متابع اخباري بقى؟؟

هتف بغرور:
– لا اخبارك كانت بتوصلي لحد عندي بس مكنتش بهتم

ثم أردف بنبرة أكثر سخرية:
– بس غريبة يعني اتجوزتي مرتين و كنتي مصاحبة ابن عمي قبلهم ومعرفتيش تنسيني!

أطرقت لتتساقط دمعاتها علي وجنتيها، قائلة بتوسل وضعف:
-حمزة انت متعرفش انا كنت بمر بإيه وكنت ايه

ليقاطعها بنبرة ساخرة:
– كنتي واطية مش كده !

فتحت عيناها علي وسعهما وقالت بذهول:
– حمزة !

ثم نهض من مقعده فجأة:
– وقتك انتهى معايا يا أفنان
_________________________________
لتجري أفنان اتصال علي شخص ما :
-ايوة..بقولك ايه..حمزة قالي كلام زي الزفت بس انا بقي مش هسكت وانت لازم تساعدني فاهم؟؟
__________________________________
بعيدا عن العاطفة.. احيانا تستحق ما يحدث لك..
كي تغير تفكيرك وتفيق من غبائك قليلا

كانت تجلس في غرفتها..وهي تدفن رأسها بين وسادتها تاركة العنان لدموعها..فلم تسمع باب غرفتها الذي انفتح فجأة لتري يد حمزة تربت عليها بعد ان ازاح الوسادة عن رأسها

-بتعيطي ليه..مش الحوار عدى علي خير الحمد لله

رفعت رأسها تحاول التماسك أمام عينا حمزة المندهش من دموعها:
-مفيش..افتكرت حاجة ضايقتني

زفر بنبرة ساخرة:
-ولا عشان سيف خطب؟؟ ومش هتعرفي تروحي النادي تاني

شهقت بصدمة:
-انت عرفت منين

شدها بقوة من ذراعيها قائلا بغيظ:
-هو ده اللي فارق معاكي ؟ عرفت منين..مش فارق معاكي انك كنتي بتستغفليني..كنتي بتقللي من نفسك عشان واحد انتي مش في دماغه اصلا

صاحت بانفعال، وبدأت عيناها بذرف الدموع :
-بس هو في دماغي

تنهد حمزة بضيق..هامسا بحنو:
-مفيش حاجه تستاهل توجعي قلبك علشانها … قاومي احساسك لأن الحياة كده كده ماشية.. وانتي مش قد الحب ولا وجعه يا منة..خلي قلبك مقفول

رفعت رأسها ببطيء ونظرت بعيناها الدامعتين لوجهه وهمست ببكاء :
-عندك حق انا كنت متهورة وغبية

شعر وكأن سكاكين تغرز بقلبه علي حالها..لا يستطيع رؤية دموعها..ولا رؤيتها حزينة لأي سبب..ضم رأسها لصدره يهدهدها بكلماته ثم رفع رأسها :
-الدنيا مش وردي يا منة زي ما انتي فاهمة..الدنيا فيها ثعالب وشياطين وناس كتير لابسة وشوش تداري بيها وشها البشع..وانا مقصدش سيف بكلامي لان سيف مفيش زيه دلوقتي..انا اقصد تخلي بالك من نفسك

شعرت براحة عارمة تغرق جسدها بعد كلامه..شعرت بالسكنية والفرح يعود إليها ثم اومأت بإيجاب :
-حاضر

قبل قمة رأسها، قائلا بحنان :
-هتاخدى وقتك يا منوش بس هتبقى احسن انا واثق من ده..انا اختي متعيطش علي حد فاهمة!!

هزت رأسها بابتسامة :
-فاهمة
_______________________
في مطعم الفندق فرع إسكندرية
بعد رجوعهم من الغردقة، تفاجأ بطلب من مديره بمستثمر جديد سيشاركهم بالفندق ونقل أفنان إلى فرع إسكندرية

أفنان بالإشارة إلى الرجل في أواخر العشرينات من عمره:
-مستر حسن العقاد..المدير التنفيذي لمجموعة شركات العقاد..و ده اللي هيشغل فلوسه في الاوتيل..و ده مستر حمزة والأستاذة ايتن المانچر ماركتينج

ايتن بابتسامة :
-ااه اهلا يا فندم..اكيد طبعا عارفة.. حضرتك غني عن التعريف

-اهلا بيكي

ابتسم قائلا بإعجاب لآيتن:
-عاجبني اوي استايل المطعم هنا شيك جدا و راقي مع أن .. شياكة المكان متجيش حاجة جنب شياكة حضرتك يا انسة ايتن

ابتسمت ابتسامة صغيرة علي وجهها، قائلة بامتنان:
-ميرسي اوي

ثم اردف قائلة لحمزة بتساؤل:
-ايه رأيك يا مستر حمزة متفاؤل بالشغل معايا ؟

بهتت ابتسامته وهو يقول ببرود:
-معتقدش..اصل الجواب باين من عنوانه

قطبت أفنان حاجبيها بدهشة :
-لا ده تحفة طبعا..حضرتك ازاي متعرفش شغل مستر حسن

قاطعها مغيرا الحوار، قائلا بغضب:
–ميهمنيش اعرف وبعدين هنقضيها كلام ولا ايه؟ احنا جايين نتكلم في الشغل وننجز

همس حسن بإحراج:
-تمام

بعد مرور ساعة
كانت تقف مع حسن لشرح المشروع الجديد..بينما هو منشغلا مع احد العاملين

بعد قليل..
سمع صوت ضحكة عالية أطلقتها ايتن مع حسن..فحاول تجاهلها لكنه لم يستطع

كان يدعي الكبرياء وعيناه لن تغفل عن مراقبتها..

واخيرا اقترب منهم مقاطعا كلامهم، ليهتف حمزة بحزم:
-ايتن..كفاية كده اتأخرنا..يلا نروح

ردت بضيق :
-لا خلينا شوية

زفر بصلابة:
– يلا مش هكرر كلامي

رد حسن بنبرة ساخطة:
-مش شايف انك مزودها اوي..هي مش صغيرة ممكن تروح لوحدها

هتف من بين أسنانه:
-وهي جاية معايا

ازاحها حسن لتقف خلفه، قائلا بتأكيد:
-ايتن هتفضل قاعدة معايا..وانا هروحها لحد البيت..روح انت يا حبيبي

تحول هدوء حمزة إلى غضب شديد، وهو يجذبها من وراء حسن

أومأ حسن رأسه متفهما وانصرف بعيد عنهم

صاحت ايتن قائلة بتألم:
-سيبني..خلعتلي كتفي..وبعدين انت مالك بيا اصلا

ثم اقترب حسن مرة أخري وفي يده كوب ماء به قطع ثلج، متدخلا في الحوار قائلا باستفزاز :
-جبتلك كوباية ماية ساقعة متلجة اوي هتروقك

تحاشي النظر إليه قائلا بعصبية:
-الكلام خلص لحد هنا يا حسن

تنحنح حسن ليجيبه بمكر :
-متشغلش بالك هي مبسوطة معايا، و متخافش عليها مش هشربها حاجة صفرا و أخدها معايا البيت

لم يستطع سماع باقى كلماته المستفزة، ليلكمه بعنف جعلته يسقط علي الأرض بقوة..ثم اقترب منها بخطي واثقة و سريعة و وقف أمامها بقوامه الطويل بينما سرق كوب الماء المثلج من بين يدها و سكبه علي حسن، شهقت ايتن لتتسع عيناها بذهول مما حدث، اقتربت منهم في تلك اللحظة أفنان وسمع همهمات بعض الناس فتجاهلهم، وهو يشدها إليه لكنها دفعته بعيدا عنها لتعود إلى حسن، لكنه لم يرضي بما تفعله بل سارع إلى شبع غروره بمسكها من يدها بعنف مانعا مقاومتها..هامسا بحدة:
-يلا نمشي قولت

وجدت ايتن نفسها تائهة لثوان..بلعت ريقها و حاولت إفلات نفسها، ليزداد الأمر سوءا، فقيد معصميها ليمنعها من اي مقاومة ..ارادت تحريك يدها للمقاومة لكنه ازداد الضغط عليها، همست ايتن بإلحاح:
-مش عايزة امشي

رفضت ايتن التحرك معه، وحاولت تقاوم بأقدامها بغضب طفولي، أحاطها بذارعه القوية ورفعها علي يديه بحركة جعلتها تصرخ،
شهقت ايتن وتسارعت دقات قلبها بجنون، أرادت المقاومة لكنه سلب منها قواها ..لم يستغرق الأمر وقتا طويلا حتي وضعها في سيارته المفتوحة من السقف، ليجلسها في المقعد الأمامي من السيارة، ثم قفز حمزة سريعا جالسا بجانبها ، ليبدأ التحرك فورا

صاحت باندفاع :
-ايه الجنان ده !..عامل نفسك سوبر مان

اقترب منها، فشعرت بسخونة أنفاسه على وجهها وخصلة شعره المتمردة مثلها، تداعب جبينه

هتف قائلا بعصبية:
-اللى حصل ده مايتكررش تاني
__________________________________
بعد مرور وقت في سيارة حمزة

زفر حمزة بضيق:
-انا مبحبش العند يا ايتن..وانتي بتستفزيني بتصرفاتك السخيفة الطفولية

حدقت به بذهول:
-انا تصرفاتي سخيفة يا حمزة؟؟

فقد السيطرة علي اعصابه قائلا بعنف:
-ايوة..عشان قولتلك يلا نمشي فضلتي مصممة..وعايزة تقعدي مع الزفت ده

همست بدهشة:
-انت بتزعقلي؟؟؟

ارتفع صوته بعصبية أكثر :
-عشان لما اقولك يلا..يبقي تسمعي الكلام من سكات

-اسمع كلامك؟؟ بصفتك ايه معلش..وبعدين انا مش فاهمة انت كنت متضايق منه ليه

بعد دقيقتان.. وقف امام العمارة قائلا بسخرية :
-انزلي خلاص وصلتك ولا عايزة تقعدي معايا شوية

رفعت حاجبيها قائلة بحدة:
-انت تطول اصلا اني اقعد معاك؟!

ثم نزلت وهي تفتح باب السيارة بعنف خلفها وتركتها مفتوحة:
-ابقي اقفلها انت بقي
_________________________
في مكتب حسن

سألها حسن بفضول :
-انتي عايزة ايه من حمزة يا أفنان

ابتسمت بمكر:
-عايزاه..

ضحك قائلا بسخرية:
-انسي

أفنان بحزن:
-معرفتش أنساه

غمز لها قائلا بخبث:
-يا فيفي انا انسيهولك

زفرت بضيق:
-حسن بطل بقي طريقتك دي..حمزة لحد دلوقتي مرتبطش ولا خطب بقاله اكتر من 8 سنين..يعني معناه انه لسة بيحبني بس بيكابر..انا بقي عايزاك تشغل اللي اسمها ايتن دي عشان لو فيه إعجاب بسيط يبقي يروح..والجو يفضالي انا وميزو وانا هعرف اوقعه

حسن بتفكير:
-هي الصراحة ايتن دي قمر..بس مشوفتيش حمزة عمل فيا ايه عشانها ده شكله بيغير عليها

أفنان بتبرير:
-عمل فيك كده عشان انت استفزيته يا سونا وعشان السبب التاني انت عارفه..لكن معتقدش غيرة لا

وبداخلها خوف ان يصبح الموضوع غيرة حقا
______________________
بعد مرور أسبوعان

في مكان آخر بمحافظة الفيوم

كان يقف رجل امام شاب بأوائل الثلاثينات في إحدى الشقق الراقية والتي هي مكان عمله يستخدمها شركة محاسبة لمتابعة عمله وعلى الجهة المقابلة تقع شقته في نفس المبنى، دلفت فتاة في أواخر العشرينات من عمرها وهي ترتدي ملابس باللون الاسود حداد على شقيقتها المتوفية منذ وقت قريب

– انا عايزة اعرف انت بتعمل ايه للستات بتخليها تهرب منك او تنتحر بسببك !

زمجر من بين أسنانه:
– ايه اللي بتقوليه ده انتي اتجننتي؟

صرخت قائلة بحرقة:
– اختي ماتت ليه ؟

نفخ حانقاً:
– ‏وانا مالي هو انا اللي موتها؟

أردف وهز رأسه بقوة وهو ياخذ نفس عميق متمتماً:
-دي ماتت منتحرة ياختي في قلب بيتكم ولا نسيتي

حدجته بنظرة قوية بدون خوف ثم تمتمت بثقة:
– ومين كان السبب !! مش انت؟؟
أنت اللي كنت سبب في موت اختي انا واثقة في كده..وأنت برضو اللي بسببك خطيبتك الاولى هربت منك وسابت محافظة الفيوم باللي فيها والله اعلم مصيرها إيه !
ولا مراتك الاولى اللي اختفت فجأة ومحدش عارف راحت فين؟؟

لم يجيبها بأي شيء، فأردفت بقوة هاتفة:
-ما ترد ساكت ليه؟؟؟
البنات دي شافت منك ايه ..
شافوا ايه منك يخليهم يدمروا حياتهم كده ويبيعوا حياتهم باللي فيها
اختي … اختي اللي اهلي سلموهالك امانة يا اخي تعمل فيها كده؟؟

دمعت عيناها وقالت بصوت مخنوق:
-بالله عليك ريح قلبي … ريح قلبي و قلب أمي اللي محروق عليها
طب عملت حاجة ؟؟ آذتك في حاجة؟

التفت بحدة:
– بلاش اقولك هي عملت ايه … عشان لو عرفتي هترتاحي انها عملت كده في نفسها وانتحرت

صاحت بنفي :
– كدااااب … اختي متعملش حاجة غلط.. انا واثقة في تربيتها يا حيوان

أومأ بإجهاد ثم أردف:
– و إيه اللي خلاها تنتحر بقى ؟؟؟ ايه خلاها تهرب مني واحنا في شهر العسل ؟؟

– يا بحاجتك يا أخي..ما تقول لنفسك .. هو في عروسة تسيب عريسها في شهر العسل وتهرب وترجع بيت اهلها منهارة ومابتنطقش .. وكل ما تقعد لوحدها تصرخ وتعيط … شافت منك ايه خلاها تعمل كده … شافت منك ايه خلاها تنهي حياتها بالطريقة البشعة دي
شافت ايه خلاها تستغنى عن روحها وحياتها واهلها !

– وانا مالي بكل ده ؟؟؟ انا مش هقولك هي عملت ايه … مش هقدر…غصب عني…دي برضو واحدة ماتت مينفعش اتكلم عنها

أومأت برأسها وهي ترد بنبرة ساخطة:
– ومراتك الاولى !! برضو اختفت وانت متعرفش ؟؟
ولا يا ترى بقى عملت حاجة مش قادر تقولها …معقولة كل البنات اللي كانوا في حياتك هما اللي ظلموك !

– هو أنتِ جاية تعملي تحريات عن علاقاتي السابقة بعد ما اختك ماتت ؟

صاحت باكية:
– مش هسكت إلا ما اجيب حقها منك…حق اختي مش هيروح

أخرج زفرة حارقة ضاغطاً على أسنانه:
– وانا مستنيكي تجيبي حقها … بس يكون في علمك … انا مش هنطق ولا هقول حصل ايه … عشان سر اختك مش مع حد غيري … غيري انا وبس

فكرت قليلاً :
– وماله بس متنساش أن خطيبتك الجديدة لسه متعرفش كل ده !! انا هروحلها وهقولها كل حاجة.. مش دي برضو الضحية الجديدة بتاعتك !!

لتجد خلفه خطيبته الحالية وهي تنظر له بتردد وعيناها متسعة بذهول

– مهاب … ايه اللي سمعته ده ؟؟؟

– أمنية حبيبتي انتي فاهمة غلط … دي واحدة حقودة بس و كذابة

تراجعت أمنية بخوف، صرخت الفتاة الأخرى والتي تدعى دعاء قائلة:
– هو اللي كذاب …اهربي يا أمنية .. هيدمرك هيغدر بيكي زيهم

صاح يستدعي الأمن بسرعة وهو يطلب منه اخراج دعاء بينما خطيبته واقفة كالصنم لا تستطيع أن تنطق ولا تفهم شيئاً، حاول شرح لها بطريقته الراقية الحنونة كعادته التي لا تشبه شيطانه الداخلي

– صدقيني يا حبيبتي دي كذابة…ما انا قدامك اهو…شوفتيني عملت حاجة ؟

– بس بس هي انتحرت ليه؟

– خانتني

اتسعت حدقتيها بذهول :
– مقولتلهاش كده ليه يا مهاب !!!

– مقدرش…حرام دي ماتت مينفعش أوجعهم على بنتهم

– ما يمكن بتضحك عليا انا كمان زي ما هي بتقول

– أمنية … حبيبتي انتي عارفة اني محبتش غيرك … صحيح اتجوزت مرتين بس مفيش واحدة خطفت قلبي غيرك..اومال انا بحبك ليه ؟ عشان عارف انك هتحافظي على اسمي

– طب ومراتك الاولى …اللي اللي اختفت !

-دي طليقتي مش مراتي…كنت مطلقها قبلها…لو تحبي اوريكي القسيمة وتتأكدي..ومعايا كمان صورة من المحضر اللي أهلها عملوه عشان اختفاءها..تحبي اوريكي يا موني ؟

نظرت له بتردد, فهز كتفيه وهو يطلب شخص ما ويطلب منه بعض الأوراق بينما هي ترمقه بحيرة وقلبها يدق بشدة

– خلاص يا مهاب انا مصدقاك …بس لازم امشي دلوقتي عشان قولت اعدي عليك في الشغل…ومش هتأخر

امسكها من معصمها برقة قائلا:
– مش هسيبك تمشي إلا لما اثبتلك الحقيقة

– مفيش داعي يا مهاب … انا مصدقاك خلاص

– والله ابدا … وبعدين احنا كنا خارجين النهاردة ولا نسيتي

– الواد هيجيبلي الورق اللي طلبته منه …مش عارف اتاخر كده ليه …استني هكلمه تاني

خرج من المكتب واغلق الباب خلفه, ليتصل على مدير أعماله قائلا:
– روحت الموظفتين اللي كانوا فاضلين زي ما قولتلك في الرسالة

– أيوة يا باشا

– موضوع أمنية لازم يخلص النهاردة…دي خلاص شمت ريحة الغدر…ومش هسيبها تمشي وتفضحني ولا تفتش ورايا مش كفاية الزفتة اخت مراتي اللي مش سايباني في حالي…و ايتن … مش هقولك تاني تدور عليها وتقلب الدنيا كلها عليها …ايتن لازم ترجع تاني

ليغلق الهاتف معه, بينما فتحت أمنية الباب فجأة وهي تسير بخطوات متعثرة :
– ماما اتصلت عليا ولازم امشي حالا.. ابقى ابعتلي الورق على الموبايل

جذبها من ذراعها بعنف قائلا :
– انتي مش واثقة فيا !!!

صرخت به بغضب :
– انت اتحولت ليه دلوقتِ؟ سيبني امشي …سيبني

دفعها نحو الجدار وهو يغلق الباب خلفه ولكن بالمفتاح ، هامسا بنبرة شيطانية خطيرة :
– مش هسيبك…مش انتي عندك فضول تعرفي انا عملت ايه فيهم !!
انا بقى هوريكي عملت ايه فيهم !

صرخت برعب متوسلة إياه :
– لااااا…ابوس ايدك لا يا مهاب

– متخافيش مش اللي في بالك خالص … ده انا بقالي شهور مستني اثبتلك و اوريلك الوش التاني من مهاب !
_______________________
في الفندق

كان يتحاشي الحديث معها او الاختلاط سويا منذ آخر مقابلة بينهم وما فعلته بالمطعم..وهي لم تحاول الاعتذار أو التحدث معه

جذبها من معصمها فجأة :
-تعالى عايزك في مكتبك

فلتت يده منه قائلة بضيق:
– لا والله لسة فاكر تكلمني..ما كنت تكمل شهر مخاصمني بقي

دلفا إلى المكتب، قائلا بغضب:
-واللي انتي عملتيه يوم المطعم ده كان ايه..ده انتي حتي مفكرتيش تعتذري

شهقت ايتن :
-اعتذر ليه؟؟ هو انا غلطت!!

حمزة بنبرة ساخرة:
-لا خالص انتي ملاك

اومات ببرود:
-عارفة

-طيب اقعدي عايزك في موضوع كده

عقدت يديها أمام صدرها ثم قالت بسخرية:
-خير؟؟

رمقها بحدة وهو يضع ساق فوق الأخرى :
-قولت اقعدي

زفرت بنفاذ صبر :
-قعدت اهو خير

اقترب منها وهو يهمس بجانب اذنيها:
-تتجوزيني

يتبع….
___________________
مستنية رأيكم وتوقعاتكم ????❤️❤️
لو وصلتوا البارت ده لـ 400 لايك وكومنت هنزل بارت هدية بكرة ????الفصل العشرون

-تتجوزني!!

جف حلقها و اتسعت حدقتاها ذهولا لما سمعته، قائلة بصدمة..

ضحك حمزة بسخرية :
-مش مصدقة نفسك من الفرحة انا عارف

شهقت بغيظ:
-ليه يعني هتجوز الممثل التركي “akin akinozu ” ؟

حمزة بابتسامة مستفزة، قائلا بثقة:
-لا Sorry انا متقارنش براجل تاني..حمزة واحد بس

صاحت ايتن بزهق:
-حد قالك قبل كده انك مغرور

قهقه بضحكة جميلة أظهرت غمازتيه:
-كتير..بس عمري ما اقتنعت لأن انا واثق في نفسي

ابتسم حمزة بغرور و وضع يده في جيب بنطاله:
-عموما انا هسيبك تفكري..ولو ان طلبي ده مش محتاج تفكير

ايتن بهدوء مفاجئ:
-انت عايز تتجوزني ليه؟؟ واشمعنا انا بقى!

حمزة بشرود:
-مش عارف..كل الموضوع انك عاجباني او عاجبني وجودك معايا…داخلة دماغي يعني.. و شايف ان انتي اللي عايزها تبقي مراتي ومناسبة

جزت علي أسنانها بغيظ:
-نعم؟؟ يعني مش عشان بتحبني!!

نظر لها قائلا بسخرية :
-بحبك؟ مين جاب سيرة حب..انا محبتكيش طبعا لسه، بس ممكن بعدين يعني احبك

قالت له بسماجة:
-اسفة يا حمزة..مش موافقة

رفع إحدى حاجبيه قائلا بنفي:
-لا انا هسيبك تفكري
_________________________
في احدى المستشفيات

قالت خديجة بغضب لزوج اختها:
-يا بجاحتك..اختي كانت بتموت وانت جاي بكل برود بعد ما فاقت وبقت كويسة تقول كان في ايه

رمقها ببرود:
-مكنش معايا فلوس.. لما روحت اقبض كان القبض واقف، ومعرفتش اجي اخدها وبعدين ما انتي خلاص جبتيها المستشفى وبقت كويسة اهي

جحظت عيناها بذهول:
-بقت كويسة؟؟انت بني آدم مش طبيعي..معندكش رحمة!!

زفر بنفاذ صبر قائلا:
-بقولك ايه..انا جاي اخد مراتي..جو المحاضرات بتاعتك دي بعدين..يلا يا حبيبتي انا هستناكي تحت هشوف تاكسي علي ما تكوني خلصتي انتي

اومأت اختها بإيجاب :
-حاضر

بعد خروجه، هتفت خديجة بصدمة وعتاب:
-انتي اكيد بتهزري صح؟ عايزة تروحي ده الدكتور كان بيقول اختك لو عاشت هيبقي معجزة..وفضلت اجري عشان اشوفلك دم واكلمه يدور معايا طنشني ده واطي و نطع..بدل ما تستني شوية يحفي عليكي ويعتذر ويتمرمط

صاحت اختها بضيق:
– يوووه بقى ملكيش دعوة انتي يا خديجة..ده جوزي وانا حرة معاه متدخليش بينا وكفاية انك غلطتي فيه دلوقتي وانا ساكتة..مش معنى اني تعبانة كده انك هتسوقي فيها

هتفت بنبرة ساخطة:
-تمام عايزة ترجعي عشان يموتك تاني مش كده..اشربي بقى بس ياريت يا حبيبتي متجيش تكلميني وتقوليلي الحقيني بموت..يا شيخة ده انتي حتي مقولتيش شكرا انك انقذتيني..يلا روحيله خليه يدوس عليكي بالجزمة
_____________________
في محافظة الفيوم …

هتف الرجل مدير أعمال مهاب بثقة:
-هي يا باشا اللي شوفتها في اسكندرية في الفندق..بس شكلها كان متغير شوية..وكان معاها واحد كده شكلهم يعني في بينهم حاجة

هتف بغيظ:
-معقولة؟؟؟ لا معتقدش ان ايتن ممكن ترتبط او تحب بعد اللي عملته فيها

-مش عارف بقي بس لما سألت عرفت أنها بتكون موجودة معاه كتير بس بيشتغلوا سوا يعني

صاح بغضب شديد:
-وانت كل ده مدورتش في إسكندرية ليه يا غبي.. ما انا مشغل حمار

-وانا كنت اعرف منين ان البت كانت ذكية كده..ما هي كانت حاطة نسخة من ورقها في جامعة الفيوم وتقريبا كانت دافعة لحد عشان الحوار يتسبك وطلعت ناقلة ورقها كله في جامعة إسكندرية واحنا كل ده كنا فاكرينها مبتروحش الجامعة

قاطعه مهاب بحدة :
-خلاص اختفي من وشي دلوقتي

ثم أردف لنفسه بمكر:
-وحياة امك لاندمك علي كل لحظة فكرتي تبعدي فيها وعلي اللي عملتيه فيا يا ايتن

ليدلف إلى المكان الذي أخفى فيه ضحيته الجديدة، ليجدها منهارة وترتجف من الخوف والرعب الذي عاشته، فلم يأتي أحد لينقذها من يده، لينهي ويدمر حياتها بالفعل .. أخرجها من شرودها صوته قائلا :
– اهلك بيدوروا عليكي وسألوني عنك قولتلهم معرفش عنها حاجة ومشوفتهاش اصلا… عارفة لو حاولتي تهربي .. هخليكي تندمي عمرك كله…

لم تلتفت إليه ولم تسمع ما يقوله، فكانت في عالم آخر… فكل ما حدث لها ولا في الخيال، حتى أنه نادرا ما يحدث في الافلام والمسلسلات الدرامية

فهي وقعت ما شيطان، من احقر الرجال
________
في إحدى الكافيهات الراقية

-بسرعة كده؟؟ طلب يتجوزك..انا كنت فاكراه هيحبك الأول وبعدين..

قالتها شذى لايتن..بصدمة عندما سمعت ما قالته

لتردف ايتن بذهول:
-وانا زيك اتصدمت طبعا..قالهالي خبط لزق كده

-طب وبعدين هنعمل ايه؟؟

هزت رأسها بضيق:
-كده الاتفاق اتغير للأسف..لأن خطتنا كانت لما حمزة يعترفلي بحبه..اجرحه وابعد..وهو حتى معترفليش بحبه وقالي انه عايز يتجوزني عشان شايفني مناسبة وخلاص

أغمضت عينيها بتعب:
-مش قادرة اصدق ان بعد ده كله الخطة راحت علي الفاضي

-للأسف بقي

ثم اردفت باستفسار:
-طب انتي كده هتعملي ايه؟

ردت بتبرير:
-انا عملت اللي عليا يا شذى وعموما انا رفضت اصلا..بس هو قالي افكر وهقوله قراري النهائي اني رفضت

شذي بصوت شبه باكي:
-بعد ده كله!!

زفرت ايتن بنفاذ صبر :
-اعمل ايه طيب..صدقيني مفيش حل تاني و للأسف حمزة كسر كل توقعاتي بتفكيره..انا مبقتش فاهمة دماغه

شذي بحزن:
-طيب عموما شوفي حضرتك هتاخدي كام وانا هحاسبك علي شغلك

هزت رأسها بنفي:
-لا مالوش داعي..ما انا مكملتش خلاص
______________________
مر اسبوعين منذ اخر مرة رآها ومازالت عند رفضها للزواج..وتهربها منه

رن جرس الباب وسمعت امها ترحب بالزائر..وبعد مرور دقائق سمعت طرقة خفيفة على باب غرفتها تبعها دخول أمها بابتسامة سعيدة، قائلة:
-تونا حبيبتي…انتي صاحية..؟

اومأت بإيجاب :
ـ أيوة يا ماما ..فيه حاجة ولا ايه؟

-فيه ضيف عندنا بيقول انه زميلك في الشغل وفيه ورق مهم عايز ياخده منك

اتسعت عيناها بحيرة لأول مرة يأتي أحد من الفندق وكيف علم عنوانها..؟؟ هي لم تعرف أحد بعنوانها باستثناء صديقاتها المقربين

لتسألها بتوجس:
-شكله ايه يا ماما؟؟

امها بابتسامة مشرقة :
-حاجة كده قمر شبه نجوم السينما

صاحت بغيظ:
-ماااما..بقولك شكله ايه، مش عشان تمدحيلي فيه

-هو طويل كده وعريض شوية وعنده دقن وشعره اسود وابيضاني شوية وعينيه لونها زيتوني

اعتدلت ايتن بسرعة:
-عنده غمازتين كده لما بيضحك؟؟

امها بشرود:
-لا ما هو مضحكش..بس حاجة كده قمر قمر..ربنا يجعله من نصيبك يا حبيبتي

زفرت بضيق :
-ماااما وبعدين..بس المواصفات دي شبه حمزة..خصوصا ان محدش عارف عنواني غيره

ثم شهقت بانزعاج:
-انا مش فاهمة ايه اللي جايبه هنا..! طيب بصي اطلعي قوليله

انتفضت عندما سمعت ذاك الصوت الرجولي المميز الذي تعرفه جيدا، ليقول حمزة بنبرة ساخطة:
-انك نايمة مش كده..؟؟؟

فتحت فمها ، وجحظت عيناها، ولسانها مقيد عندما ظهر بقوامه الفارع من خلف والدتها بابتسامة جذابة ، لكنه لم يرفع عينيه إليها حتى أنه لم يدخل الغرفة.

ثم اردف بسخرية:
-وبعدين ليه تكسفيها وتطلعيها كدابة

انتفضت ايتن، قائلة بغضب:
-أنت..انت ازاي تدخل مرة واحدة كده ..افرض كنت لابسة حاجة مينفعش تشوفها

ضحك قائلا بتبرير:
-أولا الباب كان مفتوح والريسبشن جمب اوضتك.. ثانياً مامتك طولت فتوقعت انك هترفضي.. ثالثاً بقى و ده الأهم اني مبصتش عليكي اصلا وبكلمك وانا باصص في الأرض عشان لو لابسة حاجة يعني مينفعش اشوفها !

هتفت بحدة:
-لا ومحترم أوي كمان

رفع رأسه قائلا بايجاب:
-اكيد طبعا

زفرت ايتن بضيق:
-عايز ايه؟؟

حمزة بتلقائية:
-قهوة

رمقته بغيظ:
-عايز ايه يا حمزة؟؟

التفت لأمها قائلا بابتسامة:
-طنط..لو سمحتي هتعبك معايا..ممكن فنجان قهوة مظبوطة من ايديكي

اومات بإيجاب:
-اه طبعا يابني..حالا والقهوة تكون عندك

وقبل خروجها، اوقفتها ايتن بحدة:
-ماااما..استنى..هو جاي يسألني علي حاجة في الشغل بسرعة وماشي..مالوش داعي قهوة ولا حاجة

حمزة بمزاح:
-منين من المنوفية يا آيتن؟؟

ايتن بضحكة صفراء :
-دمك خفيف أوي

رمقتها امها بعتاب:
-ينفع كده يا ايتن..يقول علينا ايه؟؟ اتفضلوا في الريسبشن على ما اعمله القهوة

خرجوا إلى الصالة..بينما دخلت امها المطبخ تعد له فنجان القهوة

حمزة بملل:
-عدى أسبوعين يعني وبتتهربي مني ومش عايزة تردي على طلبي !

نظرت إليه ايتن بدهشة .. هل يمزح أم ماذا ؟؟ فهي سبق لها أن رفضت طلبه

لتجيبه بثبات:
-انا رديت عليك قبل كده و قولتلك مش موافقة

اجابها ببرود:
-وانا مقبلتوش..و قولتلك هسيبك تفكري

جزت على أسنانها بغيظ:
-مالوش لازمة انك تديني مهلة افكر..وعموما انا برفض طلبك للمرة التانية

حمزة بغرور:
– مش مقبول

اعتدلت بجلستها وقالت بدهشة:
-نعم؟؟ انت عرضت عليّ الجواز وأنا يا أوافق يا أرفض..وانا خلاص رديت عليك و رفضت.. يبقى انتهينا

همس حمزة بصرامة:
-لا هو رد واحد بس…الرفض لا..الـoption “الاختيار” المتاح ليكي الموافقة

وقفت ونظرت إليه بغضب:
-ده كده حضرتك عايز تمشي كلامك..ومش آيتن اللي حد يمشي كلامه عليها..وبعدين هو الجواز بالعافية؟؟

وقف مواجها لها؛ ليكمل بغموض:
-أنتِ اللي اضطرتيني اصمم بالطريقة دي

– نعم ؟؟

حمزة بهدوء :
-أيوة لو كنتي قولتي سبب لرفضك كنت عادي جدا هعدي الموضوع و أقفله نهائي…لكن حضرتك رفضتي كده وخلاص من غير سبب !

ايتن بحدة و اندفاع:
-عادي يعني..رفضت..هو لازم يكون فيه سبب..ولا عشان انا جيت على الجرح ورفضت نتجوز وكرامتك نقحت عليك بقي و ازاي “حمزة العقاد” يترفض

نظر إليها بتمعن وكأنه يحاول أن يستكشف سبب رفضها، قائلا بحزم:
-خلاص احنا فيها..قولي السبب وانا هقفل على الموضوع خالص

ارتبكت ايتن قائلة:
-يوووه قولتلك مفيش مفيش

– أنا بديلك فرصة تقولي السبب وصدقيني لو قولتي السبب المقنع يبقى الموضوع اعتبريه انتهى.. ومش هفتح كلام فيه نهائي، ومهما كان السبب مش هزعل منك ولا هغير موقفي ناحيتك…لكن هسيبلك حرية الاختيار

زفرت قائلة بنفاذ صبر لأنها تريد أن تتخلص من الموضوع كاملاً :
– بص هو السبب يعني …

نظر كلا منهم للآخر بتحدي لتدخل والدتها في تلك اللحظة..شعرت بالاستغراب قليلا، لتقطع ذاك الصمت وهي تقدم له القهوة

-القهوة يابني

ارتشف قليلا من الفنجان ثم وضعه، قائلا بابتسامة:
-تسلم ايدك يا طنط..معلش يا ايتن ناوليني ورق الماركتينج بتاع المشروع الجديد

فتحت فمها بذهول:
-ها

اردف بنبرة ساخرة:
-ها ايه بس…عاوز الورق

ثم غمز لها قائلا بخبث:
-اومال انا جاي ليه

رمقته بغيظ:
-ااه طيب

ثم دلفت لتعطيه اول ملف علي مكتبها، قائلة بحدة:
-ابقي رجعهم بكرة مع اي حد من الشركة عندك
___________________
في المساء

هاتفت شذى ايتن، قائلة بحزن:
-بصراحة كده فكرت فيها..لقيت انك توافقي علي جوازك من حمزة

جحظت عيناها بدهشة:
-انتي اللي بتقولي كده

شذي بشرود:
-زي ما بدأنا اللعبة..لازم تنتهي..ولما يعترفلك بحبه تطلبي الطلاق وتسيبيه

صاحت ايتن بحنق:
-انتي اتجننتي أو بتهزري

صاحت بجنون:
-الجنان اللي بجد لو بعد ده كله..كل حاجة تروح علي الفاضي

هزت رأسها بعنف:
-لا يا شذي..سوري مش هقدر اوافق علي العرض ده

-نعم؟؟

هتفت بحنق:
-مش هينفع ده جواز..معلش انا اسفة يا شذي
________
كانت يتجاهل مكالماتها منذ ثلاث أيام..بسبب عدم ردها الواضح،وأخيرا قرر ان يعطيها الملف لتستكمل عملها المعطل بسببه

لتتفاجأ به يبلغها انه امام باب الشقة، فتحت بسرعة وهي تدور بعينيها على الملف، يبدو انه يخفيه خلف ظهره:
-فين الفايل يا حمزة..عايزة اكمل شغلي

ضحك حمزة باستمتاع:
-مش هديهولك غير لما تقولي سبب رفضك

زفرت بنفاذ صبر:
-قولتلك مفيش أسباب..عايزة اخلص الشغل اللي متعطل بسببك

دلف إلى الداخل عندما سمحت له والدتها، قائلة بابتسامة:
-نورتنا يا حمزة

-ربنا يخليكي يا طنط ده نورك

هم بالدخول إلى الصالون، ثم ردت امها بارتباك:
-معلش يابني يمكن تزعل مني.. بس يعني في حاجة عايزة اقولهالك

قاطعها حمزة :
-اتفضلي طبعا..قولي اللي حضرتك عايزاه يا طنط

ردت بحرج:
-شوف يا حبيبي..احنا لوحدنا زي ما أنت عارف ومفيش معانا راجل، واكيد انت فاهم في الأصول يعني أنه ميصحش ..وانت جاي بالليل والجيران يعني ممكن يتكلموا او ميفهموش انك زميلها و كنت جاي ترجع الورق بتاع الشغل بتاعها

تنهدت ايتن بثقة :
-مش هيجي تاني يا ماما وبعدين هو مش هيقعد كتير..هيديني بس الملف وهيمشي

تجاهل كلام ايتن، قائلا بنبرة جادة:
-لا طبعا وانا ميرضينيش يا ست الكل ان حد يتكلم عن ايتن وعشان كده هصلح غلطتي دي حالا..و يشرفني اطلب منك إيد آيتن بنتك..

قالت بسعادة:
– راجل يابني ماشاء الله…والدتك عرفت تربيك بصحيح

– تسلمي يارب

ضحكت فادية باطمئنان:
– خد راحتك بقى أنت خلاص هتبقى زي ابني كده

قاطعتها ايتن بحدة مبالغة:
-مااااما..في ايه؟؟

اردفت امها بابتسامة جميلة:
-هقوم اجيب شربات بدل القهوة بقى

اتسعت عيناها ثم ضاقت بقوة وهي ترمقه بغضب وغيظ، قائلة بحدة:
-نعم..انا مش موافقة

امها بأمر:
-اتفضلي ادخلي أوضتك يا ايتن…

ايتن باعتراض:
– يا ماااما

قاطعتها والدتها بغضب:
-عيب يا ايتن كده ..ادخلي جوه قولتلك

جرّت قدميها إلى غرفتها وأغلقت الباب بعنف، لتسمعه يقول بصوت عالٍ:
-ايتن..انتي لو مش موافقة فعلا خلاص..انا ممكن اسحب كلامي عادي

خرجت من الغرفة، قائلة بنبرة ساخرة:
-طبعا ما الكورة دلوقتي في ملعبك عشان ماما موافقة عليك ومرتاحة لك

هز رأسه بنفي:
-لا عادي..انا في الاول بس كنت عايز اعرف سبب رفضك ولما لقيتك مصممة علي الرفض فعلا..قولت خلاص براحتك..انا بس كان من حقي اعرف ايه السبب

قاطعتهم امها:
-لا يابني ميصحش برضو ترفضك كده..انا هتكلم معاها وهخليها ترد عليك

ثم وجهت كلامها لابنتها:
-ادخلي انتي يا ايتن عشان عايزة اتكلم معاه لو سمحتي

دخلت غرفتها مرة أخرى..شعرت بالدهشة على سعادة وارتياح والدتها لطلب حمزة وموافقتها عليه فدائما تتركها لقرارها..و في اي مناقشة تتحدث امها مع حمزة؟! ولماذا غضبت من تصرف ايتن مع حمزة؟؟؟!!
_____________________
قالت فادية بتفهم:
-انا عارفة انك عايز تعرف ايه سبب رفضها..بس صدقني يابني اللي ايتن شافته في حياتها مش سهل..ايتن عانت كتير اوي من وهي لسة طفلة…مش هبالغ لو قولتلك انها حتى معاشتش طفولتها زي اي طفلة في سنها

انتبهت حواس حمزة لحديث امها، قائلا بفضول:
-حصل ايه؟؟

سألته بهدوء:
-انت تعرف باباها فين؟؟

-لا ايتن كانت قالتلي قبل كده ان باباها منفصل عنك

تنهدت فادية بحزن:
– قوة آيتن جاية من ضعفها من صغرها..ابوها كان بيعذبها حرفيا ضرب لا يمكن حد يتخيله ومراته التانية كانت بتسخنه عليها وطبعا كنت بحوش عنها..اخدها تعيش عند مراته التانية وحرمها مني..يعني لما كان بيضربها كانت آخر اليوم تترمي في حضني وتعيط لحد ما اهديها..لكن عند مراته كانت بتقعد تتفرج علي شكلها وهي بتضرب ولا بتحوش عنها ابدا..ومش ضرب عادي..لا أساليب تعذيب زي امن الدولة..بواني وخبط علي الراس وخشب كان بيكسر عليها الخشب وطبعا كان عازلني انا في بيت تاني..طفلة مكملتش غير 8 سنين حتى…

شمرت اكمام العباءة لتريه آثار حرق علي ذراعها:
-شايف الحرق ده

جحظت عيناه بغضب:
-منه؟

اردفت بنبرة غاضبة:
-أيوة يابني..كنت مرة بدافع عنها كان عايز يحرقها..خوفت يسببلها علامة في جسمها وتفضل فاكراه علي طول..بس اكتشفت ان الوجع مش بالآثار اللي بتفضل ولا العلامات..رغم ان مفيش علامة واحدة فاضلة في جسمها..بس الوجع اللي عند ايتن..من جواها لسة معلم..ولما بتفتكره بتفتكر وجعها وصراخها زمان منه

استفز تلك الفعل حمزة بشدة..لهذه الدرجة عانت ايتن..و الطفلة البريئة كما وصفها حمزة :
-طب هو ليه كان بيعمل فيها كده

تابعت امها بضيق :
-فيه رجالة ممكن تعمل اي حاجة عشان يرضي الست اللي معاه..حتي لو بنته هتموت في ايديه..كانت مفهماه انه لما يضربها..هي هتطلع متربية..والسبب الأصلي أنها كانت عايزاه يموت عياله من كتر الضرب عشان تكوش علي كل فلوسه لوحدها..خصوصا أنها مكنتش بتخلف..ولما قررت اتطلق وقتها شرط عليا اخد ايتن او أخوها..وانا غصب عني اختارت ايتن..لان التاني راجل مهما كان هيستحمل لكن هي لا..خصوصا ان أخوها كان بيتبهدل بسببها..بيدافع عنها ويحاول يتضرب مكانها عشان كده عزلنا عن بعض وخلاني انا وابني نقعد في البيت الاولاني..بعدها قررت اسيب ابني واتطلقت واخدت ايتن و روحنا نعيش في شقة مؤقتة إيجار..لقيته اتهجم علينا تاني وكان عايز ياخد ايتن ويرجعني..وقتها واحدة جارتنا هي وجوزها ربنا يكرمهم هربتنا و روحنا الفيوم وهو معرفش يوصلنا

جحظت عيناه بغضب:
-لدرجة يلغي عقله؟؟؟

ضحكت بسخرية:
-النوع ده من الرجالة موجود يا حمزة وكتير اوي

-عارف طبعا بس..

قاطعته لتستكمل حكاية مهاب:
-ياريتها جت علي كده وبس..ده كمان بعدها

انتبه حمزة عقب تغير تعابير وجه امها وسألها بصوت قلق فشل في اخفائه

لكن قاطعها دخول ايتن، قائلة بنبرة ساخرة:
-اومال انت ناوي تبات هنا ولا ايه؟؟

لم يعاندها هذه المرة، فكان في حالة ذهول وهو ينظر لها بتمعن..لم يتوقع أن تلك الفتاة القوية..العنيدة..ضحكتها لم تفارقها..كانت تعاني في الماضي بكل ذلك، ليقول بابتسامة مزيفة:
-لا طنط كانت بتتكلم معايا في حاجة

نظرت لهم في دهشة، قائلة بتوجس:
-تمام خلصتوا يعني

ليتلقي نظرة من امها تخبره ان يصمت، لترد بهدوء:
-ااه خلصنا

ناولها حمزة الملف:
-اتفضلي الفايل

ثم هم للخروج
_______________
في صباح اليوم التالي …
لم تتحدث معها والدتها بأي شيء في الأمس
لتطلب منها التحدث معها أثناء الفطور بالصباح، فقالت أمها وهي تشير إلى ملابسها من تنورتها القصيرة فوق ركبتيها :
– هو انتي رايحة الشغل كده يا ايتن صح ؟

– اه يا ماما…فيها حاجة ؟

– لا يا حبيبتي، بس يارب يجي اللي يلمك عشان لبسك ده محتاج يتلم

توقعت ما تقوله والدتها من تلميحات..فهتفت باعتراض:
-ماما..لو هتحاولي تقنعيني اتجوز حمزة..لو سمحتي بلاش، لان مش هغير رأيي

أغمضت فادية عيناها بحزن:
-لا يا بنتي مقدرش اجبرك ابدا ولا ازن عليكي في حاجة زي كده…انا صحيح سايباكي براحتك .. وعارفة انك عنيدة ومش مقتنعة اصلا

ابتسمت قائلة بارتياح:
-طب كويس اوي

فادية بتهكم:
-هتفضلي لحد امتي ترفضي؟؟ ايتن..مش كل الرجالة زي ابوكي ولا زي مهاب اللي كان خطيبك زمان..و حمزة باين عليه ابن ناس..وبصراحة مش شايفة فيه حاجة تترفض..وانا شايفة انه فرصة كويسة

ايتن بثقة:
-لا هيبقي زيهم..او يمكن زيهم بس بقناع متداري..و بعدين انا عايزة اكمل شغلي مش عايزة واحدة يقولي اقعدي في البيت…

قاطعتها بضيق :
-انا اتكلمت معاه في النقطة دي وقالي مش هيقف قدام اي مرحلة عاوزة توصليلها

زفرت بضيق :
-اكيد بيقول كده وخلاص وبعد الجواز هيقولي اقعدي في البيت

تمتمت فادية بتمني:
-ربنا يهديكي يا حبيبتي
_________________________________
في مكتب ايتن

خفق قلبها بقوة..بل وكأنه سقط في قدميها..عندما رأته أمامها..لم تكن تعلم من هو حين أخبرتها سكرتيرتها ان هناك رجل يريد أن يتحدث معها بخصوص عمل ما.. لم يتغير شكله و كأن آخر مرة رأته بالأمس..هو ذلك الشخص الذي طالما كرهته..اشمئزت منه

لتسأله بدهشة:
-انت وصلتلي ازاي؟؟ وعرفت مكانى منين

قهقه مهاب بشدة :
-وهو انا قليل برضو يا حبيبتي..صحيح انتي كنتي ذكية بس برضو وصلتلك

صاحت ايتن بزهق:
-عايز ايه يا مهاب؟

هتف بخبث:
-وحشتيني..ايه هو انا مش وحشتك؟؟

– وحشك قطر

ثم ضربت كفيها بعنف علي المكتب، قائلة بحدة وهي تضيف:
-ايتن بتاعة زمان دي ماتت ودفنتها بنفسي كمان..احسن لك أبعد عني عشان قسما بالله..ممكن اخليك تندم انك عرفت توصلي

ضحك بتسلية:
-لا مكنتش اتوقع انك بقيتي عنيفة اوي كده..القطة المغمضة الرقيقة كبرت وفتحت عينيها

ايتن بشراسة :
-وبتخربش كمان

هتف بثقة:
-انتي بتاعتي..كل حاجة فيكي ليا..وكويس انك لسة متجوزتيش ..عشان ارجع اللي ضاع مني زمان

-ده عشم ابليس في الجنة..ان واحد حقير زيك يلمس شعرة مني

هتف بنبرة ساخرة:
-لا بس واضح اني مأثرتش فيكي فعلا ونسيتيني بجد، بأمارة انك لسة متجوزتيش لحد دلوقتي

تآكل الخوف قلبها .. هي ما زالت تقلق وبشدة فهي تعلم جيدا مهاب، لتقول بثقة ممكن أن تندم عليها:
-ومين قالك اني مش مرتبطة..ده انا حتى هتجوز قريب

-نعم؟؟؟

-زي ما سمعت

صاح بنبرة تشبه فحيح الأفعى:
-عادي برضو انتي ليا..مش هيفرق معايا متجوزة او لا..بس قوليلي شكله ايه بقي الواد بتاعك ده؟

ارتعدت قليلا من نبرته تلك..ثم قالت بحدة:
-مسموش واد..اسمه حمزة..و راجل..راجل بجد مش زيك..واتفضل برة

هم بالخروج، قائلا بمكر وهو يغمز لها:
-وانا مش هسيبك وحسابنا زمان مش هسيبه..فاهمة

جاهدت ايتن لتحافظ علي ثباتها المزيف:
-حسابنا خلص يا مهاب..وانا عرفت اخد حقي منك بس لو فكرت تقرب مني تاني هخليك تندم طول عمرك
___________
ذهبت ايتن إلى منزل خديجة، قصت عليها ما حدث بخوف ورعب فهي تذكرت ما حدث منه في الماضي منذ خمس سنوات، حاولت خديجة تهدئتها ولكنها كانت متوترة للغاية

قالت ايتن بغضب:
-اخر حاجة كنت اتوقعها..ظهور الواطي اللي اسمه مهاب ده تاني في حياتي

خديجة بتساؤل:
-مالك يا ايتن انتي خايفة

اومأت بإيجاب :
-اكيد خايفة..مهاب مش سهل..وانتي عارفة كده

-طب هتعملي ايه؟

اردفت ايتن بشر:
-هدور وراه..لازم اندمه علي اللي عمله فيا..لأن واضح ان اللي حصل زمان ولا اثر فيه

صاحت خديجة بتحذير:
-بلاش يا ايتن..اللي زي مهاب ده معندوش رحمة

رمقتها بغضب :
-واللي عمله فيا كان ايه؟؟؟ لما خلاني اسيب الفيوم كلها وصحابي اللي فيها..والناس اللي بحبها..لما يبقى عارف ان جرحي من ابويا كان لسة بينزف وراح غزني جامد..مهاب صدمة عمري كله

خديجة بترجي:
-انسي..انسي يا ايتن..عارفة انه صعب..واللي مريتي بيه في حياتك مش سهل بس مفيش قدامنا حل تاني

ايتن بشرود:
-صحيح انا هوافق اتجوز حمزة..منها هكمل لعبتي عليه ومنها احمي من مهاب..جايز لما يلاقيني اتجوزت فعلا يبعد..هو كان فاكرني بهزر

طالعتها بصدمة:
-انتي اكيد اتجننتي..هو احنا مش خلصنا من الحوار بتاع حمزة ده واتقفل

-لا متقفلش…انا قررت خلاص

يتبع…
_______
مستنية آراءكم وتعليقاتكم ????❤️❤️❤️
بتمنى البارت يعجبكم????

حقيقي عايزة اشكر كل حد فيكم على تشجيعكم وكلامكم اللي بيفرحني…مش متخيلين تعليقاتكم وكلامكم بيفرحني قد ايه ومتابعتكم للرواية والناس اللي بتابع معايا اول بأول انا بحبكم جدا وكلامكم بيديني تشجيع مالوش وصف
انا بحبكم اوي بجد ????????????
احب اقولكم أن في الفصول الجاية هنفرح اوي استعدوا بقى????????????

لو وصلتوا البارت ده لـ 400 لايك وكومنت هنزل بارت هدية اضافي ❤️الفصل الحادي والعشرون

-بلاش يا ايتن..عاوزة تتجوزيه اتجوزيه عشان انتي اللي عاوزاه مش عشان مصالح تانية

ردت ايتن بدهشة :
-عشان اطلع انانية في الاخر

خديجة بنبرة ساخطة:
-وانتي كده ايه؟؟ طبيعية مثلا… يا ايتن صدقيني حمزة ده مش سهل … ده جواز انتي متخيلة !!
_________
دلفت إلى مكتب حمزة..عندما سمحت لها السكرتيرة ..وجدته واضعا قدمه على الأخرى..
قائلا ببرود:
-خير!! عايزة تقولي حاجة؟

تعجبت من طريقته معها، لا يعيرها اي اهتمام ولا حتي ينظر إلى وجهها، لتقول بثبات:
-انا موافقة

سألها بجمود:
-مش مركز معلش؟؟ موافقة على ايه

ايتن بغضب:
-نعم..انت هتستعبط؟؟

وأخيرا تنازل لينهض من جلسته ليقف بشموخ مواجها لها، قائلا بحدة :
– استعبط؟؟ لسانك ده لو متعدلش انا هعدلهولك على فكرة

ايتن بشراسة:
-محدش يقدر يعدله

همت لتغادر فوجدته يمسك بمعصمها بقوة تألمت بسببها، وخرجت منها آهة ألم تجاهلها هو و زاد من شدته

كانت على وشك الرحيل ، فوجدته ممسكًا بمعصمها بقوة ، وكانت تتألم بسببه، تجاهلها وزاد من حدته.

ليهتف بنبرة جمدتها:
-واضح انك لسه متعرفيش حمزة كويس

اجابته بغرور وثقة مبالغة:
-مايهمنيش ومش عايزة اعرف

اقترب منها وهو يرفع ذقنها له:
-بلاش انا عشان انتي مش قدي

رمقته بحدة:
-هخاف كده يعني؟؟

تركها يدها تمامًا عندما شعر بألمها، سحبها من خصرها بشغف حتى ارتطمت بصدره بقوة، ليأخذ قبلة مم شفتيها .. قبلة لأول مرة بينهم .. قبلة لطيفة صغيرة خطفها في ثوان .. وكانت يدها تحاول إزالته عنها .. ثم تركها فجأة وكأنه قد استيقظ.

كانت ستنفجر من الغضب في أي لحظة .. وكانت خديها حمراء للغاية .. اندفعت نحوه ورفعت يدها دون وعي لتهبط على أحد خديه بصفعة .. لكن الرياح لا تأتي كما تشتهي السفن.. لذا فهو أمسك بيدها قبل أن تهبط على خده

ليقول بحدة وهو يترك يدها بعنف:
-لو اتكررت تاني هتزعلي مني..وبعدين مش فاهم مالك يعني؟

احمر خديها فقالت له بأنفاس متقطعة:
-انت ازاي تتجرأ وتعمل كده !

قهقه بضحكته الجذابة، قائلا بمكر :
– على فكرة بقى دي متتحسبش بوسة اصلا

جزت على أسنانها بغيظ وغضب..بينما قلبها يخفق بعنف:
-وقح..و سافل

تماسك بصعوبة من نوبة الضحك..ليتحدث ببراءة:
-الله…مش انتي اللي عملتيلي فيها وحش..و حذرتك مني

ثم أردف برسمية:
-تعالي نتكلم بجد بقي..اجي اقابل مامتك امتي؟؟

ابتلعت ريقها بارتباك :
-عشان تخطبني؟

قال حمزة بمرح:
-لا طبعا…لسه هخطبك؟..

-نعم؟

-احنا نكتب الكتاب على طول

ليردف بتبرير :
-انا مش لسه هستنى خطوبة..كده كده احنا عارفين بعض مش لسة هنتعرف ولا ايه!
_______
في المساء
في منزل حمزة

نظر لوالدته قائلا بابتسامة :
-ماما انا هتجوز

صاحت امه باستغراب:
-تتجوز؟؟انت بتتكلم بجد

ضحك حمزة بسخرية:
-أيوة فيها ايه يعني..انتي مش عاوزة تفرحي بيا

اماني بصدمة:
-لا طبعا عاوزة..بس كنت فاكراك يعني هتطول

هز كتفيه باستنكار:
– لا عادي..اهو حصل بقي

اماني بسرعة:
-الف مبروك يا نور عيني..اخيرا هفرح بيك..مين دي بقي وانا أعرفها ولا لا

– ايتن … اسألي منة عليها بقت صاحبتها أوي الفترة اللي فاتت
__________
بعد تحديد موعد الزفاف بعدة أيام
في منزل ايتن

قال حمزة باستغراب:
-اومال انتي مش عازمة حد..غير الناس اللي في الاوتيل بس..مفيش صحاب ليكي تاني ؟

هزت رأسها بنفي:
-مفيش صحاب غير خديجة و وئام و منة الفترة الأخيرة

-غيرهم مفيش؟
-لا مفيش

هتف حمزة بمشاكسة:
-ليه يعني..مبتصاحبيش حد تاني؟

فقدت اعصابها وصرخت فيه بحدة:
-وانت مالك..انا كده مبحبش ادخل أي صاحبة حياتي..انا حرة

حمزة بهدوء مفاجئ:
-خلاص اهدي..انا كنت بسالك عشان الدعوات اللي هنعملها وطنط قالتلي مفيش حد تبعك غير اللي انا عارفهم..و شوية من جيرانك

ايتن بلا مبالاة:
-اعمل اللي انت عايزه عادي..انا اصلا مكنتش عايزة فرح

اجابها بتبرير:
-ولا انا عادي..انا مش فارق معايا..بس مش عايزك تحسي انك اقل من اي بنت

ايتن بابتسامة باهتة:
-اه..شكرا

رمقها بغيظ:
-شكرا على ايه انتي هتبقي مراتي..مفيش بينا شكر ولا حاجة

فقرر ان يعرض عليها معرفة والدها ليشهد علي زواجها، ليتفاجيء بها تهتف بقسوة:
-لا طبعا..مستحيل..ده لو حياتي واقفة عليه عمري ما اكلمه..ده بالذات لا

حمزة بهدوء:
-يا ايتن..ده مجرد بس انك هتكلميه..عشان شرعا لازم حد يبقي وكيلك..عموما خلاص ممكن نشوف اخوكي حتى أو أي حد من قرايبك

هزت رأسها بعنف :
-قرايب بابا لا..هيعرف مكاني وانا مستحيل أشوفه مش عايزاه

حمزة بتوجس:
-طيب وقرايب مامتك

ايتن بتذمر:
-ماما مالهاش غير اخت واحدة و دي عايشة برة مصر في دبي وللأسف لما كلمتهم جوزها قالي مش هيقدر يرجع عشان يوم وكده وشغله..

هز رأسه بتفهم:
-طيب خلاص ممكن نشوف أي حد

-يبقي نكتب الكتاب عند مأذون وخلاص..مش عايزة اشوف نظرة شفقة من حد

هتف بحدة:
-عند مأذون وخلاص ليه..ما نكتبه قدام الناس في الفرح..هو انتي اقل من حد مثلا؟

ثم أردف بثقة :
-طيب بجد مينفعش حتي انا اكلم باباكي وصدقيني محدش هيقدر يجي جمبك وانتي معايا

صاحت بغضب:
-مش ابويا..انا معنديش اب

زمجر بخشونة:
-ايتن بلاش قسوتك دي

ردت عليه بغضب اكثر:
-قسوة؟؟؟انت تعرف يعني ايه اب؟؟؟

لم تجد منه رد لتسأله بعصبية:
-ما ترد!!

اجابها بنفاذ صبر:
-يعني السند والضهر والأمان..حتي لو الاب قاسي وجوده بيفرق و وسط قسوته مهما كان بيظهر حنيته

قاطعته وهي تصرخ بعنف:
-اديك قولت يعني السند والضهر والأمان..ولما كل دول ميتوفروش في الاب يبقي يستاهل يكون اب؟؟

-مهما كان يا ايتن..

صرخت بجنون:
-تعرف ايه انت عشان تتكلم وتدافع عنه..تعرف ان طفلة عمرها 7 سنين اتضربت ضرب بغباء عشان رجعت من المدرسة مغيرتش هدومها؟؟؟ تعرف أنها مرة حطت روج عادي زي اي بنت صغيرة لقيت حاجة قدامها جربتها..تسمع الفاظ قذرة وكلام زفت لمجرد انها لعبت بالروج..طب تعرف انها كانت شغالة زي الخدامة عند مراته التانية وفي رمضان وهي صايمة في عز الحر..غصب عنها نامت نص ساعة واتاخرت عشان تجهز الاكل..مع ان اللي في سنها بيلعبوا لسة اتضربت..تعرف انه حرقلها كل لعبها وعرايسها لمجرد أنها بس رجعت متأخرة من المدرسة 5 دقايق

تحولت عينيه لكتلة من السواد..سواد يجعله اشد قسوة عما كان

لتردف هي بغضب:
-تحب بقي اكلمك عن السند..لما مراته راحت المدرسة تسالهم علي سبب تأخيري وقالتلهم معلش اصل هي مش كويسة قالولها لا كان عليها حصة بس اتمدت 10 دقايق وكل صحابي بعدوا عني و البنات المستفزين في المدرسة بيتكلموا عني..ولما روحتله عشان يصلح اللي مراته قالته عني..عارف ابويا و سندي عمل ايه..قالي طب ما انتي كده فعلا

ثم ضحكت بسخرية، وعيناها العسلية تلمع بالدموع المتحجرة :
-هقولك بقي الأمان كان ايه الأمان لما ابن عم مراته جابلي حاجات من السوبر ماركت وكنت فرحانة ان فيه حد مهتم بيا وحاسس بكل اللي بيحصلي..فرحت اوي وتاني يوم قالي اجيبلك تاني بس بشرط..قولتله ايه وانا باكل البسكويت والمصاصات..لقيته خدهم منه وقرب مني وشدني جامد وكان عايز يبوسني حاول بس معرفش..خوفت منه وصرخت..طفلة عندها 7 سنين ايه شده فيها !! ازاي؟؟ ايه المغري في طفلة..و هو كان عنده 25 سنة..لقيته كتم نفسي وقالي لو اتنفستي هقول انك انتي اللي قولتيلي عايز ابوسك، وانتي عارفة عيب تبوسي حد وباباكي هيضربك، وكدا كدا ده بيني وبينك وهجيبلك حلويات وحاجات كتير، مكنتش فاهمة بس كنت حاسة ان في حاجة غلط .. صوته و تهديده ليا فهمت أنه في حاجة غلط غلط فكرته عايز يضربني زيهم مش بس عايز يبوسني..دوست بالشوز بتاعتي جامد بكل غل على رجله وكان فيه فازة حدفتها عليه وهربت منه..وانا بموت من الخوف روحت اشتكي للي اسمه ابويا..مصدقنيش وقالي هسال ابوه..راح باباه عشان ميطلعش شكل ابنه وحش قاله دي عيلة صغيرة هتلاقيها كانت بتحلم..قولتله ده كداب..قاله الصراحة هي اللي قربت مني وكانت عايزاني اجيبلها حلويات عشان أقرب منها وانا رفضت..صرخت وحلفت انه محصلش قالولي دي كدابة ولما رفضت راحت كاسرة عليا الفازة..لقيت باباه اتهجم عليا يضربني وانا باعيط وبابا قاله عادي كسر دماغها..عايزة تبوسيه عشان يجيبلك حاجات من السوبر ماركت يا سافلة ولقيته بيضربني هو كمان

التقت عيناها الدامعتان .. لم يشعر بنفسه في ذلك الوقت إلا عندما شدها بين ذراعيه .. ليشعر بجسدها يرتجف بين ذراعيه .. ثم مرر يديه على رأسها بهدوء عندما سمعها تتنهد بشدة. ، لتكمل حديثها الأخير:
-فضلت احلفله انه محصلش ومعملتش كده..طب ازاي وانا اللي كسرت الفازة عليه..جريت منهم ودخلت اوضتي وقفلت بالمفتاح لقيته كسر الباب ونزل فوقي ضرب وضرب زي المساجين كدا..وشد شعر بكل قسوة من غير اي رحمة..لحد ما اخويا جه يدافع عني كالعادة وضرب اخويا مكاني جريت منهم وسيبت لهم البيت وروحت عند ماما..فضلت سهرانة لحد الصبح وانا مرعوبة..بس يومها فضلت باصة للسما وانا بشتكيله دموعي بتنزل مني وانا باصة للسما وحاسة ان ربنا فاهمني..لحد ما الليلة عدت علي خير..و لما ماما عرفت اللي حصل ده..قالت خلاص هتطلق وروحنا الفيوم

جلسا بهدوء عدة دقائق مرت .. ثم شعر بجمودها بين ذراعيه قبل أن تنفجر من مكانها مثل عاصفة تقف أمامه ولهيب في عينيها ، لتقول بحدة:
-انت ازاي تقرب مني كده

وقف في مواجهتها .. اقترب منها في محاولة لتهدئتها .. حتى ضربته بعنف على صدره بكفيها .. ليبتعد بضع خطوات.

هز رأسه بتفهم، قائلا بنبرة حانية:
-ايتن اهدي..خلاص مفيش حاجة…باباكي مبقاش موجود معاكي ومش هيجي …

رمقته بخوف:
– سيبني لوحدي دلوقتي

– خلاص اهدي .. انا هتكلم مع مامتك في حاجة وهمشي
________________
في المساء
في منزل حمزة

تمتمت والدته بحزن:
-يا عيني يا بنتي..صعبانة عليا اوي يا حبيبي خطيبتك..مالهاش حد هيبقى وكيلها..ولا حتى راضية تخلي حد من قرايبها يجي

قاطعها حمزة بحزم:
-خلاص بقي يا ماما..هي حرة عادي

لتهتف بابتسامة :
-ربنا يسعدكم يا حبيبي..ويعوضها
____________
قبل الزفاف بيوم
في شقة ايتن

هتفت ايتن بعصبية :
– الهير دريسر..على طول قافلة موبايلها ومبتردش عليا..ولما برن علي المساعدة بتاعتها بتقولي قوليلي انا وهبقي ابلغها

همست امها باطمئنان:
-طيب يابنتي اكيد عارفين شغلهم متخافيش يا حبيبتي

-ما ترد وخلاص

فادية بشرود:
-طب جربتي تكلمي حمزة

هزت رأسها بضيق:
-حمزة ماله بس بالحاجات دي

امها بنبرة حانية:
-يا حبيبتي اهدي بس كده..انتي بقيتي متوترة اوي اليومين دول

عانقت والدتها بقوة..بينما ترقرت عينيها بالدموع:
-خايفة يا ماما ومش متخيلة ان انا هسيبك

مسحت فادية علي ظهر ابنتها بحنان:
-دي سنة الحياة..والحمد لله ربنا كرمك بواحد انا واثقة أنه هيشيلك في عينيه

زفرت ايتن بضيق :
-ماما بلاش الثقة الزايدة دي في الناس

-لا يا بنتي..حمزة ابن ناس..وعايز يرضيكي رغم خناقاتكم الكتيرة مع بعض بس مش بتهوني عليه
_____________
جاء يوم الزفاف..وبالتحديد في الجناح المخصص لتجهيز ايتن في فندق القاعة

ابتسمت منة بمرح..عندما دلف حمزة إلى الغرفة:
-يا عريس..ومش اي عريس بقي..اللي مجنن البنات قلبه حن واختار احلي البنات “تونا”

ايتن باعتراض من داخل غرفتها :
-مجنن البنات؟

قهقه حمزة باستفزاز:
-عندك شك ولا ايه

قاطعته منة بسرعة:
-لا معلش يا تونة..ده انا نص صحابي خاصموني بسبب ان حمزة هيتجوز فجأة..وكانوا حاطين عينيهم عليه

صاحت ايتن بزهق:
-هو انت هتفضل قاعد عندك؟عاوزة اطلع اكمل

حمزة بجدية:
-لا عاوز اشوف الفستان الأول

خرجت من الغرفة؛ قائلة :
-اهو شوفته..اتفضل بقي برة

اتسعت عيناه بصدمة، قائلا بغضب:
-وحياة امك؟؟ ده فستان الفرح؟؟

ابتلعت ريقها من نبرة صوته، قائلة بثبات:
-أيوة ماله مش فاهمة..مش قولتلي هاتيه مقفول..وسمعت الكلام اهو مقفول ومحتشم

هتف بنبرة ساخطة:
-محتشم؟؟ ده صدرك نصه باين

وضعت يديها علي صدرها، قائلة بحدة:
-احترم نفسك.! عشان شفاف يعني شوية..هو نظامه كده..وبعدين خلاص 3 ساعات وهيعدوا

اقترب منها بغضب اكثر وهي تتراجع للخلف:
-هو ايه اللي 3 ساعات وهيعدوا..انتي هتتجوزي راجل مش كيس جوافة..انا مينفعش معايا النظام ده..ونبهت عليكي وقولتيلي متقلقش الفستان مقفول

هزت كتفيها بلا مبالاة :
-خلاص الفرح كمان 3 ساعات..انت عايز ايه دلوقتي!

منة بصوت عال:
-يا جماعة اهدوا مش كده

تنهد بنفاذ صبر، قائلا لخديجة:
-فيه حاجة ممكن تتلبس تحته وفي نفس الوقت متبوظش شكله..ويبقى عادي مش شفاف

هزت رأسها بإيجاب :
-اه فيه طبعا

ابتسم بانتصار:
-قوليلي اسمه ايه ومقاسها..وانا هبعت اجيبه

نظرت لها ايتن بغضب:
-بتبيعيني يا خديجة
____________
بعد مرور ساعة
دلفت فتاة من المساعدين إلى غرفة ايتن..قبل بدأ المكياج

-حضرتك فيه ضيوف عايزين يقابلوكي

ايتن باستغراب :
-ضيوف..ضيوف مين؟؟

هزت كتفيها باستنكار:
-معرفش يا فندم..بيقولوا انهم تبع جوز حضرتك

-طيب دخليهم

خرجت الفتاة وبعد دقائق دلفت مرة اخرى ومعها الضيوف وما ان وقعت عينا ايتن عليهم حتى صعقت تماما..كانت مذهولة مما تراه..أصدقاء طفولتها الثلاثة أمامها..التي لم تراهم منذ خمس سنوات..وبدون مقدمات ارتمت في أحضان اول فتاة

-خوخة..وحشتيني بجد

رمقتها الاخري بضيق :
-يا سلام ياختي..خلود بس اللي كانت وحشاكي

ايتن بنبرة سعيدة وهي تعانقها:
-وانتي كمان يا دنيا..طبعا..وانتي يا مي بجد انا مش مصدقة انتوا عرفتوا توصلولي ازاي

تمتمت مي بدهشة وهي تنزعها من احضان دنيا لترتمي باحضانها وهي تقول باشتياق:
-والله ولا احنا..بقالنا 5 سنين نفسنا نشوفك..لحد ما خطيبك جالنا الفيوم..و دور علينا واحدة واحدة..و طلع عينه والله على ما اقنع اهلنا نحضر فرحك

جحظت عيناها بصدمة:
-بجد حمزة عمل كده..طب عرفكم ازاي؟؟ أو وصل ازاي

خلود بابتسامة:
-من مامتك..عرف ان احنا صحابك القدام..قبل ما تسيبوا الفيوم..وعارف ان انتي مينفعش تروحي..فقرر يعملهالك مفاجأة وعشان ميحسسكيش ان انتي لوحدك في فرحك ومش معاكي حد

هتفت دنيا بمزاح:
-يا تونا ده انا ابويا كان بيرفض أروح فرح بيني وبينه شارعين..حمزة كان هيتشلقبله قرد عشان يوافق وفضل يقنعهم وجاب مامت كل واحدة فينا وحجزلنا في اوتيل

ايتن بنبرة سعيدة :
-دي احلى مفاجأة بجد اتعملتلي

مي بحزن:
-انتي وحشتينا بجد..منه لله اللي كان السبب أننا منشوفكيش تاني

دمعت عيناها من سعادتها:
-كنت خايفة ارجعلكم..يعرف مكاني وانا موبايلي القديم ضاع وقتها ومعرفتش اوصلكم

صاحت دنيا بضيق:
-ما بلاش السيرة المقرفة دي خلينا ننبسط يا بنات
__________
كانت جالسة امام المرآة..ارتجفت توترا عندما انتهت مصففة الشعر من تجهيزها، لتقول بانبهار:
-ماشاء الله عليكي..زي القمر

ايتن بامتنان:
-ميرسي اوي

دلف المصور ليلتقط بعض الصور قبل ان تخرج، ليقول بابتسامة:
-هنصور فيديو صغير كده قبل السيشن

هزت رأسها باعتراض، فقاطعتها منة :
-لا طبعا ده اهم حاجة لازم تتعمل..يلا قومي واقفي وضهرك لحمزة

صاحت ايتن بنبرة ساخرة:
-ايه شغل العيال ده

هتفت إحدى أصدقائها بسرعة:
-بقولك ايه اسمعي الكلام بقي..حد ينادي حمزة وانت شوف شغلك و ابدأ صور

نهضت رغماً عنها ووقفت وظهرها إليه ، كما أمرها المصور ليبدأ في تسجيل تلك اللحظة .. سمعت صوت فتح الباب ، وابتلعت ريقها عندما أحست به يقترب منها .. كان واقفاً بكل ثقة يضع يديه في جيب سرواله الأسود .. عانى قليلاً لتلتفت إليه .. ليسحبها من خصرها حتى تميل نحوه .. ثم لامس يديها وهو يقبلها بلطف .. نظرت إليه بتمعن .. البدلة السوداء التي احتضنت جسده الرياضي وقميصه الأبيض وربطة العنق جعلته وسيمًا للغاية .. كان وسيمًا في كامل أناقته .. تم تصفيف شعره الداكن إلى الأعلى .. لحيته الجذابة .. بدا وكأنه من المشاهير، ابتسم بشكل جذاب وكشف عن غمازتيه الذي تعمقتا أكثر بسبب ابتسامته العريضة .. فابتسمت له مرتجفة وهو يلمس ذقنها.. أخذ نفسا عميقا ولم يستطع الزفير ، حيث تجمدت أنفاسه بمجرد أن رآها .. بدت ناعمة .. خجولة .. ساحرة .. وأيضا شرسة .. كانت مثل الملاك في ثوبها الأبيض بأكمام من اللؤلؤ شفافة بعض الشيء .. نظر إلى فستانها الذي كان يحتوي على تطريزات منقوشة بأكمام من الدانتيل والستان واللؤلؤ المضيء.. تركت شعرها الأسود الطويل في تسريحة شعر جميلة وجعلته مموجاً، وتاجاً مثل تاج أميرة فوق شعرها .. وطرحة زفاف طويلة تتدفق على الأرض من خلفها، وزينت خبيرة التجميل وجهها بلمسات ساحرة

ليهمس أخيرا برقة:
-ايه القمر ده بس..انا بقترح نلغي الفرح..و نروح بيتنا

خبطته على صدره بخفة:
-اتلم

ثم قبل جبينها..لينظر لها بعينين غارقتين في هيامها بعينين لا تري غير جمالها..

اختطف قبلة سريعة ورقيقة من شفتيها استمرت بضع ثوان، ابتعد وتهامس أمام شفتيها بإعجاب:
-بونبوناية

ارتبكت قليلاً .. وحاولت التماسك، فكل لحظة تم تسجيلها بالكاميرا .. فلا مجال للشجار الآن.

بينما كان يبتسم كطفل ، وكأنه ذهب مع والده إلى متجر حلاوى ليجد الكثير من الحلاوى المتشابهة .. وأخيراً حصل على حلوى واحدة مميزة لتكون له أن تحمل اسمه .. لقد بدت حقًا مثل حلوى لذيذة ، بطعم كان ساحرًا ، لقد استحوذت على عقله وربما قلبه كذلك
لم يكذب حين قال لها “بونبوناية” فهي من داخلها وكأنها تشبه الحلوى اللطيفة, على عكس الغلاف الخارجي الذي تغلف نفسها به

أخيرًا عانقها بإحكام .. وأطلق تنهيدة الصعداء .. لعلها لم تدرك سحرها عليه ، لكنه أحس بها في تلك اللحظة .. ففصل عناقه ، ورفع وجهها لينظر إلى هذين العينين الخضراويتين . .. لتبتسم بخجل على عكس عادتها .. وتضع يدها في يده متجهة إلى صالة الزفاف.

شهقت فادية بفرحة عندما رأت ابنتها بفستان الزفاف فقالت وهي تعانقها:
-مبروك يا نور عيني..زي القمر يا حبيبتي
______________
كانت حفلة الزفاف في احدى افخم القاعات .. كان هناك الكثير من الضيوف.. بينما القاعة تتزين بشكل راقي.. والطاولات الأنيقة المزينة بالورود التي اضافت للمكان بريقا جاذبا

بدأت مراسم كتب الكتاب

تنهدت و كأن رصاصة من الألم اخترقت قلبها فحبست دمعة تود أن تخرج لتتنهد بحزن قائلة بنبرة منكسرة لنفسها:
-ليه خليتني في يوم زي ده احتاج لحد غيرك

أغمضت عيناها بحزن، فحمزة احضر امام المسجد بمنطقتها ليصبح وكيلها

ليسألها المأذون فجأة:
-مين وكيلك يا عروسة

-انا

التفت لتحدق بصدمة، إلى ذاك الصوت الرجولي الخشن..لم تكن تتوقع ما رآته ابدا

يتبع….
_______
مستنية رأيكم وتوقعاتكم ????
ده كان فصل هدية اضافي عشان التفاعل كان حلو و المعظم قرأ بسرعة ♥️ لو تفاعلتوا تاني بسرعة هنزل بارت هدية تانيالفصل الثاني والعشرون

التفت لتحدق بصدمة، إلى ذاك الصوت الرجولي الخشن..لم تكن تتوقع ما رأته

لترى أمامها خالتها و زوجها..لتهتف بدهشة :
-عمو أشرف.. حضرتك جيت ازاي؟؟

لترتمي في أحضان خالتها التى لم تراها منذ 10 سنوات..فهي لم تنزل إلى مصر إلا مرات بسيطة

ليهتف زوج خالتها:
-مبروك يا بنتي..سامحيني معرفتش اجيلك لما كلمتيني بس الفضل كله لخطيبك

نظرت إلى حمزة باستغراب..ليستكمل زوج خالتها حديثه:
-هو إللى حجزلنا التذاكر بسرعة تبع الشركة اللي شغال فيها وخلانا ننزل بسرعة عشان ابقي وكيلك

نظرت إليه بسعادة لا توصف للمرة الثانية يفاجأها حمزة بشيء تحبه

انتهت مراسم كتب الكتاب سريعا بين فرحة الجميع وحقد البعض..واضطراب مشاعر العروسين..وبحركة مفاجأة كانت يده تحيط خصرها..شهقت ايتن بدهشة وكأنه يعلن أنها أصبحت ملكه..

همس مبتسما ببرود:
-مبروك

بادلته بابتسامة صفراء قائلة:
-نزل ايدك شوية

انحنى ممسكًا بيدها التي بدت صغيرة في يده الضخمة، وابتسم للحظة، وطبع قبلة ناعمة على ظهر يدها.

بعد دقائق، تغيرت الموسيقى إلى أغنية ، وابتسم حمزة وهو يقترب من إيتن، التي تورد خديها وارتجفت رغما عن نفسها, بينما تابعته هي بنظرات لم تستطع تفسيرها.. وانحني مادا يده لها قائلا بصوته الرجولي المميز:
-تسمحيلي يا بونبونايتي بالرقصة دي

انقبض حاجباها بدهشة من ذلك الاسم المدلل الذي يطلقه عليها, رغم الخجل الذي سادها باحمرار خديها من اقترابهم ، ووضعت يدها على يده لتنتشر هزة قشعريرة غريبة بأطرافها .. شعرت بشعور غريب ولذيذ في نفس الوقت .. بدا أنه من توتر الزفاف

أمسك بيدها بين يده الدافئة ويده الأخرى ، وأمسك بخصرها النحيل بتملك .. بينما رأسها بجوار قلبه ينبض بعنف مثل قلبها تماماً، ويخرجها صوت الموسيقى التابعة للاغنية الجميلة .. “خبيني” للمطرب- محمد فؤاد

“خبيني جوه حضنك يوم ودفيني
دا فاتوا سنين انا وعيني بنحلم بيك
وديني دنيا تانية جديده وكفايه
احس هواك دا جوايا واعيش حواليك
لا انا بحلم حبيبي في يوم ولا بتمنى غير
اعيش العمر كله معاك واحس انك بخير”

ليقطع صمتهم همسه الجرئ:
-ما تيجي نكتفي بأغنية واحدة

اجابته بارتباك وخجل واضح :
-لا انا عايزة اكمل كل الاغاني

ليسألها بمكر:
– الله.. مش قولتي مش عايزة فرح؟

نكست رأسها هروبا منه:
-غيرت رأيي

مرّر يده بهدوء على فتحة فستان ظهرها الصغيرة ، من تحت خصلات شعرها الناعمة التي تخفي فتحة ظهر الفستان ، ثم أعاد يده لتلمس يديها الناعمتين ، حتى عاد الخجل لخديها مرة أخرى .. لكن هذه المرة دفنت وجهها في قميصه ، فكان صدره يحترق بجنون وهو يعانقها بحنان ، وهو يستنشق رائحة عطرها المسكرة.

“عيش جوه حضني وما تسيبنيش
مهما اقولك برده مفيش كلمه توصف اللى انا فيه
وآه بوعدك اني هفضل ليك
وابقي قلبك وابقي عنيك وكل حلم بتحلم بيه”

رفعت وجهها بثبات مزيف وهمست بهدوء:
-هي الأغنية دي هتخلص امتى بقى؟

ابعدها عنه قليلا مواجها عيناها المضطربة ليضمها بقوة أكثر، قائلا بتملك:
-مين قالك ان انا هسيبك؟

احمر خديها قليلا وارتسمت ابتسامة رقيقة على شفتيها واستمرا الاثنان بالرقص على الأغنية..

أطلقت صرخة شهقة صغيرة متفاجئة عندما وجدت نفسها تطير لتستريح بين ذراعيه ، مُمسكا بها برفق .. بينما كانت تلف ذراعها حول رقبته بامتلاك .. و دار بها في حلقات بينما كان فستانها اللامع ملفوفًا حولهما.

لينسجما مع ذلك المقطع من الأغنية:

“نسينى اللى قبلك عيشته في سنيني
ووقت الضعف قويني على الأيام
أحلامي فيك لقيتها حقيقة قدامي
بخاف لا تعدي ايامي حبيبي اوام
دا لو فكرت الاقي كلام اقوله حبيبي فيك
يفوت العمر كله اوام وانا بوصف عنيك”

كانت الرقصة طويلة جدا بالنسبة لأيتن ، وكان هناك تناقض كبير بين عدم رغبتها في التخلص من عناقه .. وبين تمنيها أن تتوقف الأغنية لتتخلص من ارتباكها الغريب .. بينما كان حمزة في غاية السعادة وهو معها.

“قول من النهاردة خلاص يا هموم
مش هتبكي عيوننا في يوم غير دموع الفرحه وبس
وآه مهما قطر العمر يفوت
برده هفضل احبك موت وعمر شوقي ما يوم ينقص”

انتهت الرقصة..صفق الجميع بعيون ممزوجة بالسعادة..و أخرى تتمني مكانها..وأخرى تتوعد لهم

اقتربت منه والدتها وهى تهمس له بترجي:
-انا سلمت لك نور عيني..ودلوقتي بقيت معاك انت..حافظ عليها عشان مبقاش فاضلي غيرها في الدنيا

ربت حمزة علي امها يطمأنها فنظرت له ايتن بابتسامة و عيون لامعة عندما تذكرت أنها تركت والدتها، فهتفت بمشاكسة:
-لا يا ماما متقلقيش..انا ميتخافش عليا

غمز لها.. هامسا بمكر بجانب اذنيها:
-متأكدة يعني؟؟ ما بلاش انا

رمقته بغيظ..ثم قبلت والدتها وهى تهمس بعشق:
-ربنا يخليهولك يا حبيبة قلبي..كان حلم عمري اشوفك مبسوطة و عروسة والحمد لله اتحقق
______________
وقف ينظر لها من بعيد..فستانها الاحمر الجميل الطويل المتسع من بعد خصرها النحيل فهو صنع خصيصاً لها..تسريحة شعرها المفرود بنعومة..وأحمر الشفاه الذي يزيد من شفتيها الصغيرة جمالا..و زينت عينيها البنية بمكياج رقيق ساحر.. كانت مختلفة تماماً عن المعتاد لها فهي غالبا ما ترتدي الالوان الفاتحة الوردية والازرق والبنفسجي ولكن اليوم، ذلك الفستان يزيد من جمالها الأنثوي..فبدت رائعة تجذب أي عين تقع عليها ولكن هي لا تريد أي عين..هي تريده هو فقط “سيف” .. بينما هو شعر بالدهشة فهي منذ اخر مرة رآها لم تأتي إلى النادي بل واليوم تتجاهله تماما وكأنها لم تراه.. على عكس عادتها !

سمعها من بعيد تنادي علي النادل، قائلة بمرحها المعتاد:
-بص هاتلي كنزاية بيبسي..مش الكان لا الكنزاية

ضحك النادل قائلا :
-حضرتك المشروبات مفيهاش كانز اصلا

زفرت بضيق:
-اتصرف..انت مش عارف انا مين؟ انا بنت خالة العريس على فكرة

اومأ الرجل باستغراب ثم انصرف من أمامها

أتى سيف من خلفها هامسا بابتسامة:
-اهي خفة دمك دي احلى حاجة فيكي..بس ساعات بتتجنني كده

استدارت له..لم تتوقع ان يأتي هو بنفسه ليتحدث معها..ولكن يجب ان تستكمل ثقلها عليه كما نصحتها ايتن، لتقول بمرحها المعتاد ممزوج بالغرور:
-خفة دمي بس ؟؟ ده انا حتة سكرة اصلا يا بخت اللي هيتجوزني

اومأ سيف بابتسامة:
-أن شاء الله.. انتي في دماغك حد معين؟

منة بتلقائية:
– لا مش في دماغي حد …مش مستعجلة عادي

– بجد ؟ خالص ؟

– أيوة مستنية نصيبي اللي ربنا هيبعتهولي.. وانا واثقة في اختيار ربنا ليّ

كتم سيف ضحكته، قائلا برسمية:
-ربنا يقدملك اللي في الخير

لتهتف هي بابتسامة ثابتة:
-يارب ويخليك انت وبسنت لبعض

هز رأسه بنفي:
-لا انا وبسنت فركشنا..او بمعني اصح متخطبناش اصلا

شهقت بذهول :
-أحلف ؟

اومأ بإيجاب:
-اه والله..قبل الخطوبة..حسيت أنها مش شبههي خالص..رغم ان كان باين في الأول كده..بعدين سيبنا بعض

تمتمت منة بحزن مزيف:
– طيب كويس .. مبروك

رفع إحدى حاجبيه بدهشة:
-نعم؟ بقولك فركشت !

خبطت جبينها بخفة:
– أنا معرفش بيتقال ايه في المواقف اللي زي دي..

لتردف قائلة:
– اه افتكرت .. ربنا يعوضكم خير

ضحك بشدة وهو يهز رأسه متفهما قصدها :
-خلاص فهمت

ثم انسحبت قائلة :
– عن اذنك يا حضرة الرائد.. هروح اشوف العروسة

– اتفضلي
_______________
مر الوقت بسرعة ليغادر العروسين إلى منزلهما .. وأمام أحد الأحياء الراقية في الإسكندرية وبالتحديد أمام مبنى رائع مليء بالفخامة .. نزل حمزة من السيارة وفتح الباب إلى إيتن التي أعطته يدها بخجل ودخلت من البوابة الداخلية للمبنى .. ثم أخذوا المصعد الكهربائي

أخيرًا دخل حمزة وايتن شقة زواجهم .. فابتسمت بإعجاب ، فالشقة كانت خيالية .. كانت ذات ذوق رائع بأثاثها الأنيق .. وألوانها المبهجة ، ذات الطابع الحديث والاتساع بشكل مبالغ فيه .. تحتوي على طابقين .. في الطابق الأرضي يوجد صالون كبير وغرفة الاستقبال ومطبخ وغرفة أخرى ، وفي منتصف الشقة يوجد طريق إلى الطابق العلوي عبر درج .. ويحتوي هذا الطابق على أربع غرف .. غرفة نوم كبيرة وغرفة مفتوحة بالداخل مخصصة للملابس فقط “Dressing Room” وغرفة منفردة وغرفتين أخريين للأطفال وحمام بدخل معظم الغرف

فإقترب منها قائلا :
-اهلا بيكي في بيتك الجديدة

لتطلق صرخة رفيعة النبرة، عندما وجدت نفسها تطير لتستريح بين ذراعيه، حملها برفق .. قائلا بمبرر قوي من وجهة نظره:
-أنتِ مجنونة؟؟ كنتي فاكراني هسيبك أول مرة..تطلعي اوضتنا لوحدك

لفت ذراعها حول عنقه بتردد، تمسكت به بقوة واخفت وجهها بعنقه، قائلة بنبرة ساخرة:
-ليه هو احنا طالعين الدور الخامس؟؟ ده في نفس الشقة و سلمتين يعني

لم تتوقع من شخصية رجل مثل حمزة تلك الحركة الرومانسية..كانت تظنه قاسي..بارد

دلفا أخيرا إلى غرفتهم ليفتح حمزة الباب بيد واحدة، وأغلقها بقدمه بقوة..إلى أن شعرت به ينزلها علي حافة السرير..أطرقت ايتن رأسها بإحراج لتخفي احمرار وجهها

ليهتف حمزة بنبرة ساخرة:
– مكسوفة من ايه بس..هو انا عملت حاجة؟؟

بحثت عن نفسها..ايتن القوية.. الواثقة من نفسها..التي لا يقف أحد بطريقها..اين هي؟؟

صاحت بضيق:
-ما تحترم نفسك بقى…

لتردف قائلة لنفسها:
– بجح أوي ماشاء الله

ختم حديثه بابتسامة دافئة..و تمتم بمشاكسة:
-واضح انك هتتعبيني..عشان كده هسيبك تغيري فستانك وهدخل اخد شاور

ثم قبل يدها برومانسية

..وأخذ ثيابه من غرفة الملابس متوجها إلى الحمام الداخلي للغرفة.

كانت لا تزال تقف في مكانها … في نفس المكان الذي وضعها فيه بعد أن دخل غرفتهم .. لتنظر إلى الغرفة بإعجاب واضح ، كل شيء فيها كان مثاليًا .. نظرت إلى السرير الرمادي الواسع المغطى بملاءات من الحرير الأبيض .. عاد وانهى حمامه ليجدها مستلقية في نفس المكان الذي تركها فيه .. بينما كان يأخذ حمامًا منعشًا. .. يرتدي سروال البيجامة فقط .. ويجفف شعره المبلل بمنشفة .. حدق بها بدهشة:
-مغيرتيش فستانك ليه؟؟ ولا عايزاني انا اللي اساعدك..

قاطعته بغضب وهي تتراجع للخلف :
-ليه وانا طفلة مش هعرف اقلعه بنفسي

حدجها بنظرة من نظراته المستفزة لها:
-ايه مالك..خايفة ؟؟

دلفت إلى الحمام بسرعة واغلقت الباب خلفها، ثم رفعت التاج من فوق شعرها و ازالت المكياج من وجهها بقطن و مزيل المكياج..

همست لنفسها بضيق وهى تضع يدها علي قلبها:
-مالك يا ايتن..في ايه؟؟ و بعدين انت بتدق بسرعة ليه كده عادي يوم وهيعدي خلاص

كانت تأخرت جدا في الحمام، كان ينتظرها منذ وقت .. طرق الباب بقلق:
-ايتن انتي نمتي جوة؟؟

سمع صوتها من الداخل بارتباك :
-لسة مخلصتش

سألها باستغراب:
-بتعملي ايه ده كله؟؟

فتحت الباب فتحة صغيرة وألقت برأسها من خلفه .. بينما هو يرفع حاجبه بدهشة:
-انتي كل ده لسة مغيرتيش الفستان؟؟

عضت علي شفتيها بضيق:
-مش عارفة اقلعه..

هتف بنفاذ صبر:
-طيب مقولتيش ليه..اطلعي وانا هساعدك

نظرت له بخوف ممزوج بالقلق:
-لا لا..انا هعرف

انتبه لإرتباكها فابتسم قائلا بهدوء:
-متوترة ليه بس؟؟.. انتي دلوقتي معايا..انا لا يمكن اعمل حاجة غصب عنك..متخافيش انا مقدر توترك ده ومش هجبرك على حاجة دلوقتي

خرجت من الحمام و نظرت له بتوجس:
-بجد؟

وقف امامها لتستدير له.. بينما كان يقاوم مشاعره تجاهها خوفا من أن يفقد السيطرة ويؤذيها .. اقترب ببطء .. وبدأ يفك سحاب الفستان حتى لامست أصابعه الدافئة بشرتها، تشبثت أصابعها بالثوب بقوة حتى لا يسقط من الأمام .. ابتلع ريقه ببطء فهي مثيرة للغاية فهو على وشك أن يفقد عقله .. ليلف ذراعيه حول خصرها ، ويضغط ظهرها على صدره العريض تمامًا .. ويدفن وجهه في رقبتها مقبلا إياها بخفة .. لكنها مازالت أكثر خوفًا وتوترًا.

لتبتعد فجأة:
-حمزة..انت قولت ايه؟؟

هز رأسه متفهمًا ، حيث طمئنها بأنه لن يحدث شيء ضد إرادتها .. دخلت غرفة الملابس ، وأخذت بيجامة حريرية ، ثم أخذت حمامًا دافئًا وتوجهت إلى الفراش .. تفاجأ أنها كانت ترتدي بيجاما بأكمام واسعة وطويلة

وبعد فترة وجدها تغلق عينيها لتبدأ في النوم .. ابتسم حمزة لها و قبّل جبينها بلطف .. وكاد أن يغادر الغرفة ، لكنه فوجئ بها ممسكة بيده، قائلة بنعاس:
-خليك هنا

استلقى بجانبها وشد رأسها على صدره وعانق خصرها بامتلاك بينما هي ضغطت بيدها لتحتضنه مثله .. ثم نامت بعمق.
__________________
بعد مرور ثلاثة أيام

زارتهم خالته ومنة وعمر..وبعد مدة قامت منة واخذت يد ايتن ودخلا الي الغرفة وقصت عليها موقف سيف ونصحتها ايتن ان تظل علي موقفها ولا تحن بسهولة

وبعد مدة من الحديث عن سيف

سألتها منة فجأة بخبث:
– ها قوليلي بقى..عملتوا ايه؟

ارتبكت ايتن قليلا:
-عملنا ايه في ايه؟؟

غمزت لها منة بضحكة :
– لا انتي فاهمة قصدي.. بتتهربي عشان متحكيش ايه اللي حصل صح !

– ايه اللي احكيهولك ؟

– على الحياة الزوجية بقى يا بنتي

-المسؤوليات وكده ؟ لسه يا بنتي ملحقتش

رمقتها منة بغيظ:
– اسكتي خالص… وماتحوريش بقى

هزت رأسها بتفهم بضحكة مكتومة، فقالت:
– محصلش حاجة أصلا

جحظت عيناها بذهول :
– نعم ..!

ابتسمت ايتن قائلة بتلقائية:
– يا بنتي حمزة راجل مش زي أي حد بجد

تحولت لهجة منة للجدية:
– لا وضحي بقى كده عشان شكلي هفهم غلط

ضحكت ايتن:
-يخرب عقلك..فهمتي ايه بس؟؟.. بصي انا امبارح..حاولت اتدلع على حمزة عشان يعني ميحسش اني مش عايزاه معايا..لقيته باسني من خدي..وقالي انتي مش مجبرة تعملي كده..واستغربت انه فاهمني اوي..وقالي انا عارف انك متوترة لسه..وانا مش مستني منك حاجة غصب عنك…ولا عمري هرضى انك تعملي حاجة مش بمزاجك عشان ترضيني..لما احس انك عايزاني بجد اكتر ما انا عايزك هنبقي أحسن بكتير

فتحت منة فمها بذهول:
– نعم ياختي حمزة !؟؟

ضحكت ايتن بسخرية :
– أيوة حمزة ماله يعني !

ضحكت منة بتبرير:
-لا انا قصدي يعني انه حمزة ابن خالتي ده بجح..مع انه بيتعامل بصراحة باحترام مع اي بنت..بس اقصد فترة خطوبتكم الصغيرة اللي مكملتش غير شهر ونص.. كنت بحسه يعني مستعجل على الجواز

ايتن بشرود:
-انا كمان استغربته بس الصراحة انا احترمت ده فيه اوي..خصوصا اني مراته حلاله..و رغم كده مراعي شعوري و طمني و حسسني بالامان..بدل ما احس منه أنه حيوان وعايز حاجة معينة وخلاص..

ثم اردفت:
-الصراحة كنت خايفة في الاول ..
لكن رجولته وخوفه عليا الايام الي فاتت ..واللي مكنتش اتخيل انه حنين اوي كده..مع اني كنت متوقعة ان حمزة قاسي.. متخيلتش ابدا انه يجي على نفسه في حتة زي دي عشاني

منة بهيام:
– ارزقنا يا رب

ثم تابعت بمزاح:
– وبعدين في واحدة تبقى متجوزة حمزة وتعمل فيه كده

ضحكت ايتن :
– اهو كان قدامك ياختي

قرصتها من وجنتيها بخفة:
– لا يجوز يا تونة… زي اخويا بقى
____________
مر ثلاث أيام أخرى

ولا يزال الوضع كما هو.. كان يعتقد ابتعادها عنه ذلك بسبب توترها وخوفها منه

قالت ايتن باستغراب:
-مالك بتبصلي كده ليه؟

غمز لها قائلا بهيام:
-معجب بقى اعمل ايه

ضحكت قائلة:
-لا بجد

ازاح خصلة من شعرها :
-بجد..قدامي واحدة زي القمر .. مراتي حلالي.. بس مش قادر اقربلها

ابتسمت ايتن بخجل .. فكانت ترتدي بيجاما من الحرير باللون البيج وصلت إلى منتصف فخذيها .. بحمالات رفيعة فهي أصبحت ترتدي أمامه ما تريد ، لأنه لم يحاول أن يخل بوعده لها ، فكان لا يقترب منها .. بل ويبتعد عنها حتى لا يفقد عقله

أحست بأنفاسه الدافئة تقترب من رقبتها .. لتقبيلها برقة
استقامت آيتن في وضعية جلوسها وزادت ضربات قلبها بعنف .. لكن حمزة اقترب منها أكثر و مال شفتيه تجاهها .. ثم قبلها بقبلة لطيفة سرعان ما تعمقت بشغف .. لكنها لم تستطع تحمل ذلك.. وضعت كفيها على صدره ودفعته عنها.

ثم قالت بصوت متوتر:
-لا مش دلوقتي… انا لسه..

وضع حمزة يده على وجهه وابتعد بسرعة عنها، تصاعدت أنفاسه بغضب شديد، فقالت بخوف و ارتباك:
-حمزة..

سقطت دموعها على وجنتيها، فمسح دموعها قائلا:
– انتي بتعيطي ليه؟

-عشان لسه مش مستعدة

اقترب منها حمزة قائلا بضيق:
– أنتِ متجوزاني غصب عنك يا ايتن؟
انا فعلا استغربت انك وافقتي عليا بعد ما كنتي رافضاني.. بس قولت عادي يمكن فكرت كويس و شافت أننا مناسبين لبعض او مامتك اقنعتك

هزت رأسها بنفي:
-لا مش متجوزاك غصب عني..بالعكس..

قبلها من يديها هامسا بقلق:
-اومال مالك يا حبيبتي؟؟؟ اهدي كده وفهميني

أغمضت عينيها هامسة برعب:
-من اللي شوفته قبل كده … مش عايزة اعيش نفس الخوف اللي حصلي ده تاني

– ايه اللي شوفتيه قبل كده قوليلي ؟؟

يتبع…..
________
مستنية رأيكم وتوقعاتكم ????❤️❤️
إن شاء الله الفصل الجديد في ميعادنا يوم الاربعاء.. لكن لو شجعتوني و وصلتوا البارت ده لـ 400 لايك وكومنت هتشجع واخلصه بسرعة وانزل بكرة بارت هدية

قولولي مين اكتر شخصية عجبتكم لحد دلوقتي ؟
واكتر شخصية كرهتوها؟الفصل الثالث والعشرون

أمسكها من كتفيها ، ورفعها لتقف ، ورفع رأسها إليه قائلاً بحزم:
-حصل ايه يا ايتن احكيلي..

أغلقت عينيها وهاجمتها الذكريات بقسوة .. ذكريات كانت تخفيها في زاوية مقيدة بذاكرتها تحاول أن تنساها ولا تنساها ، ذكريات مؤلمة تدمر لحظاتها

-من 5 سنين كده..ظهر شاب في حياتي كان جارنا ومعجب بيا واتقدملي اتخطبنا وكان وقتها صاحب العمارة بيضايقنا كتير و بيتلكك عشان مفيش معانا راجل لدرجة أنه قدم بلاغ فينا بالكدب لحد ما مهاب دافع عننا وخلاه يندم أنه عمل كده..مهاب كان قبل ما اكتشف حقيقيه كان راجل بجد..وكانت علاقاته العامة قوية وله معارف كتير عشان كده دافع عني بسهولة.. و قولتله انا مش عايزاك تجرحني زي بابا قالي انا عمري ما اعمل حاجة تضايقك واللى فات من عمرك ده خلاص راح..طبعا حبيته وكنت مبسوطة جدا معاه..زي ما يكون ربنا بعتلي الراجل اللي هيعوضني..هيعوضني عن قسوة ابويا..بس كان في حاجة غريبة كانت واحدة جارتي قالتهالي مرة..ان مهاب كان من عيلة مش كبيرة اوي وكان بيشتغل في شركة مكان عادي ومرتبه ميسمحش انه يمتلك كل ده..عربية غالية جدا واراضي وكان عنده شقتين باسمه..ده غير فلوسه اللي في البنك..بصراحة شكيت شوية بس لما سألته قالي ان ده ورث أبوه من جده وكان مقسم لكل واحد فيهم وهو عايش..وهو حط فلوسه في مشاريع لحد ما كبرت..طبعا انا صدقت وخلاص عادي..مهاب كان بيتعامل معايا بكل احترام جدا..لحد ما قرر يعملي مفاجأة بمناسبة اني دخلت الكلية وكنت جايبة مجموع حلو في الثانوي بس هو أجل لحد ما نتخطب واقدم في الكلية، يومها جابلي هدية وقالي أنه في عزومة مع صحابه و مراتاتهم عند المزرعة بتاعة حد منهم وأنهم عايزين يتعرفوا عليا..وطبعا استأذن ماما و وافقت لأن مرات صاحبه دي اتصلت بيها تعزمني تاني وكلمت ماما وقالتلها أنها عايزة تتعرف عليا وعدى عليا بعد المغرب و روحت معاه، الغريب أن مش كلهم معاهم زوجاتهم زي ما قالي، ما عدا واحد بس منهم اللي مراته كلمتني وحتى مكنتش قاعدة معانا طول الوقت… بعدها كان في واحد من صحابه دول قالي أن شكلي حلو وبمعنى أدق عاكسني بس بطريقة غير مباشرة طبعا من غير ما مهاب يكون قاعد…

فلاش باك..

ذهبت إليه قائلة بصدمة :
– مهاب .. صاحبك اللي قاعد هناك ده عاكسني

قهقه قائلا بضحكة و برود :
– تلاقيكي بيتهيألك بس أو ميقصدكيش

ليردف قائلا ببرود :
– وبعدين حتى لو قاصد .. ما طبيعي أي راجل يعجب ببنت حلوة

رمقته بكل ذهول ليتراجع بعدها بضحكة مزيفة قائلا :
– بهزر طبعا…هو بجد عاكسك ؟

– أيوة يا مهاب … يلا نمشي..وبعدين فين الستات اللي موجودة زي ما قولتلي … مفيش غير صاحبة العزومة و دي مقعدتش معايا كتير

– في ايه يا آيتن … انتي بتغيري جو .. هو انتي قفل كده ليه ؟

– أنا برضو اللي قفل ولا انت اللي غريب النهاردة أوي.. انا مش مصدقة…انت ازاي بتكلمني كده بكل برود و كمان انا مش مرتاحة وانا قاعدة لوحدي كده ومعظمهم رجالة في المكان…

– خلاص يا ايتن هي اتحسبت علينا عزومة…هنقعد نتغدا يا حبيبتي و نمشي… و مش هخرجك تاني مع صحابي

بعد قليل تقدمت منها زوجة صديقه قائلة بابتسامة :
– ايه رأيك تيجي تساعديني في تجهيز السفرة؟

نظرت إلى مهاب ليطلب منها أن يمضي اليوم بسلام حتى يذهبوا.. فأومأت برأسها وهي تدخل معها المطبخ تساعدها في تجهيز طاولة الطعام بالخارج…وأثناء دخولها مطبخ الڤيلا مرة أخرى…وجدت مهاب بالغرفة التي بجانب المطبخ، وهو يرتدي بنطالاً فقط ، لكنها كانت المرة الأولى التي رآته فيها هكذا، ثم أغمضت عينيها وقالت له:
– انت لابس كده ازاي؟

رد قائلا:
– هو انتي مكسوفة ليه؟

كانت عيناها مرتعبة في ذلك الوقت بخوف, لدرجة أنها كادت أن تخرج, ولكنه كان الاسرع منها فهو سحبها بشدة نحوه قائلا بنبرة شيطانية:
-انا ما صدقت الفرصة جاتلي وأخيرا بقينا لوحدنا..بقالي 6 شهور طالع عيني دلع و مسؤلية وعامل نفسي راجل بجد عشانك..انتي الوحيدة اللي الحوار طول كدا معاها..

لقد صدمت وأخبرته بصوت عال بصراخ:
-انت ماسكني كده ليه…سيبني

– هقولك على السر اللي محدش يعرفه و سبب ان عندي الفلوس دي كلها انه..

لم تستطع ايتن استكمال الحديث وهي تبكي بعنف وألم .. جلست على الأرض ترتجف .. فانحنى حمزة بجانبها وأمسك رأسها ودفنها في صدره وهو يهمس بهدوء في أذنيها:
-اهدي يا حبيبتي.. ومتخافيش ابدا

اكملت بصوت منقطع..متحشرج وهي تعود إلى الماضي مرة أخرى، ومهاب يكتم فمها من محاولاتها للصراخ قائلا بنبرة حادة:
– متخافيش انا مش هلمسك زي ما انتي فاكرة … صاحبي اللي عاكسك هو اللي حابب يكون معاكي.. اظن انتي كده فهمتي انا بشتغل ايه !

ليدفعها نحو الغرفة وهو يغلقها خلفهم لتدفع الباب وتحاول فتحه وتصرخ بعنف وقوة وتضربه بكل ما تطوله يدها ولكن لا فائدة …

قال بنفاذ صبر بنبرة متعصبة:
– انتي الوحيدة اللي صبرت عليها عشان مكنتيش بتوافقي نخرج لوحدنا خالص ولا حتي اوصلك بعربيتي..

صاحت بنبرة متألمة بتوسل :
– سيبني امشي وانا مش هقول لحد على السر ده..

قهقه بضحكة عالية :
– هو دخول الحمام زي خروجه..بقولك دي فرصة عمري اللي بقالي 6 شهور مستنيها..انا صبرت عليكي عشان حبيت وجودي معاكي

رمقته باشمئزاز قائلة بانهيار :
– بس انا حبيت مهاب الراجل اللي بجد مش انت.. انت واحد تاني قدامي …اسوء واحد اتكسف حتى اقول عنك راجل

وجدته يشد شعرها بقوة ومن ثم صفعها على وجهها قائلا:
– الاتنين واحد بس اللي قدامك ده مهاب الحقيقي التاني كان لابس قناع يتداري فيه..وبعدين خلينا نتفاهم كدا عشان تتبسطي..

صرخت قائلة:
-تفاهم ايه انا اتصدمت فيك..

-انتي لو بنت زكية واقفة فعلا فى ضهر خطيبها اللي هيبقى جوزها احنا ممكن نوصل لدرجة من الغنى مانقدرش نتخيله

اقترب نحوها يمسك ذراعها بقوة آلمتها قائلا بحقد :
– خليكي كده هتفضلي غبية، ياريتني كنت بنت كنت عارف كويس انا هعمل ايه

بصقت على وجهه بكره :
– ما أنت كده فعلا … أنت بالنسبة لي مبقتش راجل خلاص

لم تمضى لحظة واحدة حتى و شعرت بسخونة وجنتيها اثر صفعته لتقع ارضاً تنظر نحوه بخوف، ليصرخ بها قائلا:
– انتي هتتبسطي وهخليكي مش محتاجة اي حاجة.
..ولو مسمعتيش اللي بقوله هخليكي تشوفي ايام سودة في عمرك..فوافقي بمزاجك احسن ما اخليكي تندمي..

كور يده بشدة وتحولت عيناه إلى كتلة من السواد .. سواد جعله أشد قسوة مما كان عليه .. بينما هي هتفت من الألم وهي تتنفس بصعوبة:
– حرام عليك يا مهاب …سيبني…انا مش كده …انا مش كده صدقني

وجدته يضرب رأسها بالحائط ويصرخ بشكل مرعب قائلا:
– انتي اللي جبتيه لنفسك

صفعها بكل قوته وبلا رحمة.. لم تكن تعرف حتى كيف أن تصرخ أكثر من هذا .. فنبرة صوتها أصبحت ضعيفة مع كل صفعة قوية منه , وجدته يخبرها أن هذه “قرصة اذن بسيطة” من أجل التأديب .. بحق الله … من منهم يستحق التأديب !

ظل أن يفعل هذا طوال اليوم ويضربها بشدة .. ويسمعها كلمات بشعة مرعبة .. لم تستطع تحمل الألم .. كانت ستموت بين يديه حرفياً

انتهاء الفلاش باك..

صرخت ايتن وهي تخبأ وجهها في تيشرت حمزة..همست بقهر:
-انت عارف لو كان حصل كنت هتدمر طول عمري..وانا كان اهون عليا اموت ولا يعمل كدا..لحد ما لقيته بيهددني بأمي..طبعا اترعبت.. بعدها البنت اللي قال إنها مرات صاحبه دي … صعبت عليها وهي كانت ضحية قبلي بس ملقيتش حد ينقذها .. كانت مبسوطة من تصميمي وان انا مستحملة كل اللي عملوا فيا … وقتها هي اتكلمت معايا لما هو طلب منها تعقلني..وتعرفني حصلها ايه … وأنه الموضوع كأنه اعتداء حصل معاها … ساعتها هي قالتلي اعملي نفسك انك موافقة وانا هتصرف …. طلب منها تساعدني اغير هدومي…وبعدها كان المفروض صاحبه ده مستني يعمل كده ومهاب كان مشي وسابني….اللي فهمته أنه بيمشي في اللحظة دي و بيستنى في عربيته…. استنت هي مكاني في الاوضة … وخرجتني من باب جانبي من المزرعة وقالتلي اهرب على طول، وانا بهرب سمعت صوت الراجل ده بيتخانق معاها … بعدها صوت تكسير زجاج …وعرفت أن هي خبطته بحاجة وصرخت قالتلي ملكيش دعوة اهربي بسرعة قبل ما مهاب يرجع يكتشف اللي عملناه … وتقريبا الراجل اللي كان معاها ده كان اغمى عليه أو معرفش حصله ايه..ركبت تاكسي ورجعت البيت..اخدت امي وحكيتلها كل حاجة..وقعدنا عند دنيا صاحبتي..وعمها كان شغال في الجامعة..راح اداني ملفي عشان احول تجارة انجلش جامعة إسكندرية..وسألته ينفع يحطلي زي نسخة كدا في جامعة الفيوم..عشان يبان ان انا لسة في الجامعة..طبعا مكنش ينفع بس هو حاول وعمل كدا..وبعدين جينا اسكندرية واخدنا شقة هنا..واتعرفت علي خديجة في اخر سنة ليا في الجامعة..بس من يومها وانا اتغيرت تماما..بقيت قوية اووووي..الضعف والطبية بتاعة زمان اتمسحوا نهائي..مبقتش بصاحب أي حد ولا بثق في حد بسهولة..وطبعا الحب ده كان اخر حاجة ممكن أفكر فيها.. وبعدها اشتغلت في فندق هاني..كان وقتها هو وخديجة لسه متخطبوش رسمي بس كان مكلم باباها في الموضوع وهي كانت لسه متخرجة وعايزة تشتغل الاول..وبدأت اطلع كل طاقتي في الشغل لحد ما نجحت و وصلت للي انا فيه

تأوه من الألم عليها وهو يرى عينيها اللتين أصبحتا لون الدم ، والدموع الساخنة تنهمر على خديها .. فحاصر كتفيها بيديه محاولا تهدئتها:
-اهدي يا ايتن..كل ده عدى خلاص مفيش خطر تاني

همست ايتن برعب:
-المشكلة ان انا خايفة يعملي حاجة..خصوصا انه ظهر من قريب وهددني

تذكر ما كانت تعيشه من قبل بخوف ورعب .. رأى حالتها تزداد سوءا .. ارتجف جسدها أكثر فأكثر .. زاد صوت بكائها وأصبحت تبكي وتصرخ .. لم يجد مفر إلا لاحتوائها بين ذراعيه ، يمشط شعرها بيده بحنان ، ويهمس بهدوء:
-خلاص والله كل حاجة هتبقي تمام..بس اهدي بقي..محدش هيجي جمبك طول ما انا موجود ومعاكي..علي جثتي لو حد اذاكي

لتجيب هي بصعوبة وسط شهقاتها:
-ده..ده…كان…

عانقها أكثر فأغمض عينيه بغضب لأنها تعرضت لهذه الصدمة في الماضي، مهددًا بداخله بأسوأ عقاب لهذا الشخص.

ليهمس بهدوء:
-انسي..انسي يا ايتن..عايزك تمحي كل ده من ذاكرتك..صعب انا عارف بس حاولي تنسي عشان ترتاحي

بقيا فترة علي هذا الوضع لتهدأ هي من نوبة بكائها تلك..مرت فترة من الصمت ليقطعها هو بنبرة هادئة

قائلا بابتسامة :
-جعانة؟ اجيبلك حاجة تاكليها

نظرت نحوه لحظات قبل ان تردف:
-لا..خليك جنبي و بس..انا عايزة انام..ومش عايزة ابقى لوحدي

ربت علي شعرها بنبرة حانية:
-انتي مش لوحدك .. انا جنبك وهفضل..خليكي متأكدة من ده

همست بقلق:
-يعني مش هتسيبني خالص

همس في اذنها :
-لا مش هسيبك..و بعدين انا متعودتش عليكي كده..انا متعود علي ايتن القوية..القوية اوي..انا مش عاوزك تتعبي بمجرد التفكير في اي حاجة وحشة..مش عايزك تضعفي او تخافي من حد وانا معاكي..فاهمة؟؟؟

بينما هي تفكر في الأمر حقًا.
الى متى سوف تخاف؟ الى متى ترى وجه ذلك الخسيس في كل الرجال .. الى متى ؟؟!

أغمضت عينيها بروح منهكة .. لأول مرة شعرت بالأمان .. الأمان الذي سلب منها .. أخيرًا وجدت سلامها وهدأت روحها .. شعرت بالاطمئنان بين ذراعيه .. وعدها بأنه لن يسمح بحدوث أي شيء سيئ لها .. وحمزة رجل لا يخلف بوعده .. كلاهما أغمض أعينهما وهما يعانقان بعضهما البعض كروح واحدة.
_____________________
مرت ساعتان..غفوت ايتن في حضنه..بينما هو لم يستطع النوم..رن منبه هاتفه بموعد صلاة الفجر كعادته..ولكن هذا اليوم قلقت ايتن وشعرت به يتحرك من جانبها..عادت للوعي لتنظر قليلا إليه..فوجدته يدلف الى الحمام توضأ وخرج بعد خمس دقائق..

وجدها نهضت من علي السرير..وعيناها تنظر إليه

حمزة بحرج:
-اسف لو المنبه صحاكي..كملي نوم طيب

هزت رأسها بنفي:
-لا ابدا..ده عشان انا منمتش كويس بس

ثم زمت شفتيها بضيق عندما وجدته خارج من الغرفة:
-انت رايح فين؟ مش هتنام تاني ؟

حمزة بابتسامة :
-لا يا حبيبي..هصلي الفجر و ارجعلك

-انت بتصلي الفجر في ميعاده ماشاء الله ؟؟

قهقه بدهشة من نبرتها :
-اكيد الحمد لله..انا متعود على كده

ايتن بارتباك:
-اصل..كنت فاكراك يعني مبتصليش في نفس الميعاد

هز رأسه بتفهم:
-لا الحمد لله بصليه في ميعاده

ارتسمت علي شفتيها ابتسامة جميلة، دلفت بسرعة إلى غرفة الملابس واخذت منشفة..ثم دلفت إلى غرفتهم لتناوله المنشفة يجفف بها..بينما حمزة كان سعيدا لاهتمامها به

صلى السنة ثم الفجر..وجلس يسبح قليلا كعادته..ثم قرأ ما تيسر من القرآن من سورة “يس” التى تعود ان يقرأها دائما بعد صلاة الفجر بالتحديد..وفي أثناء قراءته وهو جالس علي الأرض

جاءت ايتن وهي ترتدي إسدال أزرق..وحجابه الأزرق الذي زادها جمالا..ابتسم فور رؤيتها بهذا المنظر..ثم تابع قراءة السورة..بينما هي تكومت في حضنه..وهو مازال يقرأ السورة..كما لو كانت قطة تجلس بجانبه في هدوء وسكينة مستمتعة بدفئ من بجانبها

اخذها تجلس بجانبه ويمسح على حجابها..وهو يقرأ وعيناه في المصحف..وكأنه محتضنا ابنته ذات الثلاث سنوات جاءت لتجلس في حضن ابيها

ليستكمل آخر آيات في السورة بصوته المريح الهاديء

“أَوَلَيْسَ الَّذِي خَلَقَ السَّمَاوَاتِ وَالْأَرْضَ بِقَادِرٍ عَلَى أَنْ يَخْلُقَ مِثْلَهُمْ بَلَى وَهُوَ الْخَلَّاقُ الْعَلِيمُ* إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ* فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ”

اغلق المصحف وانهي بصدق الله العظيم..ثم قبل رأس ايتن وهي مغمضة عيناها مبتسمة في حضنه

هتفت ايتن باستغراب:
-انا بجد مبسوطة انك ماشاء الله بتقرأ القرآن بالتجويد..

حمزة بتبرير:
-القرآن عشان في مدرستي كانوا بيهتموا بالقرآن شوية..مع انها لغات بس بصراحة مأهملوش النقطة دي

ثم أردف بابتسامة:
-تاني نقطة بصلي في مواعيدي ازاي..هقولك حاجة..انا حاطط دايما في دماغي ان ربنا مش بيبارك في حاجة بتأخرني عن الصلاة وان احنا اصلا مش كاملين وحياتنا فيها حاجات غلط طبعا..فالصلاة بالتزام دي الباب المتوارب مع ربنا دايما وهي اساس البركة في حياتنا..ماما كانت دايما معوداني ان حتى لو اتأخرت وجت صلاة علي صلاة اني منامش في يوم الا لما اصلي كل اللي عليا..لحد ما اتعودت اصلي كل فرض في وقته

– أنا كمان بصلي كل الفروض لكن دائما عندي مشكلة..مبعرفش انتظم في المواعيد وصلاة الفجر يوم اجازتي بس لما ماما بتصحيني معاها

أشار علي قلبها، قائلا باتزان:
-عارفة لو علقتي قلبك بيها..هتبقي انتي اللي مستنية الاذان يأذن..وهتحسي ان هي مكان الراحة الوحيد في حياتك..في جملة بابا قالهالي زمان لما كنت صغير وبتهرب من اني اصلي معاه..الجملة دي معلقة معايا جدا..قالي لما بيجي وقت آذان الصلاة “ربنا بيتهيأ لملاقتنا” فتخيلي كده ان ربنا بيبقي مستنيكي..

ايتن بشرود:
-ماما دايما تقولي تخيلي اول ما الاذان يأذن ان الشيطان بيتحدي ربنا تقوم ولا لا

كشر حمزة وهو يقاطعها:
-فطبعا مش هتخذلي ربنا..اكيد هتقومي

بعد صمت دام لدقائق

سألها بفضول:
-صحيح ايه اكتر حاجة ممكن تخوفك او نقطة ضعفك في الحياة؟!

ردت بدون تفكير:
-ان امي تمشي في يوم..انا عارفة ان الموت أمر لابد منه..بس بدعي ربنا يخلي اليوم ده متأخر اوي..او يبقى يومي قبلها

-بعد الشر عليكي وعليها..انتي من النوع اللي بيبقى عارف نهاية الرواية او علي الأقل ملامحها وبتبقي واثقة ان النهاية محتومة لكن برضو بتبقي خايفة منها

هزت رأسها بنفي:
-انا مش خايفة من النهاية..انا عارفة اني مش هقدر اعيش وهي بعيدة..مش خوف من حاجة قد خوفي اني ارجع البيت في يوم وملاقيش نفسها فيه

-ربنا يطول في عمرها

ثم اردف حمزة بإعجاب :
-بس قوليلي بقي ايه القمر ده

ردت ايتن بخجل:
-بجد شكلي حلو بالطرحة؟

غمز لها قائلا :
-هو فيه احلي من كده؟

ايتن بتلقائية:
-انت

شعرت بالخجل من تسرعها، ثم نهضت وهي تتهرب منه:
-اه صحيح.. انا هقوم اصلي الفجر وهتعود على الميعاد ده معاك..

-تمام يا حبيبتي
_________________
بعد مرور عدة أيام …
في صباح يوم جديد وبالتحديد .. الساعة السادسة صباحاً

استيقظت آيتن على رنين هاتفها .. رفعت خصلات شعرها بينما كانت كفها الأخرى على فمها تتثاءب..جاءها ذلك الصوت الرجولي على الطرف الآخر:
-ايه يا ايتن..انتي لسة نايمة؟

ردت بنعاس:
– اجازة بقى وكده .. اومال انت نزلت بدري امتى؟

حمزة بنبرة قاطعة:
-طيب يلا قومي وفوقي كده وغيري هدومك..عشان هاخدك نخرج بره

زمت شفتيها بضيق، قائلة بتوسل:
-حرام عليك..حد يخرج الساعة 6 الصبح..خلينا بالليل عشان خاطري

قاطعها بخشونة، غير مهتم لتوسلها:
-قومي بلاش كسل..نص ساعة وهعدي عليكي

ايتن بتذمر:
-لا..مش قادرة عايزة اناام بجد

ابتسم بمكر وهو يقول:
– طيب عموما قدامك ساعة بالظبط… هعدي عليكي ولو ملقتكيش جاهزة…هتصرف انا..

قاطعته بسرعة وهي تعتدل بالجلوس:
-خلاص..انا صحيت اهو

أمرها بحذر قبل ان يغلق المكالمة :
-تمام..والبسي حاجة طويلة شوية

زفرت بضيق ، لأنها لم تكن معتادة على شخص ما يتحكم بها هكذا.
ثم قامت وأخذت حماماً منعشاً .. اختارت أن تلبس بنطال جينز وبلوزة بيضاء طويلة..أخيرًا ، رسمت عينيها بالماسكرا ووضعت أحمر شفاه.

خرجت بعد أن انتهت ووجدته يناديها وكان ينتظرها في أسفل المبنى..لتجده متكئًا على سيارته ، اقتربت منه ، تهمس بهدوء:
-صباح الفل

وضعت يداها حول خصرها، قائلة بنعاس:
-يا صباح القلق

جلست بالمقعد الأمامي في سيارته وبدأ بالتحرك، سألته بفضول:
-ها هتوديني فين؟

رمقها عبر المرآة يبتسم ابتسامة ماكرة وكأنه يخفي شيئا ما عنها، قائلا بحدة:
– اولا مينفعش تسألي احنا رايحين فين..هتعرفي لما نوصل..

عقدت حاجبيها معلنة عدم رضاها على كلامه شابكة ذراعيها حول صدرها، قائلة بمشاكسة بصوت خافت:
– هتلر والله

رمقها بحدة:
-سمعتك على فكرة

هتفت بقوة:
-ما تسمع..هو انا هخاف منك؟

يتبع….
_______
طبعا ده كان بارت هدية … اسفة اتأخرت في الوقت عشان النور كان قاطع????
لو وصلتوا البارت ده لـ 450 لايك وكومنت هنزل بارت هدية اضافي تاني ????
مستنية رأيكم وتوقعاتكم ❤️الفصل الرابع والعشرون

تفاجأت برحلة جوية سريعة إلى شرم الشيخ، وبعد مرور وقت قصير أخيرا دخلت سيارة الأجرة التي تنقلهم من المطار إلى امام ميناء كبير بشرم الشيخ، لتتوقف السيارة عنده..رأت أمامها بعض القوارب واليخوت بجميع الأشكال والاحجام، تتمايل بهدوء مع حركة المياه

اتسعت عيناها بذهول هي حتى الآن لا تدري بما يفكر، لتسأله بدهشة:
-احنا هنعمل ايه هنا

نزل من السيارة، قائلا:
-انزلي وانتي ساكتة

استدار برشاقة حول السيارة ، وفتح لها الباب ، ثم عقد ذراعه بذراعها .. نشر كفه وسط منتصف ظهرها .. ساروا على طول الشاطئ ، وتوجهوا نحو الميناء ، وأصبحت القوارب أكبر تدريجياً. ثم توقف حمزة أمام يخت ضخم وأنيق ومميز .. يمكنك أن ترى أنه تميزه من بين اليخوت التي على الشاطئ .. ابيض اللون ، رائع حقًا ، جذاب وفريد من نوعها ، لا مثيل له .. اقترب القبطان من حمزة بمجرد وصولهم مرحباً بهم..

بينما ايتن مازالت مذهولة، قائلة بتساؤل:
-هنركب يخت؟؟

ابتسم ، ثم أخذ يدها وقادها صعودًا على الدرج الصغير ، ثم صعدوا إلى اليخت .. على سطح اليخت كانت هناك طاولة طعام ، وكراسي كبيرة مغطاة بالجلد الأزرق تدور حول اليخت ، و كانت أمامه طاولة ممتدة بطول المقعد تتسع لحوالي عشرة أشخاص.

ثم في المنتصف قمرة القيادة ، ثم الكابينة التي تؤدي إلى الأسفل بواسطة سلالم بيضاء واسعة تؤدي إلى الحجرات

سمعت صوت الرجل يخبره:
-تمام هنتحرك دلوقتي

حدقت للحظة في اليخت فلم تجد أحد غيرهم، وبعد قليل لمحت فتاة من اسفل بالعشرينات من عمرها

ايتن بدهشة:
-حمزة..هو ازاي هيتحرك ومفيش حد غيرنا؟؟

هز رأسه بتبرير:
-مانا أجرته ليا انا وانتي بس..ايه ما عجبكيش؟؟

-بتهزر؟؟! اليخت تحفة..لا ده اكتر من التحفة

وبحركة عفوية مد يده، قائلا بجدية:
-تحبي تتفرجي عليه من جوة؟

اخذت كفه واجابته بحماس:
-ياريت

تبعته داخل اليخت ، حيث كانت توجد أريكة جلدية باللون الكريمي ، وفوقها نافذة كبيرة منحنية توفر إطلالة رائعة على البحر.. على اليسار يوجد المطبخ بكافة تجهيزاته وخزائنه.. يبدو حديثًا وأنيقًا ، كما لو لم يتم استخدامه كثيرًا من قبل.. الحمامات على الجانب الآخر وفي المقدمة غرفة نوم فاخرة.. وبجانبها غرفتي نوم صغيرتين كل واحد يحتوي على سريرين مع مرايا ونوافذ

أما بالنسبة للغرفة الكبيرة فهي تحتوي على سرير كبير وواسع يشغل معظم مساحة الغرفة.. إنها مطلية باللون البيج مع أثاث معظمها بنفس درجات اللون .. وكذلك الكثير من النوافذ مغطاة بستائر ومرايا وخزائن تحيط بها.

أسرعت نحو السرير ، ألقت بنفسها عليه بمرح ، تجرب مرونته ، واسندت ذراعها للخلف مسترخية .. بينما كان يقف عند مدخل الغرفة ويداه مطويتان ويراقبها بابتسامة رائعة.

قالت ايتن بانبهار:
-بجد حلو جدا..كل حاجة في اليخت تجنن..خيال

اقترب منها أكثر، وقلبها يخفق بعنف داخل صدرها محاولا الهرب منه و إليه..!

جذبها بين ذراعيه بينما مرر أصابعه بين خصلات شعرها، وهو يتحدث بنظرات إعجاب :
-هو حلو فعلا مفيش خلاف عليه..بس بقى احلى وانتي موجود فيه

شعرت بالخجل قليلا وتسارعت ضربات قلبها .. شعرت أن قلبها سيتوقف لحظة .. نعم ، حرفيا سيتوقف .. هل هذا ممكن ؟! حمزة يتكلم بطريقة رومانسية ، وقبل فترة كان يتعامل معها ببرود .. لكن كيف عرف أنها كانت تأمل أن تعيش تلك اللحظة ؟!

رمقها حمزة بنظرة غريبة غامضة فحرر يداه متنحنحا فاسحا لها المجال لتبتعد، ليسألها:
-ها بقى؟؟ تحبي تاكلي ايه

– بما أننا في البحر يبقى سي فود..ايه رأيك؟

امسك هاتفه تفقده لثوان، ثم التفت لها:
-حاضر… أنتِ تؤمري

ثم أخذها من يدها ليقودها إلى الخارج ، وفتح الباب لتتمكن من النزول أمامه على الدرج المكون من عدة درجات

وقفت في قاع اليخت وهي تنظر بإعجاب إلى البحر. المكان أكثر اتساعًا .. وتحيط به النوافذ من جميع الجوانب .. الأرضية رمادية اللون.

لتأتي فجأة فتاة في العشرينات من عمرها، تبدو أنها من طاقم المساعدة، قائلة بابتسامة عريضة:
-كل حاجة جاهزة يا فندم

سحبها خلفه دون أن تسأله..نحو الطاولة المخصصة للطعام

اندهشت فالطاولة عليها غداء رائع للمأكولات البحرية ولم يقتصر على طلبها فقط

اشرقت عيناها بدهشة:
-كل ده بجد؟

امسك بيدها برفق، مقبلا اياها بطريقة رومانسية :
– اللي نفسك فيه كله يتنفذ

ضحكت ايتن:
-هتغر والله

غمز لها قائلا :
-براحتك..هاتي اخرك

إنها نقطة التحول في حياته .. أقامت ثورة على مشاعره .. كانت النساء التي قبلها متاحة له وتتمنى أن تدخل حياته .. ولم يهتم وكان دائما رافضا .. حتى أتت هي وقلبت موازينه .. كل خططه .. وصارت استثناء وستبقى في عينيه استثناء.

تناولا الغداء وسط ضحكاتهم وانبهار ايتن بكل ما يفعله لأجلها

ثم أردف ليسألها:
-تحبي تاكلي حاجة تاني؟ أي حاجة نفسك فيها قوليلي

ايتن بشك:
-بجد ؟

اومأ بثقة:
-جربي..بونبونايتي لازم كل طلباتها تنفذ..انت تؤمر يا باشا

ايتن بتفكير:
– طيب عايزة غزل بنات

اومأ بإيجاب :
– احلى غزل بنات للبونبوناية بتاعتي الجميلة

حدقت به بعيناها وكأنها لا تصدق، لتسأله بفضول:
-ايه حكاية بونبوناية دي؟

ضحك قائلا:
-انتي من جوة بونبوناية..بس ساعات بتكوني شرسة وعنيفة كده

رمقته ببراءة:
-انا شرسة؟

-ساعات اه

وبالفعل أحضرت الفتاة الثانية من طاقم العمل..مجموعة من غزل البنات لايتن
____________
في مدينة الإسكندرية…

ذهبت خديجة مع خطيبها هاني في إحدى المطاعم الراقية التي تطل على البحر.

اقتربت منهم النادلة وهي تتلقى الطلبات منهم .. اقتربت من هاني وكانت عيناها تراقبه بشغف وتحاول لفت انتباهه إليها.. لاحظت خديجة أن هذه الفتاة كانت تحاول لفت نظره بشكل غير مباشر وتميل جسدها عليه عندما كانت تأخذ الطلبات وتقدمها … زفرت بضيق وغضب وداخلها نيران الغيرة تلتهمها ، عندما لاحظت ابتسامة الفتاة لخطيبها.. وهي تتأمله جيدا

التمعت حدقتي عينيها البنيتين بحرقة .. وبينما لاحظ هاني مقدار الغضب الذي اندلع من عينيها .. لكن تلك الفتاة الوقحة ما زالت تدقق فيه جيدًا وتقدم كل الطلبات وحدها.

قهقه هاني بضحكة عريضة:
-لا بس كل مرة بتفاجئ انك بتغيري عليا اوي كده

شهقت خديجة بانزعاج:
-نعم؟؟ انا اغير و من دي ؟؟ لا طبعا

ثم مال عليها مقتربا منها، وقال ساخرا:
-متأكدة يعني؟

ابتلعت ريقها بصعوبة :
-طبعا

لينظر هاني خلفه مرة أخرى فسحبت خديجة وجهه إليها بعنف نحوها ، لمعت عينيها بغضب :
– ايه عجباك هي صح ؟

– هي مين دي ؟

– هاني ماتحورش..انت فاهمني…انا بتكلم على البت المتسهوكة دي..

– مالها مش فاهم؟ انا كنت هطلب حاجة تانية مع الاوردر

-هي مالها بتتسهوك عليك كده ليه؟

غمز لها وهو يقترب منها :
-طيب ما تتسهوكي زيها حد مانعك

ابتعدت قائلة بعصبية :
-نعم؟ بصفتك ايه يعني اتسهوك عليك

رفع حاجبه، قائلا بسخرية:
-يمكن عشان خطيبك مثلا؟

شهقت قائلة باندفاع:
– اهو انت جاوبت على نفسك يا استاذ … بذمتك مش مكسوف من نفسك وانت بتقولها ؟ خطيبي … يعني لا يجوز…لما بقى نتجوز وتكون جوزي وقتها ممكن !

أجابها بنبرة خافتة :
– ممكن ايه ؟ ده اجباري و لازم يحصل … انا شكلي هيتضحك عليا في الجوازة دي

– خلاص انت فيها

ابتسم لها قائلا:
– والله لو حصل ايه مش هسيبك … وانا الاقي قمر زيك فين بس؟

ليردف قائلا :
– أنتِ القمر بتاعي يا احلى بنوتة في الدنيا

ابتسمت له خديجة بسعادة :
– بحبك أصلاً

– وأنا بموت فيكِ..ونفسي بقى نتجوز

– أن شاء الله يا حبيبي

قال بنبرة جادة :
– بس معلش قبل الجواز تمضيلي شيك على بياض انك هتدلعي عليا بعد الجواز

– هااااني

– مش مطمن لأ

– متقلقش في دلع متشال لحبيبي بس اصبر أنت

– هصبر طبعا .. هو انا ليّ غيرك يا حياتي

احمر خدي خديجة بخجل ، ثم ظهرت الابتسامة على وجهها ، فالتفتت إلى الناحية الأخرى حتى لا يراها هاني … بينما لاحظ هو ابتسامتها ، فابتسم أيضًا
_________
صعد حمزة إلى مقدمة اليخت ليتحدث مع القبطان..ليتناقش معه في شيء ماء

وقفت آيتن باتجاه مقدمة اليخت السفلي ، متكئًة على الحافة لتشاهد البحر.. ثم أغمضت عينيها وداعب الهواء الرطب شعرها ولمس بشرتها .. لتتفاجأ به قادماً من خلفها متكئاً معها على حافة المقدمة .. فتحت عينيها بتكاسل.

ثم سألته وهي تحاول الاعتدال :
-هو الكابتن هيقف امتي

– 10 دقايق و يقف..الماية في المكان اللي هنروحه صافية وهادية

جذبت بلوزتها حول جسدها، سألها وهو يجذبها بقوة إلى دفئ جسده:
-بردانة؟

اختلط بوجهها الخجل وهي تقول:
-لا انا بس عاجبني المنظر..ممكن أفضل ابص للبحر طول الوقت..منظره جميل وساحر

همس بجانب اذنيها:
-مفيش حد جميل و ساحر غيرك أصلا يعني

حاولت أن تعلق أو تقول شيئاً ما ولكن شعرت وكأن لسانها انعقد، ليعلو فجأة صوت فتاة من طاقم المساعدة تنادي من فوق

تراجع حمزة ليلتفت لها..تخبره أن القبطان يريده

كم أنتِ مخادعة .. تدعي أنك تحبي الوحدة والعزلة
وأنتِ تبحثي عن جو يجعلك تعيشين بداخل الآخرين ويعيشون بداخلك حيث التعمق ..
أنتِ تريدي شخص يغوص بداخلك ويموت غارقا بك ..
أنتِ تعيشي في التناقض بكل أشكاله
وتبقين سؤال في ذهن كل من يقترب منك .. من أنتِ؟
لتظهري كأنك سؤال غامض لا إجابة له .. !!
____________
فاجأها به وهو يرتدي لباس السباحة جاهزًا للنزول إلى الماء .. مظهره الجذاب لفت انتباهها .. لم تجد فيه أي عيب .. شعره الأسود الكثيف المنتشر على جبهته .. عينان زيتونية لامعة ، وأنف حاد ، وشفتاه المتوسطة ، وأسنانه البيضاء المصفوقة ، ولون بشرته الفاتحة البيضاء ، وطوله وتناسق جسده من ممارسة الرياضة.

وجدت نفسها تراقبه دون أن تدرك ، لتكسر ذلك الصمت.. سرعان ما خلع قميصه الأبيض المفتوح وألقاه بجانبها على الكرسي .. ثم سحبها فجأة إلى حافة اليخت.

صاحت ايتن باعتراض:
-حمزة انا مش معايا هدوم تانية

– بس بتعرفي تعومي…قولتيلي قبل كده

قبلها من وجنتها، ثم قفزا بالمياه دون ان يسمع ردها، غطس بالمياه معا وسط ضحكاتهم

وقفت الفتاة الثانية من طاقم المساعدة لتلتقط لهم صور كما امرها حمزة

كان حمزة يغوص تحت المياه ثم يرفع ايتن على كتفيه بسرعة إلى الاعلي ثم يعود ويرميها الى المياه فتغوص ثم ترتفع بين ذراعيه من جديد..كانت تشعر بالخوف عندما يغوص تحت المياه، ثم تشعر بالارتياح عندما يطل من رأسه مرة أخرى

بعد مدة من الوقت..خرجا من المياه، لتجد فتاة من المساعدين تنظر إليه ببلاهة ولكنها تشعر بالغيرة وتريد أن تلقي بها أي شيء أمامها حتى لا تنظر إليه .. ولكن هل تستطيع فتاة مثل ايتن أن تفعل ذلك ؟! لقد تخلت تماما عن هذه الفكرة المجنونة..
لا بالتأكيد فهي أساسا لا تريد أن تظهر له مشاعر الغيرة تلك

دلف إلى الدور الثاني، تناول منشفة، جفف بها وجهه وشعره ثم اخذ منشفة اخرى لتجفف بها نفسها
ارتدي بنطاله مرة أخرى ثم نزل إلى اسفل اليخت مرة أخرى ليناولها المنشفة..لتنتبه للموسيقي الهادئة التي تعم أرجاء اليخت، فسألته دون تردد :
-تحب نرقص؟

رفع حاجبيه بينما ينظر لها بنظرة غامضة متأملة :
-وانتي مبلولة؟

زمت شفتيها بضيق :
– فيها ايه؟

همس بجانب اذنيها برقة:
– فيها انك زي القمر…

ارتسمت ضحكة جميلة علي شفتيها، بينما هو اعاد ارتداء قميصه ولكن تركه مفتوح لتستشيط غضبا فبالتأكيد ستنظر إليه إحدى الفتيات مرة أخرى .. تسترق نظراتها إليه..ثم تحركت نحو مسجل الموسيقي وغيرتها لأغنية “إحساس غريب” ل “محمد كمال” وقامت برفع الصوت

بدأ صوت الموسيقى يرتفع في بداية الأغنية ، فيما اقترب منها حمزة وبدأ يمرر أصابعه على خديها برقة ، ثم مد يده إليها ، وكانت عيناه مليئة بالسعادة والفرح ، بينما شعرت ايتن بمزيد من الانجذاب، تسببت نظراتهم لبعضهم البعض في حدوث شحنة انجذاب واضح بينهما ، حاولت أن تشيح ببصرها ولم تستطع ، كما لو أن الإغواء كله في زوجها وكأنها له أسيرة.

أخيرًا ، وضعت يدها في يده ، وابتسم بشغف وهو يسحبها إلى صدره بقوة ، ثم أحاط بخصرها بإحدى ذراعيه وبدأ يرقص معها.

“النهارده سيبلي نفسك..
واعمل اللي اقولك عليه..
لو سألتك ايه في نفسك..
قبل ما تقول هتلاقيه..”

وضعت يدها على كتفه وابتسمت له.. بدأ يتحرك معها .. رقصوا وداروا حول اليخت من مكان إلى آخر ثم عادوا مرة أخرى إلى مكانهم الأساسي .. ويدروا مع الموسيقى وصوت الأغنية.

“و اطمع ف ايه طول ما انت جانبي وبين ايديا..
احساس غريب انا قلبي شايفه جديد عليا..
مهما اوصفك..مش هنصفك..
هو اللي شوفته معاك شويه؟! ”

وضعت رأسها على صدره وأغمضت عينيها وهم يتمايلوا على إيقاع الأغنية
احتضنته بامتلاك ، حيث شعرت أن عضلات صدره تتقلص تحت وجهها وترتفع ، بينما هو تفاجأ بتشبثها به أكثر ولا تحاول خلق مسافة بينهم

“ملاقتش فيك..حاجه واحده انا مبحبهاش..دا مفيش كده..
الله عليك..طول عمري بحلم اني اعيش يوم زي ده.”

انتهت الأغنية..ثم قبلها برقة من وجنتها..
__________
بعد مرور ربع ساعة

غادر طاقم عمل اليخت في قارب آخر صغير بالقرب منهم

ايتن باستغراب :
-هما كلهم مشيوا ليه؟؟

حمزة بابتسامة :
-لأن المفروض ان احنا هنقضي كام يوم انا وايتن وبس..حابب اكون معاكي لوحدنا

وذهب ليدير المحرك إلى الجهة الأخرى، فجرت وراءه معترضة:
-طيب انت هتعرف تتعامل اليخت؟

-اه متقلقيش
_________
كانت تقف أمام محرك اليخت .. وكان حمزة يقف خلفها ، يلف إحدى يديه حول خصرها ويمسك بقبضة يده الأخرى على المحرك .. أصبحت الرياح أقوى و السماء فوقهم بلونها الازرق الصافي ، وماء البحر الصافي يتلاعب في قاع اليخت .. استدار حمزة بزاوية أخرى ، فصار الرياح وراءهم.

حمزة بجدية وهو يشير علي محرك اليخت:
-متلعبيش في حاجة..وخليكي حاطة ايدك هنا لحد ما ارجعلك..فهمتي؟

اومأت برأسها وهي تشعر بالسعادة..لم تتوقع أنها ستقود يخت يوما ما !!

اختطف قبلة سريعة من وجنتها؛ وانصرف لأسفل

كانت تمسك عجلة القيادة عندما عاد حمزة مرة أخرى بقبعة القبطان في يده وأحاط بخصرها ليحمل قبضته فوق عجلة القيادة وهو يضع القبعة على رأسها ، ويسألها:
-ايه رأيك؟

قالت ايتن بسعادة:
-مبسوطة اوي اوي

قهقه بغمزة :
-وهو ده اللي انا عايزه

شد علي يدها مبتسما ثم قال:
-شكلك حلو اوي.. وأنتِ قبطان

استدارت ثم قبلته من وجنته لاول مرة تفعلها قائلة :
-انت اللي مخليني جميلة دلوقتي

تفاجأ من فعلتها فلأول مرة تقبله هي دون عناد، ليهمس بحب:
– اتمنى تكوني راضية عني بس ومبسوطة

قهقهت ايتن بتذمر طفولي؛ فكان فرق الطول بينهم شاسع :
-فرق الطول إللى بينا هيدمرني

امسك بخصلات شعرها ليرجعها إلى الخلفة وهو يلف ذراعيه حولها بقوة قائلا بنبرة جادة:
– مش مهم طولك المهم انك وصلتي لقلبي

التفتت له بسرعة، تسأله بنبرة رقيقة:
-قولت ايه؟

رفع حاجبه قائلا بنبرة حادة:
-ركزي قدامك

بينما هي كانت في غاية السعادة فحمزة شبه اعترف لها بحبه..
نظرت إلى المياه وهي تتساءل ما الذي يمكنها ان تكون فعلته بحياتها كي يبتسم لها الحظ ويمنحها هذا الرجل

ليقطع شرودها صوت بداخلها :
-طيب وشذى هتعملي معاها ايه ؟؟؟ انا اه متجوزتوش عشانها بس .. لكن دي لو عرفت ان انا كدبت عليها وإن كان في أسباب تانية زي أن انا اهرب من مهاب… بس انا قولتلها أن انا هتجوزه وهي بنفسها اللي فضلت تزن عليا بكده وكانت موافقة

صراخ بداخلها بقوة..تجاهلته وهي تستند برأسها علي صدر حمزة لتشعر بقربه..تحاول ان تبتعد عن تلك الأفكار..هي لا تريد إفساد اللحظة

انتزعها صوته من شرودها، قائلا بجدية:
-هنزل اشوف حاجة تحت وراجعلك

نزل على الدرج بهدوء ، متناقضًا مع مشاعره المشتعلة الحارقة التي لم تكن قد سببت له أي متاعب من قبل ، وكأنها صارت فرسًا جامحاً أطلق عليه العنان بعد سجنه لسنوات عديدة.. لم يكن يهتم بتلك المشاعر.
حتى أنه أعتقد أن قلبه هذا لن يخفق لأحد مرة أخرى أبدًا .. ربما اعتقد أنه عندما يتزوج سيكون زواجًا تقليديًا فقط .. لكن “آيتن” احتلت روحه منذ فترة .. لقد سرقت قلبه تلك العنيدة ، بكل تفاصيلها برونقتها وجمالها وحتى عندما تتحول إلى شرسة وقوية .. حتى مشاجراتهما معًا ظلت تتسرب إلى حواسه وتتسلل إلى روحه حتى لا ترى عيناه شيئًا سواها وقلبه ينبض فقط من أجل اسمها.
__________
اتصل سيف على منة، فطلب منها ان ترسله الرقم عبر تطبيق “الماسنجر”..فرفضت..فقرر ان يتصل بها عبر الانترنت..ولكنها ظلت تنظر إلى هاتفها بمشاعر غريبة .. ها هو سيف الذي حاولت من قبل أن تلفت نظره..انه يتصل بها لاول مرة !

بل وطلب منها رقم هاتفها حتى يحادثها بأمر هام ولكنها احتراما لحمزة رفضت ..

اتصل مرة أخرى ..

ابتسمت عندما رأيت تلك الكلمة ” مكالمة واردة من…”

تلك الجملة التي طالما انتظرناها من أناس معينين دون غيرهم ، فمن مثلها لم ينتظر هذه المكالمة ؟!

على الرغم من أنها جملة عادية ، إلا أنها تحمل الكثير من النبضات السريعة المتتالية ، وانتظار العيون الشغوفة أن تأتي تلك الكلمات منها.

فقررت الرد عندما اتصل مرة ثالثة..قالت منة بحدة:
-نعم يا سيادة الرائد .. خير متصل ليه؟

رفع إحدى حاجبيه بتعجب:
-هو ايه ده؟ الناس تقول السلام عليكم..عامل ايه..اخبارك ايه؟مش كده

منة ببرود:
– السلام عليكم يا سيادة الرائد؟

سألها بنبرة ساخرة:
-لا أنا مستغربك بصراحة.. هو أنتِ منة فعلا ؟

ردت بسخرية :
-ايوة انا منة اومال خيالها بيكلمك..خير بقى متصل ليه؟

زفر بضيق:
-طلبت رقمك يعني لقيتك بترفضي

-عشان حمزة هيزعقلي لو عملت كده…مينفعش اكلم حد غريب عني

سألها بفضول :
– بتسمعي كلامه يعني ؟ وهو هيعرف منين ؟

قاطعته بحزم :
– أنا هقوله طبعا…مبقتش بخبي عنه حاجة

– ماشاء الله بجد برافو عليكِ

اومأت ببراءة :
– اه الحمد لله

قال سيف بجدية:
– بطلتي تيجي النادي ليه بقي؟

منة باستغراب :
-لا عادي يعني..هو انت متصل عشان تسألني عن النادي؟

سيف بنبرة هادئة :
-لا متصل عشانك..فاهمة؟؟

اتسعت حدقتيها بذهول:
– نعم ؟

أردف برسمية:
– تحبي نتغدا سوا بكرة؟؟

هزت رأسها بنفي، خوفا من رد فعل حمزة:
-لا لا طبعا مش هينفع..حمزة مش هيوافق

سيف بتبرير:
-انا مستأذن منه اصلا

ابتلعت ريقها بصعوبة، قائلة بذهول:
-ها؟؟ ازاي

قهقه سيف قائلا بحزم:
-لما اشوفك بكرة بقي.. و ااه صحيح هاتي عمر اخوكي معاكي..عشان للأسف حمزة شرط عليا ان عمر يجي معاكي وانا هجيب لؤي برضو..ده كان ناقص يقولي اجيب باقي العيلة كمان

منة باستغراب:
-هو في ايه فهمني؟

قاطعها ناهيا الحوار حتى لا يطول في المكالمة معها احتراماً لصديقه:
-بكرة هتعرفي..وانا هبعتلك تفاصيل المكان اللي اشوفك فيه في رسالة..متتأخريش ها ..

لم ترد عليه من الصدمة … فقال بصوت عالٍ:
-قولتي ايه ؟

– تمام..

ثم أغلقت الهاتف فورا..وظلت تفكر ماذا سيحدث غدا

صاحت منة باندفاع محدثة نفسها :
– متأخرش ده ايه يا باشا مصر .. ده انا هروح ابات هناك قبلك

ابتلعت ريقها قائلة وهي تضيف بتذكر :
– لا لا يا منوش اعقلي كده..التقل برضو جاب نتيجة اهو … بس يا ترى عايزني في ايه ؟
______
كانت تتوقع أنه جلب لها ملابس..بدلا من ملابسها المبللة..فقرر ان يعطيها قميصه ترتديه مؤقتا إلى ان تجف ملابسها

زفرت بنبرة ساخرة:
-اومال ايه بقى احلامك اوامر يا ايتن..واللي تطلبيه هتلاقيه..وحسستني ان انت معاك مصباح علاء الدين وكل ما اقولك على حاجة نفسي فيها الاقيها في اليخت

كانت عيناه تفحصانها من رأسها إلى أخمص قدميها ، خاصة ساقيها العاريتين النحيفتين ، وكانت ترتدي قميصه.. همس ببراءة مصطنعة:
-وانا ايه عرفني يعني انك هتنزلي الماية..وبعدين مش فاهم ماله القميص بتاعي..ده حلو جدا

ايتن بتذمر :
-ده كبير اوي عليا..وقصير

قلل المسافة بينهم وهو يقترب ببطء يمسك بيديها يقربها إليه واقترب ليلامس جبينها:
-لو عايزة تفضلي من غير هدوم هنا معنديش مشكلة

شدت جبهتها بعيدًا عنه بتوتر ، لكنها لم ترفع يديه عن ذراعيها ، وتهامست بتلعثم وصوت متقطع ، بينما تجاوزت دقات قلبها الحد الطبيعي قائلة بحدة:
-اتلم

ابتسم وعيناه تنظر إليها بعبث قليلا ، وهمس بنبرة ماكرة:
– تعرفي حتى وانتي لابسة القميص بتاعي حلوة برضو

شهقت باحراج و زمجرت بإضطراب قائلة:
-عينك زايغة

جذبها إليه، انزلقت يده حول خصرها ورفع ذقنها بيده الأخرى ، ناظراً مباشرةً في عينيها الخضراء كالعشب .. لم تعد تستطيع تحمل نظراته ولا كلماته بعد الآن .. قال بتبرير :
-وهي يعني زايغة على حد غريب؟؟ دى على مراتي حلالي

لتهمس منزعجًة من حرارة خديها:
-حمزة!!!

اقترب منها ، وشعرت بالانزعاج من نظراته التي لم تطمئنها ..ليزيد من اقترابه مما أجبرها على الالتصاق به ، وجعلها أقرب إليه أكثر من اللازم.. ثم انحنى لتقبيل جبهتها ببطء، وهو يريد أن يصل إلى شيء آخر .. بالتحديد إلى شفتيها ! لتغمض عينيها بخجل فطري .. بينما كانت أنامله تغوص بين خصلات شعرها المرتفع لأعلى.

نزل بشفتيه على شفتيها يقبلها .. قبلة تذوق فيها طعم شفتيها ..! قبلة لطيفة تحولت سرعان بسحقه لشفتيها.. وهي تتكئ عليه فرفعها بيد قوية حتى تساوى طوله .. وكانت يده الأخرى تعبث بشعرها، الذي كان مرفوع على شكل كعكة .. ليفك شعرها وتركه يسقط بنعومة على ظهرها ..

شهقت وهي تحاول ابعاده عندما استوعبت ما يفعلانه:
-حمزة.. انت اتفقت معايا على ايه؟

قبلها مرة أخرى وكأنه لا يسمعها، قائلا باعتراض ولهفة:
-سيبك من الاتفاقات دلوقتي واسكتي شوية..ولا اقولك انا هسكتك خالص

أمسك بخصرها بإحكام ، رافضًا تمامًا تركها تنزل على ارضية اليخت ، وبصره ثابتًا على شفتيها …

فاقترب من السرير ووضعها عليه برفق ..
خفضت بصرها بخجل.. كيف يمكنها المقاومة وهي تريده .. لكنها كانت خجولة للغاية .. ولم تستطع النظر إليه .. فقرر أن يتركها مرة أخرى .. لكنه فوجئ بلف يديها حول ظهره. .. وهي تدفن وجهها في صدره.

شدها في حضن قوي تبادله إياه تماماً، وكأنها تقول له إنها تريد البقاء .. لأنه أصبح ملاذها ، وموطنها ، وقوتها.

ليعود مقبلاً شفتيها بقبلات ناعمة دافئة ومثيرة .. و كأن شفتيها كبيرة من الكبائر تستحق عليها ثمانين جلدة بشفتيه..بينما يده كانت تتحرك وتحاول إزاحة القميص خاصته.
____________
كانت الساعة تقترب من منتصف الليل عندما فتح عينيه .. وسرعان ما أدار وجهه إليها ليجدها نائمة بعمق في حضنه.. ابتسم عندما تذكر ما حدث بينهم … فاخيراً أصبحت ملكه بدون خوف بدون حواجز .. أحاط خدها بكفه .. ثم اختطف قبلة سريعة من شفتيها

ابتسمت قائلة بنعاس:
-صباح الخير

همس حمزة بابتسامة :
-صباح الفل يا حبيبتي

فتحت عينيها لترى نفسها بين طيات الأغطية الحريرية البيضاء، نائمة على صدر زوجها العاري، ويداه تحيط بجسدها بتملك … رفعت عينيها ببطء لتتأمل وجهه الناعم بلحية مثيرة جعلته أكثر جاذبية.

التقت أعينهم حتى ضاع في عينيها الخضراء ، ليهمس فجأة بنبرة صادقة للغاية :
– أنا بحبك..

ترددت الجملة في أذنيها، لتشعر وكأنها وصلت إلى نهاية العلاقة بينهم … فكان اتفاق شذى معها ما أن يعترف بحبه لها حتى تصارحه بالحقيقة !!
فهل ستستطيع أن تخبره ؟
ان تتخلى عنه بعد كل ما فعله لأجلها…

يتبع…..

طبعا اتعودنا على الدلع الايام اللي فاتت كل يوم بارت ????❤️
للأسف البارت الجاي ميعاده يوم السبت، لكن لو وصلتوا البارت ده لـ600 لايك وكومنت وشجعتوني .. هتشجع واخلص البارت الجديد بسرعة وانزل بارت هدية اضافي بكرة ????
مستنية رأيكم وتوقعاتكم في البارت❤️الفصل الخامس والعشرون

لاحظ حمزة ترددها، وتفهم حالة صمتها فما مرت به صعب على أي فتاة بعمرها فهي لم تعيش فترة طفولتها ولا مراهقتها مثل البنات في عمرها ولكنه سيعوضها عن كل ما مرت به، همس قائلاً بجدية:
-انا مش عايزك تردي تقولي حاجة يا حبيبتي..لما تحسي انك مطمنة و واثقة فيّ قوليها..غير كده اوعي تقولي الكلمة دي وأنتِ مش متأكدة… فاهمة

ابتسمت ايتن له بتفهم..واستلقى هو بجانبها على السرير لتضع رأسها على صدره وشعرها الكثيف يغطيه..فضمها اكثر بحجم شوقه لها…
وكأن صدره أصبح وسادتها وشعرها غطائه

أعدك بأنني لن أؤذيك إلا عندما أعانقك .. بمجرد أن أفتح ذراعي لك ، تذوبين فيه مثل قطعة من السكر ..
________
في إحدى المطاعم الراقية بمدينة الإسكندرية التي تطل على البحر

كانت منة تجلس مقابل سيف وبجانب كلا منهم عمر و لؤي

تنحنح سيف قائلا:
-عمر حبيبي معلش ممكن تقعد مع لؤي على الترابيزة التانية

قال عمر بسماجة:
-لا.. أبيه حمزة قالي ممنوع اسيبكم

منة بتوسل غير مباشر:
-معلش يا حبيبي مش هقوله

نظر إلى اخته بغضب:
-اسكتي أنتِ

سيف بمحاولة إقناعه :
-طيب بص يا باشا…فيه كيدز ايريا هنا..وحاجات تحفة هتتبسط اوي

هتف عمر ببرود :
-كبرت على الكلام ده

زفر سيف بنفاذ صبر..هامسا بنبرة خافتة:
-وبعدين في اخوكي ده بقى !

تحولت هدوء منة إلى غضب طفيف، قائلة بتهديد :
-مارو حبيبي..اسمع الكلام بقى..ولا تحب اقول لبابا على المصيبة اللي عملتها امبارح في المدرسة واستدعاء ولي الأمر الجديد

هتف سيف بسرعة :
-وانا مستعد اروح معاك المدرسة واشدلك عليهم كمان

عمر بتفكير:
-بجد؟

-طبعا يا معلم

التفت عمر إلى لؤي:
-طيب يلا يا لؤي..نلعب

ثم نهضا الطفلين من مقعدهم متجهين ناحية ركن الألعاب

هتفت منة بانزعاج:
-ها؟؟ موضوع ايه بقى اللي جبتني عشانه

ضاقت عيناه وهو يهتف بتوجس:
– انا عايز اخد رأيك في موضوع شخصي

قطبت حاجبيها بدهشة:
-واحنا من امتى كنا قريبين من بعض عشان تاخد رأيي في مواضيعك الشخصية ؟! .. و يا ترى بقى كنت من بقيت عيلتك عشان تسألني؟

– اهو ده بقى الموضوع اللي كنت عايزك فيه فعلا

– طيب قول يمكن أساعدك

قال سيف بجدية:
-انا عايزك تبقي من عيلتي.. يعني عايز اجي اتقدملك..موافقة؟؟!

– اللهم صلي على النبي

رمشت عدة لحظات محاولة استيعاب ما قاله..أيمزح بالتأكيد؟!..ام أنها داخل حلم…او داخل رواية من رواياتها الخيالية

لاحظ اتساع عيناها وتطلعها إليه بدهشة، بينما تنظر حولها وإلى زوايا المطعم بتفحص، سألها بدهشة :
– منة… أنتِ بتبصي حوالينا ليه ؟ هو في حاجة غلط انا قولتها؟

– بشوفهم مخبيينها فين

– هي ايه دي ؟؟

ابتلعت الغصة المتكورة بحلقها واجابت بصوت شبه باكي:
– يعني دي مش الكاميرا الخفية؟

– نعم؟؟؟؟

– بتاع زكية زكريا للاستاذ ابراهيم نصر…هو رجع امتى البرنامج ده ؟؟

قهقه سيف ضاحكا، همس بعدها بنبرة رسمية:
-يخرب عقلك لا طبعا.. انا عايز اتقدملك عشان اخطبك لو موافقة حدديلي ميعاد مع اهلك..او اتفق مع حمزة

تجاهلت جملته قائلة بتفكير :
– عندك حق هو البرنامج قديم أوي…بس يبقى ده برنامج الاستاذ رامز جلال مش كده ؟؟

قطب حاجبيه بدهشة:
-منة أنا مابهزرش..هو فيه هزار في الجواز؟ بصراحة في الأول مكنتش حاسس أننا ينفع يكون في بينا حاجة بس لما لقيتك اتغيرتي معايا وكلامك ليا في العربية لما حكيتيلي كل حاجة..وقتها اترددت بس بعدها النصيب لما قربت منها لقيت أننا مش مناسبين لبعض وهي كمان وبعدنا عن بعض..بعدها فكرت فيكي واتضايقت اني كلمتك يومها بالطريقة دي بس انا مكنش ينفع اتكلم غير كده لأن ماليش في الارتباط ولا الكلام ده… انا عندي اعتقاد معين ادخل البيت من بابه وتبقى دبلتي في ايدك وقتها تبقي فعلا تخصيني ابقى من حقي اقولك اني بحبك…لكن انا مقولش أبداً لأي واحدة اني بحبها او معجب بيها

أردف بعدها قائلا بصدق :
– يمكن اللي فرق معايا أوي و حسيت وقتها اني فكرت فيكي لما غيبتي كتير..فوصلت لنتيجة أن انا عاوز اخطبك أنتِ يا منة بكامل إرادتي من غير زن ماما..حتي جنانك وتلقائيتك اللي كنت فاكر أننا مش شبه بعض لقيت إني اتشديت لك بسببهم.

اتسعت عيناها بصدمة:
– كل ده حصل !

اومأ بإيجاب، قائلا بنفاذ صبر مزيف:
-قوليلي ايه رأيك في الكلام ده يا منة؟.. مش عارف ليه حاسس أنك مش موافقة عليا..انا برضو قولت كده..عشان كده طلبت من حمزة اتكلم معاكي الأول.. لو كده اعتبريني سحبت كلامي خلاص

هزت رأسها بنفي:
– تسحب ايه ؟؟ أهدى كده

انتبهت لاندفاعها وتسرعها المعتاد،تنحنحت قائلة:
-احم..لا بس لو عاوز تسحب يعني كلامك براحتك..بس يعني انا بتأكد لأن مش أي حد هيقولي انه عايز يتقدم هقوله تعالى.. لازم الاول اتأكد من كام حاجة

– اتفضلي

– أنا وقعتك يعني ؟

– ها !

– اقصد اني وقعتك أخيراً ؟

ابتسم قائلا بتبرير :
– وقعت آه بس بكامل إرادتي..و نيتي حلال طبعا

قهقت بضحكة طفولية جميلة :
– ما يقع إلا الشاطر يا باشا مصر

لتردف قائلة بفضول:
-طيب انت متأكد انك مرتاح لي وحاسس أن هيبقى في بينا حاجة ؟؟

صاح سيف بنفاذ صبر:
-لا عايز اضيع وقتي… منة هتجيبي رقم باباكِ ولا لأ؟

ارتشفت نصف كوب العصير بسرعة، ثم نظرت له بابتسامة وهي تطلب منه هاتفه :
– افتح لي الموبايل بتاعك اكتبلك الرقم

لم تكن صدفة عندما وجدتك .. لقد رسمتك على حدود أيامي .. كنت شيء ينتظرني وانتظرته .. لقائنا ما كان إلا بداية قصة صاغها القدر بقدر المستطاع.
________
-بقولك ايه انا هرقص

هتفت ايتن فجأة بسعادة..

سألها بذهول :
-ترقصي ايه ؟

– شرقي

لم يستطع أن يمنع نفسه من الضحك , غير مصدقاً:
-انتي اصلا بتعرفي ترقصي ؟

– اومال رقصت في فرحنا ازاي

– لا رقص فرحنا مكنش شرقي بالمعنى…

زفرت بغيظ من سخريته ، ثم انحنت نحوه وهمست بصوت مغري:
-اه طبعا بعرف..هو فيه زي رقصي

ضحك مقهقها، وهو يغمز لها:
-هنشوف يا مغرورة

تذكرت شيء ما:
-بس فيه مشكلة..انا مش هعرف ارقص بالقميص بتاعك ده..

-افتحي الدولاب الصغير إللي في الاوضة التانية هتلاقي فيه لبس لكِ

رمشت عدة لحظات تحاول استيعاب ما قاله؟! ذاك الوقح الاستغلالي تعمد ان تجلس أمامه هكذا وهو في الاصل قد أحضر لها ملابس، لتصيح فجأة بعنف:
-ازاي وانت قولتلي مفيش لبس ليكي..يعني ده كان معناه انك بتستغل اي فرصة وخلاص

قهقه بغمزة رائعة:
-طب بذمتك ماكنش حلو عليكي؟

ضربته علي صدره:
-بجح

حمزة بابتسامة مستفزة :
-عارف

زفرت بغضب :
-و وقح كمان

قهقه قائلا بمكر:
-معاكي أنتِ بس على فكرة

احمرت وجنتيها خجلا، قائلة بمشاكسة:
-خلاص غيرت رأيي مش هرقص..عقابا ليك

حقا تمزح ؟؟ قرر استفزازها للوفاء بوعدها:
-قولي بقي انك مبتعرفيش

شهقت باعتراض :
-نعم؟ مين دي اللي مبتعرفش

رفع حاجبيه بخبث:
-بصراحة مش متخيلك خالص انك ترقصي

جعدت حاجبيها بضيق، لأنه نجح بالفعل وأثار غضبها ، فنظرت إليه بحدة وهي متجهة إلى الغرفة الثانية .. ورافقها ضحكاته التي لا يمكن وقفها ، حيث فاز في النهاية بالمعركة.

اتسعت عيناه بإعجاب وهو يري ما ترتديه، كانت ترتدي فستان باللون الابيض مرسوم عليه زهور صغيرة باللون الاصفر..ذو حمالات رفيعة،فتحة صدر واسعة، قصير فوق الركبة، ضيق ويحدد تفاصيل جسدها المغري..وبكل نعومة ودلال توجهت ناحية جهاز مشغل الموسيقى..ليسقبها هو ويستقر على اغنية من اختياره..حاول أن يقترب منها أكثر لكنها دفعته، قائلة بغضب طفيف:
-خليك مكانك..انا هرقص و بس

ضحك بهدوء:
-حاضر يا بونبوناية

تحركت نحوه بخطوات راقصة على أنغام الموسيقى في بداية الأغنية ، بينما كان يتأمل حركاتها التي تأسر عينيه…تميل بميول الايقاع، بذلك الخصر الذي كأنه نسج فقط ليتمايل باحتراف كامل، هذا الجسد المنحوت بإفتنان، شفتيها المكتنزة المبتسمة بإغراء، شعرها الأسود كسواد الليل بلمعان نجومه الذي انسدل علي طول خصرها..ابتسمت بإغراء وهي تتمايل مع الإيقاع مع بدأ أغنية “الدنيا دنيتنا” لـلفنان: “سامو زين”

“الليلة ليلتنا حبيبي الليلة
والدنيا دنيتنا حبيبي الليلة
سيبني ادوب في هواك يا حبيبي
وانسى روحي معاك يا حبيبي
كل ثانية تفوت آهات وسكوت بحبك موت”

كانت ترقص بجسدها أمامه ، بقصد إغرائه أكثر ، فقرر أن يشاركها تلك الرقصة .. اقترب منها وأمسك خصرها بيده وهي تتمايل أمامه .. لكنها ابتعدت و استدارت.

ثم اقتربت منه مرة أخرى وكانت عيناها الخضراء ساطعتان لامعتان بنظرات رائعة .. بينما هو لف جسدها بهدوء بالفستان الواصف تفاصيل جسدها بدقة.

“آه من الشوق وآه وآه وآه من العين
نفسي أعيش سعادة بجد مش بين البينين
خايف عمري يجري قبل ما اشبع من هواك
لو فاضل دقايق نفسي اقضيهم معاك”

حاول حمزة السيطرة على ملامحه حيث تجاوب بالرقص معها بابتسامة ومتابعة حركات جسدها المتمايلة باغواء ناعم .. ملامسته لخصرها وهو ينظر إلى عينيها بكل حب قبل أن تبتعد لتوليه ظهرها وتميل للخلف .. ثم حركت كتفيها بدلال

“ليلة واحدة جنبك نبتدي أجمل غرام
نظرة واحدة منك تختصر كل الكلام
قبلك كنت عايش بس عايش والسلام
حبك خلى عيني حتى تستخسر تنام”

استدارت وأوشكت الأغنية على الإنتهاء، لتتفاجأ به يغلق الاغنية

حمزة بملامح حادة:
-مقولتليش يعني كده

شهقت بحنق:
-ايه ماعجبتكش؟

رفع حاجبه، قائلة بهمس:
-ده انتي من هنا ورايح مش عايزك تبطلي رقص

عقدت ذراعيها على خصرها، قائلة باعتراض:
-لا هي كانت مرة وخلاص

كادت أن تكمل اعتراضها ، لو لم يشدها تجاهه بقوة ، ثم انحنى فجأة وألقى بها فوق كتفه .. ثم ألقى بها برفق على السرير.
______
في المساء

في عرض البحر، كانت ليلة قمرية رائعة، مما حول الأجواء إلى شاعرية بشكل يفوق الخيال

جلسا على سطح اليخت، كان الهواء باردا فاقترح ان ينزلا للأسفل في القاعة المغطاة فرفضت، فخلع سترته و وضعها علي كتفيها..و مد يده ليتخلل شعرها بأصابعه..ثبت عينيه علي عينيها بافتنان، ثم مد يده ليحتوي يدها في راحتيه

-تعرفي انك أجمل واحدة في الكون ؟

قالت ايتن مصححة له برقة:
-هو فيه اجمل منك انت؟

ثم أردف وهو يشير إلى القمر المضيء في السماء :
-شايفة القمر..رغم جماله وكماله..رغم كده مش قادر أشيل عيني من عليكِ

انفجرت نسمة منعشة من الهواء النقي وجعلتها تعتقد أن الوضع كله كأنه حلما.. نظرت إليه ووجدت في ذهنها آلاف الأفكار ، لكنها لم تعرف من أين تبدأ ، لكن ما هو الداعي للكلام عندما تقول أعينهم كل شيء؟

شعر برجفة في جسدها فضمها إليه ليحتويها، و رغم أنها ترتدي سترته فوق فستانها القصير إلا أنها لم تشعر بالدفء الا بين ذراعيه، كان الخجل يغمرها وهو يحتويها و رغم ذلك تمنت لو دامت هذه اللحظة للأبد، احتضنها بقوة وكأنه يريد أن يمزجها بجسده وتسكن صدره، فلا يمسها مخلوق سواه..رفعت عينيها إليه وهمست بنعومة:
-حمزة

-قلب حمزة

سألته بفضول:
-ازاي عرفت ان انا كان نفسي اركب يخت وافضل قاعدة فيه لحد بالليل

قال حمزة بشرود:
-من فترة قريبة كده..كنتي عاملة كومنت على بوست علي الفيسبوك مع منة..انك نفسك تفضلي يوم في يخت في هدوء كده لحد بالليل بس مش هينفع عشان مامتك..حسيت ان لما يجي وقتها هحققلك امنيتك

جحظت عيناها بدهشة، لتسأله مرة أخري :
-طيب وعرفت ازاي ان انا هطلب غزل بنات

رد عليها حمزة بتبرير:
-فاكرة لما كنت في الاوتيل عندكم كان فيه ميتنج في مرة..شوفتك جايبة معاكي غزل بنات وعرفت انه من الحاجات اللي انتي بتحبيها

ابتسمت واغلقت عينيها، تريد ان تعيش تلك اللحظة بكل حواسها، لا تفكر بأي شيء غير انها تعيش كل لحظة بسعادة

كان الهدوء والصفا يطفو معهما علي سطح الماء، كأن الكون استحى ان يقطع عليهما لحظاتهما الجميلة

رفع رأسه للسماء، ليري بعض النجوم اللامعة وكأنه يخبرها انه يراها في السماء..بل وفي كل شيء حولهم

ابتسمت ودفنت وجهها في صدره، وانتشرت في جسدها رعشة فقال في لهفة:
-انتي بردانة..يلا ننزل

حاولت الاعتراض ولكنه لم يقبل أي نقاش، فحملها بين يديه لينزل بها إلى أسفل
_______
بعد مرور ساعتين

سمعت رنين الهاتف من مكان ما .. نهضت واحضرته.. له أخفى هواتفهم وأغلقهم حتى لا يقاطعهم أحد في أي لحظة.. فأجابت بسرعة وكان منة..شهقت منة غير مصدقة:
-الحمدلله يا شيخة طلعتي موجودة في الواقع..ده انا بقالي كام يوم برن عليكي..ومستنياكي تعبريني

قهقت ايتن ضاحكة:
– والله ما قصدي … ده حمزة ابن خالتك

زفرت منة بضيق:
– الاستاذ هتلر منه لله…اما اشوفه بس

اختطف منها الهاتف سريعا، قائلا بعصبية لمنة:
-وحياة امك يا منة لأوريكي لما اجيلك بس

شهقت منة بتوتر:
-ميزو حبيب قلبي..كده برضو يا تونة قوليلي أنه سامع؟

زفرت ايتن بضيق لتتناول منه الهاتف :
-خلاص بقي يا حمزة اديني الموبايل اكلمها..ها يا منوش احكيلي مالك

منة بحب:
-ايتن بجد انا بحبك…لا انا بموت فيكي… لا لا لا انا بعشقك..بصي انا مش عارفة اقولك ايه بجد على نصايحك ليا اللي فرقت معايا

عقدت حاجبيها باستغراب:
-في ايه يا منة انتي اتجننتي ولا ايه..استهدي بالله كده وفهميني

شهقت منة بسعادة:
– سيف هيخطبني…لا سيف ده ايه … باشا مصر هيخطبني.. هيخطبني

جحظت عيناها بدهشة، لتردف بسعادة:
– مبروك يا منوش..الف مبروك يا حبيبة قلبي

منة بامتنان:
-الله يبارك فيكي يا تونة…انتي عارفة ان نصايحك ليا اللي خلته يفكر فيا..لولا أني تقلت وعقلت كده مكنش عمل كده…انا مبسوطة اوي يا تونة بجد

ايتن بتبرير:
-و انتي السبب برضو .. اكيد لفتي نظره ولو مش كده مكنش فاتحك في الموضوع ده..يلا بقي احكيلي من الأول حصل ايه وبالتفاصيل ها

اختطف حمزة الهاتف منها، قائلا بحدة:
-بطلي صداع بقى يا منة انا عريس خلي عندك دم مش كده… ولما نرجع بكرة ابقي كلميها.. وعلى الله اشوف رقمك باقي اليوم

– باقي اليوم ايه يا استاذ حمزة … اليوم خلص خلاص .. احنا بقينا بالليل

– لا احنا اليوم عندنا بيبتدي لسه… بقولك انا عريس هو مش باين عليا

– يا سلام .. ما انا كنت سايباك اسبوع وانت في اسكندرية ولا كلمتكم

– لا الاسبوع ده ما يتحسبش

هتفت ايتن بعبوس:
-حمزة متهزرش بقى عايزة اعرف التفاصيل

قال حمزة فجأة :
-يلا باي

صاحت منة بحدة:
-ماشي يا حمزة..ماااشي لما ترجع بس..هو محدش اتجوز غيرك يعني!

ثم اغلق الهاتف دون سماع بقيت الحديث…
________
كانت عيناي ترى كل شيء باللون الأسود .. ولكن عندما رأيتك..! كنت تبدو مثل كل الألوان الرائعة التي كنت أخشى الاقتراب منها.. كان حضورك مشعًا كالشمس، وجهك هادئا مثل القمر..وضحكتك كفرشاة رسام تلون ما حولها لتتعمق اكثر بغمازتيك..فأنا استشعرت جمال وألوان الحياة منك

في الصباح..
كانت تجلس معه علي حافة اليخت ورأسها علي كتفه، وهي تتأمل تسلل أشعة الشمس الرائع

هتفت ايتن فجأة وهى تنظر إلى السماء:
-تعرف كان نفسي اوي أحضر الشروق مع حد بحبه..بحس اوي بالهدوء وانا بتفرج عليه..بص يا حمزة عامل ازاي..تحس ان الشمس بتتولد من جديد..بتطلع عشان تدينا امل في بكرة..بص عليها كده

لم تجد منه اي رد..التفتت لتجده ينظر إليها بطريقة رائعة وعلي شفتيه ابتسامته الجذابة التي تعشقها، لتسأله بفضول:
-بتبصلي كده ليه؟

ابتسم مقبلا يداها:
-بحب اسرح فيكي وانتي بتتكلمي..ربنا يقدرني واحققلك اللي بتحلمي بيه

ايتن بتلقائية:
-وجودك جنبي بقى هو اللي بحلم بيه يا حمزة
________
بعد مرور يومين من عودتهم إلى الإسكندرية

كان هناك حفلة في ذاك اليوم لتامر حسني، في فندق هاني…فهو كان يصور مشاهد لفيلم جديد واقترح عليه مدير الفندق تجهيز حفلة كبيرة به..

بدأ تامر بالاغنية

“يا قلبي الحظ نادى عليك
وجابها لك زي ما الحلم كان بيقول
حقيقة بجد مش معقول
دي هيا حبيبتي بالأوصاف
حقيقة وأحلى من اللي اتشاف
دي جيالك وإنسي يا قلبى تاني تخاف”

صاحت ايتن بصوت عال:
-حمزة الحفلة زحمة اوي..ومش عارفة اصور تامر

ليرد عليها وهو يسحبها خلف ظهره بهدوء:
– خليكي ماشية جنبي وهخليكي تشوفيه من قريب

وقف بجانبها أمام ساحة الغناء، وكأن الأغنية توصف شيء

“يا قلبى الدنيا راضيه عليك
و عايزالك تعوض كل حلم وراح
وجالك يوم عشان ترتاح
وتلقى اللى إنت مستنيه
مع الحضن اللى نفسك فيه
دي جايالك ومش عايز تصدق ليه”

قاطعها حمزة هامسا :
-بقولك ايه خليكي مكانك متتحركيش ها

ايتن بتذمر:
-استني يا حمزة هتسيبني لوحدي

قبل يدها قبل ان يتركها:
-متخافيش هرجعلك بسرعة بس خليكي مكانك هنا

-طيب

ليهتف تامر مستئذنا:
-طيب يا جماعة حمزة هيكمل كوبليه من الأغنية

ضحك حمزة قائلا:
-بصو انا صوتي يمكن مش حلو أوي.. او انا اللي مجربتش اغني قبل كده..بس حابب اعمل كده لمراتي..وحاسس ان الكوبليه ده بيوصفها

ثم اردف حمزة قائلا بمزاح:
-بنعتذر يا جماعة عن التلوث السمعي ده..بعد صوت العالمي تامر

ليغمز لها قبل ان يبدأ بالغناء

“قابلت وعينى شافوا كثير ولا اشتاقوا
و قولت لقلبي مهما يغيب
أكيد هيجيلي أحلي نصيب
فضلت لوحدي واستنيت
عينيكي يشوفوا عيني ياريت لو اتقابلوا
فهمت يا قلبي ليه استنيت”

شعرت بأن قلبها سيقفز من الفرحة، بالرغم من ان هذه اول مرة يتجرأ ويغني.. لكن صوته كان رائع..فقررت أن تصعد لتقف بجانبه في تلك اللحظة

ليستأنف باقي المقطع، وهي واقفة خلفه…وصوت تامر يشاركه الغناء

“بشوفك جاية ببقى هطير
جوايا بقول على نفسي أنا محظوظ
ساعدني الحظ بها أفوز
جميلة بجد شكل وروح
وجودي معاها أحلى طموح
آهي معايا ومش هسمح لحلمي يروح”

وما ان انتهي حتى جذبها بشدة لاحضانه بحب
___________________________________
بعد انتهاء الحفلة …

-بصراحة ماصدقتش لما لقيتك اتجوزتي فعلا

قالها “مُهاب” بنظراته التي تخترقها بطريقة مخيفة، عندما اقترب منها منها مُبتسمًا بخبث، مُتعمدًا التقدم نحو “آيتن” .. واستغل فرصة وقوفها وحدها ليتحدث معها..

ابتلعت آيتن لعابها بسرعة عندما رأته فجأة أمام عينيها ، وكانت على وشك الابتعاد. حتى جذبها من ذراعها بقوة ألمتها، ليردف بنبرة ماكرة:
-بس ده مايمنعش ان لسه حقي بتاع زمان ما أخدتوش

وكاد ان يردف كلامه.. حتى وجد زوجها يتقدم منهما وتظهر على ملامحه نيران الغيرة الشديدة، التي لم يشعر بها مهاب طوال حياته..

-مهاب الزاهد

مد مهاب يده بحرارة وهو يقدم نفسه لحمزة، حتى نظروا إلى بعضهم بتحدي وغضب وتهديد غير مباشر.

-حمزة العقاد

هتف حمزة بنبرة غليظة وعيناه الزيتونية تلمع بالنيران وهو يمد يده إليه، ولكن ليس بنية التعرف عليه أبداً، فهو علم منذ قليل من آيتن أنه هنا بالمكان و رآه من بعيد، بينما زاد ضغط حمزة بقوة بقبضته القوية على مهاب وهو يسلم عليه .. حاول مهاب سحب يده من قبضته بصعوبة بينما كانت يد مهاب حمراء بشدة.. وهو يسترق نظره إلى ايتن مرة أخرى

ليسحب زوجته “آيتن” خلف ظهره بعنف وأخباها خلف ظهره، ليقول مهاب بنبرة شيطانية:
-طيب بالراحة على ايديها عشان هي رقيقة وماتستحملش..حتى كنت لسه بقول لآيتن مراتك … أن ضحكتها لسه حلوة زي زمان

هزت ايتن رأسها بعنف، قائلة بغضب:
-انا والله ما ضحكتله يا حمزة… ده كدااااب

رمقها حمزة بحدة:
-انتي بتحلفي ليه؟ هو انا هصدق واحد واطي زي ده؟؟

ثم سحبه من عنقه بعنف ليضربه من رأسه بقوة..فدفعه علي الارض وهو فوقه وبدأ بلكمه بكل قوته بصورة مستمرة..وضعت ايتن يدها علي فمها..فدماء مهاب كانت تسيل علي وجهه بصورة مرعبة..ولم يقترب اي احد ليبعدهم عن بعض، الجميع مرتبك وخائف لا احد يستطيع الوقوف أمامه..أخذ يضربه بكل قوته في أنحاء جسده لم يتوقف لحظة واحدة وما ان تأكد بأن ضلوع جسده كسرت نهض من عليه والتفت إلى ايتن التي كانت ترتجف..كانت عيناها حمرارتان كالدماء، لتقترب منه قائلة بتوسل:
-حمزة عشان خاطري..كفاية هيموت

صرخ حمزة بعصبية:
-ابعدي يا ايتن

ايتن بصوت شبه باكي:
-هيموت في ايدك..قوم قبل ما تحصل مشكلة

نطق من بين أسنانه وعيناه تلمعان بالشر:
-انا قولتلك ايه؟؟؟؟

ارتعبت من نبرة صوته لترجع إلى الخلف كما امرها

وقبل أن يترك مهاب الذي أصبح شبه فاقد للوعي..ليجلب زجاجة كانت في يد مهاب، موضوعة علي الارض..يكسرها على ذراعه وكتفه بدون رحمة

ثم صاح حمزة بصوت غليظ :
-لو شايف نفسك دكر..ولو اني اشك في تكوينك..فكر تمد ايدك عليها تاني..فاااااهم

صرخت ايتن بهلع حين رأت جرح ذراعه وكتفه والدماء تسيل على وجهه وجسمه

ثم امسكه من فروة شعره بعنف، قائلا بعصبية شديدة :
– دي بس قرصة ودن عشان ايدك الـ**** دي اتمدت على مراتي..لكن قسما بالله حساب زمان ده لأندمك عليه عمرك كله

تركه حمزة..ليتفاجأ بعدها بقليل أن هناك من ابلغ الشرطة عندما رفض حمزة تدخل أحد بينهم… حتى لا يحدث أي مشكلة .. فقام شخص من القسم باخراج الكلبشات من جيبه و وضعها في يده ليأخذه في السيارة البوليس بينما مهاب نقل على الإسعاف…

يتبع…..

مستنية آراءكم وتعليقاتكم ????❤️

بس حابة اعرف فين التفاعل ؟ ليه تفاعلكم بيزيد شوية وبعدين بيقل، ممكن ترجعوا تزودوا التفاعل تاني عشان حابة اعرف متابعين الرواية الفعليين… والناس اللي بتابع في صمت ياريت تظهر..

الرواية عموما باقي فيها 8 فصول وخاتمة وتخلص..

لو وصلتوا البارت ده لـ 600 لايك وكومنت هنزل بارت هدية اضافي بكرة…ولو موصلش للتفاعل ده البارت الجديد هينزل يوم الاثنين بعد بكرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى